| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
баадалиг̇аамавад̇т̇угат̇аа
Pāṭaligāmavatthukathā
285. саб̣б̣асант̇аринд̇и яат̇аа саб̣б̣ам̣ сант̇ад̇ам̣ ход̇и, звам̣.
285.Sabbasantharinti yathā sabbaṃ santhataṃ hoti, evaṃ.
286. сунид̇хавассагаараад̇и сунид̇хо жа вассагааро жа д̣̇вз б̣раахман̣аа маг̇ад̇харан̃н̃о махаамад̇д̇аа махаамажжаа. важ̇ж̇ийнам̣ бадиб̣аахааяаад̇и важ̇ж̇ирааж̇агулаанам̣ ааяамукабажчинд̣̇анад̇т̇ам̣. вад̇т̇уунийд̇и гхаравад̇т̇ууни. жид̇д̇аани наманд̇и нивзсанаани маабзд̇унд̇и д̇аа гира д̣̇звад̇аа вад̇т̇увиж̇ж̇аабаатагаанам̣ сарийрз ад̇химужжид̇ваа звам̣ жид̇д̇аани наамзнд̇и. гасмаа? амхаагам̣ яат̇аануруубам̣ саггаарам̣ гариссанд̇ийд̇и ад̇т̇о. д̇аавад̇им̣сзхийд̇и логз гира саггам̣ д̣̇зварааж̇аанам̣ виссагамман̃жа убаад̣̇ааяа д̇аавад̇им̣саа бан̣д̣ид̇аад̇и сад̣̇д̣̇о аб̣бхуг̇г̇ад̇о, д̇знзвааха д̇аавад̇им̣сзхийд̇и, д̇аавад̇им̣сзхи сад̣̇д̇хим̣ манд̇зд̇ваа вияа маабзнд̇ийд̇и ад̇т̇о. яаавад̇аа арияам̣ ааяад̇ананд̇и яад̇д̇агам̣ арияамануссаанам̣ осаран̣адтаанам̣ наама ад̇т̇и. яаавад̇аа ван̣иббат̇од̇и яад̇д̇агам̣ ваан̣иж̇аанам̣ аабхад̇абхан̣д̣асса раасивасзнзва гаяавиггаяадтаанам̣ наама ад̇т̇и. ид̣̇ам̣ аг̇г̇анаг̇аранд̇и д̇зсам̣ арияааяад̇анаван̣иббат̇аанам̣ ид̣̇ам̣ аг̇г̇анаг̇арам̣ бхависсад̇и. будабхзд̣̇ананд̇и будабхзд̣̇анадтаанам̣ можанадтаананд̇и вуд̇д̇ам̣ ход̇и. аг̇г̇ид̇о ваад̇иаад̣̇ийсу самужжаяад̇т̇о ваа сад̣̇д̣̇о. д̇ад̇ра хи згасса годтаасасса аг̇г̇ид̇о, згасса уд̣̇агад̇о, згасса аб̣бханд̇арад̇о, ан̃н̃аман̃н̃абхзд̣̇аа анд̇арааяо бхависсад̇и. ул̣умбанд̇и баараг̇аманад̇т̇ааяа аан̣ияо аагодзд̇ваа гад̇ам̣. гулланд̇и валлиаад̣̇ийхи б̣анд̇хид̇ваа гад̇ам̣.
286.Sunidhavassakārāti sunidho ca vassakāro ca dve brāhmaṇā magadharañño mahāmattā mahāmaccā. Vajjīnaṃ paṭibāhāyāti vajjirājakulānaṃ āyamukhapacchindanatthaṃ. Vatthūnīti gharavatthūni. Cittāni namanti nivesanāni māpetunti tā kira devatā vatthuvijjāpāṭhakānaṃ sarīre adhimuccitvā evaṃ cittāni nāmenti. Kasmā? Amhākaṃ yathānurūpaṃ sakkāraṃ karissantīti attho. Tāvatiṃsehīti loke kira sakkaṃ devarājānaṃ vissakammañca upādāya tāvatiṃsā paṇḍitāti saddo abbhuggato, tenevāha tāvatiṃsehīti, tāvatiṃsehi saddhiṃ mantetvā viya māpentīti attho. Yāvatā ariyaṃ āyatananti yattakaṃ ariyamanussānaṃ osaraṇaṭṭhānaṃ nāma atthi. Yāvatā vaṇippathoti yattakaṃ vāṇijānaṃ ābhatabhaṇḍassa rāsivaseneva kayavikkayaṭṭhānaṃ nāma atthi. Idaṃ agganagaranti tesaṃ ariyāyatanavaṇippathānaṃ idaṃ agganagaraṃ bhavissati. Puṭabhedananti puṭabhedanaṭṭhānaṃ mocanaṭṭhānanti vuttaṃ hoti. Aggito vātiādīsu samuccayattho vā saddo. Tatra hi ekassa koṭṭhāsassa aggito, ekassa udakato, ekassa abbhantarato, aññamaññabhedā antarāyo bhavissati. Uḷumpanti pāragamanatthāya āṇiyo ākoṭetvā kataṃ. Kullanti valliādīhi bandhitvā kataṃ.
ан̣н̣аванд̇и саб̣б̣анд̇имзна барижчзд̣̇зна яож̇анамад̇д̇ам̣ г̇амбхийрасса жа бут̇улласса жа уд̣̇агадтаанассзд̇ам̣ ад̇хиважанам̣. саранд̇и ид̇ха над̣̇ий ад̇хиббзд̇аа. ид̣̇ам̣ вуд̇д̇ам̣ ход̇и – яз г̇амбхийрам̣ вид̇т̇ад̇ам̣ д̇ан̣хаасарам̣ д̇аранд̇и, д̇з арияамаг̇г̇асан̇каад̇ам̣ сзд̇ум̣ гад̇ваана висаж̇ж̇а баллалаани анаамасид̇ваава уд̣̇агабхарид̇аани ниннадтаанаани; аяам̣ бана ид̣̇ам̣ аббамад̇д̇агам̣ уд̣̇агам̣ уд̇д̇арид̇угаамоби гуллан̃хи бариж̇ано б̣анд̇хад̇и, б̣уд̣̇д̇хаа бана б̣уд̣̇д̇хасаавагаа жа винаа зва гуллзна д̇ин̣н̣аа мзд̇хаавино ж̇анаад̇и.
Aṇṇavanti sabbantimena paricchedena yojanamattaṃ gambhīrassa ca puthullassa ca udakaṭṭhānassetaṃ adhivacanaṃ. Saranti idha nadī adhippetā. Idaṃ vuttaṃ hoti – ye gambhīraṃ vitthataṃ taṇhāsaraṃ taranti, te ariyamaggasaṅkhātaṃ setuṃ katvāna visajja pallalāni anāmasitvāva udakabharitāni ninnaṭṭhānāni; ayaṃ pana idaṃ appamattakaṃ udakaṃ uttaritukāmopi kullañhi parijano bandhati, buddhā pana buddhasāvakā ca vinā eva kullena tiṇṇā medhāvino janāti.
287. анануб̣од̇хаад̇и аб̣уж̇жханзна. санд̇хаавид̇анд̇и бхавад̇о бхавам̣ г̇аманавасзна санд̇хаавид̇ам̣. сам̣сарид̇анд̇и бунаббунам̣ г̇аманавасзна сам̣сарид̇ам̣. маман̃жзва д̇умхааган̃жаад̇и маяаа жа д̇умхзхи жа. ат̇а ваа санд̇хаавид̇ам̣ сам̣сарид̇анд̇и санд̇хааванам̣ сам̣саран̣ам̣ маман̃жзва д̇умхааган̃жа ахосийд̇и звамзд̇т̇а ад̇т̇о д̣̇адтаб̣б̣о. сам̣сид̇анд̇и сам̣сарид̇ам̣. бхаванзд̇д̇и самуухад̇аад̇и бхавад̇о бхаваг̇аманаа санд̇хааванаа д̇ан̣хаараж̇ж̇у судту хад̇аа чиннаа аббавад̇д̇игад̇аа.
287.Ananubodhāti abujjhanena. Sandhāvitanti bhavato bhavaṃ gamanavasena sandhāvitaṃ. Saṃsaritanti punappunaṃ gamanavasena saṃsaritaṃ. Mamañceva tumhākañcāti mayā ca tumhehi ca. Atha vā sandhāvitaṃ saṃsaritanti sandhāvanaṃ saṃsaraṇaṃ mamañceva tumhākañca ahosīti evamettha attho daṭṭhabbo. Saṃsitanti saṃsaritaṃ. Bhavanetti samūhatāti bhavato bhavagamanā sandhāvanā taṇhārajju suṭṭhu hatā chinnā appavattikatā.
289. нийлаад̇и ид̣̇ам̣ саб̣б̣асан̇г̇аахагам̣. нийлаван̣н̣аад̇иаад̣̇и д̇ассзва вибхааг̇ад̣̇ассанад̇т̇ам̣. д̇ад̇т̇а на д̇зсам̣ багад̇иван̣н̣аа нийлаа, нийлавилзбанаанам̣ вижид̇д̇ад̇аавасзнзд̇ам̣ вуд̇д̇ам̣. бадиваддзсийд̇и бахаарзси. саахаарам̣ д̣̇аж̇ж̇зяяаат̇аад̇и саж̇анабад̣̇ам̣ д̣̇ад̣̇зяяаат̇а. ан̇г̇улим̣ подзсунд̇и ан̇г̇улим̣ жаалзсум̣. амб̣агааяаад̇и ид̇т̇игааяа. ологзт̇аад̇и бассат̇а. абалогзт̇аад̇и бунаббунам̣ бассат̇а. убасам̣харат̇аад̇и убанзт̇а. имам̣ лижчавибарисам̣ д̇умхаагам̣ жид̇д̇зна д̇аавад̇им̣сабарисам̣ харат̇а, д̇аавад̇им̣сасса самагам̣ гад̇ваа бассат̇аад̇и ад̇т̇о.
289.Nīlāti idaṃ sabbasaṅgāhakaṃ. Nīlavaṇṇātiādi tasseva vibhāgadassanatthaṃ. Tattha na tesaṃ pakativaṇṇā nīlā, nīlavilepanānaṃ vicittatāvasenetaṃ vuttaṃ. Paṭivaṭṭesīti pahāresi. Sāhāraṃ dajjeyyāthāti sajanapadaṃ dadeyyātha. Aṅguliṃ phoṭesunti aṅguliṃ cālesuṃ. Ambakāyāti itthikāya. Olokethāti passatha. Apalokethāti punappunaṃ passatha. Upasaṃharathāti upanetha. Imaṃ licchaviparisaṃ tumhākaṃ cittena tāvatiṃsaparisaṃ haratha, tāvatiṃsassa samakaṃ katvā passathāti attho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
173. баадалиг̇аамавад̇т̇у • 173. Pāṭaligāmavatthu
174. сунид̇хавассагааравад̇т̇у • 174. Sunidhavassakāravatthu
175. годиг̇аамз сажжагат̇аа • 175. Koṭigāme saccakathā
177. лижчавийвад̇т̇у • 177. Licchavīvatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
баадалиг̇аамавад̇т̇угат̇ааван̣н̣анаа • Pāṭaligāmavatthukathāvaṇṇanā
сунид̇хавассагааравад̇т̇угат̇ааван̣н̣анаа • Sunidhavassakāravatthukathāvaṇṇanā
годиг̇аамз сажжагат̇ааван̣н̣анаа • Koṭigāme saccakathāvaṇṇanā
лижчавийвад̇т̇угат̇ааван̣н̣анаа • Licchavīvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / яааг̇умад̇хуг̇ол̣агаад̣̇игат̇ааван̣н̣анаа • Yāgumadhugoḷakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
баадалиг̇аамавад̇т̇угат̇ааван̣н̣анаа • Pāṭaligāmavatthukathāvaṇṇanā
годиг̇аамзсажжагат̇ааван̣н̣анаа • Koṭigāmesaccakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 173. баадалиг̇аамавад̇т̇угат̇аа • 173. Pāṭaligāmavatthukathā
