| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
8. பாடலிபுப்பி²யத்தே²ரஅபதா³னவண்ணனா
8. Pāṭalipupphiyattheraapadānavaṇṇanā
ஸுவண்ணவண்ணங் ஸம்பு³த்³த⁴ந்திஆதி³கங் ஆயஸ்மதோ பாடலிபுப்பி²யத்தே²ரஸ்ஸ அபதா³னங். அயம்பி புரிமஜினவரேஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ திஸ்ஸஸ்ஸ ப⁴க³வதோ காலே ஏகஸ்மிங் குலகே³ஹே ஸெட்டி²புத்தோ ஹுத்வா நிப்³ப³த்தோ வுத்³தி⁴ப்பத்தோ குஸலாகுஸலஞ்ஞூ ஸத்த²ரி பஸீதி³த்வா பாடலிபுப்ப²ங் க³ஹெத்வா ஸத்து² பூஜேஸி. ஸோ தேன புஞ்ஞேன ப³ஹுதா⁴ ஸுக²ஸம்பத்தியோ அனுப⁴வந்தோ தே³வமனுஸ்ஸேஸு ஸங்ஸரந்தோ இமஸ்மிங் பு³த்³து⁴ப்பாதே³ குலகே³ஹே நிப்³ப³த்தோ வுத்³தி⁴மன்வாய ஸத்த²ரி பஸன்னோ பப்³ப³ஜித்வா நசிரஸ்ஸேவ அரஹா அஹோஸி.
Suvaṇṇavaṇṇaṃ sambuddhantiādikaṃ āyasmato pāṭalipupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kulagehe seṭṭhiputto hutvā nibbatto vuddhippatto kusalākusalaññū satthari pasīditvā pāṭalipupphaṃ gahetvā satthu pūjesi. So tena puññena bahudhā sukhasampattiyo anubhavanto devamanussesu saṃsaranto imasmiṃ buddhuppāde kulagehe nibbatto vuddhimanvāya satthari pasanno pabbajitvā nacirasseva arahā ahosi.
36. ஸோ அபரபா⁴கே³ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ ஸுவண்ணவண்ணங் ஸம்பு³த்³த⁴ந்திஆதி³மாஹ. தத்த² அந்தராபணேதி ஆ ஸமந்ததோ ஹிரஞ்ஞஸுவண்ணாதி³கங் ப⁴ண்ட³ங் பணெந்தி விக்கிணந்தி பத்த²ரந்தி எத்தா²தி ஆபணங், ஆபணஸ்ஸ அந்தரங் வீதீ²தி அந்தராபணங், தஸ்மிங் அந்தராபணே. ஸுவண்ணவண்ணங் கஞ்சனக்³கி⁴யஸங்காஸங் த்³வத்திங்ஸவரலக்க²ணங் ஸம்பு³த்³த⁴ங் தி³ஸ்வா பாடலிபுப்ப²ங் பூஜேஸிந்தி அத்தோ². ஸேஸங் ஸப்³ப³த்த² உத்தானத்த²மேவாதி.
36. So aparabhāge attano pubbakammaṃ saritvā somanassajāto pubbacaritāpadānaṃ pakāsento suvaṇṇavaṇṇaṃ sambuddhantiādimāha. Tattha antarāpaṇeti ā samantato hiraññasuvaṇṇādikaṃ bhaṇḍaṃ paṇenti vikkiṇanti pattharanti etthāti āpaṇaṃ, āpaṇassa antaraṃ vīthīti antarāpaṇaṃ, tasmiṃ antarāpaṇe. Suvaṇṇavaṇṇaṃ kañcanagghiyasaṃkāsaṃ dvattiṃsavaralakkhaṇaṃ sambuddhaṃ disvā pāṭalipupphaṃ pūjesinti attho. Sesaṃ sabbattha uttānatthamevāti.
பாடலிபுப்பி²யத்தே²ரஅபதா³னவண்ணனா ஸமத்தா.
Pāṭalipupphiyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 8. பாடலிபுப்பி²யத்தே²ரஅபதா³னங் • 8. Pāṭalipupphiyattheraapadānaṃ
