| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੯-੧੦. ਪਠਮਇਧਲੋਕਿਕਸੁਤ੍ਤਾਦਿવਣ੍ਣਨਾ
9-10. Paṭhamaidhalokikasuttādivaṇṇanā
੪੯-੫੦. ਨવਮੇ ਇਧਲੋਕવਿਜਯਾਯਾਤਿ ਇਧਲੋਕવਿਜਿਨਨਤ੍ਥਾਯ ਅਭਿਭવਤ੍ਥਾਯ। ਯੋ ਹਿ ਦਿਟ੍ਠਧਮ੍ਮਿਕਂ ਅਨਤ੍ਥਂ ਪਰਿવਜ੍ਜਨવਸੇਨ ਅਭਿਭવਤਿ, ਤਤੋ ਏવ ਤਦਤ੍ਥਂ ਸਮ੍ਪਾਦੇਤਿ, ਸੋ ਇਧਲੋਕવਿਜਯਾਯ ਪਟਿਪਨ੍ਨੋ ਨਾਮ ਹੋਤਿ ਪਚ੍ਚਤ੍ਥਿਕਨਿਗ੍ਗਣ੍ਹਨਤੋ ਸਦਤ੍ਥਸਮ੍ਪਾਦਨਤੋ ਚ। ਤੇਨਾਹ ‘‘ਅਯਂਸ ਲੋਕੋ ਆਰਦ੍ਧੋ ਹੋਤੀ’’ਤਿ। (ਪਸਂਸਾવਹਤੋ ਤਯਿਦਂ ਪਸਂਸਾવਹਨਂ ਕਿਤ੍ਤਿਸਦ੍ਦੇਨ ਇਧਲੋਕੇ ਸਦ੍ਦਾਨਂ ਚਿਤ੍ਤਤੋਸਨવਿਦ੍ਧੇਯ੍ਯਭਾવਾਪਾਦਨੇਨ ਚ ਹੋਤੀਤਿ ਦਟ੍ਠਬ੍ਬਂ।) ਸੁਸਂવਿਹਿਤਕਮ੍ਮਨ੍ਤੋਤਿ ਯਾਗੁਭਤ੍ਤਪਚਨਕਾਲਾਦੀਨਿ ਅਨਤਿਕ੍ਕਮਿਤ੍વਾ ਤਸ੍ਸ ਤਸ੍ਸ ਸਾਧੁਕਂ ਕਰਣੇਨ ਸੁਟ੍ਠੁ ਸਂવਿਹਿਤਕਮ੍ਮਨ੍ਤੋ। ਪਰਲੋਕવਿਜਯਾਯਾਤਿ ਪਰਲੋਕਸ੍ਸ વਿਜਿਨਨਤ੍ਥਾਯ ਅਭਿਭવਤ੍ਥਾਯ। ਯੋ ਹਿ ਸਮ੍ਪਰਾਯਿਕਂ ਅਨਤ੍ਥਂ ਪਰਿવਜ੍ਜਨવਸੇਨ ਅਭਿਭવਤਿ, ਤਤੋ ਏવ ਤਦਤ੍ਥਂ ਸਮ੍ਪਾਦੇਤਿ, ਸੋ ਪਰਲੋਕવਿਜਯਾਯ ਪਟਿਪਨ੍ਨੋ ਨਾਮ ਹੋਤਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવ।
49-50. Navame idhalokavijayāyāti idhalokavijinanatthāya abhibhavatthāya. Yo hi diṭṭhadhammikaṃ anatthaṃ parivajjanavasena abhibhavati, tato eva tadatthaṃ sampādeti, so idhalokavijayāya paṭipanno nāma hoti paccatthikaniggaṇhanato sadatthasampādanato ca. Tenāha ‘‘ayaṃsa loko āraddho hotī’’ti. (Pasaṃsāvahato tayidaṃ pasaṃsāvahanaṃ kittisaddena idhaloke saddānaṃ cittatosanaviddheyyabhāvāpādanena ca hotīti daṭṭhabbaṃ.) Susaṃvihitakammantoti yāgubhattapacanakālādīni anatikkamitvā tassa tassa sādhukaṃ karaṇena suṭṭhu saṃvihitakammanto. Paralokavijayāyāti paralokassa vijinanatthāya abhibhavatthāya. Yo hi samparāyikaṃ anatthaṃ parivajjanavasena abhibhavati, tato eva tadatthaṃ sampādeti, so paralokavijayāya paṭipanno nāma hoti. Sesaṃ sabbattha uttānameva.
ਪਠਮਇਧਲੋਕਿਕਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Paṭhamaidhalokikasuttādivaṇṇanā niṭṭhitā.
ਉਪੋਸਥવਗ੍ਗવਣ੍ਣਨਾ ਨਿਟ੍ਠਿਤਾ।
Uposathavaggavaṇṇanā niṭṭhitā.
ਪਠਮਪਣ੍ਣਾਸਕਂ ਨਿਟ੍ਠਿਤਂ।
Paṭhamapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੯. ਪਠਮਇਧਲੋਕਿਕਸੁਤ੍ਤਂ • 9. Paṭhamaidhalokikasuttaṃ
੧੦. ਦੁਤਿਯਇਧਲੋਕਿਕਸੁਤ੍ਤਂ • 10. Dutiyaidhalokikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯-੧੦. ਇਧਲੋਕਿਕਸੁਤ੍ਤਦ੍વਯવਣ੍ਣਨਾ • 9-10. Idhalokikasuttadvayavaṇṇanā
