| Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi |
૨૩૮. પારિવાસિકાદિકથા
238. Pārivāsikādikathā
૩૯૩. પારિવાસિકચતુત્થો ચે, ભિક્ખવે, પરિવાસં દદેય્ય, મૂલાય પટિકસ્સેય્ય, માનત્તં દદેય્ય, તંવીસો અબ્ભેય્ય – અકમ્મં ન ચ કરણીયં. મૂલાય પટિકસ્સનારહચતુત્થો ચે, ભિક્ખવે, પરિવાસં દદેય્ય, મૂલાય પટિકસ્સેય્ય, માનત્તં દદેય્ય, તંવીસો અબ્ભેય્ય – અકમ્મં ન ચ કરણીયં. માનત્તારહચતુત્થો ચે, ભિક્ખવે, પરિવાસં દદેય્ય, મૂલાય પટિકસ્સેય્ય, માનત્તં દદેય્ય, તંવીસો અબ્ભેય્ય – અકમ્મં ન ચ કરણીયં. માનત્તચારિકચતુત્થો ચે, ભિક્ખવે, પરિવાસં દદેય્ય, મૂલાય પટિકસ્સેય્ય, માનત્તં દદેય્ય, તંવીસો અબ્ભેય્ય – અકમ્મં ન ચ કરણીયં. અબ્ભાનારહચતુત્થો ચે, ભિક્ખવે, પરિવાસં દદેય્ય, મૂલાય પટિકસ્સેય્ય, માનત્તં દદેય્ય, તંવીસો અબ્ભેય્ય – અકમ્મં ન ચ કરણીયં.
393. Pārivāsikacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mūlāya paṭikassanārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mānattārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mānattacārikacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Abbhānārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ.
૩૯૪. એકચ્ચસ્સ, ભિક્ખવે, સઙ્ઘમજ્ઝે પટિક્કોસના રુહતિ, એકચ્ચસ્સ ન રુહતિ. કસ્સ ચ, ભિક્ખવે, સઙ્ઘમજ્ઝે પટિક્કોસના ન રુહતિ? ભિક્ખુનિયા, ભિક્ખવે, સઙ્ઘમજ્ઝે પટિક્કોસના ન રુહતિ. સિક્ખમાનાય, ભિક્ખવે…પે॰… સામણેરસ્સ, ભિક્ખવે… સામણેરિયા, ભિક્ખવે… સિક્ખાપચ્ચક્ખાતકસ્સ ભિક્ખવે… અન્તિમવત્થું અજ્ઝાપન્નકસ્સ, ભિક્ખવે … ઉમ્મત્તકસ્સ, ભિક્ખવે… ખિત્તચિત્તસ્સ, ભિક્ખવે… વેદનાટ્ટસ્સ, ભિક્ખવે… આપત્તિયા અદસ્સને ઉક્ખિત્તકસ્સ, ભિક્ખવે… આપત્તિયા અપ્પટિકમ્મે ઉક્ખિત્તકસ્સ, ભિક્ખવે… પાપિકાય દિટ્ઠિયા અપ્પટિનિસ્સગ્ગે ઉક્ખિત્તકસ્સ, ભિક્ખવે… પણ્ડકસ્સ, ભિક્ખવે… થેય્યસંવાસકસ્સ, ભિક્ખવે… તિત્થિયપક્કન્તકસ્સ, ભિક્ખવે … તિરચ્છાનગતસ્સ ભિક્ખવે… માતુઘાતકસ્સ, ભિક્ખવે… પિતુઘાતકસ્સ, ભિક્ખવે… અરહન્તઘાતકસ્સ, ભિક્ખવે… ભિક્ખુનિદૂસકસ્સ, ભિક્ખવે… સઙ્ઘભેદકસ્સ, ભિક્ખવે… લોહિતુપ્પાદકસ્સ, ભિક્ખવે… ઉભતોબ્યઞ્જનકસ્સ, ભિક્ખવે… નાનાસંવાસકસ્સ, ભિક્ખવે… નાનાસીમાય ઠિતસ્સ, ભિક્ખવે… ઇદ્ધિયા વેહાસે ઠિતસ્સ, ભિક્ખવે, યસ્સ સઙ્ઘો કમ્મં કરોતિ, તસ્સ ચ 1, ભિક્ખવે, સઙ્ઘમજ્ઝે પટિક્કોસના ન રુહતિ. ઇમેસં ખો, ભિક્ખવે, સઙ્ઘમજ્ઝે પટિક્કોસના ન રુહતિ.
394. Ekaccassa, bhikkhave, saṅghamajjhe paṭikkosanā ruhati, ekaccassa na ruhati. Kassa ca, bhikkhave, saṅghamajjhe paṭikkosanā na ruhati? Bhikkhuniyā, bhikkhave, saṅghamajjhe paṭikkosanā na ruhati. Sikkhamānāya, bhikkhave…pe… sāmaṇerassa, bhikkhave… sāmaṇeriyā, bhikkhave… sikkhāpaccakkhātakassa bhikkhave… antimavatthuṃ ajjhāpannakassa, bhikkhave … ummattakassa, bhikkhave… khittacittassa, bhikkhave… vedanāṭṭassa, bhikkhave… āpattiyā adassane ukkhittakassa, bhikkhave… āpattiyā appaṭikamme ukkhittakassa, bhikkhave… pāpikāya diṭṭhiyā appaṭinissagge ukkhittakassa, bhikkhave… paṇḍakassa, bhikkhave… theyyasaṃvāsakassa, bhikkhave… titthiyapakkantakassa, bhikkhave … tiracchānagatassa bhikkhave… mātughātakassa, bhikkhave… pitughātakassa, bhikkhave… arahantaghātakassa, bhikkhave… bhikkhunidūsakassa, bhikkhave… saṅghabhedakassa, bhikkhave… lohituppādakassa, bhikkhave… ubhatobyañjanakassa, bhikkhave… nānāsaṃvāsakassa, bhikkhave… nānāsīmāya ṭhitassa, bhikkhave… iddhiyā vehāse ṭhitassa, bhikkhave, yassa saṅgho kammaṃ karoti, tassa ca 2, bhikkhave, saṅghamajjhe paṭikkosanā na ruhati. Imesaṃ kho, bhikkhave, saṅghamajjhe paṭikkosanā na ruhati.
કસ્સ ચ, ભિક્ખવે, સઙ્ઘમજ્ઝે પટિક્કોસના રુહતિ? ભિક્ખુસ્સ, ભિક્ખવે, પકતત્તસ્સ
Kassa ca, bhikkhave, saṅghamajjhe paṭikkosanā ruhati? Bhikkhussa, bhikkhave, pakatattassa
સમાનસંવાસકસ્સ સમાનસીમાય ઠિતસ્સ અન્તમસો આનન્તરિકસ્સાપિ 3 ભિક્ખુનો વિઞ્ઞાપેન્તસ્સ સઙ્ઘમજ્ઝે પટિક્કોસના રુહતિ. ઇમસ્સ ખો, ભિક્ખવે, સઙ્ઘમજ્ઝે પટિક્કોસના રુહતિ.
Samānasaṃvāsakassa samānasīmāya ṭhitassa antamaso ānantarikassāpi 4 bhikkhuno viññāpentassa saṅghamajjhe paṭikkosanā ruhati. Imassa kho, bhikkhave, saṅghamajjhe paṭikkosanā ruhati.
પારિવાસિકાદિકથા નિટ્ઠિતા.
Pārivāsikādikathā niṭṭhitā.
Footnotes:
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / ચતુવગ્ગકરણાદિકથા • Catuvaggakaraṇādikathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૨૩૭. ચતુવગ્ગકરણાદિકથા • 237. Catuvaggakaraṇādikathā
