| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
2. баариваасигагканд̇хагам̣
2. Pārivāsikakkhandhakaṃ
1. баариваасигавад̇д̇агат̇аа
1. Pārivāsikavattakathā
75. баариваасигагканд̇хагз баариваасигаад̇и бад̣̇асса бариваасам̣ баривасанд̇ийд̇и баариваасигаад̇и д̣̇ассзнд̇о ааха ‘‘бариваасам̣ баривасанд̇аа’’д̇и. д̇ад̇т̇аад̇и ‘‘бариваасам̣ баривасанд̇аа’’д̇и д̇ад̣̇д̇хид̇аваагяз. д̇зсууд̇и жад̇уб̣б̣ид̇хзсу бариваасзсу. д̇ид̇т̇ияабариваасод̇и д̇ид̇т̇ияаанам̣ бариваасо, д̇ид̇т̇ияаанам̣ ваа д̣̇аад̇аб̣б̣о бариваасо, д̇ид̇т̇иязхи ваа баривасид̇аб̣б̣о бариваасо д̇ид̇т̇ияабариваасо. аббадижчаннабариваасод̇и аббадижчанно бариваасо аббадижчаннабариваасо. д̇ад̇т̇аад̇и аббадижчаннабариваасз. яанд̇и важанам̣. аяам̣ банаад̇и аяам̣ бадижчаннабариваасо бана. ид̇хаад̇и баариваасигагканд̇хагз. сзсаад̇и аббадижчаннабариваасад̇о сзсаа. д̇аяод̇и аббадижчаннабариваасаад̣̇аяо д̇аяо, д̣̇аад̇аб̣б̣аад̇и самб̣анд̇хо. гасса д̣̇аад̇аб̣б̣аад̇и ааха ‘‘язнаа’’д̇иаад̣̇и. аабаннаа жзваад̇и аабаж̇ж̇ид̇аб̣б̣аа жзва. д̇зсууд̇и д̇ивид̇хзсу бариваасзсу. зд̇з банаад̇и д̇аяо бана. ид̇хаад̇и баариваасигагканд̇хагз. д̇асмаад̇и яасмаа ид̇ха ад̇хиббзд̇аа, д̇асмаа. зд̇зсууд̇и д̇ивид̇хзсу бариваасзсу.
75. Pārivāsikakkhandhake pārivāsikāti padassa parivāsaṃ parivasantīti pārivāsikāti dassento āha ‘‘parivāsaṃ parivasantā’’ti. Tatthāti ‘‘parivāsaṃ parivasantā’’ti taddhitavākye. Tesūti catubbidhesu parivāsesu. Titthiyaparivāsoti titthiyānaṃ parivāso, titthiyānaṃ vā dātabbo parivāso, titthiyehi vā parivasitabbo parivāso titthiyaparivāso. Appaṭicchannaparivāsoti appaṭicchanno parivāso appaṭicchannaparivāso. Tatthāti appaṭicchannaparivāse. Yanti vacanaṃ. Ayaṃ panāti ayaṃ paṭicchannaparivāso pana. Idhāti pārivāsikakkhandhake. Sesāti appaṭicchannaparivāsato sesā. Tayoti appaṭicchannaparivāsādayo tayo, dātabbāti sambandho. Kassa dātabbāti āha ‘‘yenā’’tiādi. Āpannā cevāti āpajjitabbā ceva. Tesūti tividhesu parivāsesu. Ete panāti tayo pana. Idhāti pārivāsikakkhandhake. Tasmāti yasmā idha adhippetā, tasmā. Etesūti tividhesu parivāsesu.
багад̇ад̇д̇аанам̣ бхигкуунанд̇и зд̇т̇а ад̇хиббзд̇абагад̇ад̇д̇з д̣̇ассзнд̇о ааха ‘‘табзд̇ваа’’д̇иаад̣̇и. муулааяабадигассанаарахаад̣̇ийнамбийд̇и зд̇т̇а аад̣̇исад̣̇д̣̇зна маанад̇д̇аарахамаанад̇д̇ажааригааб̣бхаанаарахаад̣̇аяо сан̇г̇ан̣хаад̇и. бисад̣̇д̣̇зна багад̇ибагад̇ад̇д̇ам̣ абзгкад̇и. д̇зд̇и багад̇ад̇д̇аа. яам̣ абхиваад̣̇анаад̣̇им̣ гаронд̇ийд̇и яож̇анаа. саад̣̇ияанд̇ийд̇и зд̇т̇а саад̣̇ияанам̣ наама самбадижчананд̇и ааха ‘‘самбадижчанд̇ий’’д̇и. д̇ад̇т̇аад̇и абхиваад̣̇анаад̣̇ийсу, нид̣̇д̇хааран̣з жзд̇ам̣ бхуммаважанам̣. саамийжигамманд̇и зд̇ам̣ аабхисамаажааригасса ад̇хиважананд̇и яож̇анаа. абхиваад̣̇анаад̣̇ийнийд̇и абхиваад̣̇анабажжудтаанаан̃ж̇алигаммаани. б̣ийж̇анаваад̇ад̣̇аанаад̣̇инод̇и б̣ийж̇анияаа бахарид̇зна бавад̇д̇асса ваад̇асса д̣̇аанаад̣̇ино. аасанаабхихааранд̇и зд̇т̇а абхихаран̣ам̣ абхихааро, аасанасса абхихааро аасанаабхихаарод̇и важанад̇т̇ам̣ д̣̇ассзнд̇о ааха ‘‘аасанасса абхихаран̣а’’нд̇и. бан̃н̃аабанамби абхихарид̇ваа бан̃н̃аабид̇ад̇д̇аа абхихаароязва наамаад̇и ааха ‘‘бан̃н̃аабанамзва ваа’’д̇и. ‘‘баад̣̇ад̇хованауд̣̇ага’’нд̇и иминаа баад̣̇асса д̇хованам̣ уд̣̇агам̣ баад̣̇од̣̇аганд̇и важанад̇т̇ам̣ д̣̇ассзд̇и. ‘‘баад̣̇адтабанага’’нд̇и иминаа баад̣̇асса табанагам̣ бийтам̣ баад̣̇абийтанд̇и важанад̇т̇ам̣ д̣̇ассзд̇и. ‘‘баад̣̇агхам̣санам̣ ваа’’д̇и иминаа баад̣̇асса гхам̣санам̣ гат̇алигам̣ баад̣̇агат̇алиганд̇и важанад̇т̇ам̣ д̣̇ассзд̇и. сад̣̇д̇хивихааригаанамби абхиваад̣̇анаад̣̇инд̇и самб̣анд̇хо. бисад̣̇д̣̇зна ан̃н̃зсам̣ саад̣̇ияанд̇асса гаа наама гат̇аад̇и д̣̇ассзд̇и. д̇зд̇и сад̣̇д̇хивихааригаа. сад̣̇д̇хаабаб̣б̣аж̇ид̇аад̇и сад̣̇д̇хааяа баб̣б̣аж̇ид̇аа. гулабуд̇д̇аад̇и ж̇аад̇игулабуд̇д̇аа, аажаарагулабуд̇д̇аа жа. гаронд̇и, аабужчанд̇иязваад̇и самб̣анд̇хо. ваарид̇амби асаад̣̇ияанам̣ наамаад̇и ааха ‘‘ваарид̇агаалад̇о бадтааяа анаабад̇д̇ий’’д̇и. мит̇у яат̇аавуд̣дханд̇и зд̇т̇а мит̇усад̣̇д̣̇о ан̃н̃аман̃н̃абарияааяо, яат̇аасад̣̇д̣̇о яам̣сад̣̇д̣̇абарияааяо, вижчад̇т̇о жаад̇и ааха ‘‘ан̃н̃аман̃н̃ам̣ яо яо вуд̣дхо’’д̇и. ан̃н̃аман̃н̃ан̃хи мит̇ад̇и сан̇г̇амам̣ гарод̇ийд̇и мит̇ууд̇и вужжад̇и. д̇зна д̇знаад̇и бхигкунаа, ‘‘саад̣̇ид̇у’’нд̇и бад̣̇з бхаавагад̇д̇аа. саад̣̇ид̇ум̣ ануж̇аанаамийд̇и самб̣анд̇хо.
Pakatattānaṃ bhikkhūnanti ettha adhippetapakatatte dassento āha ‘‘ṭhapetvā’’tiādi. Mūlāyapaṭikassanārahādīnampīti ettha ādisaddena mānattārahamānattacārikaabbhānārahādayo saṅgaṇhāti. Pisaddena pakatipakatattaṃ apekkhati. Teti pakatattā. Yaṃ abhivādanādiṃ karontīti yojanā. Sādiyantīti ettha sādiyanaṃ nāma sampaṭicchananti āha ‘‘sampaṭicchantī’’ti. Tatthāti abhivādanādīsu, niddhāraṇe cetaṃ bhummavacanaṃ. Sāmīcikammanti etaṃ ābhisamācārikassa adhivacananti yojanā. Abhivādanādīnīti abhivādanapaccuṭṭhānaañjalikammāni. Bījanavātadānādinoti bījaniyā paharitena pavattassa vātassa dānādino. Āsanābhihāranti ettha abhiharaṇaṃ abhihāro, āsanassa abhihāro āsanābhihāroti vacanatthaṃ dassento āha ‘‘āsanassa abhiharaṇa’’nti. Paññāpanampi abhiharitvā paññāpitattā abhihāroyeva nāmāti āha ‘‘paññāpanameva vā’’ti. ‘‘Pādadhovanaudaka’’nti iminā pādassa dhovanaṃ udakaṃ pādodakanti vacanatthaṃ dasseti. ‘‘Pādaṭṭhapanaka’’nti iminā pādassa ṭhapanakaṃ pīṭhaṃ pādapīṭhanti vacanatthaṃ dasseti. ‘‘Pādaghaṃsanaṃ vā’’ti iminā pādassa ghaṃsanaṃ kathalikaṃ pādakathalikanti vacanatthaṃ dasseti. Saddhivihārikānampi abhivādanādinti sambandho. Pisaddena aññesaṃ sādiyantassa kā nāma kathāti dasseti. Teti saddhivihārikā. Saddhāpabbajitāti saddhāya pabbajitā. Kulaputtāti jātikulaputtā, ācārakulaputtā ca. Karonti, āpucchantiyevāti sambandho. Vāritampi asādiyanaṃ nāmāti āha ‘‘vāritakālato paṭṭhāya anāpattī’’ti. Mithu yathāvuḍḍhanti ettha mithusaddo aññamaññapariyāyo, yathāsaddo yaṃsaddapariyāyo, vicchattho cāti āha ‘‘aññamaññaṃ yo yo vuḍḍho’’ti. Aññamaññañhi mithati saṅgamaṃ karotīti mithūti vuccati. Tena tenāti bhikkhunā, ‘‘sāditu’’nti pade bhāvakattā. Sādituṃ anujānāmīti sambandho.
‘‘вуд̣дхабадибаадияаа’’д̇и иминаа вуд̣дхаанам̣ бадибаади яат̇аавуд̣дханд̇и жад̇уд̇т̇ийаб̣яаяийбхаавам̣ д̣̇ассзд̇и. буримабад̣̇з бана батамаааб̣яаяийбхааво. баал̣ияаад̇и банд̇ияаа. д̇ад̇т̇зваад̇и сан̇гханавагадтаанз зва. бавааран̣ааяабийд̇и бисад̣̇д̣̇зна на гзвалам̣ убосат̇зязва, ат̇а ко бавааран̣ааяабийд̇и д̣̇ассзд̇и. сан̇гхзна бхааж̇ияамаананд̇и самб̣анд̇хо.
‘‘Vuḍḍhapaṭipāṭiyā’’ti iminā vuḍḍhānaṃ paṭipāṭi yathāvuḍḍhanti catutthīabyayībhāvaṃ dasseti. Purimapade pana paṭhamāabyayībhāvo. Pāḷiyāti pantiyā. Tatthevāti saṅghanavakaṭṭhāne eva. Pavāraṇāyapīti pisaddena na kevalaṃ uposatheyeva, atha kho pavāraṇāyapīti dasseti. Saṅghena bhājiyamānanti sambandho.
он̣ож̇ананд̇и авануд̣̇ад̇з он̣ож̇анам̣. авабуб̣б̣о нуд̣̇ад̇хаад̇у нагаарасса н̣агаарам̣, д̣̇агаарасса жа ж̇агаарам̣ гад̇ваа он̣ож̇ананд̇и вужжад̇и. нуд̣̇ад̇хаад̇у абанаяанад̇т̇о, д̇зна вуд̇д̇ам̣ ‘‘виссаж̇ж̇анам̣ вужжад̇ий’’д̇и. уд̣̇д̣̇зсабхад̇д̇аад̣̇ийнийд̇иаад̣̇исад̣̇д̣̇зна салаагабхад̇д̇аад̣̇ийни сан̇г̇ан̣хаад̇и. ассаад̇и баариваасигасса. д̇аанийд̇и д̣̇вз д̇ийн̣и уд̣̇д̣̇зсабхад̇д̇аад̣̇ийни. хздтаад̇и ад̇д̇ано хздтаа. г̇аахзт̇аад̇и навагад̇арз бхигкуу г̇аахаабзт̇а. бхад̇д̇абажжаасаад̇и бхад̇д̇амзва бажжаасаа бхад̇д̇абажжаасаа, бажжаасаабхад̇д̇анд̇и ад̇т̇о. ‘‘виссаж̇ж̇зд̇аб̣б̣ааний’’д̇и иминаа авануд̣̇ид̇аб̣б̣анд̇и он̣ож̇ананд̇и ад̇т̇ам̣ д̣̇ассзд̇и. званд̇и г̇ахзд̇ваа виссаж̇ж̇амаанзд̇и яож̇анаа. д̇аанийд̇и уд̣̇д̣̇зсабхад̇д̇аад̣̇ийни. яад̣̇и бана на г̇ан̣хаад̇ийд̇и сажз сан̇гхад̇о вассаг̇г̇зна на г̇ан̣хаад̇и. на виссаж̇ж̇зд̇ийд̇и сажз ан̃н̃асса на виссаж̇ж̇зд̇и. од̣̇иссаад̇и уд̣̇д̣̇исид̇ваа. д̇ассаад̇и баариваасигасса. хийд̇и яасмаа. сан̇гханавагадтаанз нисиннасса д̇ассаад̇и яож̇анаа. бхад̇д̇аг̇г̇зд̇и бхад̇д̇асса г̇ахан̣адтаанз. сод̇и баариваасиго, маа гиламид̇т̇аад̇и самб̣анд̇хо. ид̣̇анд̇и он̣ож̇анам̣. ассаад̇и баариваасигасса, анун̃н̃аад̇анд̇и самб̣анд̇хо.
Oṇojananti avanudate oṇojanaṃ. Avapubbo nudadhātu nakārassa ṇakāraṃ, dakārassa ca jakāraṃ katvā oṇojananti vuccati. Nudadhātu apanayanattho, tena vuttaṃ ‘‘vissajjanaṃ vuccatī’’ti. Uddesabhattādīnītiādisaddena salākabhattādīni saṅgaṇhāti. Assāti pārivāsikassa. Tānīti dve tīṇi uddesabhattādīni. Heṭṭhāti attano heṭṭhā. Gāhethāti navakatare bhikkhū gāhāpetha. Bhattapaccāsāti bhattameva paccāsā bhattapaccāsā, paccāsābhattanti attho. ‘‘Vissajjetabbānī’’ti iminā avanuditabbanti oṇojananti atthaṃ dasseti. Evanti gahetvā vissajjamāneti yojanā. Tānīti uddesabhattādīni. Yadi pana na gaṇhātīti sace saṅghato vassaggena na gaṇhāti. Na vissajjetīti sace aññassa na vissajjeti. Odissāti uddisitvā. Tassāti pārivāsikassa. Hīti yasmā. Saṅghanavakaṭṭhāne nisinnassa tassāti yojanā. Bhattaggeti bhattassa gahaṇaṭṭhāne. Soti pārivāsiko, mā kilamitthāti sambandho. Idanti oṇojanaṃ. Assāti pārivāsikassa, anuññātanti sambandho.
ааг̇ад̇ааг̇ад̇зхи бхигкуухийд̇и самб̣анд̇хо. жад̇уссаалабхад̇д̇анд̇и жад̇умукаа саалаа жад̇уссаалаа бхож̇анасаалаа, д̇ад̇т̇а бадибаадияаа д̣̇иннам̣ бхад̇д̇ам̣ жад̇уссаалабхад̇д̇ам̣. зд̇анд̇и жад̇уссаалабхад̇д̇ам̣. баал̣ияаад̇и бхигкуунам̣ баал̣ияаа. осаггид̇ваад̇и хздтаа саггид̇ваа. хад̇т̇абаасзд̇и бхад̇д̇ад̣̇ааяагасса хад̇т̇абаасз. сзнод̇и гулало. ‘‘аараамигасаман̣уд̣̇д̣̇зсзхий’’д̇и бад̣̇ам̣ ‘‘аахараабзд̇у’’нд̇и бад̣̇з гаарид̇агаммам̣. саяамзваад̇и баариваасигзна анаан̣ад̇д̇о худ̇ваа саяамзва. махаабзл̣абхад̇д̇збийд̇и махад̇ияам̣ бзл̣ааяам̣ багкибид̇ваа д̣̇иннз бхад̇д̇зби. яад̇т̇а банаад̇и баривисадтаанз бана.
Āgatāgatehi bhikkhūhīti sambandho. Catussālabhattanti catumukhā sālā catussālā bhojanasālā, tattha paṭipāṭiyā dinnaṃ bhattaṃ catussālabhattaṃ. Etanti catussālabhattaṃ. Pāḷiyāti bhikkhūnaṃ pāḷiyā. Osakkitvāti heṭṭhā sakkitvā. Hatthapāseti bhattadāyakassa hatthapāse. Senoti kulalo. ‘‘Ārāmikasamaṇuddesehī’’ti padaṃ ‘‘āharāpetu’’nti pade kāritakammaṃ. Sayamevāti pārivāsikena anāṇatto hutvā sayameva. Mahāpeḷabhattepīti mahatiyaṃ peḷāyaṃ pakkhipitvā dinne bhattepi. Yattha panāti parivisaṭṭhāne pana.
76. д̇ад̇рааяам̣ саммаавад̇д̇анаад̇и зд̇т̇а д̇асад̣̇д̣̇асса анияаманид̣̇д̣̇зсабхаавам̣ д̣̇ассзнд̇о ааха ‘‘ид̣̇аани яаа аяам̣ саммаавад̇д̇анаа вуд̇д̇аа’’д̇и. саммаа вад̇д̇ид̇аб̣б̣ам̣ зд̇ааяаад̇и саммаавад̇д̇анаа. д̇ад̇т̇аад̇и саммаавад̇д̇анааяам̣. на убасамбаад̣̇зд̇аб̣б̣анд̇и зд̇т̇а аажариязна худ̇ваа гаммаваажаасааванамби убасамбаад̣̇анамзваад̇и ааха ‘‘аажариязна худ̇вааби гаммаваажаа на саавзд̇аб̣б̣аа’’д̇и. ан̃н̃асмим̣ асад̇ийд̇и ад̇д̇анаа ан̃н̃асмим̣ гаммаваажааваажагз асад̇и. на ниссаяо д̣̇аад̇аб̣б̣од̇и зд̇т̇а ааг̇анд̇угаанамзва ниссаяо на д̣̇аад̇аб̣б̣о, на д̣̇иннаниссаяаанамбийд̇и д̣̇ассзнд̇о ааха ‘‘ааг̇анд̇угаанам̣ ниссаяо на д̣̇аад̇аб̣б̣о’’д̇иаад̣̇и, язхиби бхигкуухи г̇ахид̇од̇и самб̣анд̇хо.
76. Tatrāyaṃ sammāvattanāti ettha tasaddassa aniyamaniddesabhāvaṃ dassento āha ‘‘idāni yā ayaṃ sammāvattanā vuttā’’ti. Sammā vattitabbaṃ etāyāti sammāvattanā. Tatthāti sammāvattanāyaṃ. Na upasampādetabbanti ettha ācariyena hutvā kammavācāsāvanampi upasampādanamevāti āha ‘‘ācariyena hutvāpi kammavācā na sāvetabbā’’ti. Aññasmiṃ asatīti attanā aññasmiṃ kammavācāvācake asati. Na nissayo dātabboti ettha āgantukānameva nissayo na dātabbo, na dinnanissayānampīti dassento āha ‘‘āgantukānaṃ nissayo na dātabbo’’tiādi, yehipi bhikkhūhi gahitoti sambandho.
ан̃н̃о сааман̣зрод̇и багад̇ад̇д̇агаалз убаж̇жхам̣ д̣̇ад̇ваа г̇ахид̇асааман̣зрзхи ан̃н̃о сааман̣зро. аад̇хибажжадтаанабхууд̇аад̇и саб̣б̣асаммуд̇ийнам̣ ад̇хибад̇ибхаавасса таанабхууд̇аа. бадиб̣алассаад̇и бхигкунияо овад̣̇ид̇ум̣ бадиб̣аласса. иминаа лад̣̇д̇хасаммуд̇игзна аан̣ад̇д̇о алад̣̇д̇хасаммуд̇игоби г̇аруд̇хаммзхи ваа ан̃н̃зхи ваа бхигкунияо овад̣̇ид̇ум̣ лабхад̇ийд̇и д̣̇ассзд̇и. ааг̇ад̇аа бхигкунияо вад̇д̇аб̣б̣аад̇и самб̣анд̇хо. вод̇и д̇умхаагам̣. сод̇и бхигку. вод̇и д̇умхаагам̣, д̣̇ассад̇ийд̇и самб̣анд̇хо.
Aññosāmaṇeroti pakatattakāle upajjhaṃ datvā gahitasāmaṇerehi añño sāmaṇero. Ādhipaccaṭṭhānabhūtāti sabbasammutīnaṃ adhipatibhāvassa ṭhānabhūtā. Paṭibalassāti bhikkhuniyo ovadituṃ paṭibalassa. Iminā laddhasammutikena āṇatto aladdhasammutikopi garudhammehi vā aññehi vā bhikkhuniyo ovadituṃ labhatīti dasseti. Āgatā bhikkhuniyo vattabbāti sambandho. Voti tumhākaṃ. Soti bhikkhu. Voti tumhākaṃ, dassatīti sambandho.
суггависсадтияаад̇и суггависсадтиаабад̇д̇игааран̣аа. гааяасам̣саг̇г̇аад̣̇иг̇аругаабад̇д̇и наабаж̇ж̇ид̇аб̣б̣аад̇и яож̇анаа. аабад̇д̇игканд̇хавасзна аабад̇д̇ивад̇т̇уунам̣ баабидтабхааван̃жа баабидтад̇арабхааван̃жа вид̇т̇аарзнд̇о ааха ‘‘сад̇д̇асу хий’’д̇иаад̣̇и. баабидтад̇араад̇и д̣̇уб̣бхаасид̇аабад̇д̇ид̇о д̣̇уггадаабад̇д̇и баабидтад̇араа. д̇аасанд̇и сад̇д̇аннам̣ аабад̇д̇ийнам̣. буриманаязнзваад̇и буримаанам̣ аабад̇д̇ийнам̣ наязнзва. бхзд̣̇од̇и вад̇т̇уунам̣ висзсо. звам̣ аабад̇д̇игканд̇хавасзна аабад̇д̇ивад̇т̇уунам̣ баабидтабаабидтад̇арабхаавам̣ д̣̇ассзд̇ваа ид̣̇аани сигкаабад̣̇авасзна д̇зсам̣ д̇ам̣ д̣̇ассзнд̇о ааха ‘‘бан̣н̣ад̇д̇иваж̇ж̇асигкаабад̣̇з банаа’’д̇иаад̣̇и. убхаяамбийд̇и вад̇т̇уаабад̇д̇исан̇каад̇ам̣ убхаяамби.
Sukkavissaṭṭhiyāti sukkavissaṭṭhiāpattikāraṇā. Kāyasaṃsaggādigarukāpatti nāpajjitabbāti yojanā. Āpattikkhandhavasena āpattivatthūnaṃ pāpiṭṭhabhāvañca pāpiṭṭhatarabhāvañca vitthārento āha ‘‘sattasu hī’’tiādi. Pāpiṭṭhatarāti dubbhāsitāpattito dukkaṭāpatti pāpiṭṭhatarā. Tāsanti sattannaṃ āpattīnaṃ. Purimanayenevāti purimānaṃ āpattīnaṃ nayeneva. Bhedoti vatthūnaṃ viseso. Evaṃ āpattikkhandhavasena āpattivatthūnaṃ pāpiṭṭhapāpiṭṭhatarabhāvaṃ dassetvā idāni sikkhāpadavasena tesaṃ taṃ dassento āha ‘‘paṇṇattivajjasikkhāpade panā’’tiādi. Ubhayampīti vatthuāpattisaṅkhātaṃ ubhayampi.
гамманд̇и зд̇т̇а гааран̣абхууд̇асса гаммасса наамам̣ гаарияабхууд̇ааяам̣ гаммаваажааяам̣ убажааравасзна гаарияабхууд̇аа гаммаваажаа гамманд̇и вужжад̇ийд̇и ааха ‘‘бариваасагаммаваажаа вужжад̇ий’’д̇и. гаммасмим̣ сад̇и, гаммзна ваа важид̇аб̣б̣аад̇и гаммаваажаад̇и важанад̇т̇о гаад̇аб̣б̣о. гасигамманд̇и гасисан̇каад̇ам̣ гаммам̣. г̇орагкагамманд̇и г̇орагкасан̇каад̇ам̣ гаммам̣. ‘‘гаммам̣ гад̇а’’нд̇и иминаа гаммам̣ гаронд̇ийд̇и гаммигаад̇и важанад̇т̇ам̣ д̣̇ассзд̇и. д̇зд̇и гаммигаа бхигкуу, на г̇арахид̇аб̣б̣аад̇и самб̣анд̇хо.
Kammanti ettha kāraṇabhūtassa kammassa nāmaṃ kāriyabhūtāyaṃ kammavācāyaṃ upacāravasena kāriyabhūtā kammavācā kammanti vuccatīti āha ‘‘parivāsakammavācā vuccatī’’ti. Kammasmiṃ sati, kammena vā vacitabbāti kammavācāti vacanattho kātabbo. Kasikammanti kasisaṅkhātaṃ kammaṃ. Gorakkhakammanti gorakkhasaṅkhātaṃ kammaṃ. ‘‘Kammaṃ kata’’nti iminā kammaṃ karontīti kammikāti vacanatthaṃ dasseti. Teti kammikā bhikkhū, na garahitabbāti sambandho.
важид̇аб̣б̣ам̣ анзна д̣̇осзнаад̇и важанийяам̣, сам̣виж̇ж̇ад̇и важанийяам̣ ассаад̇и саважанийяам̣, д̇ам̣ на гаад̇аб̣б̣анд̇и ад̇т̇о. д̇амзвад̇т̇ам̣ вид̇т̇аарзнд̇о ааха ‘‘балиб̣од̇хад̇т̇ааяа хий’’д̇иаад̣̇и. яаава на д̇ам̣ ад̇хигаран̣ам̣ вуубасанд̇ам̣ ход̇и, д̇аава имамхаа ааваасаа згабад̣̇амби маа баггаамийд̇и яож̇анаа. д̇зд̇и д̇уяхам̣.
Vacitabbaṃ anena dosenāti vacanīyaṃ, saṃvijjati vacanīyaṃ assāti savacanīyaṃ, taṃ na kātabbanti attho. Tamevatthaṃ vitthārento āha ‘‘palibodhatthāya hī’’tiādi. Yāva na taṃ adhikaraṇaṃ vūpasantaṃ hoti, tāva imamhā āvāsā ekapadampi mā pakkāmīti yojanā. Teti tuyhaṃ.
ануваад̣̇од̇и зд̇т̇а анусаасанавасзна ан̃н̃з вад̣̇ад̇ийд̇и ануваад̣̇од̇и вуд̇д̇з ж̇здтагадтаананд̇и ааха ‘‘вихаарз ж̇здтагадтаанам̣ на гаад̇аб̣б̣а’’нд̇и. ж̇здтагадтаанам̣ саруубзна д̣̇ассзнд̇о ааха ‘‘баад̇имогкуд̣̇д̣̇зсагзна ваа’’д̇иаад̣̇и. мзд̇и маяхам̣. д̇анд̇и д̇авам̣. на жод̣̇зд̇аб̣б̣од̇и зд̇т̇а гзна на жод̣̇зд̇аб̣б̣од̇и ааха ‘‘вад̇т̇унаа ваа аабад̇д̇ияаа ваа’’д̇и. на саарзд̇аб̣б̣од̇и на сараабзд̇аб̣б̣о. на бхигкуухи самбаяож̇зд̇аб̣б̣анд̇и зд̇т̇а бхигкуухи ад̇д̇анаа галахавасзна на самбаяож̇зд̇аб̣б̣анд̇и д̣̇ассзнд̇о ааха ‘‘ан̃н̃аман̃н̃ам̣ яож̇зд̇ваа галахо на гаарзд̇аб̣б̣о’’д̇и.
Anuvādoti ettha anusāsanavasena aññe vadatīti anuvādoti vutte jeṭṭhakaṭṭhānanti āha ‘‘vihāre jeṭṭhakaṭṭhānaṃ na kātabba’’nti. Jeṭṭhakaṭṭhānaṃ sarūpena dassento āha ‘‘pātimokkhuddesakena vā’’tiādi. Meti mayhaṃ. Tanti tavaṃ. Na codetabboti ettha kena na codetabboti āha ‘‘vatthunā vā āpattiyā vā’’ti. Na sāretabboti na sarāpetabbo. Na bhikkhūhisampayojetabbanti ettha bhikkhūhi attanā kalahavasena na sampayojetabbanti dassento āha ‘‘aññamaññaṃ yojetvā kalaho na kāretabbo’’ti.
сан̇гхад̇т̇зрзна худ̇ваад̇и сан̇гхад̇т̇зрзна хонд̇знабийд̇и ад̇т̇о. бурад̇о аг̇анд̇аб̣б̣з самаанз гим̣ бажчад̇о г̇анд̇аб̣б̣анд̇и ааха ‘‘д̣̇ваад̣̇асахад̇т̇а’’нд̇иаад̣̇и. аасанабарияанд̇од̇и аасанамзва барияанд̇о лаамагод̇и аасанабарияанд̇о, д̇ад̣̇ад̇т̇ам̣ д̣̇ассзнд̇о ааха ‘‘сан̇гханавагаасанам̣ вужжад̇ий’’д̇и. сваассаад̇и со асса. сод̇и аасанабарияанд̇о. ассаад̇и баариваасигасса. д̇ад̇т̇аад̇и аасанабарияанд̇з. аяанд̇и баариваасиго, на лабхад̇ийд̇и самб̣анд̇хо. г̇ахид̇аавасзсаад̇и г̇ахид̇аахи сзяяаахи авасзсаа. ман̇г̇улаг̇уут̇абхарид̇аад̇и ман̇г̇улаанам̣ г̇уут̇зхи буурид̇аа. ассаад̇и баариваасигасса. раж̇зхи хад̇аа наасид̇аа бхууми зд̇т̇аад̇и раж̇охад̇абхууми. ж̇ад̇угамуусигабхарид̇аад̇и ж̇ад̇уухи жа муусигаахи жа буурид̇аа. бан̣н̣асаалаад̇и бан̣н̣зхи чаад̣̇ид̇аа саалаа. ассаад̇и баариваасигасса. саб̣б̣зби ааваасаад̇и яож̇анаа. зд̇зхийд̇и багад̇ад̇д̇зхи. д̇зсууд̇и ааваасзсу. яанд̇и ааваасам̣. бажжаяанд̇и вассааваасигалаабхам̣. згабассзд̇и бхигкуунам̣ баал̣ияам̣ адтад̇ваа згасмим̣ бассз.
Saṅghattherena hutvāti saṅghattherena hontenapīti attho. Purato agantabbe samāne kiṃ pacchato gantabbanti āha ‘‘dvādasahattha’’ntiādi. Āsanapariyantoti āsanameva pariyanto lāmakoti āsanapariyanto, tadatthaṃ dassento āha ‘‘saṅghanavakāsanaṃ vuccatī’’ti. Svāssāti so assa. Soti āsanapariyanto. Assāti pārivāsikassa. Tatthāti āsanapariyante. Ayanti pārivāsiko, na labhatīti sambandho. Gahitāvasesāti gahitāhi seyyāhi avasesā. Maṅgulagūthabharitāti maṅgulānaṃ gūthehi pūritā. Assāti pārivāsikassa. Rajehi hatā nāsitā bhūmi etthāti rajohatabhūmi. Jatukamūsikabharitāti jatūhi ca mūsikāhi ca pūritā. Paṇṇasālāti paṇṇehi chāditā sālā. Assāti pārivāsikassa. Sabbepi āvāsāti yojanā. Etehīti pakatattehi. Tesūti āvāsesu. Yanti āvāsaṃ. Paccayanti vassāvāsikalābhaṃ. Ekapasseti bhikkhūnaṃ pāḷiyaṃ aṭṭhatvā ekasmiṃ passe.
ассаад̇и баариваасигасса, д̣̇знд̇ийд̇и самб̣анд̇хо. со зваад̇и аасанаад̣̇ибарияанд̇о зва. н̃аад̇ибаваарид̇адтаанз ниманд̇ид̇знаад̇и самб̣анд̇хо. д̇ад̇т̇аад̇и д̇ам̣ гулам̣. сам̣вид̇хааяаад̇и сам̣вид̣̇ахид̇ваа. ассаад̇и гуласса, бхавзяяа ваа.
Assāti pārivāsikassa, dentīti sambandho. So evāti āsanādipariyanto eva. Ñātipavāritaṭṭhāne nimantitenāti sambandho. Tatthāti taṃ kulaṃ. Saṃvidhāyāti saṃvidahitvā. Assāti kulassa, bhaveyya vā.
харааяамаанзнаад̇и лаж̇ж̇амаанзна. язнаабийд̇и баариваасигзнаби. самаад̣̇иннанд̇и ааран̃н̃игад̇худ̇ан̇г̇асамаад̣̇иннам̣. д̇ат̇аад̇и яат̇аа ааран̃н̃иган̇г̇ам̣ на самаад̣̇аад̇аб̣б̣ам̣, д̇ат̇аа. бин̣д̣абаад̇игад̇худ̇ан̇г̇амбийд̇и бисад̣̇д̣̇о ааран̃н̃иган̇г̇ам̣ абзгкад̇и. яо банаад̇и баариваасиго бана.
Harāyamānenāti lajjamānena. Yenāpīti pārivāsikenapi. Samādinnanti āraññikadhutaṅgasamādinnaṃ. Tathāti yathā āraññikaṅgaṃ na samādātabbaṃ, tathā. Piṇḍapātikadhutaṅgampīti pisaddo āraññikaṅgaṃ apekkhati. Yo panāti pārivāsiko pana.
анаарожзнд̇асса мзд̇и яож̇анаа. анаарожзнд̇з сад̇ийд̇и ваа яож̇анаа. ‘‘иминаа гааран̣знаа’’д̇и иминаа д̇аббажжаяаад̇и зд̇т̇а бажжаяасад̣̇д̣̇о гааран̣ад̇т̇о, ниссаггаважанан̃жа гааран̣ад̇т̇з ход̇ийд̇и д̣̇ассзд̇и. со рад̇д̇ижчзд̣̇о зва бажжаяо д̇аббажжаяод̇и важанад̇т̇о гаад̇аб̣б̣о. ‘‘сааман̣зрзхий’’д̇и бад̣̇ам̣ ‘‘бажаабзд̇ваа’’д̇и бад̣̇з гаарид̇агаммам̣. зд̇т̇ааби багад̇ияаа нийхараабзд̇вааби вихаарз бажаабзд̇вааби бхун̃ж̇анд̇асса бадисзд̇хо над̇т̇и. гасмаа? ‘‘д̇аббажжаяаа’’д̇и вуд̇д̇ад̇д̇аа. г̇аамзд̇и махааг̇аамз, саб̣б̣агаалам̣ анзгасад̇зхи бхигкуухи авивид̇д̇з г̇аамзд̇и ад̇т̇о. г̇аамагааваасанд̇и г̇аамоязва куд̣̇д̣̇агадтзна г̇аамаго, д̇асмим̣ гаарид̇о ааваасо г̇аамагааваасо, д̇ам̣.
Anārocentassa meti yojanā. Anārocente satīti vā yojanā. ‘‘Iminā kāraṇenā’’ti iminā tappaccayāti ettha paccayasaddo kāraṇattho, nissakkavacanañca kāraṇatthe hotīti dasseti. So ratticchedo eva paccayo tappaccayoti vacanattho kātabbo. ‘‘Sāmaṇerehī’’ti padaṃ ‘‘pacāpetvā’’ti pade kāritakammaṃ. Etthāpi pakatiyā nīharāpetvāpi vihāre pacāpetvāpi bhuñjantassa paṭisedho natthi. Kasmā? ‘‘Tappaccayā’’ti vuttattā. Gāmeti mahāgāme, sabbakālaṃ anekasatehi bhikkhūhi avivitte gāmeti attho. Gāmakāvāsanti gāmoyeva khuddakaṭṭhena gāmako, tasmiṃ kārito āvāso gāmakāvāso, taṃ.
г̇ад̇зна ааг̇анд̇угабаариваасигзнаад̇и самб̣анд̇хо. д̇ад̇т̇аад̇и гисмин̃жи вихаарз, саб̣б̣з бхигкууд̇и самб̣анд̇хо. д̇ад̇т̇а д̇ад̇т̇аад̇и д̇асмим̣ д̇асмим̣ тид̇адтаанз. на згажжз бассад̇и, абассид̇ад̇д̇аа наарожзд̇и, рад̇д̇ижчзд̣̇ова ход̇ийд̇и ад̇хиббааяо.
Gatena āgantukapārivāsikenāti sambandho. Tatthāti kismiñci vihāre, sabbe bhikkhūti sambandho. Tattha tatthāti tasmiṃ tasmiṃ ṭhitaṭṭhāne. Na ekacce passati, apassitattā nāroceti, ratticchedova hotīti adhippāyo.
згасса ваа б̣ахуунам̣ ваа ааг̇анд̇угаананд̇и самб̣анд̇хо. зд̇т̇аад̇и ‘‘ааг̇анд̇угасса аарожзд̇аб̣б̣а’’нд̇и бад̣̇з. вуд̇д̇анаязнзваад̇и ‘‘ааг̇анд̇угзна аарожзд̇аб̣б̣а’’нд̇и бад̣̇з вуд̇д̇анаязнзва. д̇ам̣ вуд̇д̇анаяамаавигаронд̇о ааха ‘‘сажз’’д̇иаад̣̇и. д̇зсамбийд̇и ааг̇анд̇угаанамби. д̇ассаад̇и баариваасигасса. аж̇аананд̇ассзваад̇и анаад̣̇арз жзд̇ам̣ саамиважанам̣. аяан̃жа банаад̇и баариваасиго жа. г̇ад̇агаалзд̇и ааг̇анд̇угаанам̣ г̇ад̇агаалз. язбийд̇и ааг̇анд̇угааби. оггамид̇ваад̇и осарид̇ваа, бависид̇ваад̇и ад̇т̇о. аяан̃жаад̇и баариваасиго жа, ж̇аанаад̇ийд̇и самб̣анд̇хо. нзсанд̇и ааг̇анд̇угаанам̣. яобийд̇и ааг̇анд̇угоби. ассаад̇и баариваасигасса. ан̃н̃аад̇ад̇д̇аад̇и ааг̇ад̇абхаавасса аж̇аанид̇ад̇д̇аа. ‘‘аб̣бхаана’’нд̇и бад̣̇ам̣ ‘‘гарод̇ий’’д̇и бад̣̇з гаммам̣, ‘‘ход̇ий’’д̇и бад̣̇з гад̇д̇аа. ад̇хигаа рад̇д̇ияод̇и аабад̇д̇ибадижчаннарад̇д̇ид̇о ад̇хигаа рад̇д̇ияо. аяанд̇и баариваасигавад̇д̇абадибад̣̇аа. абан̣н̣агабадибад̣̇аад̇и авирад̣̇д̇хабадибад̣̇аа, згам̣сабадибад̣̇аад̇и ад̇т̇о.
Ekassa vā bahūnaṃ vā āgantukānanti sambandho. Etthāti ‘‘āgantukassa ārocetabba’’nti pade. Vuttanayenevāti ‘‘āgantukena ārocetabba’’nti pade vuttanayeneva. Taṃ vuttanayamāvikaronto āha ‘‘sace’’tiādi. Tesampīti āgantukānampi. Tassāti pārivāsikassa. Ajānantassevāti anādare cetaṃ sāmivacanaṃ. Ayañca panāti pārivāsiko ca. Gatakāleti āgantukānaṃ gatakāle. Yepīti āgantukāpi. Okkamitvāti osaritvā, pavisitvāti attho. Ayañcāti pārivāsiko ca, jānātīti sambandho. Nesanti āgantukānaṃ. Yopīti āgantukopi. Assāti pārivāsikassa. Aññātattāti āgatabhāvassa ajānitattā. ‘‘Abbhāna’’nti padaṃ ‘‘karotī’’ti pade kammaṃ, ‘‘hotī’’ti pade kattā. Adhikā rattiyoti āpattipaṭicchannarattito adhikā rattiyo. Ayanti pārivāsikavattapaṭipadā. Apaṇṇakapaṭipadāti aviraddhapaṭipadā, ekaṃsapaṭipadāti attho.
г̇ажчанд̇амби бхигкунд̇и самб̣анд̇хо. саавзд̇унд̇и сун̣аабзд̇ум̣. висаяаависаязнаад̇и аарожзд̇ум̣ д̣̇зсаад̣̇зсзна. гаравийгад̇иссад̇т̇зро аахаад̇и самб̣анд̇хо.
Gacchantampi bhikkhunti sambandho. Sāvetunti suṇāpetuṃ. Visayāvisayenāti ārocetuṃ desādesena. Karavīkatissatthero āhāti sambandho.
‘‘убосат̇ад̣̇ивасз’’д̇и иминаа убосат̇зд̇и зд̇т̇а убосат̇асад̣̇д̣̇асса баад̇имогкуд̣̇д̣̇зсаад̣̇аяо ад̇т̇з нивад̇д̇зд̇и. бавааран̣ааяабийд̇и бавааран̣ад̣̇ивасзби. г̇анд̇унд̇и бхигкусса тид̇адтаанам̣ г̇анд̇ум̣. д̣̇ууд̇знаабийд̇и зд̇т̇а анад̇хиббзд̇ад̣̇ууд̇ам̣ бадигкибид̇ваа ад̇хиббзд̇ад̣̇ууд̇ам̣ д̣̇ассзд̇ум̣ вуд̇д̇ам̣ ‘‘анубасамбаннам̣…бз… аарожаабзд̇аб̣б̣а’’нд̇и.
‘‘Uposathadivase’’ti iminā uposatheti ettha uposathasaddassa pātimokkhuddesādayo atthe nivatteti. Pavāraṇāyapīti pavāraṇadivasepi. Gantunti bhikkhussa ṭhitaṭṭhānaṃ gantuṃ. Dūtenāpīti ettha anadhippetadūtaṃ paṭikkhipitvā adhippetadūtaṃ dassetuṃ vuttaṃ ‘‘anupasampannaṃ…pe… ārocāpetabba’’nti.
сун̃н̃авихаарод̇и бхигкуухи вивид̇д̇авихааро. яад̇т̇аад̇и яасмим̣ ааваасз. хийд̇и сажжам̣, яасмаа ваа. д̇ад̇т̇аад̇и сун̃н̃авихаарз. д̣̇асавид̇ханд̇арааяз сад̇и бана г̇анд̇аб̣б̣амзваад̇и яож̇анаа. наанаасам̣ваасагзхийд̇и гамманаанаасам̣ваасагалад̣̇д̇хинаанаасам̣ваасагзхи.
Suññavihāroti bhikkhūhi vivittavihāro. Yatthāti yasmiṃ āvāse. Hīti saccaṃ, yasmā vā. Tatthāti suññavihāre. Dasavidhantarāye sati pana gantabbamevāti yojanā. Nānāsaṃvāsakehīti kammanānāsaṃvāsakaladdhinānāsaṃvāsakehi.
81. ааваасаад̣̇ийнам̣ саруубам̣ д̣̇ассзнд̇о ааха ‘‘ааваасо наамаа’’д̇иаад̣̇и. д̇ад̇ияабад̣̇знаад̇и ‘‘ааваасз ваа анааваасз ваа’’д̇и д̇ад̇ияабад̣̇зна. зд̇зсууд̇и ааваасаад̣̇ийсу. чад̣̇анад̇од̇и чад̣̇анагодид̇о. анд̇оааваасзд̇и бхид̇д̇ибарижчиннз анд̇оааваасз. ависзсзнаад̇и ‘‘угкид̇д̇аго’’д̇и ваа ‘‘баариваасиго’’д̇и ваа висзсам̣ агад̇ваа сааман̃н̃зна. уд̣̇агабаад̇знаад̇и чад̣̇анад̇о уд̣̇агам̣ бад̇ад̇и зд̇т̇аад̇и уд̣̇агабаад̇о, д̇зна. бан̃жаван̣н̣ажчад̣̇анаб̣ад̣̇д̇хадтаанзсууд̇и бан̃жабамаан̣зна чад̣̇анзна б̣ад̣̇д̇хадтаанзсу зд̇зсу ааваасзсууд̇и самб̣анд̇хо. баариваасигасса жа угкид̇д̇агасса жа багад̇ад̇д̇зна сад̣̇д̇хим̣ ваарид̇анд̇и яож̇анаа. наануубажаарзбийд̇и бисад̣̇д̣̇зна згуубажаарз бана гаа наама гат̇аад̇и д̣̇ассзд̇и . зд̇т̇аад̇и згажчаннз ааваасаад̣̇игз, сажз нибаж̇ж̇ад̇ийд̇и самб̣анд̇хо. д̇асминд̇и садтивассзби баариваасигз.
81. Āvāsādīnaṃ sarūpaṃ dassento āha ‘‘āvāso nāmā’’tiādi. Tatiyapadenāti ‘‘āvāse vā anāvāse vā’’ti tatiyapadena. Etesūti āvāsādīsu. Chadanatoti chadanakoṭito. Antoāvāseti bhittiparicchinne antoāvāse. Avisesenāti ‘‘ukkhittako’’ti vā ‘‘pārivāsiko’’ti vā visesaṃ akatvā sāmaññena. Udakapātenāti chadanato udakaṃ patati etthāti udakapāto, tena. Pañcavaṇṇacchadanabaddhaṭṭhānesūti pañcapamāṇena chadanena baddhaṭṭhānesu etesu āvāsesūti sambandho. Pārivāsikassa ca ukkhittakassa ca pakatattena saddhiṃ vāritanti yojanā. Nānūpacārepīti pisaddena ekūpacāre pana kā nāma kathāti dasseti . Etthāti ekacchanne āvāsādike, sace nipajjatīti sambandho. Tasminti saṭṭhivassepi pārivāsike.
вудтаад̇аб̣б̣ам̣, ниманд̇зд̇аб̣б̣од̇и зд̇т̇а гим̣ ад̇д̇ано вуд̣дхад̇арам̣ багад̇ад̇д̇ам̣ д̣̇исваа вудтаад̇аб̣б̣ам̣, ниманд̇зд̇аб̣б̣од̇и ааха ‘‘д̇ад̣̇ахубасамбаннамбий’’д̇иаад̣̇и. об̣уд̣̇д̇ханд̇и балиб̣уд̣̇д̇хам̣. згаасанзд̇и зд̇т̇а згасад̣̇д̣̇о самаанабарияааяод̇и ааха ‘‘самаанавассигаасанз’’д̇и, самаанавассигаанам̣ аасанзд̇и ад̇т̇о. чамааяам̣ нисиннзд̇и зд̇т̇а чамаасад̣̇д̣̇о бхуумибарияааяод̇и ааха ‘‘бхуумияам̣ нисиннз’’д̇и. ид̇арзнаад̇и баариваасигзна. сахааязна сад̣̇д̇хим̣ жан̇гамад̇и вияаад̇и яож̇анаа. ‘‘згасмим̣ жан̇гамз’’д̇и иминаа згажан̇гамасад̣̇д̣̇асса д̇уляаад̇хигаран̣асамаасаваагяам̣ д̣̇ассзд̇и.
Vuṭṭhātabbaṃ, nimantetabboti ettha kiṃ attano vuḍḍhataraṃ pakatattaṃ disvā vuṭṭhātabbaṃ, nimantetabboti āha ‘‘tadahupasampannampī’’tiādi. Obuddhanti palibuddhaṃ. Ekāsaneti ettha ekasaddo samānapariyāyoti āha ‘‘samānavassikāsane’’ti, samānavassikānaṃ āsaneti attho. Chamāyaṃ nisinneti ettha chamāsaddo bhūmipariyāyoti āha ‘‘bhūmiyaṃ nisinne’’ti. Itarenāti pārivāsikena. Sahāyena saddhiṃ caṅkamati viyāti yojanā. ‘‘Ekasmiṃ caṅkame’’ti iminā ekacaṅkamasaddassa tulyādhikaraṇasamāsavākyaṃ dasseti.
чамааяам̣ жан̇гаманд̇анд̇и зд̇т̇а бхуммад̇т̇з убаяог̇аважананд̇и ааха ‘‘чамааяам̣ жан̇гаманд̇з’’д̇и. аяам̣ банаад̇и вагкамаано бана. зд̇т̇аад̇и ‘‘чамааяам̣ жан̇гаманд̇з’’д̇и баатз. жан̇гаманд̇зд̇и багад̇ад̇д̇з жан̇гаманд̇з. на жан̇гамид̇аб̣б̣анд̇и баариваасигзна на жан̇гамид̇аб̣б̣ам̣. го бана ваад̣̇о идтагаажаяасамбаннз взд̣̇игаабаригкид̇д̇з ид̇и ад̇т̇од̇и яож̇анаа. баб̣б̣ад̇анд̇аравананд̇араг̇умб̣анд̇арзсууд̇и баб̣б̣ад̇амаж̇жхаванамаж̇жхаг̇умб̣амаж̇жхзсу, баб̣б̣ад̇авивараванавивараг̇умб̣авиварзсу ваа. убажааранд̇и д̣̇ваад̣̇асахад̇т̇ам̣ убажаарам̣.
Chamāyaṃ caṅkamantanti ettha bhummatthe upayogavacananti āha ‘‘chamāyaṃ caṅkamante’’ti. Ayaṃ panāti vakkhamāno pana. Etthāti ‘‘chamāyaṃ caṅkamante’’ti pāṭhe. Caṅkamanteti pakatatte caṅkamante. Na caṅkamitabbanti pārivāsikena na caṅkamitabbaṃ. Ko pana vādo iṭṭhakācayasampanne vedikāparikkhitte iti atthoti yojanā. Pabbatantaravanantaragumbantaresūti pabbatamajjhavanamajjhagumbamajjhesu, pabbatavivaravanavivaragumbavivaresu vā. Upacāranti dvādasahatthaṃ upacāraṃ.
82. ид̇арод̇и наваго. ассаад̇и навагасса. на вад̇д̇абхзд̣̇з д̣̇уггаданд̇и ан̃н̃аад̇ад̇д̇аа на вад̇д̇абхзд̣̇з д̣̇уггадам̣. зсзва наяо саб̣б̣ад̇т̇а. абажчаабуриманд̇и абажчаа абуримам̣, згабахаарзнаад̇и ад̇т̇о. самавассаа д̣̇вз баариваасигаад̇и яож̇анаа. д̣̇виннам̣ баариваасигаанам̣ згад̇о васанад̣̇осам̣ д̣̇ассзнд̇о ааха ‘‘сажз хи д̣̇вз’’д̇иаад̣̇и. нзсанд̇и д̣̇виннам̣ баариваасигаанам̣. зд̇т̇аад̇и баариваасигаад̣̇ийсу бан̃жасу бхигкуусу. муулааяабадигассанаарахаад̣̇аяо жад̇д̇аарод̇и яож̇анаа.
82.Itaroti navako. Assāti navakassa. Na vattabhede dukkaṭanti aññātattā na vattabhede dukkaṭaṃ. Eseva nayo sabbattha. Apacchāpurimanti apacchā apurimaṃ, ekapahārenāti attho. Samavassā dve pārivāsikāti yojanā. Dvinnaṃ pārivāsikānaṃ ekato vasanadosaṃ dassento āha ‘‘sace hi dve’’tiādi. Nesanti dvinnaṃ pārivāsikānaṃ. Etthāti pārivāsikādīsu pañcasu bhikkhūsu. Mūlāyapaṭikassanārahādayo cattāroti yojanā.
бариваасад̣̇аанаад̣̇ийнийд̇и аад̣̇исад̣̇д̣̇зна муулааяабадигассанамаанад̇д̇ад̣̇аанааб̣бхаанаани сан̇г̇ан̣хаад̇и. зд̇зсвзваад̇и бариваасад̣̇аанаад̣̇ийсу зва. аяанд̇и баариваасиго.
Parivāsadānādīnīti ādisaddena mūlāyapaṭikassanamānattadānaabbhānāni saṅgaṇhāti. Etesvevāti parivāsadānādīsu eva. Ayanti pārivāsiko.
83. ‘‘ат̇а ко ааяасмаа убаалий’’д̇иаад̣̇иважанасса анусанд̇хим̣ д̣̇ассзнд̇о ааха ‘‘имам̣ банаа’’д̇иаад̣̇и . рахог̇ад̇асса убаалид̇т̇зрассаад̇и яож̇анаа. ат̇а ваа анаад̣̇арз саамиважанам̣ гад̇ваа убаалид̇т̇зрасса рахог̇ад̇ассаад̇и яож̇анаа гаад̇аб̣б̣аа. зд̇т̇аад̇и баариваасигавад̇д̇з. сод̇и убаалид̇т̇зро. ассаад̇и убаалид̇т̇зрасса. д̇ад̇т̇аад̇и д̇ийсу рад̇д̇ижчзд̣̇зсу. явааяанд̇и яо аяам̣, згад̇о ваасод̇и самб̣анд̇хо. со ваасо сахаваасо наамаад̇и яож̇анаа. виббаваасод̇и зд̇т̇а багад̇ад̇д̇зна виббаяуд̇д̇о худ̇ваа ваасод̇и д̣̇ассзнд̇о ааха ‘‘згагассзва ваасо’’д̇и. ааг̇анд̇угаад̣̇ийнанд̇и аад̣̇исад̣̇д̣̇зна ааваасигаа г̇ахзд̇аб̣б̣аа.
83. ‘‘Atha kho āyasmā upālī’’tiādivacanassa anusandhiṃ dassento āha ‘‘imaṃ panā’’tiādi . Rahogatassa upālittherassāti yojanā. Atha vā anādare sāmivacanaṃ katvā upālittherassa rahogatassāti yojanā kātabbā. Etthāti pārivāsikavatte. Soti upālitthero. Assāti upālittherassa. Tatthāti tīsu ratticchedesu. Yvāyanti yo ayaṃ, ekato vāsoti sambandho. So vāso sahavāso nāmāti yojanā. Vippavāsoti ettha pakatattena vippayutto hutvā vāsoti dassento āha ‘‘ekakasseva vāso’’ti. Āgantukādīnanti ādisaddena āvāsikā gahetabbā.
84. д̇ад̇т̇а д̇ад̇т̇аад̇и д̇ам̣ д̇ам̣ таанам̣. д̣̇вийсу бад̣̇зсууд̇и д̣̇вийсу ваагяасан̇каад̇зсу бад̣̇зсу. згзнзгзнабийд̇и згзна згзна ваагяабад̣̇знаби. баривасияид̇т̇аад̇и баривуд̇т̇о, баривуд̇т̇о бариваасо зд̇ассаад̇и баривуд̇т̇абариваасо, д̇асса. хийд̇и сажжам̣. зсаад̇и зсо бхигкууд̇и самб̣анд̇хо. суд̣̇д̇ханд̇зд̇и суд̣̇д̇хагодтаасз. д̣̇угкассаад̇и ваддад̣̇угкасса. анд̇анд̇и авасаанам̣, винаасам̣ ваа.
84.Tattha tatthāti taṃ taṃ ṭhānaṃ. Dvīsu padesūti dvīsu vākyasaṅkhātesu padesu. Ekenekenapīti ekena ekena vākyapadenapi. Parivasiyitthāti parivuttho, parivuttho parivāso etassāti parivutthaparivāso, tassa. Hīti saccaṃ. Esāti eso bhikkhūti sambandho. Suddhanteti suddhakoṭṭhāse. Dukkhassāti vaṭṭadukkhassa. Antanti avasānaṃ, vināsaṃ vā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 1. баариваасигавад̇д̇ам̣ • 1. Pārivāsikavattaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / баариваасигавад̇д̇агат̇аа • Pārivāsikavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баариваасигавад̇д̇агат̇ааван̣н̣анаа • Pārivāsikavattakathāvaṇṇanā
