| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೩-೧೦. ಪಠಮಆನನ್ದಸುತ್ತಾದಿವಣ್ಣನಾ
3-10. Paṭhamaānandasuttādivaṇṇanā
೯೮೯-೯೯೬. ಅನಿಚ್ಚಾದಿವಸೇನಾತಿ ಅನಿಚ್ಚದುಕ್ಖಾನತ್ತವಸೇನ। ಪವಿಚಿನತಿ ಪಕಾರೇಹಿ ವಿಚಿನತಿ। ನಿಕ್ಕಿಲೇಸಾತಿ ಅಪಗತಕಿಲೇಸಾ ವಿಕ್ಖಮ್ಭಿತಕಿಲೇಸಾ। ಪೀತಿಸಮ್ಬೋಜ್ಝಙ್ಗೋ, ಪಸ್ಸದ್ಧಿಸಮ್ಬೋಜ್ಝಙ್ಗೋತಿ ಪಾಠೋ।
989-996.Aniccādivasenāti aniccadukkhānattavasena. Pavicinati pakārehi vicinati. Nikkilesāti apagatakilesā vikkhambhitakilesā. Pītisambojjhaṅgo, passaddhisambojjhaṅgoti pāṭho.
ಯಾಯ ಅನೋಸಕ್ಕನಂ ಅನತಿವತ್ತನಞ್ಚ ಹೋತಿ, ಅಯಂ ತತ್ರಮಜ್ಝತ್ತುಪೇಕ್ಖಾ ಮಜ್ಝತ್ತಾಕಾರೋತಿ ವುತ್ತಾ। ಏಕಚಿತ್ತಕ್ಖಣಿಕಾತಿ ಏಕಚಿತ್ತುಪ್ಪಾದಪರಿಯಾಪನ್ನತ್ತಾ।
Yāya anosakkanaṃ anativattanañca hoti, ayaṃ tatramajjhattupekkhā majjhattākāroti vuttā. Ekacittakkhaṇikāti ekacittuppādapariyāpannattā.
ಚತ್ತುನ್ನಂ ಚತುಕ್ಕಾನಂ ವಸೇನ ಸೋಳಸಕ್ಖತ್ತುಕಾ। ಆನಾಪಾನಸನ್ನಿಸ್ಸಯೇನ ಪವತ್ತತ್ತಾ ಆರಮ್ಮಣವಸೇನ ಪವತ್ತಾ ಆನಾಪಾನಾರಮ್ಮಣಾಪಿ ಅಪರಭಾಗೇ ಸತಿ ಆನಾಪಾನಸ್ಸತೀತಿ ಪರಿಯಾಯೇನ ವತ್ತಬ್ಬತಂ ಅರಹತೀತಿ ‘‘ಆನಾಪಾನಸ್ಸತಿ ಮಿಸ್ಸಕಾ ಕಥಿತಾ’’ತಿ ವುತ್ತಂ। ಆನಾಪಾನಮೂಲಕಾತಿ ಆನಾಪಾನಸನ್ನಿಸ್ಸಯೇನ ಪವತ್ತಾ ಸತಿಪಟ್ಠಾನಾ। ತೇಸಂ ಮೂಲಭೂತಾತಿ ತೇಸಂ ಸತಿಪಟ್ಠಾನಾನಂ ಮೂಲಕಾರಣಭೂತಾ। ಬೋಜ್ಝಙ್ಗಮೂಲಕಾತಿ ಬೋಜ್ಝಙ್ಗಪಚ್ಚಯಭೂತಾ। ತೇಪಿ ಬೋಜ್ಝಙ್ಗಾತಿ ಏತೇ ವೀಸತಿ ಸತಿಪಟ್ಠಾನಹೇತುಕಾ ಬೋಜ್ಝಙ್ಗಾ। ವಿಜ್ಜಾವಿಮುತ್ತಿಪೂರಕಾತಿ ತತಿಯವಿಜ್ಜಾಯ ತಸ್ಸ ಫಲಸ್ಸ ಚ ಪರಿಪೂರಣವಸೇನ ಪವತ್ತಾ ಬೋಜ್ಝಙ್ಗಾ। ಫಲಸಮ್ಪಯುತ್ತಾತಿ ಚತುತ್ಥಫಲಸಮ್ಪಯುತ್ತಾ, ಚತುಬ್ಬಿಧಫಲಸಮ್ಪಯುತ್ತಾ ವಾ।
Cattunnaṃ catukkānaṃ vasena soḷasakkhattukā. Ānāpānasannissayena pavattattā ārammaṇavasena pavattā ānāpānārammaṇāpi aparabhāge sati ānāpānassatīti pariyāyena vattabbataṃ arahatīti ‘‘ānāpānassati missakā kathitā’’ti vuttaṃ. Ānāpānamūlakāti ānāpānasannissayena pavattā satipaṭṭhānā. Tesaṃ mūlabhūtāti tesaṃ satipaṭṭhānānaṃ mūlakāraṇabhūtā. Bojjhaṅgamūlakāti bojjhaṅgapaccayabhūtā. Tepi bojjhaṅgāti ete vīsati satipaṭṭhānahetukā bojjhaṅgā. Vijjāvimuttipūrakāti tatiyavijjāya tassa phalassa ca paripūraṇavasena pavattā bojjhaṅgā. Phalasampayuttāti catutthaphalasampayuttā, catubbidhaphalasampayuttā vā.
ದುತಿಯವಗ್ಗವಣ್ಣನಾ ನಿಟ್ಠಿತಾ।
Dutiyavaggavaṇṇanā niṭṭhitā.
ಆನಾಪಾನಸಂಯುತ್ತವಣ್ಣನಾ ನಿಟ್ಠಿತಾ।
Ānāpānasaṃyuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya
೩. ಪಠಮಆನನ್ದಸುತ್ತಂ • 3. Paṭhamaānandasuttaṃ
೪. ದುತಿಯಆನನ್ದಸುತ್ತಂ • 4. Dutiyaānandasuttaṃ
೫. ಪಠಮಭಿಕ್ಖುಸುತ್ತಂ • 5. Paṭhamabhikkhusuttaṃ
೬. ದುತಿಯಭಿಕ್ಖುಸುತ್ತಂ • 6. Dutiyabhikkhusuttaṃ
೭. ಸಂಯೋಜನಪ್ಪಹಾನಸುತ್ತಂ • 7. Saṃyojanappahānasuttaṃ
೮. ಅನುಸಯಸಮುಗ್ಘಾತಸುತ್ತಂ • 8. Anusayasamugghātasuttaṃ
೯. ಅದ್ಧಾನಪರಿಞ್ಞಾಸುತ್ತಂ • 9. Addhānapariññāsuttaṃ
೧೦. ಆಸವಕ್ಖಯಸುತ್ತಂ • 10. Āsavakkhayasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೩-೧೦. ಪಠಮಆನನ್ದಸುತ್ತಾದಿವಣ್ಣನಾ • 3-10. Paṭhamaānandasuttādivaṇṇanā
