| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
9. баривад̇д̇анахааравибхан̇г̇о
9. Parivattanahāravibhaṅgo
35. д̇ад̇т̇а гад̇амо баривад̇д̇ано хааро? ‘‘гусалаагусалз д̇хаммз’’д̇и. саммаад̣̇идтисса бурисабуг̇г̇аласса мижчаад̣̇идти ниж̇ж̇ин̣н̣аа бхавад̇и. яз жасса мижчаад̣̇идтибажжаяаа уббаж̇ж̇зяяум̣ анзгз 1 баабагаа агусалаа д̇хаммаа, д̇з жасса ниж̇ж̇ин̣н̣аа хонд̇и. саммаад̣̇идтибажжаяаа жасса анзгз гусалаа д̇хаммаа самбхаванд̇и, д̇з жасса бхааванаабаарибуурим̣ г̇ажчанд̇и. саммаасан̇габбасса бурисабуг̇г̇аласса мижчаасан̇габбо ниж̇ж̇ин̣н̣о бхавад̇и. яз жасса мижчаасан̇габбабажжаяаа уббаж̇ж̇зяяум̣ анзгз баабагаа агусалаа д̇хаммаа, д̇з жасса ниж̇ж̇ин̣н̣аа хонд̇и. саммаасан̇габбабажжаяаа жасса анзгз гусалаа д̇хаммаа самбхаванд̇и. д̇з жасса бхааванаабаарибуурим̣ г̇ажчанд̇и. звам̣ саммааваажасса саммаагамманд̇асса саммааааж̇ийвасса саммаавааяаамасса саммаасад̇исса саммаасамаад̇хисса саммаавимуд̇д̇асса саммаавимуд̇д̇ин̃аан̣ад̣̇ассанасса бурисабуг̇г̇аласса мижчаавимуд̇д̇ин̃аан̣ад̣̇ассанам̣ ниж̇ж̇ин̣н̣ам̣ бхавад̇и. яз жасса мижчаавимуд̇д̇ин̃аан̣ад̣̇ассанабажжаяаа уббаж̇ж̇зяяум̣ анзгз баабагаа агусалаа д̇хаммаа, д̇з жасса ниж̇ж̇ин̣н̣аа хонд̇и. саммаавимуд̇д̇ин̃аан̣ад̣̇ассанабажжаяаа жасса анзгз гусалаа д̇хаммаа самбхаванд̇и, д̇з жасса бхааванаабаарибуурим̣ г̇ажчанд̇и.
35. Tattha katamo parivattano hāro? ‘‘Kusalākusale dhamme’’ti. Sammādiṭṭhissa purisapuggalassa micchādiṭṭhi nijjiṇṇā bhavati. Ye cassa micchādiṭṭhipaccayā uppajjeyyuṃ aneke 2 pāpakā akusalā dhammā, te cassa nijjiṇṇā honti. Sammādiṭṭhipaccayā cassa aneke kusalā dhammā sambhavanti, te cassa bhāvanāpāripūriṃ gacchanti. Sammāsaṅkappassa purisapuggalassa micchāsaṅkappo nijjiṇṇo bhavati. Ye cassa micchāsaṅkappapaccayā uppajjeyyuṃ aneke pāpakā akusalā dhammā, te cassa nijjiṇṇā honti. Sammāsaṅkappapaccayā cassa aneke kusalā dhammā sambhavanti. Te cassa bhāvanāpāripūriṃ gacchanti. Evaṃ sammāvācassa sammākammantassa sammāājīvassa sammāvāyāmassa sammāsatissa sammāsamādhissa sammāvimuttassa sammāvimuttiñāṇadassanassa purisapuggalassa micchāvimuttiñāṇadassanaṃ nijjiṇṇaṃ bhavati. Ye cassa micchāvimuttiñāṇadassanapaccayā uppajjeyyuṃ aneke pāpakā akusalā dhammā, te cassa nijjiṇṇā honti. Sammāvimuttiñāṇadassanapaccayā cassa aneke kusalā dhammā sambhavanti, te cassa bhāvanāpāripūriṃ gacchanti.
36. яасса ваа баан̣аад̇ибаад̇аа бадивирад̇асса баан̣аад̇ибаад̇о бахийно ход̇и. ад̣̇иннаад̣̇аанаа бадивирад̇асса ад̣̇иннаад̣̇аанам̣ бахийнам̣ ход̇и. б̣рахмажаарисса аб̣рахмажарияам̣ бахийнам̣ ход̇и. сажжаваад̣̇исса мусааваад̣̇о бахийно ход̇и. абисун̣аваажасса бисун̣аа ваажаа бахийнаа ход̇и. сан̣хаваажасса парусаа ваажаа бахийнаа ход̇и. гаалаваад̣̇исса сампаббалаабо бахийно ход̇и. анабхиж̇жхаалусса 3 абхиж̇жхаа бахийнаа ход̇и. аб̣яаабаннажид̇д̇асса б̣яаабаад̣̇о бахийно ход̇и. саммаад̣̇идтисса мижчаад̣̇идти бахийнаа ход̇и.
36. Yassa vā pāṇātipātā paṭiviratassa pāṇātipāto pahīno hoti. Adinnādānā paṭiviratassa adinnādānaṃ pahīnaṃ hoti. Brahmacārissa abrahmacariyaṃ pahīnaṃ hoti. Saccavādissa musāvādo pahīno hoti. Apisuṇavācassa pisuṇā vācā pahīnā hoti. Saṇhavācassa pharusā vācā pahīnā hoti. Kālavādissa samphappalāpo pahīno hoti. Anabhijjhālussa 4 abhijjhā pahīnā hoti. Abyāpannacittassa byāpādo pahīno hoti. Sammādiṭṭhissa micchādiṭṭhi pahīnā hoti.
яз жа ко гзжи арияам̣ адтан̇г̇игам̣ маг̇г̇ам̣ г̇араханд̇и, нзсам̣ санд̣̇идтигаа сахад̇хаммигаа г̇аараяхаа ваад̣̇аануваад̣̇аа ааг̇ажчанд̇и. саммаад̣̇идтин̃жа д̇з бхаванд̇о д̇хаммам̣ г̇араханд̇и. д̇зна хи яз мижчаад̣̇идтигаа, д̇зсам̣ бхаванд̇аанам̣ буж̇ж̇аа жа баасам̣саа жа. звам̣ саммаасан̇габбам̣ саммааваажам̣ саммаагамманд̇ам̣ саммааааж̇ийвам̣ саммаавааяаамам̣ саммаасад̇им̣ саммаасамаад̇хим̣ саммаавимуд̇д̇им̣ саммаавимуд̇д̇ин̃аан̣ад̣̇ассанан̃жа д̇з бхаванд̇о д̇хаммам̣ г̇араханд̇и. д̇зна хи яз мижчаавимуд̇д̇ин̃аан̣ад̣̇ассанаа, д̇зсам̣ бхаванд̇аанам̣ буж̇ж̇аа жа баасам̣саа жа.
Ye ca kho keci ariyaṃ aṭṭhaṅgikaṃ maggaṃ garahanti, nesaṃ sandiṭṭhikā sahadhammikā gārayhā vādānuvādā āgacchanti. Sammādiṭṭhiñca te bhavanto dhammaṃ garahanti. Tena hi ye micchādiṭṭhikā, tesaṃ bhavantānaṃ pujjā ca pāsaṃsā ca. Evaṃ sammāsaṅkappaṃ sammāvācaṃ sammākammantaṃ sammāājīvaṃ sammāvāyāmaṃ sammāsatiṃ sammāsamādhiṃ sammāvimuttiṃ sammāvimuttiñāṇadassanañca te bhavanto dhammaṃ garahanti. Tena hi ye micchāvimuttiñāṇadassanā, tesaṃ bhavantānaṃ pujjā ca pāsaṃsā ca.
яз жа ко гзжи звамаахам̣су ‘‘бхун̃ж̇ид̇аб̣б̣аа гаамаа, барибхун̃ж̇ид̇аб̣б̣аа гаамаа, аасзвид̇аб̣б̣аа гаамаа, нисзвид̇аб̣б̣аа гаамаа, бхааваяид̇аб̣б̣аа гаамаа, б̣ахулийгаад̇аб̣б̣аа гаамаа’’д̇и. гаамзхи взраман̣ий д̇зсам̣ ад̇хаммо.
Ye ca kho keci evamāhaṃsu ‘‘bhuñjitabbā kāmā, paribhuñjitabbā kāmā, āsevitabbā kāmā, nisevitabbā kāmā, bhāvayitabbā kāmā, bahulīkātabbā kāmā’’ti. Kāmehi veramaṇī tesaṃ adhammo.
яз ваа бана гзжи звамаахам̣су ‘‘ад̇д̇агиламат̇аануяог̇о д̇хаммо’’д̇и. нияяааниго д̇зсам̣ д̇хаммо ад̇хаммо. яз жа ко гзжи звамаахам̣су ‘‘д̣̇угко д̇хаммо’’д̇и. суко д̇зсам̣ д̇хаммо ад̇хаммо. яат̇аа ваа бана бхигкуно саб̣б̣асан̇каарзсу асубхаанубассино вихарад̇о субхасан̃н̃аа бахийяанд̇и. д̣̇угкаанубассино вихарад̇о сукасан̃н̃аа бахийяанд̇и. анижжаанубассино вихарад̇о нижжасан̃н̃аа бахийяанд̇и. анад̇д̇аанубассино вихарад̇о ад̇д̇асан̃н̃аа бахийяанд̇и. яам̣ яам̣ ваа бана д̇хаммам̣ рожаяад̇и ваа убаг̇ажчад̇и ваа, д̇асса д̇асса д̇хаммасса яо бадибагко, свасса анидтад̇о аж̇жхаабанно бхавад̇и. д̇знааха ааяасмаа махаагажжааяано ‘‘гусалаагусалад̇хаммз’’д̇и.
Ye vā pana keci evamāhaṃsu ‘‘attakilamathānuyogo dhammo’’ti. Niyyāniko tesaṃ dhammo adhammo. Ye ca kho keci evamāhaṃsu ‘‘dukkho dhammo’’ti. Sukho tesaṃ dhammo adhammo. Yathā vā pana bhikkhuno sabbasaṅkhāresu asubhānupassino viharato subhasaññā pahīyanti. Dukkhānupassino viharato sukhasaññā pahīyanti. Aniccānupassino viharato niccasaññā pahīyanti. Anattānupassino viharato attasaññā pahīyanti. Yaṃ yaṃ vā pana dhammaṃ rocayati vā upagacchati vā, tassa tassa dhammassa yo paṭipakkho, svassa aniṭṭhato ajjhāpanno bhavati. Tenāha āyasmā mahākaccāyano ‘‘kusalākusaladhamme’’ti.
нияуд̇д̇о баривад̇д̇ано хааро.
Niyutto parivattano hāro.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 9. баривад̇д̇анахааравибхан̇г̇аван̣н̣анаа • 9. Parivattanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 9. баривад̇д̇анахааравибхан̇г̇аван̣н̣анаа • 9. Parivattanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 9. баривад̇д̇анахааравибхан̇г̇авибхааванаа • 9. Parivattanahāravibhaṅgavibhāvanā
