| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[99] 9. баросахассаж̇аад̇агаван̣н̣анаа
[99] 9. Parosahassajātakavaṇṇanā
баросахассамби самааг̇ад̇аананд̇и ид̣̇ам̣ сад̇т̇аа ж̇зд̇аванз вихаранд̇о бут̇уж̇ж̇анабужчаабан̃жагам̣ аараб̣бха гат̇зси . вад̇т̇у сарабхаж̇аад̇агз (ж̇аа. 1.13.134 аад̣̇аяо) аави бхависсад̇и. згасмим̣ бана самаяз бхигкуу д̇хаммасабхааяам̣ саннибад̇ид̇ваа ‘‘аавусо, д̣̇асаб̣алзна сам̣кид̇д̇зна гат̇ид̇ам̣ д̇хаммасзнаабад̇и саарибуд̇д̇о вид̇т̇аарзна б̣яаагаасий’’д̇и т̇зрасса г̇ун̣ам̣ гат̇аяамаанаа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, саарибуд̇д̇о ид̣̇аанзва маяаа сам̣кид̇д̇зна бхаасид̇ам̣ вид̇т̇аарзна б̣яаагарод̇и, буб̣б̣зби б̣яаагаасиязваа’’д̇и вад̇ваа ад̇ийд̇ам̣ аахари.
Parosahassampisamāgatānanti idaṃ satthā jetavane viharanto puthujjanapucchāpañcakaṃ ārabbha kathesi . Vatthu sarabhajātake (jā. 1.13.134 ādayo) āvi bhavissati. Ekasmiṃ pana samaye bhikkhū dhammasabhāyaṃ sannipatitvā ‘‘āvuso, dasabalena saṃkhittena kathitaṃ dhammasenāpati sāriputto vitthārena byākāsī’’ti therassa guṇaṃ kathayamānā nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, sāriputto idāneva mayā saṃkhittena bhāsitaṃ vitthārena byākaroti, pubbepi byākāsiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о уд̣̇ижжаб̣раахман̣агулз ниб̣б̣ад̇д̇ид̇ваа д̇аггасилааяам̣ саб̣б̣асиббаани уг̇г̇ан̣хид̇ваа гаамз бахааяа исибаб̣б̣аж̇ж̇ам̣ баб̣б̣аж̇ид̇ваа бан̃жаабхин̃н̃аа адта самаабад̇д̇ияо ниб̣б̣ад̇д̇зд̇ваа химаванд̇з вихааси. баривааробисса бан̃жа д̇аабасасад̇аани ахзсум̣. ат̇асса ж̇здтанд̇зваасиго вассаарад̇д̇асамаяз убад̣дхам̣ исиг̇ан̣ам̣ аад̣̇ааяа лон̣амб̣иласзванад̇т̇ааяа мануссабат̇ам̣ аг̇амааси. д̇ад̣̇аа б̣од̇хисад̇д̇асса гаалагирияаасамаяо ж̇аад̇о. ат̇а нам̣ анд̇зваасигаа ‘‘аажарияа, гад̇аро во г̇ун̣о лад̣̇д̇хо’’д̇и ад̇хиг̇амам̣ бужчим̣су. со ‘‘над̇т̇и гин̃жий’’д̇и вад̇ваа аабхассараб̣рахмалогз ниб̣б̣ад̇д̇и. б̣од̇хисад̇д̇аа хи аруубасамаабад̇д̇илаабхино худ̇вааби абхаб̣б̣адтаанад̇д̇аа ааруббз на ниб̣б̣ад̇д̇анд̇и. анд̇зваасигаа ‘‘аажарияасса ад̇хиг̇амо над̇т̇ий’’д̇и аал̣ааханз саггаарам̣ на гарим̣су.
Atīte bārāṇasiyaṃ brahmadatte rajjaṃ kārente bodhisatto udiccabrāhmaṇakule nibbattitvā takkasilāyaṃ sabbasippāni uggaṇhitvā kāme pahāya isipabbajjaṃ pabbajitvā pañcābhiññā aṭṭha samāpattiyo nibbattetvā himavante vihāsi. Parivāropissa pañca tāpasasatāni ahesuṃ. Athassa jeṭṭhantevāsiko vassārattasamaye upaḍḍhaṃ isigaṇaṃ ādāya loṇambilasevanatthāya manussapathaṃ agamāsi. Tadā bodhisattassa kālakiriyāsamayo jāto. Atha naṃ antevāsikā ‘‘ācariya, kataro vo guṇo laddho’’ti adhigamaṃ pucchiṃsu. So ‘‘natthi kiñcī’’ti vatvā ābhassarabrahmaloke nibbatti. Bodhisattā hi arūpasamāpattilābhino hutvāpi abhabbaṭṭhānattā āruppe na nibbattanti. Antevāsikā ‘‘ācariyassa adhigamo natthī’’ti āḷāhane sakkāraṃ na kariṃsu.
ж̇здтанд̇зваасиго ааг̇анд̇ваа ‘‘гахам̣ аажарияо’’д̇и бужчид̇ваа ‘‘гаалагад̇о’’д̇и суд̇ваа ‘‘аби аажарияам̣ ад̇хиг̇амам̣ бужчид̇т̇аа’’д̇и ааха. ‘‘аама, бужчимхаа’’д̇и. ‘‘гим̣ гат̇зсий’’д̇и? ‘‘над̇т̇и гин̃жийд̇и д̇зна вуд̇д̇ам̣, ат̇асса амхзхи саггааро на гад̇о’’д̇и аахам̣су. ж̇здтанд̇зваасиго ‘‘д̇умхз аажарияасса важанад̇т̇ам̣ на ж̇аанаат̇а, аагин̃жан̃н̃ааяад̇анасамаабад̇д̇илаабхий аажарияо’’д̇и ааха. д̇з д̇асмим̣ бунаббунам̣ гат̇знд̇зби на сад̣̇д̣̇ахим̣су. б̣од̇хисад̇д̇о д̇ам̣ гааран̣ам̣ н̃ад̇ваа ‘‘анд̇хаб̣аалаа мама ж̇здтанд̇зваасигасса важанам̣ на сад̣̇д̣̇аханд̇и. имам̣ д̇зсам̣ гааран̣ам̣ баагадам̣ гариссаамий’’д̇и б̣рахмалогаа ааг̇анд̇ваа ассамабад̣̇амад̇т̇агз маханд̇знаанубхаавзна аагаасз тад̇ваа ж̇здтанд̇зваасигасса бан̃н̃аанубхаавам̣ ван̣н̣знд̇о имам̣ г̇аат̇амааха –
Jeṭṭhantevāsiko āgantvā ‘‘kahaṃ ācariyo’’ti pucchitvā ‘‘kālakato’’ti sutvā ‘‘api ācariyaṃ adhigamaṃ pucchitthā’’ti āha. ‘‘Āma, pucchimhā’’ti. ‘‘Kiṃ kathesī’’ti? ‘‘Natthi kiñcīti tena vuttaṃ, athassa amhehi sakkāro na kato’’ti āhaṃsu. Jeṭṭhantevāsiko ‘‘tumhe ācariyassa vacanatthaṃ na jānātha, ākiñcaññāyatanasamāpattilābhī ācariyo’’ti āha. Te tasmiṃ punappunaṃ kathentepi na saddahiṃsu. Bodhisatto taṃ kāraṇaṃ ñatvā ‘‘andhabālā mama jeṭṭhantevāsikassa vacanaṃ na saddahanti. Imaṃ tesaṃ kāraṇaṃ pākaṭaṃ karissāmī’’ti brahmalokā āgantvā assamapadamatthake mahantenānubhāvena ākāse ṭhatvā jeṭṭhantevāsikassa paññānubhāvaṃ vaṇṇento imaṃ gāthamāha –
99.
99.
‘‘баросахассамби самааг̇ад̇аанам̣, ганд̣̇зяяум̣ д̇з вассасад̇ам̣ абан̃н̃аа;
‘‘Parosahassampi samāgatānaṃ, kandeyyuṃ te vassasataṃ apaññā;
згова сзяяо бурисо сабан̃н̃о, яо бхаасид̇асса виж̇аанаад̇и ад̇т̇а’’нд̇и.
Ekova seyyo puriso sapañño, yo bhāsitassa vijānāti attha’’nti.
д̇ад̇т̇а баросахассамбийд̇и ад̇ирзгасахассамби. самааг̇ад̇аананд̇и саннибад̇ид̇аанам̣ бхаасид̇асса ад̇т̇ам̣ ж̇аанид̇ум̣ асаггонд̇аанам̣ б̣аалаанам̣. ганд̣̇зяяум̣ д̇з вассасад̇ам̣ абан̃н̃аад̇и д̇з звам̣ самааг̇ад̇аа абан̃н̃аа имз б̣аалад̇аабасаа вияа вассасад̇амби вассасахассамби род̣̇зяяум̣ барид̣̇звзяяум̣, род̣̇амаанааби бана ад̇т̇ам̣ ваа гааран̣ам̣ ваа нзва ж̇аанзяяунд̇и д̣̇ийбзд̇и. згова сзяяо бурисо сабан̃н̃од̇и зваруубаанам̣ б̣аалаанам̣ баросахассад̇оби зго бан̣д̣ид̇абурисова сзяяо варад̇арод̇и ад̇т̇о. гийд̣̇исо сабан̃н̃од̇и? яо бхаасид̇асса виж̇аанаад̇и ад̇т̇ам̣ аяам̣ ж̇здтанд̇зваасиго вияаад̇и.
Tattha parosahassampīti atirekasahassampi. Samāgatānanti sannipatitānaṃ bhāsitassa atthaṃ jānituṃ asakkontānaṃ bālānaṃ. Kandeyyuṃ te vassasataṃ apaññāti te evaṃ samāgatā apaññā ime bālatāpasā viya vassasatampi vassasahassampi rodeyyuṃ parideveyyuṃ, rodamānāpi pana atthaṃ vā kāraṇaṃ vā neva jāneyyunti dīpeti. Ekova seyyo puriso sapaññoti evarūpānaṃ bālānaṃ parosahassatopi eko paṇḍitapurisova seyyo varataroti attho. Kīdiso sapaññoti? Yo bhāsitassa vijānāti atthaṃ ayaṃ jeṭṭhantevāsiko viyāti.
звам̣ махаасад̇д̇о аагаасз тид̇ова д̇хаммам̣ д̣̇зсзд̇ваа д̇аабасаг̇ан̣ам̣ б̣уж̇жхаабзд̇ваа б̣рахмалогамзва г̇ад̇о. д̇зби д̇аабасаа ж̇ийвид̇абарияосаанз б̣рахмалогабарааяан̣аа ахзсум̣.
Evaṃ mahāsatto ākāse ṭhitova dhammaṃ desetvā tāpasagaṇaṃ bujjhāpetvā brahmalokameva gato. Tepi tāpasā jīvitapariyosāne brahmalokaparāyaṇā ahesuṃ.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ж̇здтанд̇зваасиго саарибуд̇д̇о ахоси, махааб̣рахмаа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā jeṭṭhantevāsiko sāriputto ahosi, mahābrahmā pana ahameva ahosi’’nti.
баросахассаж̇аад̇агаван̣н̣анаа навамаа.
Parosahassajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 99. баросахассаж̇аад̇агам̣ • 99. Parosahassajātakaṃ
