| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੮) ੩. ਯੋਧਾਜੀવવਗ੍ਗੋ
(8) 3. Yodhājīvavaggo
੧-੨. ਪਠਮਚੇਤੋવਿਮੁਤ੍ਤਿਫਲਸੁਤ੍ਤਾਦਿવਣ੍ਣਨਾ
1-2. Paṭhamacetovimuttiphalasuttādivaṇṇanā
੭੧-੭੨. ਤਤਿਯਸ੍ਸ ਪਠਮੇ ਅવਿਜ੍ਜਾਪਲਿਘਨ੍ਤਿ ਏਤ੍ਥ ਅવਿਜ੍ਜਾਤਿ વਟ੍ਟਮੂਲਿਕਾ ਅવਿਜ੍ਜਾ, ਅਯਂ ਪਚੁਰਜਨੇਹਿ ਉਕ੍ਖਿਪਿਤੁਂ ਅਸਕ੍ਕੁਣੇਯ੍ਯਭਾવਤੋ ਦੁਕ੍ਖਿਪਨਟ੍ਠੇਨ ਨਿਬ੍ਬਾਨਦ੍વਾਰਪ੍ਪવੇਸવਿਬਨ੍ਧਨੇਨ ਚ ‘‘ਪਲਿਘੋ વਿਯਾਤਿ ਪਲਿਘੋ’’ਤਿ વੁਚ੍ਚਤਿ। ਤੇਨੇਸ ਤਸ੍ਸਾ ਉਕ੍ਖਿਤ੍ਤਤ੍ਤਾ ‘‘ਉਕ੍ਖਿਤ੍ਤਪਲਿਘੋ’’ਤਿ વੁਤ੍ਤੋ। ਪੁਨਬ੍ਭવਸ੍ਸ ਕਰਣਸੀਲੋ, ਪੁਨਬ੍ਭવਂ વਾ ਫਲਂ ਅਰਹਤੀਤਿ ਪੋਨੋਭવਿਕਾ, ਪੁਨਬ੍ਭવਦਾਯਿਕਾਤਿ ਅਤ੍ਥੋ। ਜਾਤਿਸਂਸਾਰੋਤਿ ਜਾਯਨવਸੇਨ ਚੇવ ਸਂਸਰਣવਸੇਨ ਚ ਏવਂਲਦ੍ਧਨਾਮਾਨਂ ਪੁਨਬ੍ਭવਕ੍ਖਨ੍ਧਾਨਂ ਪਚ੍ਚਯੋ ਕਮ੍ਮਾਭਿਸਙ੍ਖਾਰੋ। ਜਾਤਿਸਂਸਾਰੋਤਿ ਹਿ ਫਲੂਪਚਾਰੇਨ ਕਾਰਣਂ વੁਤ੍ਤਂ। ਤਞ੍ਹਿ ਪੁਨਪ੍ਪੁਨਂ ਉਪ੍ਪਤ੍ਤਿਕਾਰਣવਸੇਨ ਪਰਿਕ੍ਖਿਪਿਤ੍વਾ ਠਿਤਤ੍ਤਾ ‘‘ਪਰਿਖਾ’’ਤਿ વੁਚ੍ਚਤਿ ਸਨ੍ਤਾਨਸ੍ਸ ਪਰਿਕ੍ਖਿਪਨਤੋ। ਤੇਨੇਸ ਤਸ੍ਸ ਸਂਕਿਣ੍ਣਤ੍ਤਾ વਿਕਿਣ੍ਣਤ੍ਤਾ ਸਬ੍ਬਸੋ ਖਿਤ੍ਤਤ੍ਤਾ વਿਨਾਸਿਤਤ੍ਤਾ ‘‘ਸਂਕਿਣ੍ਣਪਰਿਖੋ’’ਤਿ વੁਤ੍ਤੋ।
71-72. Tatiyassa paṭhame avijjāpalighanti ettha avijjāti vaṭṭamūlikā avijjā, ayaṃ pacurajanehi ukkhipituṃ asakkuṇeyyabhāvato dukkhipanaṭṭhena nibbānadvārappavesavibandhanena ca ‘‘paligho viyāti paligho’’ti vuccati. Tenesa tassā ukkhittattā ‘‘ukkhittapaligho’’ti vutto. Punabbhavassa karaṇasīlo, punabbhavaṃ vā phalaṃ arahatīti ponobhavikā, punabbhavadāyikāti attho. Jātisaṃsāroti jāyanavasena ceva saṃsaraṇavasena ca evaṃladdhanāmānaṃ punabbhavakkhandhānaṃ paccayo kammābhisaṅkhāro. Jātisaṃsāroti hi phalūpacārena kāraṇaṃ vuttaṃ. Tañhi punappunaṃ uppattikāraṇavasena parikkhipitvā ṭhitattā ‘‘parikhā’’ti vuccati santānassa parikkhipanato. Tenesa tassa saṃkiṇṇattā vikiṇṇattā sabbaso khittattā vināsitattā ‘‘saṃkiṇṇaparikho’’ti vutto.
ਤਣ੍ਹਾਸਙ੍ਖਾਤਨ੍ਤਿ ਏਤ੍ਥ ਤਣ੍ਹਾਤਿ વਟ੍ਟਮੂਲਿਕਾ ਤਣ੍ਹਾ। ਅਯਞ੍ਹਿ ਗਮ੍ਭੀਰਾਨੁਗਤਟ੍ਠੇਨ ‘‘ਏਸਿਕਾ’’ਤਿ વੁਚ੍ਚਤਿ। ਲੁਞ੍ਚਿਤ੍વਾ ਉਦ੍ਧਰਿਤ੍વਾ। ਓਰਮ੍ਭਾਗਿਯਾਨੀਤਿ ਓਰਮ੍ਭਾਗਜਨਕਾਨਿ ਕਾਮਭવੇ ਉਪਪਤ੍ਤਿਪਚ੍ਚਯਾਨਿ ਕਾਮਰਾਗਸਂਯੋਜਨਾਦੀਨਿ। ਏਤਾਨਿ ਹਿ ਕવਾਟਂ વਿਯ ਨਗਰਦ੍વਾਰਂ ਚਿਤ੍ਤਂ ਪਿਦਹਿਤ੍વਾ ਠਿਤਤ੍ਤਾ ‘‘ਅਗ੍ਗਲ਼ਾ’’ਤਿ વੁਚ੍ਚਨ੍ਤਿ। ਤੇਨੇਸ ਤੇਸਂ ਨਿਗ੍ਗਤਤ੍ਤਾ ਭਿਨ੍ਨਤ੍ਤਾ ‘‘ਨਿਰਗ੍ਗਲ਼ੋ’’ਤਿ વੁਤ੍ਤੋਤਿ। ਅਗ੍ਗਮਗ੍ਗੇਨ ਪਨ੍ਨੋ ਅਪਚਿਤੋ ਮਾਨਦ੍ਧਜੋ ਏਤਸ੍ਸਾਤਿ ਪਨ੍ਨਦ੍ਧਜੋ। ਪਨ੍ਨਭਾਰੋਤਿ ਖਨ੍ਧਭਾਰਕਿਲੇਸਭਾਰਅਭਿਸਙ੍ਖਾਰਭਾਰਾ ਓਰੋਪਿਤਾ ਅਸ੍ਸਾਤਿ ਪਨ੍ਨਭਾਰੋ। વਿਸਂਯੁਤ੍ਤੋਤਿ ਚਤੂਹਿ ਯੋਗੇਹਿ ਸਬ੍ਬਕਿਲੇਸੇਹਿ ਚ વਿਸਂਯੁਤ੍ਤੋ। ਅਸ੍ਮਿਮਾਨੋਤਿ ਰੂਪੇ ਅਸ੍ਮੀਤਿ ਮਾਨੋ, વੇਦਨਾਯ, ਸਞ੍ਞਾਯ, ਸਙ੍ਖਾਰੇਸੁ, વਿਞ੍ਞਾਣੇ ਅਸ੍ਮਿਮਾਨੋ। ਏਤ੍ਥ ਹਿ ਪਞ੍ਚਪਿ ਖਨ੍ਧੇ ਅવਿਸੇਸਤੋ ‘‘ਅਸ੍ਮੀ’’ਤਿ ਗਹੇਤ੍વਾ ਪવਤ੍ਤਮਾਨੋ ਅਸ੍ਮਿਮਾਨੋਤਿ ਅਧਿਪ੍ਪੇਤੋ।
Taṇhāsaṅkhātanti ettha taṇhāti vaṭṭamūlikā taṇhā. Ayañhi gambhīrānugataṭṭhena ‘‘esikā’’ti vuccati. Luñcitvā uddharitvā. Orambhāgiyānīti orambhāgajanakāni kāmabhave upapattipaccayāni kāmarāgasaṃyojanādīni. Etāni hi kavāṭaṃ viya nagaradvāraṃ cittaṃ pidahitvā ṭhitattā ‘‘aggaḷā’’ti vuccanti. Tenesa tesaṃ niggatattā bhinnattā ‘‘niraggaḷo’’ti vuttoti. Aggamaggena panno apacito mānaddhajo etassāti pannaddhajo. Pannabhāroti khandhabhārakilesabhāraabhisaṅkhārabhārā oropitā assāti pannabhāro. Visaṃyuttoti catūhi yogehi sabbakilesehi ca visaṃyutto. Asmimānoti rūpe asmīti māno, vedanāya, saññāya, saṅkhāresu, viññāṇe asmimāno. Ettha hi pañcapi khandhe avisesato ‘‘asmī’’ti gahetvā pavattamāno asmimānoti adhippeto.
ਨਗਰਦ੍વਾਰਸ੍ਸ ਪਰਿਸ੍ਸਯਪਟਿਬਾਹਨਤ੍ਥਞ੍ਚੇવ ਸੋਧਨਤ੍ਥਞ੍ਚ ਉਭੋਸੁ ਪਸ੍ਸੇਸੁ ਏਸਿਕਾਥਮ੍ਭੇ ਨਿਖਣਿਤ੍વਾ ਠਪੇਤੀਤਿ ਆਹ ‘‘ਨਗਰਦ੍વਾਰੇ ਉਸ੍ਸਾਪਿਤੇ ਏਸਿਕਾਥਮ੍ਭੇ’’ਤਿ। ਪਾਕਾਰવਿਦ੍ਧਂਸਨੇਨੇવ ਪਰਿਖਾਭੂਮਿਸਮਕਰਣਂ ਹੋਤੀਤਿ ਆਹ ‘‘ਪਾਕਾਰਂ ਭਿਨ੍ਦਿਤ੍વਾ ਪਰਿਖਂ વਿਕਿਰਿਤ੍વਾ’’ਤਿ। ‘‘ਏવ’’ਨ੍ਤਿਆਦਿ ਉਪਮਾਸਂਸਨ੍ਦਨਂ। ਸਨ੍ਤੋ ਸਂવਿਜ੍ਜਮਾਨੋ ਕਾਯੋ ਧਮ੍ਮਸਮੂਹੋਤਿ ਸਕ੍ਕਾਯੋ, ਉਪਾਦਾਨਕ੍ਖਨ੍ਧਪਞ੍ਚਕਂ। ਦ੍વਤ੍ਤਿਂਸਕਮ੍ਮਕਾਰਣਾ ਦੁਕ੍ਖਕ੍ਖਨ੍ਧੇ ਆਗਤਦੁਕ੍ਖਾਨਿ। ਅਕ੍ਖਿਰੋਗਸੀਸਰੋਗਾਦਯੋ। ਅਟ੍ਠਨવੁਤਿ ਰੋਗਾ, ਰਾਜਭਯਾਦੀਨਿ ਪਞ੍ਚવੀਸਤਿਮਹਾਭਯਾਨਿ। ਦੁਤਿਯਂ ਉਤ੍ਤਾਨਮੇવ।
Nagaradvārassa parissayapaṭibāhanatthañceva sodhanatthañca ubhosu passesu esikāthambhe nikhaṇitvā ṭhapetīti āha ‘‘nagaradvāre ussāpite esikāthambhe’’ti. Pākāraviddhaṃsaneneva parikhābhūmisamakaraṇaṃ hotīti āha ‘‘pākāraṃ bhinditvā parikhaṃ vikiritvā’’ti. ‘‘Eva’’ntiādi upamāsaṃsandanaṃ. Santo saṃvijjamāno kāyo dhammasamūhoti sakkāyo, upādānakkhandhapañcakaṃ. Dvattiṃsakammakāraṇā dukkhakkhandhe āgatadukkhāni. Akkhirogasīsarogādayo. Aṭṭhanavuti rogā, rājabhayādīni pañcavīsatimahābhayāni. Dutiyaṃ uttānameva.
ਪਠਮਚੇਤੋવਿਮੁਤ੍ਤਿਫਲਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Paṭhamacetovimuttiphalasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੧. ਪਠਮਚੇਤੋવਿਮੁਤ੍ਤਿਫਲਸੁਤ੍ਤਂ • 1. Paṭhamacetovimuttiphalasuttaṃ
੨. ਦੁਤਿਯਚੇਤੋવਿਮੁਤ੍ਤਿਫਲਸੁਤ੍ਤਂ • 2. Dutiyacetovimuttiphalasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੧. ਪਠਮਚੇਤੋવਿਮੁਤ੍ਤਿਫਲਸੁਤ੍ਤવਣ੍ਣਨਾ • 1. Paṭhamacetovimuttiphalasuttavaṇṇanā
੨. ਦੁਤਿਯਚੇਤੋવਿਮੁਤ੍ਤਿਫਲਸੁਤ੍ਤવਣ੍ਣਨਾ • 2. Dutiyacetovimuttiphalasuttavaṇṇanā
