| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
87. баарисуд̣̇д̇хид̣̇аанагат̇аа
87. Pārisuddhidānakathā
164. язна гзнажи ан̇г̇абажжан̇г̇зна вин̃н̃аабзд̇ийд̇и бадиважанам̣ нижчаарзд̇умасаггонд̇о язна гзнажи ан̇г̇абажжан̇г̇зна вин̃н̃аабзд̇и. убхаяат̇аад̇и убхаязхи гааяаваажаасан̇каад̇зхи аагаарзхи. гааяаваажаахи вин̃н̃аабзд̇ийд̇и самб̣анд̇хо. саб̣б̣зд̇и акилаа г̇илаанаа. хад̇т̇абаасзд̇и сан̇гхасса хад̇т̇абаасамхи. сажз д̣̇уурз хонд̇ийд̇и сажз б̣ахуу г̇илаанаа ан̃н̃аман̃н̃ам̣ д̣̇уурз хонд̇и. д̇ам̣ д̣̇ивасанд̇и д̇асмим̣ сан̇гхааббахонагад̣̇ивасз.
164.Yena kenaci aṅgapaccaṅgena viññāpetīti paṭivacanaṃ nicchāretumasakkonto yena kenaci aṅgapaccaṅgena viññāpeti. Ubhayathāti ubhayehi kāyavācāsaṅkhātehi ākārehi. Kāyavācāhi viññāpetīti sambandho. Sabbeti akhilā gilānā. Hatthapāseti saṅghassa hatthapāsamhi. Sace dūre hontīti sace bahū gilānā aññamaññaṃ dūre honti. Taṃ divasanti tasmiṃ saṅghaappahonakadivase.
д̇ад̇т̇зва баггамад̇ийд̇и зд̇т̇а ниссаггад̇т̇з т̇абажжаяод̇и ааха ‘‘д̇ад̇оваа’’д̇и, баарисуд̣̇д̇хихаарадтаанад̇о зваад̇и ад̇т̇о. ‘‘г̇ажчад̇ий’’д̇и иминаа гамуд̇хаад̇уяаа бад̣̇авигкзбад̇т̇ам̣ д̣̇ассзд̇и, ‘‘гад̇т̇ажий’’д̇и иминаа д̇асса гаммам̣. сааман̣зро бадиж̇аанаад̇ийд̇иаад̣̇ийсу бадиж̇аананаагаарад̇т̇асса ид̇исад̣̇д̣̇асса лобабхаавам̣ д̣̇ассзнд̇о ааха ‘‘сааман̣зро аха’’нд̇и звам̣ бадиж̇аанаад̇ий’’д̇иаад̣̇и. бхууд̇ам̣язваад̇и виж̇ж̇амаанам̣язва. саб̣б̣ад̇т̇аад̇и саб̣б̣зсу ‘‘сигкам̣ бажжагкаад̇аго бадиж̇аанаад̇ий’’д̇иаад̣̇ийсу.
Tattheva pakkamatīti ettha nissakkatthe thapaccayoti āha ‘‘tatovā’’ti, pārisuddhihāraṭṭhānato evāti attho. ‘‘Gacchatī’’ti iminā kamudhātuyā padavikkhepatthaṃ dasseti, ‘‘katthacī’’ti iminā tassa kammaṃ. Sāmaṇero paṭijānātītiādīsu paṭijānanākāratthassa itisaddassa lopabhāvaṃ dassento āha ‘‘sāmaṇero aha’’nti evaṃ paṭijānātī’’tiādi. Bhūtaṃyevāti vijjamānaṃyeva. Sabbatthāti sabbesu ‘‘sikkhaṃ paccakkhātako paṭijānātī’’tiādīsu.
саб̣б̣анд̇имзна барижчзд̣̇зна жад̇уннам̣ бхигкуунанд̇и самб̣анд̇хо. саб̣б̣ад̇т̇аад̇и саб̣б̣зсу ‘‘сан̇гхаббад̇д̇о виб̣бхамад̇ий’’д̇иаад̣̇ийсу. зд̇т̇аад̇и баарисуд̣̇д̇хихаран̣з. б̣ахуунамбийд̇и зд̇т̇а бисад̣̇д̣̇зна згзна згассааби, б̣ахуухи згассааби, б̣ахуухи б̣ахуунамби аахадаа баарисуд̣̇д̇хи аахадаава ход̇ийд̇и д̣̇ассзд̇и. сод̇и баарисуд̣̇д̇хихаараго бхигку. язсанд̇и бхигкуунам̣. д̇ассзваад̇и баарисуд̣̇д̇хихаарагассзва. ид̇араа банаад̇и ид̇арзсам̣ баарисуд̣̇д̇хи бана. б̣ил̣ааласан̇калигаад̇и зд̇т̇а б̣ил̣аалод̇и аакубхуж̇о. со хи б̣ил̣аасаяам̣ аакум̣ г̇ан̣хид̇ум̣ алад̇и самад̇т̇зд̇ийд̇и б̣ил̣аалод̇и вужжад̇и. сан̇калигаад̇и зд̇ам̣ сад̇д̇аанам̣ б̣анд̇хануубагаран̣ависзсасса наамам̣. б̣ил̣ааласса сан̇калигаа д̇зна самб̣анд̇хасамб̣анд̇хибхаавзна самб̣анд̇хад̇д̇аад̇и б̣ил̣ааласан̇калигаа. ид̣̇ам̣ убалагкан̣амад̇д̇ам̣ язсам̣ гзсан̃жи сан̇калигааяа г̇ахзд̇аб̣б̣ад̇д̇аа. д̇ааяа сад̣̇исаа б̣ил̣ааласан̇калигаа баарисуд̣̇д̇хийд̇и ад̇т̇о. ид̣̇ам̣ банзд̇т̇а обаммасам̣санд̣̇анам̣ – яат̇аа сан̇калигааяа батамам̣ валаяам̣ д̣̇уд̇ияам̣язва валаяам̣ баабун̣аад̇и, на д̇ад̇ияам̣, звамзва батамам̣ д̣̇иннаа баарисуд̣̇д̇хи д̣̇уд̇ияамзва баабун̣аад̇и, на д̇ад̇ияанд̇и.
Sabbantimena paricchedena catunnaṃ bhikkhūnanti sambandho. Sabbatthāti sabbesu ‘‘saṅghappatto vibbhamatī’’tiādīsu. Etthāti pārisuddhiharaṇe. Bahūnampīti ettha pisaddena ekena ekassāpi, bahūhi ekassāpi, bahūhi bahūnampi āhaṭā pārisuddhi āhaṭāva hotīti dasseti. Soti pārisuddhihārako bhikkhu. Yesanti bhikkhūnaṃ. Tassevāti pārisuddhihārakasseva. Itarā panāti itaresaṃ pārisuddhi pana. Biḷālasaṅkhalikāti ettha biḷāloti ākhubhujo. So hi biḷāsayaṃ ākhuṃ gaṇhituṃ alati samatthetīti biḷāloti vuccati. Saṅkhalikāti etaṃ sattānaṃ bandhanūpakaraṇavisesassa nāmaṃ. Biḷālassa saṅkhalikā tena sambandhasambandhibhāvena sambandhattāti biḷālasaṅkhalikā. Idaṃ upalakkhaṇamattaṃ yesaṃ kesañci saṅkhalikāya gahetabbattā. Tāya sadisā biḷālasaṅkhalikā pārisuddhīti attho. Idaṃ panettha opammasaṃsandanaṃ – yathā saṅkhalikāya paṭhamaṃ valayaṃ dutiyaṃyeva valayaṃ pāpuṇāti, na tatiyaṃ, evameva paṭhamaṃ dinnā pārisuddhi dutiyameva pāpuṇāti, na tatiyanti.
ааг̇анд̇ваад̇и сан̇гхасса хад̇т̇абаасам̣ ааг̇анд̇ваа. баал̣ияам̣ суд̇д̇о на аарожзд̇ийд̇иаад̣̇ийсу хзд̇вад̇т̇з бажжад̇д̇аважанам̣. суд̇д̇зна наарожзд̇ийд̇и хи ад̇т̇о. баарисуд̣̇д̇хихаарагасса анаабад̇д̇ийд̇и зд̇т̇а аабад̇д̇ийд̇и анваяад̇т̇ам̣ ад̇т̇аабад̇д̇ид̇о д̣̇ассзнд̇о ааха ‘‘сажз…бз… аабаж̇ж̇ад̇ий’’д̇и. ассаад̇и бхигкусса. убхиннамбийд̇и баарисуд̣̇д̇хид̣̇ааяагасса, д̇ам̣хаарагасса жаад̇и убхиннамби.
Āgantvāti saṅghassa hatthapāsaṃ āgantvā. Pāḷiyaṃ sutto na ārocetītiādīsu hetvatthe paccattavacanaṃ. Suttena nārocetīti hi attho. Pārisuddhihārakassa anāpattīti ettha āpattīti anvayatthaṃ atthāpattito dassento āha ‘‘sace…pe… āpajjatī’’ti. Assāti bhikkhussa. Ubhinnampīti pārisuddhidāyakassa, taṃhārakassa cāti ubhinnampi.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 87. баарисуд̣̇д̇хид̣̇аанагат̇аа • 87. Pārisuddhidānakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баарисуд̣̇д̇хид̣̇аанагат̇аа • Pārisuddhidānakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баарисуд̣̇д̇хид̣̇аанагат̇ааван̣н̣анаа • Pārisuddhidānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баарисуд̣̇д̇хид̣̇аанагат̇ааван̣н̣анаа • Pārisuddhidānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / багкаг̇ан̣анаад̣̇иуг̇г̇ахан̣аануж̇аананагат̇аад̣̇иван̣н̣анаа • Pakkhagaṇanādiuggahaṇānujānanakathādivaṇṇanā
