| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. பஸாத³ஸுத்தவண்ணனா
4. Pasādasuttavaṇṇanā
34. சதுத்தே² அக்³கே³ஸு பஸாதா³, அக்³கா³ வா பஸாதா³தி அக்³க³ப்பஸாதா³. யாவதாதி யத்தகா. அபதா³தி நிப்பதா³ அஹிமச்சா²த³யோ. த்³விபதா³தி மனுஸ்ஸபக்கி²ஆத³யோ. சதுப்பதா³தி ஹத்தி²அஸ்ஸாத³யோ. ப³ஹுப்பதா³தி ஸதபதி³ஆத³யோ. நேவஸஞ்ஞினாஸஞ்ஞினோதி ப⁴வக்³கே³ நிப்³ப³த்தஸத்தா. அக்³க³மக்கா²யதீதி கு³ணேஹி அக்³கோ³ உத்தமோ ஸெட்டோ²தி அக்கா²யதி. அஸங்க²தாதி நிப்³பா³னமேவ க³ஹெத்வா வுத்தங். விராகோ³திஆதீ³னி நிப்³பா³னஸ்ஸேவ நாமானி. தஞ்ஹி ஆக³ம்ம ஸப்³ப³கிலேஸா விரஜ்ஜந்தி, ஸப்³பே³ ராக³மதா³த³யோ மதா³ நிம்மதா³ ஹொந்தி, அபா⁴வங் க³ச்ச²ந்தி, ஸப்³பா³ பிபாஸா வினயங் உபெந்தி, ஸப்³பே³ ஆலயா ஸமுக்³கா⁴தங் க³ச்ச²ந்தி, வட்டானி உபச்சி²ஜ்ஜந்தி, தண்ஹா கீ²யந்தி, வட்டது³க்கா² நிருஜ்ஜ²ந்தி, ஸப்³பே³ பரிளாஹா நிப்³பா³யந்தி. தஸ்மா ஏதானி நாமானி லப⁴தி. ஸேஸமெத்த² உத்தானத்த²மேவாதி.
34. Catutthe aggesu pasādā, aggā vā pasādāti aggappasādā. Yāvatāti yattakā. Apadāti nippadā ahimacchādayo. Dvipadāti manussapakkhiādayo. Catuppadāti hatthiassādayo. Bahuppadāti satapadiādayo. Nevasaññināsaññinoti bhavagge nibbattasattā. Aggamakkhāyatīti guṇehi aggo uttamo seṭṭhoti akkhāyati. Asaṅkhatāti nibbānameva gahetvā vuttaṃ. Virāgotiādīni nibbānasseva nāmāni. Tañhi āgamma sabbakilesā virajjanti, sabbe rāgamadādayo madā nimmadā honti, abhāvaṃ gacchanti, sabbā pipāsā vinayaṃ upenti, sabbe ālayā samugghātaṃ gacchanti, vaṭṭāni upacchijjanti, taṇhā khīyanti, vaṭṭadukkhā nirujjhanti, sabbe pariḷāhā nibbāyanti. Tasmā etāni nāmāni labhati. Sesamettha uttānatthamevāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. அக்³க³ப்பஸாத³ஸுத்தங் • 4. Aggappasādasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4. அக்³க³பஸாத³ஸுத்தவண்ணனா • 4. Aggapasādasuttavaṇṇanā
