| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
4. ниссаг̇г̇ияаган̣д̣ам̣
4. Nissaggiyakaṇḍaṃ
1. жийвараваг̇г̇о
1. Cīvaravaggo
1. батамагат̇инасигкаабад̣̇аван̣н̣анаа
1. Paṭhamakathinasikkhāpadavaṇṇanā
д̇им̣са ниссаг̇г̇ияаа д̇хаммаа, яз вуд̇д̇аа самид̇аавинаа;
Tiṃsa nissaggiyā dhammā, ye vuttā samitāvinā;
д̇зсам̣ д̣̇аани гариссаами, абуб̣б̣абад̣̇аван̣н̣анам̣.
Tesaṃ dāni karissāmi, apubbapadavaṇṇanaṃ.
459. д̇зна самаязна б̣уд̣̇д̇хо бхаг̇аваа взсаалияам̣ вихарад̇и г̇од̇амагз жзд̇ияз. д̇зна ко бана самаязна бхаг̇авад̇аа бхигкуунам̣ д̇ижийварам̣ анун̃н̃аад̇ам̣ ход̇ийд̇и зд̇т̇а д̇ижийваранд̇и анд̇араваасаго уд̇д̇араасан̇г̇о сан̇гхаадийд̇и ид̣̇ам̣ жийварад̇д̇аяам̣ барибхун̃ж̇ид̇ум̣ анун̃н̃аад̇ам̣ ход̇и. яад̇т̇а банзд̇ам̣ анун̃н̃аад̇ам̣, яад̣̇аа жа анун̃н̃аад̇ам̣, язна жа гааран̣зна анун̃н̃аад̇ам̣, д̇ам̣ саб̣б̣ам̣ жийварагканд̇хагз ж̇ийвагавад̇т̇усмим̣ (махаава. 326 аад̣̇аяо) ааг̇ад̇амзва. ан̃н̃знзва д̇ижийварзна г̇аамам̣ бависанд̇ийд̇и язна вихаарз ажчанд̇и нхаанан̃жа од̇аранд̇и, д̇ад̇о ан̃н̃зна, звам̣ д̣̇ивасз д̣̇ивасз нава жийвараани д̇хаарзнд̇и.
459. Tena samayena buddho bhagavā vesāliyaṃ viharati gotamake cetiye. Tena kho pana samayena bhagavatā bhikkhūnaṃ ticīvaraṃ anuññātaṃ hotīti ettha ticīvaranti antaravāsako uttarāsaṅgo saṅghāṭīti idaṃ cīvarattayaṃ paribhuñjituṃ anuññātaṃ hoti. Yattha panetaṃ anuññātaṃ, yadā ca anuññātaṃ, yena ca kāraṇena anuññātaṃ, taṃ sabbaṃ cīvarakkhandhake jīvakavatthusmiṃ (mahāva. 326 ādayo) āgatameva. Aññeneva ticīvarena gāmaṃ pavisantīti yena vihāre acchanti nhānañca otaranti, tato aññena, evaṃ divase divase nava cīvarāni dhārenti.
460. уббаннам̣ ход̇ийд̇и анубан̃н̃ад̇д̇ияаа д̣̇ваарам̣ д̣̇ад̣̇амаанам̣ бадилаабхавасзна уббаннам̣ ход̇и, но нибпад̇д̇ивасзна.
460.Uppannaṃ hotīti anupaññattiyā dvāraṃ dadamānaṃ paṭilābhavasena uppannaṃ hoti, no nipphattivasena.
ааяасмад̇о саарибуд̇д̇асса д̣̇аад̇угаамо ход̇ийд̇и ааяасмаа гира аананд̣̇о бхаг̇аванд̇ам̣ табзд̇ваа ан̃н̃о зваруубо г̇ун̣ависидто буг̇г̇ало над̇т̇ийд̇и г̇ун̣аб̣ахумаанзна ааяасманд̇ам̣ саарибуд̇д̇ам̣ ад̇имамааяад̇и. со сад̣̇ааби манаабам̣ жийварам̣ лабхид̇ваа раж̇ид̇ваа габбаб̣инд̣̇ум̣ д̣̇ад̇ваа т̇зрассзва д̣̇зд̇и, бурзбхад̇д̇з бан̣ийд̇ам̣ яааг̇укаж̇ж̇агам̣ ваа бин̣д̣абаад̇ам̣ ваа лабхид̇вааби т̇зрассзва д̣̇зд̇и, бажчаабхад̇д̇з мад̇хупаан̣ид̇аад̣̇ийни лабхид̇вааби т̇зрассзва д̣̇зд̇и, убадтаагагулзхи д̣̇аарагз нигкаамзд̇ваа баб̣б̣ааж̇зд̇вааби т̇зрасса санд̇игз убаж̇жхам̣ г̇аахаабзд̇ваа саяам̣ анусааванагаммам̣ гарод̇и. ааяасмааби саарибуд̇д̇о ‘‘бид̇у гад̇д̇аб̣б̣агижжам̣ наама ж̇здтабуд̇д̇асса бхааро, д̇ам̣ маяаа бхаг̇авад̇о гад̇д̇аб̣б̣ам̣ гижжам̣ аананд̣̇о гарод̇и, ахам̣ аананд̣̇ам̣ ниссааяа аббоссугго вихарид̇ум̣ лабхаамий’’д̇и ааяасманд̇ам̣ аананд̣̇ам̣ ад̇ивияа мамааяад̇и, соби манаабам̣ жийварам̣ лабхид̇ваа аананд̣̇ад̇т̇зрассзва д̣̇зд̇ийд̇и саб̣б̣ам̣ буримасад̣̇исамзва . звам̣ г̇ун̣аб̣ахумаанзна мамааяанд̇о д̇ад̣̇аа уббаннамби д̇ам̣ жийварам̣ ааяасмад̇о саарибуд̇д̇асса д̣̇аад̇угаамо ход̇ийд̇и взд̣̇ид̇аб̣б̣о.
Āyasmato sāriputtassa dātukāmo hotīti āyasmā kira ānando bhagavantaṃ ṭhapetvā añño evarūpo guṇavisiṭṭho puggalo natthīti guṇabahumānena āyasmantaṃ sāriputtaṃ atimamāyati. So sadāpi manāpaṃ cīvaraṃ labhitvā rajitvā kappabinduṃ datvā therasseva deti, purebhatte paṇītaṃ yāgukhajjakaṃ vā piṇḍapātaṃ vā labhitvāpi therasseva deti, pacchābhatte madhuphāṇitādīni labhitvāpi therasseva deti, upaṭṭhākakulehi dārake nikkhāmetvā pabbājetvāpi therassa santike upajjhaṃ gāhāpetvā sayaṃ anusāvanakammaṃ karoti. Āyasmāpi sāriputto ‘‘pitu kattabbakiccaṃ nāma jeṭṭhaputtassa bhāro, taṃ mayā bhagavato kattabbaṃ kiccaṃ ānando karoti, ahaṃ ānandaṃ nissāya appossukko viharituṃ labhāmī’’ti āyasmantaṃ ānandaṃ ativiya mamāyati, sopi manāpaṃ cīvaraṃ labhitvā ānandattherasseva detīti sabbaṃ purimasadisameva . Evaṃ guṇabahumānena mamāyanto tadā uppannampi taṃ cīvaraṃ āyasmato sāriputtassa dātukāmo hotīti veditabbo.
навамам̣ ваа бхаг̇аваа д̣̇ивасам̣ д̣̇асамам̣ ваад̇и зд̇т̇а бана сажз бхавзяяа ‘‘гат̇ам̣ т̇зро ж̇аанаад̇ий’’д̇и? б̣ахуухи гааран̣зхи ж̇аанаад̇и. саарибуд̇д̇ад̇т̇зро гира ж̇анабад̣̇ажааригам̣ баггаманд̇о аананд̣̇ад̇т̇зрам̣ аабужчид̇ваава баггамад̇и ‘‘ахам̣ зд̇д̇агзна наама гаалзна ааг̇ажчиссаами, зд̇т̇анд̇арз бхаг̇аванд̇ам̣ маа бамаж̇ж̇ий’’д̇и. сажз саммукаа на аабужчад̇и, бхигкуу бзсзд̇вааби аабужчид̇ваава г̇ажчад̇и. сажз ан̃н̃ад̇т̇а вассам̣ васад̇и, яз батамад̇арам̣ бхигкуу ааг̇ажчанд̇и, д̇з звам̣ бахин̣ад̇и ‘‘мама важанзна бхаг̇авад̇о жа баад̣̇з сирасаа ванд̣̇ат̇а, аананд̣̇асса жа аарог̇яам̣ вад̇ваа мам̣ ‘асугад̣̇ивасз наама ааг̇амиссад̇ий’д̇и вад̣̇ат̇аа’’д̇и сад̣̇аа жа яат̇аабарижчиннад̣̇ивасзязва зд̇и. абижааяасмаа аананд̣̇о анумаанзнаби ж̇аанаад̇и ‘‘зд̇д̇агз д̣̇ивасз бхаг̇авад̇аа вияог̇ам̣ саханд̇о ад̇хиваасзнд̇о ааяасмаа саарибуд̇д̇о васи, ид̇о д̣̇аани бадтааяа асугам̣ наама д̣̇ивасам̣ на ад̇иггамиссад̇и ад̣̇д̇хаа ааг̇амиссад̇ий’’д̇и. язсам̣ язсан̃хи бан̃н̃аа махад̇ий д̇зсам̣ д̇зсам̣ бхаг̇авад̇и бзман̃жа г̇аараво жа махаа ход̇ийд̇и иминаа наязнааби ж̇аанаад̇и. звам̣ б̣ахуухи гааран̣зхи ж̇аанаад̇и. д̇знааха – ‘‘навамам̣ ваа бхаг̇аваа д̣̇ивасам̣ д̣̇асамам̣ ваа’’д̇и. звам̣ вуд̇д̇з яасмаа ид̣̇ам̣ сигкаабад̣̇ам̣ бан̣н̣ад̇д̇иваж̇ж̇ам̣, на логаваж̇ж̇ам̣; д̇асмаа ааяасмад̇аа аананд̣̇зна вуд̇д̇асад̣̇исамзва барижчзд̣̇ам̣ гаронд̇о ‘‘ат̇а ко бхаг̇аваа…бз… д̇хаарзд̇у’’нд̇и. сажз бана т̇зрзна ад̣̇д̇хамаасо ваа маасо ваа уд̣̇д̣̇идто абхависса, соби бхаг̇авад̇аа анун̃н̃аад̇о асса.
Navamaṃ vā bhagavā divasaṃ dasamaṃ vāti ettha pana sace bhaveyya ‘‘kathaṃ thero jānātī’’ti? Bahūhi kāraṇehi jānāti. Sāriputtatthero kira janapadacārikaṃ pakkamanto ānandattheraṃ āpucchitvāva pakkamati ‘‘ahaṃ ettakena nāma kālena āgacchissāmi, etthantare bhagavantaṃ mā pamajjī’’ti. Sace sammukhā na āpucchati, bhikkhū pesetvāpi āpucchitvāva gacchati. Sace aññattha vassaṃ vasati, ye paṭhamataraṃ bhikkhū āgacchanti, te evaṃ pahiṇati ‘‘mama vacanena bhagavato ca pāde sirasā vandatha, ānandassa ca ārogyaṃ vatvā maṃ ‘asukadivase nāma āgamissatī’ti vadathā’’ti sadā ca yathāparicchinnadivaseyeva eti. Apicāyasmā ānando anumānenapi jānāti ‘‘ettake divase bhagavatā viyogaṃ sahanto adhivāsento āyasmā sāriputto vasi, ito dāni paṭṭhāya asukaṃ nāma divasaṃ na atikkamissati addhā āgamissatī’’ti. Yesaṃ yesañhi paññā mahatī tesaṃ tesaṃ bhagavati pemañca gāravo ca mahā hotīti iminā nayenāpi jānāti. Evaṃ bahūhi kāraṇehi jānāti. Tenāha – ‘‘navamaṃ vā bhagavā divasaṃ dasamaṃ vā’’ti. Evaṃ vutte yasmā idaṃ sikkhāpadaṃ paṇṇattivajjaṃ, na lokavajjaṃ; tasmā āyasmatā ānandena vuttasadisameva paricchedaṃ karonto ‘‘atha kho bhagavā…pe… dhāretu’’nti. Sace pana therena addhamāso vā māso vā uddiṭṭho abhavissa, sopi bhagavatā anuññāto assa.
462-3. нидтид̇ажийварасминд̇и язна гзнажи нидтаанзна нидтид̇з жийварасмим̣. яасмаа бана д̇ам̣ жийварам̣ гаран̣знаби нидтид̇ам̣ ход̇и, нассанаад̣̇ийхиби д̇асмаасса бад̣̇абхааж̇анз ад̇т̇амад̇д̇амзва д̣̇ассзд̇ум̣ бхигкуно жийварам̣ гад̇ам̣ ваа ход̇ийд̇иаад̣̇и вуд̇д̇ам̣. д̇ад̇т̇а гад̇анд̇и суужигаммабарияосаанзна гад̇ам̣, суужигаммабарияосаанам̣ наама яам̣гин̃жи суужияаа гад̇д̇аб̣б̣ам̣ баасабаддаг̇ан̣тигабаддабарияосаанам̣ гад̇ваа суужияаа бадисааманам̣. надтанд̇и жораад̣̇ийхи хадам̣, зд̇амби хи гаран̣абалиб̣од̇хасса нидтид̇ад̇д̇аа нидтид̇анд̇и вужжад̇и. винадтанд̇и убажигаад̣̇ийхи кааяид̇ам̣. д̣̇ад̣дханд̇и аг̇г̇инаа д̣̇ад̣дхам̣. жийвараасаа ваа убажчиннаад̇и ‘‘асугасмим̣ наама гулз жийварам̣ лабхиссаамий’’д̇и яаа жийвараасаа уббаннаа ход̇и, саа ваа убажчиннаа, зд̇зсамби хи гаран̣абалиб̣од̇хассзва нидтид̇ад̇д̇аа нидтид̇абхааво взд̣̇ид̇аб̣б̣о.
462-3.Niṭṭhitacīvarasminti yena kenaci niṭṭhānena niṭṭhite cīvarasmiṃ. Yasmā pana taṃ cīvaraṃ karaṇenapi niṭṭhitaṃ hoti, nassanādīhipi tasmāssa padabhājane atthamattameva dassetuṃ bhikkhuno cīvaraṃ kataṃ vā hotītiādi vuttaṃ. Tattha katanti sūcikammapariyosānena kataṃ, sūcikammapariyosānaṃ nāma yaṃkiñci sūciyā kattabbaṃ pāsapaṭṭagaṇṭhikapaṭṭapariyosānaṃ katvā sūciyā paṭisāmanaṃ. Naṭṭhanti corādīhi haṭaṃ, etampi hi karaṇapalibodhassa niṭṭhitattā niṭṭhitanti vuccati. Vinaṭṭhanti upacikādīhi khāyitaṃ. Daḍḍhanti agginā daḍḍhaṃ. Cīvarāsā vā upacchinnāti ‘‘asukasmiṃ nāma kule cīvaraṃ labhissāmī’’ti yā cīvarāsā uppannā hoti, sā vā upacchinnā, etesampi hi karaṇapalibodhasseva niṭṭhitattā niṭṭhitabhāvo veditabbo.
уб̣бхад̇асмим̣ гат̇инзд̇и гат̇инз жа уб̣бхад̇асмим̣. зд̇зна д̣̇уд̇ияасса балиб̣од̇хасса абхаавам̣ д̣̇ассзд̇и. д̇ам̣ бана гат̇инам̣ яасмаа адтасу ваа маад̇игаасу згааяа анд̇аруб̣бхаарзна ваа уд̣̇д̇харийяад̇и, д̇знасса нид̣̇д̣̇зсз ‘‘адтаннам̣ маад̇игаана’’нд̇иаад̣̇и вуд̇д̇ам̣. д̇ад̇т̇а ‘‘адтимаа, бхигкавз, маад̇игаа гат̇инасса уб̣бхаарааяа – баггамананд̇игаа, нидтаананд̇игаа, саннидтаананд̇игаа, наасананд̇игаа, савананд̇игаа, аасааважчзд̣̇игаа, сиймаад̇игганд̇игаа, сахуб̣бхаараа’’д̇и звам̣ адта маад̇игааяо гат̇инагканд̇хагз ааг̇ад̇аа. анд̇аруб̣бхаароби ‘‘сун̣аад̇у мз, бханд̇з, сан̇гхо; яад̣̇и сан̇гхасса бад̇д̇агаллам̣, сан̇гхо гат̇инам̣ уд̣̇д̇харзяяа, зсаа н̃ад̇д̇и. сун̣аад̇у мз, бханд̇з, сан̇гхо; сан̇гхо гат̇инам̣ уд̣̇д̇харад̇и, яассааяасмад̇о камад̇и, гат̇инасса уб̣бхааро, со д̇ун̣хасса; яасса нагкамад̇и, со бхаасзяяа. уб̣бхад̇ам̣ сан̇гхзна гат̇инам̣, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и (баажи. 926) звам̣ бхигкунийвибхан̇г̇з ааг̇ад̇о. д̇ад̇т̇а яам̣ вад̇д̇аб̣б̣ам̣ д̇ам̣ ааг̇ад̇адтаанзязва ван̣н̣аяиссаама. ид̇ха бана вужжамаанз баал̣и аахарид̇аб̣б̣аа ход̇и, ад̇т̇оби вад̇д̇аб̣б̣о. вуд̇д̇оби жа на сувин̃н̃зяяо ход̇и, адтаанз вуд̇д̇ад̇д̇ааяа.
Ubbhatasmiṃ kathineti kathine ca ubbhatasmiṃ. Etena dutiyassa palibodhassa abhāvaṃ dasseti. Taṃ pana kathinaṃ yasmā aṭṭhasu vā mātikāsu ekāya antarubbhārena vā uddharīyati, tenassa niddese ‘‘aṭṭhannaṃ mātikāna’’ntiādi vuttaṃ. Tattha ‘‘aṭṭhimā, bhikkhave, mātikā kathinassa ubbhārāya – pakkamanantikā, niṭṭhānantikā, sanniṭṭhānantikā, nāsanantikā, savanantikā, āsāvacchedikā, sīmātikkantikā, sahubbhārā’’ti evaṃ aṭṭha mātikāyo kathinakkhandhake āgatā. Antarubbhāropi ‘‘suṇātu me, bhante, saṅgho; yadi saṅghassa pattakallaṃ, saṅgho kathinaṃ uddhareyya, esā ñatti. Suṇātu me, bhante, saṅgho; saṅgho kathinaṃ uddharati, yassāyasmato khamati, kathinassa ubbhāro, so tuṇhassa; yassa nakkhamati, so bhāseyya. Ubbhataṃ saṅghena kathinaṃ, khamati saṅghassa, tasmā tuṇhī, evametaṃ dhārayāmī’’ti (pāci. 926) evaṃ bhikkhunīvibhaṅge āgato. Tattha yaṃ vattabbaṃ taṃ āgataṭṭhāneyeva vaṇṇayissāma. Idha pana vuccamāne pāḷi āharitabbā hoti, atthopi vattabbo. Vuttopi ca na suviññeyyo hoti, aṭṭhāne vuttattāya.
д̣̇асаахабараманд̇и д̣̇аса ахаани барамо барижчзд̣̇о ассаад̇и д̣̇асаахабарамо, д̇ам̣ д̣̇асаахабарамам̣ гаалам̣ д̇хаарзд̇аб̣б̣анд̇и ад̇т̇о. бад̣̇абхааж̇анз бана ад̇т̇амад̇д̇амзва д̣̇ассзд̇ум̣ ‘‘д̣̇асаахабарамад̇аа д̇хаарзд̇аб̣б̣а’’нд̇и вуд̇д̇ам̣. ид̣̇ан̃хи вуд̇д̇ам̣ ход̇и ‘‘д̣̇асаахабарама’’нд̇и зд̇т̇а яаа д̣̇асаахабарамад̇аа д̣̇асаахабарамабхааво, аяам̣ зд̇д̇аго гаало яаава наад̇иггамад̇и д̇аава д̇хаарзд̇аб̣б̣анд̇и.
Dasāhaparamanti dasa ahāni paramo paricchedo assāti dasāhaparamo, taṃ dasāhaparamaṃ kālaṃ dhāretabbanti attho. Padabhājane pana atthamattameva dassetuṃ ‘‘dasāhaparamatā dhāretabba’’nti vuttaṃ. Idañhi vuttaṃ hoti ‘‘dasāhaparama’’nti ettha yā dasāhaparamatā dasāhaparamabhāvo, ayaṃ ettako kālo yāva nātikkamati tāva dhāretabbanti.
ад̇хидтид̇авигаббид̇зсу абарияаабаннад̇д̇аа ад̇ирзгам̣ жийваранд̇и ад̇ирзгажийварам̣. д̇знзвасса бад̣̇абхааж̇анз вуд̇д̇ам̣ ‘‘анад̇хидтид̇ам̣ авигаббид̇а’’нд̇и.
Adhiṭṭhitavikappitesu apariyāpannattā atirekaṃ cīvaranti atirekacīvaraṃ. Tenevassa padabhājane vuttaṃ ‘‘anadhiṭṭhitaṃ avikappita’’nti.
чаннам̣ жийвараанам̣ ан̃н̃ад̇аранд̇и комам̣, габбаасигам̣, госзяяам̣, гамб̣алам̣, саан̣ам̣, бхан̇г̇анд̇и имзсам̣ чаннам̣ жийвараанам̣ ан̃н̃ад̇арам̣. зд̇зна жийварасса ж̇аад̇им̣ д̣̇ассзд̇ваа ид̣̇аани бамаан̣ам̣ д̣̇ассзд̇ум̣ ‘‘вигаббанубаг̇ам̣ бажчима’’нд̇и ааха. д̇асса бамаан̣ам̣ д̣̇ийгхад̇о д̣̇вз вид̣̇ад̇т̇ияо, д̇ирияам̣ вид̣̇ад̇т̇и. д̇ад̇рааяам̣ баал̣и – ‘‘ануж̇аанаами, бхигкавз, ааяаамзна адтан̇г̇улам̣ суг̇ад̇ан̇г̇улзна жад̇уран̇г̇улавид̇т̇ад̇ам̣ бажчимам̣ жийварам̣ вигаббзд̇у’’нд̇и (махаава. 358).
Channaṃ cīvarānaṃ aññataranti khomaṃ, kappāsikaṃ, koseyyaṃ, kambalaṃ, sāṇaṃ, bhaṅganti imesaṃ channaṃ cīvarānaṃ aññataraṃ. Etena cīvarassa jātiṃ dassetvā idāni pamāṇaṃ dassetuṃ ‘‘vikappanupagaṃ pacchima’’nti āha. Tassa pamāṇaṃ dīghato dve vidatthiyo, tiriyaṃ vidatthi. Tatrāyaṃ pāḷi – ‘‘anujānāmi, bhikkhave, āyāmena aṭṭhaṅgulaṃ sugataṅgulena caturaṅgulavitthataṃ pacchimaṃ cīvaraṃ vikappetu’’nti (mahāva. 358).
д̇ам̣ ад̇иггаамаяад̇о ниссаг̇г̇ияам̣ баажид̇д̇ияанд̇и д̇ам̣ яат̇аавуд̇д̇аж̇аад̇иббамаан̣ам̣ жийварам̣ д̣̇асаахабарамам̣ гаалам̣ ад̇иггаамаяад̇о, зд̇т̇анд̇арз яат̇аа ад̇ирзгажийварам̣ на ход̇и д̇ат̇аа агуб̣б̣ад̇о ниссаг̇г̇ияам̣ баажид̇д̇ияам̣, д̇ан̃жа жийварам̣ ниссаг̇г̇ияам̣ ход̇и, баажид̇д̇ияаабад̇д̇и жасса ход̇ийд̇и ад̇т̇о. ат̇а ваа ниссаж̇ж̇анам̣ ниссаг̇г̇ияам̣, буб̣б̣абхааг̇з гад̇д̇аб̣б̣асса винаяагаммассзд̇ам̣ наамам̣. ниссаг̇г̇ияамасса ад̇т̇ийд̇и ниссаг̇г̇ияамижжзва. гинд̇ам̣? баажид̇д̇ияам̣. д̇ам̣ ад̇иггаамаяад̇о саниссаг̇г̇ияавинаяагаммам̣ баажид̇д̇ияам̣ ход̇ийд̇и аяамзд̇т̇а ад̇т̇о. бад̣̇абхааж̇анз бана батамам̣ д̇аава ад̇т̇авигаббам̣ д̣̇ассзд̇ум̣ ‘‘д̇ам̣ ад̇иггаамаяад̇о ниссаг̇г̇ияам̣ ход̇ий’’д̇и маад̇игам̣ табзд̇ваа ‘‘згаад̣̇асз арун̣уг̇г̇аманз ниссаг̇г̇ияам̣ ход̇и, ниссаж̇ж̇ид̇аб̣б̣а’’нд̇и вуд̇д̇ам̣. буна яасса жа ниссаж̇ж̇ид̇аб̣б̣ам̣, яат̇аа жа ниссаж̇ж̇ид̇аб̣б̣ам̣, д̇ам̣ д̣̇ассзд̇ум̣ ‘‘сан̇гхасса ваа’’д̇иаад̣̇и вуд̇д̇ам̣. д̇ад̇т̇а згаад̣̇асз арун̣уг̇г̇аманзд̇и зд̇т̇а яам̣ д̣̇ивасам̣ жийварам̣ уббаннам̣ д̇асса яо арун̣о, со уббаннад̣̇ивасаниссид̇о, д̇асмаа жийваруббаад̣̇ад̣̇ивасазна сад̣̇д̇хим̣ згаад̣̇асз арун̣уг̇г̇аманз ниссаг̇г̇ияам̣ ход̇ийд̇и взд̣̇ид̇аб̣б̣ам̣. сажзби б̣ахууни згаж̇жхам̣ б̣анд̇хид̇ваа ваа взтзд̇ваа ваа табид̇аани згаава аабад̇д̇и. аб̣ад̣̇д̇хаавзтид̇зсу вад̇т̇уг̇ан̣анааяа аабад̇д̇ияо.
Taṃatikkāmayato nissaggiyaṃ pācittiyanti taṃ yathāvuttajātippamāṇaṃ cīvaraṃ dasāhaparamaṃ kālaṃ atikkāmayato, etthantare yathā atirekacīvaraṃ na hoti tathā akubbato nissaggiyaṃ pācittiyaṃ, tañca cīvaraṃ nissaggiyaṃ hoti, pācittiyāpatti cassa hotīti attho. Atha vā nissajjanaṃ nissaggiyaṃ, pubbabhāge kattabbassa vinayakammassetaṃ nāmaṃ. Nissaggiyamassa atthīti nissaggiyamicceva. Kintaṃ? Pācittiyaṃ. Taṃ atikkāmayato sanissaggiyavinayakammaṃ pācittiyaṃ hotīti ayamettha attho. Padabhājane pana paṭhamaṃ tāva atthavikappaṃ dassetuṃ ‘‘taṃ atikkāmayato nissaggiyaṃ hotī’’ti mātikaṃ ṭhapetvā ‘‘ekādase aruṇuggamane nissaggiyaṃ hoti, nissajjitabba’’nti vuttaṃ. Puna yassa ca nissajjitabbaṃ, yathā ca nissajjitabbaṃ, taṃ dassetuṃ ‘‘saṅghassa vā’’tiādi vuttaṃ. Tattha ekādase aruṇuggamaneti ettha yaṃ divasaṃ cīvaraṃ uppannaṃ tassa yo aruṇo, so uppannadivasanissito, tasmā cīvaruppādadivasaena saddhiṃ ekādase aruṇuggamane nissaggiyaṃ hotīti veditabbaṃ. Sacepi bahūni ekajjhaṃ bandhitvā vā veṭhetvā vā ṭhapitāni ekāva āpatti. Abaddhāveṭhitesu vatthugaṇanāya āpattiyo.
ниссаж̇ж̇ид̇ваа аабад̇д̇и д̣̇зсзд̇аб̣б̣аад̇и гат̇ам̣ д̣̇зсзд̇аб̣б̣аа? яат̇аа канд̇хагз вуд̇д̇ам̣, гат̇ан̃жа д̇ад̇т̇а вуд̇д̇ам̣? звам̣ вуд̇д̇ам̣ – ‘‘д̇зна, бхигкавз, бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘ахам̣, бханд̇з, ид̇т̇аннаамам̣ аабад̇д̇им̣ аабанно, д̇ам̣ бадид̣̇зсзмий’’’д̇и (жуул̣ава. 239). ид̇ха бана сажз згам̣ жийварам̣ ход̇и ‘‘згам̣ ниссаг̇г̇ияам̣ баажид̇д̇ияа’’нд̇и вад̇д̇аб̣б̣ам̣. сажз д̣̇вз, ‘‘д̣̇вз’’д̇и вад̇д̇аб̣б̣ам̣. сажз б̣ахууни ‘‘самб̣ахулааний’’д̇и вад̇д̇аб̣б̣ам̣. ниссаж̇ж̇анзби сажз згам̣ яат̇аабаал̣имзва ‘‘ид̣̇ам̣ мз, бханд̇з, жийвара’’нд̇и вад̇д̇аб̣б̣ам̣. сажз д̣̇вз ваа б̣ахууни ваа, ‘‘имаани мз, бханд̇з, жийвараани д̣̇асаахаад̇игганд̇аани ниссаг̇г̇ияаани, имаанаахам̣ сан̇гхасса ниссаж̇ж̇аамий’’д̇и вад̇д̇аб̣б̣ам̣. баал̣им̣ вад̇д̇ум̣ асаггонд̇зна ан̃н̃ат̇ааби вад̇д̇аб̣б̣ам̣.
Nissajjitvāāpatti desetabbāti kathaṃ desetabbā? Yathā khandhake vuttaṃ, kathañca tattha vuttaṃ? Evaṃ vuttaṃ – ‘‘tena, bhikkhave, bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘ahaṃ, bhante, itthannāmaṃ āpattiṃ āpanno, taṃ paṭidesemī’’’ti (cūḷava. 239). Idha pana sace ekaṃ cīvaraṃ hoti ‘‘ekaṃ nissaggiyaṃ pācittiya’’nti vattabbaṃ. Sace dve, ‘‘dve’’ti vattabbaṃ. Sace bahūni ‘‘sambahulānī’’ti vattabbaṃ. Nissajjanepi sace ekaṃ yathāpāḷimeva ‘‘idaṃ me, bhante, cīvara’’nti vattabbaṃ. Sace dve vā bahūni vā, ‘‘imāni me, bhante, cīvarāni dasāhātikkantāni nissaggiyāni, imānāhaṃ saṅghassa nissajjāmī’’ti vattabbaṃ. Pāḷiṃ vattuṃ asakkontena aññathāpi vattabbaṃ.
б̣яад̇д̇зна бхигкунаа бадиб̣алзна аабад̇д̇и бадиг̇г̇ахзд̇аб̣б̣аад̇и канд̇хагз вуд̇д̇анаязнзва бадиг̇г̇ахзд̇аб̣б̣аа. зван̃хи д̇ад̇т̇а вуд̇д̇ам̣ – ‘‘б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Byattenabhikkhunā paṭibalena āpatti paṭiggahetabbāti khandhake vuttanayeneva paṭiggahetabbā. Evañhi tattha vuttaṃ – ‘‘byattena bhikkhunā paṭibalena saṅgho ñāpetabbo –
‘сун̣аад̇у мз бханд̇з сан̇гхо, аяам̣ ид̇т̇аннаамо бхигку аабад̇д̇им̣ сарад̇и виварад̇и уд̇д̇ааним̣ гарод̇и д̣̇зсзд̇и, яад̣̇и сан̇гхасса бад̇д̇агаллам̣, ахам̣ ид̇т̇аннаамасса бхигкуно аабад̇д̇им̣ бадиг̇г̇ан̣хзяяа’нд̇и.
‘Suṇātu me bhante saṅgho, ayaṃ itthannāmo bhikkhu āpattiṃ sarati vivarati uttāniṃ karoti deseti, yadi saṅghassa pattakallaṃ, ahaṃ itthannāmassa bhikkhuno āpattiṃ paṭiggaṇheyya’nti.
д̇зна вад̇д̇аб̣б̣о ‘бассасий’д̇и? ‘аама, бассаамий’д̇и. ааяад̇им̣ сам̣варзяяаасий’’д̇и (жуул̣ава. 239). д̣̇вийсу бана самб̣ахулаасу ваа буриманаязнзва важанабхзд̣̇о н̃аад̇аб̣б̣о.
Tena vattabbo ‘passasī’ti? ‘Āma, passāmī’ti. Āyatiṃ saṃvareyyāsī’’ti (cūḷava. 239). Dvīsu pana sambahulāsu vā purimanayeneva vacanabhedo ñātabbo.
жийварад̣̇аанзби ‘‘сан̇гхо имам̣ жийварам̣ имаани жийварааний’’д̇и вад̇т̇увасзна важанабхзд̣̇о взд̣̇ид̇аб̣б̣о. г̇ан̣асса жа буг̇г̇аласса жа ниссаж̇ж̇анзби зсзва наяо.
Cīvaradānepi ‘‘saṅgho imaṃ cīvaraṃ imāni cīvarānī’’ti vatthuvasena vacanabhedo veditabbo. Gaṇassa ca puggalassa ca nissajjanepi eseva nayo.
аабад̇д̇ид̣̇зсанаабадиг̇г̇ахан̣зсу банзд̇т̇а аяам̣ баал̣и – ‘‘д̇зна, бхигкавз, бхигкунаа самб̣ахулз бхигкуу убасан̇гамид̇ваа згам̣сам̣ уд̇д̇араасан̇г̇ам̣ гад̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамассу важанийяаа – ‘ахам̣, бханд̇з, ид̇т̇аннаамам̣ аабад̇д̇им̣ аабанно д̇ам̣ бадид̣̇зсзмий’д̇и. б̣яад̇д̇зна бхигкунаа бадиб̣алзна д̇з бхигкуу н̃аабзд̇аб̣б̣аа –
Āpattidesanāpaṭiggahaṇesu panettha ayaṃ pāḷi – ‘‘tena, bhikkhave, bhikkhunā sambahule bhikkhū upasaṅkamitvā ekaṃsaṃ uttarāsaṅgaṃ katvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassu vacanīyā – ‘ahaṃ, bhante, itthannāmaṃ āpattiṃ āpanno taṃ paṭidesemī’ti. Byattena bhikkhunā paṭibalena te bhikkhū ñāpetabbā –
‘сун̣анд̇у мз ааяасманд̇аа, аяам̣ ид̇т̇аннаамо бхигку аабад̇д̇им̣ сарад̇и виварад̇и уд̇д̇ааним̣ гарод̇и д̣̇зсзд̇и. яад̣̇ааяасманд̇аанам̣ бад̇д̇агаллам̣, ахам̣ ид̇т̇аннаамасса бхигкуно аабад̇д̇им̣ бадиг̇г̇ан̣хзяяа’нд̇и.
‘Suṇantu me āyasmantā, ayaṃ itthannāmo bhikkhu āpattiṃ sarati vivarati uttāniṃ karoti deseti. Yadāyasmantānaṃ pattakallaṃ, ahaṃ itthannāmassa bhikkhuno āpattiṃ paṭiggaṇheyya’nti.
д̇зна вад̇д̇аб̣б̣о ‘бассасий’д̇и? ‘аама, бассаамий’д̇и. ‘ааяад̇им̣ сам̣варзяяаасий’д̇и.
Tena vattabbo ‘passasī’ti? ‘Āma, passāmī’ti. ‘Āyatiṃ saṃvareyyāsī’ti.
д̇зна бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘ахам̣, аавусо, ид̇т̇аннаамам̣ аабад̇д̇им̣ аабанно д̇ам̣ бадид̣̇зсзмий’д̇и. д̇зна вад̇д̇аб̣б̣о ‘бассасий’д̇и, аама бассаамийд̇и ааяад̇им̣ сам̣варзяяаасий’’д̇и (жуул̣ава. 239). д̇ад̇т̇а буриманаязнзва аабад̇д̇ияаа наамаг̇г̇ахан̣ам̣ важанабхзд̣̇о жа взд̣̇ид̇аб̣б̣о.
Tena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘ahaṃ, āvuso, itthannāmaṃ āpattiṃ āpanno taṃ paṭidesemī’ti. Tena vattabbo ‘passasī’ti, āma passāmīti āyatiṃ saṃvareyyāsī’’ti (cūḷava. 239). Tattha purimanayeneva āpattiyā nāmaggahaṇaṃ vacanabhedo ca veditabbo.
яат̇аа жа г̇ан̣асса ниссаж̇ж̇анз звам̣ д̣̇виннам̣ ниссаж̇ж̇анзби баал̣и взд̣̇ид̇аб̣б̣аа. яад̣̇и хи висзсо бхавзяяа, яат̇зва ‘‘ануж̇аанаами, бхигкавз, д̇ин̣н̣аннам̣ баарисуд̣̇д̇хиубосат̇ам̣ гаад̇ум̣, зван̃жа бана, бхигкавз, гаад̇аб̣б̣о. б̣яад̇д̇зна бхигкунаа бадиб̣алзна д̇з бхигкуу н̃аабзд̇аб̣б̣аа’’д̇иаад̣̇инаа наязна ‘‘д̇ин̣н̣аннам̣ баарисуд̣̇д̇хиубосат̇ам̣ гаад̇у’’нд̇и вад̇ваа буна ‘‘ануж̇аанаами, бхигкавз, д̣̇виннам̣ баарисуд̣̇д̇хиубосат̇ам̣ гаад̇ум̣, зван̃жа бана, бхигкавз, гаад̇аб̣б̣о. т̇зрзна бхигкунаа згам̣сам̣ уд̇д̇араасан̇г̇а’’нд̇иаад̣̇инаа (махаава. 168) наязна висум̣язва д̣̇виннам̣ баарисуд̣̇д̇хиубосат̇о вуд̇д̇о, звамид̇хааби висум̣ баал̣им̣ вад̣̇зяяа, яасмаа бана над̇т̇и, д̇асмаа авад̇ваа г̇ад̇од̇и, г̇ан̣асса вуд̇д̇аа баал̣иязвзд̇т̇а баал̣и.
Yathā ca gaṇassa nissajjane evaṃ dvinnaṃ nissajjanepi pāḷi veditabbā. Yadi hi viseso bhaveyya, yatheva ‘‘anujānāmi, bhikkhave, tiṇṇannaṃ pārisuddhiuposathaṃ kātuṃ, evañca pana, bhikkhave, kātabbo. Byattena bhikkhunā paṭibalena te bhikkhū ñāpetabbā’’tiādinā nayena ‘‘tiṇṇannaṃ pārisuddhiuposathaṃ kātu’’nti vatvā puna ‘‘anujānāmi, bhikkhave, dvinnaṃ pārisuddhiuposathaṃ kātuṃ, evañca pana, bhikkhave, kātabbo. Therena bhikkhunā ekaṃsaṃ uttarāsaṅga’’ntiādinā (mahāva. 168) nayena visuṃyeva dvinnaṃ pārisuddhiuposatho vutto, evamidhāpi visuṃ pāḷiṃ vadeyya, yasmā pana natthi, tasmā avatvā gatoti, gaṇassa vuttā pāḷiyevettha pāḷi.
аабад̇д̇ибадиг̇г̇ахан̣з бана аяам̣ висзсо, яат̇аа г̇ан̣асса ниссаж̇ж̇ид̇ваа аабад̇д̇ияаа д̣̇зсияамаанааяа аабад̇д̇ибадиг̇г̇аахаго бхигку н̃ад̇д̇им̣ табзд̇и, звам̣ адтабзд̇ваа д̣̇вийсу ан̃н̃ад̇арзна яат̇аа згабуг̇г̇ало бадиг̇г̇ан̣хаад̇и, звам̣ аабад̇д̇и бадиг̇г̇ахзд̇аб̣б̣аа. д̣̇виннан̃хи н̃ад̇д̇идтабанаа наама над̇т̇и, яад̣̇и сияаа д̣̇виннам̣ баарисуд̣̇д̇хиубосат̇ам̣ висум̣ на вад̣̇зяяа.
Āpattipaṭiggahaṇe pana ayaṃ viseso, yathā gaṇassa nissajjitvā āpattiyā desiyamānāya āpattipaṭiggāhako bhikkhu ñattiṃ ṭhapeti, evaṃ aṭṭhapetvā dvīsu aññatarena yathā ekapuggalo paṭiggaṇhāti, evaṃ āpatti paṭiggahetabbā. Dvinnañhi ñattiṭṭhapanā nāma natthi, yadi siyā dvinnaṃ pārisuddhiuposathaṃ visuṃ na vadeyya.
ниссадтажийварад̣̇аанзби яат̇аа ‘‘имам̣ жийварам̣ ааяасмад̇о д̣̇аммий’’д̇и зго вад̣̇ад̇и, звам̣ ‘‘имам̣ маяам̣ жийварам̣ ааяасмад̇о д̣̇змаа’’д̇и вад̇д̇ум̣ ваддад̇и. ид̇о г̇аругад̇араани хи н̃ад̇д̇ид̣̇уд̇ияагаммааниби ‘‘абалогзд̇ваа гаад̇аб̣б̣ааний’’д̇и вуд̇д̇аани ад̇т̇и, д̇зсам̣ зд̇ам̣ ануломам̣ ниссадтажийварам̣ бана д̣̇аад̇аб̣б̣амзва ад̣̇аад̇ум̣ на лаб̣бхад̇и, винаяагаммамад̇д̇ан̃хзд̇ам̣. на д̇ам̣ д̇зна сан̇гхасса ваа г̇ан̣асса ваа буг̇г̇аласса ваа д̣̇иннамзва ход̇ийд̇и.
Nissaṭṭhacīvaradānepi yathā ‘‘imaṃ cīvaraṃ āyasmato dammī’’ti eko vadati, evaṃ ‘‘imaṃ mayaṃ cīvaraṃ āyasmato demā’’ti vattuṃ vaṭṭati. Ito garukatarāni hi ñattidutiyakammānipi ‘‘apaloketvā kātabbānī’’ti vuttāni atthi, tesaṃ etaṃ anulomaṃ nissaṭṭhacīvaraṃ pana dātabbameva adātuṃ na labbhati, vinayakammamattañhetaṃ. Na taṃ tena saṅghassa vā gaṇassa vā puggalassa vā dinnameva hotīti.
468. д̣̇асаахаад̇игганд̇з ад̇игганд̇асан̃н̃ийд̇и д̣̇асаахам̣ ад̇игганд̇з жийварз ‘‘ад̇игганд̇ам̣ ид̣̇а’’нд̇и звам̣сан̃н̃ий, д̣̇асаахз ваа ад̇игганд̇з ‘‘ад̇игганд̇о д̣̇асаахо’’д̇и звам̣сан̃н̃ий. ниссаг̇г̇ияам̣ баажид̇д̇ияанд̇и на ид̇ха сан̃н̃аа рагкад̇и. яоби звам̣сан̃н̃ий, д̇ассаби д̇ам̣ жийварам̣ ниссаг̇г̇ияам̣ баажид̇д̇ияаабад̇д̇и жа. саниссаг̇г̇ияавинаяагаммам̣ ваа баажид̇д̇ияанд̇и убхоби ад̇т̇авигаббаа яуж̇ж̇анд̇и. зса наяо саб̣б̣ад̇т̇а.
468.Dasāhātikkante atikkantasaññīti dasāhaṃ atikkante cīvare ‘‘atikkantaṃ ida’’nti evaṃsaññī, dasāhe vā atikkante ‘‘atikkanto dasāho’’ti evaṃsaññī. Nissaggiyaṃ pācittiyanti na idha saññā rakkhati. Yopi evaṃsaññī, tassapi taṃ cīvaraṃ nissaggiyaṃ pācittiyāpatti ca. Sanissaggiyavinayakammaṃ vā pācittiyanti ubhopi atthavikappā yujjanti. Esa nayo sabbattha.
ависсаж̇ж̇ид̇з виссаж̇ж̇ид̇асан̃н̃ийд̇и гассажи ад̣̇иннз абарижжад̇д̇з ‘‘барижжад̇д̇ам̣ маяаа’’д̇и звам̣сан̃н̃ий.
Avissajjitevissajjitasaññīti kassaci adinne apariccatte ‘‘pariccattaṃ mayā’’ti evaṃsaññī.
анадтз надтасан̃н̃ийд̇и ад̇д̇ано жийварзна сад̣̇д̇хим̣ б̣ахууни ан̃н̃зсам̣ жийвараани згад̇о табид̇аани жораа харанд̇и. д̇ад̇рзса ад̇д̇ано жийварз анадтз надтасан̃н̃ий ход̇и. зса наяо авинадтаад̣̇ийсуби.
Anaṭṭhe naṭṭhasaññīti attano cīvarena saddhiṃ bahūni aññesaṃ cīvarāni ekato ṭhapitāni corā haranti. Tatresa attano cīvare anaṭṭhe naṭṭhasaññī hoti. Esa nayo avinaṭṭhādīsupi.
авилуд̇д̇зд̇и зд̇т̇а бана г̇аб̣бхам̣ бхинд̣̇ид̇ваа басаяхаавахааравасзна авилуд̇д̇зд̇и взд̣̇ид̇аб̣б̣ам̣.
Avilutteti ettha pana gabbhaṃ bhinditvā pasayhāvahāravasena avilutteti veditabbaṃ.
аниссаж̇ж̇ид̇ваа барибхун̃ж̇ад̇и аабад̇д̇и д̣̇уггадассаад̇и сагим̣ нивад̇т̇ам̣ ваа сагим̣ бааруд̇ам̣ ваа гааяад̇о аможзд̇ваа д̣̇ивасамби вижарад̇и, згаава аабад̇д̇и. можзд̇ваа можзд̇ваа ниваасзд̇и ваа баарубад̇и ваа баяог̇з баяог̇з д̣̇уггадам̣. д̣̇уннивад̇т̇ам̣ ваа д̣̇уббааруд̇ам̣ ваа сан̣табзнд̇асса анаабад̇д̇и. ан̃н̃асса д̇ам̣ барибхун̃ж̇ад̇оби анаабад̇д̇и, ‘‘анаабад̇д̇и ан̃н̃зна гад̇ам̣ бадилабхид̇ваа барибхун̃ж̇ад̇ий’’д̇и (баараа. 570) аад̣̇иважанан̃жзд̇т̇а саад̇хагам̣. анад̇игганд̇з ад̇игганд̇асан̃н̃ино взмад̇игасса жа д̣̇уггадам̣ барибхог̇ам̣ санд̇хааяа вуд̇д̇ам̣.
Anissajjitvā paribhuñjati āpatti dukkaṭassāti sakiṃ nivatthaṃ vā sakiṃ pārutaṃ vā kāyato amocetvā divasampi vicarati, ekāva āpatti. Mocetvā mocetvā nivāseti vā pārupati vā payoge payoge dukkaṭaṃ. Dunnivatthaṃ vā duppārutaṃ vā saṇṭhapentassa anāpatti. Aññassa taṃ paribhuñjatopi anāpatti, ‘‘anāpatti aññena kataṃ paṭilabhitvā paribhuñjatī’’ti (pārā. 570) ādivacanañcettha sādhakaṃ. Anatikkante atikkantasaññino vematikassa ca dukkaṭaṃ paribhogaṃ sandhāya vuttaṃ.
469. ‘‘анаабад̇д̇и анд̇од̣̇асаахам̣ ад̇хидтзд̇и, вигаббзд̇ий’’д̇и зд̇т̇а бана ад̇хидтаанубаг̇ам̣ вигаббанубаг̇ан̃жа взд̣̇ид̇аб̣б̣ам̣. д̇ад̇рааяам̣ баал̣и – ат̇а ко бхигкуунам̣ зд̇ад̣̇ахоси – ‘‘яаани д̇аани бхаг̇авад̇аа анун̃н̃аад̇аани ‘д̇ижийвара’нд̇и ваа ‘вассигасаадигаа’д̇и ваа ‘нисийд̣̇ана’нд̇и ваа ‘бажжад̇т̇аран̣а’нд̇и ваа ‘ган̣д̣уббадижчаад̣̇ий’д̇и ваа мукабун̃чанажол̣аганд̇и ваа баригкааражол̣анд̇и ваа саб̣б̣аани д̇аани ад̇хидтаад̇аб̣б̣аанийд̇и ну ко уд̣̇ааху вигаббзд̇аб̣б̣ааний’’д̇и, бхаг̇авад̇о зд̇амад̇т̇ам̣ аарожзсум̣ –
469.‘‘Anāpatti antodasāhaṃ adhiṭṭheti, vikappetī’’ti ettha pana adhiṭṭhānupagaṃ vikappanupagañca veditabbaṃ. Tatrāyaṃ pāḷi – atha kho bhikkhūnaṃ etadahosi – ‘‘yāni tāni bhagavatā anuññātāni ‘ticīvara’nti vā ‘vassikasāṭikā’ti vā ‘nisīdana’nti vā ‘paccattharaṇa’nti vā ‘kaṇḍuppaṭicchādī’ti vā mukhapuñchanacoḷakanti vā parikkhāracoḷanti vā sabbāni tāni adhiṭṭhātabbānīti nu kho udāhu vikappetabbānī’’ti, bhagavato etamatthaṃ ārocesuṃ –
‘‘ануж̇аанаами, бхигкавз, д̇ижийварам̣ ад̇хидтаад̇ум̣ на вигаббзд̇ум̣; вассигасаадигам̣ вассаанам̣ жаад̇умаасам̣ ад̇хидтаад̇ум̣ д̇ад̇о барам̣ вигаббзд̇ум̣; нисийд̣̇анам̣ ад̇хидтаад̇ум̣ на вигаббзд̇ум̣; бажжад̇т̇аран̣ам̣ ад̇хидтаад̇ум̣ на вигаббзд̇ум̣; ган̣д̣уббадижчаад̣̇им̣ яааваааб̣аад̇хаа ад̇хидтаад̇ум̣ д̇ад̇о барам̣ вигаббзд̇ум̣; мукабун̃чанажол̣ам̣ ад̇хидтаад̇ум̣ на вигаббзд̇ум̣; баригкааражол̣ам̣ ад̇хидтаад̇ум̣ на вигаббзд̇у’’нд̇и (махаава. 358).
‘‘Anujānāmi, bhikkhave, ticīvaraṃ adhiṭṭhātuṃ na vikappetuṃ; vassikasāṭikaṃ vassānaṃ cātumāsaṃ adhiṭṭhātuṃ tato paraṃ vikappetuṃ; nisīdanaṃ adhiṭṭhātuṃ na vikappetuṃ; paccattharaṇaṃ adhiṭṭhātuṃ na vikappetuṃ; kaṇḍuppaṭicchādiṃ yāvaābādhā adhiṭṭhātuṃ tato paraṃ vikappetuṃ; mukhapuñchanacoḷaṃ adhiṭṭhātuṃ na vikappetuṃ; parikkhāracoḷaṃ adhiṭṭhātuṃ na vikappetu’’nti (mahāva. 358).
‘‘д̇ад̇т̇а д̇ижийварам̣’’ ад̇хидтаханд̇зна раж̇ид̇ваа габбаб̣инд̣̇ум̣ д̣̇ад̇ваа бамаан̣аяуд̇д̇амзва ад̇хидтаад̇аб̣б̣ам̣. д̇асса бамаан̣ам̣ уггадтабарижчзд̣̇зна суг̇ад̇ажийварад̇о уунагам̣ ваддад̇и, лаамагабарижчзд̣̇зна сан̇гхаадияаа уд̇д̇араасан̇г̇асса жа д̣̇ийгхад̇о мудтибан̃жагам̣ д̇ирияам̣ мудтид̇д̇игам̣ бамаан̣ам̣ ваддад̇и. анд̇араваасаго д̣̇ийгхад̇о мудтибан̃жаго д̇ирияам̣ д̣̇вихад̇т̇оби ваддад̇и. баарубан̣знаби хи саггаа наабхим̣ бадижчаад̣̇зд̇унд̇и. вуд̇д̇аббамаан̣ад̇о бана ад̇ирзгам̣ уунаган̃жа баригкааражол̣анд̇и ад̇хидтаад̇аб̣б̣ам̣.
‘‘Tattha ticīvaraṃ’’ adhiṭṭhahantena rajitvā kappabinduṃ datvā pamāṇayuttameva adhiṭṭhātabbaṃ. Tassa pamāṇaṃ ukkaṭṭhaparicchedena sugatacīvarato ūnakaṃ vaṭṭati, lāmakaparicchedena saṅghāṭiyā uttarāsaṅgassa ca dīghato muṭṭhipañcakaṃ tiriyaṃ muṭṭhittikaṃ pamāṇaṃ vaṭṭati. Antaravāsako dīghato muṭṭhipañcako tiriyaṃ dvihatthopi vaṭṭati. Pārupaṇenapi hi sakkā nābhiṃ paṭicchādetunti. Vuttappamāṇato pana atirekaṃ ūnakañca parikkhāracoḷanti adhiṭṭhātabbaṃ.
д̇ад̇т̇а яасмаа ‘‘д̣̇вз жийварасса ад̇хидтаанаа – гааязна ваа ад̇хидтзд̇и, ваажааяа ваа ад̇хидтзд̇ий’’д̇и (бари. 322) вуд̇д̇ам̣, д̇асмаа бураан̣асан̇гхаадим̣ ‘‘имам̣ сан̇гхаадим̣ бажжуд̣̇д̇хараамий’’д̇и бажжуд̣̇д̇харид̇ваа навам̣ сан̇гхаадим̣ хад̇т̇зна г̇ахзд̇ваа ‘‘имам̣ сан̇гхаадим̣ ад̇хидтаамий’’д̇и жид̇д̇зна аабхог̇ам̣ гад̇ваа гааяавигаарам̣ гаронд̇зна гааязна ад̇хидтаад̇аб̣б̣аа. ид̣̇ам̣ гааязна ад̇хидтаанам̣, д̇ам̣ язна гзнажи сарийрааваяавзна апусанд̇асса на ваддад̇и. ваажааяа ад̇хидтаанз бана важийбхзд̣̇ам̣ гад̇ваа ваажааяа ад̇хидтаад̇аб̣б̣аа. д̇ад̇ра д̣̇увид̇хам̣ ад̇хидтаанам̣ – сажз хад̇т̇абаасз ход̇и ‘‘имам̣ сан̇гхаадим̣ ад̇хидтаамий’’д̇и ваажаа бхинд̣̇ид̇аб̣б̣аа. ат̇а анд̇ог̇аб̣бхз ваа убарибаасаад̣̇з ваа сааманд̇авихаарз ваа ход̇и табид̇адтаанам̣ саллагкзд̇ваа ‘‘зд̇ам̣ сан̇гхаадим̣ ад̇хидтаамий’’д̇и ваажаа бхинд̣̇ид̇аб̣б̣аа. зса наяо уд̇д̇араасан̇г̇з анд̇араваасагз жа. наамамад̇д̇амзва хи висзсо. д̇асмаа саб̣б̣аани сан̇гхаадим̣ уд̇д̇араасан̇г̇ам̣ анд̇араваасаганд̇и звам̣ ад̇д̇ано наамзнзва ад̇хидтаад̇аб̣б̣аани. сажз ад̇хидтахид̇ваа табид̇авад̇т̇зхи сан̇гхаадиаад̣̇ийни гарод̇и, нидтид̇з раж̇анз жа габбз жа имам̣ ‘‘бажжуд̣̇д̇хараамий’’д̇и бажжуд̣̇д̇харид̇ваа буна ад̇хидтаад̇аб̣б̣аани. ад̇хидтид̇зна бана сад̣̇д̇хим̣ маханд̇ад̇арамзва д̣̇уд̇ияабаддам̣ ваа кан̣д̣ам̣ ваа сам̣сиб̣б̣анд̇зна буна ад̇хидтаад̇аб̣б̣амзва. самз ваа куд̣̇д̣̇агз ваа ад̇хидтаанагижжам̣ над̇т̇и.
Tattha yasmā ‘‘dve cīvarassa adhiṭṭhānā – kāyena vā adhiṭṭheti, vācāya vā adhiṭṭhetī’’ti (pari. 322) vuttaṃ, tasmā purāṇasaṅghāṭiṃ ‘‘imaṃ saṅghāṭiṃ paccuddharāmī’’ti paccuddharitvā navaṃ saṅghāṭiṃ hatthena gahetvā ‘‘imaṃ saṅghāṭiṃ adhiṭṭhāmī’’ti cittena ābhogaṃ katvā kāyavikāraṃ karontena kāyena adhiṭṭhātabbā. Idaṃ kāyena adhiṭṭhānaṃ, taṃ yena kenaci sarīrāvayavena aphusantassa na vaṭṭati. Vācāya adhiṭṭhāne pana vacībhedaṃ katvā vācāya adhiṭṭhātabbā. Tatra duvidhaṃ adhiṭṭhānaṃ – sace hatthapāse hoti ‘‘imaṃ saṅghāṭiṃ adhiṭṭhāmī’’ti vācā bhinditabbā. Atha antogabbhe vā uparipāsāde vā sāmantavihāre vā hoti ṭhapitaṭṭhānaṃ sallakkhetvā ‘‘etaṃ saṅghāṭiṃ adhiṭṭhāmī’’ti vācā bhinditabbā. Esa nayo uttarāsaṅge antaravāsake ca. Nāmamattameva hi viseso. Tasmā sabbāni saṅghāṭiṃ uttarāsaṅgaṃ antaravāsakanti evaṃ attano nāmeneva adhiṭṭhātabbāni. Sace adhiṭṭhahitvā ṭhapitavatthehi saṅghāṭiādīni karoti, niṭṭhite rajane ca kappe ca imaṃ ‘‘paccuddharāmī’’ti paccuddharitvā puna adhiṭṭhātabbāni. Adhiṭṭhitena pana saddhiṃ mahantatarameva dutiyapaṭṭaṃ vā khaṇḍaṃ vā saṃsibbantena puna adhiṭṭhātabbameva. Same vā khuddake vā adhiṭṭhānakiccaṃ natthi.
д̇ижийварам̣ бана баригкааражол̣ам̣ ад̇хидтаад̇ум̣ ваддад̇и на ваддад̇ийд̇и? махаабад̣̇умад̇т̇зро гирааха – ‘‘д̇ижийварам̣ д̇ижийварамзва ад̇хидтаад̇аб̣б̣ам̣. сажз баригкааражол̣аад̇хидтаанам̣ лабхзяяа уд̣̇осид̇асигкаабад̣̇з барихааро нирад̇т̇аго бхавзяяаа’’д̇и. звам̣ вуд̇д̇з гира авасзсаа бхигкуу аахам̣су – ‘‘баригкааражол̣амби бхаг̇авад̇аава ад̇хидтаад̇аб̣б̣анд̇и вуд̇д̇ам̣, д̇асмаа ваддад̇ий’’д̇и. махаабажжарияамби вуд̇д̇ам̣ ‘‘баригкааражол̣ам̣ наама баадзггам̣ нид̇хаанамукамзд̇анд̇и д̇ижийварам̣ баригкааражол̣анд̇и ад̇хидтахид̇ваа барибхун̃ж̇ид̇ум̣ ваддад̇и. уд̣̇осид̇асигкаабад̣̇з бана д̇ижийварам̣ ад̇хидтахид̇ваа барихаранд̇асса барихааро вуд̇д̇о’’д̇и. убхад̇овибхан̇г̇абхаан̣аго бун̣н̣аваалигаваасий махаад̇иссад̇т̇зроби гира ааха – ‘‘маяам̣ буб̣б̣з махаат̇зраанам̣ ассумха, аран̃н̃аваасино бхигкуу ругкасусираад̣̇ийсу жийварам̣ табзд̇ваа бад̇хаанам̣ бад̣̇аханад̇т̇ааяа г̇ажчанд̇и. сааманд̇авихаарз д̇хаммасаванад̇т̇ааяа г̇ад̇аанан̃жа нзсам̣ суурияз удтид̇з сааман̣зраа ваа д̣̇ахарабхигкуу ваа бад̇д̇ажийварам̣ г̇ахзд̇ваа г̇ажчанд̇и, д̇асмаа сукабарибхог̇ад̇т̇ам̣ д̇ижийварам̣ баригкааражол̣анд̇и ад̇хидтаад̇ум̣ ваддад̇ий’’д̇и. махаабажжарияамби вуд̇д̇ам̣ буб̣б̣з ааран̃н̃игаа бхигкуу аб̣ад̣̇д̇хасиймааяам̣ д̣̇уббарихааранд̇и д̇ижийварам̣ баригкааражол̣амзва ад̇хидтахид̇ваа барибхун̃ж̇им̣суу’’д̇и.
Ticīvaraṃ pana parikkhāracoḷaṃ adhiṭṭhātuṃ vaṭṭati na vaṭṭatīti? Mahāpadumatthero kirāha – ‘‘ticīvaraṃ ticīvarameva adhiṭṭhātabbaṃ. Sace parikkhāracoḷādhiṭṭhānaṃ labheyya udositasikkhāpade parihāro niratthako bhaveyyā’’ti. Evaṃ vutte kira avasesā bhikkhū āhaṃsu – ‘‘parikkhāracoḷampi bhagavatāva adhiṭṭhātabbanti vuttaṃ, tasmā vaṭṭatī’’ti. Mahāpaccariyampi vuttaṃ ‘‘parikkhāracoḷaṃ nāma pāṭekkaṃ nidhānamukhametanti ticīvaraṃ parikkhāracoḷanti adhiṭṭhahitvā paribhuñjituṃ vaṭṭati. Udositasikkhāpade pana ticīvaraṃ adhiṭṭhahitvā pariharantassa parihāro vutto’’ti. Ubhatovibhaṅgabhāṇako puṇṇavālikavāsī mahātissattheropi kira āha – ‘‘mayaṃ pubbe mahātherānaṃ assumha, araññavāsino bhikkhū rukkhasusirādīsu cīvaraṃ ṭhapetvā padhānaṃ padahanatthāya gacchanti. Sāmantavihāre dhammasavanatthāya gatānañca nesaṃ sūriye uṭṭhite sāmaṇerā vā daharabhikkhū vā pattacīvaraṃ gahetvā gacchanti, tasmā sukhaparibhogatthaṃ ticīvaraṃ parikkhāracoḷanti adhiṭṭhātuṃ vaṭṭatī’’ti. Mahāpaccariyampi vuttaṃ pubbe āraññikā bhikkhū abaddhasīmāyaṃ dupparihāranti ticīvaraṃ parikkhāracoḷameva adhiṭṭhahitvā paribhuñjiṃsū’’ti.
‘‘вассигасаадигаа’’ анад̇ирид̇д̇аббамаан̣аа наамам̣ г̇ахзд̇ваа вуд̇д̇анаязнзва жад̇д̇ааро вассигз маасз ад̇хидтаад̇аб̣б̣аа, д̇ад̇о барам̣ бажжуд̣̇д̇харид̇ваа вигаббзд̇аб̣б̣аа. ван̣н̣абхзд̣̇амад̇д̇арад̇д̇ааби жзсаа ваддад̇и. д̣̇вз бана на вадданд̇и. ‘‘нисийд̣̇анам̣’’ вуд̇д̇анаязна ад̇хидтаад̇аб̣б̣амзва, д̇ан̃жа ко бамаан̣аяуд̇д̇ам̣ згамзва, д̣̇вз на вадданд̇и. ‘‘бажжад̇т̇аран̣а’’мби ад̇хидтаад̇аб̣б̣амзва, д̇ам̣ бана маханд̇амби ваддад̇и, згамби ваддад̇и, б̣ахууниби вадданд̇и. нийламби бийд̇агамби сад̣̇асамби бубпад̣̇асамбийд̇и саб̣б̣аббагаарам̣ ваддад̇и. сагим̣ ад̇хидтид̇ам̣ ад̇хидтид̇амзва ход̇и. ‘‘ган̣д̣уббадижчаад̣̇и’’ яаава ааб̣аад̇хо ад̇т̇и, д̇аава бамаан̣игаа ад̇хидтаад̇аб̣б̣аа. ааб̣аад̇хз вуубасанд̇з бажжуд̣̇д̇харид̇ваа вигаббзд̇аб̣б̣аа, згаава ваддад̇и . ‘‘мукабун̃чанажол̣ам̣’’ ад̇хидтаад̇аб̣б̣амзва, яаава згам̣ д̇ховияад̇и, д̇аава ан̃н̃ам̣ барибхог̇ад̇т̇ааяа ижчид̇аб̣б̣анд̇и д̣̇вз вадданд̇и. абарз бана т̇зраа ‘‘нид̇хаанамукамзд̇ам̣ б̣ахууниби вадданд̇ий’’д̇и вад̣̇анд̇и. баригкааражол̣з г̇ан̣анаа над̇т̇и, яад̇д̇агам̣ ижчад̇и д̇ад̇д̇агам̣ ад̇хидтаад̇аб̣б̣амзва. т̇авигааби бариссааванамби вигаббанубаг̇ам̣ бажчимажийвараббамаан̣ам̣ ‘‘баригкааражол̣ага’’нд̇и ад̇хидтаад̇аб̣б̣амзва. б̣ахууни згад̇о гад̇ваа ‘‘имаани жийвараани баригкааражол̣аани ад̇хидтаамий’’д̇и ад̇хидтаад̇умби ваддад̇иязва. бхзсаж̇ж̇анавагаммамаад̇аабид̇уаад̣̇ийнам̣ ад̇т̇ааяа табзнд̇знаби ад̇хидтаад̇аб̣б̣амзва. махаабажжарияам̣ бана ‘‘анаабад̇д̇ий’’д̇и вуд̇д̇ам̣. ман̃жабхиси бийтагабхиси б̣имб̣оханам̣ баавааро гож̇авод̇и зд̇зсу бана сзнаасанабаригкаарад̇т̇ааяа д̣̇иннабажжад̇т̇аран̣з жа ад̇хидтаанагижжам̣ над̇т̇иязва.
‘‘Vassikasāṭikā’’ anatirittappamāṇā nāmaṃ gahetvā vuttanayeneva cattāro vassike māse adhiṭṭhātabbā, tato paraṃ paccuddharitvā vikappetabbā. Vaṇṇabhedamattarattāpi cesā vaṭṭati. Dve pana na vaṭṭanti. ‘‘Nisīdanaṃ’’ vuttanayena adhiṭṭhātabbameva, tañca kho pamāṇayuttaṃ ekameva, dve na vaṭṭanti. ‘‘Paccattharaṇa’’mpi adhiṭṭhātabbameva, taṃ pana mahantampi vaṭṭati, ekampi vaṭṭati, bahūnipi vaṭṭanti. Nīlampi pītakampi sadasampi pupphadasampīti sabbappakāraṃ vaṭṭati. Sakiṃ adhiṭṭhitaṃ adhiṭṭhitameva hoti. ‘‘Kaṇḍuppaṭicchādi’’ yāva ābādho atthi, tāva pamāṇikā adhiṭṭhātabbā. Ābādhe vūpasante paccuddharitvā vikappetabbā, ekāva vaṭṭati . ‘‘Mukhapuñchanacoḷaṃ’’ adhiṭṭhātabbameva, yāva ekaṃ dhoviyati, tāva aññaṃ paribhogatthāya icchitabbanti dve vaṭṭanti. Apare pana therā ‘‘nidhānamukhametaṃ bahūnipi vaṭṭantī’’ti vadanti. Parikkhāracoḷe gaṇanā natthi, yattakaṃ icchati tattakaṃ adhiṭṭhātabbameva. Thavikāpi parissāvanampi vikappanupagaṃ pacchimacīvarappamāṇaṃ ‘‘parikkhāracoḷaka’’nti adhiṭṭhātabbameva. Bahūni ekato katvā ‘‘imāni cīvarāni parikkhāracoḷāni adhiṭṭhāmī’’ti adhiṭṭhātumpi vaṭṭatiyeva. Bhesajjanavakammamātāpituādīnaṃ atthāya ṭhapentenapi adhiṭṭhātabbameva. Mahāpaccariyaṃ pana ‘‘anāpattī’’ti vuttaṃ. Mañcabhisi pīṭhakabhisi bimbohanaṃ pāvāro kojavoti etesu pana senāsanaparikkhāratthāya dinnapaccattharaṇe ca adhiṭṭhānakiccaṃ natthiyeva.
ад̇хидтид̇ажийварам̣ бана барибхун̃ж̇ад̇о гат̇ам̣ ад̇хидтаанам̣ виж̇ахад̇ийд̇и? ан̃н̃асса д̣̇аанзна, ажчинд̣̇ид̇ваа г̇ахан̣зна, виссаасаг̇г̇аахзна, хийнааяаавад̇д̇анзна, сигкаабажжагкаанзна , гаалам̣гирияааяа, лин̇г̇абаривад̇д̇анзна, бажжуд̣̇д̇харан̣зна, чид̣̇д̣̇абхаавзнаад̇и имзхи навахи гааран̣зхи виж̇ахад̇и. д̇ад̇т̇а буримзхи адтахи саб̣б̣ажийвараани ад̇хидтаанам̣ виж̇аханд̇и, чид̣̇д̣̇абхаавзна бана д̇ижийварассзва саб̣б̣аадтагат̇аасу ад̇хидтаанавиж̇аханам̣ вуд̇д̇ам̣, д̇ан̃жа накабидтиббамаан̣зна чид̣̇д̣̇зна. д̇ад̇т̇а накабидтиббамаан̣ам̣ ганидтан̇г̇улинакавасзна взд̣̇ид̇аб̣б̣ам̣, чид̣̇д̣̇ан̃жа виниб̣б̣ид̣̇д̇хачид̣̇д̣̇амзва. чид̣̇д̣̇асса хи аб̣бханд̇арз згад̇анд̇у жзби ажчинно ход̇и, рагкад̇и. д̇ад̇т̇а сан̇гхаадияаа жа уд̇д̇араасан̇г̇асса жа д̣̇ийгханд̇ад̇о вид̣̇ад̇т̇иббамаан̣асса д̇ирияанд̇ад̇о адтан̇г̇улаббамаан̣асса бад̣̇зсасса орад̇о чид̣̇д̣̇ам̣ ад̇хидтаанам̣ бхинд̣̇ад̇и, барад̇о на бхинд̣̇ад̇и. анд̇араваасагасса бана д̣̇ийгханд̇ад̇о вид̣̇ад̇т̇иббамаан̣ассзва д̇ирияанд̇ад̇о жад̇уран̇г̇улаббамаан̣асса бад̣̇зсасса орад̇о чид̣̇д̣̇ам̣ ад̇хидтаанам̣ бхинд̣̇ад̇и, барад̇о на бхинд̣̇ад̇и. д̇асмаа ж̇аад̇з чид̣̇д̣̇з д̇ам̣ жийварам̣ ад̇ирзгажийварадтаанз д̇идтад̇и, суужигаммам̣ гад̇ваа буна ад̇хидтаад̇аб̣б̣ам̣. махаасумад̇т̇зро банааха – ‘‘бамаан̣ажийварасса яад̇т̇а гад̇т̇ажи чид̣̇д̣̇ам̣ ад̇хидтаанам̣ бхинд̣̇ад̇и, маханд̇асса бана бамаан̣ад̇о б̣ахи чид̣̇д̣̇ам̣ ад̇хидтаанам̣ на бхинд̣̇ад̇и, анд̇ож̇аад̇ам̣ бхинд̣̇ад̇ий’’д̇и. гаравийгад̇иссад̇т̇зро ааха – ‘‘куд̣̇д̣̇агам̣ маханд̇ам̣ на бамаан̣ам̣, д̣̇вз жийвараани баарубанд̇асса ваамахад̇т̇з сан̇гхарид̇ваа табид̇адтаанз чид̣̇д̣̇ам̣ ад̇хидтаанам̣ на бхинд̣̇ад̇и, орабхааг̇з бхинд̣̇ад̇и. анд̇араваасагассаби оваддигам̣ гаронд̇зна сан̇гхарид̇адтаанз чид̣̇д̣̇ам̣ на бхинд̣̇ад̇и, д̇ад̇о орам̣ бхинд̣̇ад̇ий’’д̇и. анд̇хагадтагат̇ааяам̣ бана д̇ижийварз махаасумад̇т̇зраваад̣̇ам̣ бамаан̣ам̣ гад̇ваа уд̇д̇аримби ид̣̇ам̣ вуд̇д̇ам̣ ‘‘бажчимаббамаан̣ам̣ ад̇хидтаанам̣ рагкад̇ий’’д̇и. баригкааражол̣з д̣̇ийгхасо адтан̇г̇улз суг̇ад̇ан̇г̇улзна д̇ирияам̣ жад̇уран̇г̇улз яад̇т̇а гад̇т̇ажи чид̣̇д̣̇ам̣ ад̇хидтаанам̣ виж̇ахад̇и. маханд̇з жол̣з д̇ад̇о барзна чид̣̇д̣̇ам̣ ад̇хидтаанам̣ на виж̇ахад̇и. зса наяо саб̣б̣зсу ад̇хидтаад̇аб̣б̣агзсу жийварзсуу’’д̇и.
Adhiṭṭhitacīvaraṃ pana paribhuñjato kathaṃ adhiṭṭhānaṃ vijahatīti? Aññassa dānena, acchinditvā gahaṇena, vissāsaggāhena, hīnāyāvattanena, sikkhāpaccakkhānena , kālaṃkiriyāya, liṅgaparivattanena, paccuddharaṇena, chiddabhāvenāti imehi navahi kāraṇehi vijahati. Tattha purimehi aṭṭhahi sabbacīvarāni adhiṭṭhānaṃ vijahanti, chiddabhāvena pana ticīvarasseva sabbaaṭṭhakathāsu adhiṭṭhānavijahanaṃ vuttaṃ, tañca nakhapiṭṭhippamāṇena chiddena. Tattha nakhapiṭṭhippamāṇaṃ kaniṭṭhaṅgulinakhavasena veditabbaṃ, chiddañca vinibbiddhachiddameva. Chiddassa hi abbhantare ekatantu cepi acchinno hoti, rakkhati. Tattha saṅghāṭiyā ca uttarāsaṅgassa ca dīghantato vidatthippamāṇassa tiriyantato aṭṭhaṅgulappamāṇassa padesassa orato chiddaṃ adhiṭṭhānaṃ bhindati, parato na bhindati. Antaravāsakassa pana dīghantato vidatthippamāṇasseva tiriyantato caturaṅgulappamāṇassa padesassa orato chiddaṃ adhiṭṭhānaṃ bhindati, parato na bhindati. Tasmā jāte chidde taṃ cīvaraṃ atirekacīvaraṭṭhāne tiṭṭhati, sūcikammaṃ katvā puna adhiṭṭhātabbaṃ. Mahāsumatthero panāha – ‘‘pamāṇacīvarassa yattha katthaci chiddaṃ adhiṭṭhānaṃ bhindati, mahantassa pana pamāṇato bahi chiddaṃ adhiṭṭhānaṃ na bhindati, antojātaṃ bhindatī’’ti. Karavīkatissatthero āha – ‘‘khuddakaṃ mahantaṃ na pamāṇaṃ, dve cīvarāni pārupantassa vāmahatthe saṅgharitvā ṭhapitaṭṭhāne chiddaṃ adhiṭṭhānaṃ na bhindati, orabhāge bhindati. Antaravāsakassapi ovaṭṭikaṃ karontena saṅgharitaṭṭhāne chiddaṃ na bhindati, tato oraṃ bhindatī’’ti. Andhakaṭṭhakathāyaṃ pana ticīvare mahāsumattheravādaṃ pamāṇaṃ katvā uttarimpi idaṃ vuttaṃ ‘‘pacchimappamāṇaṃ adhiṭṭhānaṃ rakkhatī’’ti. Parikkhāracoḷe dīghaso aṭṭhaṅgule sugataṅgulena tiriyaṃ caturaṅgule yattha katthaci chiddaṃ adhiṭṭhānaṃ vijahati. Mahante coḷe tato parena chiddaṃ adhiṭṭhānaṃ na vijahati. Esa nayo sabbesu adhiṭṭhātabbakesu cīvaresū’’ti.
д̇ад̇т̇а яасмаа саб̣б̣зсамби ад̇хидтаад̇аб̣б̣агажийвараанам̣ вигаббанубаг̇абажчимаббамаан̣ад̇о ан̃н̃ам̣ бажчимаббамаан̣ам̣ наама над̇т̇и, яан̃хи нисийд̣̇ана-ган̣д̣уббадижчаад̣̇и-вассигасаадигаанам̣ бамаан̣ам̣ вуд̇д̇ам̣, д̇ам̣ уггадтам̣, д̇ад̇о уд̇д̇ари бадисид̣̇д̇хад̇д̇аа на бажчимам̣ д̇ад̇о хздтаа аббадисид̣̇д̇хад̇д̇аа. д̇ижийварассааби суг̇ад̇ажийвараббамаан̣ад̇о уунагад̇д̇ам̣ уггадтаббамаан̣амзва. бажчимам̣ бана висум̣ суд̇д̇з вуд̇д̇ам̣ над̇т̇и. мукабун̃чанабажжад̇т̇аран̣абаригкааражол̣аанам̣ уггадтабарижчзд̣̇о над̇т̇иязва. вигаббанубаг̇абажчимзна бана бажчимабарижчзд̣̇о вуд̇д̇о. д̇асмаа яам̣ д̇аава анд̇хагадтагат̇ааяам̣ ‘‘бажчимаббамаан̣ам̣ ад̇хидтаанам̣ рагкад̇ий’’д̇и вад̇ваа д̇ад̇т̇а баригкааражол̣ассзва суг̇ад̇ан̇г̇улзна адтан̇г̇улажад̇уран̇г̇улабажчимаббамаан̣ам̣ д̣̇ассзд̇ваа ид̇арзсам̣ д̇ижийвараад̣̇ийнам̣ мудтибан̃жагаад̣̇ибабхзд̣̇ам̣ бажчимаббамаан̣ам̣ санд̇хааяа ‘‘зса наяо саб̣б̣зсу ад̇хидтаад̇аб̣б̣агзсужийварзсуу’’д̇и вуд̇д̇ам̣, д̇ам̣ на самзд̇и.
Tattha yasmā sabbesampi adhiṭṭhātabbakacīvarānaṃ vikappanupagapacchimappamāṇato aññaṃ pacchimappamāṇaṃ nāma natthi, yañhi nisīdana-kaṇḍuppaṭicchādi-vassikasāṭikānaṃ pamāṇaṃ vuttaṃ, taṃ ukkaṭṭhaṃ, tato uttari paṭisiddhattā na pacchimaṃ tato heṭṭhā appaṭisiddhattā. Ticīvarassāpi sugatacīvarappamāṇato ūnakattaṃ ukkaṭṭhappamāṇameva. Pacchimaṃ pana visuṃ sutte vuttaṃ natthi. Mukhapuñchanapaccattharaṇaparikkhāracoḷānaṃ ukkaṭṭhaparicchedo natthiyeva. Vikappanupagapacchimena pana pacchimaparicchedo vutto. Tasmā yaṃ tāva andhakaṭṭhakathāyaṃ ‘‘pacchimappamāṇaṃ adhiṭṭhānaṃ rakkhatī’’ti vatvā tattha parikkhāracoḷasseva sugataṅgulena aṭṭhaṅgulacaturaṅgulapacchimappamāṇaṃ dassetvā itaresaṃ ticīvarādīnaṃ muṭṭhipañcakādipabhedaṃ pacchimappamāṇaṃ sandhāya ‘‘esa nayo sabbesu adhiṭṭhātabbakesucīvaresū’’ti vuttaṃ, taṃ na sameti.
гаравийгад̇иссад̇т̇зраваад̣̇зби д̣̇ийгханд̇ад̇оязва чид̣̇д̣̇ам̣ д̣̇ассид̇ам̣, д̇ирияанд̇ад̇о на д̣̇ассид̇ам̣, д̇асмаа со абарижчинно. махаасумад̇т̇зраваад̣̇з ‘‘бамаан̣ажийварасса яад̇т̇а гад̇т̇ажи чид̣̇д̣̇ам̣ ад̇хидтаанам̣ бхинд̣̇ад̇и, маханд̇асса бана бамаан̣ад̇о б̣ахи чид̣̇д̣̇ам̣ ад̇хидтаанам̣ на бхинд̣̇ад̇ий’’д̇и вуд̇д̇ам̣. ид̣̇ам̣ бана на вуд̇д̇ам̣ – ‘‘ид̣̇ам̣ наама бамаан̣ажийварам̣ ид̇о уд̇д̇ари маханд̇ам̣ жийвара’’нд̇и. абижзд̇т̇а д̇ижийвараад̣̇ийнам̣ мудтибан̃жагаад̣̇ибхзд̣̇ам̣ бажчимаббамаан̣анд̇и ад̇хиббзд̇ам̣. д̇ад̇т̇а яад̣̇и бажчимаббамаан̣ад̇о б̣ахи чид̣̇д̣̇ам̣ ад̇хидтаанам̣ на бхинд̣̇зяяа, уггадтабад̇д̇ассааби маж̇жхимабад̇д̇асса ваа омагаббамаан̣ад̇о б̣ахи чид̣̇д̣̇ам̣ ад̇хидтаанам̣ на бхинд̣̇зяяа, на жа на бхинд̣̇ад̇и. д̇асмаа аяамби ваад̣̇о абарижчинно.
Karavīkatissattheravādepi dīghantatoyeva chiddaṃ dassitaṃ, tiriyantato na dassitaṃ, tasmā so aparicchinno. Mahāsumattheravāde ‘‘pamāṇacīvarassa yattha katthaci chiddaṃ adhiṭṭhānaṃ bhindati, mahantassa pana pamāṇato bahi chiddaṃ adhiṭṭhānaṃ na bhindatī’’ti vuttaṃ. Idaṃ pana na vuttaṃ – ‘‘idaṃ nāma pamāṇacīvaraṃ ito uttari mahantaṃ cīvara’’nti. Apicettha ticīvarādīnaṃ muṭṭhipañcakādibhedaṃ pacchimappamāṇanti adhippetaṃ. Tattha yadi pacchimappamāṇato bahi chiddaṃ adhiṭṭhānaṃ na bhindeyya, ukkaṭṭhapattassāpi majjhimapattassa vā omakappamāṇato bahi chiddaṃ adhiṭṭhānaṃ na bhindeyya, na ca na bhindati. Tasmā ayampi vādo aparicchinno.
яо банааяам̣ саб̣б̣абатамо адтагат̇ааваад̣̇о, аяамзвзд̇т̇а бамаан̣ам̣. гасмаа? барижчзд̣̇асаб̣бхаавад̇о. д̇ижийварасса хи бажчимаббамаан̣ан̃жа чид̣̇д̣̇аббамаан̣ан̃жа чид̣̇д̣̇уббад̇д̇ид̣̇зсаббамаан̣ан̃жа саб̣б̣аадтагат̇аасуязва барижчинд̣̇ид̇ваа вуд̇д̇ам̣, д̇асмаа свзва ваад̣̇о бамаан̣ам̣. ад̣̇д̇хаа хи со бхаг̇авад̇о ад̇хиббааяам̣ ануг̇анд̇ваа вуд̇д̇о. ид̇арзсу бана нзва барижчзд̣̇о ад̇т̇и, на буб̣б̣аабарам̣ самзд̇ийд̇и.
Yo panāyaṃ sabbapaṭhamo aṭṭhakathāvādo, ayamevettha pamāṇaṃ. Kasmā? Paricchedasabbhāvato. Ticīvarassa hi pacchimappamāṇañca chiddappamāṇañca chidduppattidesappamāṇañca sabbaaṭṭhakathāsuyeva paricchinditvā vuttaṃ, tasmā sveva vādo pamāṇaṃ. Addhā hi so bhagavato adhippāyaṃ anugantvā vutto. Itaresu pana neva paricchedo atthi, na pubbāparaṃ sametīti.
яо бана д̣̇уб̣б̣аладтаанз батамам̣ аг̇г̇ал̣ам̣ д̣̇ад̇ваа бажчаа д̣̇уб̣б̣аладтаанам̣ чинд̣̇ид̇ваа абанзд̇и, ад̇хидтаанам̣ на бхиж̇ж̇ад̇и. ман̣д̣алабаривад̇д̇анзби зсзва наяо. д̣̇убаддасса згасмим̣ бадалз чид̣̇д̣̇з ваа ж̇аад̇з г̇ал̣ид̇з ваа ад̇хидтаанам̣ на бхиж̇ж̇ад̇и, куд̣̇д̣̇агам̣ жийварам̣ маханд̇ам̣ гарод̇и, маханд̇ам̣ ваа куд̣̇д̣̇агам̣ гарод̇и, ад̇хидтаанам̣ на бхиж̇ж̇ад̇и. убхо годияо маж̇жхз гаронд̇о сажз батамам̣ чинд̣̇ид̇ваа бажчаа гхадзд̇и, ад̇хидтаанам̣ бхиж̇ж̇ад̇и. ат̇а гхадзд̇ваа чинд̣̇ад̇и, на бхиж̇ж̇ад̇и, раж̇агзхи д̇ховаабзд̇ваа сзд̇ам̣ гаараабзнд̇ассааби ад̇хидтаанам̣ ад̇хидтаанамзваад̇и . аяам̣ д̇аава ‘‘анд̇од̣̇асаахам̣ ад̇хидтзд̇и вигаббзд̇ий’’д̇и зд̇т̇а ад̇хидтаанз винижчаяо.
Yo pana dubbalaṭṭhāne paṭhamaṃ aggaḷaṃ datvā pacchā dubbalaṭṭhānaṃ chinditvā apaneti, adhiṭṭhānaṃ na bhijjati. Maṇḍalaparivattanepi eseva nayo. Dupaṭṭassa ekasmiṃ paṭale chidde vā jāte gaḷite vā adhiṭṭhānaṃ na bhijjati, khuddakaṃ cīvaraṃ mahantaṃ karoti, mahantaṃ vā khuddakaṃ karoti, adhiṭṭhānaṃ na bhijjati. Ubho koṭiyo majjhe karonto sace paṭhamaṃ chinditvā pacchā ghaṭeti, adhiṭṭhānaṃ bhijjati. Atha ghaṭetvā chindati, na bhijjati, rajakehi dhovāpetvā setaṃ kārāpentassāpi adhiṭṭhānaṃ adhiṭṭhānamevāti . Ayaṃ tāva ‘‘antodasāhaṃ adhiṭṭheti vikappetī’’ti ettha adhiṭṭhāne vinicchayo.
вигаббанз бана д̣̇вз вигаббанаа – саммукаавигаббанаа жа бараммукаавигаббанаа жа. гат̇ам̣ саммукаавигаббанаа ход̇ийд̇и? жийвараанам̣ згаб̣ахубхаавам̣ саннихид̇аасаннихид̇абхааван̃жа н̃ад̇ваа ‘‘‘имам̣ жийвара’нд̇и ваа ‘имаани жийварааний’д̇и ваа ‘зд̇ам̣ жийвара’нд̇и ваа ‘зд̇аани жийварааний’’’д̇и ваа ‘‘д̇уяхам̣ вигаббзмий’’д̇и вад̇д̇аб̣б̣ам̣, аяамзгаа саммукаавигаббанаа. зд̇д̇аавад̇аа нид̇хзд̇ум̣ ваддад̇и, барибхун̃ж̇ид̇ум̣ бана виссаж̇ж̇зд̇ум̣ ваа ад̇хидтаад̇ум̣ ваа на ваддад̇и. ‘‘маяхам̣ санд̇агам̣, маяхам̣ санд̇агаани барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’’д̇и звам̣ бана вуд̇д̇з бажжуд̣̇д̇хааро наама ход̇и. д̇ад̇обабхуд̇и барибхог̇аад̣̇аяоби вадданд̇и.
Vikappane pana dve vikappanā – sammukhāvikappanā ca parammukhāvikappanā ca. Kathaṃ sammukhāvikappanā hotīti? Cīvarānaṃ ekabahubhāvaṃ sannihitāsannihitabhāvañca ñatvā ‘‘‘imaṃ cīvara’nti vā ‘imāni cīvarānī’ti vā ‘etaṃ cīvara’nti vā ‘etāni cīvarānī’’’ti vā ‘‘tuyhaṃ vikappemī’’ti vattabbaṃ, ayamekā sammukhāvikappanā. Ettāvatā nidhetuṃ vaṭṭati, paribhuñjituṃ pana vissajjetuṃ vā adhiṭṭhātuṃ vā na vaṭṭati. ‘‘Mayhaṃ santakaṃ, mayhaṃ santakāni paribhuñja vā vissajjehi vā yathāpaccayaṃ vā karohī’’ti evaṃ pana vutte paccuddhāro nāma hoti. Tatopabhuti paribhogādayopi vaṭṭanti.
абароби наяо – д̇ат̇зва жийвараанам̣ згаб̣ахубхаавам̣ саннихид̇аасаннихид̇абхааван̃жа н̃ад̇ваа д̇ассзва бхигкуно санд̇игз ‘‘‘имам̣ жийвара’нд̇и ваа ‘имаани жийварааний’д̇и ваа ‘зд̇ам̣ жийвара’нд̇и ваа ‘зд̇аани жийварааний’’’д̇и ваа вад̇ваа бан̃жасу сахад̇хаммигзсу ан̃н̃ад̇арасса ад̇д̇анаа абхиружид̇асса яасса гассажи наамам̣ г̇ахзд̇ваа ‘‘‘д̇иссасса бхигкуно вигаббзмий’д̇и ваа ‘д̇иссааяа бхигкунияаа, сигкамаанааяа, д̇иссасса сааман̣зрасса, д̇иссааяа сааман̣зрияаа вигаббзмий’’’д̇и ваа вад̇д̇аб̣б̣ам̣, аяам̣ абарааби саммукаавигаббанаа. зд̇д̇аавад̇аа нид̇хзд̇ум̣ ваддад̇и, барибхог̇аад̣̇ийсу бана згамби на ваддад̇и. д̇зна бана бхигкунаа ‘‘д̇иссасса бхигкуно санд̇агам̣…бз… д̇иссааяа сааман̣зрияаа санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’’д̇и вуд̇д̇з бажжуд̣̇д̇хааро наама ход̇и. д̇ад̇обабхуд̇и барибхог̇аад̣̇аяоби вадданд̇и.
Aparopi nayo – tatheva cīvarānaṃ ekabahubhāvaṃ sannihitāsannihitabhāvañca ñatvā tasseva bhikkhuno santike ‘‘‘imaṃ cīvara’nti vā ‘imāni cīvarānī’ti vā ‘etaṃ cīvara’nti vā ‘etāni cīvarānī’’’ti vā vatvā pañcasu sahadhammikesu aññatarassa attanā abhirucitassa yassa kassaci nāmaṃ gahetvā ‘‘‘tissassa bhikkhuno vikappemī’ti vā ‘tissāya bhikkhuniyā, sikkhamānāya, tissassa sāmaṇerassa, tissāya sāmaṇeriyā vikappemī’’’ti vā vattabbaṃ, ayaṃ aparāpi sammukhāvikappanā. Ettāvatā nidhetuṃ vaṭṭati, paribhogādīsu pana ekampi na vaṭṭati. Tena pana bhikkhunā ‘‘tissassa bhikkhuno santakaṃ…pe… tissāya sāmaṇeriyā santakaṃ paribhuñja vā vissajjehi vā yathāpaccayaṃ vā karohī’’ti vutte paccuddhāro nāma hoti. Tatopabhuti paribhogādayopi vaṭṭanti.
гат̇ам̣ бараммукаавигаббанаа ход̇ийд̇и? жийвараанам̣ д̇ат̇зва згаб̣ахубхаавам̣ саннихид̇аасаннихид̇абхааван̃жа н̃ад̇ваа ‘‘‘имам̣ жийвара’нд̇и ваа ‘имаани жийварааний’д̇и ваа ‘зд̇ам̣ жийвара’нд̇и ваа ‘зд̇аани жийварааний’’’д̇и ваа вад̇ваа ‘‘д̇уяхам̣ вигаббанад̇т̇ааяа д̣̇аммий’’д̇и вад̇д̇аб̣б̣ам̣. д̇зна вад̇д̇аб̣б̣о – ‘‘го д̇з мид̇д̇о ваа санд̣̇идто ваа’’д̇и? д̇ад̇о ид̇арзна буриманаязнзва ‘‘д̇иссо бхигкууд̇и ваа…бз… д̇иссаа сааман̣зрий’’д̇и ваа вад̇д̇аб̣б̣ам̣. буна д̇зна бхигкунаа ‘‘ахам̣ д̇иссасса бхигкуно д̣̇аммийд̇и ваа…бз… д̇иссааяа сааман̣зрияаа д̣̇аммий’’д̇и ваа вад̇д̇аб̣б̣ам̣, аяам̣ бараммукаавигаббанаа. зд̇д̇аавад̇аа нид̇хзд̇ум̣ ваддад̇и, барибхог̇аад̣̇ийсу бана згамби на ваддад̇и. д̇зна бана бхигкунаа д̣̇уд̇ияасаммукаавигаббанааяам̣ вуд̇д̇анаязнзва ‘‘ид̇т̇аннаамасса санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’’д̇и вуд̇д̇з бажжуд̣̇д̇хааро наама ход̇и. д̇ад̇обабхуд̇и барибхог̇аад̣̇аяоби вадданд̇и.
Kathaṃ parammukhāvikappanā hotīti? Cīvarānaṃ tatheva ekabahubhāvaṃ sannihitāsannihitabhāvañca ñatvā ‘‘‘imaṃ cīvara’nti vā ‘imāni cīvarānī’ti vā ‘etaṃ cīvara’nti vā ‘etāni cīvarānī’’’ti vā vatvā ‘‘tuyhaṃ vikappanatthāya dammī’’ti vattabbaṃ. Tena vattabbo – ‘‘ko te mitto vā sandiṭṭho vā’’ti? Tato itarena purimanayeneva ‘‘tisso bhikkhūti vā…pe… tissā sāmaṇerī’’ti vā vattabbaṃ. Puna tena bhikkhunā ‘‘ahaṃ tissassa bhikkhuno dammīti vā…pe… tissāya sāmaṇeriyā dammī’’ti vā vattabbaṃ, ayaṃ parammukhāvikappanā. Ettāvatā nidhetuṃ vaṭṭati, paribhogādīsu pana ekampi na vaṭṭati. Tena pana bhikkhunā dutiyasammukhāvikappanāyaṃ vuttanayeneva ‘‘itthannāmassa santakaṃ paribhuñja vā vissajjehi vā yathāpaccayaṃ vā karohī’’ti vutte paccuddhāro nāma hoti. Tatopabhuti paribhogādayopi vaṭṭanti.
д̣̇виннам̣ вигаббанаанам̣ гим̣ наанаагаран̣ам̣? саммукаавигаббанааяам̣ саяам̣ вигаббзд̇ваа барзна бажжуд̣̇д̇хараабзд̇и . бараммукаавигаббанааяа барзнзва вигаббаабзд̇ваа барзнзва бажжуд̣̇д̇хараабзд̇и, ид̣̇амзд̇т̇а наанаагаран̣ам̣. сажз бана яасса вигаббзд̇и, со бан̃н̃ад̇д̇иговид̣̇о на ход̇и, на ж̇аанаад̇и бажжуд̣̇д̇харид̇ум̣, д̇ам̣ жийварам̣ г̇ахзд̇ваа ан̃н̃асса б̣яад̇д̇асса санд̇игам̣ г̇анд̇ваа буна вигаббзд̇ваа бажжуд̣̇д̇хараабзд̇аб̣б̣ам̣. вигаббид̇авигаббанаа наамзсаа ваддад̇и. аяам̣ ‘‘вигаббзд̇ий’’д̇и имасмим̣ бад̣̇з винижчаяо.
Dvinnaṃ vikappanānaṃ kiṃ nānākaraṇaṃ? Sammukhāvikappanāyaṃ sayaṃ vikappetvā parena paccuddharāpeti . Parammukhāvikappanāya pareneva vikappāpetvā pareneva paccuddharāpeti, idamettha nānākaraṇaṃ. Sace pana yassa vikappeti, so paññattikovido na hoti, na jānāti paccuddharituṃ, taṃ cīvaraṃ gahetvā aññassa byattassa santikaṃ gantvā puna vikappetvā paccuddharāpetabbaṃ. Vikappitavikappanā nāmesā vaṭṭati. Ayaṃ ‘‘vikappetī’’ti imasmiṃ pade vinicchayo.
‘‘ануж̇аанаами, бхигкавз, д̇ижийварам̣ ад̇хидтаад̇ум̣ на вигаббзд̇у’’нд̇иаад̣̇иважанад̇о жа ид̣̇ам̣ ‘‘вигаббзд̇ий’’д̇и ависзсзна вуд̇д̇аважанам̣ вируд̣̇д̇хам̣ вияа д̣̇иссад̇и, на жа вируд̣̇д̇хам̣ д̇ат̇ааг̇ад̇аа бхаасанд̇и. д̇асмаа звамасса ад̇т̇о взд̣̇ид̇аб̣б̣о, д̇ижийварам̣ д̇ижийварасан̇кзбзнзва барихарад̇о ад̇хидтаад̇умзва ануж̇аанаами, на вигаббзд̇ум̣. вассигасаадигам̣ бана жаад̇умаасад̇о барам̣ вигаббзд̇умзва на ад̇хидтаад̇ум̣. зван̃жа сад̇и яо д̇ижийварз згзна жийварзна виббавасид̇угаамо ход̇и, д̇асса д̇ижийвараад̇хидтаанам̣ бажжуд̣̇д̇харид̇ваа виббаваасасукад̇т̇ам̣ вигаббанааяа огаасо д̣̇инно ход̇и. д̣̇асаахаад̇иггамз жа анаабад̇д̇ийд̇и зд̇знубааязна саб̣б̣ад̇т̇а вигаббанааяа аббадисид̣̇д̇хабхааво взд̣̇ид̇аб̣б̣о.
‘‘Anujānāmi, bhikkhave, ticīvaraṃ adhiṭṭhātuṃ na vikappetu’’ntiādivacanato ca idaṃ ‘‘vikappetī’’ti avisesena vuttavacanaṃ viruddhaṃ viya dissati, na ca viruddhaṃ tathāgatā bhāsanti. Tasmā evamassa attho veditabbo, ticīvaraṃ ticīvarasaṅkhepeneva pariharato adhiṭṭhātumeva anujānāmi, na vikappetuṃ. Vassikasāṭikaṃ pana cātumāsato paraṃ vikappetumeva na adhiṭṭhātuṃ. Evañca sati yo ticīvare ekena cīvarena vippavasitukāmo hoti, tassa ticīvarādhiṭṭhānaṃ paccuddharitvā vippavāsasukhatthaṃ vikappanāya okāso dinno hoti. Dasāhātikkame ca anāpattīti etenupāyena sabbattha vikappanāya appaṭisiddhabhāvo veditabbo.
виссаж̇ж̇зд̇ийд̇и ан̃н̃асса д̣̇зд̇и. гат̇ам̣ бана д̣̇иннам̣ ход̇и, гат̇ам̣ г̇ахид̇ам̣? ‘‘имам̣ д̇уяхам̣ д̣̇зми д̣̇ад̣̇аами д̣̇аж̇ж̇аами он̣ож̇зми барижжаж̇аами ниссаж̇ж̇аами виссаж̇ж̇аамийд̇и ваа ‘‘ид̇т̇аннаамасса д̣̇зми…бз… ниссаж̇ж̇аамий’’д̇и ваа вад̣̇ад̇и, саммукааби бараммукааби д̣̇иннам̣язва ход̇и. ‘‘д̇уяхам̣ г̇ан̣хаахий’’д̇и вуд̇д̇з ‘‘маяхам̣ г̇ан̣хаамий’’д̇и вад̣̇ад̇и, суд̣̇иннам̣ суг̇г̇ахид̇ан̃жа. ‘‘д̇ава санд̇агам̣ гарохи, д̇ава санд̇агам̣ ход̇у, д̇ава санд̇агам̣ гариссасий’’д̇и вуд̇д̇з ‘‘мама санд̇агам̣ гароми, мама санд̇агам̣ ход̇у, мама санд̇агам̣ гариссаамий’’д̇и вад̣̇ад̇и, д̣̇уд̣̇д̣̇иннам̣ д̣̇уг̇г̇ахид̇ан̃жа. нзва д̣̇аад̇аа д̣̇аад̇ум̣ ж̇аанаад̇и, на ид̇аро г̇ахзд̇ум̣. сажз бана ‘‘д̇ава санд̇агам̣ гарохий’’д̇и вуд̇д̇з ‘‘саад̇ху, бханд̇з, маяхам̣ г̇ан̣хаамий’’д̇и г̇ан̣хаад̇и, суг̇г̇ахид̇ам̣. сажз бана ‘‘зго г̇ан̣хаахий’’д̇и вад̣̇ад̇и, ид̇аро ‘‘на г̇ан̣хаамий’’д̇и буна со ‘‘д̣̇иннам̣ маяаа д̇уяхам̣, г̇ан̣хаахий’’д̇и вад̣̇ад̇и, ид̇ароби ‘‘на маяхам̣ иминаа ад̇т̇о’’д̇и вад̣̇ад̇и. д̇ад̇о буримоби ‘‘маяаа д̣̇инна’’нд̇и д̣̇асаахам̣ ад̇иггаамзд̇и, бажчимоби ‘‘маяаа бадигкид̇д̇а’’нд̇и. гасса аабад̇д̇ийд̇и? на гассажи аабад̇д̇и. яасса бана ружжад̇и, д̇зна ад̇хидтахид̇ваа барибхун̃ж̇ид̇аб̣б̣ам̣.
Vissajjetīti aññassa deti. Kathaṃ pana dinnaṃ hoti, kathaṃ gahitaṃ? ‘‘Imaṃ tuyhaṃ demi dadāmi dajjāmi oṇojemi pariccajāmi nissajjāmi vissajjāmīti vā ‘‘itthannāmassa demi…pe… nissajjāmī’’ti vā vadati, sammukhāpi parammukhāpi dinnaṃyeva hoti. ‘‘Tuyhaṃ gaṇhāhī’’ti vutte ‘‘mayhaṃ gaṇhāmī’’ti vadati, sudinnaṃ suggahitañca. ‘‘Tava santakaṃ karohi, tava santakaṃ hotu, tava santakaṃ karissasī’’ti vutte ‘‘mama santakaṃ karomi, mama santakaṃ hotu, mama santakaṃ karissāmī’’ti vadati, duddinnaṃ duggahitañca. Neva dātā dātuṃ jānāti, na itaro gahetuṃ. Sace pana ‘‘tava santakaṃ karohī’’ti vutte ‘‘sādhu, bhante, mayhaṃ gaṇhāmī’’ti gaṇhāti, suggahitaṃ. Sace pana ‘‘eko gaṇhāhī’’ti vadati, itaro ‘‘na gaṇhāmī’’ti puna so ‘‘dinnaṃ mayā tuyhaṃ, gaṇhāhī’’ti vadati, itaropi ‘‘na mayhaṃ iminā attho’’ti vadati. Tato purimopi ‘‘mayā dinna’’nti dasāhaṃ atikkāmeti, pacchimopi ‘‘mayā paṭikkhitta’’nti. Kassa āpattīti? Na kassaci āpatti. Yassa pana ruccati, tena adhiṭṭhahitvā paribhuñjitabbaṃ.
яо бана ад̇хидтаанз взмад̇иго, д̇зна гим̣ гаад̇аб̣б̣ам̣? взмад̇игабхаавам̣ аарожзд̇ваа сажз анад̇хидтид̇ам̣ бхависсад̇и, звам̣ мз габбияам̣ ход̇ийд̇и вад̇ваа вуд̇д̇анаязнзва ниссаж̇ж̇ид̇аб̣б̣ам̣. на хи звам̣ ж̇аанаабзд̇ваа винаяагаммам̣ гаронд̇асса мусааваад̣̇о ход̇и. гзжи бана ‘‘згзна бхигкунаа виссаасам̣ г̇ахзд̇ваа буна д̣̇иннам̣ ваддад̇ий’’д̇и вад̣̇анд̇и, д̇ам̣ на яуж̇ж̇ад̇и. на хи д̇ассзд̇ам̣ винаяагаммам̣, нааби д̇ам̣ зд̇д̇агзна ан̃н̃ам̣ вад̇т̇ум̣ ход̇и.
Yo pana adhiṭṭhāne vematiko, tena kiṃ kātabbaṃ? Vematikabhāvaṃ ārocetvā sace anadhiṭṭhitaṃ bhavissati, evaṃ me kappiyaṃ hotīti vatvā vuttanayeneva nissajjitabbaṃ. Na hi evaṃ jānāpetvā vinayakammaṃ karontassa musāvādo hoti. Keci pana ‘‘ekena bhikkhunā vissāsaṃ gahetvā puna dinnaṃ vaṭṭatī’’ti vadanti, taṃ na yujjati. Na hi tassetaṃ vinayakammaṃ, nāpi taṃ ettakena aññaṃ vatthuṃ hoti.
нассад̇ийд̇иаад̣̇и уд̇д̇аанад̇т̇амзва. яо на д̣̇ад̣̇зяяа аабад̇д̇и д̣̇уггадассаад̇и зд̇т̇а ‘‘маяхам̣ д̣̇иннам̣ иминаа’’д̇и имааяа сан̃н̃ааяа на д̣̇знд̇асса д̣̇уггадам̣. д̇асса санд̇агабхаавам̣ бана н̃ад̇ваа лзсзна ажчинд̣̇анд̇о бхан̣д̣ам̣ аг̇гхаабзд̇ваа гаарзд̇аб̣б̣од̇и.
Nassatītiādi uttānatthameva. Yo na dadeyya āpatti dukkaṭassāti ettha ‘‘mayhaṃ dinnaṃ iminā’’ti imāya saññāya na dentassa dukkaṭaṃ. Tassa santakabhāvaṃ pana ñatvā lesena acchindanto bhaṇḍaṃ agghāpetvā kāretabboti.
самудтаанаад̣̇ийсу ид̣̇ам̣ сигкаабад̣̇ам̣ гат̇инасамудтаанам̣ наама гааяаваажаад̇о жа гааяаваажаажид̇д̇ад̇о жа самудтаад̇и, анад̇хидтаанзна жа авигаббанзна жа аабаж̇ж̇анад̇о агирияам̣, сан̃н̃ааяа абхаавзби на мужжад̇и, аж̇аананд̇оби аабаж̇ж̇ад̇ийд̇и носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Samuṭṭhānādīsu idaṃ sikkhāpadaṃ kathinasamuṭṭhānaṃ nāma kāyavācāto ca kāyavācācittato ca samuṭṭhāti, anadhiṭṭhānena ca avikappanena ca āpajjanato akiriyaṃ, saññāya abhāvepi na muccati, ajānantopi āpajjatīti nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
батамагат̇инасигкаабад̣̇аван̣н̣анаа нидтид̇аа.
Paṭhamakathinasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамагат̇инасигкаабад̣̇ам̣ • 1. Paṭhamakathinasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
