| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. батамагулабуд̇д̇асуд̇д̇ам̣
3. Paṭhamakulaputtasuttaṃ
1073. ‘‘яз хи гзжи, бхигкавз, ад̇ийд̇амад̣̇д̇хаанам̣ гулабуд̇д̇аа саммаа аг̇аарасмаа анаг̇аарияам̣ баб̣б̣аж̇им̣су, саб̣б̣з д̇з жад̇уннам̣ арияасажжаанам̣ яат̇аабхууд̇ам̣ абхисамаяааяа. яз хи гзжи, бхигкавз, анааг̇ад̇амад̣̇д̇хаанам̣ гулабуд̇д̇аа саммаа аг̇аарасмаа анаг̇аарияам̣ баб̣б̣аж̇иссанд̇и, саб̣б̣з д̇з жад̇уннам̣ арияасажжаанам̣ яат̇аабхууд̇ам̣ абхисамаяааяа. яз хи гзжи, бхигкавз, зд̇арахи гулабуд̇д̇аа саммаа аг̇аарасмаа анаг̇аарияам̣ баб̣б̣аж̇анд̇и, саб̣б̣з д̇з жад̇уннам̣ арияасажжаанам̣ яат̇аабхууд̇ам̣ абхисамаяааяа.
1073. ‘‘Ye hi keci, bhikkhave, atītamaddhānaṃ kulaputtā sammā agārasmā anagāriyaṃ pabbajiṃsu, sabbe te catunnaṃ ariyasaccānaṃ yathābhūtaṃ abhisamayāya. Ye hi keci, bhikkhave, anāgatamaddhānaṃ kulaputtā sammā agārasmā anagāriyaṃ pabbajissanti, sabbe te catunnaṃ ariyasaccānaṃ yathābhūtaṃ abhisamayāya. Ye hi keci, bhikkhave, etarahi kulaputtā sammā agārasmā anagāriyaṃ pabbajanti, sabbe te catunnaṃ ariyasaccānaṃ yathābhūtaṃ abhisamayāya.
‘‘гад̇амзсам̣ жад̇уннам̣? д̣̇угкасса арияасажжасса д̣̇угкасамуд̣̇аяасса арияасажжасса д̣̇угканирод̇хасса арияасажжасса д̣̇угканирод̇хаг̇ааминияаа бадибад̣̇ааяа арияасажжасса. яз хи гзжи, бхигкавз, ад̇ийд̇амад̣̇д̇хаанам̣ гулабуд̇д̇аа саммаа аг̇аарасмаа анаг̇аарияам̣ баб̣б̣аж̇им̣су…бз… баб̣б̣аж̇иссанд̇и…бз… баб̣б̣аж̇анд̇и, саб̣б̣з д̇з имзсам̣язва жад̇уннам̣ арияасажжаанам̣ яат̇аабхууд̇ам̣ абхисамаяааяа.
‘‘Katamesaṃ catunnaṃ? Dukkhassa ariyasaccassa dukkhasamudayassa ariyasaccassa dukkhanirodhassa ariyasaccassa dukkhanirodhagāminiyā paṭipadāya ariyasaccassa. Ye hi keci, bhikkhave, atītamaddhānaṃ kulaputtā sammā agārasmā anagāriyaṃ pabbajiṃsu…pe… pabbajissanti…pe… pabbajanti, sabbe te imesaṃyeva catunnaṃ ariyasaccānaṃ yathābhūtaṃ abhisamayāya.
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо, ‘аяам̣ д̣̇угкасамуд̣̇аяо’д̇и яог̇о гаран̣ийяо, ‘аяам̣ д̣̇угканирод̇хо’д̇и яог̇о гаран̣ийяо, ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. д̇ад̇ияам̣.
‘‘Tasmātiha, bhikkhave, ‘idaṃ dukkha’nti yogo karaṇīyo, ‘ayaṃ dukkhasamudayo’ti yogo karaṇīyo, ‘ayaṃ dukkhanirodho’ti yogo karaṇīyo, ‘ayaṃ dukkhanirodhagāminī paṭipadā’ti yogo karaṇīyo’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. батамагулабуд̇д̇асуд̇д̇аад̣̇иван̣н̣анаа • 3. Paṭhamakulaputtasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. батамагулабуд̇д̇асуд̇д̇аад̣̇иван̣н̣анаа • 3. Paṭhamakulaputtasuttādivaṇṇanā
