| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
(൧൭) ൨. ആഘാതവഗ്ഗോ
(17) 2. Āghātavaggo
൧. പഠമആഘാതപടിവിനയസുത്തവണ്ണനാ
1. Paṭhamaāghātapaṭivinayasuttavaṇṇanā
൧൬൧. ദുതിയസ്സ പഠമേ ആഘാതം പടിവിനേന്തി വൂപസമേന്തീതി ആഘാതപടിവിനയാ. യത്ഥ ഭിക്ഖുനോ ഉപ്പന്നോ ആഘാതോ സബ്ബസോ പടിവിനേതബ്ബോതി യത്ഥ ആരമ്മണേ ഭിക്ഖുനോ ആഘാതോ ഉപ്പന്നോ ഹോതി, തത്ഥ സോ സബ്ബോ ഇമേഹി പഞ്ചഹി പടിവിനോദേതബ്ബോതി അത്ഥോ. മേത്താ തസ്മിം പുഗ്ഗലേ ഭാവേതബ്ബാതി തികചതുക്കജ്ഝാനവസേന മേത്താ ഭാവേതബ്ബാ. കരുണായപി ഏസേവ നയോ. ഉപേക്ഖാ പന ചതുക്കപഞ്ചകജ്ഝാനവസേന ഭാവേതബ്ബാ. യസ്മാ പന യം പുഗ്ഗലം പസ്സതോ ചിത്തം ന നിബ്ബാതി, തസ്മിം മുദിതാ ന സണ്ഠഹതി, തസ്മാ സാ ന വുത്താ. അസതിഅമനസികാരോതി യഥാ സോ പുഗ്ഗലോ ന ഉപട്ഠാതി, കുട്ടാദീഹി അന്തരിതോ വിയ ഹോതി, ഏവം തസ്മിം അസതിഅമനസികാരോ ആപജ്ജിതബ്ബോ. സേസം ഹേട്ഠാ വുത്തനയത്താ ഉത്താനമേവ.
161. Dutiyassa paṭhame āghātaṃ paṭivinenti vūpasamentīti āghātapaṭivinayā. Yattha bhikkhuno uppanno āghāto sabbaso paṭivinetabboti yattha ārammaṇe bhikkhuno āghāto uppanno hoti, tattha so sabbo imehi pañcahi paṭivinodetabboti attho. Mettā tasmiṃ puggale bhāvetabbāti tikacatukkajjhānavasena mettā bhāvetabbā. Karuṇāyapi eseva nayo. Upekkhā pana catukkapañcakajjhānavasena bhāvetabbā. Yasmā pana yaṃ puggalaṃ passato cittaṃ na nibbāti, tasmiṃ muditā na saṇṭhahati, tasmā sā na vuttā. Asatiamanasikāroti yathā so puggalo na upaṭṭhāti, kuṭṭādīhi antarito viya hoti, evaṃ tasmiṃ asatiamanasikāro āpajjitabbo. Sesaṃ heṭṭhā vuttanayattā uttānameva.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧. പഠമആഘാതപടിവിനയസുത്തം • 1. Paṭhamaāghātapaṭivinayasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൫. പഠമആഘാതപടിവിനയസുത്താദിവണ്ണനാ • 1-5. Paṭhamaāghātapaṭivinayasuttādivaṇṇanā
