Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

9. батамаабуд̇д̇агасуд̇д̇ам̣

9. Paṭhamaaputtakasuttaṃ

130. саавад̇т̇инид̣̇аанам̣. ат̇а ко рааж̇аа басзнад̣̇и госало д̣̇иваа д̣̇ивасса язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко рааж̇аанам̣ басзнад̣̇им̣ госалам̣ бхаг̇аваа зд̇ад̣̇авожа – ‘‘ханд̣̇а, гуд̇о ну д̇вам̣, махаарааж̇а, ааг̇ажчаси д̣̇иваа д̣̇ивассаа’’д̇и?

130. Sāvatthinidānaṃ. Atha kho rājā pasenadi kosalo divā divassa yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho rājānaṃ pasenadiṃ kosalaṃ bhagavā etadavoca – ‘‘handa, kuto nu tvaṃ, mahārāja, āgacchasi divā divassā’’ti?

‘‘ид̇ха, бханд̇з, саавад̇т̇ияам̣ сздти г̇ахабад̇и гаалан̇гад̇о. д̇амахам̣ абуд̇д̇агам̣ саабад̇зяяам̣ рааж̇анд̇збурам̣ ад̇ихарид̇ваа ааг̇ажчаами. асийд̇и, бханд̇з, сад̇асахассаани хиран̃н̃ассзва, го бана ваад̣̇о руубияасса ! д̇асса ко бана, бханд̇з, сздтисса г̇ахабад̇исса зваруубо бхад̇д̇абхог̇о ахоси – ган̣ааж̇агам̣ бхун̃ж̇ад̇и б̣илан̇г̇ад̣̇уд̇ияам̣. зваруубо вад̇т̇абхог̇о ахоси – саан̣ам̣ д̇хаарзд̇и д̇ибагкавасанам̣. зваруубо яаанабхог̇о ахоси – ж̇аж̇ж̇арарат̇агзна яаад̇и бан̣н̣ачад̇д̇агзна д̇хаарияамаанзнаа’’д̇и.

‘‘Idha, bhante, sāvatthiyaṃ seṭṭhi gahapati kālaṅkato. Tamahaṃ aputtakaṃ sāpateyyaṃ rājantepuraṃ atiharitvā āgacchāmi. Asīti, bhante, satasahassāni hiraññasseva, ko pana vādo rūpiyassa ! Tassa kho pana, bhante, seṭṭhissa gahapatissa evarūpo bhattabhogo ahosi – kaṇājakaṃ bhuñjati bilaṅgadutiyaṃ. Evarūpo vatthabhogo ahosi – sāṇaṃ dhāreti tipakkhavasanaṃ. Evarūpo yānabhogo ahosi – jajjararathakena yāti paṇṇachattakena dhāriyamānenā’’ti.

‘‘звамзд̇ам̣, махаарааж̇а, звамзд̇ам̣, махаарааж̇а! асаббурисо ко, махаарааж̇а, ул̣аарз бхог̇з лабхид̇ваа нзвад̇д̇аанам̣ сукзд̇и бийн̣зд̇и, на маад̇аабид̇аро сукзд̇и бийн̣зд̇и, на буд̇д̇ад̣̇аарам̣ сукзд̇и бийн̣зд̇и, на д̣̇аасагаммагараборисз сукзд̇и бийн̣зд̇и, на мид̇д̇аамажжз сукзд̇и бийн̣зд̇и, на саман̣аб̣раахман̣зсу уд̣̇д̇хаг̇г̇игам̣ д̣̇агкин̣ам̣ бад̇идтаабзд̇и соваг̇г̇игам̣ сукавибаагам̣ саг̇г̇асам̣вад̇д̇анигам̣. д̇асса д̇з бхог̇з звам̣ саммаа абарибхун̃ж̇ияамаанз ¹ рааж̇аано ваа харанд̇и жораа ваа харанд̇и аг̇г̇и ваа д̣ахад̇и уд̣̇агам̣ ваа вахад̇и аббияаа ваа д̣̇ааяаад̣̇аа харанд̇и. звам̣са д̇з ², махаарааж̇а, бхог̇аа саммаа абарибхун̃ж̇ияамаанаа баригкаяам̣ г̇ажчанд̇и, но барибхог̇ам̣.

‘‘Evametaṃ, mahārāja, evametaṃ, mahārāja! Asappuriso kho, mahārāja, uḷāre bhoge labhitvā nevattānaṃ sukheti pīṇeti, na mātāpitaro sukheti pīṇeti, na puttadāraṃ sukheti pīṇeti, na dāsakammakaraporise sukheti pīṇeti, na mittāmacce sukheti pīṇeti, na samaṇabrāhmaṇesu uddhaggikaṃ dakkhiṇaṃ patiṭṭhāpeti sovaggikaṃ sukhavipākaṃ saggasaṃvattanikaṃ. Tassa te bhoge evaṃ sammā aparibhuñjiyamāne ³ rājāno vā haranti corā vā haranti aggi vā ḍahati udakaṃ vā vahati appiyā vā dāyādā haranti. Evaṃsa te ⁴, mahārāja, bhogā sammā aparibhuñjiyamānā parikkhayaṃ gacchanti, no paribhogaṃ.

‘‘сзяяат̇ааби, махаарааж̇а, амануссадтаанз богкаран̣ий ажчод̣̇агаа сийд̇од̣̇агаа саад̇од̣̇агаа сзд̇од̣̇агаа субад̇ид̇т̇аа раман̣ийяаа. д̇ам̣ ж̇ано нзва харзяяа на бивзяяа на нахааязяяа на яат̇аабажжаяам̣ ваа гарзяяа. зван̃хи д̇ам̣, махаарааж̇а, уд̣̇агам̣ саммаа абарибхун̃ж̇ияамаанам̣ ⁵ баригкаяам̣ г̇ажчзяяа , но барибхог̇ам̣. звамзва ко, махаарааж̇а, асаббурисо ул̣аарз бхог̇з лабхид̇ваа нзвад̇д̇аанам̣ сукзд̇и бийн̣зд̇и, на маад̇аабид̇аро сукзд̇и бийн̣зд̇и, на буд̇д̇ад̣̇аарам̣ сукзд̇и бийн̣зд̇и, на д̣̇аасагаммагараборисз сукзд̇и бийн̣зд̇и, на мид̇д̇аамажжз сукзд̇и бийн̣зд̇и, на саман̣аб̣раахман̣зсу уд̣̇д̇хаг̇г̇игам̣ д̣̇агкин̣ам̣ бад̇идтаабзд̇и соваг̇г̇игам̣ сукавибаагам̣ саг̇г̇асам̣вад̇д̇анигам̣. д̇асса д̇з бхог̇з звам̣ саммаа абарибхун̃ж̇ияамаанз рааж̇аано ваа харанд̇и жораа ваа харанд̇и аг̇г̇и ваа д̣ахад̇и уд̣̇агам̣ ваа вахад̇и аббияаа ваа д̣̇ааяаад̣̇аа харанд̇и. звам̣са д̇з ⁶, махаарааж̇а, бхог̇аа саммаа абарибхун̃ж̇ияамаанаа баригкаяам̣ г̇ажчанд̇и, но барибхог̇ам̣.

‘‘Seyyathāpi, mahārāja, amanussaṭṭhāne pokkharaṇī acchodakā sītodakā sātodakā setodakā supatitthā ramaṇīyā. Taṃ jano neva hareyya na piveyya na nahāyeyya na yathāpaccayaṃ vā kareyya. Evañhi taṃ, mahārāja, udakaṃ sammā aparibhuñjiyamānaṃ ⁷ parikkhayaṃ gaccheyya , no paribhogaṃ. Evameva kho, mahārāja, asappuriso uḷāre bhoge labhitvā nevattānaṃ sukheti pīṇeti, na mātāpitaro sukheti pīṇeti, na puttadāraṃ sukheti pīṇeti, na dāsakammakaraporise sukheti pīṇeti, na mittāmacce sukheti pīṇeti, na samaṇabrāhmaṇesu uddhaggikaṃ dakkhiṇaṃ patiṭṭhāpeti sovaggikaṃ sukhavipākaṃ saggasaṃvattanikaṃ. Tassa te bhoge evaṃ sammā aparibhuñjiyamāne rājāno vā haranti corā vā haranti aggi vā ḍahati udakaṃ vā vahati appiyā vā dāyādā haranti. Evaṃsa te ⁸, mahārāja, bhogā sammā aparibhuñjiyamānā parikkhayaṃ gacchanti, no paribhogaṃ.

‘‘саббурисо жа ко, махаарааж̇а, ул̣аарз бхог̇з лабхид̇ваа ад̇д̇аанам̣ сукзд̇и бийн̣зд̇и, маад̇аабид̇аро сукзд̇и бийн̣зд̇и, буд̇д̇ад̣̇аарам̣ сукзд̇и бийн̣зд̇и, д̣̇аасагаммагараборисз сукзд̇и бийн̣зд̇и, мид̇д̇аамажжз сукзд̇и бийн̣зд̇и, саман̣аб̣раахман̣зсу уд̣̇д̇хаг̇г̇игам̣ д̣̇агкин̣ам̣ бад̇идтаабзд̇и соваг̇г̇игам̣ сукавибаагам̣ саг̇г̇асам̣вад̇д̇анигам̣. д̇асса д̇з бхог̇з звам̣ саммаа барибхун̃ж̇ияамаанз нзва рааж̇аано харанд̇и , на жораа харанд̇и, на аг̇г̇и д̣ахад̇и, на уд̣̇агам̣ вахад̇и, на аббияаа д̣̇ааяаад̣̇аа харанд̇и. звам̣са д̇з, махаарааж̇а, бхог̇аа саммаа барибхун̃ж̇ияамаанаа барибхог̇ам̣ г̇ажчанд̇и, но баригкаяам̣.

‘‘Sappuriso ca kho, mahārāja, uḷāre bhoge labhitvā attānaṃ sukheti pīṇeti, mātāpitaro sukheti pīṇeti, puttadāraṃ sukheti pīṇeti, dāsakammakaraporise sukheti pīṇeti, mittāmacce sukheti pīṇeti, samaṇabrāhmaṇesu uddhaggikaṃ dakkhiṇaṃ patiṭṭhāpeti sovaggikaṃ sukhavipākaṃ saggasaṃvattanikaṃ. Tassa te bhoge evaṃ sammā paribhuñjiyamāne neva rājāno haranti , na corā haranti, na aggi ḍahati, na udakaṃ vahati, na appiyā dāyādā haranti. Evaṃsa te, mahārāja, bhogā sammā paribhuñjiyamānā paribhogaṃ gacchanti, no parikkhayaṃ.

‘‘сзяяат̇ааби, махаарааж̇а, г̇аамасса ваа ниг̇амасса ваа авид̣̇уурз богкаран̣ий ажчод̣̇агаа сийд̇од̣̇агаа саад̇од̣̇агаа сзд̇од̣̇агаа субад̇ид̇т̇аа раман̣ийяаа. д̇ан̃жа уд̣̇агам̣ ж̇ано харзяяаби бивзяяаби нахааязяяаби яат̇аабажжаяамби гарзяяа. зван̃хи д̇ам̣, махаарааж̇а, уд̣̇агам̣ саммаа барибхун̃ж̇ияамаанам̣ барибхог̇ам̣ г̇ажчзяяа, но баригкаяам̣. звамзва ко, махаарааж̇а, саббурисо ул̣аарз бхог̇з лабхид̇ваа ад̇д̇аанам̣ сукзд̇и бийн̣зд̇и, маад̇аабид̇аро сукзд̇и бийн̣зд̇и, буд̇д̇ад̣̇аарам̣ сукзд̇и бийн̣зд̇и, д̣̇аасагаммагараборисз сукзд̇и бийн̣зд̇и, мид̇д̇аамажжз сукзд̇и бийн̣зд̇и, саман̣аб̣раахман̣зсу уд̣̇д̇хаг̇г̇игам̣ д̣̇агкин̣ам̣ бад̇идтаабзд̇и соваг̇г̇игам̣ сукавибаагам̣ саг̇г̇асам̣вад̇д̇анигам̣. д̇асса д̇з бхог̇з звам̣ саммаа барибхун̃ж̇ияамаанз нзва рааж̇аано харанд̇и, на жораа харанд̇и, на аг̇г̇и д̣ахад̇и, на уд̣̇агам̣ вахад̇и, на аббияаа д̣̇ааяаад̣̇аа харанд̇и. звам̣са д̇з, махаарааж̇а, бхог̇аа саммаа барибхун̃ж̇ияамаанаа барибхог̇ам̣ г̇ажчанд̇и, но баригкаяа’’нд̇и.

‘‘Seyyathāpi, mahārāja, gāmassa vā nigamassa vā avidūre pokkharaṇī acchodakā sītodakā sātodakā setodakā supatitthā ramaṇīyā. Tañca udakaṃ jano hareyyapi piveyyapi nahāyeyyapi yathāpaccayampi kareyya. Evañhi taṃ, mahārāja, udakaṃ sammā paribhuñjiyamānaṃ paribhogaṃ gaccheyya, no parikkhayaṃ. Evameva kho, mahārāja, sappuriso uḷāre bhoge labhitvā attānaṃ sukheti pīṇeti, mātāpitaro sukheti pīṇeti, puttadāraṃ sukheti pīṇeti, dāsakammakaraporise sukheti pīṇeti, mittāmacce sukheti pīṇeti, samaṇabrāhmaṇesu uddhaggikaṃ dakkhiṇaṃ patiṭṭhāpeti sovaggikaṃ sukhavipākaṃ saggasaṃvattanikaṃ. Tassa te bhoge evaṃ sammā paribhuñjiyamāne neva rājāno haranti, na corā haranti, na aggi ḍahati, na udakaṃ vahati, na appiyā dāyādā haranti. Evaṃsa te, mahārāja, bhogā sammā paribhuñjiyamānā paribhogaṃ gacchanti, no parikkhaya’’nti.

‘‘амануссадтаанз уд̣̇агам̣ва сийд̇ам̣,

‘‘Amanussaṭṭhāne udakaṃva sītaṃ,

д̇ад̣̇абзяяамаанам̣ барисосамзд̇и;

Tadapeyyamānaṃ parisosameti;

звам̣ д̇ханам̣ гаабурисо лабхид̇ваа,

Evaṃ dhanaṃ kāpuriso labhitvā,

нзвад̇д̇анаа бхун̃ж̇ад̇и но д̣̇ад̣̇аад̇и.

Nevattanā bhuñjati no dadāti.

д̇хийро жа вин̃н̃уу ад̇хиг̇амма бхог̇з,

Dhīro ca viññū adhigamma bhoge,

со бхун̃ж̇ад̇и гижжагаро жа ход̇и;

So bhuñjati kiccakaro ca hoti;

со н̃аад̇исан̇гхам̣ нисабхо бхарид̇ваа,

So ñātisaṅghaṃ nisabho bharitvā,

анинд̣̇ид̇о саг̇г̇амубзд̇и таана’’нд̇и.

Anindito saggamupeti ṭhāna’’nti.

Next: 10. д̣̇уд̇ияаабуд̇д̇агасуд̇д̇ам̣ • 10. Dutiyaaputtakasuttaṃ

Footnotes:

1. абарибхун̃ж̇амаано (саб̣б̣ад̇т̇а)

2. звам̣ санд̇з (сий. бий.)

3. aparibhuñjamāno (sabbattha)

4. evaṃ sante (sī. pī.)

5. абарибхун̃ж̇амаанам̣ (сяаа. гам̣.)

6. звам̣ санд̇з (сий. бий.)

7. aparibhuñjamānaṃ (syā. kaṃ.)

8. evaṃ sante (sī. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. батамаабуд̇д̇агасуд̇д̇аван̣н̣анаа • 9. Paṭhamaaputtakasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. батамаабуд̇д̇агасуд̇д̇аван̣н̣анаа • 9. Paṭhamaaputtakasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact