| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੭. ਪਸਾਦਕਰਧਮ੍ਮવਗ੍ਗવਣ੍ਣਨਾ
17. Pasādakaradhammavaggavaṇṇanā
੩੬੬. ਅਦ੍ਧਮਿਦਨ੍ਤਿ ਸਨ੍ਧਿવਸੇਨ ਪਾਲ਼ਿਯਂ ਰਸ੍ਸਂ ਕਤ੍વਾ વੁਤ੍ਤਂ, ਮ-ਕਾਰੋ ਪਦਸਨ੍ਧਿਕਰੋਤਿ ਆਹ – ‘‘ਅਦ੍ਧਾ ਇਦ’’ਨ੍ਤਿ। ਏਕਂਸੋ ਏਸਾਤਿ ਏਕਂਸੋ ਹੇਤੁ ਏਸ ਲਾਭਾਨਂ। ਪਾਪਕਂ ਨਾਮਾਤਿ ਅਪ੍ਪਕਮ੍ਪਿ ਪਾਪਂ ਨਾਮ ਬ੍ਯਤ੍ਤਂ ਏਕਂਸੇਨ ਨ ਕਰੋਤਿ। ਤਥਸ੍ਸਾਤਿ ਤਥਾ ਸਮ੍ਮਾਪਟਿਪਜ੍ਜਮਾਨਸ੍ਸ ਅਸ੍ਸ। ਆਰਞ੍ਞਿਕਤ੍ਤਂ…ਪੇ॰… ਤੇਚੀવਰਿਕਤ੍ਤਨ੍ਤਿ ਇਮੇਸਂ ਧੁਤਧਮ੍ਮਾਨਂ ਗਹਣੇਨੇવ ਇਤਰੇਸਮ੍ਪਿ ਤਂਸਭਾਗਾਨਂ ਗਹਿਤਭਾવੋ ਦਟ੍ਠਬ੍ਬੋ। ਥਾવਰਪ੍ਪਤ੍ਤਭਾવੋਤਿ ਸਾਸਨੇ ਥਿਰਭਾવਪ੍ਪਤ੍ਤਿ ਥੇਰਭਾવੋ। ਆਕਪ੍ਪਸ੍ਸ ਸਮ੍ਪਤ੍ਤੀਤਿ ‘‘ਅਞ੍ਞੋ ਮੇ ਆਕਪ੍ਪੋ ਕਰਣੀਯੋ’’ਤਿ ਏવਂ વੁਤ੍ਤਸ੍ਸ ਆਕਪ੍ਪਸ੍ਸ ਸਮ੍ਪਤ੍ਤਿ। ਕੋਲਪੁਤ੍ਤੀਤਿ ਕੋਲਪੁਤ੍ਤਿਯਨ੍ਤਿ ਆਹ – ‘‘ਕੁਲਪੁਤ੍ਤਭਾવੋ’’ਤਿ। ਸਮ੍ਪਨ੍ਨਰੂਪਤਾਤਿ ਉਪਧਿਸਮ੍ਪਦਾ। વਚਨਕਿਰਿਯਾਯਾਤਿ વਚਨਪ੍ਪਯੋਗਸ੍ਸ ਮਧੁਰਭਾવੋ ਮਞ੍ਜੁਸ੍ਸਰਤਾ। ਤੇਨਸ੍ਸ ਲਾਭੋ ਉਪ੍ਪਜ੍ਜਤੀਤਿ ਇਦਂ ਨ ਲਾਭੁਪ੍ਪਾਦਨੂਪਾਯਦਸ੍ਸਨਪਰਂ, ਅਥ ਖੋ ਏવਂ ਸਮ੍ਮਾਪਟਿਪਜ੍ਜਮਾਨਸ੍ਸ ਅਨਿਚ੍ਛਨ੍ਤਸ੍ਸੇવ ਲਾਭੋ ਉਪ੍ਪਜ੍ਜਤੀਤਿ ਲਾਭਸ੍ਸ ਅਬ੍ਯਭਿਚਾਰਹੇਤੁਦਸ੍ਸਨਪਰਂ ਦਟ੍ਠਬ੍ਬਂ। ਯਥਾਹ –
366.Addhamidanti sandhivasena pāḷiyaṃ rassaṃ katvā vuttaṃ, ma-kāro padasandhikaroti āha – ‘‘addhā ida’’nti. Ekaṃso esāti ekaṃso hetu esa lābhānaṃ. Pāpakaṃ nāmāti appakampi pāpaṃ nāma byattaṃ ekaṃsena na karoti. Tathassāti tathā sammāpaṭipajjamānassa assa. Āraññikattaṃ…pe… tecīvarikattanti imesaṃ dhutadhammānaṃ gahaṇeneva itaresampi taṃsabhāgānaṃ gahitabhāvo daṭṭhabbo. Thāvarappattabhāvoti sāsane thirabhāvappatti therabhāvo. Ākappassa sampattīti ‘‘añño me ākappo karaṇīyo’’ti evaṃ vuttassa ākappassa sampatti. Kolaputtīti kolaputtiyanti āha – ‘‘kulaputtabhāvo’’ti. Sampannarūpatāti upadhisampadā. Vacanakiriyāyāti vacanappayogassa madhurabhāvo mañjussaratā. Tenassa lābho uppajjatīti idaṃ na lābhuppādanūpāyadassanaparaṃ, atha kho evaṃ sammāpaṭipajjamānassa anicchantasseva lābho uppajjatīti lābhassa abyabhicārahetudassanaparaṃ daṭṭhabbaṃ. Yathāha –
‘‘ਆਕਙ੍ਖੇਯ੍ਯ ਚੇ, ਭਿਕ੍ਖવੇ, ਭਿਕ੍ਖੁ ਲਾਭੀ ਅਸ੍ਸਂ ਚੀવਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰਾਨਨ੍ਤਿ, ਸੀਲੇਸ੍વੇવਸ੍ਸ ਪਰਿਪੂਰਕਾਰੀ’’ਤਿ (ਮ॰ ਨਿ॰ ੧.੬੫)।
‘‘Ākaṅkheyya ce, bhikkhave, bhikkhu lābhī assaṃ cīvarapiṇḍapātasenāsanagilānappaccayabhesajjaparikkhārānanti, sīlesvevassa paripūrakārī’’ti (ma. ni. 1.65).
ਪਸਾਦਕਰਧਮ੍ਮવਗ੍ਗવਣ੍ਣਨਾ ਨਿਟ੍ਠਿਤਾ।
Pasādakaradhammavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੭. ਪਸਾਦਕਰਧਮ੍ਮવਗ੍ਗੋ • 17. Pasādakaradhammavaggo
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੭. ਪਸਾਦਕਰਧਮ੍ਮવਗ੍ਗવਣ੍ਣਨਾ • 17. Pasādakaradhammavaggavaṇṇanā
