| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૫. પઠમઅનાયુસ્સાસુત્તં
5. Paṭhamaanāyussāsuttaṃ
૧૨૫. ‘‘પઞ્ચિમે , ભિક્ખવે, ધમ્મા અનાયુસ્સા. કતમે પઞ્ચ? અસપ્પાયકારી હોતિ, સપ્પાયે મત્તં ન જાનાતિ, અપરિણતભોજી ચ હોતિ, અકાલચારી ચ હોતિ, અબ્રહ્મચારી ચ. ઇમે ખો, ભિક્ખવે, પઞ્ચ ધમ્મા અનાયુસ્સા.
125. ‘‘Pañcime , bhikkhave, dhammā anāyussā. Katame pañca? Asappāyakārī hoti, sappāye mattaṃ na jānāti, apariṇatabhojī ca hoti, akālacārī ca hoti, abrahmacārī ca. Ime kho, bhikkhave, pañca dhammā anāyussā.
‘‘પઞ્ચિમે, ભિક્ખવે, ધમ્મા આયુસ્સા. કતમે પઞ્ચ? સપ્પાયકારી હોતિ, સપ્પાયે મત્તં જાનાતિ, પરિણતભોજી ચ હોતિ, કાલચારી ચ હોતિ, બ્રહ્મચારી ચ. ઇમે ખો, ભિક્ખવે, પઞ્ચ ધમ્મા આયુસ્સા’’તિ. પઞ્ચમં.
‘‘Pañcime, bhikkhave, dhammā āyussā. Katame pañca? Sappāyakārī hoti, sappāye mattaṃ jānāti, pariṇatabhojī ca hoti, kālacārī ca hoti, brahmacārī ca. Ime kho, bhikkhave, pañca dhammā āyussā’’ti. Pañcamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૫-૬. અનાયુસ્સાસુત્તદ્વયવણ્ણના • 5-6. Anāyussāsuttadvayavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / (૧૩) ૩. ગિલાનવગ્ગો • (13) 3. Gilānavaggo
