| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. पाटलिपुप्फियत्थेरअपदानं
2. Pāṭalipupphiyattheraapadānaṃ
६.
6.
‘‘विपस्सी नाम भगवा, सयम्भू अग्गपुग्गलो।
‘‘Vipassī nāma bhagavā, sayambhū aggapuggalo;
पुरक्खतो ससिस्सेहि, पाविसि बन्धुमं जिनो॥
Purakkhato sasissehi, pāvisi bandhumaṃ jino.
७.
7.
‘‘तीणि पाटलिपुप्फानि, उच्छङ्गे ठपितानि मे।
‘‘Tīṇi pāṭalipupphāni, ucchaṅge ṭhapitāni me;
सीसं न्हायितुकामोव, नदीतित्थं अगच्छहं॥
Sīsaṃ nhāyitukāmova, nadītitthaṃ agacchahaṃ.
८.
8.
‘‘निक्खम्म बन्धुमतिया, अद्दसं लोकनायकं।
‘‘Nikkhamma bandhumatiyā, addasaṃ lokanāyakaṃ;
इन्दीवरंव जलितं, आदित्तंव हुतासनं॥
Indīvaraṃva jalitaṃ, ādittaṃva hutāsanaṃ.
९.
9.
‘‘ब्यग्घूसभंव पवरं, अभिजातंव केसरिं।
‘‘Byagghūsabhaṃva pavaraṃ, abhijātaṃva kesariṃ;
गच्छन्तं समणानग्गं, भिक्खुसङ्घपुरक्खतं॥
Gacchantaṃ samaṇānaggaṃ, bhikkhusaṅghapurakkhataṃ.
१०.
10.
गहेत्वा तीणि पुप्फानि, बुद्धसेट्ठं अपूजयिं॥
Gahetvā tīṇi pupphāni, buddhaseṭṭhaṃ apūjayiṃ.
११.
11.
‘‘एकनवुतितो कप्पे, यं पुप्फमभिपूजयिं।
‘‘Ekanavutito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
१२.
12.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पाटलिपुप्फियो थेरो इमा गाथायो अभासित्थाति।
Itthaṃ sudaṃ āyasmā pāṭalipupphiyo thero imā gāthāyo abhāsitthāti.
पाटलिपुप्फियत्थेरस्सापदानं दुतियं।
Pāṭalipupphiyattherassāpadānaṃ dutiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १. लकुण्डकभद्दियत्थेरअपदानवण्णना • 1. Lakuṇḍakabhaddiyattheraapadānavaṇṇanā
