| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੩-੪. ਪਠਮਖਤਸੁਤ੍ਤਾਦਿવਣ੍ਣਨਾ
3-4. Paṭhamakhatasuttādivaṇṇanā
੩-੪. ਤਤਿਯੇ ਕਲਿਨ੍ਤਿ ਅਪਰਾਧਂ। વਿਚਿਨਾਤੀਤਿ ਆਚਿਨੋਤਿ ਪਸવਤਿ। ਤੇਨ ਚ ਕਲਿਨਾ ਸੁਖਂ ਨ ਪਟਿਲਭਤੀਤਿ ਤੇਨ ਅਪਰਾਧੇਨ ਸੁਖਂ ਨ વਿਨ੍ਦਤਿ। ਨਿਨ੍ਦਿਯਪ੍ਪਸਂਸਾਯ ਹਿ ਪਸਂਸਿਯਨਿਨ੍ਦਾਯ ਚ ਸਮਕੋવ વਿਪਾਕੋ। ਪਸਂਸਿਯਨਿਨ੍ਦਾਤਿ ਚ ਸਮ੍ਪਨ੍ਨਗੁਣਪਰਿਧਂਸਨવਸੇਨ ਪવਤ੍ਤਿਯਾ ਮਹਾਸਾવਜ੍ਜਤਾਯ ਕਟੁਕਤਰવਿਪਾਕਾ। ਨਿਨ੍ਦਿਯਪ੍ਪਸਂਸਾ ਪਨ ਕਥਂ ਤਾਯ ਸਮવਿਪਾਕਾਤਿ ਚੇ? ਤਸ੍ਮਿਂ ਅવਿਜ੍ਜਮਾਨਗੁਣਸਮਾਰੋਪਨੇਨ ਅਤ੍ਤਨੋ ਪਰੇਸਞ੍ਚ ਮਿਚ੍ਛਾਪਟਿਪਤ੍ਤਿਹੇਤੁਭਾવਤੋ ਪਸਂਸਿਯੇਨ ਤਸ੍ਸ ਸਬ੍ਭਾવਕਰਣਤੋ ਚ। ਲੋਕੇਪਿ ਹਿ ਅਸੂਰਂ ਸੂਰੇਨ ਸਮਂ ਕਰੋਨ੍ਤੋ ਗਾਰਯ੍ਹੋ ਹੋਤਿ, ਪਗੇવ ਦੁਪ੍ਪਟਿਪਨ੍ਨਂ ਸੁਪ੍ਪਟਿਪਨ੍ਨੇਨ ਸਮਂ ਕਰੋਨ੍ਤੋਤਿ। ਸਕੇਨ ਧਨੇਨਾਤਿ ਅਤ੍ਤਨੋ ਸਾਪਤੇਯ੍ਯੇਨ। ਅਪ੍ਪਮਤ੍ਤਕੋવ ਕਲੀਤਿ ਦਿਟ੍ਠਧਮ੍ਮਿਕਤ੍ਤਾ ਸਪ੍ਪਟਿਕਾਰਤ੍ਤਾ ਚ ਅਪ੍ਪਮਤ੍ਤਕੋ ਅਪਰਾਧੋ। ਅਯਂ…ਪੇ॰… ਮਹਨ੍ਤਤਰੋ ਕਲਿ ਕਤੂਪਚਿਤਤ੍ਤਾ ਸਮ੍ਪਰਾਯਿਕਤ੍ਤਾ ਅਪ੍ਪਟਿਕਾਰਤ੍ਤਾ ਚ।
3-4. Tatiye kalinti aparādhaṃ. Vicinātīti ācinoti pasavati. Tena ca kalinā sukhaṃ na paṭilabhatīti tena aparādhena sukhaṃ na vindati. Nindiyappasaṃsāya hi pasaṃsiyanindāya ca samakova vipāko. Pasaṃsiyanindāti ca sampannaguṇaparidhaṃsanavasena pavattiyā mahāsāvajjatāya kaṭukataravipākā. Nindiyappasaṃsā pana kathaṃ tāya samavipākāti ce? Tasmiṃ avijjamānaguṇasamāropanena attano paresañca micchāpaṭipattihetubhāvato pasaṃsiyena tassa sabbhāvakaraṇato ca. Lokepi hi asūraṃ sūrena samaṃ karonto gārayho hoti, pageva duppaṭipannaṃ suppaṭipannena samaṃ karontoti. Sakena dhanenāti attano sāpateyyena. Appamattakova kalīti diṭṭhadhammikattā sappaṭikārattā ca appamattako aparādho. Ayaṃ…pe… mahantataro kali katūpacitattā samparāyikattā appaṭikārattā ca.
ਨਿਰਬ੍ਬੁਦੋਤਿ ਗਣਨਾવਿਸੇਸੋ ਏਸੋਤਿ ਆਹ ‘‘ਨਿਰਬ੍ਬੁਦਗਣਨਾਯਾ’’ਤਿ, ਸਤਸਹਸ੍ਸਂ ਨਿਰਬ੍ਬੁਦਾਤਿ ਅਤ੍ਥੋ। ਨਿਰਬ੍ਬੁਦਪਰਿਮਾਣਂ ਪਨ વਸ੍ਸਗਣਨਾਯ ਏવਂ વੇਦਿਤਬ੍ਬਂ। ਯਥੇવ ਹਿ ਸਤਂ ਸਤਸਹਸ੍ਸਾਨਂ ਕੋਟਿ ਹੋਤਿ, ਏવਂ ਸਤਂ ਸਤਸਹਸ੍ਸਾਨਂ ਕੋਟਿਯੋ ਪਕੋਟਿ ਨਾਮ ਹੋਤਿ, ਸਤਂ ਸਤਸਹਸ੍ਸਾਨਂ ਪਕੋਟਿਯੋ ਕੋਟਿਪਕੋਟਿ, ਸਤਂ ਸਤਸਹਸ੍ਸਕੋਟਿਪਕੋਟਿਯੋ ਨਹੁਤਂ, ਸਤਂ ਸਤਸਹਸ੍ਸਨਹੁਤਾਨਿ ਨਿਨ੍ਨਹੁਤਂ, ਸਤਂ ਸਤਸਹਸ੍ਸਨਿਨ੍ਨਹੁਤਾਨਿ ਏਕਂ ਅਬ੍ਬੁਦਂ, ਤਤੋ વੀਸਤਿਗੁਣਿਤਂ ਨਿਰਬ੍ਬੁਦਂ। ਯਂ ਅਰਿਯੇ ਗਰਹਨ੍ਤੋ ਨਿਰਯਂ ਉਪਪਜ੍ਜਤੀਤਿ ਅਰਿਯੇ ਗਰਹਨ੍ਤੋ ਯਂ ਨਿਰਬ੍ਬੁਦਸਙ੍ਖਾਤਂ ਨਿਰਯਂ ਉਪਪਜ੍ਜਤਿ, ਨਿਰਬ੍ਬੁਦੋਤਿ ਚ ਪਾਟਿਯੇਕ੍ਕੋ ਨਿਰਯੋ ਨਤ੍ਥਿ, ਅવੀਚਿਮ੍ਹਿਯੇવ ਪਨ ਨਿਰਬ੍ਬੁਦਗਣਨਾਯ ਪਚ੍ਚਿਤਬ੍ਬਟ੍ਠਾਨਸ੍ਸੇਤਂ ਨਾਮਂ। ਚਤੁਤ੍ਥਂ ਉਤ੍ਤਾਨਮੇવ।
Nirabbudoti gaṇanāviseso esoti āha ‘‘nirabbudagaṇanāyā’’ti, satasahassaṃ nirabbudāti attho. Nirabbudaparimāṇaṃ pana vassagaṇanāya evaṃ veditabbaṃ. Yatheva hi sataṃ satasahassānaṃ koṭi hoti, evaṃ sataṃ satasahassānaṃ koṭiyo pakoṭi nāma hoti, sataṃ satasahassānaṃ pakoṭiyo koṭipakoṭi, sataṃ satasahassakoṭipakoṭiyo nahutaṃ, sataṃ satasahassanahutāni ninnahutaṃ, sataṃ satasahassaninnahutāni ekaṃ abbudaṃ, tato vīsatiguṇitaṃ nirabbudaṃ. Yaṃ ariye garahanto nirayaṃ upapajjatīti ariye garahanto yaṃ nirabbudasaṅkhātaṃ nirayaṃ upapajjati, nirabbudoti ca pāṭiyekko nirayo natthi, avīcimhiyeva pana nirabbudagaṇanāya paccitabbaṭṭhānassetaṃ nāmaṃ. Catutthaṃ uttānameva.
ਪਠਮਖਤਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Paṭhamakhatasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੩. ਪਠਮਖਤਸੁਤ੍ਤਂ • 3. Paṭhamakhatasuttaṃ
੪. ਦੁਤਿਯਖਤਸੁਤ੍ਤਂ • 4. Dutiyakhatasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੩. ਪਠਮਖਤਸੁਤ੍ਤવਣ੍ਣਨਾ • 3. Paṭhamakhatasuttavaṇṇanā
੪. ਦੁਤਿਯਖਤਸੁਤ੍ਤવਣ੍ਣਨਾ • 4. Dutiyakhatasuttavaṇṇanā
