| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੫-੭. ਪਠਮਆਜਾਨੀਯਸੁਤ੍ਤਾਦਿવਣ੍ਣਨਾ
5-7. Paṭhamaājānīyasuttādivaṇṇanā
੯੭-੯੯. ਪਞ੍ਚਮੇ ਅਨੁਚ੍ਛવਿਕੋਤਿ ਰਞ੍ਞੋ ਪਰਿਭੁਞ੍ਜਨਯੋਗ੍ਗੋ। ਹਤ੍ਥਪਾਦਾਦਿਅਙ੍ਗਸਮਤਾਯਾਤਿ ਹਤ੍ਥਪਾਦਾਦਿਅવਯવਸਮਤਾਯ, ਰਞ੍ਞੋ વਾ ਸੇਨਾਯ ਅਙ੍ਗਭੂਤਤ੍ਤਾ ਰਞ੍ਞੋ ਅਙ੍ਗਨ੍ਤਿ વੁਚ੍ਚਤਿ। ਆਨੇਤ੍વਾ ਹੁਨਿਤਬ੍ਬਨ੍ਤਿ ਆਹੁਨਂ, ਆਹੁਤੀਤਿ ਅਤ੍ਥਤੋ ਏਕਨ੍ਤਿ ਆਹ ‘‘ਆਹੁਤਿਸਙ੍ਖਾਤਂ ਪਿਣ੍ਡਪਾਤ’’ਨ੍ਤਿ। ਦੂਰਤੋਪਿ ਆਨੇਤ੍વਾ ਸੀਲવਨ੍ਤੇਸੁ ਦਾਤਬ੍ਬਸ੍ਸੇਤਂ ਅਧਿવਚਨਂ। ਪਿਣ੍ਡਪਾਤਨ੍ਤਿ ਚ ਨਿਦਸ੍ਸਨਮਤ੍ਤਂ। ਆਨੇਤ੍વਾ ਹੁਨਿਤਬ੍ਬਾਨਞ੍ਹਿ ਚੀવਰਾਦੀਨਂ ਚਤੁਨ੍ਨਂ ਪਚ੍ਚਯਾਨਮੇਤਂ ਅਧਿવਚਨਂ ਆਹੁਨਨ੍ਤਿ। ਤਂ ਅਰਹਤੀਤਿ ਆਹੁਨੇਯ੍ਯੋ। ਪਟਿਗ੍ਗਹੇਤੁਂ ਯੁਤ੍ਤੋਤਿ ਤਸ੍ਸ ਮਹਪ੍ਫਲਭਾવਕਰਣਤੋ ਪਟਿਗ੍ਗਣ੍ਹਿਤੁਂ ਅਨੁਚ੍ਛવਿਕੋ।
97-99. Pañcame anucchavikoti rañño paribhuñjanayoggo. Hatthapādādiaṅgasamatāyāti hatthapādādiavayavasamatāya, rañño vā senāya aṅgabhūtattā rañño aṅganti vuccati. Ānetvā hunitabbanti āhunaṃ, āhutīti atthato ekanti āha ‘‘āhutisaṅkhātaṃ piṇḍapāta’’nti. Dūratopi ānetvā sīlavantesu dātabbassetaṃ adhivacanaṃ. Piṇḍapātanti ca nidassanamattaṃ. Ānetvā hunitabbānañhi cīvarādīnaṃ catunnaṃ paccayānametaṃ adhivacanaṃ āhunanti. Taṃ arahatīti āhuneyyo. Paṭiggahetuṃ yuttoti tassa mahapphalabhāvakaraṇato paṭiggaṇhituṃ anucchaviko.
ਪਾਹੁਨਕਭਤ੍ਤਸ੍ਸਾਤਿ ਦਿਸવਿਦਿਸਤੋ ਆਗਤਾਨਂ ਪਿਯਮਨਾਪਾਨਂ ਞਾਤਿਮਿਤ੍ਤਾਨਂ ਅਤ੍ਥਾਯ ਸਕ੍ਕਾਰੇ ਪਟਿਯਤ੍ਤਸ੍ਸ ਆਗਨ੍ਤੁਕਭਤ੍ਤਸ੍ਸ। ਤਞ੍ਹਿ ਠਪੇਤ੍વਾ ਤੇ ਤਥਾਰੂਪੇ ਪਾਹੁਨਕੇ ਸਙ੍ਘਸ੍ਸੇવ ਦਾਤੁਂ ਯੁਤ੍ਤਂ, ਸਙ੍ਘੋવ ਤਂ ਪਟਿਗ੍ਗਹੇਤੁਂ ਯੁਤ੍ਤੋ। ਸਙ੍ਘਸਦਿਸੋ ਹਿ ਪਾਹੁਨਕੋ ਨਤ੍ਥਿ। ਤਥਾ ਹੇਸ ਏਕਸ੍ਮਿਂ ਬੁਦ੍ਧਨ੍ਤਰੇ વੀਤਿવਤ੍ਤੇ ਦਿਸ੍ਸਤਿ, ਕਦਾਚਿ ਅਸਙ੍ਖ੍ਯੇਯ੍ਯੇਪਿ ਕਪ੍ਪੇ વੀਤਿવਤ੍ਤੇ। ਅਬ੍ਬੋਕਿਣ੍ਣਞ੍ਚ ਪਿਯਮਨਾਪਤਾਦਿਕਰੇਹਿ ਧਮ੍ਮੇਹਿ ਸਮਨ੍ਨਾਗਤੋ। ਏવਂ ਪਾਹੁਨਮਸ੍ਸ ਦਾਤੁਂ ਯੁਤ੍ਤਂ, ਪਾਹੁਨਞ੍ਚ ਪਟਿਗ੍ਗਹੇਤੁਂ ਯੁਤ੍ਤੋਤਿ ਪਾਹੁਨੇਯ੍ਯੋ। ਅਯਞ੍ਹੇਤ੍ਥ ਅਧਿਪ੍ਪਾਯੋ ‘‘ਞਾਤਿਮਿਤ੍ਤਾ વਿਪ੍ਪવੁਟ੍ਠਾ ਨ ਚਿਰਸ੍ਸੇવ ਸਮਾਗਚ੍ਛਨ੍ਤਿ, ਅਨવਟ੍ਠਿਤਾ ਚ ਤੇਸੁ ਪਿਯਮਨਾਪਤਾ, ਨ ਏવਮਰਿਯਸਙ੍ਘੋ, ਤਸ੍ਮਾ ਸਙ੍ਘੋવ ਪਾਹੁਨੇਯ੍ਯੋ’’ਤਿ।
Pāhunakabhattassāti disavidisato āgatānaṃ piyamanāpānaṃ ñātimittānaṃ atthāya sakkāre paṭiyattassa āgantukabhattassa. Tañhi ṭhapetvā te tathārūpe pāhunake saṅghasseva dātuṃ yuttaṃ, saṅghova taṃ paṭiggahetuṃ yutto. Saṅghasadiso hi pāhunako natthi. Tathā hesa ekasmiṃ buddhantare vītivatte dissati, kadāci asaṅkhyeyyepi kappe vītivatte. Abbokiṇṇañca piyamanāpatādikarehi dhammehi samannāgato. Evaṃ pāhunamassa dātuṃ yuttaṃ, pāhunañca paṭiggahetuṃ yuttoti pāhuneyyo. Ayañhettha adhippāyo ‘‘ñātimittā vippavuṭṭhā na cirasseva samāgacchanti, anavaṭṭhitā ca tesu piyamanāpatā, na evamariyasaṅgho, tasmā saṅghova pāhuneyyo’’ti.
ਦਕ੍ਖਨ੍ਤਿ ਏਤਾਯ ਸਤ੍ਤਾ ਯਥਾਧਿਪ੍ਪੇਤਾਹਿ ਸਮ੍ਪਤ੍ਤੀਹਿ વਡ੍ਢਨ੍ਤੀਤਿ ਦਕ੍ਖਿਣਾ, ਪਰਲੋਕਂ ਸਦ੍ਦਹਿਤ੍વਾ ਦਾਨਂ। ਤਂ ਦਕ੍ਖਿਣਂ ਅਰਹਤਿ, ਦਕ੍ਖਿਣਾਯ વਾ ਹਿਤੋ ਯਸ੍ਮਾ ਮਹਪ੍ਫਲਕਰਣਤਾਯ વਿਸੋਧੇਤੀਤਿ ਦਕ੍ਖਿਣੇਯ੍ਯੋ।
Dakkhanti etāya sattā yathādhippetāhi sampattīhi vaḍḍhantīti dakkhiṇā, paralokaṃ saddahitvā dānaṃ. Taṃ dakkhiṇaṃ arahati, dakkhiṇāya vā hito yasmā mahapphalakaraṇatāya visodhetīti dakkhiṇeyyo.
ਪੁਞ੍ਞਤ੍ਥਿਕੇਹਿ ਅਞ੍ਜਲਿ ਕਰਣੀਯੋ ਏਤ੍ਥਾਤਿ ਅਞ੍ਜਲਿਕਰਣੀਯੋ। ਉਭੋ ਹੇਤ੍ਥ ਸਿਰਸਿ ਪਤਿਟ੍ਠਾਪੇਤ੍વਾ ਸਬ੍ਬਲੋਕੇਨ ਕਯਿਰਮਾਨਂ ਅਞ੍ਜਲਿਕਮ੍ਮਂ ਅਰਹਤੀਤਿ વਾ ਅਞ੍ਜਲਿਕਰਣੀਯੋ। ਤੇਨਾਹ ‘‘ਅਞ੍ਜਲਿਪਗ੍ਗਹਣਸ੍ਸ ਅਨੁਚ੍ਛવਿਕੋ’’ਤਿ।
Puññatthikehi añjali karaṇīyo etthāti añjalikaraṇīyo. Ubho hettha sirasi patiṭṭhāpetvā sabbalokena kayiramānaṃ añjalikammaṃ arahatīti vā añjalikaraṇīyo. Tenāha ‘‘añjalipaggahaṇassa anucchaviko’’ti.
ਯਦਿਪਿ ਪਾਲ਼ਿਯਂ ‘‘ਅਨੁਤ੍ਤਰ’’ਨ੍ਤਿ વੁਤ੍ਤਂ, ਨਤ੍ਥਿ ਇਤੋ ਉਤ੍ਤਰਂ વਿਸਿਟ੍ਠਨ੍ਤਿ ਹਿ ਅਨੁਤ੍ਤਰਂ, ਸਮਮ੍ਪਿਸ੍ਸ ਪਨ ਨਤ੍ਥੀਤਿ ਦਸ੍ਸੇਨ੍ਤੋ ‘‘ਅਸਦਿਸ’’ਨ੍ਤਿ ਆਹ। ਖਿਤ੍ਤਂ વੁਤ੍ਤਂ ਬੀਜਂ ਮਹਪ੍ਫਲਭਾવਕਰਣੇਨ ਤਾਯਤਿ ਰਕ੍ਖਤਿ, ਖਿਪਨ੍ਤਿ વਪਨ੍ਤਿ ਏਤ੍ਥ ਬੀਜਾਨੀਤਿ વਾ ਖੇਤ੍ਤਂ, ਕੇਦਾਰਾਦਿ, ਖੇਤ੍ਤਂ વਿਯ ਖੇਤ੍ਤਂ, ਪੁਞ੍ਞਾਨਂ ਖੇਤ੍ਤਂ ਪੁਞ੍ਞਕ੍ਖੇਤ੍ਤਂ। ਯਥਾ ਹਿ ਰਞ੍ਞੋ વਾ ਅਮਚ੍ਚਸ੍ਸ વਾ ਸਾਲੀਨਂ વਾ ਯવਾਨਂ વਾ વਿਰੁਹਨਟ੍ਠਾਨਂ ‘‘ਰਞ੍ਞੋ ਸਾਲਿਕ੍ਖੇਤਂ ਯવਕ੍ਖੇਤ’’ਨ੍ਤਿ વੁਚ੍ਚਤਿ, ਏવਂ ਸਙ੍ਘੋ ਸਬ੍ਬਲੋਕਸ੍ਸ ਪੁਞ੍ਞਾਨਂ વਿਰੁਹਨਟ੍ਠਾਨਂ। ਸਙ੍ਘਂ ਨਿਸ੍ਸਾਯ ਹਿ ਲੋਕਸ੍ਸ ਨਾਨਪ੍ਪਕਾਰਹਿਤਸੁਖਸਂવਤ੍ਤਨਿਕਾਨਿ ਪੁਞ੍ਞਾਨਿ વਿਰੁਹਨ੍ਤਿ, ਤਸ੍ਮਾ ਸਙ੍ਘੋ ਅਨੁਤ੍ਤਰਂ ਪੁਞ੍ਞਕ੍ਖੇਤ੍ਤਂ ਲੋਕਸ੍ਸ। ਸੇਸਂ ਸੁવਿਞ੍ਞੇਯ੍ਯਮੇવ। ਛਟ੍ਠਸਤ੍ਤਮਾਨਿ ਉਤ੍ਤਾਨਤ੍ਥਾਨੇવ।
Yadipi pāḷiyaṃ ‘‘anuttara’’nti vuttaṃ, natthi ito uttaraṃ visiṭṭhanti hi anuttaraṃ, samampissa pana natthīti dassento ‘‘asadisa’’nti āha. Khittaṃ vuttaṃ bījaṃ mahapphalabhāvakaraṇena tāyati rakkhati, khipanti vapanti ettha bījānīti vā khettaṃ, kedārādi, khettaṃ viya khettaṃ, puññānaṃ khettaṃ puññakkhettaṃ. Yathā hi rañño vā amaccassa vā sālīnaṃ vā yavānaṃ vā viruhanaṭṭhānaṃ ‘‘rañño sālikkhetaṃ yavakkheta’’nti vuccati, evaṃ saṅgho sabbalokassa puññānaṃ viruhanaṭṭhānaṃ. Saṅghaṃ nissāya hi lokassa nānappakārahitasukhasaṃvattanikāni puññāni viruhanti, tasmā saṅgho anuttaraṃ puññakkhettaṃ lokassa. Sesaṃ suviññeyyameva. Chaṭṭhasattamāni uttānatthāneva.
ਪਠਮਆਜਾਨੀਯਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Paṭhamaājānīyasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੫. ਪਠਮਆਜਾਨੀਯਸੁਤ੍ਤਂ • 5. Paṭhamaājānīyasuttaṃ
੬. ਦੁਤਿਯਆਜਾਨੀਯਸੁਤ੍ਤਂ • 6. Dutiyaājānīyasuttaṃ
੭. ਤਤਿਯਆਜਾਨੀਯਸੁਤ੍ਤਂ • 7. Tatiyaājānīyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫-੭. ਪਠਮਆਜਾਨੀਯਸੁਤ੍ਤਾਦਿવਣ੍ਣਨਾ • 5-7. Paṭhamaājānīyasuttādivaṇṇanā
