| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೩. ಪಠಮಕೋಧಗರುಸುತ್ತಂ
3. Paṭhamakodhagarusuttaṃ
೪೩. ‘‘ಚತ್ತಾರೋಮೇ, ಭಿಕ್ಖವೇ, ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ಚತ್ತಾರೋ? ಕೋಧಗರು ನ ಸದ್ಧಮ್ಮಗರು, ಮಕ್ಖಗರು ನ ಸದ್ಧಮ್ಮಗರು, ಲಾಭಗರು ನ ಸದ್ಧಮ್ಮಗರು, ಸಕ್ಕಾರಗರು ನ ಸದ್ಧಮ್ಮಗರು। ಇಮೇ ಖೋ, ಭಿಕ್ಖವೇ, ಚತ್ತಾರೋ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ।
43. ‘‘Cattārome, bhikkhave, puggalā santo saṃvijjamānā lokasmiṃ. Katame cattāro? Kodhagaru na saddhammagaru, makkhagaru na saddhammagaru, lābhagaru na saddhammagaru, sakkāragaru na saddhammagaru. Ime kho, bhikkhave, cattāro puggalā santo saṃvijjamānā lokasmiṃ.
‘‘ಚತ್ತಾರೋಮೇ, ಭಿಕ್ಖವೇ, ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ಚತ್ತಾರೋ? ಸದ್ಧಮ್ಮಗರು ನ ಕೋಧಗರು, ಸದ್ಧಮ್ಮಗರು ನ ಮಕ್ಖಗರು, ಸದ್ಧಮ್ಮಗರು ನ ಲಾಭಗರು , ಸದ್ಧಮ್ಮಗರು ನ ಸಕ್ಕಾರಗರು। ಇಮೇ ಖೋ, ಭಿಕ್ಖವೇ, ಚತ್ತಾರೋ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿ’’ನ್ತಿ।
‘‘Cattārome, bhikkhave, puggalā santo saṃvijjamānā lokasmiṃ. Katame cattāro? Saddhammagaru na kodhagaru, saddhammagaru na makkhagaru, saddhammagaru na lābhagaru , saddhammagaru na sakkāragaru. Ime kho, bhikkhave, cattāro puggalā santo saṃvijjamānā lokasmi’’nti.
‘‘ಕೋಧಮಕ್ಖಗರೂ ಭಿಕ್ಖೂ, ಲಾಭಸಕ್ಕಾರಗಾರವಾ।
‘‘Kodhamakkhagarū bhikkhū, lābhasakkāragāravā;
ನ ತೇ ಧಮ್ಮೇ ವಿರೂಹನ್ತಿ, ಸಮ್ಮಾಸಮ್ಬುದ್ಧದೇಸಿತೇ॥
Na te dhamme virūhanti, sammāsambuddhadesite.
‘‘ಯೇ ಚ ಸದ್ಧಮ್ಮಗರುನೋ, ವಿಹಂಸು ವಿಹರನ್ತಿ ಚ।
‘‘Ye ca saddhammagaruno, vihaṃsu viharanti ca;
ತೇ ವೇ ಧಮ್ಮೇ ವಿರೂಹನ್ತಿ, ಸಮ್ಮಾಸಮ್ಬುದ್ಧದೇಸಿತೇ’’ತಿ॥ ತತಿಯಂ।
Te ve dhamme virūhanti, sammāsambuddhadesite’’ti. tatiyaṃ;
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೩-೪. ಕೋಧಗರುಸುತ್ತದ್ವಯವಣ್ಣನಾ • 3-4. Kodhagarusuttadvayavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೨-೪. ಪಞ್ಹಬ್ಯಾಕರಣಸುತ್ತಾದಿವಣ್ಣನಾ • 2-4. Pañhabyākaraṇasuttādivaṇṇanā
