| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೯. ಪಠಮಆಯುಸುತ್ತವಣ್ಣನಾ
9. Paṭhamaāyusuttavaṇṇanā
೧೪೫. ಪಣ್ಣಾಸಂ ವಾ ವಸ್ಸಾನಿ ಜೀವತಿ ವಸ್ಸಸತತೋ ಉಪರಿ ಸೇಯ್ಯಥಾಪಿ ಥೇರೋ ಅನುರುದ್ಧೋ। ಸಟ್ಠಿ ವಾ ವಸ್ಸಾನಿ ಸೇಯ್ಯಥಾಪಿ ಥೇರೋ ಬಾಕುಲೋ। ಪಟಿಹರಿತ್ವಾ ಪಚ್ಚನೀಕಭಾವೇ ಸಾತಂ ಸುಖಂ ಏತಸ್ಸಾತಿ ಪಚ್ಚನೀಕಸಾತೋ, ತಬ್ಭಾವೋ ಪಚ್ಚನೀಕಸಾತತಾ, ತಾಯ। ಅಭಿಭವಿತ್ವಾ ಅಭಾಸಿ ಪಟಿವಚನಂ ಜಾನಮಾನೋವ।
145.Paṇṇāsaṃvā vassāni jīvati vassasatato upari seyyathāpi thero anuruddho. Saṭṭhi vā vassāni seyyathāpi thero bākulo. Paṭiharitvā paccanīkabhāve sātaṃ sukhaṃ etassāti paccanīkasāto, tabbhāvo paccanīkasātatā, tāya. Abhibhavitvā abhāsi paṭivacanaṃ jānamānova.
ನ ಹೀಳೇಯ್ಯ ನ ಜಿಗುಚ್ಛೇಯ್ಯ। ಏವನ್ತಿ ಸೋ ದಾರಕೋ ವಿಯ ಕಿಞ್ಚಿ ಅಚಿನ್ತೇನ್ತೋ ಸಪ್ಪುರಿಸೋ ಚರೇಯ್ಯ, ಏವಂ ಹಿಸ್ಸ ಚಿತ್ತದುಕ್ಖಂ ನ ಹೋತೀತಿ ಅಧಿಪ್ಪಾಯೋ। ಪಜ್ಜಲಿತಸೀಸೋ ವಿಯ ಚರೇಯ್ಯಾತಿ ಯಥಾ ಪಜ್ಜಲಿತಸೀಸೋ ಪುರಿಸೋ ಅಞ್ಞಂ ಕಿಞ್ಚಿ ಅಕತ್ವಾ ತಸ್ಸೇವ ವೂಪಸಮಾಯ ವಾಯಮೇಯ್ಯ, ಏವಂ ಸಪ್ಪುರಿಸೋ ಆಯುಂ ಪರಿತ್ತನ್ತಿ ಞತ್ವಾ ತೇನೇವ ನಯೇನ ಸಬ್ಬಸಙ್ಖಾರಗತಂ ಅನಿಚ್ಚಂ, ಅನಿಚ್ಚತ್ತಾ ಏವ ದುಕ್ಖಂ, ಅನತ್ತಾತಿ ವಿಪಸ್ಸನಮ್ಪಿ ಓತರಿತ್ವಾ ತಂ ಉಸ್ಸುಕ್ಕಾಪೇನ್ತೋಪಿ ಸಙ್ಖಾರವಿಗಮಾಯ ಚರೇಯ್ಯ ಪಟಿಪಜ್ಜೇಯ್ಯ।
Na hīḷeyya na jiguccheyya. Evanti so dārako viya kiñci acintento sappuriso careyya, evaṃ hissa cittadukkhaṃ na hotīti adhippāyo. Pajjalitasīso viya careyyāti yathā pajjalitasīso puriso aññaṃ kiñci akatvā tasseva vūpasamāya vāyameyya, evaṃ sappuriso āyuṃ parittanti ñatvā teneva nayena sabbasaṅkhāragataṃ aniccaṃ, aniccattā eva dukkhaṃ, anattāti vipassanampi otaritvā taṃ ussukkāpentopi saṅkhāravigamāya careyya paṭipajjeyya.
ಪಠಮಆಯುಸುತ್ತವಣ್ಣನಾ ನಿಟ್ಠಿತಾ।
Paṭhamaāyusuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೯. ಪಠಮಆಯುಸುತ್ತಂ • 9. Paṭhamaāyusuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೯. ಪಠಮಆಯುಸುತ್ತವಣ್ಣನಾ • 9. Paṭhamaāyusuttavaṇṇanā
