| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
(೨೨) ೨. ಪರಿಸಾವಗ್ಗೋ
(22) 2. Parisāvaggo
೧. ಪರಿಸಾಸುತ್ತಂ
1. Parisāsuttaṃ
೨೧೧. ‘‘ಚತ್ತಾರೋಮೇ , ಭಿಕ್ಖವೇ, ಪರಿಸದೂಸನಾ। ಕತಮೇ ಚತ್ತಾರೋ? ಭಿಕ್ಖು, ಭಿಕ್ಖವೇ 1, ದುಸ್ಸೀಲೋ ಪಾಪಧಮ್ಮೋ ಪರಿಸದೂಸನೋ; ಭಿಕ್ಖುನೀ, ಭಿಕ್ಖವೇ, ದುಸ್ಸೀಲಾ ಪಾಪಧಮ್ಮಾ ಪರಿಸದೂಸನಾ; ಉಪಾಸಕೋ, ಭಿಕ್ಖವೇ, ದುಸ್ಸೀಲೋ ಪಾಪಧಮ್ಮೋ ಪರಿಸದೂಸನೋ; ಉಪಾಸಿಕಾ, ಭಿಕ್ಖವೇ, ದುಸ್ಸೀಲಾ ಪಾಪಧಮ್ಮಾ ಪರಿಸದೂಸನಾ। ಇಮೇ ಖೋ, ಭಿಕ್ಖವೇ, ಚತ್ತಾರೋ ಪರಿಸದೂಸನಾ।
211. ‘‘Cattārome , bhikkhave, parisadūsanā. Katame cattāro? Bhikkhu, bhikkhave 2, dussīlo pāpadhammo parisadūsano; bhikkhunī, bhikkhave, dussīlā pāpadhammā parisadūsanā; upāsako, bhikkhave, dussīlo pāpadhammo parisadūsano; upāsikā, bhikkhave, dussīlā pāpadhammā parisadūsanā. Ime kho, bhikkhave, cattāro parisadūsanā.
‘‘ಚತ್ತಾರೋಮೇ, ಭಿಕ್ಖವೇ, ಪರಿಸಸೋಭನಾ। ಕತಮೇ ಚತ್ತಾರೋ? ಭಿಕ್ಖು, ಭಿಕ್ಖವೇ, ಸೀಲವಾ ಕಲ್ಯಾಣಧಮ್ಮೋ ಪರಿಸಸೋಭನೋ ; ಭಿಕ್ಖುನೀ, ಭಿಕ್ಖವೇ, ಸೀಲವತೀ ಕಲ್ಯಾಣಧಮ್ಮಾ ಪರಿಸಸೋಭನಾ; ಉಪಾಸಕೋ, ಭಿಕ್ಖವೇ, ಸೀಲವಾ ಕಲ್ಯಾಣಧಮ್ಮೋ ಪರಿಸಸೋಭನೋ; ಉಪಾಸಿಕಾ, ಭಿಕ್ಖವೇ, ಸೀಲವತೀ ಕಲ್ಯಾಣಧಮ್ಮಾ ಪರಿಸಸೋಭನಾ। ಇಮೇ ಖೋ, ಭಿಕ್ಖವೇ, ಚತ್ತಾರೋ ಪರಿಸಸೋಭನಾ’’ತಿ। ಪಠಮಂ।
‘‘Cattārome, bhikkhave, parisasobhanā. Katame cattāro? Bhikkhu, bhikkhave, sīlavā kalyāṇadhammo parisasobhano ; bhikkhunī, bhikkhave, sīlavatī kalyāṇadhammā parisasobhanā; upāsako, bhikkhave, sīlavā kalyāṇadhammo parisasobhano; upāsikā, bhikkhave, sīlavatī kalyāṇadhammā parisasobhanā. Ime kho, bhikkhave, cattāro parisasobhanā’’ti. Paṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೧. ಪರಿಸಾಸುತ್ತವಣ್ಣನಾ • 1. Parisāsuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೦. ಸಿಕ್ಖಾಪದಸುತ್ತಾದಿವಣ್ಣನಾ • 1-10. Sikkhāpadasuttādivaṇṇanā
