| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
2. бариваасагат̇аа
2. Parivāsakathā
102. д̇ассаад̇и бадижчаннамаанад̇д̇асса. самод̇хаанзд̇ваад̇и ид̇хзва бариваасагат̇ааяам̣ самод̇хаанзд̇ваа. ид̇хзва бариваасагат̇ааяам̣ д̣̇ассаяиссаамаад̇и яож̇анаа. ид̇хзвасад̣̇д̣̇о хи буб̣б̣аабараабзгко.
102.Tassāti paṭicchannamānattassa. Samodhānetvāti idheva parivāsakathāyaṃ samodhānetvā. Idheva parivāsakathāyaṃ dassayissāmāti yojanā. Idhevasaddo hi pubbāparāpekkho.
ид̇ха ад̇хиббзд̇ам̣ бариваасам̣ вид̇т̇аарзд̇ваа д̣̇ассзнд̇о ааха ‘‘аяам̣ хий’’д̇иаад̣̇и. ид̇ха ад̇хиббзд̇о бариваасо наама д̇ивид̇хо ход̇ийд̇и яож̇анаа. д̇ад̇т̇аад̇и д̇ивид̇хзсу бариваасзсу. ‘‘яат̇аабадижчаннааяа аабад̇д̇ияаа’’д̇и важанам̣ вид̇т̇аарзнд̇о ааха ‘‘гассажи хий’’д̇иаад̣̇и. яат̇аа уд̣̇ааяид̇т̇зрасса згаахабадижчаннаа аяам̣ аабад̇д̇и ход̇и, д̇ат̇аа гассажи згаахабадижчаннаа аабад̇д̇и ход̇ийд̇и яож̇анаа. яат̇аа жа барад̇о ааг̇ад̇аа уд̣̇ааяид̇т̇зрассзва аабад̇д̇и ход̇и, д̇ат̇аа гассажи д̣̇вихаад̣̇ибадижчаннаа аабад̇д̇и ход̇ийд̇и яож̇анаа. иминаа вуд̇д̇анаяаанусаарзна барад̇оби наяо нзд̇аб̣б̣о. д̇асмаад̇и яасмаа згаахаад̣̇ибадижчаннаа згаад̣̇иаабад̇д̇и ход̇и, д̇асмаа ж̇аанид̇аб̣б̣од̇и яож̇анаа.
Idha adhippetaṃ parivāsaṃ vitthāretvā dassento āha ‘‘ayaṃ hī’’tiādi. Idha adhippeto parivāso nāma tividho hotīti yojanā. Tatthāti tividhesu parivāsesu. ‘‘Yathāpaṭicchannāya āpattiyā’’ti vacanaṃ vitthārento āha ‘‘kassaci hī’’tiādi. Yathā udāyittherassa ekāhapaṭicchannā ayaṃ āpatti hoti, tathā kassaci ekāhapaṭicchannā āpatti hotīti yojanā. Yathā ca parato āgatā udāyittherasseva āpatti hoti, tathā kassaci dvihādipaṭicchannā āpatti hotīti yojanā. Iminā vuttanayānusārena paratopi nayo netabbo. Tasmāti yasmā ekāhādipaṭicchannā ekādiāpatti hoti, tasmā jānitabboti yojanā.
бадижчаннабхаавам̣ вид̇т̇аарзнд̇о ааха ‘‘аяам̣ хий’’д̇иаад̣̇и. д̇ад̇т̇аад̇и ‘‘д̣̇асахаагаарзхий’’д̇и баатз. аабад̇д̇иид̇и сан̃н̃аа зд̇ассаад̇и аабад̇д̇исан̃н̃ий . баху жаад̇и самад̇т̇о жа. бабуб̣б̣о хууд̇хаад̇у самад̇т̇ад̇т̇з ход̇и.
Paṭicchannabhāvaṃ vitthārento āha ‘‘ayaṃ hī’’tiādi. Tatthāti ‘‘dasahākārehī’’ti pāṭhe. Āpattiiti saññā etassāti āpattisaññī. Pahu cāti samattho ca. Papubbo hūdhātu samatthatthe hoti.
д̇ад̇т̇аад̇и д̇ассам̣ маад̇игааяам̣. яанд̇и аабад̇д̇им̣. соби жаад̇и бхигкуби жа. д̇ад̇т̇аад̇и д̇ассам̣ аабад̇д̇ияам̣. аяанд̇и бхигку. д̇ад̇т̇аад̇и аабад̇д̇ияам̣. алаж̇ж̇ибагкз д̇идтад̇ийд̇и ‘‘сан̃жижжа аабад̇д̇им̣ бариг̇уухад̇ий’’д̇и (бари. 359) вуд̇д̇абагкз тид̇ад̇д̇аа алаж̇ж̇ибагкз д̇идтад̇и.
Tatthāti tassaṃ mātikāyaṃ. Yanti āpattiṃ. Sopi cāti bhikkhupi ca. Tatthāti tassaṃ āpattiyaṃ. Ayanti bhikkhu. Tatthāti āpattiyaṃ. Alajjipakkhe tiṭṭhatīti ‘‘sañcicca āpattiṃ parigūhatī’’ti (pari. 359) vuttapakkhe ṭhitattā alajjipakkhe tiṭṭhati.
багад̇ад̇д̇од̇и зд̇т̇а ‘‘баарааж̇игам̣ анаж̇жхаабанно’’д̇и ад̇т̇ам̣ бадигкибанд̇о ааха ‘‘д̇ивид̇хам̣ угкзбанийяагаммам̣ агад̇о’’д̇и. зд̇анд̇и аббадижчаннабхаавам̣, ‘‘аабаж̇ж̇ад̇и…бз… гусалзхи жинд̇ид̇аа’’д̇и важанам̣ ваа.
Pakatattoti ettha ‘‘pārājikaṃ anajjhāpanno’’ti atthaṃ paṭikkhipanto āha ‘‘tividhaṃ ukkhepanīyakammaṃ akato’’ti. Etanti appaṭicchannabhāvaṃ, ‘‘āpajjati…pe… kusalehi cintitā’’ti vacanaṃ vā.
г̇аат̇ааяа ‘‘саавасзса’’нд̇и иминаа баарааж̇игам̣ нивад̇д̇зд̇и. г̇аруганд̇и зд̇т̇а сан̇гхаад̣̇исзсамзва ад̇хиббзд̇анд̇и д̣̇ассзд̇и. анаад̣̇арияанд̇и сигкаабад̣̇з анаад̣̇арияам̣. важ̇ж̇анд̇и д̣̇уггадам̣. угкид̇д̇агзна гаран̣абхууд̇зна.
Gāthāya ‘‘sāvasesa’’nti iminā pārājikaṃ nivatteti. Garukanti ettha saṅghādisesameva adhippetanti dasseti. Anādariyanti sikkhāpade anādariyaṃ. Vajjanti dukkaṭaṃ. Ukkhittakena karaṇabhūtena.
яассаад̇и бхигкусса, над̇т̇ийд̇и самб̣анд̇хо. бхийругаж̇аад̇игад̇ааяаад̇и бхийругасабхаавад̇ааяа. баб̣б̣ад̇авихаарз васанд̇асса яасса бхигкунод̇и яож̇анаа. баб̣б̣ад̇авихаарзд̇и баб̣б̣ад̇асса д̇алз, анд̇арз ваа гаарид̇з вихаарз. зд̇асминд̇и зд̇аад̣̇исз. анд̇арааяз сад̇иязваад̇и яож̇анаа. д̇асса ажчаннаава ход̇ийд̇и яож̇анаа. ананд̇арааяигасан̃н̃ааяа чаад̣̇аяад̇о ажчаннааваад̇и ананд̇арааяигасан̃н̃ааяа чаад̣̇знд̇ассааби зганд̇зна анд̇арааяигад̇д̇аа ажчаннааваад̇и ад̇хиббааяо.
Yassāti bhikkhussa, natthīti sambandho. Bhīrukajātikatāyāti bhīrukasabhāvatāya. Pabbatavihāre vasantassa yassa bhikkhunoti yojanā. Pabbatavihāreti pabbatassa tale, antare vā kārite vihāre. Etasminti etādise. Antarāye satiyevāti yojanā. Tassa acchannāva hotīti yojanā. Anantarāyikasaññāya chādayato acchannāvāti anantarāyikasaññāya chādentassāpi ekantena antarāyikattā acchannāvāti adhippāyo.
ассаад̇и бхигкусса. ханугаваад̇од̇и ханугасса г̇злан̃н̃агаро ваад̇о. виж̇жхад̇ийд̇и ханугам̣ виж̇жхад̇и. иминаад̇и бхигкунаа. бахусан̃н̃ино чаад̣̇ид̇ааби зганд̇зна абахуд̇д̇аа ажчаад̣̇ид̇аава ход̇и.
Assāti bhikkhussa. Hanukavātoti hanukassa gelaññakaro vāto. Vijjhatīti hanukaṃ vijjhati. Imināti bhikkhunā. Pahusaññino chāditāpi ekantena apahuttā acchāditāva hoti.
чаад̣̇зд̇угаамо жаад̇и зд̇т̇а ид̣̇ам̣ жад̇уггам̣ взд̣̇ид̇аб̣б̣ам̣ чаад̣̇зд̇угаамо чаад̣̇зд̇и, чаад̣̇зд̇угаамо нажчаад̣̇зд̇и, ажчаад̣̇зд̇угаамо чаад̣̇зд̇и, нажчаад̣̇зд̇угаамо нажчаад̣̇зд̇ийд̇и. д̇ад̇т̇а батамабад̣̇ам̣ санд̇хааяа вуд̇д̇ам̣ ‘‘ид̣̇ам̣ уд̇д̇аанад̇т̇амзваа’’д̇и. звам̣ сзсаасуби маад̇игаасу жад̇уггам̣ взд̣̇ид̇аб̣б̣ам̣ . жад̇уусу жад̇уггзсу батамабад̣̇з зва чаннаа ход̇и, на сзсабад̣̇зсу. ануд̇д̇аанад̇т̇ам̣ д̣̇ассзнд̇о ааха ‘‘сажз банаа’’д̇иаад̣̇и. бурзбхад̇д̇з ваад̇и бурзбхад̇д̇ам̣ ваа, бхад̇д̇ад̇о, бхад̇д̇асса ваа бурзд̇и бурзбхад̇д̇ам̣. аб̣яаяийбхаавасамаасз сад̇д̇амийвибхад̇д̇ияаа амид̇игаарияасса анижжабхаавад̇о вуд̇д̇ам̣ ‘‘бурзбхад̇д̇з’’д̇и. зсзва наяо ‘‘бажчаабхад̇д̇з’’д̇и зд̇т̇ааби. д̣̇уд̇ияабад̣̇асса ад̇т̇ам̣ д̣̇ассзд̇ваа д̇ад̇ияабад̣̇асса ад̇т̇ам̣ д̣̇ассзнд̇о ааха ‘‘яасса банаа’’д̇иаад̣̇и. абхигкугз таанз васанд̇асса яасса бхигкуссаад̇и яож̇анаа. ааг̇амзнд̇асса г̇ажчанд̇ассаад̇и анаад̣̇арз жзд̇аани саамиважанаани.
Chādetukāmo cāti ettha idaṃ catukkaṃ veditabbaṃ chādetukāmo chādeti, chādetukāmo nacchādeti, acchādetukāmo chādeti, nacchādetukāmo nacchādetīti. Tattha paṭhamapadaṃ sandhāya vuttaṃ ‘‘idaṃ uttānatthamevā’’ti. Evaṃ sesāsupi mātikāsu catukkaṃ veditabbaṃ . Catūsu catukkesu paṭhamapade eva channā hoti, na sesapadesu. Anuttānatthaṃ dassento āha ‘‘sace panā’’tiādi. Purebhatte vāti purebhattaṃ vā, bhattato, bhattassa vā pureti purebhattaṃ. Abyayībhāvasamāse sattamīvibhattiyā amitikāriyassa aniccabhāvato vuttaṃ ‘‘purebhatte’’ti. Eseva nayo ‘‘pacchābhatte’’ti etthāpi. Dutiyapadassa atthaṃ dassetvā tatiyapadassa atthaṃ dassento āha ‘‘yassa panā’’tiādi. Abhikkhuke ṭhāne vasantassa yassa bhikkhussāti yojanā. Āgamentassa gacchantassāti anādare cetāni sāmivacanāni.
жад̇уд̇т̇абад̣̇асса ад̇т̇ам̣ д̣̇ассзнд̇о ааха ‘‘яо банаа’’д̇иаад̣̇и. д̇ад̇т̇а яо банаад̇и бхигку бана, аави гарод̇ийд̇и самб̣анд̇хо. сабхааг̇анд̇и авзрим̣. аяанд̇и бхигку. убаж̇жхааяо ид̇и ваа аажарияо ид̇и ваад̇и яож̇анаа. лаж̇ж̇ааяаад̇и лаж̇ж̇анимид̇д̇ам̣, лаж̇ж̇агааран̣аа, лаж̇ж̇ахзд̇у ваа. хийд̇и сажжам̣, яасмаа ваа, ид̇хаад̇и аабад̇д̇иаарожанадтаанз. авзрисабхааг̇ассаад̇и авзрий худ̇ваа сабхааг̇асса.
Catutthapadassa atthaṃ dassento āha ‘‘yo panā’’tiādi. Tattha yo panāti bhikkhu pana, āvi karotīti sambandho. Sabhāganti averiṃ. Ayanti bhikkhu. Upajjhāyo iti vā ācariyo iti vāti yojanā. Lajjāyāti lajjanimittaṃ, lajjakāraṇā, lajjahetu vā. Hīti saccaṃ, yasmā vā, idhāti āpattiārocanaṭṭhāne. Averisabhāgassāti averī hutvā sabhāgassa.
багаасзд̇угаамод̇и ан̃н̃зсам̣ багаасзд̇угаамо. убаж̇жхааяассаабийд̇и бисад̣̇д̣̇зна ан̃н̃асса санд̇игз гаа наама гат̇аад̇и д̣̇ассзд̇и. д̇ад̇т̇аад̇и аабад̇д̇иаарожанадтаанз. сабхааг̇асан̇гхаад̣̇исзсанд̇и вад̇т̇усабхааг̇асан̇гхаад̣̇исзсам̣. суд̣̇д̇хассаад̇и вад̇т̇усабхааг̇асан̇гхаад̣̇исзсад̇о суд̣̇д̇хасса. аавигаран̣аагаарам̣ д̣̇ассзнд̇о ааха ‘‘аавигаронд̇о жаа’’д̇иаад̣̇и. ид̇и имаанийд̇иаад̣̇и ниг̇аманам̣.
Pakāsetukāmoti aññesaṃ pakāsetukāmo. Upajjhāyassāpīti pisaddena aññassa santike kā nāma kathāti dasseti. Tatthāti āpattiārocanaṭṭhāne. Sabhāgasaṅghādisesanti vatthusabhāgasaṅghādisesaṃ. Suddhassāti vatthusabhāgasaṅghādisesato suddhassa. Āvikaraṇākāraṃ dassento āha ‘‘āvikaronto cā’’tiādi. Iti imānītiādi nigamanaṃ.
д̇ад̇од̇и ж̇аанид̇аб̣б̣ад̇о, баранд̇и самб̣анд̇хо. згаахабадижчаннаад̇и згаахзна бадижчаннаа. яаава жуд̣̇д̣̇аса д̣̇ивасаани, д̇аава д̣̇ивасавасзна яож̇анаа гаад̇аб̣б̣аад̇и яож̇анаа. багкабадижчаннанд̇и багкзна бадижчаннам̣. ад̇ирзгабагкабадижчаннанд̇и багкад̇о ад̇ирзгзна бадижчаннам̣.
Tatoti jānitabbato, paranti sambandho. Ekāhapaṭicchannāti ekāhena paṭicchannā. Yāva cuddasa divasāni, tāva divasavasena yojanā kātabbāti yojanā. Pakkhapaṭicchannanti pakkhena paṭicchannaṃ. Atirekapakkhapaṭicchannanti pakkhato atirekena paṭicchannaṃ.
сам̣важчарабадижчаннанд̇и сам̣важчарзна бадижчаннам̣. д̇ад̇о ваад̇и ад̇ирзгасадтисам̣важча рад̇о ваа. бхияяобийд̇и ад̇ирзгамби.
Saṃvaccharapaṭicchannanti saṃvaccharena paṭicchannaṃ. Tato vāti atirekasaṭṭhisaṃvaccha rato vā. Bhiyyopīti atirekampi.
д̇ад̇од̇и д̇ийхи аабад̇д̇ийхи. баранд̇и ад̇ирзгам̣. г̇ан̣анавасзнаад̇и аабад̇д̇иг̇ан̣анавасзна. вад̇т̇угид̇д̇анавасзна ваад̇и аабад̇д̇ийнам̣ вад̇т̇угид̇д̇анавасзна ваа. наамамад̇д̇авасзна ваад̇и ‘‘сан̇гхаад̣̇исзсаабад̇д̇ияо’’д̇и звам̣ наамассзва васзна ваа. зд̇т̇а хи мад̇д̇асад̣̇д̣̇о авад̇хааран̣ад̇т̇о, д̇зна вад̇т̇ум̣ нивад̇д̇зд̇и.
Tatoti tīhi āpattīhi. Paranti atirekaṃ. Gaṇanavasenāti āpattigaṇanavasena. Vatthukittanavasena vāti āpattīnaṃ vatthukittanavasena vā. Nāmamattavasena vāti ‘‘saṅghādisesāpattiyo’’ti evaṃ nāmasseva vasena vā. Ettha hi mattasaddo avadhāraṇattho, tena vatthuṃ nivatteti.
д̇ад̇т̇аад̇и ‘‘наамамад̇д̇авасзнаа’’д̇и бад̣̇з. саж̇аад̇исаад̇хааран̣анд̇и сасса ад̇д̇ано ж̇аад̇и саж̇аад̇и, д̇ааяа саад̇хааран̣ам̣ саж̇аад̇исаад̇хааран̣ам̣. саб̣б̣зсам̣, саб̣б̣зхи ваа аабад̇д̇ийхи саад̇хааран̣ам̣ саб̣б̣асаад̇хааран̣ам̣. д̇ад̇т̇аад̇и д̣̇увид̇хзсу наамзсу. саб̣б̣асаад̇хааран̣анаамавасзнаабийд̇и зд̇т̇а бисад̣̇д̣̇о ‘‘ахам̣ бханд̇з самб̣ахулаа сан̇гхаад̣̇исзсаа аабаж̇ж̇им̣ згаахабадижчаннааяо’’д̇и звам̣ саж̇аад̇исаад̇хааран̣анаамавасзнаби ‘‘ахам̣ бханд̇з самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ згаахабадижчаннааяо’’д̇и звам̣ убхаяасаад̇хааран̣авасзнаби вад̇д̇ум̣ ваддад̇ийд̇и д̣̇ассзд̇и. хийд̇и сажжам̣. саб̣б̣амби бариваасаад̣̇игам̣ ид̣̇ам̣ винаяагамманд̇и яож̇анаа. васад̇и аабад̇д̇и зд̇т̇а д̇ад̣̇ааяад̇д̇авуд̇д̇ид̇ааяаад̇и вад̇т̇у. г̇о вужжад̇и важанам̣ ваа н̃аан̣ам̣ ваа, д̇ам̣ д̇ааяад̇ийд̇и г̇од̇д̇ам̣.
Tatthāti ‘‘nāmamattavasenā’’ti pade. Sajātisādhāraṇanti sassa attano jāti sajāti, tāya sādhāraṇaṃ sajātisādhāraṇaṃ. Sabbesaṃ, sabbehi vā āpattīhi sādhāraṇaṃ sabbasādhāraṇaṃ. Tatthāti duvidhesu nāmesu. Sabbasādhāraṇanāmavasenāpīti ettha pisaddo ‘‘ahaṃ bhante sambahulā saṅghādisesā āpajjiṃ ekāhapaṭicchannāyo’’ti evaṃ sajātisādhāraṇanāmavasenapi ‘‘ahaṃ bhante sambahulā saṅghādisesā āpattiyo āpajjiṃ ekāhapaṭicchannāyo’’ti evaṃ ubhayasādhāraṇavasenapi vattuṃ vaṭṭatīti dasseti. Hīti saccaṃ. Sabbampi parivāsādikaṃ idaṃ vinayakammanti yojanā. Vasati āpatti ettha tadāyattavuttitāyāti vatthu. Go vuccati vacanaṃ vā ñāṇaṃ vā, taṃ tāyatīti gottaṃ.
д̇ад̇т̇аад̇и вад̇т̇аад̣̇ийсу жад̇уб̣б̣ид̇хзсу. д̇ад̇т̇аад̇и д̇зсу важанзсу. суггависсадтим̣ гааяасам̣саг̇г̇анд̇иаад̣̇инаа важанзнаабийд̇и зд̇т̇а аад̣̇исад̣̇д̣̇зна д̣̇удтуллаад̣̇иважанаани сан̇г̇ан̣хаад̇и. ид̇ха банаад̇и имасмим̣ бана таанз. яо яод̇и д̇иссо ваа пуссо ваа аабанно ход̇и.
Tatthāti vatthādīsu catubbidhesu. Tatthāti tesu vacanesu. Sukkavissaṭṭhiṃ kāyasaṃsaggantiādinā vacanenāpīti ettha ādisaddena duṭṭhullādivacanāni saṅgaṇhāti. Idha panāti imasmiṃ pana ṭhāne. Yo yoti tisso vā phusso vā āpanno hoti.
звам̣ аарожзд̇аб̣б̣анд̇и звам̣ вагкамаананаязна аарожзд̇аб̣б̣анд̇и яож̇анаа. гим̣ аарожзд̇аб̣б̣ам̣? ‘‘ахам̣ бханд̇з…бз… сан̇гхо д̇хаарзд̇у’’ ид̇и аарожзд̇аб̣б̣анд̇и яож̇анаа.
Evaṃ ārocetabbanti evaṃ vakkhamānanayena ārocetabbanti yojanā. Kiṃ ārocetabbaṃ? ‘‘Ahaṃ bhante…pe… saṅgho dhāretu’’ iti ārocetabbanti yojanā.
взд̣̇аяаамаханд̇и взд̣̇аяаами ахам̣. мама баариваасигабхаавам̣ сан̇гхам̣, сан̇гхасса ваа ж̇аанаабзмийд̇и ад̇т̇о. взд̣̇аяад̇ийд̇и манд̇и взд̣̇аяад̇и ид̇и мам̣. баариваасигабхаавам̣ сан̇гхам̣, сан̇гхасса ваа ж̇аанаабзд̇ийд̇и мам̣ сан̇гхо д̇хаарзд̇ууд̇и ад̇т̇о. зд̇т̇а б̣ахуусу адтагат̇аабод̇т̇агзсу ‘‘д̇ин̣н̣ам̣ ваа ад̇ирзгаанам̣ ваа аарожзнд̇зна ааяасманд̇о д̇хаарзнд̇уу’’д̇и баато ад̇т̇и . гзсужи адтагат̇аабод̇т̇агзсу ‘‘д̇ин̣н̣ам̣ аарожзнд̇зна ааяасманд̇о д̇хаарзнд̇уу’’д̇и зд̇д̇агоязва баато ад̇т̇и. хздтаа маанад̇д̇агат̇ааяамби звамзва ад̇т̇и. д̇ад̇т̇а ‘‘ад̇ирзгаана’’нд̇и иминаа д̇ийхи ад̇ирзгаанам̣ аарожзнд̇зна сан̇гхам̣ абзгкид̇ваа сажз згаважанавасзна вад̇д̇угаамо ход̇и, ‘‘мам̣ сан̇гхо д̇хаарзд̇уу’’д̇и вад̇д̇аб̣б̣ам̣. ат̇а самб̣ахулз бхигкуу абзгкид̇ваа сажз б̣ахуважанавасзна вад̇д̇угаамо ход̇и, яат̇аа д̇ин̣н̣ам̣, звам̣ ‘‘мам̣ ааяасманд̇о д̇хаарзнд̇уу’’д̇и вад̇д̇аб̣б̣анд̇и д̣̇ассзд̇и. ид̣̇ан̃жа сад̣̇д̣̇асад̇т̇авасзнзва вуд̇д̇ам̣, на винаяагаммавибад̇д̇ивасзнаад̇и д̣̇адтаб̣б̣ам̣.
Vedayāmahanti vedayāmi ahaṃ. Mama pārivāsikabhāvaṃ saṅghaṃ, saṅghassa vā jānāpemīti attho. Vedayatīti manti vedayati iti maṃ. Pārivāsikabhāvaṃ saṅghaṃ, saṅghassa vā jānāpetīti maṃ saṅgho dhāretūti attho. Ettha bahūsu aṭṭhakathāpotthakesu ‘‘tiṇṇaṃ vā atirekānaṃ vā ārocentena āyasmanto dhārentū’’ti pāṭho atthi . Kesuci aṭṭhakathāpotthakesu ‘‘tiṇṇaṃ ārocentena āyasmanto dhārentū’’ti ettakoyeva pāṭho atthi. Heṭṭhā mānattakathāyampi evameva atthi. Tattha ‘‘atirekāna’’nti iminā tīhi atirekānaṃ ārocentena saṅghaṃ apekkhitvā sace ekavacanavasena vattukāmo hoti, ‘‘maṃ saṅgho dhāretū’’ti vattabbaṃ. Atha sambahule bhikkhū apekkhitvā sace bahuvacanavasena vattukāmo hoti, yathā tiṇṇaṃ, evaṃ ‘‘maṃ āyasmanto dhārentū’’ti vattabbanti dasseti. Idañca saddasatthavaseneva vuttaṃ, na vinayakammavipattivasenāti daṭṭhabbaṃ.
‘‘вихаарзязва рад̇д̇ибариг̇г̇ахо’’д̇и иминаа анд̇оубажаарасиймааяамби баривасид̇аб̣б̣абхаавам̣ д̣̇ассзд̇и. убажаарасийманд̇и баригкид̇д̇асса вихаарасса баригкзбам̣, абаригкид̇д̇асса баригкзбаарахадтаанам̣. зсаад̇и баариваасиго бхигку. ассаад̇и ааг̇ад̇асса бхигкуно.
‘‘Vihāreyeva rattipariggaho’’ti iminā antoupacārasīmāyampi parivasitabbabhāvaṃ dasseti. Upacārasīmanti parikkhittassa vihārassa parikkhepaṃ, aparikkhittassa parikkhepārahaṭṭhānaṃ. Esāti pārivāsiko bhikkhu. Assāti āgatassa bhikkhuno.
д̇ад̇од̇и аабад̇д̇ибадижчаннад̣̇ивасад̇о. гуггужжавинод̣̇анад̇т̇ааяаад̇и аабад̇д̇ибадижчаннад̣̇ивасзна самам̣ баривасид̇аб̣б̣ам̣ нуко, на нукод̇и гуггужжасса винод̣̇анад̇т̇ааяа. баривуд̇т̇ад̇д̇аад̇и баривасид̇ад̇д̇аа. сод̇и баривуд̇т̇о бхигку. ид̣̇анд̇и д̣̇аад̇аб̣б̣амаанад̇д̇ам̣. д̇анд̇и бадижчаннамаанад̇д̇ам̣. чаарад̇д̇анд̇и чарад̇д̇ияо самаахадаад̇и чаарад̇д̇ам̣, самаахаарз д̣̇иг̇у. ‘‘чарад̇д̇а’’нд̇и вад̇д̇аб̣б̣з сукужжааран̣ад̇т̇ам̣ чагаарасса д̣̇ийгхам̣ гад̇ваа звам̣ вуд̇д̇ам̣, ажжанд̇асам̣яог̇з жзд̇ам̣ убаяог̇аважанам̣.
Tatoti āpattipaṭicchannadivasato. Kukkuccavinodanatthāyāti āpattipaṭicchannadivasena samaṃ parivasitabbaṃ nukho, na nukhoti kukkuccassa vinodanatthāya. Parivutthattāti parivasitattā. Soti parivuttho bhikkhu. Idanti dātabbamānattaṃ. Tanti paṭicchannamānattaṃ. Chārattanti charattiyo samāhaṭāti chārattaṃ, samāhāre digu. ‘‘Charatta’’nti vattabbe sukhuccāraṇatthaṃ chakārassa dīghaṃ katvā evaṃ vuttaṃ, accantasaṃyoge cetaṃ upayogavacanaṃ.
аббадижчаннаабад̇д̇им̣ д̣̇аад̇ум̣ ваддад̇ийд̇и самб̣анд̇хо. иминаа хздтаа вуд̇д̇ам̣ бадижчаннамаанад̇д̇ам̣ имасмим̣ бадижчаннамаанад̇д̇з самод̇хаанзд̇вааби д̣̇аад̇ум̣ ваддад̇ийд̇и д̣̇ассзд̇и. звам̣ санд̇зби мууламаанад̇д̇ам̣ бадижжа бадижчаннамаанад̇д̇анд̇и вужжад̇и. гат̇ам̣ д̣̇аад̇ум̣ ваддад̇ийд̇и яож̇анаа.
Appaṭicchannāpattiṃ dātuṃ vaṭṭatīti sambandho. Iminā heṭṭhā vuttaṃ paṭicchannamānattaṃ imasmiṃ paṭicchannamānatte samodhānetvāpi dātuṃ vaṭṭatīti dasseti. Evaṃ santepi mūlamānattaṃ paṭicca paṭicchannamānattanti vuccati. Kathaṃ dātuṃ vaṭṭatīti yojanā.
ассаад̇и маанад̇д̇ам̣ яаажанд̇асса. д̇ад̣̇ануруубанд̇и д̇асса яаажанасса ануруубам̣. сажз бадижчаннаа д̣̇взд̇и зд̇т̇а д̣̇взд̇и нид̣̇ассанамад̇д̇ам̣ д̇ад̇о ад̇ирзгамби г̇ахзд̇аб̣б̣ад̇д̇аа. саб̣б̣ад̇т̇аад̇и саб̣б̣зсу згаб̣ахуусу. д̇ад̣̇ануруубамз ваад̇и д̇асса маанад̇д̇ад̣̇аанасса ануруубамзва. ид̇ха банаад̇и бадижчаннамаанад̇д̇з бана. ид̇ийд̇иаад̣̇и ниг̇аманам̣. яам̣ маанад̇д̇ам̣ д̣̇ияяад̇ийд̇и яож̇анаа. зд̇т̇аад̇и бадижчаннамаанад̇д̇з.
Assāti mānattaṃ yācantassa. Tadanurūpanti tassa yācanassa anurūpaṃ. Sace paṭicchannā dveti ettha dveti nidassanamattaṃ tato atirekampi gahetabbattā. Sabbatthāti sabbesu ekabahūsu. Tadanurūpame vāti tassa mānattadānassa anurūpameva. Idha panāti paṭicchannamānatte pana. Itītiādi nigamanaṃ. Yaṃ mānattaṃ diyyatīti yojanā. Etthāti paṭicchannamānatte.
авасзсаад̇и аббадижчаннабариваасабадижчаннабариваасзхи авасзсаа. д̇ад̇т̇аад̇и авасзсзсу д̣̇вийсу бариваасзсу. ад̇хаммигамаанад̇д̇ажаараавасаанз анун̃н̃аад̇абариваасод̇и самб̣анд̇хо. гисмим̣ вад̇т̇усмим̣ анун̃н̃аад̇од̇и ааха ‘‘имасмим̣ вад̇т̇усми’’нд̇и. зсаад̇и суд̣̇д̇ханд̇о, д̣̇аад̇аб̣б̣од̇и самб̣анд̇хо. зд̇анд̇и ж̇аананааж̇аананам̣.
Avasesāti appaṭicchannaparivāsapaṭicchannaparivāsehi avasesā. Tatthāti avasesesu dvīsu parivāsesu. Adhammikamānattacārāvasāne anuññātaparivāsoti sambandho. Kismiṃ vatthusmiṃ anuññātoti āha ‘‘imasmiṃ vatthusmi’’nti. Esāti suddhanto, dātabboti sambandho. Etanti jānanājānanaṃ.
д̇ад̇т̇аад̇и д̣̇вийсу суд̣̇д̇ханд̇зсу, жуул̣асуд̣̇д̇ханд̇од̇и вужжад̇ийд̇и самб̣анд̇хо. яод̇и бхигку, вад̣̇ад̇ийд̇и самб̣анд̇хо. аарожид̇ад̣̇ивасад̇од̇и аабад̇д̇иаарожид̇ад̣̇ивасад̇о.
Tatthāti dvīsu suddhantesu, cūḷasuddhantoti vuccatīti sambandho. Yoti bhikkhu, vadatīti sambandho. Ārocitadivasatoti āpattiārocitadivasato.
д̇анд̇и жуул̣асуд̣̇д̇ханд̇ам̣, баривасанд̇зна баривасид̇аб̣б̣анд̇и самб̣анд̇хо. аг̇г̇ахзсийд̇и бариваасам̣ аг̇г̇ахзси. ан̃н̃анд̇и г̇ахид̇амаасад̇о ан̃н̃ам̣. ‘‘бариваасад̣̇аанагижжам̣ над̇т̇ий’’д̇и иминаа бариваасаг̇ахан̣агижжамби над̇т̇ийд̇и д̣̇ассзд̇и г̇ан̣ханд̇ассзва д̣̇аад̇аб̣б̣ад̇д̇аа, д̣̇знд̇ассзва г̇ахзд̇аб̣б̣ад̇д̇аа ваа. уд̣̇д̇хамби аарохад̇ийд̇и бариваасаг̇ахан̣агаалад̇о ан̃н̃амби гаалам̣ баривасид̇аб̣б̣ад̇д̇аа уд̣̇д̇хамби аарохад̇и. хздтааби орохад̇ийд̇и бариваасаг̇ахан̣агаалад̇о уунамби гаалам̣ баривасид̇аб̣б̣ад̇д̇аа хздтааби орохад̇и. ид̣̇анд̇и аароханороханам̣. д̇ассаад̇и суд̣̇д̇ханд̇абариваасасса. згамзва бадижжа д̣̇вз, д̇иссо, самб̣ахулаа ваа бхаванд̇ийд̇и ааха ‘‘згам̣ винаа самб̣ахулаанам̣ абхаавад̇о’’д̇и.
Tanti cūḷasuddhantaṃ, parivasantena parivasitabbanti sambandho. Aggahesīti parivāsaṃ aggahesi. Aññanti gahitamāsato aññaṃ. ‘‘Parivāsadānakiccaṃ natthī’’ti iminā parivāsagahaṇakiccampi natthīti dasseti gaṇhantasseva dātabbattā, dentasseva gahetabbattā vā. Uddhampi ārohatīti parivāsagahaṇakālato aññampi kālaṃ parivasitabbattā uddhampi ārohati. Heṭṭhāpi orohatīti parivāsagahaṇakālato ūnampi kālaṃ parivasitabbattā heṭṭhāpi orohati. Idanti ārohanorohanaṃ. Tassāti suddhantaparivāsassa. Ekameva paṭicca dve, tisso, sambahulā vā bhavantīti āha ‘‘ekaṃ vinā sambahulānaṃ abhāvato’’ti.
звам̣ жуул̣асуд̣̇д̇ханд̇ам̣ д̣̇ассзд̇ваа махаасуд̣̇д̇ханд̇ам̣ д̣̇ассзнд̇о ааха ‘‘яо банаа’’д̇иаад̣̇и. д̇анд̇и махаасуд̣̇д̇ханд̇ам̣. яаава яад̇д̇аго убасамбад̣̇ад̣̇ивасо ход̇и, д̇аава д̇ад̇д̇агам̣ гааланд̇и яож̇анаа. уд̣̇д̇хам̣ наарохад̇ийд̇и уд̣̇д̇хам̣ аароханагааласса абхаавад̇о уд̣̇д̇хам̣ на аарохад̇и. зд̇т̇аад̇и суд̣̇д̇ханд̇абариваасз. аяам̣ суд̣̇д̇ханд̇абариваасо наамаад̇и ниг̇аманам̣.
Evaṃ cūḷasuddhantaṃ dassetvā mahāsuddhantaṃ dassento āha ‘‘yo panā’’tiādi. Tanti mahāsuddhantaṃ. Yāva yattako upasampadadivaso hoti, tāva tattakaṃ kālanti yojanā. Uddhaṃ nārohatīti uddhaṃ ārohanakālassa abhāvato uddhaṃ na ārohati. Etthāti suddhantaparivāse. Ayaṃ suddhantaparivāso nāmāti nigamanaṃ.
д̇ад̇т̇аад̇и д̇ивид̇хзсу самод̇хаанабариваасзсу. ‘‘од̇хунид̇ваа самод̣̇ахид̇ваа д̣̇аад̇аб̣б̣абариваасо’’д̇и иминаа од̇хунид̇ваа самод̇хаанзд̇ваа д̣̇аад̇аб̣б̣о бариваасо од̇хаанасамод̇хаанод̇и важанад̇т̇ам̣ д̣̇ассзд̇и, ‘‘бариваасо’’д̇и иминаа д̇ад̣̇д̇хид̇ан̣абажжаяасса саруубам̣ д̣̇ассзд̇и. зд̇т̇а жа авад̇хунияад̇з, авад̇хунид̇аб̣б̣анд̇и ваа од̇хаанам̣, сам̣ згад̇о од̣̇ахийяад̇з самбин̣д̣ийяад̇з, уд̣̇ахияад̇и самбин̣д̣ияад̇ийд̇и ваа самод̇хаананд̇и аваяававажанад̇т̇о гаад̇аб̣б̣о. ‘‘магкзд̇ваа’’д̇и иминаа д̇худ̇хаад̇уяаа баббоданад̇хам̣санад̇хованаани д̣̇ассзд̇и. сод̇и од̇хаанасамод̇хаано, ааг̇ад̇од̇и самб̣анд̇хо.
Tatthāti tividhesu samodhānaparivāsesu. ‘‘Odhunitvā samodahitvā dātabbaparivāso’’ti iminā odhunitvā samodhānetvā dātabbo parivāso odhānasamodhānoti vacanatthaṃ dasseti, ‘‘parivāso’’ti iminā taddhitaṇapaccayassa sarūpaṃ dasseti. Ettha ca avadhuniyate, avadhunitabbanti vā odhānaṃ, saṃ ekato odahīyate sampiṇḍīyate, udahiyati sampiṇḍiyatīti vā samodhānanti avayavavacanattho kātabbo. ‘‘Makkhetvā’’ti iminā dhudhātuyā pappoṭanadhaṃsanadhovanāni dasseti. Soti odhānasamodhāno, āgatoti sambandho.
зд̇т̇аад̇и од̇хаанасамод̇хаанз. яод̇и бхигку, бадижчаад̣̇зд̇ийд̇и самб̣анд̇хо. баривасанд̇о ваа маанад̇д̇аарахо ваа маанад̇д̇ам̣ жаранд̇о ваа аб̣бхаанаарахо ваа яо бхигкууд̇и яож̇анаа. ‘‘буримааяа аабад̇д̇ияаа’’д̇и бад̣̇ам̣ ‘‘самаа ваа’’д̇и бад̣̇з сахаад̣̇ияог̇о. ‘‘уунад̇араа’’д̇ибад̣̇з вибхад̇д̇иабаад̣̇аанам̣, анумзяяависаяаабаад̣̇аанам̣ ваа. ‘‘ад̣̇ивасз гад̇ваа’’д̇и иминаа од̇хунид̇ваад̇и зд̇т̇а д̇худ̇хаад̇уяаа яат̇аавуд̇д̇ад̇т̇зязва д̣̇ассзд̇и. уунагабагкабадижчаннаад̇и багкад̇о уунагзна бадижчаннаа. зд̇знубааязнаад̇и багкз вуд̇д̇зна зд̇зна убааязна.
Etthāti odhānasamodhāne. Yoti bhikkhu, paṭicchādetīti sambandho. Parivasanto vā mānattāraho vā mānattaṃ caranto vā abbhānāraho vā yo bhikkhūti yojanā. ‘‘Purimāya āpattiyā’’ti padaṃ ‘‘samā vā’’ti pade sahādiyogo. ‘‘Ūnatarā’’tipade vibhattiapādānaṃ, anumeyyavisayaapādānaṃ vā. ‘‘Adivase katvā’’ti iminā odhunitvāti ettha dhudhātuyā yathāvuttattheyeva dasseti. Ūnakapakkhapaṭicchannāti pakkhato ūnakena paṭicchannā. Etenupāyenāti pakkhe vuttena etena upāyena.
д̇ад̇т̇аад̇и муулаабад̇д̇ид̇о ад̇ирзгабадижчаннз. аави гаараабзд̇ваад̇и муулаабад̇д̇ид̇о анд̇араабад̇д̇ияаа бадижчаннабхаавам̣ аави гаараабзд̇ваа. зд̇т̇аад̇и аабад̇д̇ибадижчаннз. бамаан̣анд̇и гааран̣ам̣. яаад̇и аабад̇д̇и. д̇ад̇т̇аад̇и муулабхаавзна гад̇д̇аб̣б̣ааяам̣ муулиаабад̇д̇ияам̣. ид̇аранд̇и муулибхаавзна гад̇д̇аб̣б̣ам̣ муулаабад̇д̇им̣. самод̇хааяаад̇и самод̣̇ахид̇ваа. багкибид̇ваад̇и ад̇т̇о.
Tatthāti mūlāpattito atirekapaṭicchanne. Āvi kārāpetvāti mūlāpattito antarāpattiyā paṭicchannabhāvaṃ āvi kārāpetvā. Etthāti āpattipaṭicchanne. Pamāṇanti kāraṇaṃ. Yāti āpatti. Tatthāti mūlabhāvena kattabbāyaṃ mūliāpattiyaṃ. Itaranti mūlibhāvena kattabbaṃ mūlāpattiṃ. Samodhāyāti samodahitvā. Pakkhipitvāti attho.
згаа ваа яаа аабад̇д̇и саб̣б̣ажирабадижчаннаа ход̇ийд̇и яож̇анаа. саб̣б̣ажирабадижчаннааяод̇и саб̣б̣аасам̣ аабад̇д̇ийнам̣ жирзна бадижчаннааяо. д̇аасанд̇и аабад̇д̇ийнам̣. аг̇гхзнаад̇и барижчзд̣̇зна. аг̇гхасад̣̇д̣̇о хзд̇т̇а барижчзд̣̇ад̇т̇аваажаго. абхид̇хаанз (абхид̇хаанаббад̣̇ийбигааяам̣ 1048 г̇аат̇ааяам̣) вуд̇д̇ам̣ ‘‘аг̇гхо муляз жа бууж̇анз’’д̇и. зд̇т̇а ‘‘муляз жаа’’д̇и бад̣̇асса муулабарижчзд̣̇зд̇и ад̇т̇о д̣̇адтаб̣б̣о. д̇амзвад̇т̇ам̣ д̣̇ассзнд̇о ааха ‘‘д̇аасам̣ рад̇д̇ибарижчзд̣̇авасзнаа’’д̇и. имзхи бад̣̇зхи аг̇гхзна рад̇д̇ибарижчзд̣̇зна самод̇хаанзд̇ваа д̣̇аад̇аб̣б̣о бариваасо аг̇гхасамод̇хаанод̇и важанад̇т̇ам̣ д̣̇ассзд̇и. зд̇т̇а жа ‘‘саб̣б̣ажирабадижчаннааяо’’д̇и вуд̇д̇ад̇д̇аа гин̃жааби годиад̇т̇аваажаго д̇ад̇ияагкарзна баато яуд̇д̇о вияа д̣̇иссад̇и. д̇ат̇ааби со баато на г̇ахзд̇аб̣б̣о. гасмаа? б̣ахуусу баал̣ибод̇т̇агзсу, адтагат̇аабод̇т̇агзсу жа аликид̇ад̇д̇аа. б̣ахуусу хи бораан̣абод̇т̇агзсу жад̇уд̇т̇агкарзна баатоязва ликид̇о, д̇асмаа со баатоязва г̇ахзд̇аб̣б̣о, на ан̃н̃од̇и д̣̇адтаб̣б̣ам̣. сод̇и аг̇гхасамод̇хаано. ааг̇ад̇оязваад̇и самб̣анд̇хо.
Ekā vā yā āpatti sabbacirapaṭicchannā hotīti yojanā. Sabbacirapaṭicchannāyoti sabbāsaṃ āpattīnaṃ cirena paṭicchannāyo. Tāsanti āpattīnaṃ. Agghenāti paricchedena. Agghasaddo hettha paricchedatthavācako. Abhidhāne (abhidhānappadīpikāyaṃ 1048 gāthāyaṃ) vuttaṃ ‘‘aggho mulye ca pūjane’’ti. Ettha ‘‘mulye cā’’ti padassa mūlaparicchedeti attho daṭṭhabbo. Tamevatthaṃ dassento āha ‘‘tāsaṃ rattiparicchedavasenā’’ti. Imehi padehi agghena rattiparicchedena samodhānetvā dātabbo parivāso agghasamodhānoti vacanatthaṃ dasseti. Ettha ca ‘‘sabbacirapaṭicchannāyo’’ti vuttattā kiñcāpi koṭiatthavācako tatiyakkharena pāṭho yutto viya dissati. Tathāpi so pāṭho na gahetabbo. Kasmā? Bahūsu pāḷipotthakesu, aṭṭhakathāpotthakesu ca alikhitattā. Bahūsu hi porāṇapotthakesu catutthakkharena pāṭhoyeva likhito, tasmā so pāṭhoyeva gahetabbo, na aññoti daṭṭhabbaṃ. Soti agghasamodhāno. Āgatoyevāti sambandho.
яасса банаад̇и бхигкусса, бадижчаннаад̇и самб̣анд̇хо. саб̣б̣анд̇и сагалам̣. аабад̇д̇исахассаг̇аат̇ааяа –
Yassa panāti bhikkhussa, paṭicchannāti sambandho. Sabbanti sakalaṃ. Āpattisahassagāthāya –
д̣̇асасад̇ам̣ аабад̇д̇ияо рад̇д̇исад̇ам̣ чаад̣̇аяид̇ваанаад̇и яож̇анаа. иминаа наязнаби аг̇гхасамод̇хаанод̇и зд̇т̇а аг̇гхасад̣̇д̣̇асса жад̇уд̇т̇агкарзна баатасса яуд̇д̇абхааво взд̣̇ид̇аб̣б̣о. аг̇гхзна д̣̇асарад̇д̇ибарижчзд̣̇зна самод̇хааяа д̣̇аад̇аб̣б̣о аг̇гхасамод̇хаано.
Dasasataṃ āpattiyo rattisataṃ chādayitvānāti yojanā. Iminā nayenapi agghasamodhānoti ettha agghasaddassa catutthakkharena pāṭhassa yuttabhāvo veditabbo. Agghena dasarattiparicchedena samodhāya dātabbo agghasamodhāno.
яо бариваасо наанаавад̇т̇угааяо аабад̇д̇ияо згад̇о гад̇ваа д̣̇ияяад̇и, аяам̣ бариваасо миссагасамод̇хаано наамаад̇и яож̇анаа. зд̇т̇а вад̇т̇увасзна миссагаа аабад̇д̇ияо самод̇хаанзд̇ваа д̣̇аад̇аб̣б̣о бариваасо миссагасамод̇хаанод̇и важанад̇т̇о гаад̇аб̣б̣о. д̇ад̇раад̇и миссагасамод̇хаанз. д̇ад̣̇ануруубааяаад̇и д̇асса яаажанасса ануруубааяа.
Yo parivāso nānāvatthukāyo āpattiyo ekato katvā diyyati, ayaṃ parivāso missakasamodhāno nāmāti yojanā. Ettha vatthuvasena missakā āpattiyo samodhānetvā dātabbo parivāso missakasamodhānoti vacanattho kātabbo. Tatrāti missakasamodhāne. Tadanurūpāyāti tassa yācanassa anurūpāya.
зд̇т̇а жаад̇и миссагасамод̇хаанз жа, гаад̇ум̣ ваддад̇ийд̇и самб̣анд̇хо.
Ettha cāti missakasamodhāne ca, kātuṃ vaṭṭatīti sambandho.
‘‘багкамаанад̇д̇ан̃жа …бз… гат̇аяиссаамаа’’д̇и яам̣ важанам̣ вуд̇д̇ам̣, д̇асса важанасса огаасод̇и яож̇анаа. д̇ам̣ банаад̇и багкамаанад̇д̇ам̣ бана. ‘‘ад̣дхамаасамзва д̣̇аад̇аб̣б̣а’’нд̇и иминаа багкамзва д̣̇аад̇аб̣б̣ам̣ маанад̇д̇ам̣ багкамаанад̇д̇анд̇и важанад̇т̇ам̣ д̣̇ассзд̇и. хийд̇и сажжам̣. д̇ам̣ банаад̇и багкамаанад̇д̇ам̣ бана, д̣̇аад̇аб̣б̣анд̇и самб̣анд̇хо. ад̇д̇ано сийманд̇и ад̇д̇ано вихаарасиймам̣, махаасийманд̇и ад̇т̇о. сод̇хзд̇ваад̇и саб̣б̣аасам̣ хад̇т̇абаасанаяанавасзна, чанд̣̇аарахаанам̣ чанд̣̇анаяанавасзна, сиймад̇о б̣ахигаран̣авасзна жа сод̇хзд̇ваа. жад̇уваг̇г̇аг̇ан̣анд̇и жад̇уваг̇г̇асан̇гхам̣. г̇ан̣од̇и жзд̇т̇а сан̇гхоязваад̇хиббзд̇о.
‘‘Pakkhamānattañca …pe… kathayissāmā’’ti yaṃ vacanaṃ vuttaṃ, tassa vacanassa okāsoti yojanā. Taṃ panāti pakkhamānattaṃ pana. ‘‘Aḍḍhamāsameva dātabba’’nti iminā pakkhameva dātabbaṃ mānattaṃ pakkhamānattanti vacanatthaṃ dasseti. Hīti saccaṃ. Taṃ panāti pakkhamānattaṃ pana, dātabbanti sambandho. Attano sīmanti attano vihārasīmaṃ, mahāsīmanti attho. Sodhetvāti sabbāsaṃ hatthapāsanayanavasena, chandārahānaṃ chandanayanavasena, sīmato bahikaraṇavasena ca sodhetvā. Catuvaggagaṇanti catuvaggasaṅghaṃ. Gaṇoti cettha saṅghoyevādhippeto.
д̇ад̇раад̇и ‘‘яож̇анаа гаад̇аб̣б̣аа’’д̇и важанз. мукамад̇д̇ад̣̇ассананд̇и убааяамад̇д̇ад̣̇ассанам̣, аад̣̇имад̇д̇ад̣̇ассанам̣ ваа. ‘‘аабаннааяа бхигкунияаа’’д̇и бад̣̇ам̣ ‘‘звамасса важанийяо’’д̇и бад̣̇з гад̇д̇аа, ‘‘яаажаабзд̇ваа’’д̇и бад̣̇з гаарид̇агаммам̣. ‘‘б̣яад̇д̇ааяа бхигкунияаа’’д̇и бад̣̇ам̣ ‘‘н̃аабзд̇аб̣б̣о’’д̇и бад̣̇з гаарид̇агад̇д̇аа, ‘‘сан̇гхо’’д̇и бад̣̇ам̣ д̇ад̇т̇зва гаарид̇агаммам̣. ‘‘зд̇ам̣ гааран̣а’’нд̇и д̇хаад̇угаммам̣ аж̇жхаахарид̇аб̣б̣ам̣. д̇аб̣б̣абажжаязна гаарид̇агаммамзва вуд̇д̇ам̣. н̃аабзд̇аб̣б̣аагаарам̣ д̣̇ассзнд̇о ааха ‘‘сун̣аад̇у мз’’д̇иаад̣̇и.
Tatrāti ‘‘yojanā kātabbā’’ti vacane. Mukhamattadassananti upāyamattadassanaṃ, ādimattadassanaṃ vā. ‘‘Āpannāya bhikkhuniyā’’ti padaṃ ‘‘evamassa vacanīyo’’ti pade kattā, ‘‘yācāpetvā’’ti pade kāritakammaṃ. ‘‘Byattāya bhikkhuniyā’’ti padaṃ ‘‘ñāpetabbo’’ti pade kāritakattā, ‘‘saṅgho’’ti padaṃ tattheva kāritakammaṃ. ‘‘Etaṃ kāraṇa’’nti dhātukammaṃ ajjhāharitabbaṃ. Tabbapaccayena kāritakammameva vuttaṃ. Ñāpetabbākāraṃ dassento āha ‘‘suṇātu me’’tiādi.
нигкид̇д̇авад̇д̇анд̇и гаран̣ад̇т̇з жзд̇ам̣ убаяог̇аважанам̣. нигкид̇д̇авад̇д̇знаад̇и хи ад̇т̇о. д̇ад̇т̇зваад̇и маал̣агасиймааяамзва. хийд̇и сажжам̣, яасмаа ваа. ассаад̇и маанад̇д̇ажааригааяа бхигкунияаа. д̇ад̇раад̇и д̇асмаа гад̇д̇аб̣б̣авинаяагаммабхаавад̇од̇и ад̇т̇о. нод̇и амхаагам̣, санд̇иганд̇и самб̣анд̇хо. жад̇уухи багад̇ад̇д̇абхигкунийхи нисийд̣̇ид̇аб̣б̣анд̇и самб̣анд̇хо. г̇аамуубажаарад̇о д̣̇вз лзд̣д̣убаад̇з ад̇иггамид̇ваад̇и ид̣̇ам̣ бхигкунийвихааруубажаараад̇иггамам̣ санд̇хааяа вуд̇д̇ам̣. вихааруубажаарад̇обийд̇и бхигкувихааруубажаарад̇оби. д̇ад̇т̇аад̇и бхигкунийнам̣ нисиннадтаанам̣. гурунд̣̇имахаабажжарийсу бана вуд̇д̇анд̇и самб̣анд̇хо. вихаарасса жаад̇и бхигкувихаарасса жа. г̇аамасса убажаарам̣ мун̃жид̇ум̣ ваддад̇ийд̇и на вуд̇д̇анд̇и яож̇анаа. д̇асмаа г̇аамуубажаарзби нисийд̣̇ид̇ум̣ ваддад̇ийд̇и ад̇хиббааяо.
Nikkhittavattanti karaṇatthe cetaṃ upayogavacanaṃ. Nikkhittavattenāti hi attho. Tatthevāti māḷakasīmāyameva. Hīti saccaṃ, yasmā vā. Assāti mānattacārikāya bhikkhuniyā. Tatrāti tasmā kattabbavinayakammabhāvatoti attho. Noti amhākaṃ, santikanti sambandho. Catūhi pakatattabhikkhunīhi nisīditabbanti sambandho. Gāmūpacārato dve leḍḍupāte atikkamitvāti idaṃ bhikkhunīvihārūpacārātikkamaṃ sandhāya vuttaṃ. Vihārūpacāratopīti bhikkhuvihārūpacāratopi. Tatthāti bhikkhunīnaṃ nisinnaṭṭhānaṃ. Kurundimahāpaccarīsu pana vuttanti sambandho. Vihārassa cāti bhikkhuvihārassa ca. Gāmassa upacāraṃ muñcituṃ vaṭṭatīti na vuttanti yojanā. Tasmā gāmūpacārepi nisīdituṃ vaṭṭatīti adhippāyo.
д̇ааяа бхигкунияаа аарожзд̇аб̣б̣анд̇и самб̣анд̇хо.
Tāya bhikkhuniyā ārocetabbanti sambandho.
д̇ад̇т̇зваад̇и бхигкунийнам̣ нисийд̣̇анадтаанзязва. таананд̇и бхигкуунам̣ таанам̣. зд̇ийд̇и ааг̇ажчад̇и. баг̇зваад̇и баад̇оязва. д̇ааяаад̇и маанад̇д̇ажааринияаа.
Tatthevāti bhikkhunīnaṃ nisīdanaṭṭhāneyeva. Ṭhānanti bhikkhūnaṃ ṭhānaṃ. Etīti āgacchati. Pagevāti pātoyeva. Tāyāti mānattacāriniyā.
анигкид̇д̇авад̇д̇ааяа бана бхигкунияаад̇и самб̣анд̇хо. аж̇аананабажжаяаад̇и аж̇аананагааран̣аа. д̇анд̇и важанам̣. баариваасигавад̇д̇аад̣̇ийнанд̇и аад̣̇исад̣̇д̣̇зна ааг̇анд̇угавад̇д̇абууран̣аниссаяабадиббассад̣̇д̇хаад̣̇аяо сан̇г̇ан̣хаад̇и . яуд̇д̇ад̇арам̣ д̣̇иссад̇ийд̇и яуд̇д̇ад̇арам̣ худ̇ваа д̣̇иссад̇и. иминаа анигкид̇д̇авад̇д̇абхигкунаа вияа бхигкунияааби анд̇оубажаарасиймаг̇ад̇аанам̣язва аарожзд̇аб̣б̣ам̣, на г̇аамз тид̇аанамби г̇анд̇ваа аарожзд̇аб̣б̣анд̇и д̣̇ийбзд̇и. убосат̇зд̇и убосат̇ад̣̇ивасз. зсзва наяо бавааран̣ааяаби. д̣̇звасиганд̇и д̣̇ивасз д̣̇ивасз. д̇асмим̣ г̇аамзд̇и бхигкунийнам̣ васанаг̇аамз. ан̃н̃ад̇раад̇и бхигкунийнам̣ васанаг̇аамад̇о ан̃н̃асмим̣ г̇аамз. д̇ад̇раад̇и бхигкунийнам̣ васанаг̇аамам̣. д̣̇ассзд̇ваад̇и бхигкунийнам̣ д̣̇ассзд̇ваа. д̇ааяаад̇и маанад̇д̇ажааринияаа. вихааранд̇и бхигкуунам̣ вихаарам̣. убажаарасиймааяаад̇и убажаарасиймад̇о б̣ахийд̇и самб̣анд̇хо. аяанд̇и маанад̇д̇ажаариний.
Anikkhittavattāya pana bhikkhuniyāti sambandho. Ajānanapaccayāti ajānanakāraṇā. Tanti vacanaṃ. Pārivāsikavattādīnanti ādisaddena āgantukavattapūraṇanissayapaṭippassaddhādayo saṅgaṇhāti . Yuttataraṃ dissatīti yuttataraṃ hutvā dissati. Iminā anikkhittavattabhikkhunā viya bhikkhuniyāpi antoupacārasīmagatānaṃyeva ārocetabbaṃ, na gāme ṭhitānampi gantvā ārocetabbanti dīpeti. Uposatheti uposathadivase. Eseva nayo pavāraṇāyapi. Devasikanti divase divase. Tasmiṃ gāmeti bhikkhunīnaṃ vasanagāme. Aññatrāti bhikkhunīnaṃ vasanagāmato aññasmiṃ gāme. Tatrāti bhikkhunīnaṃ vasanagāmaṃ. Dassetvāti bhikkhunīnaṃ dassetvā. Tāyāti mānattacāriniyā. Vihāranti bhikkhūnaṃ vihāraṃ. Upacārasīmāyāti upacārasīmato bahīti sambandho. Ayanti mānattacārinī.
вийсад̇и г̇ан̣о имассаад̇и вийсад̇иг̇ан̣о, сан̇гхо, д̇асмим̣. маанад̇д̇ам̣ жарамаанаа бхигкунийд̇и яож̇анаа. ид̣̇ам̣ багкамаанад̇д̇ам̣ наамаад̇и ид̣̇ам̣ буб̣б̣аважанасса ниг̇амавасзна бараважанасса гат̇анад̇т̇ааяа вуд̇д̇анд̇и д̣̇адтаб̣б̣ам̣.
Vīsati gaṇo imassāti vīsatigaṇo, saṅgho, tasmiṃ. Mānattaṃ caramānā bhikkhunīti yojanā. Idaṃ pakkhamānattaṃ nāmāti idaṃ pubbavacanassa nigamavasena paravacanassa kathanatthāya vuttanti daṭṭhabbaṃ.
д̇ад̇т̇аад̇и д̇ивид̇хзсу маанад̇д̇зсу. яад̣̇зд̇ам̣ маанад̇д̇ам̣ анун̃н̃аад̇анд̇и самб̣анд̇хо. барад̇од̇и барасмим̣. бариваасам̣ баривасанд̇асса муулааяабадигассид̇асса уд̣̇ааяид̇т̇зрасса анун̃н̃аад̇анд̇и самб̣анд̇хо. аабаж̇ж̇ид̇ваад̇и аабаж̇ж̇анад̇о. ид̣̇анд̇и маанад̇д̇ам̣ вужжад̇ийд̇и самб̣анд̇хо. хийд̇и сажжам̣, яасмаа ваа. од̇хаанасамод̇хаананд̇и зд̇т̇а важанад̇т̇о хздтаа вуд̇д̇оязва. д̇амбийд̇и гурунд̣̇ияам̣ вуд̇д̇аважанамби.
Tatthāti tividhesu mānattesu. Yadetaṃ mānattaṃ anuññātanti sambandho. Paratoti parasmiṃ. Parivāsaṃ parivasantassa mūlāyapaṭikassitassa udāyittherassa anuññātanti sambandho. Āpajjitvāti āpajjanato. Idanti mānattaṃ vuccatīti sambandho. Hīti saccaṃ, yasmā vā. Odhānasamodhānanti ettha vacanattho heṭṭhā vuttoyeva. Tampīti kurundiyaṃ vuttavacanampi.
д̇анд̇и аг̇гхасамод̇хаанамиссагасамод̇хаанам̣, д̣̇аад̇аб̣б̣анд̇и самб̣анд̇хо. зд̇д̇аавад̇аад̇и зд̇абаримаан̣зна важанаггамзна, ‘‘аяан̃хи ид̇ха ад̇хиббзд̇о бариваасо наамаа’’д̇и (жуул̣ава. адта. 102) важанад̇о бадтааяа яаава ‘‘яож̇зд̇ваа д̣̇аад̇аб̣б̣а’’нд̇и важанам̣, д̇аава важанаггамзнаад̇и ад̇т̇о. ‘‘д̇зна хи бхигкавз…бз… д̣̇ассзссаамаа’’д̇и яам̣ важанам̣ вуд̇д̇анд̇и яож̇анаа. ‘‘ад̇т̇ад̇о’’д̇и иминаа сад̣̇д̣̇оби г̇ахзд̇аб̣б̣о авинаабхаавад̇о.
Tanti agghasamodhānamissakasamodhānaṃ, dātabbanti sambandho. Ettāvatāti etaparimāṇena vacanakkamena, ‘‘ayañhi idha adhippeto parivāso nāmā’’ti (cūḷava. aṭṭha. 102) vacanato paṭṭhāya yāva ‘‘yojetvā dātabba’’nti vacanaṃ, tāva vacanakkamenāti attho. ‘‘Tena hi bhikkhave…pe… dassessāmā’’ti yaṃ vacanaṃ vuttanti yojanā. ‘‘Atthato’’ti iminā saddopi gahetabbo avinābhāvato.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / згаахаббадижчаннабариваасам̣ • Ekāhappaṭicchannaparivāsaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / бадижчаннабариваасагат̇аа • Paṭicchannaparivāsakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бариваасагат̇ааван̣н̣анаа • Parivāsakathāvaṇṇanā
