| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
નમો તસ્સ ભગવતો અરહતો સમ્માસમ્બુદ્ધસ્સ
Namo tassa bhagavato arahato sammāsambuddhassa
અઙ્ગુત્તરનિકાયે
Aṅguttaranikāye
છક્કનિપાત-અટ્ઠકથા
Chakkanipāta-aṭṭhakathā
૧. પઠમપણ્ણાસકં
1. Paṭhamapaṇṇāsakaṃ
૧. આહુનેય્યવગ્ગો
1. Āhuneyyavaggo
૧. પઠમઆહુનેય્યસુત્તવણ્ણના
1. Paṭhamaāhuneyyasuttavaṇṇanā
૧. છક્કનિપાતસ્સ પઠમે ઇધ, ભિક્ખવે, ભિક્ખૂતિ, ભિક્ખવે, ઇમસ્મિં સાસને ભિક્ખુ. નેવ સુમનો હોતિ ન દુમ્મનોતિ ઇટ્ઠારમ્મણે રાગસહગતેન સોમનસ્સેન સુમનો વા અનિટ્ઠારમ્મણે દોસસહગતેન દોમનસ્સેન દુમ્મનો વા ન હોતિ. ઉપેક્ખકો વિહરતિ સતો સમ્પજાનોતિ મજ્ઝત્તારમ્મણે અસમપેક્ખનેન અઞ્ઞાણુપેક્ખાય ઉપેક્ખકભાવં અનાપજ્જિત્વા સતો સમ્પજાનો હુત્વા આરમ્મણે મજ્ઝત્તો વિહરતિ. ઇમસ્મિં સુત્તે ખીણાસવસ્સ સતતવિહારો કથિતો.
1. Chakkanipātassa paṭhame idha, bhikkhave, bhikkhūti, bhikkhave, imasmiṃ sāsane bhikkhu. Neva sumano hoti na dummanoti iṭṭhārammaṇe rāgasahagatena somanassena sumano vā aniṭṭhārammaṇe dosasahagatena domanassena dummano vā na hoti. Upekkhako viharati sato sampajānoti majjhattārammaṇe asamapekkhanena aññāṇupekkhāya upekkhakabhāvaṃ anāpajjitvā sato sampajāno hutvā ārammaṇe majjhatto viharati. Imasmiṃ sutte khīṇāsavassa satatavihāro kathito.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧. પઠમઆહુનેય્યસુત્તં • 1. Paṭhamaāhuneyyasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧. પઠમઆહુનેય્યસુત્તવણ્ણના • 1. Paṭhamaāhuneyyasuttavaṇṇanā
