Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā

    8. батамад̣̇удтад̣̇осасигкаабад̣̇аван̣н̣анаа

    8. Paṭhamaduṭṭhadosasikkhāpadavaṇṇanā

    380. д̇зна самаязна б̣уд̣̇д̇хо бхаг̇аваад̇и д̣̇удтад̣̇осасигкаабад̣̇ам̣. д̇ад̇т̇а взл̣уванз галанд̣̇аганиваабзд̇и взл̣увананд̇и д̇асса уяяаанасса наамам̣, д̇ам̣ гира взл̣ухи жа баригкид̇д̇ам̣ ахоси адтаарасахад̇т̇зна жа баагаарзна г̇обураддаалагаяуд̇д̇ам̣ нийлобхаасам̣ манорамам̣ д̇зна ‘‘взл̣увана’’нд̇и вужжад̇и, галанд̣̇агаанан̃жзд̇т̇а ниваабам̣ ад̣̇ам̣су д̇зна ‘‘галанд̣̇аганивааба’’д̇и вужжад̇и.

    380.Tena samayena buddho bhagavāti duṭṭhadosasikkhāpadaṃ. Tattha veḷuvane kalandakanivāpeti veḷuvananti tassa uyyānassa nāmaṃ, taṃ kira veḷuhi ca parikkhittaṃ ahosi aṭṭhārasahatthena ca pākārena gopuraṭṭālakayuttaṃ nīlobhāsaṃ manoramaṃ tena ‘‘veḷuvana’’nti vuccati, kalandakānañcettha nivāpaṃ adaṃsu tena ‘‘kalandakanivāpa’’ti vuccati.

    буб̣б̣з гира ан̃н̃ад̇аро рааж̇аа д̇ад̇т̇а уяяаанагийл̣анад̇т̇ам̣ ааг̇ад̇о, сураамад̣̇зна мад̇д̇о д̣̇иваасзяяам̣ суби, бариж̇анобисса суд̇д̇о рааж̇аад̇и бубпапалаад̣̇ийхи балобхияамаано ид̇о жид̇о жа баггами. ат̇а сурааг̇анд̇хзна ан̃н̃ад̇арасмаа сусираругкаа ган̣хасаббо нигкамид̇ваа ран̃н̃о абхимуко ааг̇ажчад̇и, д̇ам̣ д̣̇исваа ругкад̣̇звад̇аа ‘‘ран̃н̃о ж̇ийвид̇ам̣ д̣̇ассаамий’’д̇и гаал̣агавзсзна ааг̇анд̇ваа ган̣н̣амуулз сад̣̇д̣̇амагааси, рааж̇аа бадиб̣уж̇жхи, ган̣хасаббо нивад̇д̇о, со д̇ам̣ д̣̇исваа ‘‘имааяа гаал̣агааяа мама ж̇ийвид̇ам̣ д̣̇инна’’нд̇и гаал̣агаанам̣ д̇ад̇т̇а ниваабам̣ бадтабзси, абхаяагхосанан̃жа гхосаабзси , д̇асмаа д̇ам̣ д̇ад̇обабхуд̇и галанд̣̇аганиваабанд̇и сан̇кяам̣ г̇ад̇ам̣. галанд̣̇агаад̇и хи гаал̣агаанам̣ зд̇ам̣ наамам̣.

    Pubbe kira aññataro rājā tattha uyyānakīḷanatthaṃ āgato, surāmadena matto divāseyyaṃ supi, parijanopissa sutto rājāti pupphaphalādīhi palobhiyamāno ito cito ca pakkami. Atha surāgandhena aññatarasmā susirarukkhā kaṇhasappo nikkhamitvā rañño abhimukho āgacchati, taṃ disvā rukkhadevatā ‘‘rañño jīvitaṃ dassāmī’’ti kāḷakavesena āgantvā kaṇṇamūle saddamakāsi, rājā paṭibujjhi, kaṇhasappo nivatto, so taṃ disvā ‘‘imāya kāḷakāya mama jīvitaṃ dinna’’nti kāḷakānaṃ tattha nivāpaṃ paṭṭhapesi, abhayaghosanañca ghosāpesi , tasmā taṃ tatopabhuti kalandakanivāpanti saṅkhyaṃ gataṃ. Kalandakāti hi kāḷakānaṃ etaṃ nāmaṃ.

    д̣̇аб̣б̣од̇и д̇асса т̇зрасса наамам̣. маллабуд̇д̇од̇и малларааж̇асса буд̇д̇о. ж̇аад̇ияаа сад̇д̇авассзна арахад̇д̇ам̣ сажчигад̇анд̇и т̇зро гира сад̇д̇авассигова сам̣взг̇ам̣ лабхид̇ваа баб̣б̣аж̇ид̇о кураг̇г̇зязва арахад̇д̇ам̣ баабун̣ийд̇и взд̣̇ид̇аб̣б̣о. яам̣гин̃жи саавагзна бад̇д̇аб̣б̣ам̣ саб̣б̣ам̣ д̇зна ануббад̇д̇анд̇и саавагзна бад̇д̇аб̣б̣ам̣ наама д̇иссо виж̇ж̇аа, жад̇ассо бадисамбхид̣̇аа, ча абхин̃н̃аа, нава логуд̇д̇арад̇хаммаад̇и ид̣̇ам̣ г̇ун̣аж̇аад̇ам̣, д̇ам̣ саб̣б̣ам̣ д̇зна ануббад̇д̇ам̣ ход̇и. над̇т̇и жасса гин̃жи уд̇д̇ари гаран̣ийяанд̇и жад̇уусу сажжзсу, жад̇уухи маг̇г̇зхи, сол̣асавид̇хасса гижжасса гад̇ад̇д̇аа ид̣̇аанисса гин̃жи уд̇д̇ари гаран̣ийяам̣ над̇т̇и. гад̇асса ваа бад̇ижаяод̇и д̇ассзва гад̇асса гижжасса буна вад̣дханамби над̇т̇и, д̇ход̇асса вияа вад̇т̇асса бадид̇хованам̣ бисид̇асса вияа г̇анд̇хасса бадибисанам̣, бубпид̇асса вияа жа бубпасса бадибубпананд̇и. рахог̇ад̇ассаад̇и рахаси г̇ад̇асса. бадисаллийнассаад̇и д̇ад̇о д̇ад̇о бадиггамид̇ваа саллийнасса, згийбхаавам̣ г̇ад̇ассаад̇и вуд̇д̇ам̣ ход̇и.

    Dabboti tassa therassa nāmaṃ. Mallaputtoti mallarājassa putto. Jātiyā sattavassena arahattaṃ sacchikatanti thero kira sattavassikova saṃvegaṃ labhitvā pabbajito khuraggeyeva arahattaṃ pāpuṇīti veditabbo. Yaṃkiñci sāvakena pattabbaṃ sabbaṃ tena anuppattanti sāvakena pattabbaṃ nāma tisso vijjā, catasso paṭisambhidā, cha abhiññā, nava lokuttaradhammāti idaṃ guṇajātaṃ, taṃ sabbaṃ tena anuppattaṃ hoti. Natthi cassa kiñci uttari karaṇīyanti catūsu saccesu, catūhi maggehi, soḷasavidhassa kiccassa katattā idānissa kiñci uttari karaṇīyaṃ natthi. Katassa vā paticayoti tasseva katassa kiccassa puna vaḍḍhanampi natthi, dhotassa viya vatthassa paṭidhovanaṃ pisitassa viya gandhassa paṭipisanaṃ, pupphitassa viya ca pupphassa paṭipupphananti. Rahogatassāti rahasi gatassa. Paṭisallīnassāti tato tato paṭikkamitvā sallīnassa, ekībhāvaṃ gatassāti vuttaṃ hoti.

    ат̇а ко ааяасмад̇о д̣̇аб̣б̣асса маллабуд̇д̇асса зд̇ад̣̇ахоси – ‘‘яаннуунаахам̣ сан̇гхасса сзнаасанан̃жа бан̃н̃абзяяам̣ бхад̇д̇аани жа уд̣̇д̣̇исзяяа’’нд̇и т̇зро гира ад̇д̇ано гад̇агижжабхаавам̣ д̣̇исваа ‘‘ахам̣ имам̣ анд̇имасарийрам̣ д̇хаарзми, д̇ан̃жа ко ваад̇амукз тид̇а бад̣̇ийбо вияа анижжад̇аамукз тид̇ам̣, нажирассзва ниб̣б̣ааяанад̇хаммам̣ яаава на ниб̣б̣ааяад̇и д̇аава гинну ко ахам̣ сан̇гхасса взяяааважжам̣ гарзяяа’’нд̇и жинд̇знд̇о ид̇и бадисан̃жигкад̇и – ‘‘д̇ирорадтзсу б̣ахуу гулабуд̇д̇аа бхаг̇аванд̇ам̣ ад̣̇исваава баб̣б̣аж̇анд̇и, д̇з бхаг̇аванд̇ам̣ ‘бассиссаама жзва ванд̣̇иссаама жаа’д̇и д̣̇уурад̇оби ааг̇ажчанд̇и, д̇ад̇ра язсам̣ сзнаасанам̣ наббаход̇и, д̇з силаабаддагзби сзяяам̣ габбзнд̇и. бахоми ко банаахам̣ ад̇д̇ано аанубхаавзна д̇зсам̣ гулабуд̇д̇аанам̣ ижчаавасзна баасаад̣̇авихаараад̣дхаяог̇аад̣̇ийни ман̃жабийтагад̇т̇аран̣аад̣̇ийни жа сзнаасзнаани нимминид̇ваа д̣̇аад̇ум̣. бунад̣̇ивасз жзд̇т̇а згажжз ад̇ивияа гиланд̇аруубаа хонд̇и, д̇з г̇ааравзна бхигкуунам̣ бурад̇о тад̇ваа бхад̇д̇ааниби на уд̣̇д̣̇исаабзнд̇и, ахам̣ ко бана нзсам̣ бхад̇д̇ааниби уд̣̇д̣̇исид̇ум̣ бахомий’’д̇и. ид̇и бадисан̃жигканд̇асса ‘‘ат̇а ко ааяасмад̇о д̣̇аб̣б̣асса маллабуд̇д̇асса зд̇ад̣̇ахоси – ‘яаннуунаахам̣ сан̇гхасса сзнаасанан̃жа бан̃н̃абзяяам̣ бхад̇д̇аани жа уд̣̇д̣̇исзяяа’’нд̇и.

    Atha kho āyasmato dabbassa mallaputtassa etadahosi – ‘‘yannūnāhaṃ saṅghassa senāsanañca paññapeyyaṃ bhattāni ca uddiseyya’’nti thero kira attano katakiccabhāvaṃ disvā ‘‘ahaṃ imaṃ antimasarīraṃ dhāremi, tañca kho vātamukhe ṭhita padīpo viya aniccatāmukhe ṭhitaṃ, nacirasseva nibbāyanadhammaṃ yāva na nibbāyati tāva kinnu kho ahaṃ saṅghassa veyyāvaccaṃ kareyya’’nti cintento iti paṭisañcikkhati – ‘‘tiroraṭṭhesu bahū kulaputtā bhagavantaṃ adisvāva pabbajanti, te bhagavantaṃ ‘passissāma ceva vandissāma cā’ti dūratopi āgacchanti, tatra yesaṃ senāsanaṃ nappahoti, te silāpaṭṭakepi seyyaṃ kappenti. Pahomi kho panāhaṃ attano ānubhāvena tesaṃ kulaputtānaṃ icchāvasena pāsādavihāraaḍḍhayogādīni mañcapīṭhakattharaṇādīni ca senāsenāni nimminitvā dātuṃ. Punadivase cettha ekacce ativiya kilantarūpā honti, te gāravena bhikkhūnaṃ purato ṭhatvā bhattānipi na uddisāpenti, ahaṃ kho pana nesaṃ bhattānipi uddisituṃ pahomī’’ti. Iti paṭisañcikkhantassa ‘‘atha kho āyasmato dabbassa mallaputtassa etadahosi – ‘yannūnāhaṃ saṅghassa senāsanañca paññapeyyaṃ bhattāni ca uddiseyya’’nti.

    нану жа имаани д̣̇вз таанаани бхассаараамад̇аад̣̇имануяуд̇д̇асса яуд̇д̇аани, аяан̃жа кийн̣аасаво ниббабан̃жаараамо, имасса гасмаа имаани бадибхам̣сууд̇и? буб̣б̣абад̇т̇анааяа жод̣̇ид̇ад̇д̇аа. саб̣б̣аб̣уд̣̇д̇хаанам̣ гира имам̣ таананд̇арам̣ бад̇д̇аа саавагаа хонд̇иязва. аяан̃жа бад̣̇умуд̇д̇арасса бхаг̇авад̇о гаалз ан̃н̃ад̇арасмим̣ гулз бажжааж̇аад̇о имам̣ таананд̇арам̣ бад̇д̇асса бхигкуно аанубхаавам̣ д̣̇исваа адтасадтияаа бхигкусад̇асахассзхи сад̣̇д̇хим̣ бхаг̇аванд̇ам̣ сад̇д̇а д̣̇ивасаани ниманд̇зд̇ваа махаад̣̇аанам̣ д̣̇ад̇ваа баад̣̇амуулз нибаж̇ж̇ид̇ваа ‘‘анааг̇ад̇з д̇умхаад̣̇исасса б̣уд̣̇д̇хасса уббаннагаалз ахамби ид̇т̇аннаамо д̇умхаагам̣ сааваго вияа сзнаасанабан̃н̃аабаго жа бхад̇д̇уд̣̇д̣̇зсаго жа асса’’нд̇и бад̇т̇анам̣ агааси. бхаг̇аваа анааг̇ад̇ам̣сан̃аан̣ам̣ бзсзд̇ваа ад̣̇д̣̇аса, д̣̇исваа жа ид̇о габбасад̇асахассасса ажжаязна г̇од̇амо наама б̣уд̣̇д̇хо уббаж̇ж̇иссад̇и, д̇ад̣̇аа д̇вам̣ д̣̇аб̣б̣о наама маллабуд̇д̇о худ̇ваа ж̇аад̇ияаа сад̇д̇авассо нигкамма баб̣б̣аж̇ид̇ваа арахад̇д̇ам̣ сажчигариссаси, иман̃жа таананд̇арам̣ лажчасий’’д̇и б̣яаагааси. со д̇ад̇обабхуд̇и д̣̇аанасийлаад̣̇ийни буураяамаано д̣̇звамануссасамбад̇д̇им̣ анубхавид̇ваа амхаагам̣ бхаг̇авад̇о гаалз д̇зна бхаг̇авад̇аа б̣яаагад̇асад̣̇исамзва арахад̇д̇ам̣ сажчаагааси. ат̇асса рахог̇ад̇асса ‘‘гинну ко ахам̣ сан̇гхасса взяяааважжам̣ гарзяяа’’нд̇и жинд̇аяад̇о д̇ааяа буб̣б̣абад̇т̇анааяа жод̣̇ид̇ад̇д̇аа имаани д̣̇вз таанаани бадибхам̣сууд̇и.

    Nanu ca imāni dve ṭhānāni bhassārāmatādimanuyuttassa yuttāni, ayañca khīṇāsavo nippapañcārāmo, imassa kasmā imāni paṭibhaṃsūti? Pubbapatthanāya coditattā. Sabbabuddhānaṃ kira imaṃ ṭhānantaraṃ pattā sāvakā hontiyeva. Ayañca padumuttarassa bhagavato kāle aññatarasmiṃ kule paccājāto imaṃ ṭhānantaraṃ pattassa bhikkhuno ānubhāvaṃ disvā aṭṭhasaṭṭhiyā bhikkhusatasahassehi saddhiṃ bhagavantaṃ satta divasāni nimantetvā mahādānaṃ datvā pādamūle nipajjitvā ‘‘anāgate tumhādisassa buddhassa uppannakāle ahampi itthannāmo tumhākaṃ sāvako viya senāsanapaññāpako ca bhattuddesako ca assa’’nti patthanaṃ akāsi. Bhagavā anāgataṃsañāṇaṃ pesetvā addasa, disvā ca ito kappasatasahassassa accayena gotamo nāma buddho uppajjissati, tadā tvaṃ dabbo nāma mallaputto hutvā jātiyā sattavasso nikkhamma pabbajitvā arahattaṃ sacchikarissasi, imañca ṭhānantaraṃ lacchasī’’ti byākāsi. So tatopabhuti dānasīlādīni pūrayamāno devamanussasampattiṃ anubhavitvā amhākaṃ bhagavato kāle tena bhagavatā byākatasadisameva arahattaṃ sacchākāsi. Athassa rahogatassa ‘‘kinnu kho ahaṃ saṅghassa veyyāvaccaṃ kareyya’’nti cintayato tāya pubbapatthanāya coditattā imāni dve ṭhānāni paṭibhaṃsūti.

    ат̇асса зд̇ад̣̇ахоси – ‘‘ахам̣ ко аниссаросми ад̇д̇ани, сад̇т̇аараа сад̣̇д̇хим̣ згадтаанз васаами, сажз мам̣ бхаг̇аваа ануж̇ааниссад̇и , имаани д̣̇вз таанаани самаад̣̇ияиссаамий’’д̇и бхаг̇авад̇о санд̇игам̣ аг̇амааси. д̇зна вуд̇д̇ам̣ – ‘‘ат̇а ко ааяасмаа д̣̇аб̣б̣о маллабуд̇д̇о…бз… бхад̇д̇аани жа уд̣̇д̣̇исид̇у’’нд̇и. ат̇а нам̣ бхаг̇аваа ‘‘саад̇ху саад̇ху д̣̇аб̣б̣аа’’д̇и самбахам̣сзд̇ваа яасмаа арахад̇и зваруубо аг̇ад̇иг̇аманабариб̣аахиро бхигку имаани д̣̇вз таанаани вижаарзд̇ум̣, д̇асмаа ‘‘д̇зна хи д̇вам̣ д̣̇аб̣б̣а сан̇гхасса сзнаасанан̃жа бан̃н̃абзхи бхад̇д̇аани жа уд̣̇д̣̇исаа’’д̇и ааха. бхаг̇авад̇о бажжассосийд̇и бхаг̇авад̇о важанам̣ бад̇иассоси абхимуко ассоси, самбадижчийд̇и вуд̇д̇ам̣ ход̇и.

    Athassa etadahosi – ‘‘ahaṃ kho anissarosmi attani, satthārā saddhiṃ ekaṭṭhāne vasāmi, sace maṃ bhagavā anujānissati , imāni dve ṭhānāni samādiyissāmī’’ti bhagavato santikaṃ agamāsi. Tena vuttaṃ – ‘‘atha kho āyasmā dabbo mallaputto…pe… bhattāni ca uddisitu’’nti. Atha naṃ bhagavā ‘‘sādhu sādhu dabbā’’ti sampahaṃsetvā yasmā arahati evarūpo agatigamanaparibāhiro bhikkhu imāni dve ṭhānāni vicāretuṃ, tasmā ‘‘tena hi tvaṃ dabba saṅghassa senāsanañca paññapehi bhattāni ca uddisā’’ti āha. Bhagavato paccassosīti bhagavato vacanaṃ patiassosi abhimukho assosi, sampaṭicchīti vuttaṃ hoti.

    батамам̣ д̣̇аб̣б̣о яаажид̇аб̣б̣од̇и гасмаа бхаг̇аваа яаажаабзд̇и? г̇арахаможанад̇т̇ам̣. бассад̇и хи бхаг̇аваа ‘‘анааг̇ад̇з д̣̇аб̣б̣асса имам̣ таанам̣ ниссааяа мзд̇д̇ияабхумаж̇агаанам̣ васзна махааубад̣̇д̣̇аво уббаж̇ж̇иссад̇и, д̇ад̇ра гзжи г̇арахиссанд̇и ‘аяам̣ д̇ун̣хийбхууд̇о ад̇д̇ано гаммам̣ агад̇ваа гасмаа ийд̣̇исам̣ таанам̣ вижаарзд̇ий’д̇и. д̇ад̇о ан̃н̃з вагканд̇и ‘го имасса д̣̇осо зд̇зхзва яаажид̇ваа табид̇о’д̇и звам̣ г̇арахад̇о мужжиссад̇ий’’д̇и. звам̣ г̇арахаможанад̇т̇ам̣ яаажаабзд̇вааби буна яасмаа асаммад̇з бхигкусмим̣ сан̇гхамаж̇жхз гин̃жи гат̇аяамаанз кияяанад̇хаммо уббаж̇ж̇ад̇и ‘‘аяам̣ гасмаа сан̇гхамаж̇жхз ужжаасад̣̇д̣̇ам̣ гарод̇и, иссарияам̣ д̣̇ассзд̇ий’’д̇и. саммад̇з бана гат̇знд̇з ‘‘мааяасманд̇о гин̃жи аважуд̇т̇а, саммад̇о аяам̣, гат̇зд̇у яат̇аасука’’нд̇и вад̇д̇ааро бхаванд̇и. асаммад̇ан̃жа абхууд̇зна аб̣бхаажигканд̇асса лахугаа аабад̇д̇и ход̇и д̣̇уггадамад̇д̇аа. саммад̇ам̣ бана аб̣бхаажигкад̇о г̇аругад̇араа баажид̇д̇ияаабад̇д̇и ход̇и. ат̇а саммад̇о бхигку аабад̇д̇ияаа г̇аругабхаавзна взрийхиби д̣̇уббад̇хам̣сияад̇аро ход̇и, д̇асмаа д̇ам̣ ааяасманд̇ам̣ самманнаабзд̇ум̣ ‘‘б̣яад̇д̇зна бхигкунаа’’д̇иаад̣̇имааха. гим̣ бана д̣̇вз саммуд̇ияо згасса д̣̇аад̇ум̣ вадданд̇ийд̇и? на гзвалам̣ д̣̇вз, сажз баход̇и, д̇зрасааби д̣̇аад̇ум̣ вадданд̇и. аббахонд̇аанам̣ бана згааби д̣̇виннам̣ ваа д̇ин̣н̣ам̣ ваа д̣̇аад̇ум̣ ваддад̇и.

    Paṭhamaṃ dabbo yācitabboti kasmā bhagavā yācāpeti? Garahamocanatthaṃ. Passati hi bhagavā ‘‘anāgate dabbassa imaṃ ṭhānaṃ nissāya mettiyabhumajakānaṃ vasena mahāupaddavo uppajjissati, tatra keci garahissanti ‘ayaṃ tuṇhībhūto attano kammaṃ akatvā kasmā īdisaṃ ṭhānaṃ vicāretī’ti. Tato aññe vakkhanti ‘ko imassa doso eteheva yācitvā ṭhapito’ti evaṃ garahato muccissatī’’ti. Evaṃ garahamocanatthaṃ yācāpetvāpi puna yasmā asammate bhikkhusmiṃ saṅghamajjhe kiñci kathayamāne khiyyanadhammo uppajjati ‘‘ayaṃ kasmā saṅghamajjhe uccāsaddaṃ karoti, issariyaṃ dassetī’’ti. Sammate pana kathente ‘‘māyasmanto kiñci avacuttha, sammato ayaṃ, kathetu yathāsukha’’nti vattāro bhavanti. Asammatañca abhūtena abbhācikkhantassa lahukā āpatti hoti dukkaṭamattā. Sammataṃ pana abbhācikkhato garukatarā pācittiyāpatti hoti. Atha sammato bhikkhu āpattiyā garukabhāvena verīhipi duppadhaṃsiyataro hoti, tasmā taṃ āyasmantaṃ sammannāpetuṃ ‘‘byattena bhikkhunā’’tiādimāha. Kiṃ pana dve sammutiyo ekassa dātuṃ vaṭṭantīti? Na kevalaṃ dve, sace pahoti, terasāpi dātuṃ vaṭṭanti. Appahontānaṃ pana ekāpi dvinnaṃ vā tiṇṇaṃ vā dātuṃ vaṭṭati.

    382. сабхааг̇аананд̇и г̇ун̣асабхааг̇аанам̣, на мид̇д̇асант̇авасабхааг̇аанам̣. д̇знзвааха ‘‘яз д̇з бхигкуу суд̇д̇анд̇игаа д̇зсам̣ згаж̇жха’’нд̇иаад̣̇и . яаавад̇игаа хи суд̇д̇анд̇игаа хонд̇и, д̇з ужжинид̇ваа згад̇о д̇зсам̣ ануруубамзва сзнаасанам̣ бан̃н̃абзд̇и; звам̣ сзсаанам̣. гааяад̣̇ал̣хийб̣ахулаад̇и гааяасса д̣̇ал̣хийбхаавагаран̣аб̣ахулаа, гааяабосанаб̣ахулаад̇и ад̇т̇о. имааяабимз ааяасманд̇о рад̇ияаад̇и имааяа саг̇г̇амаг̇г̇асса д̇иражчаанабхууд̇ааяа д̇иражчаанагат̇аарад̇ияаа. ажчиссанд̇ийд̇и вихариссанд̇и.

    382.Sabhāgānanti guṇasabhāgānaṃ, na mittasanthavasabhāgānaṃ. Tenevāha ‘‘ye te bhikkhū suttantikā tesaṃ ekajjha’’ntiādi . Yāvatikā hi suttantikā honti, te uccinitvā ekato tesaṃ anurūpameva senāsanaṃ paññapeti; evaṃ sesānaṃ. Kāyadaḷhībahulāti kāyassa daḷhībhāvakaraṇabahulā, kāyaposanabahulāti attho. Imāyapime āyasmanto ratiyāti imāya saggamaggassa tiracchānabhūtāya tiracchānakathāratiyā. Acchissantīti viharissanti.

    д̇зж̇од̇хаад̇ум̣ самаабаж̇ж̇ид̇ваа д̇знзваалогзнаад̇и д̇зж̇огасин̣ажад̇уд̇т̇аж̇жхаанам̣ самаабаж̇ж̇ид̇ваа вудтааяа абхин̃н̃аан̃аан̣зна ан̇г̇улиж̇аланам̣ ад̇хидтааяа д̇знзва д̇зж̇од̇хаад̇усамаабад̇д̇иж̇анид̇зна ан̇г̇улиж̇аалаалогзнаад̇и ад̇т̇о. аяам̣ бана т̇зрасса аанубхааво нажирассзва сагалаж̇амб̣уд̣̇ийбз баагадо ахоси, д̇ам̣ суд̇ваа ид̣̇д̇хибаадихаарияам̣ д̣̇адтугаамаа абису бхигкуу сан̃жижжа вигаалз ааг̇ажчанд̇и. д̇з сан̃жижжа д̣̇уурз абад̣̇исанд̇ийд̇и ж̇аананд̇аава д̣̇уурз абад̣̇исанд̇и. гат̇ам̣? ‘‘амхаагам̣ аавусо д̣̇аб̣б̣а г̇иж̇жхагуудз’’д̇и иминаа наязна.

    Tejodhātuṃ samāpajjitvā tenevālokenāti tejokasiṇacatutthajjhānaṃ samāpajjitvā vuṭṭhāya abhiññāñāṇena aṅgulijalanaṃ adhiṭṭhāya teneva tejodhātusamāpattijanitena aṅgulijālālokenāti attho. Ayaṃ pana therassa ānubhāvo nacirasseva sakalajambudīpe pākaṭo ahosi, taṃ sutvā iddhipāṭihāriyaṃ daṭṭhukāmā apisu bhikkhū sañcicca vikāle āgacchanti. Te sañcicca dūre apadisantīti jānantāva dūre apadisanti. Kathaṃ? ‘‘Amhākaṃ āvuso dabba gijjhakūṭe’’ti iminā nayena.

    ан̇г̇улияаа ж̇аламаанааяа бурад̇о бурад̇о г̇ажчад̇ийд̇и сажз зго бхигку ход̇и, саяамзва г̇ажчад̇и. сажз б̣ахуу хонд̇и, б̣ахуу ад̇д̇абхаавз нимминаад̇и. саб̣б̣з ад̇д̇анаа сад̣̇исаа зва сзнаасанам̣ бан̃н̃абзнд̇и.

    Aṅguliyā jalamānāya purato purato gacchatīti sace eko bhikkhu hoti, sayameva gacchati. Sace bahū honti, bahū attabhāve nimmināti. Sabbe attanā sadisā eva senāsanaṃ paññapenti.

    аяам̣ ман̃жод̇иаад̣̇ийсу бана т̇зрз ‘‘аяам̣ ман̃жо’’д̇и вад̣̇анд̇з ниммид̇ааби ад̇д̇ано ад̇д̇ано г̇ад̇аг̇ад̇адтаанз ‘‘аяам̣ ман̃жо’’д̇и вад̣̇анд̇и; звам̣ саб̣б̣абад̣̇зсу. аяан̃хи ниммид̇аанам̣ д̇хаммад̇аа –

    Ayaṃ mañcotiādīsu pana there ‘‘ayaṃ mañco’’ti vadante nimmitāpi attano attano gatagataṭṭhāne ‘‘ayaṃ mañco’’ti vadanti; evaṃ sabbapadesu. Ayañhi nimmitānaṃ dhammatā –

    ‘‘згасмим̣ бхаасамаанасмим̣, саб̣б̣з бхаасанд̇и ниммид̇аа;

    ‘‘Ekasmiṃ bhāsamānasmiṃ, sabbe bhāsanti nimmitā;

    згасмим̣ д̇ун̣химаасийнз, саб̣б̣з д̇ун̣хий бхаванд̇и д̇з’’д̇и.

    Ekasmiṃ tuṇhimāsīne, sabbe tuṇhī bhavanti te’’ti.

    яасмим̣ бана вихаарз ман̃жабийтаад̣̇ийни на барибууранд̇и, д̇асмим̣ ад̇д̇ано аанубхаавзна буурзнд̇и. д̇зна ниммид̇аанам̣ авад̇т̇угаважанам̣ на ход̇и.

    Yasmiṃ pana vihāre mañcapīṭhādīni na paripūranti, tasmiṃ attano ānubhāvena pūrenti. Tena nimmitānaṃ avatthukavacanaṃ na hoti.

    сзнаасанам̣ бан̃н̃абзд̇ваа бунад̣̇зва взл̣уванам̣ бажжааг̇ажчад̇ийд̇и д̇зхи сад̣̇д̇хим̣ ж̇анабад̣̇агат̇ам̣ гат̇знд̇о на нисийд̣̇ад̇и, ад̇д̇ано васанадтаанамзва бажжааг̇ажчад̇и.

    Senāsanaṃpaññapetvā punadeva veḷuvanaṃ paccāgacchatīti tehi saddhiṃ janapadakathaṃ kathento na nisīdati, attano vasanaṭṭhānameva paccāgacchati.

    383. мзд̇д̇ияабхуумаж̇агаад̇и мзд̇д̇ияо жзва бхуумаж̇аго жа, чаб̣б̣аг̇г̇ияаанам̣ аг̇г̇абурисаа зд̇з. лаамагаани жа бхад̇д̇аанийд̇и сзнаасанаани д̇аава навагаанам̣ лаамагаани баабун̣анд̇ийд̇и анажчарияамзд̇ам̣. бхад̇д̇аани бана салаагааяо бажчияам̣ ваа жийварабхог̇з ваа багкибид̇ваа аалол̣зд̇ваа згамзгам̣ уд̣̇д̇харид̇ваа бан̃н̃аабзнд̇и, д̇ааниби д̇зсам̣ манд̣̇абун̃ад̇ааяа лаамагаани саб̣б̣абажчимаанзва баабун̣анд̇и. яамби згажааригабхад̇д̇ам̣ ход̇и, д̇амби зд̇зсам̣ бад̇д̇ад̣̇ивасз лаамагам̣ ваа ход̇и, зд̇з ваа д̣̇исваава бан̣ийд̇ам̣ ад̣̇ад̇ваа лаамагамзва д̣̇знд̇и.

    383.Mettiyabhūmajakāti mettiyo ceva bhūmajako ca, chabbaggiyānaṃ aggapurisā ete. Lāmakāni ca bhattānīti senāsanāni tāva navakānaṃ lāmakāni pāpuṇantīti anacchariyametaṃ. Bhattāni pana salākāyo pacchiyaṃ vā cīvarabhoge vā pakkhipitvā āloḷetvā ekamekaṃ uddharitvā paññāpenti, tānipi tesaṃ mandapuñatāya lāmakāni sabbapacchimāneva pāpuṇanti. Yampi ekacārikabhattaṃ hoti, tampi etesaṃ pattadivase lāmakaṃ vā hoti, ete vā disvāva paṇītaṃ adatvā lāmakameva denti.

    абхисан̇каариганд̇и наанаасамбхаарзхи абхисан̇карид̇ваа гад̇ам̣ сусаж̇ж̇ид̇ам̣, сусамбаад̣̇ид̇анд̇и ад̇т̇о. ган̣ааж̇аганд̇и сагун̣д̣агабхад̇д̇ам̣. б̣илан̇г̇ад̣̇уд̇ияанд̇и ган̃ж̇игад̣̇уд̇ияам̣.

    Abhisaṅkhārikanti nānāsambhārehi abhisaṅkharitvā kataṃ susajjitaṃ, susampāditanti attho. Kaṇājakanti sakuṇḍakabhattaṃ. Bilaṅgadutiyanti kañjikadutiyaṃ.

    галяаан̣абхад̇д̇игод̇и галяаан̣ам̣ сунд̣̇арам̣ ад̇ивияа бан̣ийд̇ам̣ бхад̇д̇амассаад̇и галяаан̣абхад̇д̇иго, бан̣ийд̇ад̣̇ааяагад̇д̇аа бхад̇д̇знзва бан̃н̃аад̇о. жад̇уггабхад̇д̇ам̣ д̣̇зд̇ийд̇и жад̇д̇аари бхад̇д̇аани д̣̇зд̇и, д̇ад̣̇д̇хид̇авохаарзна бана ‘‘жад̇уггабхад̇д̇а’’нд̇и вуд̇д̇ам̣. убад̇идтид̇ваа баривисад̇ийд̇и саб̣б̣агамманд̇з виссаж̇ж̇зд̇ваа маханд̇ам̣ бууж̇аасаггаарам̣ гад̇ваа самийбз тад̇ваа баривисад̇и. од̣̇анзна бужчанд̇ийд̇и од̣̇анахад̇т̇аа убасан̇гамид̇ваа ‘‘гим̣ бханд̇з од̣̇анам̣ д̣̇змаа’’д̇и бужчанд̇и, звам̣ гаран̣ад̇т̇зязва гаран̣аважанам̣ ход̇и. зса наяо суубаад̣̇ийсу.

    Kalyāṇabhattikoti kalyāṇaṃ sundaraṃ ativiya paṇītaṃ bhattamassāti kalyāṇabhattiko, paṇītadāyakattā bhatteneva paññāto. Catukkabhattaṃ detīti cattāri bhattāni deti, taddhitavohārena pana ‘‘catukkabhatta’’nti vuttaṃ. Upatiṭṭhitvā parivisatīti sabbakammante vissajjetvā mahantaṃ pūjāsakkāraṃ katvā samīpe ṭhatvā parivisati. Odanena pucchantīti odanahatthā upasaṅkamitvā ‘‘kiṃ bhante odanaṃ demā’’ti pucchanti, evaṃ karaṇattheyeva karaṇavacanaṃ hoti. Esa nayo sūpādīsu.

    сваад̇анааяаад̇и свз бхаво бхад̇д̇абарибхог̇о сваад̇ано д̇ассад̇т̇ааяа, сваад̇анааяа свз гад̇д̇аб̣б̣асса бхад̇д̇абарибхог̇ассад̇т̇ааяаад̇и вуд̇д̇ам̣ ход̇и. уд̣̇д̣̇идтам̣ ход̇ийд̇и баабзд̇ваа д̣̇иннам̣ ход̇и. мзд̇д̇ияабхуумаж̇агаанам̣ ко г̇ахабад̇ийд̇и ид̣̇ам̣ т̇зро асаманнаахарид̇ваа ааха. звам̣б̣алавад̇ий хи д̇зсам̣ манд̣̇абун̃н̃ад̇аа, яам̣ сад̇ивзбуллаббад̇д̇аанамби асаманнаахааро ход̇и. яз ж̇зд̇и зд̇т̇а ж̇зд̇и д̣̇аасим̣ аалабад̇и.

    Svātanāyāti sve bhavo bhattaparibhogo svātano tassatthāya, svātanāya sve kattabbassa bhattaparibhogassatthāyāti vuttaṃ hoti. Uddiṭṭhaṃ hotīti pāpetvā dinnaṃ hoti. Mettiyabhūmajakānaṃ kho gahapatīti idaṃ thero asamannāharitvā āha. Evaṃbalavatī hi tesaṃ mandapuññatā, yaṃ sativepullappattānampi asamannāhāro hoti. Ye jeti ettha jeti dāsiṃ ālapati.

    хияяо ко аавусо амхааганд̇и рад̇д̇им̣ самманд̇аяамаанаа ад̇ийд̇ам̣ д̣̇ивасабхааг̇ам̣ санд̇хааяа ‘‘хияяо’’д̇и вад̣̇анд̇и. на жид̇д̇аруубанд̇и на жид̇д̇аануруубам̣, яат̇аа буб̣б̣з яад̇д̇агам̣ ижчанд̇и, д̇ад̇д̇агам̣ субанд̇и, на звам̣ субим̣су, аббагамзва субим̣сууд̇и вуд̇д̇ам̣ ход̇и.

    Hiyyo kho āvuso amhākanti rattiṃ sammantayamānā atītaṃ divasabhāgaṃ sandhāya ‘‘hiyyo’’ti vadanti. Na cittarūpanti na cittānurūpaṃ, yathā pubbe yattakaṃ icchanti, tattakaṃ supanti, na evaṃ supiṃsu, appakameva supiṃsūti vuttaṃ hoti.

    б̣ахаараамагодтагзд̇и взл̣уванавихаарасса б̣ахид̣̇ваарагодтагз. бад̇д̇агканд̇хаад̇и бад̇ид̇агканд̇хаа канд̇хадтигам̣ наамзд̇ваа нисиннаа. баж̇жхааяанд̇аад̇и бад̇хуубааяанд̇аа.

    Bahārāmakoṭṭhaketi veḷuvanavihārassa bahidvārakoṭṭhake. Pattakkhandhāti patitakkhandhā khandhaṭṭhikaṃ nāmetvā nisinnā. Pajjhāyantāti padhūpāyantā.

    яад̇о ниваад̇ам̣ д̇ад̇о саваад̇анд̇и яад̇т̇а ниваад̇ам̣ аббагоби ваад̇о над̇т̇и, д̇ад̇т̇а махааваад̇о удтид̇од̇и ад̇хиббааяо. уд̣̇агам̣ ман̃н̃з аад̣̇ид̇д̇анд̇и уд̣̇агам̣ вияа аад̣̇ид̇д̇ам̣.

    Yato nivātaṃtato savātanti yattha nivātaṃ appakopi vāto natthi, tattha mahāvāto uṭṭhitoti adhippāyo. Udakaṃ maññe ādittanti udakaṃ viya ādittaṃ.

    384. сараси д̇вам̣ д̣̇аб̣б̣а зваруубам̣ гад̇д̇аад̇и д̇вам̣ д̣̇аб̣б̣а зваруубам̣ гад̇д̇аа сараси. ат̇а ваа сараси д̇вам̣ д̣̇аб̣б̣а зваруубам̣ яат̇ааяам̣ бхигкуний ааха, гад̇д̇аа д̇хааси зваруубам̣, яат̇ааяам̣ бхигкуний аахаад̇и звам̣ яож̇зд̇ваабзд̇т̇а ад̇т̇о д̣̇адтаб̣б̣о. яз бана ‘‘гад̇ваа’’д̇и батанд̇и д̇зсам̣ уж̇угамзва.

    384.Sarasi tvaṃ dabba evarūpaṃ kattāti tvaṃ dabba evarūpaṃ kattā sarasi. Atha vā sarasi tvaṃ dabba evarūpaṃ yathāyaṃ bhikkhunī āha, kattā dhāsi evarūpaṃ, yathāyaṃ bhikkhunī āhāti evaṃ yojetvāpettha attho daṭṭhabbo. Ye pana ‘‘katvā’’ti paṭhanti tesaṃ ujukameva.

    яат̇аа мам̣ бханд̇з бхаг̇аваа ж̇аанаад̇ийд̇и т̇зро гим̣ д̣̇ассзд̇и. бхаг̇аваа бханд̇з саб̣б̣ан̃н̃уу, ахан̃жа кийн̣аасаво, над̇т̇и маяхам̣ вад̇т̇убадисзванаа, д̇ам̣ мам̣ бхаг̇аваа ж̇аанаад̇и, д̇ад̇раахам̣ гим̣ вагкаами, яат̇аа мам̣ бхаг̇аваа ж̇аанаад̇и д̇ат̇зваахам̣ д̣̇адтаб̣б̣од̇и.

    Yathā maṃ bhante bhagavā jānātīti thero kiṃ dasseti. Bhagavā bhante sabbaññū, ahañca khīṇāsavo, natthi mayhaṃ vatthupaṭisevanā, taṃ maṃ bhagavā jānāti, tatrāhaṃ kiṃ vakkhāmi, yathā maṃ bhagavā jānāti tathevāhaṃ daṭṭhabboti.

    на ко д̣̇аб̣б̣а д̣̇аб̣б̣аа звам̣ ниб̣б̣зтзнд̇ийд̇и зд̇т̇а на ко д̣̇аб̣б̣а бан̣д̣ид̇аа яат̇аа д̇вам̣ бараббажжаязна ниб̣б̣зтзси, звам̣ ниб̣б̣зтзнд̇и; аби жа ко яад̣̇зва саамам̣ н̃аад̇ам̣ д̇зна ниб̣б̣зтзнд̇ийд̇и звамад̇т̇о д̣̇адтаб̣б̣о. сажз д̇аяаа гад̇ам̣ гад̇анд̇и иминаа гим̣ д̣̇ассзд̇и? на хи саггаа барисаб̣алзна ваа багкубад̇т̇амбхзна ваа агаараго гаараго гаад̇ум̣, гаараго ваа агаараго гаад̇ум̣, д̇асмаа яам̣ саяам̣ гад̇ам̣ ваа агад̇ам̣ ваа д̇ад̣̇зва вад̇д̇аб̣б̣анд̇и д̣̇ассзд̇и. гасмаа бана бхаг̇аваа ж̇аананд̇оби ‘‘ахам̣ ж̇аанаами, кийн̣аасаво д̇вам̣; над̇т̇и д̇уяхам̣ д̣̇осо, аяам̣ бхигкуний мусааваад̣̇иний’’д̇и наавожаад̇и? бараануд̣̇д̣̇аяад̇ааяа. сажз хи бхаг̇аваа яам̣ яам̣ ж̇аанаад̇и д̇ам̣ д̇ам̣ вад̣̇зяяа, ан̃н̃зна баарааж̇игам̣ аабаннзна будтзна ‘‘ахам̣ ж̇аанаами д̇вам̣ баарааж̇иго’’д̇и вад̇д̇аб̣б̣ам̣ бхавзяяа, д̇ад̇о со буг̇г̇ало ‘‘аяам̣ буб̣б̣з д̣̇аб̣б̣ам̣ маллабуд̇д̇ам̣ суд̣̇д̇хам̣ гад̇ваа ид̣̇аани мам̣ асуд̣̇д̇хам̣ гарод̇и; гасса д̣̇аани гим̣ вад̣̇аами, яад̇ра сад̇т̇ааби саавагзсу чанд̣̇ааг̇ад̇им̣ г̇ажчад̇и; гуд̇о имасса саб̣б̣ан̃н̃убхааво’’д̇и аагхаад̇ам̣ б̣анд̇хид̇ваа абааяуубаг̇о бхавзяяа, д̇асмаа бхаг̇аваа имааяа бараануд̣̇д̣̇аяад̇ааяа ж̇аананд̇оби наавожа.

    Na kho dabba dabbā evaṃ nibbeṭhentīti ettha na kho dabba paṇḍitā yathā tvaṃ parappaccayena nibbeṭhesi, evaṃ nibbeṭhenti; api ca kho yadeva sāmaṃ ñātaṃ tena nibbeṭhentīti evamattho daṭṭhabbo. Sace tayā kataṃ katanti iminā kiṃ dasseti? Na hi sakkā parisabalena vā pakkhupatthambhena vā akārako kārako kātuṃ, kārako vā akārako kātuṃ, tasmā yaṃ sayaṃ kataṃ vā akataṃ vā tadeva vattabbanti dasseti. Kasmā pana bhagavā jānantopi ‘‘ahaṃ jānāmi, khīṇāsavo tvaṃ; natthi tuyhaṃ doso, ayaṃ bhikkhunī musāvādinī’’ti nāvocāti? Parānuddayatāya. Sace hi bhagavā yaṃ yaṃ jānāti taṃ taṃ vadeyya, aññena pārājikaṃ āpannena puṭṭhena ‘‘ahaṃ jānāmi tvaṃ pārājiko’’ti vattabbaṃ bhaveyya, tato so puggalo ‘‘ayaṃ pubbe dabbaṃ mallaputtaṃ suddhaṃ katvā idāni maṃ asuddhaṃ karoti; kassa dāni kiṃ vadāmi, yatra satthāpi sāvakesu chandāgatiṃ gacchati; kuto imassa sabbaññubhāvo’’ti āghātaṃ bandhitvā apāyūpago bhaveyya, tasmā bhagavā imāya parānuddayatāya jānantopi nāvoca.

    гин̃жа бхияяо убаваад̣̇абариваж̇ж̇анад̇оби наавожа. яад̣̇и хи бхаг̇аваа звам̣ вад̣̇зяяа, звам̣ убаваад̣̇о бхавзяяа ‘‘д̣̇аб̣б̣асса маллабуд̇д̇асса вудтаанам̣ наама бхаарияам̣, саммаасамб̣уд̣̇д̇хам̣ бана сагким̣ лабхид̇ваа вудтид̇о’’д̇и. ид̣̇ан̃жа вудтааналагкан̣ам̣ ман̃н̃амаанаа ‘‘б̣уд̣̇д̇хагаалзби сагкинаа суд̣̇д̇хи ваа асуд̣̇д̇хи ваа ход̇и маяам̣ ж̇аанаама, аяам̣ буг̇г̇ало асуд̣̇д̇хо’’д̇и звам̣ баабабхигкуу лаж̇ж̇имби винаасзяяунд̇и. абижа анааг̇ад̇зби бхигкуу од̇ин̣н̣з вад̇т̇усмим̣ жод̣̇зд̇ваа саарзд̇ваа ‘‘сажз д̇аяаа гад̇ам̣, ‘гад̇а’нд̇и вад̣̇зхий’’д̇и лаж̇ж̇ийнам̣ бадин̃н̃ам̣ г̇ахзд̇ваа гаммам̣ гариссанд̇ийд̇и винаяалагкан̣з д̇анд̇им̣ табзнд̇о ‘‘ахам̣ ж̇аанаамий’’д̇и авад̇ваава ‘‘сажз д̇аяаа гад̇ам̣, ‘гад̇а’нд̇и вад̣̇зхий’’д̇и ааха.

    Kiñca bhiyyo upavādaparivajjanatopi nāvoca. Yadi hi bhagavā evaṃ vadeyya, evaṃ upavādo bhaveyya ‘‘dabbassa mallaputtassa vuṭṭhānaṃ nāma bhāriyaṃ, sammāsambuddhaṃ pana sakkhiṃ labhitvā vuṭṭhito’’ti. Idañca vuṭṭhānalakkhaṇaṃ maññamānā ‘‘buddhakālepi sakkhinā suddhi vā asuddhi vā hoti mayaṃ jānāma, ayaṃ puggalo asuddho’’ti evaṃ pāpabhikkhū lajjimpi vināseyyunti. Apica anāgatepi bhikkhū otiṇṇe vatthusmiṃ codetvā sāretvā ‘‘sace tayā kataṃ, ‘kata’nti vadehī’’ti lajjīnaṃ paṭiññaṃ gahetvā kammaṃ karissantīti vinayalakkhaṇe tantiṃ ṭhapento ‘‘ahaṃ jānāmī’’ti avatvāva ‘‘sace tayā kataṃ, ‘kata’nti vadehī’’ti āha.

    наабхиж̇аанаами субинанд̇знаби мзт̇унам̣ д̇хаммам̣ бадисзвид̇аад̇и субинанд̇знаби мзт̇унам̣ д̇хаммам̣ на абхиж̇аанаами, на бадисзвид̇аа аханд̇и вуд̇д̇ам̣ ход̇и. ат̇а ваа бадисзвид̇аа худ̇ваа субинанд̇знаби мзт̇унам̣ д̇хаммам̣ на ж̇аанаамийд̇и вуд̇д̇ам̣ ход̇и. яз бана ‘‘бадисзвид̇ваа’’д̇и батанд̇и д̇зсам̣ уж̇угамзва. баг̇зва ж̇ааг̇арод̇и ж̇ааг̇аранд̇о бана батамам̣язва на ж̇аанаамийд̇и.

    Nābhijānāmi supinantenapi methunaṃ dhammaṃ paṭisevitāti supinantenapi methunaṃ dhammaṃ na abhijānāmi, na paṭisevitā ahanti vuttaṃ hoti. Atha vā paṭisevitā hutvā supinantenapi methunaṃ dhammaṃ na jānāmīti vuttaṃ hoti. Ye pana ‘‘paṭisevitvā’’ti paṭhanti tesaṃ ujukameva. Pageva jāgaroti jāgaranto pana paṭhamaṃyeva na jānāmīti.

    д̇зна хи бхигкавз мзд̇д̇ияам̣ бхигкуним̣ наасзт̇аад̇и яасмаа д̣̇аб̣б̣асса жа имиссаа жа важанам̣ на гхадийяад̇и д̇асмаа мзд̇д̇ияам̣ бхигкуним̣ наасзт̇аад̇и вуд̇д̇ам̣ ход̇и.

    Tena hi bhikkhave mettiyaṃ bhikkhuniṃ nāsethāti yasmā dabbassa ca imissā ca vacanaṃ na ghaṭīyati tasmā mettiyaṃ bhikkhuniṃ nāsethāti vuttaṃ hoti.

    д̇ад̇т̇а д̇иссо наасанаа – лин̇г̇анаасанаа, сам̣ваасанаасанаа, д̣̇ан̣д̣агамманаасанаад̇и. д̇аасу ‘‘д̣̇уусаго наасзд̇аб̣б̣о’’д̇и (баараа. 66) аяам̣ ‘‘лин̇г̇анаасанаа’’. аабад̇д̇ияаа ад̣̇ассанз ваа аббадигаммз ваа баабигааяа д̣̇идтияаа аббадиниссаг̇г̇з ваа угкзбанийяагаммам̣ гаронд̇и, аяам̣ ‘‘сам̣ваасанаасанаа’’. ‘‘жара бирз винассаа’’д̇и (баажи. 429) д̣̇ан̣д̣агаммам̣ гаронд̇и, аяам̣ ‘‘д̣̇ан̣д̣агамманаасанаа’’. ид̇ха бана лин̇г̇анаасанам̣ санд̇хааяааха – ‘‘мзд̇д̇ияам̣ бхигкуним̣ наасзт̇аа’’д̇и.

    Tattha tisso nāsanā – liṅganāsanā, saṃvāsanāsanā, daṇḍakammanāsanāti. Tāsu ‘‘dūsako nāsetabbo’’ti (pārā. 66) ayaṃ ‘‘liṅganāsanā’’. Āpattiyā adassane vā appaṭikamme vā pāpikāya diṭṭhiyā appaṭinissagge vā ukkhepanīyakammaṃ karonti, ayaṃ ‘‘saṃvāsanāsanā’’. ‘‘Cara pire vinassā’’ti (pāci. 429) daṇḍakammaṃ karonti, ayaṃ ‘‘daṇḍakammanāsanā’’. Idha pana liṅganāsanaṃ sandhāyāha – ‘‘mettiyaṃ bhikkhuniṃ nāsethā’’ti.

    имз жа бхигкуу ануяун̃ж̇ат̇аад̇и иминаа имам̣ д̣̇ийбзд̇и ‘‘аяам̣ бхигкуний ад̇д̇ано д̇хаммад̇ааяа агааригаа ад̣̇д̇хаа ан̃н̃зхи уяяож̇ид̇аа, д̇асмаа язхи уяяож̇ид̇аа имз бхигкуу ануяун̃ж̇ат̇а г̇авзсат̇а ж̇аанаат̇аа’’д̇и.

    Ime ca bhikkhū anuyuñjathāti iminā imaṃ dīpeti ‘‘ayaṃ bhikkhunī attano dhammatāya akārikā addhā aññehi uyyojitā, tasmā yehi uyyojitā ime bhikkhū anuyuñjatha gavesatha jānāthā’’ti.

    гим̣ бана бхаг̇авад̇аа мзд̇д̇ияаа бхигкуний бадин̃н̃ааяа наасид̇аа аббадин̃н̃ааяа наасид̇аад̇и, гин̃жзд̇т̇а яад̣̇и д̇аава бадин̃н̃ааяа наасид̇аа, т̇зро гаараго ход̇и сад̣̇осо? ат̇а аббадин̃н̃ааяа, т̇зро агаараго ход̇и нид̣̇д̣̇осо.

    Kiṃ pana bhagavatā mettiyā bhikkhunī paṭiññāya nāsitā appaṭiññāya nāsitāti, kiñcettha yadi tāva paṭiññāya nāsitā, thero kārako hoti sadoso? Atha appaṭiññāya, thero akārako hoti niddoso.

    бхаад̇ияарааж̇агаалзби махаавихаараваасийнан̃жа абхаяаг̇ириваасийнан̃жа т̇зраанам̣ имасмим̣язва бад̣̇з виваад̣̇о ахоси. абхаяаг̇ириваасиноби ад̇д̇ано суд̇д̇ам̣ вад̇ваа ‘‘д̇умхаагам̣ ваад̣̇з т̇зро гаараго ход̇ий’’д̇и вад̣̇анд̇и. махаавихаараваасиноби ад̇д̇ано суд̇д̇ам̣ вад̇ваа ‘‘д̇умхаагам̣ ваад̣̇з т̇зро гаараго ход̇ий’’д̇и вад̣̇анд̇и. бан̃хо на чиж̇ж̇ад̇и. рааж̇аа суд̇ваа т̇зрз саннибаад̇зд̇ваа д̣̇ийгхагаарааяанам̣ наама б̣раахман̣аж̇аад̇ияам̣ амажжам̣ ‘‘т̇зраанам̣ гат̇ам̣ сун̣аахий’’д̇и аан̣аабзси. амажжо гира бан̣д̣ид̇о бхаасанд̇арагусало со ааха – ‘‘вад̣̇анд̇у д̇аава т̇зраа суд̇д̇а’’нд̇и. д̇ад̇о абхаяаг̇ирит̇зраа ад̇д̇ано суд̇д̇ам̣ вад̣̇им̣су – ‘‘д̇зна хи, бхигкавз, мзд̇д̇ияам̣ бхигкуним̣ сагааяа бадин̃н̃ааяа наасзт̇аа’’д̇и. амажжо ‘‘бханд̇з, д̇умхаагам̣ ваад̣̇з т̇зро гаараго ход̇и сад̣̇осо’’д̇и ааха. махаавихаараваасиноби ад̇д̇ано суд̇д̇ам̣ вад̣̇им̣су – ‘‘д̇зна хи, бхигкавз, мзд̇д̇ияам̣ бхигкуним̣ наасзт̇аа’’д̇и. амажжо ‘‘бханд̇з, д̇умхаагам̣ ваад̣̇з т̇зро агаараго ход̇и нид̣̇д̣̇осо’’д̇и ааха. гим̣ банзд̇т̇а яуд̇д̇ам̣? яам̣ бажчаа вуд̇д̇ам̣ вижаарид̇ан̃хзд̇ам̣ адтагат̇аажариязхи, бхигку бхигкум̣ амуулагзна анд̇имавад̇т̇унаа ануд̣̇д̇хам̣сзд̇и, сан̇гхаад̣̇исзсо; бхигкуним̣ ануд̣̇д̇хам̣сзд̇и, д̣̇уггадам̣. гурунд̣̇ияам̣ бана ‘‘мусааваад̣̇з баажид̇д̇ияа’’нд̇и вуд̇д̇ам̣.

    Bhātiyarājakālepi mahāvihāravāsīnañca abhayagirivāsīnañca therānaṃ imasmiṃyeva pade vivādo ahosi. Abhayagirivāsinopi attano suttaṃ vatvā ‘‘tumhākaṃ vāde thero kārako hotī’’ti vadanti. Mahāvihāravāsinopi attano suttaṃ vatvā ‘‘tumhākaṃ vāde thero kārako hotī’’ti vadanti. Pañho na chijjati. Rājā sutvā there sannipātetvā dīghakārāyanaṃ nāma brāhmaṇajātiyaṃ amaccaṃ ‘‘therānaṃ kathaṃ suṇāhī’’ti āṇāpesi. Amacco kira paṇḍito bhāsantarakusalo so āha – ‘‘vadantu tāva therā sutta’’nti. Tato abhayagiritherā attano suttaṃ vadiṃsu – ‘‘tena hi, bhikkhave, mettiyaṃ bhikkhuniṃ sakāya paṭiññāya nāsethā’’ti. Amacco ‘‘bhante, tumhākaṃ vāde thero kārako hoti sadoso’’ti āha. Mahāvihāravāsinopi attano suttaṃ vadiṃsu – ‘‘tena hi, bhikkhave, mettiyaṃ bhikkhuniṃ nāsethā’’ti. Amacco ‘‘bhante, tumhākaṃ vāde thero akārako hoti niddoso’’ti āha. Kiṃ panettha yuttaṃ? Yaṃ pacchā vuttaṃ vicāritañhetaṃ aṭṭhakathācariyehi, bhikkhu bhikkhuṃ amūlakena antimavatthunā anuddhaṃseti, saṅghādiseso; bhikkhuniṃ anuddhaṃseti, dukkaṭaṃ. Kurundiyaṃ pana ‘‘musāvāde pācittiya’’nti vuttaṃ.

    д̇ад̇рааяам̣ вижааран̣аа, буриманаяз д̇аава ануд̣̇д̇хам̣санаад̇хиббааяад̇д̇аа д̣̇уггадамзва яуж̇ж̇ад̇и. яат̇аа сад̇иби мусааваад̣̇з бхигкуно бхигкусмим̣ сан̇гхаад̣̇исзсо, сад̇иби жа мусааваад̣̇з асуд̣̇д̇хам̣ суд̣̇д̇хад̣̇идтино аггосаад̇хиббааязна вад̣̇анд̇асса омасаваад̣̇знзва баажид̇д̇ияам̣, на самбаж̇аанамусааваад̣̇зна; звам̣ ид̇хааби ануд̣̇д̇хам̣санаад̇хиббааяад̇д̇аа самбаж̇аанамусааваад̣̇з баажид̇д̇ияам̣ на яуж̇ж̇ад̇и, д̣̇уггадамзва яуд̇д̇ам̣. бажчиманаязби мусааваад̣̇ад̇д̇аа баажид̇д̇ияамзва яуж̇ж̇ад̇и, важанаббамаан̣ад̇о хи ануд̣̇д̇хам̣санаад̇хиббааязна бхигкусса бхигкусмим̣ сан̇гхаад̣̇исзсо. аггосаад̇хиббааяасса жа омасаваад̣̇о. бхигкусса бана бхигкунияаа д̣̇уггаданд̇иважанам̣ над̇т̇и, самбаж̇аанамусааваад̣̇з баажид̇д̇ияанд̇и важанамад̇т̇и, д̇асмаа баажид̇д̇ияамзва яуж̇ж̇ад̇и.

    Tatrāyaṃ vicāraṇā, purimanaye tāva anuddhaṃsanādhippāyattā dukkaṭameva yujjati. Yathā satipi musāvāde bhikkhuno bhikkhusmiṃ saṅghādiseso, satipi ca musāvāde asuddhaṃ suddhadiṭṭhino akkosādhippāyena vadantassa omasavādeneva pācittiyaṃ, na sampajānamusāvādena; evaṃ idhāpi anuddhaṃsanādhippāyattā sampajānamusāvāde pācittiyaṃ na yujjati, dukkaṭameva yuttaṃ. Pacchimanayepi musāvādattā pācittiyameva yujjati, vacanappamāṇato hi anuddhaṃsanādhippāyena bhikkhussa bhikkhusmiṃ saṅghādiseso. Akkosādhippāyassa ca omasavādo. Bhikkhussa pana bhikkhuniyā dukkaṭantivacanaṃ natthi, sampajānamusāvāde pācittiyanti vacanamatthi, tasmā pācittiyameva yujjati.

    д̇ад̇ра бана ид̣̇ам̣ убабаригкид̇аб̣б̣ам̣ – ‘‘ануд̣̇д̇хам̣санаад̇хиббааяз асад̇и баажид̇д̇ияам̣, д̇асмим̣ сад̇и гзна бхавид̇аб̣б̣а’’нд̇и? д̇ад̇ра яасмаа мусаа бхан̣анд̇асса баажид̇д̇ияз сид̣̇д̇хзби амуулагзна сан̇гхаад̣̇исзсзна ануд̣̇д̇хам̣санз висум̣ баажид̇д̇ияам̣ вуд̇д̇ам̣, д̇асмаа ануд̣̇д̇хам̣санаад̇хиббааяз сад̇и самбаж̇аанамусааваад̣̇з баажид̇д̇ияасса огаасо на д̣̇иссад̇и, на жа саггаа ануд̣̇д̇хам̣сзнд̇асса анаабад̇д̇ияаа бхавид̇унд̇и буриманаяовзд̇т̇а барисуд̣̇д̇хад̇аро кааяад̇и. д̇ат̇аа бхигкуний бхигкуним̣ амуулагзна анд̇имавад̇т̇унаа ануд̣̇д̇хам̣сзд̇и сан̇гхаад̣̇исзсо, бхигкум̣ ануд̣̇д̇хам̣сзд̇и д̣̇уггадам̣, д̇ад̇ра сан̇гхаад̣̇исзсо вудтаанаг̇аамий д̣̇уггадам̣, д̣̇зсанааг̇аамий зд̇зхи наасанаа над̇т̇и. яасмаа бана саа багад̇ияаава д̣̇уссийлаа баабабхигкуний ид̣̇аани жа саяамзва ‘‘д̣̇уссийлаамхий’’д̇и вад̣̇ад̇и д̇асмаа нам̣ бхаг̇аваа асуд̣̇д̇хад̇д̇ааязва наасзсийд̇и.

    Tatra pana idaṃ upaparikkhitabbaṃ – ‘‘anuddhaṃsanādhippāye asati pācittiyaṃ, tasmiṃ sati kena bhavitabba’’nti? Tatra yasmā musā bhaṇantassa pācittiye siddhepi amūlakena saṅghādisesena anuddhaṃsane visuṃ pācittiyaṃ vuttaṃ, tasmā anuddhaṃsanādhippāye sati sampajānamusāvāde pācittiyassa okāso na dissati, na ca sakkā anuddhaṃsentassa anāpattiyā bhavitunti purimanayovettha parisuddhataro khāyati. Tathā bhikkhunī bhikkhuniṃ amūlakena antimavatthunā anuddhaṃseti saṅghādiseso, bhikkhuṃ anuddhaṃseti dukkaṭaṃ, tatra saṅghādiseso vuṭṭhānagāmī dukkaṭaṃ, desanāgāmī etehi nāsanā natthi. Yasmā pana sā pakatiyāva dussīlā pāpabhikkhunī idāni ca sayameva ‘‘dussīlāmhī’’ti vadati tasmā naṃ bhagavā asuddhattāyeva nāsesīti.

    ат̇а ко мзд̇д̇ияабхуумаж̇агаад̇и звам̣ ‘‘мзд̇д̇ияам̣ бхигкуним̣ наасзт̇а, имз жа бхигкуу ануяун̃ж̇ат̇аа’’д̇и вад̇ваа удтааяаасанаа вихаарам̣ бавидтз бхаг̇авад̇и д̇зхи бхигкуухи ‘‘д̣̇зт̇а д̣̇аани имиссаа сзд̇агааний’’д̇и наасияамаанам̣ д̇ам̣ бхигкуним̣ д̣̇исваа д̇з бхигкуу д̇ам̣ можзд̇угаамад̇ааяа ад̇д̇ано абараад̇хам̣ аавигарим̣су, зд̇амад̇т̇ам̣ д̣̇ассзд̇ум̣ ‘‘ат̇а ко мзд̇д̇ияабхуумаж̇агаа’’д̇иаад̣̇и вуд̇д̇ам̣.

    Athakho mettiyabhūmajakāti evaṃ ‘‘mettiyaṃ bhikkhuniṃ nāsetha, ime ca bhikkhū anuyuñjathā’’ti vatvā uṭṭhāyāsanā vihāraṃ paviṭṭhe bhagavati tehi bhikkhūhi ‘‘detha dāni imissā setakānī’’ti nāsiyamānaṃ taṃ bhikkhuniṃ disvā te bhikkhū taṃ mocetukāmatāya attano aparādhaṃ āvikariṃsu, etamatthaṃ dassetuṃ ‘‘atha kho mettiyabhūmajakā’’tiādi vuttaṃ.

    385-6. д̣̇удто д̣̇осод̇и д̣̇уусид̇о жзва д̣̇уусаго жа. уббаннз хи д̣̇осз буг̇г̇ало д̇зна д̣̇осзна д̣̇уусид̇о ход̇и багад̇ибхаавам̣ ж̇ахаабид̇о, д̇асмаа ‘‘д̣̇удто’’д̇и вужжад̇и. баран̃жа д̣̇уусзд̇и винаасзд̇и, д̇асмаа ‘‘д̣̇осо’’д̇и вужжад̇и. ид̇и ‘‘д̣̇удто д̣̇осо’’д̇и згассзвзд̇ам̣ буг̇г̇аласса аагааранаанад̇д̇зна нид̣̇ассанам̣, д̇зна вуд̇д̇ам̣ ‘‘д̣̇удто д̣̇осод̇и д̣̇уусид̇о жзва д̣̇уусаго жаа’’д̇и д̇ад̇т̇а сад̣̇д̣̇алагкан̣ам̣ бариязсид̇аб̣б̣ам̣. яасмаа бана со ‘‘д̣̇удто д̣̇осо’’д̇и сан̇кяам̣ г̇ад̇о бадигхасаман̇г̇ийбуг̇г̇ало губид̇аад̣̇ибхаавз тид̇ова ход̇и, д̇знасса бад̣̇абхааж̇анз ‘‘губид̇о’’д̇иаад̣̇и вуд̇д̇ам̣. д̇ад̇т̇а губид̇од̇и губбабхаавам̣ багад̇ид̇о жаванабхаавам̣ бад̇д̇о. анад̇д̇аманод̇и на сагамано ад̇д̇ано васз адтид̇ажид̇д̇о; абижа бийд̇исукзхи на ад̇д̇амано на ад̇д̇ажид̇д̇од̇и анад̇д̇амано. анабхирад̣̇д̇ход̇и на сукид̇о на ваа басаад̣̇ид̇од̇и анабхирад̣̇д̇хо. бадигхзна аахад̇ам̣ жид̇д̇амассаад̇и аахад̇ажид̇д̇о. жид̇д̇ат̇ад̣̇д̇хабхааважид̇д̇агажаварасан̇каад̇ам̣ бадигхакийлам̣ ж̇аад̇амассаад̇и килаж̇аад̇о. аббад̇ийд̇од̇и наббад̇ийд̇о бийд̇исукаад̣̇ийхи важ̇ж̇ид̇о, на абхисадод̇и ад̇т̇о. бад̣̇абхааж̇анз бана язсам̣ д̇хаммаанам̣ васзна аббад̇ийд̇о ход̇и, д̇з д̣̇ассзд̇ум̣ ‘‘д̇зна жа гобзнаа’’д̇иаад̣̇и вуд̇д̇ам̣.

    385-6.Duṭṭho dosoti dūsito ceva dūsako ca. Uppanne hi dose puggalo tena dosena dūsito hoti pakatibhāvaṃ jahāpito, tasmā ‘‘duṭṭho’’ti vuccati. Parañca dūseti vināseti, tasmā ‘‘doso’’ti vuccati. Iti ‘‘duṭṭho doso’’ti ekassevetaṃ puggalassa ākāranānattena nidassanaṃ, tena vuttaṃ ‘‘duṭṭho dosoti dūsito ceva dūsako cā’’ti tattha saddalakkhaṇaṃ pariyesitabbaṃ. Yasmā pana so ‘‘duṭṭho doso’’ti saṅkhyaṃ gato paṭighasamaṅgīpuggalo kupitādibhāve ṭhitova hoti, tenassa padabhājane ‘‘kupito’’tiādi vuttaṃ. Tattha kupitoti kuppabhāvaṃ pakatito cavanabhāvaṃ patto. Anattamanoti na sakamano attano vase aṭṭhitacitto; apica pītisukhehi na attamano na attacittoti anattamano. Anabhiraddhoti na sukhito na vā pasāditoti anabhiraddho. Paṭighena āhataṃ cittamassāti āhatacitto. Cittathaddhabhāvacittakacavarasaṅkhātaṃ paṭighakhīlaṃ jātamassāti khilajāto. Appatītoti nappatīto pītisukhādīhi vajjito, na abhisaṭoti attho. Padabhājane pana yesaṃ dhammānaṃ vasena appatīto hoti, te dassetuṃ ‘‘tena ca kopenā’’tiādi vuttaṃ.

    д̇ад̇т̇а д̇зна жа гобзнаад̇и язна д̣̇удтод̇и жа губид̇од̇и жа вуд̇д̇о убхаяамби хзд̇ам̣ багад̇ибхаавам̣ ж̇ахаабанад̇о згаагаарам̣ ход̇и. д̇зна жа д̣̇осзнаад̇и язна ‘‘д̣̇осо’’д̇и вуд̇д̇о. имзхи д̣̇вийхи сан̇каарагканд̇хамзва д̣̇ассзд̇и.

    Tattha tena ca kopenāti yena duṭṭhoti ca kupitoti ca vutto ubhayampi hetaṃ pakatibhāvaṃ jahāpanato ekākāraṃ hoti. Tena ca dosenāti yena ‘‘doso’’ti vutto. Imehi dvīhi saṅkhārakkhandhameva dasseti.

    д̇ааяа жа анад̇д̇аманад̇ааяаад̇и яааяа ‘‘анад̇д̇амано’’д̇и вуд̇д̇о. д̇ааяа жа анабхирад̣̇д̇хияаад̇и яааяа ‘‘анабхирад̣̇д̇хо’’д̇и вуд̇д̇о. имзхи д̣̇вийхи взд̣̇анаагканд̇хам̣ д̣̇ассзд̇и.

    Tāya ca anattamanatāyāti yāya ‘‘anattamano’’ti vutto. Tāya ca anabhiraddhiyāti yāya ‘‘anabhiraddho’’ti vutto. Imehi dvīhi vedanākkhandhaṃ dasseti.

    амуулагзна баарааж̇игзнаад̇и зд̇т̇а наасса мууланд̇и амуулагам̣, д̇ам̣ банасса амуулагад̇д̇ам̣ яасмаа жод̣̇агавасзна ад̇хиббзд̇ам̣, на жуд̣̇ид̇агавасзна. д̇асмаа д̇амад̇т̇ам̣ д̣̇ассзд̇ум̣ бад̣̇абхааж̇анз ‘‘амуулагам̣ наама ад̣̇идтам̣ асуд̇ам̣ абарисан̇гид̇а’’нд̇и ааха. д̇зна имам̣ д̣̇ийбзд̇и ‘‘яам̣ баарааж̇игам̣ жод̣̇агзна жуд̣̇ид̇агамхи буг̇г̇алз нзва д̣̇идтам̣ на суд̇ам̣ на барисан̇гид̇ам̣ ид̣̇ам̣ зд̇зсам̣ д̣̇ассанасаванабарисан̇гаасан̇каад̇аанам̣ муулаанам̣ абхаавад̇о амуулагам̣ наама, д̇ам̣ бана со аабанно ваа ход̇у анаабанно ваа зд̇ам̣ ид̇ха аббамаан̣анд̇и.

    Amūlakena pārājikenāti ettha nāssa mūlanti amūlakaṃ, taṃ panassa amūlakattaṃ yasmā codakavasena adhippetaṃ, na cuditakavasena. Tasmā tamatthaṃ dassetuṃ padabhājane ‘‘amūlakaṃ nāma adiṭṭhaṃ asutaṃ aparisaṅkita’’nti āha. Tena imaṃ dīpeti ‘‘yaṃ pārājikaṃ codakena cuditakamhi puggale neva diṭṭhaṃ na sutaṃ na parisaṅkitaṃ idaṃ etesaṃ dassanasavanaparisaṅkāsaṅkhātānaṃ mūlānaṃ abhāvato amūlakaṃ nāma, taṃ pana so āpanno vā hotu anāpanno vā etaṃ idha appamāṇanti.

    д̇ад̇т̇а ад̣̇идтам̣ наама ад̇д̇ано басаад̣̇ажагкунаа ваа д̣̇иб̣б̣ажагкунаа ваа ад̣̇идтам̣. асуд̇ам̣ наама д̇ат̇зва гзнажи вужжамаанам̣ на суд̇ам̣. абарисан̇гид̇ам̣ наама жид̇д̇зна абарисан̇гид̇ам̣.

    Tattha adiṭṭhaṃ nāma attano pasādacakkhunā vā dibbacakkhunā vā adiṭṭhaṃ. Asutaṃ nāma tatheva kenaci vuccamānaṃ na sutaṃ. Aparisaṅkitaṃ nāma cittena aparisaṅkitaṃ.

    ‘‘д̣̇идтам̣’’ наама ад̇д̇анаа ваа барзна ваа басаад̣̇ажагкунаа ваа д̣̇иб̣б̣ажагкунаа ваа д̣̇идтам̣. ‘‘суд̇ам̣’’ наама д̇ат̇зва суд̇ам̣. ‘‘барисан̇гид̇а’’мби ад̇д̇анаа ваа барзна ваа барисан̇гид̇ам̣. д̇ад̇т̇а ад̇д̇анаа д̣̇идтам̣ д̣̇идтамзва, барзхи д̣̇идтам̣ ад̇д̇анаа суд̇ам̣, барзхи суд̇ам̣, барзхи барисан̇гид̇анд̇и ид̣̇ам̣ бана саб̣б̣амби ад̇д̇анаа суд̇адтаанзязва д̇идтад̇и.

    ‘‘Diṭṭhaṃ’’ nāma attanā vā parena vā pasādacakkhunā vā dibbacakkhunā vā diṭṭhaṃ. ‘‘Sutaṃ’’ nāma tatheva sutaṃ. ‘‘Parisaṅkita’’mpi attanā vā parena vā parisaṅkitaṃ. Tattha attanā diṭṭhaṃ diṭṭhameva, parehi diṭṭhaṃ attanā sutaṃ, parehi sutaṃ, parehi parisaṅkitanti idaṃ pana sabbampi attanā sutaṭṭhāneyeva tiṭṭhati.

    барисан̇гид̇ам̣ бана д̇ивид̇хам̣ – д̣̇идтабарисан̇гид̇ам̣, суд̇абарисан̇гид̇ам̣, муд̇абарисан̇гид̇анд̇и. д̇ад̇т̇а д̣̇идтабарисан̇гид̇ам̣ наама зго бхигку ужжаарабассаавагаммзна г̇аамасамийбз згам̣ г̇умб̣ам̣ бавидто, ан̃н̃ад̇арааби ид̇т̇ий гзнажид̣̇зва гаран̣ийязна д̇ам̣ г̇умб̣ам̣ бависид̇ваа нивад̇д̇аа, нааби бхигку ид̇т̇им̣ ад̣̇д̣̇аса; на ид̇т̇ий бхигкум̣, ад̣̇исваава убхоби яат̇ааружим̣ багганд̇аа, ан̃н̃ад̇аро бхигку убхиннам̣ д̇ад̇о нигкаманам̣ саллагкзд̇ваа ‘‘ад̣̇д̇хаа имзсам̣ гад̇ам̣ ваа гариссанд̇и ваа’’д̇и барисан̇гад̇и, ид̣̇ам̣ д̣̇идтабарисан̇гид̇ам̣ наама.

    Parisaṅkitaṃ pana tividhaṃ – diṭṭhaparisaṅkitaṃ, sutaparisaṅkitaṃ, mutaparisaṅkitanti. Tattha diṭṭhaparisaṅkitaṃ nāma eko bhikkhu uccārapassāvakammena gāmasamīpe ekaṃ gumbaṃ paviṭṭho, aññatarāpi itthī kenacideva karaṇīyena taṃ gumbaṃ pavisitvā nivattā, nāpi bhikkhu itthiṃ addasa; na itthī bhikkhuṃ, adisvāva ubhopi yathāruciṃ pakkantā, aññataro bhikkhu ubhinnaṃ tato nikkhamanaṃ sallakkhetvā ‘‘addhā imesaṃ kataṃ vā karissanti vā’’ti parisaṅkati, idaṃ diṭṭhaparisaṅkitaṃ nāma.

    суд̇абарисан̇гид̇ам̣ наама ид̇хзгажжо анд̇хагаарз ваа бадижчаннз ваа огаасз маад̇уг̇аамзна сад̣̇д̇хим̣ бхигкуно д̇аад̣̇исам̣ бадисант̇аараважанам̣ сун̣аад̇и, самийбз ан̃н̃ам̣ виж̇ж̇амаанамби ‘‘ад̇т̇и над̇т̇ий’’д̇и на ж̇аанаад̇и, со ‘‘ад̣̇д̇хаа имзсам̣ гад̇ам̣ ваа гариссанд̇и ваа’’д̇и барисан̇гад̇и, ид̣̇ам̣ суд̇абарисан̇гид̇ам̣ наама.

    Sutaparisaṅkitaṃ nāma idhekacco andhakāre vā paṭicchanne vā okāse mātugāmena saddhiṃ bhikkhuno tādisaṃ paṭisanthāravacanaṃ suṇāti, samīpe aññaṃ vijjamānampi ‘‘atthi natthī’’ti na jānāti, so ‘‘addhā imesaṃ kataṃ vā karissanti vā’’ti parisaṅkati, idaṃ sutaparisaṅkitaṃ nāma.

    муд̇абарисан̇гид̇ам̣ наама самб̣ахулаа д̇худ̇д̇аа рад̇д̇ибхааг̇з бубпаг̇анд̇хамам̣сасураад̣̇ийни г̇ахзд̇ваа ид̇т̇ийхи сад̣̇д̇хим̣ згам̣ бажжанд̇авихаарам̣ г̇анд̇ваа ман̣д̣абз ваа бхож̇анасаалаад̣̇ийсу ваа яат̇аасукам̣ гийл̣ид̇ваа бубпаад̣̇ийни вигирид̇ваа г̇ад̇аа, бунад̣̇ивасз бхигкуу д̇ам̣ виббагаарам̣ д̣̇исваа ‘‘гассид̣̇ам̣ гамма’’нд̇и вижинанд̇и. д̇ад̇ра жа гзнажи бхигкунаа баг̇зва вудтахид̇ваа вад̇д̇асийсзна ман̣д̣абам̣ ваа бхож̇анасаалам̣ ваа бадиж̇аг̇г̇анд̇зна бубпаад̣̇ийни аамадтаани хонд̇и, гзнажи убадтаагагулад̇о аабхад̇зхи бубпаад̣̇ийхи бууж̇аа гад̇аа ход̇и, гзнажи бхзсаж̇ж̇ад̇т̇ам̣ аридтам̣ бийд̇ам̣ ход̇и, ат̇а д̇з ‘‘гассид̣̇ам̣ гамма’’нд̇и вижинанд̇аа бхигкуу д̇зсам̣ хад̇т̇аг̇анд̇хан̃жа мукаг̇анд̇хан̃жа гхааяид̇ваа д̇з бхигкуу барисан̇ганд̇и, ид̣̇ам̣ муд̇абарисан̇гид̇ам̣ наама.

    Mutaparisaṅkitaṃ nāma sambahulā dhuttā rattibhāge pupphagandhamaṃsasurādīni gahetvā itthīhi saddhiṃ ekaṃ paccantavihāraṃ gantvā maṇḍape vā bhojanasālādīsu vā yathāsukhaṃ kīḷitvā pupphādīni vikiritvā gatā, punadivase bhikkhū taṃ vippakāraṃ disvā ‘‘kassidaṃ kamma’’nti vicinanti. Tatra ca kenaci bhikkhunā pageva vuṭṭhahitvā vattasīsena maṇḍapaṃ vā bhojanasālaṃ vā paṭijaggantena pupphādīni āmaṭṭhāni honti, kenaci upaṭṭhākakulato ābhatehi pupphādīhi pūjā katā hoti, kenaci bhesajjatthaṃ ariṭṭhaṃ pītaṃ hoti, atha te ‘‘kassidaṃ kamma’’nti vicinantā bhikkhū tesaṃ hatthagandhañca mukhagandhañca ghāyitvā te bhikkhū parisaṅkanti, idaṃ mutaparisaṅkitaṃ nāma.

    д̇ад̇т̇а д̣̇идтам̣ ад̇т̇и самуулагам̣, ад̇т̇и амуулагам̣; д̣̇идтамзва ад̇т̇и сан̃н̃аасамуулагам̣, ад̇т̇и сан̃н̃ааамуулагам̣. зса наяо суд̇зби. барисан̇гид̇з бана д̣̇идтабарисан̇гид̇ам̣ ад̇т̇и самуулагам̣, ад̇т̇и амуулагам̣; д̣̇идтабарисан̇гид̇амзва ад̇т̇и сан̃н̃аасамуулагам̣ , ад̇т̇и сан̃н̃ааамуулагам̣. зса наяо суд̇амуд̇абарисан̇гид̇зсу. д̇ад̇т̇а д̣̇идтам̣ самуулагам̣ наама баарааж̇игам̣ аабаж̇ж̇анд̇ам̣ д̣̇исваава ‘‘д̣̇идто маяаа’’д̇и вад̣̇ад̇и, амуулагам̣ наама бадижчанногаасад̇о нигкаманд̇ам̣ д̣̇исваа вийд̇иггамам̣ ад̣̇исваа ‘‘д̣̇идто маяаа’’д̇и вад̣̇ад̇и. д̣̇идтамзва сан̃н̃аасамуулагам̣ наама д̣̇исваава д̣̇идтасан̃н̃ий худ̇ваа жод̣̇зд̇и, сан̃н̃ааамуулагам̣ наама буб̣б̣з баарааж̇игавийд̇иггамам̣ д̣̇исваа бажчаа ад̣̇идтасан̃н̃ий ж̇аад̇о, со сан̃н̃ааяа амуулагам̣ гад̇ваа ‘‘д̣̇идто маяаа’’д̇и жод̣̇зд̇и. зд̇зна наязна суд̇амуд̇абарисан̇гид̇ааниби вид̇т̇аарад̇о взд̣̇ид̇аб̣б̣аани. зд̇т̇а жа саб̣б̣аббагаарзн̣ааби самуулагзна ваа сан̃н̃аасамуулагзна ваа жод̣̇знд̇асса анаабад̇д̇и, амуулагзна ваа бана сан̃н̃ааамуулагзна ваа жод̣̇знд̇ассзва аабад̇д̇и.

    Tattha diṭṭhaṃ atthi samūlakaṃ, atthi amūlakaṃ; diṭṭhameva atthi saññāsamūlakaṃ, atthi saññāamūlakaṃ. Esa nayo sutepi. Parisaṅkite pana diṭṭhaparisaṅkitaṃ atthi samūlakaṃ, atthi amūlakaṃ; diṭṭhaparisaṅkitameva atthi saññāsamūlakaṃ , atthi saññāamūlakaṃ. Esa nayo sutamutaparisaṅkitesu. Tattha diṭṭhaṃ samūlakaṃ nāma pārājikaṃ āpajjantaṃ disvāva ‘‘diṭṭho mayā’’ti vadati, amūlakaṃ nāma paṭicchannokāsato nikkhamantaṃ disvā vītikkamaṃ adisvā ‘‘diṭṭho mayā’’ti vadati. Diṭṭhameva saññāsamūlakaṃ nāma disvāva diṭṭhasaññī hutvā codeti, saññāamūlakaṃ nāma pubbe pārājikavītikkamaṃ disvā pacchā adiṭṭhasaññī jāto, so saññāya amūlakaṃ katvā ‘‘diṭṭho mayā’’ti codeti. Etena nayena sutamutaparisaṅkitānipi vitthārato veditabbāni. Ettha ca sabbappakāreṇāpi samūlakena vā saññāsamūlakena vā codentassa anāpatti, amūlakena vā pana saññāamūlakena vā codentasseva āpatti.

    ануд̣̇д̇хам̣сзяяаад̇и д̇хам̣сзяяа бад̇хам̣сзяяа абхибхавзяяа аж̇жход̇т̇арзяяа. д̇ам̣ бана ануд̣̇д̇хам̣санам̣ яасмаа ад̇д̇анаа жод̣̇знд̇оби барзна жод̣̇аабзнд̇оби гарод̇иязва, д̇асмаасса бад̣̇абхааж̇анз ‘‘жод̣̇зд̇и ваа жод̣̇аабзд̇и ваа’’д̇и вуд̇д̇ам̣.

    Anuddhaṃseyyāti dhaṃseyya padhaṃseyya abhibhaveyya ajjhotthareyya. Taṃ pana anuddhaṃsanaṃ yasmā attanā codentopi parena codāpentopi karotiyeva, tasmāssa padabhājane ‘‘codeti vā codāpeti vā’’ti vuttaṃ.

    д̇ад̇т̇а жод̣̇зд̇ийд̇и ‘‘баарааж̇игам̣ д̇хаммам̣ аабанносий’’д̇иаад̣̇ийхи важанзхи саяам̣ жод̣̇зд̇и, д̇асса ваажааяа ваажааяа сан̇гхаад̣̇исзсо. жод̣̇аабзд̇ийд̇и ад̇д̇анаа самийбз тад̇ваа ан̃н̃ам̣ бхигку аан̣аабзд̇и, со д̇асса важанзна д̇ам̣ жод̣̇зд̇и, жод̣̇аабагассзва ваажааяа ваажааяа сан̇гхаад̣̇исзсо. ат̇а соби ‘‘маяаа д̣̇идтам̣ суд̇ам̣ ад̇т̇ий’’д̇и жод̣̇зд̇и, д̣̇виннамби ж̇анаанам̣ ваажааяа ваажааяа сан̇гхаад̣̇исзсо.

    Tattha codetīti ‘‘pārājikaṃ dhammaṃ āpannosī’’tiādīhi vacanehi sayaṃ codeti, tassa vācāya vācāya saṅghādiseso. Codāpetīti attanā samīpe ṭhatvā aññaṃ bhikkhu āṇāpeti, so tassa vacanena taṃ codeti, codāpakasseva vācāya vācāya saṅghādiseso. Atha sopi ‘‘mayā diṭṭhaṃ sutaṃ atthī’’ti codeti, dvinnampi janānaṃ vācāya vācāya saṅghādiseso.

    жод̣̇анааббабхзд̣̇агосаллад̇т̇ам̣ банзд̇т̇а згавад̇т̇узгажод̣̇агаад̣̇ижад̇уггам̣ д̇аава взд̣̇ид̇аб̣б̣ам̣. д̇ад̇т̇а зго бхигку згам̣ бхигкум̣ згзна вад̇т̇унаа жод̣̇зд̇и, имиссаа жод̣̇анааяа згам̣ вад̇т̇у зго жод̣̇аго. самб̣ахулаа згам̣ згавад̇т̇унаа жод̣̇знд̇и, бан̃жасад̇аа мзд̇д̇ияабхуумаж̇агаббамукаа чаб̣б̣аг̇г̇ияаа бхигкуу ааяасманд̇ам̣ д̣̇аб̣б̣ам̣ маллабуд̇д̇амива, имиссаа жод̣̇анааяа згам̣ вад̇т̇у наанаажод̣̇агаа. зго бхигку згам̣ бхигкум̣ самб̣ахулзхи вад̇т̇уухи жод̣̇зд̇и, имиссаа жод̣̇анааяа наанаавад̇т̇ууни зго жод̣̇аго. самб̣ахулаа самб̣ахулз самб̣ахулзхи вад̇т̇уухи жод̣̇знд̇и, имиссаа жод̣̇анааяа наанаавад̇т̇ууни наанаажод̣̇агаа.

    Codanāppabhedakosallatthaṃ panettha ekavatthuekacodakādicatukkaṃ tāva veditabbaṃ. Tattha eko bhikkhu ekaṃ bhikkhuṃ ekena vatthunā codeti, imissā codanāya ekaṃ vatthu eko codako. Sambahulā ekaṃ ekavatthunā codenti, pañcasatā mettiyabhūmajakappamukhā chabbaggiyā bhikkhū āyasmantaṃ dabbaṃ mallaputtamiva, imissā codanāya ekaṃ vatthu nānācodakā. Eko bhikkhu ekaṃ bhikkhuṃ sambahulehi vatthūhi codeti, imissā codanāya nānāvatthūni eko codako. Sambahulā sambahule sambahulehi vatthūhi codenti, imissā codanāya nānāvatthūni nānācodakā.

    жод̣̇зд̇ум̣ бана го лабхад̇и, го на лабхад̇ийд̇и? д̣̇уб̣б̣алажод̣̇агаважанам̣ д̇аава г̇ахзд̇ваа гожи на лабхад̇и. д̣̇уб̣б̣алажод̣̇аго наама самб̣ахулзсу гат̇аасаллаабзна нисиннзсу зго згам̣ аараб̣бха анод̣̇иссагам̣ гад̇ваа баарааж̇игавад̇т̇ум̣ гат̇зд̇и, ан̃н̃о д̇ам̣ суд̇ваа ид̇арасса г̇анд̇ваа аарожзд̇и. со д̇ам̣ убасан̇гамид̇ваа ‘‘д̇вам̣ гира мам̣ ид̣̇ан̃жид̣̇ан̃жа вад̣̇асий’’д̇и вад̣̇ад̇и. со ‘‘наахам̣ зваруубам̣ ж̇аанаами, гат̇аабавад̇д̇ияам̣ бана маяаа анод̣̇иссагам̣ гад̇ваа вуд̇д̇амад̇т̇и, сажз ахам̣ д̇ава имам̣ д̣̇угкуббад̇д̇им̣ ж̇аанзяяам̣, зд̇д̇агамби на гат̇зяяа’’нд̇и аяам̣ д̣̇уб̣б̣алажод̣̇аго. д̇ассзд̇ам̣ гат̇аасаллаабам̣ г̇ахзд̇ваа д̇ам̣ бхигкум̣ гожи жод̣̇зд̇ум̣ на лабхад̇и. зд̇ам̣ бана аг̇г̇ахзд̇ваа сийласамбанно бхигку бхигкум̣ ваа бхигкуним̣ ваа сийласамбаннаа жа бхигкуний бхигкуниймзва жод̣̇зд̇ум̣ лабхад̇ийд̇и махаабад̣̇умад̇т̇зро ааха. махаасумад̇т̇зро бана ‘‘бан̃жаби сахад̇хаммигаа лабханд̇ий’’д̇и ааха. г̇од̣̇ад̇д̇ад̇т̇зро бана ‘‘на гожи на лабхад̇ий’’д̇и вад̇ваа ‘‘бхигкусса суд̇ваа жод̣̇зд̇и, бхигкунияаа суд̇ваа жод̣̇зд̇и…бз… д̇ид̇т̇ияасаавагаанам̣ суд̇ваа жод̣̇зд̇ий’’д̇и ид̣̇ам̣ суд̇д̇амаахари. д̇ин̣н̣амби т̇зраанам̣ ваад̣̇з жуд̣̇ид̇агассзва бадин̃н̃ааяа гаарзд̇аб̣б̣о.

    Codetuṃ pana ko labhati, ko na labhatīti? Dubbalacodakavacanaṃ tāva gahetvā koci na labhati. Dubbalacodako nāma sambahulesu kathāsallāpena nisinnesu eko ekaṃ ārabbha anodissakaṃ katvā pārājikavatthuṃ katheti, añño taṃ sutvā itarassa gantvā āroceti. So taṃ upasaṅkamitvā ‘‘tvaṃ kira maṃ idañcidañca vadasī’’ti vadati. So ‘‘nāhaṃ evarūpaṃ jānāmi, kathāpavattiyaṃ pana mayā anodissakaṃ katvā vuttamatthi, sace ahaṃ tava imaṃ dukkhuppattiṃ jāneyyaṃ, ettakampi na katheyya’’nti ayaṃ dubbalacodako. Tassetaṃ kathāsallāpaṃ gahetvā taṃ bhikkhuṃ koci codetuṃ na labhati. Etaṃ pana aggahetvā sīlasampanno bhikkhu bhikkhuṃ vā bhikkhuniṃ vā sīlasampannā ca bhikkhunī bhikkhunīmeva codetuṃ labhatīti mahāpadumatthero āha. Mahāsumatthero pana ‘‘pañcapi sahadhammikā labhantī’’ti āha. Godattatthero pana ‘‘na koci na labhatī’’ti vatvā ‘‘bhikkhussa sutvā codeti, bhikkhuniyā sutvā codeti…pe… titthiyasāvakānaṃ sutvā codetī’’ti idaṃ suttamāhari. Tiṇṇampi therānaṃ vāde cuditakasseva paṭiññāya kāretabbo.

    аяам̣ бана жод̣̇анаа наама д̣̇ууд̇ам̣ ваа бан̣н̣ам̣ ваа саасанам̣ ваа бзсзд̇ваа жод̣̇знд̇асса сийсам̣ на зд̇и, буг̇г̇аласса бана самийбз тад̇ваава хад̇т̇амуд̣̇д̣̇ааяа ваа важийбхзд̣̇зна ваа жод̣̇знд̇ассзва сийсам̣ зд̇и. сигкаабажжагкаанамзва хи хад̇т̇амуд̣̇д̣̇ааяа сийсам̣ на зд̇и, ид̣̇ам̣ бана ануд̣̇д̇хам̣санам̣ абхууд̇аарожанан̃жа зд̇иязва. яо бана д̣̇виннам̣ тид̇адтаанз згам̣ нияамзд̇ваа жод̣̇зд̇и, со жз ж̇аанаад̇и, сийсам̣ зд̇и. ид̇аро ж̇аанаад̇и, сийсам̣ на зд̇и. д̣̇взби нияамзд̇ваа жод̣̇зд̇и, зго ваа ж̇аанаад̇у д̣̇вз ваа, сийсам̣ зд̇иязва. зсава наяо самб̣ахулзсу. д̇ан̇кан̣зязва жа ж̇аананам̣ наама д̣̇уггарам̣, самаязна ааваж̇ж̇ид̇ваа н̃аад̇з бана н̃аад̇амзва ход̇и. бажчаа жз ж̇аанаад̇и, сийсам̣ на зд̇и. сигкаабажжагкаанам̣ абхууд̇аарожанам̣ д̣̇удтуллаваажаа-ад̇д̇агаама-д̣̇удтад̣̇осабхууд̇аарожанасигкаабад̣̇аанийд̇и саб̣б̣аанзва хи имаани згабарижчзд̣̇аани.

    Ayaṃ pana codanā nāma dūtaṃ vā paṇṇaṃ vā sāsanaṃ vā pesetvā codentassa sīsaṃ na eti, puggalassa pana samīpe ṭhatvāva hatthamuddāya vā vacībhedena vā codentasseva sīsaṃ eti. Sikkhāpaccakkhānameva hi hatthamuddāya sīsaṃ na eti, idaṃ pana anuddhaṃsanaṃ abhūtārocanañca etiyeva. Yo pana dvinnaṃ ṭhitaṭṭhāne ekaṃ niyametvā codeti, so ce jānāti, sīsaṃ eti. Itaro jānāti, sīsaṃ na eti. Dvepi niyametvā codeti, eko vā jānātu dve vā, sīsaṃ etiyeva. Esava nayo sambahulesu. Taṅkhaṇeyeva ca jānanaṃ nāma dukkaraṃ, samayena āvajjitvā ñāte pana ñātameva hoti. Pacchā ce jānāti, sīsaṃ na eti. Sikkhāpaccakkhānaṃ abhūtārocanaṃ duṭṭhullavācā-attakāma-duṭṭhadosabhūtārocanasikkhāpadānīti sabbāneva hi imāni ekaparicchedāni.

    звам̣ гааяаваажаавасзна жааяам̣ д̣̇увид̇хааби жод̣̇анаа. буна д̣̇идтажод̣̇анаа, суд̇ажод̣̇анаа, барисан̇гид̇ажод̣̇анаад̇и д̇ивид̇хаа ход̇и. абарааби жад̇уб̣б̣ид̇хаа ход̇и – сийлавибад̇д̇ижод̣̇анаа, аажааравибад̇д̇ижод̣̇анаа, д̣̇идтивибад̇д̇ижод̣̇анаа, ааж̇ийвавибад̇д̇ижод̣̇анаад̇и. д̇ад̇т̇а г̇аругаанам̣ д̣̇виннам̣ аабад̇д̇игканд̇хаанам̣ васзна сийлавибад̇д̇ижод̣̇анаа взд̣̇ид̇аб̣б̣аа. авасзсаанам̣ васзна аажааравибад̇д̇ижод̣̇анаа, мижчаад̣̇идтианд̇аг̇г̇аахигад̣̇идтивасзна д̣̇идтивибад̇д̇ижод̣̇анаа, ааж̇ийвахзд̇у бан̃н̃ад̇д̇аанам̣ чаннам̣ сигкаабад̣̇аанам̣ васзна ааж̇ийвавибад̇д̇ижод̣̇анаа взд̣̇ид̇аб̣б̣аа.

    Evaṃ kāyavācāvasena cāyaṃ duvidhāpi codanā. Puna diṭṭhacodanā, sutacodanā, parisaṅkitacodanāti tividhā hoti. Aparāpi catubbidhā hoti – sīlavipatticodanā, ācāravipatticodanā, diṭṭhivipatticodanā, ājīvavipatticodanāti. Tattha garukānaṃ dvinnaṃ āpattikkhandhānaṃ vasena sīlavipatticodanā veditabbā. Avasesānaṃ vasena ācāravipatticodanā, micchādiṭṭhiantaggāhikadiṭṭhivasena diṭṭhivipatticodanā, ājīvahetu paññattānaṃ channaṃ sikkhāpadānaṃ vasena ājīvavipatticodanā veditabbā.

    абарааби жад̇уб̣б̣ид̇хаа ход̇и – вад̇т̇усанд̣̇ассанаа, аабад̇д̇исанд̣̇ассанаа, сам̣ваасабадигкзбо, саамийжибадигкзбод̇и. д̇ад̇т̇а вад̇т̇усанд̣̇ассанаа наама ‘‘д̇вам̣ мзт̇унам̣ д̇хаммам̣ бадисзвид̇т̇а, ад̣̇иннам̣ аад̣̇ияид̇т̇а, мануссам̣ гхаад̇аяид̇т̇а, абхууд̇ам̣ аарожаяид̇т̇аа’’д̇и звам̣ бавад̇д̇аа. аабад̇д̇исанд̣̇ассанаа наама ‘‘д̇вам̣ мзт̇унад̇хаммабаарааж̇игаабад̇д̇им̣ аабанно’’д̇и звамаад̣̇инаяаббавад̇д̇аа. сам̣ваасабадигкзбо наама ‘‘над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и звам̣ бавад̇д̇аа; зд̇д̇аавад̇аа бана сийсам̣ на зд̇и, ‘‘ассаман̣оси асагяабуд̇д̇ияосий’’д̇иаад̣̇иважанзхи сад̣̇д̇хим̣ гхадид̇зязва сийсам̣ зд̇и. саамийжибадигкзбо наама абхиваад̣̇ана-бажжудтаана-ан̃ж̇алигамма-б̣ийж̇анаад̣̇игаммаанам̣ агаран̣ам̣. д̇ам̣ бадибаадияаа ванд̣̇анаад̣̇ийни гарод̇о згасса агад̇ваа сзсаанам̣ гаран̣агаалз взд̣̇ид̇аб̣б̣ам̣. зд̇д̇аавад̇аа жа жод̣̇анаа наама ход̇и, аабад̇д̇и бана сийсам̣ на зд̇и. ‘‘гасмаа мама ванд̣̇анаад̣̇ийни на гаросий’’д̇и бужчид̇з бана ‘‘ассаман̣оси асагяабуд̇д̇ияосий’’д̇иаад̣̇иважанзхи сад̣̇д̇хим̣ гхадид̇зязва сийсам̣ зд̇и. яааг̇убхад̇д̇аад̣̇инаа бана яам̣ ижчад̇и д̇ам̣ аабужчад̇и, на д̇аавад̇аа жод̣̇анаа ход̇и.

    Aparāpi catubbidhā hoti – vatthusandassanā, āpattisandassanā, saṃvāsapaṭikkhepo, sāmīcipaṭikkhepoti. Tattha vatthusandassanā nāma ‘‘tvaṃ methunaṃ dhammaṃ paṭisevittha, adinnaṃ ādiyittha, manussaṃ ghātayittha, abhūtaṃ ārocayitthā’’ti evaṃ pavattā. Āpattisandassanā nāma ‘‘tvaṃ methunadhammapārājikāpattiṃ āpanno’’ti evamādinayappavattā. Saṃvāsapaṭikkhepo nāma ‘‘natthi tayā saddhiṃ uposatho vā pavāraṇā vā saṅghakammaṃ vā’’ti evaṃ pavattā; ettāvatā pana sīsaṃ na eti, ‘‘assamaṇosi asakyaputtiyosī’’tiādivacanehi saddhiṃ ghaṭiteyeva sīsaṃ eti. Sāmīcipaṭikkhepo nāma abhivādana-paccuṭṭhāna-añjalikamma-bījanādikammānaṃ akaraṇaṃ. Taṃ paṭipāṭiyā vandanādīni karoto ekassa akatvā sesānaṃ karaṇakāle veditabbaṃ. Ettāvatā ca codanā nāma hoti, āpatti pana sīsaṃ na eti. ‘‘Kasmā mama vandanādīni na karosī’’ti pucchite pana ‘‘assamaṇosi asakyaputtiyosī’’tiādivacanehi saddhiṃ ghaṭiteyeva sīsaṃ eti. Yāgubhattādinā pana yaṃ icchati taṃ āpucchati, na tāvatā codanā hoti.

    абарааби баад̇имогкадтабанагканд̇хагз ‘‘згам̣, бхигкавз, ад̇хаммигам̣ баад̇имогкадтабанам̣ згам̣ д̇хаммига’’нд̇и аад̣̇им̣ ‘‘гад̇ваа яаава д̣̇аса ад̇хаммигаани баад̇имогкадтабанаани д̣̇аса д̇хаммигааний’’д̇и (жуул̣ава. 387) звам̣ ад̇хаммигаа бан̃жабан̃н̃ааса д̇хаммигаа бан̃жабан̃н̃аасаад̇и д̣̇асуд̇д̇арасад̇ам̣ жод̣̇анаа вуд̇д̇аа. д̇аа д̣̇идтзна жод̣̇знд̇асса д̣̇асуд̇д̇арасад̇ам̣, суд̇зна жод̣̇знд̇асса д̣̇асуд̇д̇арасад̇ам̣, барисан̇гид̇зна жод̣̇знд̇асса д̣̇асуд̇д̇арасад̇анд̇и д̇им̣саани д̇ийн̣и сад̇аани хонд̇и. д̇аани гааязна жод̣̇знд̇асса, ваажааяа жод̣̇знд̇асса, гааяаваажаахи жод̣̇знд̇ассаад̇и д̇иг̇ун̣аани гад̇аани навуд̇аани нава сад̇аани хонд̇и. д̇аани ад̇д̇анаа жод̣̇знд̇ассааби барзна жод̣̇аабзнд̇ассааби д̇ад̇д̇агаанзваад̇и вийсад̇иуунаани д̣̇вз сахассаани хонд̇и, буна д̣̇идтаад̣̇ибхзд̣̇з самуулагаамуулагавасзна анзгасахассаа жод̣̇анаа хонд̇ийд̇и взд̣̇ид̇аб̣б̣аа.

    Aparāpi pātimokkhaṭṭhapanakkhandhake ‘‘ekaṃ, bhikkhave, adhammikaṃ pātimokkhaṭṭhapanaṃ ekaṃ dhammika’’nti ādiṃ ‘‘katvā yāva dasa adhammikāni pātimokkhaṭṭhapanāni dasa dhammikānī’’ti (cūḷava. 387) evaṃ adhammikā pañcapaññāsa dhammikā pañcapaññāsāti dasuttarasataṃ codanā vuttā. Tā diṭṭhena codentassa dasuttarasataṃ, sutena codentassa dasuttarasataṃ, parisaṅkitena codentassa dasuttarasatanti tiṃsāni tīṇi satāni honti. Tāni kāyena codentassa, vācāya codentassa, kāyavācāhi codentassāti tiguṇāni katāni navutāni nava satāni honti. Tāni attanā codentassāpi parena codāpentassāpi tattakānevāti vīsatiūnāni dve sahassāni honti, puna diṭṭhādibhede samūlakāmūlakavasena anekasahassā codanā hontīti veditabbā.

    имасмим̣ бана таанз тад̇ваа адтагат̇ааяа ‘‘ад̇д̇аад̣̇аанам̣ аад̣̇аад̇угаамзна убаали бхигкунаа бан̃жан̇г̇асаманнааг̇ад̇ам̣ ад̇д̇аад̣̇аанам̣ аад̣̇аад̇аб̣б̣а’’нд̇и (жуул̣ава. 398) жа ‘‘жод̣̇агзна убаали бхигкунаа барам̣ жод̣̇зд̇угаамзна бан̃жа д̇хаммз аж̇жхад̇д̇ам̣ бажжавзгкид̇ваа баро жод̣̇зд̇аб̣б̣о’’д̇и (жуул̣ава. 399) жа звам̣ убаалибан̃жагаад̣̇ийсу вуд̇д̇аани б̣ахууни суд̇д̇аани аахарид̇ваа ад̇д̇аад̣̇ааналагкан̣ан̃жа жод̣̇агавад̇д̇ан̃жа жуд̣̇ид̇агавад̇д̇ан̃жа сан̇гхзна гаад̇аб̣б̣агижжан̃жа анувиж̇ж̇агавад̇д̇ан̃жа саб̣б̣ам̣ вид̇т̇аарзна гат̇ид̇ам̣, д̇ам̣ маяам̣ яат̇ааааг̇ад̇адтаанзязва ван̣н̣аяиссаама.

    Imasmiṃ pana ṭhāne ṭhatvā aṭṭhakathāya ‘‘attādānaṃ ādātukāmena upāli bhikkhunā pañcaṅgasamannāgataṃ attādānaṃ ādātabba’’nti (cūḷava. 398) ca ‘‘codakena upāli bhikkhunā paraṃ codetukāmena pañca dhamme ajjhattaṃ paccavekkhitvā paro codetabbo’’ti (cūḷava. 399) ca evaṃ upālipañcakādīsu vuttāni bahūni suttāni āharitvā attādānalakkhaṇañca codakavattañca cuditakavattañca saṅghena kātabbakiccañca anuvijjakavattañca sabbaṃ vitthārena kathitaṃ, taṃ mayaṃ yathāāgataṭṭhāneyeva vaṇṇayissāma.

    вуд̇д̇аббабхзд̣̇аасу бана имаасу жод̣̇анаасу яааяа гааяажи жод̣̇анааяа васзна сан̇гхамаж̇жхз осадз вад̇т̇усмим̣ жуд̣̇ид̇агажод̣̇агаа вад̇д̇аб̣б̣аа ‘‘д̇умхз амхаагам̣ винижчаязна д̇удтаа бхависсат̇аа’’д̇и. сажз ‘‘бхависсаамаа’’д̇и вад̣̇анд̇и, сан̇гхзна д̇ам̣ ад̇хигаран̣ам̣ самбадижчид̇аб̣б̣ам̣. ат̇а бана ‘‘винижчинат̇а д̇аава, бханд̇з, сажз амхаагам̣ камиссад̇и, г̇ан̣хиссаамаа’’д̇и вад̣̇анд̇и. ‘‘жзд̇ияам̣ д̇аава ванд̣̇ат̇аа’’д̇иаад̣̇ийни вад̇ваа д̣̇ийгхасуд̇д̇ам̣ гад̇ваа виссаж̇ж̇ид̇аб̣б̣ам̣. д̇з жз жирарад̇д̇ам̣ гиланд̇аа багганд̇абарисаа убажчиннабагкаа худ̇ваа буна яаажанд̇и, яаавад̇ад̇ияам̣ бадигкибид̇ваа яад̣̇аа ниммад̣̇аа хонд̇и д̇ад̣̇аа нзсам̣ ад̇хигаран̣ам̣ винижчинид̇аб̣б̣ам̣. винижчинанд̇зхи жа сажз алаж̇ж̇уссаннаа ход̇и, барисаа уб̣б̣аахигааяа д̇ам̣ ад̇хигаран̣ам̣ винижчинид̇аб̣б̣ам̣. сажз б̣аалуссаннаа ход̇и барисаа ‘‘д̇умхаагам̣ сабхааг̇з винаяад̇харз бариязсат̇аа’’д̇и винаяад̇харз бариязсаабзд̇ваа язна д̇хаммзна язна винаязна язна сад̇т̇усаасанзна д̇ам̣ ад̇хигаран̣ам̣ вуубасамад̇и, д̇ат̇аа д̇ам̣ ад̇хигаран̣ам̣ вуубасамзд̇аб̣б̣ам̣.

    Vuttappabhedāsu pana imāsu codanāsu yāya kāyaci codanāya vasena saṅghamajjhe osaṭe vatthusmiṃ cuditakacodakā vattabbā ‘‘tumhe amhākaṃ vinicchayena tuṭṭhā bhavissathā’’ti. Sace ‘‘bhavissāmā’’ti vadanti, saṅghena taṃ adhikaraṇaṃ sampaṭicchitabbaṃ. Atha pana ‘‘vinicchinatha tāva, bhante, sace amhākaṃ khamissati, gaṇhissāmā’’ti vadanti. ‘‘Cetiyaṃ tāva vandathā’’tiādīni vatvā dīghasuttaṃ katvā vissajjitabbaṃ. Te ce cirarattaṃ kilantā pakkantaparisā upacchinnapakkhā hutvā puna yācanti, yāvatatiyaṃ paṭikkhipitvā yadā nimmadā honti tadā nesaṃ adhikaraṇaṃ vinicchinitabbaṃ. Vinicchinantehi ca sace alajjussannā hoti, parisā ubbāhikāya taṃ adhikaraṇaṃ vinicchinitabbaṃ. Sace bālussannā hoti parisā ‘‘tumhākaṃ sabhāge vinayadhare pariyesathā’’ti vinayadhare pariyesāpetvā yena dhammena yena vinayena yena satthusāsanena taṃ adhikaraṇaṃ vūpasamati, tathā taṃ adhikaraṇaṃ vūpasametabbaṃ.

    д̇ад̇т̇а жа ‘‘д̇хаммо’’д̇и бхууд̇ам̣ вад̇т̇у. ‘‘винаяо’’д̇и жод̣̇анаа сааран̣аа жа. ‘‘сад̇т̇усаасана’’нд̇и н̃ад̇д̇исамбад̣̇аа жа анусааванасамбад̣̇аа жа. д̇асмаа жод̣̇агзна вад̇т̇усмим̣ аарожид̇з жуд̣̇ид̇аго бужчид̇аб̣б̣о ‘‘санд̇амзд̇ам̣, но’’д̇и. звам̣ вад̇т̇ум̣ убабаригкид̇ваа бхууд̇зна вад̇т̇унаа жод̣̇зд̇ваа саарзд̇ваа жа н̃ад̇д̇исамбад̣̇ааяа анусааванасамбад̣̇ааяа жа д̇ам̣ ад̇хигаран̣ам̣ вуубасамзд̇аб̣б̣ам̣. д̇ад̇ра жз алаж̇ж̇ий лаж̇ж̇им̣ жод̣̇зд̇и, со жа алаж̇ж̇ий б̣аало ход̇и аб̣яад̇д̇о наасса наяо д̣̇аад̇аб̣б̣о. звам̣ бана вад̇д̇аб̣б̣о – ‘‘гимхи нам̣ жод̣̇зсий’’д̇и? ад̣̇д̇хаа со вагкад̇и – ‘‘гимид̣̇ам̣, бханд̇з, гимхи нам̣ наамаа’’д̇и. д̇вам̣ гимхи намби на ж̇аанааси, на яуд̇д̇ам̣ д̇аяаа зваруубзна б̣аалзна барам̣ жод̣̇зд̇унд̇и уяяож̇зд̇аб̣б̣о наасса ануяог̇о д̣̇аад̇аб̣б̣о. сажз бана со алаж̇ж̇ий бан̣д̣ид̇о ход̇и б̣яад̇д̇о д̣̇идтзна ваа суд̇зна ваа аж̇жход̇т̇арид̇ваа самбаад̣̇зд̇ум̣ саггод̇и зд̇асса ануяог̇ам̣ д̣̇ад̇ваа лаж̇ж̇иссзва бадин̃н̃ааяа гаммам̣ гаад̇аб̣б̣ам̣.

    Tattha ca ‘‘dhammo’’ti bhūtaṃ vatthu. ‘‘Vinayo’’ti codanā sāraṇā ca. ‘‘Satthusāsana’’nti ñattisampadā ca anusāvanasampadā ca. Tasmā codakena vatthusmiṃ ārocite cuditako pucchitabbo ‘‘santametaṃ, no’’ti. Evaṃ vatthuṃ upaparikkhitvā bhūtena vatthunā codetvā sāretvā ca ñattisampadāya anusāvanasampadāya ca taṃ adhikaraṇaṃ vūpasametabbaṃ. Tatra ce alajjī lajjiṃ codeti, so ca alajjī bālo hoti abyatto nāssa nayo dātabbo. Evaṃ pana vattabbo – ‘‘kimhi naṃ codesī’’ti? Addhā so vakkhati – ‘‘kimidaṃ, bhante, kimhi naṃ nāmā’’ti. Tvaṃ kimhi nampi na jānāsi, na yuttaṃ tayā evarūpena bālena paraṃ codetunti uyyojetabbo nāssa anuyogo dātabbo. Sace pana so alajjī paṇḍito hoti byatto diṭṭhena vā sutena vā ajjhottharitvā sampādetuṃ sakkoti etassa anuyogaṃ datvā lajjisseva paṭiññāya kammaṃ kātabbaṃ.

    сажз лаж̇ж̇ий алаж̇ж̇им̣ жод̣̇зд̇и, со жа лаж̇ж̇ий б̣аало ход̇и аб̣яад̇д̇о, на саггод̇и ануяог̇ам̣ д̣̇аад̇ум̣. д̇асса наяо д̣̇аад̇аб̣б̣о – ‘‘гимхи нам̣ жод̣̇зси сийлавибад̇д̇ияаа ваа аажааравибад̇д̇иаад̣̇ийсу ваа згиссаа’’д̇и. гасмаа бана имассзва звам̣ наяо д̣̇аад̇аб̣б̣о, на ид̇арасса? нану на яуд̇д̇ам̣ винаяад̇хараанам̣ аг̇ад̇иг̇амананд̇и? на яуд̇д̇амзва. ид̣̇ам̣ бана аг̇ад̇иг̇аманам̣ на ход̇и, д̇хаммаануг̇г̇ахо наама зсо алаж̇ж̇иниг̇г̇ахад̇т̇ааяа хи лаж̇ж̇ибаг̇г̇ахад̇т̇ааяа жа сигкаабад̣̇ам̣ бан̃н̃ад̇д̇ам̣. д̇ад̇ра алаж̇ж̇ий наяам̣ лабхид̇ваа аж̇жход̇т̇аранд̇о зхийд̇и, лаж̇ж̇ий бана наяам̣ лабхид̇ваа д̣̇идтз д̣̇идтасанд̇аанзна, суд̇з суд̇асанд̇аанзна бад̇идтааяа гат̇зссад̇и, д̇асмаа д̇асса д̇хаммаануг̇г̇ахо ваддад̇и. сажз бана со лаж̇ж̇ий бан̣д̣ид̇о ход̇и б̣яад̇д̇о, бад̇идтааяа гат̇зд̇и, алаж̇ж̇ий жа ‘‘зд̇амби над̇т̇и, зд̇амби над̇т̇ий’’д̇и бадин̃н̃ам̣ на д̣̇зд̇и, алаж̇ж̇исса бадин̃н̃ааяа зва гаад̇аб̣б̣ам̣.

    Sace lajjī alajjiṃ codeti, so ca lajjī bālo hoti abyatto, na sakkoti anuyogaṃ dātuṃ. Tassa nayo dātabbo – ‘‘kimhi naṃ codesi sīlavipattiyā vā ācāravipattiādīsu vā ekissā’’ti. Kasmā pana imasseva evaṃ nayo dātabbo, na itarassa? Nanu na yuttaṃ vinayadharānaṃ agatigamananti? Na yuttameva. Idaṃ pana agatigamanaṃ na hoti, dhammānuggaho nāma eso alajjiniggahatthāya hi lajjipaggahatthāya ca sikkhāpadaṃ paññattaṃ. Tatra alajjī nayaṃ labhitvā ajjhottharanto ehīti, lajjī pana nayaṃ labhitvā diṭṭhe diṭṭhasantānena, sute sutasantānena patiṭṭhāya kathessati, tasmā tassa dhammānuggaho vaṭṭati. Sace pana so lajjī paṇḍito hoti byatto, patiṭṭhāya katheti, alajjī ca ‘‘etampi natthi, etampi natthī’’ti paṭiññaṃ na deti, alajjissa paṭiññāya eva kātabbaṃ.

    д̇ад̣̇ад̇т̇ад̣̇ийбанад̇т̇ан̃жа ид̣̇ам̣ вад̇т̇у взд̣̇ид̇аб̣б̣ам̣. д̇збидагажуул̣аабхаяад̇т̇зро гира лохабаасаад̣̇асса хздтаа бхигкуунам̣ винаяам̣ гат̇зд̇ваа сааяанхасамаяз вудтаад̇и, д̇асса вудтаанасамаяз д̣̇вз ад̇д̇абажжад̇т̇игаа гат̇ам̣ бавад̇д̇зсум̣. зго ‘‘зд̇амби над̇т̇и, зд̇амби над̇т̇ий’’д̇и бадин̃н̃ам̣ на д̣̇зд̇и. ат̇а аббаавасзсз батамаяаамз т̇зрасса д̇асмим̣ буг̇г̇алз ‘‘аяам̣ бад̇идтааяа гат̇зд̇и, аяам̣ бана бадин̃н̃ам̣ на д̣̇зд̇и, б̣ахууни жа вад̇т̇ууни осадаани ад̣̇д̇хаа зд̇ам̣ гад̇ам̣ бхависсад̇ий’’д̇и асуд̣̇д̇халад̣̇д̇хи уббаннаа. д̇ад̇о б̣ийж̇анийд̣̇ан̣д̣агзна баад̣̇агат̇алигааяа сан̃н̃ам̣ д̣̇ад̇ваа ‘‘ахам̣ аавусо винижчинид̇ум̣ ананужчавиго ан̃н̃зна винижчинаабзхий’’д̇и ааха. гасмаа бханд̇зд̇и? т̇зро д̇амад̇т̇ам̣ аарожзси, жуд̣̇ид̇агабуг̇г̇аласса гааяз д̣аахо удтид̇о, д̇ад̇о со т̇зрам̣ ванд̣̇ид̇ваа ‘‘бханд̇з, винижчинид̇ум̣ ануруубзна винаяад̇харзна наама д̇умхаад̣̇исзнзва бхавид̇ум̣ ваддад̇и. жод̣̇агзна жа ийд̣̇исзнзва бхавид̇ум̣ ваддад̇ий’’д̇и вад̇ваа сзд̇агаани ниваасзд̇ваа ‘‘жирам̣ гиламид̇ад̇т̇а маяаа’’д̇и камаабзд̇ваа баггаами.

    Tadatthadīpanatthañca idaṃ vatthu veditabbaṃ. Tepiṭakacūḷābhayatthero kira lohapāsādassa heṭṭhā bhikkhūnaṃ vinayaṃ kathetvā sāyanhasamaye vuṭṭhāti, tassa vuṭṭhānasamaye dve attapaccatthikā kathaṃ pavattesuṃ. Eko ‘‘etampi natthi, etampi natthī’’ti paṭiññaṃ na deti. Atha appāvasese paṭhamayāme therassa tasmiṃ puggale ‘‘ayaṃ patiṭṭhāya katheti, ayaṃ pana paṭiññaṃ na deti, bahūni ca vatthūni osaṭāni addhā etaṃ kataṃ bhavissatī’’ti asuddhaladdhi uppannā. Tato bījanīdaṇḍakena pādakathalikāya saññaṃ datvā ‘‘ahaṃ āvuso vinicchinituṃ ananucchaviko aññena vinicchināpehī’’ti āha. Kasmā bhanteti? Thero tamatthaṃ ārocesi, cuditakapuggalassa kāye ḍāho uṭṭhito, tato so theraṃ vanditvā ‘‘bhante, vinicchinituṃ anurūpena vinayadharena nāma tumhādiseneva bhavituṃ vaṭṭati. Codakena ca īdiseneva bhavituṃ vaṭṭatī’’ti vatvā setakāni nivāsetvā ‘‘ciraṃ kilamitattha mayā’’ti khamāpetvā pakkāmi.

    звам̣ лаж̇ж̇инаа жод̣̇ияамаано алаж̇ж̇ий б̣ахуусуби вад̇т̇уусу уббаннзсу бадин̃н̃ам̣ на д̣̇зд̇и, со нзва ‘‘суд̣̇д̇хо’’д̇и вад̇д̇аб̣б̣о на ‘‘асуд̣̇д̇хо’’д̇и. ж̇ийвамад̇аго наама аамагабууд̇иго наама жзса.

    Evaṃ lajjinā codiyamāno alajjī bahūsupi vatthūsu uppannesu paṭiññaṃ na deti, so neva ‘‘suddho’’ti vattabbo na ‘‘asuddho’’ti. Jīvamatako nāma āmakapūtiko nāma cesa.

    сажз банасса ан̃н̃амби д̇аад̣̇исам̣ вад̇т̇ум̣ уббаж̇ж̇ад̇и на винижчинид̇аб̣б̣ам̣ . д̇ат̇аа наасид̇агова бхависсад̇и. сажз бана алаж̇ж̇ийязва алаж̇ж̇им̣ жод̣̇зд̇и, со вад̇д̇аб̣б̣о ‘‘аавусо д̇ава важанзнааяам̣ гим̣ саггаа вад̇д̇у’’нд̇и ид̇арамби д̇ат̇зва вад̇ваа убхоби ‘‘згасамбхог̇абарибхог̇аа худ̇ваа ж̇ийват̇аа’’д̇и вад̇ваа уяяож̇зд̇аб̣б̣аа, сийлад̇т̇ааяа д̇зсам̣ винижчаяо на гаад̇аб̣б̣о. бад̇д̇ажийварабаривзн̣аад̣̇иад̇т̇ааяа бана бад̇ируубам̣ сагким̣ лабхид̇ваа гаад̇аб̣б̣о.

    Sace panassa aññampi tādisaṃ vatthuṃ uppajjati na vinicchinitabbaṃ . Tathā nāsitakova bhavissati. Sace pana alajjīyeva alajjiṃ codeti, so vattabbo ‘‘āvuso tava vacanenāyaṃ kiṃ sakkā vattu’’nti itarampi tatheva vatvā ubhopi ‘‘ekasambhogaparibhogā hutvā jīvathā’’ti vatvā uyyojetabbā, sīlatthāya tesaṃ vinicchayo na kātabbo. Pattacīvarapariveṇādiatthāya pana patirūpaṃ sakkhiṃ labhitvā kātabbo.

    ат̇а лаж̇ж̇ий лаж̇ж̇им̣ жод̣̇зд̇и, виваад̣̇о жа нзсам̣ гисмин̃жид̣̇зва аббамад̇д̇аго ход̇и, сан̃н̃аабзд̇ваа ‘‘маа звам̣ гарот̇аа’’д̇и ажжаяам̣ д̣̇зсаабзд̇ваа уяяож̇зд̇аб̣б̣аа. ат̇а банзд̇т̇а жуд̣̇ид̇агзна сахасаа вирад̣̇д̇хам̣ ход̇и, аад̣̇ид̇о бадтааяа алаж̇ж̇ий наама над̇т̇и. со жа багкаанурагкан̣ад̇т̇ааяа бадин̃н̃ам̣ на д̣̇зд̇и, ‘‘маяам̣ сад̣̇д̣̇ахаама, маяам̣ сад̣̇д̣̇ахаамаа’’д̇и б̣ахуу удтаханд̇и. со д̇зсам̣ бадин̃н̃ааяа згаваарам̣ д̣̇взваарам̣ суд̣̇д̇хо ход̇у. ат̇а бана вирад̣̇д̇хагаалад̇о бадтааяа таанз на д̇идтад̇и, винижчаяо на д̣̇аад̇аб̣б̣о.

    Atha lajjī lajjiṃ codeti, vivādo ca nesaṃ kismiñcideva appamattako hoti, saññāpetvā ‘‘mā evaṃ karothā’’ti accayaṃ desāpetvā uyyojetabbā. Atha panettha cuditakena sahasā viraddhaṃ hoti, ādito paṭṭhāya alajjī nāma natthi. So ca pakkhānurakkhaṇatthāya paṭiññaṃ na deti, ‘‘mayaṃ saddahāma, mayaṃ saddahāmā’’ti bahū uṭṭhahanti. So tesaṃ paṭiññāya ekavāraṃ dvevāraṃ suddho hotu. Atha pana viraddhakālato paṭṭhāya ṭhāne na tiṭṭhati, vinicchayo na dātabbo.

    звам̣ яааяа гааяажи жод̣̇анааяа васзна сан̇гхамаж̇жхз осадз вад̇т̇усмим̣ жуд̣̇ид̇агажод̣̇агзсу бадибад̇д̇им̣ н̃ад̇ваа д̇ассааязва жод̣̇анааяа самбад̇д̇ивибад̇д̇иж̇аананад̇т̇ам̣ аад̣̇имаж̇жхабарияосаанаад̣̇ийнам̣ васзна винижчаяо взд̣̇ид̇аб̣б̣о. сзяяат̇ид̣̇ам̣ жод̣̇анааяа го аад̣̇и, гим̣ маж̇жхз, гим̣ барияосаанам̣? жод̣̇анааяа ‘‘ахам̣ д̇ам̣ вад̇д̇угаамо, гарод̇у мз ааяасмаа огааса’’нд̇и звам̣ огаасагаммам̣ аад̣̇и, од̇ин̣н̣зна вад̇т̇унаа жод̣̇зд̇ваа саарзд̇ваа винижчаяо маж̇жхз, аабад̇д̇ияам̣ ваа анаабад̇д̇ияам̣ ваа бад̇идтаабанзна самат̇о барияосаанам̣.

    Evaṃ yāya kāyaci codanāya vasena saṅghamajjhe osaṭe vatthusmiṃ cuditakacodakesu paṭipattiṃ ñatvā tassāyeva codanāya sampattivipattijānanatthaṃ ādimajjhapariyosānādīnaṃ vasena vinicchayo veditabbo. Seyyathidaṃ codanāya ko ādi, kiṃ majjhe, kiṃ pariyosānaṃ? Codanāya ‘‘ahaṃ taṃ vattukāmo, karotu me āyasmā okāsa’’nti evaṃ okāsakammaṃ ādi, otiṇṇena vatthunā codetvā sāretvā vinicchayo majjhe, āpattiyaṃ vā anāpattiyaṃ vā patiṭṭhāpanena samatho pariyosānaṃ.

    жод̣̇анааяа гад̇и муулаани, гад̇и вад̇т̇ууни, гад̇и бхуумияо? жод̣̇анааяа д̣̇вз муулаани – самуулигаа ваа амуулигаа ваа; д̇ийн̣и вад̇т̇ууни – д̣̇идтам̣, суд̇ам̣, барисан̇гид̇ам̣; бан̃жа бхуумияо – гаалзна вагкаами но агаалзна, бхууд̇зна вагкаами но абхууд̇зна, сан̣хзна вагкаами но парусзна, ад̇т̇асам̣хид̇зна вагкаами но анад̇т̇асам̣хид̇зна, мзд̇д̇ажид̇д̇о вагкаами но д̣̇осанд̇арод̇и. имааяа жа бана жод̣̇анааяа жод̣̇агзна буг̇г̇алзна ‘‘барисуд̣̇д̇хагааяасамаажааро ну комхий’’д̇иаад̣̇инаа (жуул̣ава. 399) наязна убаалибан̃жагз вуд̇д̇зсу баннарасасу д̇хаммзсу бад̇идтаад̇аб̣б̣ам̣, жуд̣̇ид̇агзна д̣̇вийсу д̇хаммзсу бад̇идтаад̇аб̣б̣ам̣ сажжз жа агуббз жаад̇и.

    Codanāya kati mūlāni, kati vatthūni, kati bhūmiyo? Codanāya dve mūlāni – samūlikā vā amūlikā vā; tīṇi vatthūni – diṭṭhaṃ, sutaṃ, parisaṅkitaṃ; pañca bhūmiyo – kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaṃhitena vakkhāmi no anatthasaṃhitena, mettacitto vakkhāmi no dosantaroti. Imāya ca pana codanāya codakena puggalena ‘‘parisuddhakāyasamācāro nu khomhī’’tiādinā (cūḷava. 399) nayena upālipañcake vuttesu pannarasasu dhammesu patiṭṭhātabbaṃ, cuditakena dvīsu dhammesu patiṭṭhātabbaṃ sacce ca akuppe cāti.

    аббзва наама нам̣ имамхаа б̣рахмажарияаа жаавзяяанд̇и аби зва наама нам̣ буг̇г̇алам̣ имамхаа сздтажарияаа жаавзяяам̣, ‘‘саад̇ху вад̇асса сажаахам̣ имам̣ буг̇г̇алам̣ имамхаа б̣рахмажарияаа жаавзяяа’’нд̇и иминаа ад̇хиббааязна ануд̣̇д̇хам̣сзяяаад̇и вуд̇д̇ам̣ход̇и. бад̣̇абхааж̇анз бана ‘‘б̣рахмажарияаа жаавзяяа’’нд̇и имассзва барияааяамад̇т̇ам̣ д̣̇ассзд̇ум̣ ‘‘бхигкубхааваа жаавзяяа’’нд̇иаад̣̇и вуд̇д̇ам̣.

    Appevanāma naṃ imamhā brahmacariyā cāveyyanti api eva nāma naṃ puggalaṃ imamhā seṭṭhacariyā cāveyyaṃ, ‘‘sādhu vatassa sacāhaṃ imaṃ puggalaṃ imamhā brahmacariyā cāveyya’’nti iminā adhippāyena anuddhaṃseyyāti vuttaṃhoti. Padabhājane pana ‘‘brahmacariyā cāveyya’’nti imasseva pariyāyamatthaṃ dassetuṃ ‘‘bhikkhubhāvā cāveyya’’ntiādi vuttaṃ.

    кан̣аад̣̇ийни самаяавзважанаани. д̇ам̣ кан̣ам̣ д̇ам̣ лаяам̣ д̇ам̣ мухуд̇д̇ам̣ вийд̇ивад̇д̇зд̇и д̇асмим̣ кан̣з д̇асмим̣ лаяз д̇асмим̣ мухуд̇д̇з вийд̇ивад̇д̇з. бхуммаббад̇д̇ияаа хи ид̣̇ам̣ убаяог̇аважанам̣.

    Khaṇādīni samayavevacanāni. Taṃ khaṇaṃ taṃ layaṃ taṃ muhuttaṃ vītivatteti tasmiṃ khaṇe tasmiṃ laye tasmiṃ muhutte vītivatte. Bhummappattiyā hi idaṃ upayogavacanaṃ.

    самануг̇г̇аахияамаананид̣̇д̣̇зсз язна вад̇т̇унаа ануд̣̇д̇хам̣сид̇о ход̇ийд̇и жад̇уусу баарааж̇игавад̇т̇уусу язна вад̇т̇унаа жод̣̇агзна жуд̣̇ид̇аго ануд̣̇д̇хам̣сид̇о абхибхууд̇о аж̇жход̇т̇адо ход̇и. д̇асмим̣ вад̇т̇усмим̣ самануг̇г̇аахияамаанод̇и д̇асмим̣ жод̣̇агзна вуд̇д̇авад̇т̇усмим̣ со жод̣̇аго анувиж̇ж̇агзна ‘‘гим̣ д̇з д̣̇идтам̣, гинд̇и д̇з д̣̇идта’’нд̇иаад̣̇инаа наязна анувиж̇ж̇ияамаано виймам̣сияамаано убабаригкияамаано.

    Samanuggāhiyamānaniddese yena vatthunā anuddhaṃsito hotīti catūsu pārājikavatthūsu yena vatthunā codakena cuditako anuddhaṃsito abhibhūto ajjhotthaṭo hoti. Tasmiṃ vatthusmiṃ samanuggāhiyamānoti tasmiṃ codakena vuttavatthusmiṃ so codako anuvijjakena ‘‘kiṃ te diṭṭhaṃ, kinti te diṭṭha’’ntiādinā nayena anuvijjiyamāno vīmaṃsiyamāno upaparikkhiyamāno.

    асамануг̇г̇аахияамаананид̣̇д̣̇зсз на гзнажи вужжамаанод̇и анувиж̇ж̇агзна ваа ан̃н̃зна ваа гзнажи, ат̇а ваа д̣̇идтаад̣̇ийсу вад̇т̇уусу гзнажи авужжамаано. зд̇зсан̃жа д̣̇виннам̣ маад̇игаабад̣̇аанам̣ барад̇о ‘‘бхигку жа д̣̇осам̣ бад̇идтаад̇ий’’д̇ииминаа самб̣анд̇хо взд̣̇ид̇аб̣б̣о. ид̣̇ан̃хи вуд̇д̇ам̣ ход̇и – ‘‘звам̣ самануг̇г̇аахияамаано ваа асамануг̇г̇аахияамаано ваа бхигку жа д̣̇осам̣ бад̇идтаад̇и бадижжа д̇идтад̇и бадиж̇аанаад̇и сан̇гхаад̣̇исзсо’’д̇и. ид̣̇ан̃жа амуулагабхаавасса баагадагаалад̣̇ассанад̇т̇амзва вуд̇д̇ам̣. аабад̇д̇им̣ бана ануд̣̇д̇хам̣сид̇агкан̣зязва аабаж̇ж̇ад̇и.

    Asamanuggāhiyamānaniddese na kenaci vuccamānoti anuvijjakena vā aññena vā kenaci, atha vā diṭṭhādīsu vatthūsu kenaci avuccamāno. Etesañca dvinnaṃ mātikāpadānaṃ parato ‘‘bhikkhu ca dosaṃ patiṭṭhātī’’tiiminā sambandho veditabbo. Idañhi vuttaṃ hoti – ‘‘evaṃ samanuggāhiyamāno vā asamanuggāhiyamāno vā bhikkhu ca dosaṃ patiṭṭhāti paṭicca tiṭṭhati paṭijānāti saṅghādiseso’’ti. Idañca amūlakabhāvassa pākaṭakāladassanatthameva vuttaṃ. Āpattiṃ pana anuddhaṃsitakkhaṇeyeva āpajjati.

    ид̣̇аани ‘‘амуулаган̃жзва д̇ам̣ ад̇хигаран̣ам̣ ход̇ий’’д̇и зд̇т̇а яасмаа амуулагалагкан̣ам̣ буб̣б̣з вуд̇д̇ам̣, д̇асмаа д̇ам̣ авад̇ваа абуб̣б̣амзва д̣̇ассзд̇ум̣ ‘‘ад̇хигаран̣ам̣ наамаа’’д̇иаад̣̇имааха. д̇ад̇т̇а яасмаа ад̇хигаран̣ам̣ ад̇хигаран̣адтзна згамби вад̇т̇увасзна наанаа ход̇и, д̇знасса д̇ам̣ наанад̇д̇ам̣ д̣̇ассзд̇ум̣ ‘‘жад̇д̇аари ад̇хигаран̣аани виваад̣̇аад̇хигаран̣а’’нд̇иаад̣̇имааха. го бана со ад̇хигаран̣адто, язнзд̇ам̣ згам̣ ход̇ийд̇и? самат̇зхи ад̇хигаран̣ийяад̇аа. д̇асмаа яам̣ ад̇хигижжа аараб̣бха бадижжа санд̇хааяа самат̇аа вад̇д̇анд̇и, д̇ам̣ ‘‘ад̇хигаран̣а’’нд̇и взд̣̇ид̇аб̣б̣ам̣.

    Idāni ‘‘amūlakañceva taṃ adhikaraṇaṃ hotī’’ti ettha yasmā amūlakalakkhaṇaṃ pubbe vuttaṃ, tasmā taṃ avatvā apubbameva dassetuṃ ‘‘adhikaraṇaṃ nāmā’’tiādimāha. Tattha yasmā adhikaraṇaṃ adhikaraṇaṭṭhena ekampi vatthuvasena nānā hoti, tenassa taṃ nānattaṃ dassetuṃ ‘‘cattāri adhikaraṇāni vivādādhikaraṇa’’ntiādimāha. Ko pana so adhikaraṇaṭṭho, yenetaṃ ekaṃ hotīti? Samathehi adhikaraṇīyatā. Tasmā yaṃ adhikicca ārabbha paṭicca sandhāya samathā vattanti, taṃ ‘‘adhikaraṇa’’nti veditabbaṃ.

    адтагат̇аасу бана вуд̇д̇ам̣ – ‘‘ад̇хигаран̣анд̇и гзжи г̇аахам̣ вад̣̇анд̇и, гзжи жзд̇анам̣, гзжи агканд̇им̣ гзжи вохаарам̣, гзжи бан̣н̣ад̇д̇и’’нд̇и. буна звам̣ вижаарид̇ам̣ ‘‘яад̣̇и г̇аахо ад̇хигаран̣ам̣ наама, зго ад̇д̇аад̣̇аанам̣ г̇ахзд̇ваа сабхааг̇зна бхигкунаа сад̣̇д̇хим̣ манд̇аяамаано д̇ад̇т̇а аад̣̇ийнавам̣ д̣̇исваа буна жаж̇ад̇и, д̇асса д̇ам̣ ад̇хигаран̣ам̣ самат̇аббад̇д̇ам̣ бхависсад̇и. яад̣̇и жзд̇анаа ад̇хигаран̣ам̣, ‘‘ид̣̇ам̣ ад̇д̇аад̣̇аанам̣ г̇ан̣хаамий’’д̇и уббаннаа жзд̇анаа нируж̇жхад̇и. яад̣̇и агканд̇и ад̇хигаран̣ам̣, агканд̇ияаа ад̇д̇аад̣̇аанам̣ г̇ахзд̇вааби абарабхааг̇з винижчаяам̣ алабхамаано ваа камаабид̇о ваа жаж̇ад̇и. яад̣̇и вохааро ад̇хигаран̣ам̣, гат̇знд̇о аахин̣д̣ид̇ваа абарабхааг̇з д̇ун̣хий ход̇и нираво, звамасса д̇ам̣ ад̇хигаран̣ам̣ самат̇аббад̇д̇ам̣ бхависсад̇и, д̇асмаа бан̣н̣ад̇д̇и ад̇хигаран̣анд̇и.

    Aṭṭhakathāsu pana vuttaṃ – ‘‘adhikaraṇanti keci gāhaṃ vadanti, keci cetanaṃ, keci akkhantiṃ keci vohāraṃ, keci paṇṇatti’’nti. Puna evaṃ vicāritaṃ ‘‘yadi gāho adhikaraṇaṃ nāma, eko attādānaṃ gahetvā sabhāgena bhikkhunā saddhiṃ mantayamāno tattha ādīnavaṃ disvā puna cajati, tassa taṃ adhikaraṇaṃ samathappattaṃ bhavissati. Yadi cetanā adhikaraṇaṃ, ‘‘idaṃ attādānaṃ gaṇhāmī’’ti uppannā cetanā nirujjhati. Yadi akkhanti adhikaraṇaṃ, akkhantiyā attādānaṃ gahetvāpi aparabhāge vinicchayaṃ alabhamāno vā khamāpito vā cajati. Yadi vohāro adhikaraṇaṃ, kathento āhiṇḍitvā aparabhāge tuṇhī hoti niravo, evamassa taṃ adhikaraṇaṃ samathappattaṃ bhavissati, tasmā paṇṇatti adhikaraṇanti.

    д̇ам̣ банзд̇ам̣ ‘‘мзт̇унад̇хаммабаарааж̇игаабад̇д̇и мзт̇унад̇хаммабаарааж̇игаабад̇д̇ияаа д̇аб̣бхааг̇ияаа…бз… звам̣ аабад̇д̇аад̇хигаран̣ам̣ аабад̇д̇аад̇хигаран̣асса д̇аб̣бхааг̇ияанд̇и жа виваад̣̇аад̇хигаран̣ам̣ сияаа гусалам̣ сияаа агусалам̣ сияаа аб̣яаагад̇а’’нд̇и жа звамаад̣̇ийхи вируж̇жхад̇и. на хи д̇з бан̣н̣ад̇д̇ияаа гусалаад̣̇ибхаавам̣ ижчанд̇и, на жа ‘‘амуулагзна баарааж̇игзна д̇хаммзнаа’’д̇и зд̇т̇а ааг̇ад̇о баарааж̇игад̇хаммо бан̣н̣ад̇д̇и наама ход̇и. гасмаа? ажжанд̇аагусалад̇д̇аа. вуд̇д̇амби хзд̇ам̣ – ‘‘аабад̇д̇аад̇хигаран̣ам̣ сияаа агусалам̣ сияаа аб̣яаагад̇а’’нд̇и (бари. 303).

    Taṃ panetaṃ ‘‘methunadhammapārājikāpatti methunadhammapārājikāpattiyā tabbhāgiyā…pe… evaṃ āpattādhikaraṇaṃ āpattādhikaraṇassa tabbhāgiyanti ca vivādādhikaraṇaṃ siyā kusalaṃ siyā akusalaṃ siyā abyākata’’nti ca evamādīhi virujjhati. Na hi te paṇṇattiyā kusalādibhāvaṃ icchanti, na ca ‘‘amūlakena pārājikena dhammenā’’ti ettha āgato pārājikadhammo paṇṇatti nāma hoti. Kasmā? Accantaakusalattā. Vuttampi hetaṃ – ‘‘āpattādhikaraṇaṃ siyā akusalaṃ siyā abyākata’’nti (pari. 303).

    яан̃жзд̇ам̣ ‘‘амуулагзна баарааж̇игзнаа’’д̇и зд̇т̇а амуулагам̣ баарааж̇игам̣ нид̣̇д̣̇идтам̣, д̇ассзвааяам̣ ‘‘амуулаган̃жзва д̇ам̣ ад̇хигаран̣ам̣ ход̇ий’’д̇и бадинид̣̇д̣̇зсо, на бан̣н̣ад̇д̇ияаа на хи ан̃н̃ам̣ нид̣̇д̣̇исид̇ваа ан̃н̃ам̣ бадинид̣̇д̣̇исад̇и. яасмаа бана яааяа бан̣н̣ад̇д̇ияаа язна абхилаабзна жод̣̇агзна со буг̇г̇ало баарааж̇игам̣ д̇хаммам̣ аж̇жхаабаннод̇и бан̃н̃ад̇д̇о, баарааж̇игасан̇каад̇асса ад̇хигаран̣асса амуулагад̇д̇аа сааби бан̃н̃ад̇д̇и амуулигаа ход̇и, ад̇хигаран̣з бавад̇д̇ад̇д̇аа жа ад̇хигаран̣ам̣. д̇асмаа иминаа барияааязна бан̣н̣ад̇д̇и ‘‘ад̇хигаран̣а’’нд̇и яуж̇ж̇зяяа, яасмаа ваа яам̣ амуулагам̣ наама ад̇хигаран̣ам̣ д̇ам̣ сабхаавад̇о над̇т̇и, бан̃н̃ад̇д̇имад̇д̇амзва ад̇т̇и. д̇асмааби бан̣н̣ад̇д̇и ад̇хигаран̣анд̇и яуж̇ж̇зяяа. д̇ан̃жа ко ид̇хзва на саб̣б̣ад̇т̇а. на хи виваад̣̇аад̣̇ийнам̣ бан̣н̣ад̇д̇и ад̇хигаран̣ам̣. ад̇хигаран̣адто бана д̇зсам̣ буб̣б̣з вуд̇д̇асамат̇зхи ад̇хигаран̣ийяад̇аа. ид̇и иминаа ад̇хигаран̣адтзна ид̇хзгажжо виваад̣̇о виваад̣̇о жзва ад̇хигаран̣ан̃жаад̇и виваад̣̇аад̇хигаран̣ам̣. зса наяо сзсзсу .

    Yañcetaṃ ‘‘amūlakena pārājikenā’’ti ettha amūlakaṃ pārājikaṃ niddiṭṭhaṃ, tassevāyaṃ ‘‘amūlakañceva taṃ adhikaraṇaṃ hotī’’ti paṭiniddeso, na paṇṇattiyā na hi aññaṃ niddisitvā aññaṃ paṭiniddisati. Yasmā pana yāya paṇṇattiyā yena abhilāpena codakena so puggalo pārājikaṃ dhammaṃ ajjhāpannoti paññatto, pārājikasaṅkhātassa adhikaraṇassa amūlakattā sāpi paññatti amūlikā hoti, adhikaraṇe pavattattā ca adhikaraṇaṃ. Tasmā iminā pariyāyena paṇṇatti ‘‘adhikaraṇa’’nti yujjeyya, yasmā vā yaṃ amūlakaṃ nāma adhikaraṇaṃ taṃ sabhāvato natthi, paññattimattameva atthi. Tasmāpi paṇṇatti adhikaraṇanti yujjeyya. Tañca kho idheva na sabbattha. Na hi vivādādīnaṃ paṇṇatti adhikaraṇaṃ. Adhikaraṇaṭṭho pana tesaṃ pubbe vuttasamathehi adhikaraṇīyatā. Iti iminā adhikaraṇaṭṭhena idhekacco vivādo vivādo ceva adhikaraṇañcāti vivādādhikaraṇaṃ. Esa nayo sesesu .

    д̇ад̇т̇а ‘‘ид̇ха бхигкуу вивад̣̇анд̇и д̇хаммод̇и ваа ад̇хаммод̇и ваа’’д̇и звам̣ адтаараса бхзд̣̇агаравад̇т̇ууни ниссааяа уббанно виваад̣̇о виваад̣̇аад̇хигаран̣ам̣. ‘‘ид̇ха бхигкуу бхигкум̣ анувад̣̇анд̇и сийлавибад̇д̇ияаа ваа’’д̇и звам̣ жад̇ассо вибад̇д̇ияо ниссааяа уббанно ануваад̣̇о ануваад̣̇аад̇хигаран̣ам̣. ‘‘бан̃жаби аабад̇д̇игканд̇хаа аабад̇д̇аад̇хигаран̣ам̣, сад̇д̇аби аабад̇д̇игканд̇хаа аабад̇д̇аад̇хигаран̣а’’нд̇и звам̣ аабад̇д̇иязва аабад̇д̇аад̇хигаран̣ам̣. ‘‘яаа сан̇гхасса гижжаяад̇аа гаран̣ийяад̇аа абалоганагаммам̣ н̃ад̇д̇игаммам̣ н̃ад̇д̇ид̣̇уд̇ияагаммам̣ н̃ад̇д̇ижад̇уд̇т̇агамма’’нд̇и (жуул̣ава. 215) звам̣ жад̇уб̣б̣ид̇хам̣ сан̇гхагижжам̣ гижжаад̇хигаран̣анд̇и взд̣̇ид̇аб̣б̣ам̣.

    Tattha ‘‘idha bhikkhū vivadanti dhammoti vā adhammoti vā’’ti evaṃ aṭṭhārasa bhedakaravatthūni nissāya uppanno vivādo vivādādhikaraṇaṃ. ‘‘Idha bhikkhū bhikkhuṃ anuvadanti sīlavipattiyā vā’’ti evaṃ catasso vipattiyo nissāya uppanno anuvādo anuvādādhikaraṇaṃ. ‘‘Pañcapi āpattikkhandhā āpattādhikaraṇaṃ, sattapi āpattikkhandhā āpattādhikaraṇa’’nti evaṃ āpattiyeva āpattādhikaraṇaṃ. ‘‘Yā saṅghassa kiccayatā karaṇīyatā apalokanakammaṃ ñattikammaṃ ñattidutiyakammaṃ ñatticatutthakamma’’nti (cūḷava. 215) evaṃ catubbidhaṃ saṅghakiccaṃ kiccādhikaraṇanti veditabbaṃ.

    имасмим̣ банад̇т̇з баарааж̇игаабад̇д̇исан̇каад̇ам̣ аабад̇д̇аад̇хигаран̣амзва ад̇хиббзд̇ам̣. сзсаани ад̇т̇уд̣̇д̇хааравасзна вуд̇д̇аани, зд̇д̇агаа хи ад̇хигаран̣асад̣̇д̣̇асса ад̇т̇аа. д̇зсу баарааж̇игамзва ид̇ха ад̇хиббзд̇ам̣. д̇ам̣ д̣̇идтаад̣̇ийхи муулзхи амуулаган̃жзва ад̇хигаран̣ам̣ ход̇и. аяан̃жа бхигку д̣̇осам̣ бад̇идтаад̇и, бадижжа д̇идтад̇и ‘‘д̇ужчагам̣ маяаа бхан̣ид̇а’’нд̇иаад̣̇ийни вад̣̇анд̇о бадиж̇аанаад̇и. д̇асса бхигкуно ануд̣̇д̇хам̣сид̇агкан̣зязва сан̇гхаад̣̇исзсод̇и аяам̣ д̇аавасса сабад̣̇аануггаманид̣̇д̣̇зсасса сигкаабад̣̇асса ад̇т̇о.

    Imasmiṃ panatthe pārājikāpattisaṅkhātaṃ āpattādhikaraṇameva adhippetaṃ. Sesāni atthuddhāravasena vuttāni, ettakā hi adhikaraṇasaddassa atthā. Tesu pārājikameva idha adhippetaṃ. Taṃ diṭṭhādīhi mūlehi amūlakañceva adhikaraṇaṃ hoti. Ayañca bhikkhu dosaṃ patiṭṭhāti, paṭicca tiṭṭhati ‘‘tucchakaṃ mayā bhaṇita’’ntiādīni vadanto paṭijānāti. Tassa bhikkhuno anuddhaṃsitakkhaṇeyeva saṅghādisesoti ayaṃ tāvassa sapadānukkamaniddesassa sikkhāpadassa attho.

    387. ид̣̇аани яаани д̇аани сан̇кзбад̇о д̣̇идтаад̣̇ийни жод̣̇анаавад̇т̇ууни вуд̇д̇аани, д̇зсам̣ васзна вид̇т̇аарад̇о аабад̇д̇им̣ робзд̇ваа д̣̇ассзнд̇о ‘‘ад̣̇идтасса ход̇ий’’д̇иаад̣̇имааха. д̇ад̇т̇а ад̣̇идтасса ход̇ийд̇и ад̣̇идто асса ход̇и. зд̇зна жод̣̇агзна ад̣̇идто ход̇и, со буг̇г̇ало баарааж̇игам̣ д̇хаммам̣ аж̇жхаабаж̇ж̇анд̇од̇и ад̇т̇о. зса наяо асуд̇асса ход̇ийд̇иаад̣̇ийсуби.

    387. Idāni yāni tāni saṅkhepato diṭṭhādīni codanāvatthūni vuttāni, tesaṃ vasena vitthārato āpattiṃ ropetvā dassento ‘‘adiṭṭhassa hotī’’tiādimāha. Tattha adiṭṭhassa hotīti adiṭṭho assa hoti. Etena codakena adiṭṭho hoti, so puggalo pārājikaṃ dhammaṃ ajjhāpajjantoti attho. Esa nayo asutassa hotītiādīsupi.

    д̣̇идто маяаад̇и д̣̇идтоси маяаад̇и вуд̇д̇ам̣ ход̇и. зса наяо суд̇о маяаад̇иаад̣̇ийсуби. сзсам̣ ад̣̇идтамуулагз уд̇д̇аанад̇т̇амзва. д̣̇идтамуулагз бана д̇ан̃жз жод̣̇зд̇и ‘‘суд̇о маяаа’’д̇и звам̣ вуд̇д̇аанам̣ суд̇д̇аад̣̇ийнам̣ аабхаавзна амуулагад̇д̇ам̣ взд̣̇ид̇аб̣б̣ам̣.

    Diṭṭho mayāti diṭṭhosi mayāti vuttaṃ hoti. Esa nayo suto mayātiādīsupi. Sesaṃ adiṭṭhamūlake uttānatthameva. Diṭṭhamūlake pana tañce codeti ‘‘suto mayā’’ti evaṃ vuttānaṃ suttādīnaṃ ābhāvena amūlakattaṃ veditabbaṃ.

    саб̣б̣асмим̣язва жа имасмим̣ жод̣̇агаваарз яат̇аа ид̇хааг̇ад̇зсу ‘‘баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияосий’’д̇и имзсу важанзсу згзгасса васзна ваажааяа ваажааяа сан̇гхаад̣̇исзсо ход̇и, звам̣ ан̃н̃ад̇ра ааг̇ад̇зсу ‘‘д̣̇уссийло, баабад̇хаммо, асужисан̇гассарасамаажааро, бадижчаннагамманд̇о , ассаман̣о саман̣абадин̃н̃о, аб̣рахмажаарий б̣рахмажаарибадин̃н̃о, анд̇обууд̇и, авассуд̇о, гасамб̣уж̇аад̇о’’д̇и имзсуби важанзсу згзгасса васзна ваажааяа ваажааяа сан̇гхаад̣̇исзсо ход̇иязва.

    Sabbasmiṃyeva ca imasmiṃ codakavāre yathā idhāgatesu ‘‘pārājikaṃ dhammaṃ ajjhāpannosi, assamaṇosi, asakyaputtiyosī’’ti imesu vacanesu ekekassa vasena vācāya vācāya saṅghādiseso hoti, evaṃ aññatra āgatesu ‘‘dussīlo, pāpadhammo, asucisaṅkassarasamācāro, paṭicchannakammanto , assamaṇo samaṇapaṭiñño, abrahmacārī brahmacāripaṭiñño, antopūti, avassuto, kasambujāto’’ti imesupi vacanesu ekekassa vasena vācāya vācāya saṅghādiseso hotiyeva.

    ‘‘над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и имаани бана суд̣̇д̇хаани сийсам̣ на знд̇и, ‘‘д̣̇уссийлоси над̇т̇и д̇аяаа сад̣̇д̇хим̣ убосат̇о ваа’’д̇и звам̣ д̣̇уссийлаад̣̇ибад̣̇зсу бана ‘‘баарааж̇игам̣ д̇хаммам̣ аж̇жхаабанносий’’д̇иаад̣̇ибад̣̇зсу ваа язна гзнажи сад̣̇д̇хим̣ гхадид̇аанзва сийсам̣ знд̇и, сан̇гхаад̣̇исзсагараани хонд̇и.

    ‘‘Natthi tayā saddhiṃ uposatho vā pavāraṇā vā saṅghakammaṃ vā’’ti imāni pana suddhāni sīsaṃ na enti, ‘‘dussīlosi natthi tayā saddhiṃ uposatho vā’’ti evaṃ dussīlādipadesu pana ‘‘pārājikaṃ dhammaṃ ajjhāpannosī’’tiādipadesu vā yena kenaci saddhiṃ ghaṭitāneva sīsaṃ enti, saṅghādisesakarāni honti.

    махаабад̣̇умад̇т̇зро банааха – ‘‘на гзвалам̣ ид̇ха баал̣ияам̣ анааг̇ад̇аани ‘д̣̇уссийло баабад̇хаммо’д̇иаад̣̇ибад̣̇аанзва сийсам̣ знд̇и, ‘гон̣тоси махаасааман̣зроси, махааубаасагоси, ж̇здтаб̣б̣ад̇игоси, ниг̇ан̣тоси, ааж̇ийвагоси, д̇аабасоси, бариб̣б̣ааж̇агоси, бан̣д̣агоси, т̇зяяасам̣ваасагоси, д̇ид̇т̇ияабагганд̇агоси, д̇иражчаанаг̇ад̇оси, маад̇угхаад̇агоси, бид̇угхаад̇агоси, араханд̇агхаад̇агоси, сан̇гхабхзд̣̇агоси, лохид̇уббаад̣̇агоси, бхигкунийд̣̇уусагоси, убхад̇об̣яан̃ж̇анагаосий’д̇и имааниби сийсам̣ знд̇иязваа’’д̇и. махаабад̣̇умад̇т̇зроязва жа ‘‘д̣̇идтз взмад̇игод̇иаад̣̇ийсу яад̣̇аг̇г̇зна взмад̇иго д̇ад̣̇аг̇г̇зна но габбзд̇и, яад̣̇аг̇г̇зна но габбзд̇и д̇ад̣̇аг̇г̇зна нассарад̇и, яад̣̇аг̇г̇зна нассарад̇и д̇ад̣̇аг̇г̇зна бамудто ход̇ий’’д̇и вад̣̇ад̇и.

    Mahāpadumatthero panāha – ‘‘na kevalaṃ idha pāḷiyaṃ anāgatāni ‘dussīlo pāpadhammo’tiādipadāneva sīsaṃ enti, ‘koṇṭhosi mahāsāmaṇerosi, mahāupāsakosi, jeṭṭhabbatikosi, nigaṇṭhosi, ājīvakosi, tāpasosi, paribbājakosi, paṇḍakosi, theyyasaṃvāsakosi, titthiyapakkantakosi, tiracchānagatosi, mātughātakosi, pitughātakosi, arahantaghātakosi, saṅghabhedakosi, lohituppādakosi, bhikkhunīdūsakosi, ubhatobyañjanakaosī’ti imānipi sīsaṃ entiyevā’’ti. Mahāpadumattheroyeva ca ‘‘diṭṭhe vematikotiādīsu yadaggena vematiko tadaggena no kappeti, yadaggena no kappeti tadaggena nassarati, yadaggena nassarati tadaggena pamuṭṭho hotī’’ti vadati.

    махаасумад̇т̇зро бана згзгам̣ д̣̇вид̇хаа бхинд̣̇ид̇ваа жад̇уннамби баадзггам̣ наяам̣ д̣̇ассзд̇и. гат̇ам̣? д̣̇идтз взмад̇игод̇и аяам̣ д̇аава д̣̇ассанз ваа взмад̇иго ход̇и буг̇г̇алз ваа, д̇ад̇т̇а ‘‘д̣̇идто нуко маяаа на д̣̇идто’’д̇и звам̣ д̣̇ассанз взмад̇иго ход̇и. ‘‘аяам̣ нуко маяаа д̣̇идто ан̃н̃о’’д̇и звам̣ буг̇г̇алз взмад̇иго ход̇и. звам̣ д̣̇ассанам̣ ваа но габбзд̇и буг̇г̇алам̣ ваа, д̣̇ассанам̣ ваа нассарад̇и буг̇г̇алам̣ ваа, д̣̇ассанам̣ ваа бамудто ход̇и буг̇г̇алам̣ ваа. зд̇т̇а жа взмад̇игод̇и вимад̇иж̇аад̇о. но габбзд̇ийд̇и на сад̣̇д̣̇ахад̇и. нассарад̇ийд̇и асаарияамаано нассарад̇и. яад̣̇аа бана д̇ам̣ ‘‘асугасмим̣ наама бханд̇з таанз асугасмим̣ наама гаалз’’д̇и саарзнд̇и д̇ад̣̇аа сарад̇и. бамудтод̇и яо д̇зхи д̇зхи убааязхи саарияамааноби нассарад̇иязваад̇и . зд̇знзвубааязна жод̣̇аабагаваароби взд̣̇ид̇аб̣б̣о, гзвалан̃хи д̇ад̇т̇а ‘‘маяаа’’д̇и барихийнам̣, сзсам̣ жод̣̇агаваарасад̣̇исамзва.

    Mahāsumatthero pana ekekaṃ dvidhā bhinditvā catunnampi pāṭekkaṃ nayaṃ dasseti. Kathaṃ? Diṭṭhe vematikoti ayaṃ tāva dassane vā vematiko hoti puggale vā, tattha ‘‘diṭṭho nukho mayā na diṭṭho’’ti evaṃ dassane vematiko hoti. ‘‘Ayaṃ nukho mayā diṭṭho añño’’ti evaṃ puggale vematiko hoti. Evaṃ dassanaṃ vā no kappeti puggalaṃ vā, dassanaṃ vā nassarati puggalaṃ vā, dassanaṃ vā pamuṭṭho hoti puggalaṃ vā. Ettha ca vematikoti vimatijāto. No kappetīti na saddahati. Nassaratīti asāriyamāno nassarati. Yadā pana taṃ ‘‘asukasmiṃ nāma bhante ṭhāne asukasmiṃ nāma kāle’’ti sārenti tadā sarati. Pamuṭṭhoti yo tehi tehi upāyehi sāriyamānopi nassaratiyevāti . Etenevupāyena codāpakavāropi veditabbo, kevalañhi tattha ‘‘mayā’’ti parihīnaṃ, sesaṃ codakavārasadisameva.

    389. д̇ад̇о барам̣ аабад̇д̇ибхзд̣̇ам̣ анаабад̇д̇ибхзд̣̇ан̃жа д̣̇ассзд̇ум̣ ‘‘асуд̣̇д̇хз суд̣̇д̇хад̣̇идтий’’д̇иаад̣̇игам̣ жад̇уггам̣ табзд̇ваа згамзгам̣ бад̣̇ам̣ жад̇уухи жад̇уухи бхзд̣̇зхи нид̣̇д̣̇идтам̣, д̇ам̣ саб̣б̣ам̣ баал̣инаязнзва саггаа ж̇аанид̇ум̣. гзвалам̣ хзд̇т̇аад̇хиббааяабхзд̣̇о взд̣̇ид̇аб̣б̣о. аяан̃хи ад̇хиббааяо наама – жааванаад̇хиббааяо, аггосаад̇хиббааяо, гаммаад̇хиббааяо, вудтаанаад̇хиббааяо, убосат̇абавааран̣адтабанаад̇хиббааяо, анувиж̇ж̇анаад̇хиббааяо, д̇хаммагат̇аад̇хиббааяод̇и анзгавид̇хо. д̇ад̇т̇а буримзсу жад̇уусу ад̇хиббааязсу огаасам̣ агаараабзнд̇асса д̣̇уггадам̣. огаасам̣ гаараабзд̇вааби жа саммукаа амуулагзна баарааж̇игзна ануд̣̇д̇хам̣сзнд̇асса сан̇гхаад̣̇исзсо. амуулагзна сан̇гхаад̣̇исзсзна ануд̣̇д̇хам̣сзнд̇асса баажид̇д̇ияам̣. аажааравибад̇д̇ияаа ануд̣̇д̇хам̣сзнд̇асса д̣̇уггадам̣. аггосаад̇хиббааязна вад̣̇анд̇асса баажид̇д̇ияам̣. асаммукаа бана сад̇д̇ахиби аабад̇д̇игканд̇хзхи вад̣̇анд̇асса д̣̇уггадам̣. асаммукаа зва сад̇д̇авид̇хамби гаммам̣ гаронд̇асса д̣̇уггадамзва.

    389. Tato paraṃ āpattibhedaṃ anāpattibhedañca dassetuṃ ‘‘asuddhe suddhadiṭṭhī’’tiādikaṃ catukkaṃ ṭhapetvā ekamekaṃ padaṃ catūhi catūhi bhedehi niddiṭṭhaṃ, taṃ sabbaṃ pāḷinayeneva sakkā jānituṃ. Kevalaṃ hetthādhippāyabhedo veditabbo. Ayañhi adhippāyo nāma – cāvanādhippāyo, akkosādhippāyo, kammādhippāyo, vuṭṭhānādhippāyo, uposathapavāraṇaṭṭhapanādhippāyo, anuvijjanādhippāyo, dhammakathādhippāyoti anekavidho. Tattha purimesu catūsu adhippāyesu okāsaṃ akārāpentassa dukkaṭaṃ. Okāsaṃ kārāpetvāpi ca sammukhā amūlakena pārājikena anuddhaṃsentassa saṅghādiseso. Amūlakena saṅghādisesena anuddhaṃsentassa pācittiyaṃ. Ācāravipattiyā anuddhaṃsentassa dukkaṭaṃ. Akkosādhippāyena vadantassa pācittiyaṃ. Asammukhā pana sattahipi āpattikkhandhehi vadantassa dukkaṭaṃ. Asammukhā eva sattavidhampi kammaṃ karontassa dukkaṭameva.

    гурунд̣̇ияам̣ бана ‘‘вудтаанаад̇хиббааязна ‘д̇вам̣ имам̣ наама аабад̇д̇им̣ аабанно д̇ам̣ бадигарохий’д̇и вад̣̇анд̇асса огаасагижжам̣ над̇т̇ий’’д̇и вуд̇д̇ам̣. саб̣б̣ад̇т̇зва бана ‘‘убосат̇абавааран̣ам̣ табзнд̇асса огаасагаммам̣ над̇т̇ий’’д̇и вуд̇д̇ам̣. табанагкзд̇д̇ам̣ бана ж̇аанид̇аб̣б̣ам̣. ‘‘сун̣аад̇у мз бханд̇з сан̇гхо аж̇ж̇убосат̇о баннарасо яад̣̇и сан̇гхасса бад̇д̇агаллам̣ сан̇гхо убосат̇ам̣ гарзяяа’’д̇и зд̇асмин̃хи рз-гаарз анад̇игганд̇зязва табзд̇ум̣ лаб̣бхад̇и. д̇ад̇о барам̣ бана яяа-гаарз бад̇д̇з на лаб̣бхад̇и. зса наяо бавааран̣ааяа. анувиж̇ж̇агассааби осадз вад̇т̇усмим̣ ‘‘ад̇т̇зд̇ам̣ д̇аваа’’д̇и анувиж̇ж̇анаад̇хиббааязна вад̣̇анд̇асса огаасагаммам̣ над̇т̇и.

    Kurundiyaṃ pana ‘‘vuṭṭhānādhippāyena ‘tvaṃ imaṃ nāma āpattiṃ āpanno taṃ paṭikarohī’ti vadantassa okāsakiccaṃ natthī’’ti vuttaṃ. Sabbattheva pana ‘‘uposathapavāraṇaṃ ṭhapentassa okāsakammaṃ natthī’’ti vuttaṃ. Ṭhapanakkhettaṃ pana jānitabbaṃ. ‘‘Suṇātu me bhante saṅgho ajjuposatho pannaraso yadi saṅghassa pattakallaṃ saṅgho uposathaṃ kareyya’’ti etasmiñhi re-kāre anatikkanteyeva ṭhapetuṃ labbhati. Tato paraṃ pana yya-kāre patte na labbhati. Esa nayo pavāraṇāya. Anuvijjakassāpi osaṭe vatthusmiṃ ‘‘atthetaṃ tavā’’ti anuvijjanādhippāyena vadantassa okāsakammaṃ natthi.

    д̇хаммагат̇игассааби д̇хаммаасанз нисийд̣̇ид̇ваа ‘‘яо ид̣̇ан̃жид̣̇ан̃жа гарод̇и, аяам̣ бхигку ассаман̣о’’д̇иаад̣̇инаа наязна анод̣̇исса д̇хаммам̣ гат̇знд̇асса огаасагаммам̣ над̇т̇и. сажз бана од̣̇исса нияамзд̇ваа ‘‘асуго жа асуго жа ассаман̣о анубаасаго’’д̇и гат̇зд̇и, д̇хаммаасанад̇о орохид̇ваа аабад̇д̇им̣ д̣̇зсзд̇ваа г̇анд̇аб̣б̣ам̣. яам̣ бана д̇ад̇т̇а д̇ад̇т̇а ‘‘аногаасам̣ гаараабзд̇ваа’’д̇и вуд̇д̇ам̣ д̇асса огаасам̣ агаараабзд̇ваад̇и звамад̇т̇о взд̣̇ид̇аб̣б̣о, на хи гожи аногаасо наама ад̇т̇и, яамогаасам̣ гаараабзд̇ваа аабад̇д̇им̣ аабаж̇ж̇ад̇и, огаасам̣ бана агаараабзд̇ваа аабаж̇ж̇ад̇ийд̇и. сзсам̣ уд̇д̇аанамзва.

    Dhammakathikassāpi dhammāsane nisīditvā ‘‘yo idañcidañca karoti, ayaṃ bhikkhu assamaṇo’’tiādinā nayena anodissa dhammaṃ kathentassa okāsakammaṃ natthi. Sace pana odissa niyametvā ‘‘asuko ca asuko ca assamaṇo anupāsako’’ti katheti, dhammāsanato orohitvā āpattiṃ desetvā gantabbaṃ. Yaṃ pana tattha tattha ‘‘anokāsaṃ kārāpetvā’’ti vuttaṃ tassa okāsaṃ akārāpetvāti evamattho veditabbo, na hi koci anokāso nāma atthi, yamokāsaṃ kārāpetvā āpattiṃ āpajjati, okāsaṃ pana akārāpetvā āpajjatīti. Sesaṃ uttānameva.

    самудтаанаад̣̇ийсу д̇исамудтаанам̣ – гааяажид̇д̇ад̇о, ваажаажид̇д̇ад̇о, гааяаваажаажид̇д̇ад̇о жа самудтаад̇и. гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.

    Samuṭṭhānādīsu tisamuṭṭhānaṃ – kāyacittato, vācācittato, kāyavācācittato ca samuṭṭhāti. Kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.

    батамад̣̇удтад̣̇осасигкаабад̣̇аван̣н̣анаа нидтид̇аа.

    Paṭhamaduṭṭhadosasikkhāpadavaṇṇanā niṭṭhitā.




    Next: 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā




    Related texts:



    д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. д̣̇удтад̣̇осасигкаабад̣̇ам̣ • 8. Duṭṭhadosasikkhāpadaṃ

    дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact