| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
10. барин̣ад̇асигкаабад̣̇ам̣
10. Pariṇatasikkhāpadaṃ
657. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна саавад̇т̇ияам̣ ан̃н̃ад̇арасса бууг̇асса сан̇гхасса сажийварабхад̇д̇ам̣ бадияад̇д̇ам̣ ход̇и – ‘‘бхож̇зд̇ваа жийварзна ажчаад̣̇зссаамаа’’д̇и. ат̇а ко чаб̣б̣аг̇г̇ияаа бхигкуу язна со бууг̇о д̇знубасан̇гамим̣су; убасан̇гамид̇ваа д̇ам̣ бууг̇ам̣ зд̇ад̣̇авожум̣ – ‘‘д̣̇зт̇аавусо, амхаагам̣ имаани жийварааний’’д̇и. ‘‘на маяам̣, бханд̇з, д̣̇ассаама. амхаагам̣ сан̇гхасса анувассам̣ сажийварабхигкаа бан̃н̃ад̇д̇аа’’д̇и. ‘‘б̣ахуу, аавусо, сан̇гхасса д̣̇ааяагаа, б̣ахуу сан̇гхасса бхад̇д̇аа 1. маяам̣ д̇умхз ниссааяа д̇умхз самбассанд̇аа ид̇ха вихараама. д̇умхз жз амхаагам̣ на д̣̇ассат̇а, ат̇а го жарахи амхаагам̣ д̣̇ассад̇и? д̣̇зт̇аавусо, амхаагам̣ имаани жийварааний’’д̇и. ат̇а ко со бууг̇о чаб̣б̣аг̇г̇иязхи бхигкуухи ниббийл̣ияамаано яат̇аабадияад̇д̇ам̣ жийварам̣ чаб̣б̣аг̇г̇ияаанам̣ бхигкуунам̣ д̣̇ад̇ваа сан̇гхам̣ бхад̇д̇зна баривиси. яз д̇з бхигкуу ж̇аананд̇и сан̇гхасса сажийварабхад̇д̇ам̣ бадияад̇д̇ам̣, на жа ж̇аананд̇и чаб̣б̣аг̇г̇ияаанам̣ бхигкуунам̣ д̣̇иннанд̇и, д̇з звамаахам̣су – ‘‘он̣ож̇зт̇аавусо, сан̇гхасса жийвара’’нд̇и. ‘‘над̇т̇и, бханд̇з. яат̇аабадияад̇д̇ам̣ жийварам̣ аяяаа чаб̣б̣аг̇г̇ияаа ад̇д̇ано барин̣аамзсу’’нд̇и. яз д̇з бхигкуу аббижчаа… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу ж̇аанам̣ сан̇гхигам̣ лаабхам̣ барин̣ад̇ам̣ ад̇д̇ано барин̣аамзссанд̇ий’’д̇и ! ат̇а ко д̇з бхигкуу чаб̣б̣аг̇г̇ияз бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇умхз, бхигкавз, ж̇аанам̣ сан̇гхигам̣ лаабхам̣ барин̣ад̇ам̣ ад̇д̇ано барин̣аамзт̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, ж̇аанам̣ сан̇гхигам̣ лаабхам̣ барин̣ад̇ам̣ ад̇д̇ано барин̣аамзссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
657. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sāvatthiyaṃ aññatarassa pūgassa saṅghassa sacīvarabhattaṃ paṭiyattaṃ hoti – ‘‘bhojetvā cīvarena acchādessāmā’’ti. Atha kho chabbaggiyā bhikkhū yena so pūgo tenupasaṅkamiṃsu; upasaṅkamitvā taṃ pūgaṃ etadavocuṃ – ‘‘dethāvuso, amhākaṃ imāni cīvarānī’’ti. ‘‘Na mayaṃ, bhante, dassāma. Amhākaṃ saṅghassa anuvassaṃ sacīvarabhikkhā paññattā’’ti. ‘‘Bahū, āvuso, saṅghassa dāyakā, bahū saṅghassa bhattā 2. Mayaṃ tumhe nissāya tumhe sampassantā idha viharāma. Tumhe ce amhākaṃ na dassatha, atha ko carahi amhākaṃ dassati? Dethāvuso, amhākaṃ imāni cīvarānī’’ti. Atha kho so pūgo chabbaggiyehi bhikkhūhi nippīḷiyamāno yathāpaṭiyattaṃ cīvaraṃ chabbaggiyānaṃ bhikkhūnaṃ datvā saṅghaṃ bhattena parivisi. Ye te bhikkhū jānanti saṅghassa sacīvarabhattaṃ paṭiyattaṃ, na ca jānanti chabbaggiyānaṃ bhikkhūnaṃ dinnanti, te evamāhaṃsu – ‘‘oṇojethāvuso, saṅghassa cīvara’’nti. ‘‘Natthi, bhante. Yathāpaṭiyattaṃ cīvaraṃ ayyā chabbaggiyā attano pariṇāmesu’’nti. Ye te bhikkhū appicchā… te ujjhāyanti khiyyanti vipācenti – ‘‘kathañhi nāma chabbaggiyā bhikkhū jānaṃ saṅghikaṃ lābhaṃ pariṇataṃ attano pariṇāmessantī’’ti ! Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, jānaṃ saṅghikaṃ lābhaṃ pariṇataṃ attano pariṇāmethā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, jānaṃ saṅghikaṃ lābhaṃ pariṇataṃ attano pariṇāmessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
658. ‘‘яо бана бхигку ж̇аанам̣ сан̇гхигам̣ лаабхам̣ барин̣ад̇ам̣ ад̇д̇ано барин̣аамзяяа, ниссаг̇г̇ияам̣ баажид̇д̇ияа’’нд̇и.
658.‘‘Yo pana bhikkhu jānaṃ saṅghikaṃ lābhaṃ pariṇataṃ attano pariṇāmeyya, nissaggiyaṃ pācittiya’’nti.
659. яо банаад̇и яо яаад̣̇исо…бз… бхигкууд̇и…бз… аяа имасмим̣ ад̇т̇з ад̇хиббзд̇о бхигкууд̇и.
659.Yo panāti yo yādiso…pe… bhikkhūti…pe… aya imasmiṃ atthe adhippeto bhikkhūti.
3 ж̇аанаад̇и наама саамам̣ ваа ж̇аанаад̇и ан̃н̃з ваа д̇асса аарожзнд̇и со ваа аарожзд̇и.
4Jānāti nāma sāmaṃ vā jānāti aññe vā tassa ārocenti so vā āroceti.
5 сан̇гхигам̣ наама сан̇гхасса д̣̇иннам̣ ход̇и барижжад̇д̇ам̣.
6Saṅghikaṃ nāma saṅghassa dinnaṃ hoti pariccattaṃ.
7 лаабхо наама жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараа. анд̇амасо жун̣н̣абин̣д̣оби, д̣̇анд̇агадтамби, д̣̇асигасуд̇д̇амби.
8Lābho nāma cīvarapiṇḍapātasenāsanagilānappaccayabhesajjaparikkhārā. Antamaso cuṇṇapiṇḍopi, dantakaṭṭhampi, dasikasuttampi.
9 барин̣ад̇ам̣ наама д̣̇ассаама гариссаамаад̇и ваажаа бхиннаа ход̇и.
10Pariṇataṃ nāma dassāma karissāmāti vācā bhinnā hoti.
ад̇д̇ано барин̣аамзд̇и, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, ж̇аанам̣ сан̇гхигам̣ лаабхам̣ барин̣ад̇ам̣ ад̇д̇ано барин̣аамид̇ам̣ ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Attano pariṇāmeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, jānaṃ saṅghikaṃ lābhaṃ pariṇataṃ attano pariṇāmitaṃ nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
660. барин̣ад̇з барин̣ад̇асан̃н̃ий ад̇д̇ано барин̣аамзд̇и, ниссаг̇г̇ияам̣ баажид̇д̇ияам̣.
660. Pariṇate pariṇatasaññī attano pariṇāmeti, nissaggiyaṃ pācittiyaṃ.
барин̣ад̇з взмад̇иго ад̇д̇ано барин̣аамзд̇и, аабад̇д̇и д̣̇уггадасса. барин̣ад̇з абарин̣ад̇асан̃н̃ий ад̇д̇ано барин̣аамзд̇и, анаабад̇д̇и. сан̇гхасса барин̣ад̇ам̣ ан̃н̃асан̇гхасса ваа жзд̇ияасса ваа барин̣аамзд̇и, аабад̇д̇и д̣̇уггадасса. жзд̇ияасса барин̣ад̇ам̣ ан̃н̃ажзд̇ияасса ваа сан̇гхасса ваа буг̇г̇аласса ваа барин̣аамзд̇и, аабад̇д̇и д̣̇уггадасса. буг̇г̇аласса барин̣ад̇ам̣ ан̃н̃абуг̇г̇аласса ваа сан̇гхасса ваа жзд̇ияасса ваа барин̣аамзд̇и, аабад̇д̇и д̣̇уггадасса. абарин̣ад̇з барин̣ад̇асан̃н̃ий, аабад̇д̇и д̣̇уггадасса. абарин̣ад̇з взмад̇иго, аабад̇д̇и д̣̇уггадасса. абарин̣ад̇з абарин̣ад̇асан̃н̃ий, анаабад̇д̇и.
Pariṇate vematiko attano pariṇāmeti, āpatti dukkaṭassa. Pariṇate apariṇatasaññī attano pariṇāmeti, anāpatti. Saṅghassa pariṇataṃ aññasaṅghassa vā cetiyassa vā pariṇāmeti, āpatti dukkaṭassa. Cetiyassa pariṇataṃ aññacetiyassa vā saṅghassa vā puggalassa vā pariṇāmeti, āpatti dukkaṭassa. Puggalassa pariṇataṃ aññapuggalassa vā saṅghassa vā cetiyassa vā pariṇāmeti, āpatti dukkaṭassa. Apariṇate pariṇatasaññī, āpatti dukkaṭassa. Apariṇate vematiko, āpatti dukkaṭassa. Apariṇate apariṇatasaññī, anāpatti.
661. анаабад̇д̇и гад̇т̇а д̣̇змаад̇и бужчияамаано яад̇т̇а д̇умхаагам̣ д̣̇зяяад̇хаммо барибхог̇ам̣ ваа лабхзяяа бадисан̇каарам̣ ваа лабхзяяа жирадтид̇иго ваа асса яад̇т̇а ваа бана д̇умхаагам̣ жид̇д̇ам̣ басийд̣̇ад̇и д̇ад̇т̇а д̣̇зт̇аад̇и бхан̣ад̇и, уммад̇д̇агасса, аад̣̇игаммигассаад̇и.
661. Anāpatti kattha demāti pucchiyamāno yattha tumhākaṃ deyyadhammo paribhogaṃ vā labheyya paṭisaṅkhāraṃ vā labheyya ciraṭṭhitiko vā assa yattha vā pana tumhākaṃ cittaṃ pasīdati tattha dethāti bhaṇati, ummattakassa, ādikammikassāti.
барин̣ад̇асигкаабад̣̇ам̣ нидтид̇ам̣ д̣̇асамам̣.
Pariṇatasikkhāpadaṃ niṭṭhitaṃ dasamaṃ.
бад̇д̇аваг̇г̇о д̇ад̇ияо.
Pattavaggo tatiyo.
д̇ассуд̣̇д̣̇аанам̣ –
Tassuddānaṃ –
д̣̇вз жа бад̇д̇аани бхзсаж̇ж̇ам̣, вассигаа д̣̇аанабан̃жамам̣;
Dve ca pattāni bhesajjaṃ, vassikā dānapañcamaṃ;
саамам̣ вааяаабанажжзго, саасан̇гам̣ сан̇гхигзна жаад̇и.
Sāmaṃ vāyāpanacceko, sāsaṅkaṃ saṅghikena cāti.
662. уд̣̇д̣̇идтаа ко, ааяасманд̇о, д̇им̣са ниссаг̇г̇ияаа баажид̇д̇ияаа д̇хаммаа. д̇ад̇т̇ааяасманд̇з бужчаами – ‘гажжид̇т̇а барисуд̣̇д̇хаа’? д̣̇уд̇ияамби бужчаами – ‘гажжид̇т̇а барисуд̣̇д̇хаа’? д̇ад̇ияамби бужчаами – ‘гажжид̇т̇а барисуд̣̇д̇хаа’? барисуд̣̇д̇хзд̇т̇ааяасманд̇о, д̇асмаа д̇ун̣хий, звамзд̇ам̣ д̇хаараяаамийд̇и.
662. Uddiṭṭhā kho, āyasmanto, tiṃsa nissaggiyā pācittiyā dhammā. Tatthāyasmante pucchāmi – ‘kaccittha parisuddhā’? Dutiyampi pucchāmi – ‘kaccittha parisuddhā’? Tatiyampi pucchāmi – ‘kaccittha parisuddhā’? Parisuddhetthāyasmanto, tasmā tuṇhī, evametaṃ dhārayāmīti.
ниссаг̇г̇ияаган̣д̣ам̣ нидтид̇ам̣.
Nissaggiyakaṇḍaṃ niṭṭhitaṃ.
баарааж̇игабаал̣и нидтид̇аа.
Pārājikapāḷi niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. барин̣ад̇асигкаабад̣̇аван̣н̣анаа • 10. Pariṇatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. барин̣ад̇асигкаабад̣̇аван̣н̣анаа • 10. Pariṇatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. барин̣ад̇асигкаабад̣̇аван̣н̣анаа • 10. Pariṇatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. барин̣ад̇асигкаабад̣̇аван̣н̣анаа • 10. Pariṇatasikkhāpadavaṇṇanā
