| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. батамабхаяавзруубасанд̇асуд̇д̇ам̣
8. Paṭhamabhayaverūpasantasuttaṃ
1024. саавад̇т̇инид̣̇аанам̣. згаманд̇ам̣ нисиннам̣ ко анаат̇абин̣д̣игам̣ г̇ахабад̇им̣ бхаг̇аваа зд̇ад̣̇авожа – ‘‘яад̇о ко, г̇ахабад̇и, арияасаавагасса бан̃жа бхаяаани взраани вуубасанд̇аани жа хонд̇и, жад̇уухи жа сод̇аабад̇д̇ияан̇г̇зхи саманнааг̇ад̇о ход̇и, арияо жасса н̃ааяо бан̃н̃ааяа суд̣̇идто ход̇и суббадивид̣̇д̇хо, со ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони 1 кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о; сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’’’.
1024. Sāvatthinidānaṃ. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca – ‘‘yato kho, gahapati, ariyasāvakassa pañca bhayāni verāni vūpasantāni ca honti, catūhi ca sotāpattiyaṅgehi samannāgato hoti, ariyo cassa ñāyo paññāya sudiṭṭho hoti suppaṭividdho, so ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni 2 khīṇapettivisayo khīṇāpāyaduggativinipāto; sotāpannohamasmi avinipātadhammo niyato sambodhiparāyaṇo’’’.
‘‘гад̇амаани бан̃жа бхаяаани взраани вуубасанд̇аани хонд̇и? яам̣, г̇ахабад̇и, баан̣аад̇ибаад̇ий баан̣аад̇ибаад̇аббажжаяаа д̣̇идтад̇хаммигамби бхаяам̣ взрам̣ басавад̇и, самбарааяигамби бхаяам̣ взрам̣ басавад̇и, жзд̇асигамби д̣̇угкам̣ д̣̇оманассам̣ бадисам̣взд̣̇ияад̇и. баан̣аад̇ибаад̇аа бадивирад̇асса звам̣ д̇ам̣ бхаяам̣ взрам̣ вуубасанд̇ам̣ ход̇и. яам̣, г̇ахабад̇и, ад̣̇иннаад̣̇ааяий…бз… яам̣, г̇ахабад̇и, гаамзсумижчаажаарий…бз… яам̣, г̇ахабад̇и, мусааваад̣̇ий…бз… яам̣, г̇ахабад̇и, сураамзраяамаж̇ж̇аббамаад̣̇адтааяий сураамзраяамаж̇ж̇аббамаад̣̇адтаанаббажжаяаа д̣̇идтад̇хаммигамби бхаяам̣ взрам̣ басавад̇и, самбарааяигамби бхаяам̣ взрам̣ басавад̇и, жзд̇асигамби д̣̇угкам̣ д̣̇оманассам̣ бадисам̣взд̣̇ияад̇и. сураамзраяамаж̇ж̇аббамаад̣̇адтаанаа бадивирад̇асса звам̣ д̇ам̣ бхаяам̣ взрам̣ вуубасанд̇ам̣ ход̇и. имаани бан̃жа бхаяаани взраани вуубасанд̇аани хонд̇и.
‘‘Katamāni pañca bhayāni verāni vūpasantāni honti? Yaṃ, gahapati, pāṇātipātī pāṇātipātappaccayā diṭṭhadhammikampi bhayaṃ veraṃ pasavati, samparāyikampi bhayaṃ veraṃ pasavati, cetasikampi dukkhaṃ domanassaṃ paṭisaṃvediyati. Pāṇātipātā paṭiviratassa evaṃ taṃ bhayaṃ veraṃ vūpasantaṃ hoti. Yaṃ, gahapati, adinnādāyī…pe… yaṃ, gahapati, kāmesumicchācārī…pe… yaṃ, gahapati, musāvādī…pe… yaṃ, gahapati, surāmerayamajjappamādaṭṭhāyī surāmerayamajjappamādaṭṭhānappaccayā diṭṭhadhammikampi bhayaṃ veraṃ pasavati, samparāyikampi bhayaṃ veraṃ pasavati, cetasikampi dukkhaṃ domanassaṃ paṭisaṃvediyati. Surāmerayamajjappamādaṭṭhānā paṭiviratassa evaṃ taṃ bhayaṃ veraṃ vūpasantaṃ hoti. Imāni pañca bhayāni verāni vūpasantāni honti.
‘‘гад̇амзхи жад̇уухи сод̇аабад̇д̇ияан̇г̇зхи саманнааг̇ад̇о ход̇и? ид̇ха, г̇ахабад̇и, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о ход̇и акан̣д̣зхи…бз… самаад̇хисам̣вад̇д̇анигзхи. имзхи жад̇уухи сод̇аабад̇д̇ияан̇г̇зхи саманнааг̇ад̇о ход̇и.
‘‘Katamehi catūhi sotāpattiyaṅgehi samannāgato hoti? Idha, gahapati, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi catūhi sotāpattiyaṅgehi samannāgato hoti.
‘‘гад̇амо жасса арияо н̃ааяо бан̃н̃ааяа суд̣̇идто ход̇и суббадивид̣̇д̇хо? ид̇ха, г̇ахабад̇и, арияасааваго бадижжасамуббаад̣̇ан̃н̃зва саад̇хугам̣ яонисо манаси гарод̇и – ид̇и имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇и; ид̇и имасмим̣ асад̇и ид̣̇ам̣ на ход̇и, имасса нирод̇хаа ид̣̇ам̣ нируж̇жхад̇и; яад̣̇ид̣̇ам̣ авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и. авиж̇ж̇ааяа д̇взва асзсавирааг̇анирод̇хаа сан̇кааранирод̇хо…бз… пассанирод̇хаа взд̣̇анаанирод̇хо, взд̣̇анаанирод̇хаа д̇ан̣хаанирод̇хо… звамзд̇асса гзваласса д̣̇угкагканд̇хасса нирод̇хо ход̇и. аяамасса арияо н̃ааяо бан̃н̃ааяа суд̣̇идто ход̇и суббадивид̣̇д̇хо.
‘‘Katamo cassa ariyo ñāyo paññāya sudiṭṭho hoti suppaṭividdho? Idha, gahapati, ariyasāvako paṭiccasamuppādaññeva sādhukaṃ yoniso manasi karoti – iti imasmiṃ sati idaṃ hoti, imassuppādā idaṃ uppajjati; iti imasmiṃ asati idaṃ na hoti, imassa nirodhā idaṃ nirujjhati; yadidaṃ avijjāpaccayā saṅkhārā, saṅkhārapaccayā viññāṇaṃ…pe… evametassa kevalassa dukkhakkhandhassa samudayo hoti. Avijjāya tveva asesavirāganirodhā saṅkhāranirodho…pe… phassanirodhā vedanānirodho, vedanānirodhā taṇhānirodho… evametassa kevalassa dukkhakkhandhassa nirodho hoti. Ayamassa ariyo ñāyo paññāya sudiṭṭho hoti suppaṭividdho.
‘‘яад̇о ко, г̇ахабад̇и, арияасаавагасса имаани бан̃жа бхаяаани взраани вуубасанд̇аани хонд̇и, имзхи жад̇уухи сод̇аабад̇д̇ияан̇г̇зхи саманнааг̇ад̇о ход̇и, аяан̃жасса арияо н̃ааяо бан̃н̃ааяа суд̣̇идто ход̇и суббадивид̣̇д̇хо . со ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о; сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’’’д̇и. адтамам̣.
‘‘Yato kho, gahapati, ariyasāvakassa imāni pañca bhayāni verāni vūpasantāni honti, imehi catūhi sotāpattiyaṅgehi samannāgato hoti, ayañcassa ariyo ñāyo paññāya sudiṭṭho hoti suppaṭividdho . So ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto; sotāpannohamasmi avinipātadhammo niyato sambodhiparāyaṇo’’’ti. Aṭṭhamaṃ.
Footnotes:
