| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
8. басуурасуд̇д̇аван̣н̣анаа
8. Pasūrasuttavaṇṇanā
831. ид̇хзва суд̣̇д̇хийд̇и басуурасуд̇д̇ам̣. гаа уббад̇д̇и? бхаг̇авад̇и гира саавад̇т̇ияам̣ вихаранд̇з басууро наама бариб̣б̣ааж̇аго махааваад̣̇ий, со ‘‘ахамасми сагалаж̇амб̣уд̣̇ийбз ваад̣̇зна аг̇г̇о, д̇асмаа яат̇аа ж̇амб̣уд̣̇ийбасса ж̇амб̣убан̃н̃аан̣ам̣, звам̣ мамааби бхавид̇ум̣ арахад̇ий’’д̇и ж̇амб̣усаакам̣ д̇хаж̇ам̣ гад̇ваа сагалаж̇амб̣уд̣̇ийбз бадиваад̣̇ам̣ анаасаад̣̇знд̇о анубуб̣б̣зна саавад̇т̇им̣ ааг̇анд̇ваа наг̇арад̣̇ваарз ваалигад̇т̇алам̣ гад̇ваа д̇ад̇т̇а саакам̣ уссаабзд̇ваа ‘‘яо маяаа сад̣̇д̇хим̣ ваад̣̇ам̣ гаад̇ум̣ самад̇т̇о, со имам̣ саакам̣ бхан̃ж̇ад̇уу’’д̇и вад̇ваа наг̇арам̣ баависи. д̇ам̣ таанам̣ махааж̇ано бариваарзд̇ваа адтааси. д̇зна жа самаязна ааяасмаа саарибуд̇д̇о бхад̇д̇агижжам̣ гад̇ваа саавад̇т̇ид̇о нигкамад̇и. со д̇ам̣ д̣̇исваа самб̣ахулз г̇аамад̣̇аарагз бужчи – ‘‘гим̣ зд̇ам̣ д̣̇аарагаа’’д̇и, д̇з саб̣б̣ам̣ аажигким̣су. ‘‘д̇зна хи нам̣ д̇умхз уд̣̇д̇харид̇ваа баад̣̇зхи бхан̃ж̇ат̇а, ‘ваад̣̇ад̇т̇иго вихаарам̣ ааг̇ажчад̇уу’д̇и жа бхан̣ат̇аа’’д̇и вад̇ваа баггаами.
831.Idhevasuddhīti pasūrasuttaṃ. Kā uppatti? Bhagavati kira sāvatthiyaṃ viharante pasūro nāma paribbājako mahāvādī, so ‘‘ahamasmi sakalajambudīpe vādena aggo, tasmā yathā jambudīpassa jambupaññāṇaṃ, evaṃ mamāpi bhavituṃ arahatī’’ti jambusākhaṃ dhajaṃ katvā sakalajambudīpe paṭivādaṃ anāsādento anupubbena sāvatthiṃ āgantvā nagaradvāre vālikatthalaṃ katvā tattha sākhaṃ ussāpetvā ‘‘yo mayā saddhiṃ vādaṃ kātuṃ samattho, so imaṃ sākhaṃ bhañjatū’’ti vatvā nagaraṃ pāvisi. Taṃ ṭhānaṃ mahājano parivāretvā aṭṭhāsi. Tena ca samayena āyasmā sāriputto bhattakiccaṃ katvā sāvatthito nikkhamati. So taṃ disvā sambahule gāmadārake pucchi – ‘‘kiṃ etaṃ dārakā’’ti, te sabbaṃ ācikkhiṃsu. ‘‘Tena hi naṃ tumhe uddharitvā pādehi bhañjatha, ‘vādatthiko vihāraṃ āgacchatū’ti ca bhaṇathā’’ti vatvā pakkāmi.
бариб̣б̣ааж̇аго бин̣д̣ааяа жарид̇ваа гад̇абхад̇д̇агижжо ааг̇анд̇ваа уд̣̇д̇харид̇ваа бхаг̇г̇ам̣ саакам̣ д̣̇исваа ‘‘гзнид̣̇ам̣ гаарид̇а’’нд̇и бужчи. ‘‘б̣уд̣̇д̇хасаавагзна саарибуд̇д̇знаа’’д̇и жа вуд̇д̇з бамуд̣̇ид̇о худ̇ваа ‘‘аж̇ж̇а мама ж̇аяам̣ саман̣асса жа барааж̇аяам̣ бан̣д̣ид̇аа бассанд̇уу’’д̇и бан̃хавиймам̣сагз гааран̣игз аанзд̇ум̣ саавад̇т̇им̣ бависид̇ваа вийт̇исин̇гхаадагажажжарзсу вижаранд̇о ‘‘саман̣асса г̇од̇амасса аг̇г̇асаавагзна саха ваад̣̇з бан̃н̃аабадибхаанам̣ сод̇угаамаа бхонд̇о нигкаманд̇уу’’д̇и уг̇гхосзси. ‘‘бан̣д̣ид̇аанам̣ важанам̣ соссаамаа’’д̇и саасанз басаннааби аббасаннааби б̣ахуу мануссаа нигкамим̣су. д̇ад̇о басууро махааж̇анабаривуд̇о ‘‘звам̣ вуд̇д̇з звам̣ бхан̣иссаамий’’д̇иаад̣̇ийни вид̇аггзнд̇о вихаарам̣ аг̇амааси. т̇зро ‘‘вихаарз ужжаасад̣̇д̣̇амахаасад̣̇д̣̇о ж̇анаб̣яаагулан̃жа маа ахосий’’д̇и ж̇зд̇аванад̣̇ваарагодтагз аасанам̣ бан̃н̃аабзд̇ваа нисийд̣̇и.
Paribbājako piṇḍāya caritvā katabhattakicco āgantvā uddharitvā bhaggaṃ sākhaṃ disvā ‘‘kenidaṃ kārita’’nti pucchi. ‘‘Buddhasāvakena sāriputtenā’’ti ca vutte pamudito hutvā ‘‘ajja mama jayaṃ samaṇassa ca parājayaṃ paṇḍitā passantū’’ti pañhavīmaṃsake kāraṇike ānetuṃ sāvatthiṃ pavisitvā vīthisiṅghāṭakacaccaresu vicaranto ‘‘samaṇassa gotamassa aggasāvakena saha vāde paññāpaṭibhānaṃ sotukāmā bhonto nikkhamantū’’ti ugghosesi. ‘‘Paṇḍitānaṃ vacanaṃ sossāmā’’ti sāsane pasannāpi appasannāpi bahū manussā nikkhamiṃsu. Tato pasūro mahājanaparivuto ‘‘evaṃ vutte evaṃ bhaṇissāmī’’tiādīni vitakkento vihāraṃ agamāsi. Thero ‘‘vihāre uccāsaddamahāsaddo janabyākulañca mā ahosī’’ti jetavanadvārakoṭṭhake āsanaṃ paññāpetvā nisīdi.
бариб̣б̣ааж̇аго т̇зрам̣ убасан̇гамид̇ваа ‘‘д̇вам̣, бхо, баб̣б̣аж̇ид̇а, маяхам̣ ж̇амб̣уд̇хаж̇ам̣ бхан̃ж̇аабзсий’’д̇и ааха. ‘‘аама бариб̣б̣ааж̇агаа’’д̇и жа вуд̇д̇з ‘‘ход̇у но, бхо, гаажи гат̇аабавад̇д̇ий’’д̇и ааха. ‘‘ход̇у бариб̣б̣ааж̇агаа’’д̇и жа т̇зрзна самбадижчид̇з ‘‘д̇вам̣, саман̣а, бужча, ахам̣ виссаж̇ж̇зссаамий’’д̇и ааха. д̇ад̇о нам̣ т̇зро аважа ‘‘гим̣, бариб̣б̣ааж̇ага, д̣̇уггарам̣ бужчаа, уд̣̇ааху виссаж̇ж̇ана’’нд̇и. виссаж̇ж̇анам̣ бхо, баб̣б̣аж̇ид̇а, бужчааяа гим̣ д̣̇уггарам̣. д̇ам̣ яо хи гожи яам̣гин̃жи бужчад̇ийд̇и. ‘‘д̇зна хи, бариб̣б̣ааж̇ага, д̇вам̣ бужча, ахам̣ виссаж̇ж̇зссаамий’’д̇и звам̣ вуд̇д̇з бариб̣б̣ааж̇аго ‘‘саад̇хуруубо бхигку таанз саакам̣ бхан̃ж̇аабзсий’’д̇и вимхид̇ажид̇д̇о худ̇ваа т̇зрам̣ бужчи – ‘‘го бурисасса гаамо’’д̇и. ‘‘сан̇габбарааг̇о бурисасса гаамо’’д̇и (а. ни. 6.63) т̇зро ааха. со д̇ам̣ суд̇ваа т̇зрз вируд̣̇д̇хасан̃н̃ий худ̇ваа барааж̇аяам̣ ааробзд̇угаамо ааха – ‘‘жид̇равижид̇раарамман̣ам̣ бана бхо, баб̣б̣аж̇ид̇а, бурисасса гаамам̣ на вад̣̇зсий’’д̇и? ‘‘аама, бариб̣б̣ааж̇ага, на вад̣̇змий’’д̇и. д̇ад̇о нам̣ бариб̣б̣ааж̇аго яаава д̇игкад̇д̇ум̣ бадин̃н̃ам̣ гаараабзд̇ваа ‘‘сун̣анд̇у бхонд̇о саман̣асса ваад̣̇з д̣̇оса’’нд̇и бан̃хавиймам̣сагз аалабид̇ваа ааха – ‘‘бхо, баб̣б̣аж̇ид̇а, д̇умхаагам̣ саб̣рахмажаарино аран̃н̃з вихаранд̇ий’’д̇и? ‘‘аама, бариб̣б̣ааж̇ага, вихаранд̇ий’’д̇и. ‘‘д̇з д̇ад̇т̇а вихаранд̇аа гаамавид̇аггаад̣̇аяо вид̇аггз вид̇аггзнд̇ий’’д̇и? ‘‘аама, бариб̣б̣ааж̇ага, бут̇уж̇ж̇анаа сахасаа вид̇аггзнд̇ий’’д̇и. ‘‘яад̣̇и звам̣ д̇зсам̣ саман̣абхааво гуд̇о? нану д̇з аг̇ааригаа гаамабхог̇ино хонд̇ий’’д̇и зван̃жа бана вад̇ваа ат̇аабарам̣ зд̇ад̣̇авожа –
Paribbājako theraṃ upasaṅkamitvā ‘‘tvaṃ, bho, pabbajita, mayhaṃ jambudhajaṃ bhañjāpesī’’ti āha. ‘‘Āma paribbājakā’’ti ca vutte ‘‘hotu no, bho, kāci kathāpavattī’’ti āha. ‘‘Hotu paribbājakā’’ti ca therena sampaṭicchite ‘‘tvaṃ, samaṇa, puccha, ahaṃ vissajjessāmī’’ti āha. Tato naṃ thero avaca ‘‘kiṃ, paribbājaka, dukkaraṃ pucchā, udāhu vissajjana’’nti. Vissajjanaṃ bho, pabbajita, pucchāya kiṃ dukkaraṃ. Taṃ yo hi koci yaṃkiñci pucchatīti. ‘‘Tena hi, paribbājaka, tvaṃ puccha, ahaṃ vissajjessāmī’’ti evaṃ vutte paribbājako ‘‘sādhurūpo bhikkhu ṭhāne sākhaṃ bhañjāpesī’’ti vimhitacitto hutvā theraṃ pucchi – ‘‘ko purisassa kāmo’’ti. ‘‘Saṅkapparāgo purisassa kāmo’’ti (a. ni. 6.63) thero āha. So taṃ sutvā there viruddhasaññī hutvā parājayaṃ āropetukāmo āha – ‘‘citravicitrārammaṇaṃ pana bho, pabbajita, purisassa kāmaṃ na vadesī’’ti? ‘‘Āma, paribbājaka, na vademī’’ti. Tato naṃ paribbājako yāva tikkhattuṃ paṭiññaṃ kārāpetvā ‘‘suṇantu bhonto samaṇassa vāde dosa’’nti pañhavīmaṃsake ālapitvā āha – ‘‘bho, pabbajita, tumhākaṃ sabrahmacārino araññe viharantī’’ti? ‘‘Āma, paribbājaka, viharantī’’ti. ‘‘Te tattha viharantā kāmavitakkādayo vitakke vitakkentī’’ti? ‘‘Āma, paribbājaka, puthujjanā sahasā vitakkentī’’ti. ‘‘Yadi evaṃ tesaṃ samaṇabhāvo kuto? Nanu te agārikā kāmabhogino hontī’’ti evañca pana vatvā athāparaṃ etadavoca –
‘‘на д̇з вз гаамаа яаани жид̇раани логз,
‘‘Na te ve kāmā yāni citrāni loke,
сан̇габбарааг̇ан̃жа вад̣̇зси гаамам̣;
Saṅkapparāgañca vadesi kāmaṃ;
сан̇габбаяам̣ агусалз вид̇аггз,
Saṅkappayaṃ akusale vitakke,
бхигкуби д̇з хзссад̇и гаамабхог̇ий’’д̇и. (сам̣. ни. адта. 1.1.34);
Bhikkhupi te hessati kāmabhogī’’ti. (saṃ. ni. aṭṭha. 1.1.34);
ат̇а т̇зро бариб̣б̣ааж̇агасса ваад̣̇з д̣̇осам̣ д̣̇ассзнд̇о ааха – ‘‘гим̣, бариб̣б̣ааж̇ага, сан̇габбарааг̇ам̣ бурисасса гаамам̣ на вад̣̇зси, жид̇равижид̇раарамман̣ам̣ вад̣̇зсий’’д̇и? ‘‘аама, бхо, баб̣б̣аж̇ид̇аа’’д̇и. д̇ад̇о нам̣ т̇зро яаава д̇игкад̇д̇ум̣ бадин̃н̃ам̣ гаараабзд̇ваа ‘‘сун̣аат̇а, аавусо, бариб̣б̣ааж̇агасса ваад̣̇з д̣̇оса’’нд̇и бан̃хавиймам̣сагз аалабид̇ваа ааха – ‘‘аавусо басуура, д̇ава сад̇т̇аа ад̇т̇ий’’д̇и? ‘‘аама, баб̣б̣аж̇ид̇а, ад̇т̇ий’’д̇и. ‘‘со жагкувин̃н̃зяяам̣ руубаарамман̣ам̣ бассад̇и сад̣̇д̣̇аарамман̣аад̣̇ийни ваа сзвад̇ий’’д̇и? ‘‘аама, баб̣б̣аж̇ид̇а, сзвад̇ий’’д̇и. ‘‘яад̣̇и звам̣ д̇асса сад̇т̇убхааво гуд̇о, нану со аг̇аариго гаамабхог̇ий ход̇ий’’д̇и зван̃жа бана вад̇ваа ат̇аабарам̣ зд̇ад̣̇авожа –
Atha thero paribbājakassa vāde dosaṃ dassento āha – ‘‘kiṃ, paribbājaka, saṅkapparāgaṃ purisassa kāmaṃ na vadesi, citravicitrārammaṇaṃ vadesī’’ti? ‘‘Āma, bho, pabbajitā’’ti. Tato naṃ thero yāva tikkhattuṃ paṭiññaṃ kārāpetvā ‘‘suṇātha, āvuso, paribbājakassa vāde dosa’’nti pañhavīmaṃsake ālapitvā āha – ‘‘āvuso pasūra, tava satthā atthī’’ti? ‘‘Āma, pabbajita, atthī’’ti. ‘‘So cakkhuviññeyyaṃ rūpārammaṇaṃ passati saddārammaṇādīni vā sevatī’’ti? ‘‘Āma, pabbajita, sevatī’’ti. ‘‘Yadi evaṃ tassa satthubhāvo kuto, nanu so agāriko kāmabhogī hotī’’ti evañca pana vatvā athāparaṃ etadavoca –
‘‘д̇з вз гаамаа яаани жид̇раани логз,
‘‘Te ve kāmā yāni citrāni loke,
сан̇габбарааг̇ам̣ на вад̣̇зси гаамам̣;
Saṅkapparāgaṃ na vadesi kāmaṃ;
бассанд̇о руубаани манорамаани,
Passanto rūpāni manoramāni,
сун̣анд̇о сад̣̇д̣̇аани манорамаани.
Suṇanto saddāni manoramāni.
‘‘гхааяанд̇о г̇анд̇хаани манорамаани,
‘‘Ghāyanto gandhāni manoramāni,
сааяанд̇о расаани манорамаани;
Sāyanto rasāni manoramāni;
пусанд̇о пассаани манорамаани,
Phusanto phassāni manoramāni,
сад̇т̇ааби д̇з хзссад̇и гаамабхог̇ий’’д̇и.
Satthāpi te hessati kāmabhogī’’ti.
звам̣ вуд̇д̇з ниббадибхаано бариб̣б̣ааж̇аго ‘‘аяам̣ баб̣б̣аж̇ид̇о махааваад̣̇ий, имасса санд̇игз баб̣б̣аж̇ид̇ваа ваад̣̇асад̇т̇ам̣ сигкиссаамий’’д̇и саавад̇т̇им̣ бависид̇ваа бад̇д̇ажийварам̣ бариязсид̇ваа ж̇зд̇аванам̣ бавидто д̇ад̇т̇а лаалуд̣̇ааяим̣ суван̣н̣аван̣н̣ам̣ гааяуубабаннам̣ сарийраагаараагаббзсу саманд̇абаасаад̣̇игам̣ д̣̇исваа ‘‘аяам̣ бхигку махаабан̃н̃о махааваад̣̇ий’’д̇и манд̇ваа д̇асса санд̇игз баб̣б̣аж̇ид̇ваа д̇ам̣ ваад̣̇зна ниг̇г̇ахзд̇ваа салин̇г̇зна д̇ам̣язва д̇ид̇т̇ааяад̇анам̣ баггамид̇ваа буна ‘‘саман̣зна г̇од̇амзна сад̣̇д̇хим̣ ваад̣̇ам̣ гариссаамий’’д̇и саавад̇т̇ияам̣ буриманаязнзва уг̇гхосзд̇ваа махааж̇анабаривуд̇о ‘‘звам̣ саман̣ам̣ г̇од̇амам̣ ниг̇г̇ахзссаамий’’д̇иаад̣̇ийни вад̣̇анд̇о ж̇зд̇аванам̣ аг̇амааси. ж̇зд̇аванад̣̇ваарагодтагз ад̇хивад̇т̇аа д̣̇звад̇аа ‘‘аяам̣ абхааж̇анабхууд̇о’’д̇и мукаб̣анд̇хамасса агааси. со бхаг̇аванд̇ам̣ убасан̇гамид̇ваа мууг̇о вияа нисийд̣̇и. мануссаа ‘‘ид̣̇аани бужчиссад̇и, ид̣̇аани бужчиссад̇ий’’д̇и д̇асса мукам̣ уллогзд̇ваа ‘‘вад̣̇зхи, бхо басуура, вад̣̇зхи, бхо басуураа’’д̇и ужжаасад̣̇д̣̇амахаасад̣̇д̣̇аа ахзсум̣. ат̇а бхаг̇аваа ‘‘гим̣ басууро вад̣̇иссад̇ий’’д̇и вад̇ваа д̇ад̇т̇а самбад̇д̇абарисааяа д̇хаммад̣̇зсанад̇т̇ам̣ имам̣ суд̇д̇ам̣ абхааси.
Evaṃ vutte nippaṭibhāno paribbājako ‘‘ayaṃ pabbajito mahāvādī, imassa santike pabbajitvā vādasatthaṃ sikkhissāmī’’ti sāvatthiṃ pavisitvā pattacīvaraṃ pariyesitvā jetavanaṃ paviṭṭho tattha lāludāyiṃ suvaṇṇavaṇṇaṃ kāyūpapannaṃ sarīrākārākappesu samantapāsādikaṃ disvā ‘‘ayaṃ bhikkhu mahāpañño mahāvādī’’ti mantvā tassa santike pabbajitvā taṃ vādena niggahetvā saliṅgena taṃyeva titthāyatanaṃ pakkamitvā puna ‘‘samaṇena gotamena saddhiṃ vādaṃ karissāmī’’ti sāvatthiyaṃ purimanayeneva ugghosetvā mahājanaparivuto ‘‘evaṃ samaṇaṃ gotamaṃ niggahessāmī’’tiādīni vadanto jetavanaṃ agamāsi. Jetavanadvārakoṭṭhake adhivatthā devatā ‘‘ayaṃ abhājanabhūto’’ti mukhabandhamassa akāsi. So bhagavantaṃ upasaṅkamitvā mūgo viya nisīdi. Manussā ‘‘idāni pucchissati, idāni pucchissatī’’ti tassa mukhaṃ ulloketvā ‘‘vadehi, bho pasūra, vadehi, bho pasūrā’’ti uccāsaddamahāsaddā ahesuṃ. Atha bhagavā ‘‘kiṃ pasūro vadissatī’’ti vatvā tattha sampattaparisāya dhammadesanatthaṃ imaṃ suttaṃ abhāsi.
д̇ад̇т̇а батамаг̇аат̇ааяа д̇аава аяам̣ сан̇кзбо – имз д̣̇идтиг̇ад̇игаа ад̇д̇ано д̣̇идтим̣ санд̇хааяа ид̇хзва суд̣̇д̇хий ид̇и ваад̣̇аяанд̇и наан̃н̃зсу д̇хаммзсу висуд̣̇д̇химааху. звам̣ санд̇з ад̇д̇ано сад̇т̇аараад̣̇ийни ниссид̇аа д̇ад̇т̇зва ‘‘зса ваад̣̇о субхо’’д̇и звам̣ субхам̣ вад̣̇аанаа худ̇ваа бут̇уу саман̣аб̣раахман̣аа ‘‘сассад̇о лого’’д̇иаад̣̇ийсу бажжзгасажжзсу нивидтаа.
Tattha paṭhamagāthāya tāva ayaṃ saṅkhepo – ime diṭṭhigatikā attano diṭṭhiṃ sandhāya idheva suddhī iti vādayanti nāññesu dhammesu visuddhimāhu. Evaṃ sante attano satthārādīni nissitā tattheva ‘‘esa vādo subho’’ti evaṃ subhaṃ vadānā hutvā puthū samaṇabrāhmaṇā ‘‘sassato loko’’tiādīsu paccekasaccesu niviṭṭhā.
832. звам̣ нивидтаа жа – д̇з ваад̣̇агаамаад̇и г̇аат̇аа. д̇ад̇т̇а б̣аалам̣ д̣̇аханд̇ий мит̇у ан̃н̃аман̃н̃анд̇и ‘‘аяам̣ б̣аало аяам̣ б̣аало’’д̇и звам̣ д̣̇взби ж̇анаа ан̃н̃аман̃н̃ам̣ б̣аалам̣ д̣̇аханд̇и, б̣аалад̇о бассанд̇и. вад̣̇анд̇и д̇з ан̃н̃асид̇аа гат̇ож̇ж̇анд̇и д̇з ан̃н̃аман̃н̃ам̣ сад̇т̇аараад̣̇им̣ ниссид̇аа галахам̣ вад̣̇анд̇и. басам̣сагаамаа гусалаа вад̣̇аанаад̇и басам̣сад̇т̇игаа убхоби ‘‘маяам̣ гусалаваад̣̇аа бан̣д̣ид̇аваад̣̇аа’’д̇и звам̣сан̃н̃ино худ̇ваа.
832. Evaṃ niviṭṭhā ca – te vādakāmāti gāthā. Tattha bālaṃ dahantī mithu aññamaññanti ‘‘ayaṃ bālo ayaṃ bālo’’ti evaṃ dvepi janā aññamaññaṃ bālaṃ dahanti, bālato passanti. Vadanti te aññasitā kathojjanti te aññamaññaṃ satthārādiṃ nissitā kalahaṃ vadanti. Pasaṃsakāmā kusalā vadānāti pasaṃsatthikā ubhopi ‘‘mayaṃ kusalavādā paṇḍitavādā’’ti evaṃsaññino hutvā.
833. звам̣ вад̣̇аанзсу жа д̇зсу зго нияамад̇о зва – яуд̇д̇о гат̇ааяанд̇и г̇аат̇аа. д̇ад̇т̇а яуд̇д̇о гат̇ааяанд̇и виваад̣̇агат̇ааяа уссугго. басам̣самижчам̣ винигхаад̇и ход̇ийд̇и ад̇д̇ано басам̣сам̣ ижчанд̇о ‘‘гат̇ам̣ ну ко ниг̇г̇ахзссаамий’’д̇иаад̣̇инаа наязна буб̣б̣зва саллаабаа гат̇ам̣гат̇ий винигхаад̇ий ход̇и. абаахад̇асминд̇и бан̃хавиймам̣сагзхи ‘‘ад̇т̇аабаг̇ад̇ам̣ д̇з бхан̣ид̇ам̣, б̣яан̃ж̇анаабаг̇ад̇ам̣ д̇з бхан̣ид̇а’’нд̇иаад̣̇инаа наязна абахаарид̇з ваад̣̇з. нинд̣̇ааяа со губбад̇ийд̇и звам̣ абаахад̇асмин̃жа ваад̣̇з уббаннааяа нинд̣̇ааяа со губбад̇и. ранд̇хамзсийд̇и барасса ранд̇хамзва г̇авзсанд̇о.
833. Evaṃ vadānesu ca tesu eko niyamato eva – yutto kathāyanti gāthā. Tattha yutto kathāyanti vivādakathāya ussukko. Pasaṃsamicchaṃ vinighāti hotīti attano pasaṃsaṃ icchanto ‘‘kathaṃ nu kho niggahessāmī’’tiādinā nayena pubbeva sallāpā kathaṃkathī vinighātī hoti. Apāhatasminti pañhavīmaṃsakehi ‘‘atthāpagataṃ te bhaṇitaṃ, byañjanāpagataṃ te bhaṇita’’ntiādinā nayena apahārite vāde. Nindāya so kuppatīti evaṃ apāhatasmiñca vāde uppannāya nindāya so kuppati. Randhamesīti parassa randhameva gavesanto.
834. на гзвалан̃жа губбад̇и, абижа ко бана яамасса ваад̣̇анд̇и г̇аат̇аа. д̇ад̇т̇а барихийнамааху абаахад̇анд̇и ад̇т̇аб̣яан̃ж̇анаад̣̇ид̇о абаахад̇ам̣ барихийнам̣ вад̣̇анд̇и. барид̣̇звад̇ийд̇и д̇ад̇о нимид̇д̇ам̣ со ‘‘ан̃н̃ам̣ маяаа ааваж̇ж̇ид̇а’’нд̇иаад̣̇ийхи виббалабад̇и. сожад̇ийд̇и ‘‘д̇асса ж̇аяо’’д̇иаад̣̇ийни аараб̣бха сожад̇и. убажжаг̇аа манд̇и ануд̇т̇унаад̇ийд̇и ‘‘со мам̣ ваад̣̇зна ваад̣̇ам̣ ад̇игганд̇о’’д̇иаад̣̇инаа наязна судтуд̇арам̣ виббалабад̇и.
834. Na kevalañca kuppati, apica kho pana yamassa vādanti gāthā. Tattha parihīnamāhu apāhatanti atthabyañjanādito apāhataṃ parihīnaṃ vadanti. Paridevatīti tato nimittaṃ so ‘‘aññaṃ mayā āvajjita’’ntiādīhi vippalapati. Socatīti ‘‘tassa jayo’’tiādīni ārabbha socati. Upaccagā manti anutthunātīti ‘‘so maṃ vādena vādaṃ atikkanto’’tiādinā nayena suṭṭhutaraṃ vippalapati.
835. зд̇з виваад̣̇аа саман̣зсууд̇и зд̇т̇а бана саман̣аа вужжанд̇и б̣аахирабариб̣б̣ааж̇агаа. зд̇зсу уг̇гхаад̇и нигхаад̇и ход̇ийд̇и зд̇зсу ваад̣̇зсу ж̇аяабарааж̇аяаад̣̇ивасзна жид̇д̇асса уг̇гхаад̇ам̣ нигхаад̇ан̃жа баабун̣анд̇о уг̇гхаад̇ий нигхаад̇ий жа ход̇и. вирамз гат̇ож̇ж̇анд̇и баж̇ахзяяа галахам̣. на хан̃н̃ад̣̇ад̇т̇ад̇т̇и басам̣салаабхаад̇и на хи зд̇т̇а басам̣салаабхад̇о ан̃н̃о ад̇т̇о ад̇т̇и.
835.Ete vivādā samaṇesūti ettha pana samaṇā vuccanti bāhiraparibbājakā. Etesu ugghāti nighāti hotīti etesu vādesu jayaparājayādivasena cittassa ugghātaṃ nighātañca pāpuṇanto ugghātī nighātī ca hoti. Virame kathojjanti pajaheyya kalahaṃ. Na haññadatthatthi pasaṃsalābhāti na hi ettha pasaṃsalābhato añño attho atthi.
836-7. чадтаг̇аат̇ааяа ад̇т̇о – яасмаа жа на хан̃н̃ад̣̇ад̇т̇ад̇т̇и басам̣салаабхаа, д̇асмаа барамам̣ лаабхам̣ лабханд̇оби ‘‘сунд̣̇аро аяа’’нд̇и д̇ад̇т̇а д̣̇идтияаа басам̣сид̇о ваа бана ход̇и д̇ам̣ ваад̣̇ам̣ барисааяа маж̇жхз д̣̇ийбзд̇ваа, д̇ад̇о со д̇зна ж̇аяад̇т̇зна д̇удтим̣ ваа д̣̇анд̇авид̣̇ам̣сагам̣ ваа аабаж̇ж̇анд̇о хасад̇и, маанзна жа ун̣н̣амад̇и. гим̣ гааран̣ам̣? яасмаа д̇ам̣ ж̇аяад̇т̇ам̣ баббуяяа яат̇аамаано ж̇аад̇о, звам̣ ун̣н̣амад̇о жа яаа ун̣н̣ад̇ийд̇и г̇аат̇аа. д̇ад̇т̇а маанаад̇имаанам̣ вад̣̇ад̇з банзсод̇и зсо бана д̇ам̣ ун̣н̣ад̇им̣ ‘‘вигхаад̇абхуумий’’д̇и аб̣уж̇жхамаано маанан̃жа ад̇имаанан̃жа вад̣̇ад̇иязва.
836-7. Chaṭṭhagāthāya attho – yasmā ca na haññadatthatthi pasaṃsalābhā, tasmā paramaṃ lābhaṃ labhantopi ‘‘sundaro aya’’nti tattha diṭṭhiyā pasaṃsito vāpana hoti taṃ vādaṃ parisāya majjhe dīpetvā, tato so tena jayatthena tuṭṭhiṃ vā dantavidaṃsakaṃ vā āpajjanto hasati, mānena ca uṇṇamati. Kiṃ kāraṇaṃ? Yasmā taṃ jayatthaṃ pappuyya yathāmāno jāto, evaṃ uṇṇamato ca yā uṇṇatīti gāthā. Tattha mānātimānaṃ vadate panesoti eso pana taṃ uṇṇatiṃ ‘‘vighātabhūmī’’ti abujjhamāno mānañca atimānañca vadatiyeva.
838. звам̣ ваад̣̇з д̣̇осам̣ д̣̇ассзд̇ваа ид̣̇аани д̇асса ваад̣̇ам̣ асамбадижчанд̇о ‘‘сууро’’д̇и г̇аат̇амааха. д̇ад̇т̇а рааж̇акаад̣̇ааяаад̇и рааж̇акаад̣̇анийязна, бхад̇д̇авзд̇анзнаад̇и вуд̇д̇ам̣ ход̇и. абхиг̇аж̇ж̇амзд̇и бадисуурамижчанд̇и яат̇аа со бадисуурам̣ ижчанд̇о абхиг̇аж̇ж̇анд̇о зд̇и, звам̣ д̣̇идтиг̇ад̇иго д̣̇идтиг̇ад̇иганд̇и д̣̇ассзд̇и. язнзва со, д̇зна балзхийд̇и язна со д̇уяхам̣ бадисууро, д̇зна г̇ажча. буб̣б̣зва над̇т̇и яад̣̇ид̣̇ам̣ яуд̇хааяаад̇и яам̣ бана ид̣̇ам̣ гилзсаж̇аад̇ам̣ яуд̣̇д̇хааяа сияаа, д̇ам̣ зд̇ам̣ буб̣б̣зва над̇т̇и, б̣од̇химуулзязва бахийнанд̇и д̣̇ассзд̇и. сзсаг̇аат̇аа баагадасамб̣анд̇хааязва.
838. Evaṃ vāde dosaṃ dassetvā idāni tassa vādaṃ asampaṭicchanto ‘‘sūro’’ti gāthamāha. Tattha rājakhādāyāti rājakhādanīyena, bhattavetanenāti vuttaṃ hoti. Abhigajjameti paṭisūramicchanti yathā so paṭisūraṃ icchanto abhigajjanto eti, evaṃ diṭṭhigatiko diṭṭhigatikanti dasseti. Yeneva so, tena palehīti yena so tuyhaṃ paṭisūro, tena gaccha. Pubbevanatthi yadidaṃ yudhāyāti yaṃ pana idaṃ kilesajātaṃ yuddhāya siyā, taṃ etaṃ pubbeva natthi, bodhimūleyeva pahīnanti dasseti. Sesagāthā pākaṭasambandhāyeva.
839-40. д̇ад̇т̇а виваад̣̇аяанд̇ийд̇и вивад̣̇анд̇и. бадисзнигад̇д̇аад̇и бадиломагаараго. висзнигад̇ваад̇и гилзсасзнам̣ винаасзд̇ваа. гим̣ лабхзт̇од̇и бадималлам̣ гим̣ лабхиссаси. басуураад̇и д̇ам̣ бариб̣б̣ааж̇агам̣ аалабад̇и. язсийд̇ха над̇т̇ийд̇и язсам̣ ид̇ха над̇т̇и.
839-40. Tattha vivādayantīti vivadanti. Paṭisenikattāti paṭilomakārako. Visenikatvāti kilesasenaṃ vināsetvā. Kiṃ labhethoti paṭimallaṃ kiṃ labhissasi. Pasūrāti taṃ paribbājakaṃ ālapati. Yesīdha natthīti yesaṃ idha natthi.
841. бавид̇агганд̇и ‘‘ж̇аяо ну ко мз бхависсад̇ий’’д̇и аад̣̇ийни вид̇аггзнд̇о. д̇хонзна яуг̇ам̣ самааг̇амаад̇и д̇худ̇агилзсзна б̣уд̣̇д̇хзна сад̣̇д̇хим̣ яуг̇аг̇г̇аахам̣ самаабанно. на хи д̇вам̣ сагкаси самбаяаад̇авзд̇и год̇т̇угаад̣̇аяо вияа сийхаад̣̇ийхи, д̇хонзна саха яуг̇ам̣ г̇ахзд̇ваа згабад̣̇амби самбаяаад̇ум̣ яуг̇аг̇г̇аахамзва ваа самбаад̣̇зд̇ум̣ на сагкиссасийд̇и. сзсам̣ саб̣б̣ад̇т̇а баагадамзваад̇и.
841.Pavitakkanti ‘‘jayo nu kho me bhavissatī’’ti ādīni vitakkento. Dhonena yugaṃ samāgamāti dhutakilesena buddhena saddhiṃ yugaggāhaṃ samāpanno. Na hi tvaṃ sakkhasi sampayātaveti kotthukādayo viya sīhādīhi, dhonena saha yugaṃ gahetvā ekapadampi sampayātuṃ yugaggāhameva vā sampādetuṃ na sakkhissasīti. Sesaṃ sabbattha pākaṭamevāti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа басуурасуд̇д̇аван̣н̣анаа нидтид̇аа.
Suttanipāta-aṭṭhakathāya pasūrasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 8. басуурасуд̇д̇ам̣ • 8. Pasūrasuttaṃ
