| Library / Tipiṭaka / તિપિટક • Tipiṭaka / વિમાનવત્થુપાળિ • Vimānavatthupāḷi |
૮. પઠમકુણ્ડલીવિમાનવત્થુ
8. Paṭhamakuṇḍalīvimānavatthu
૧૦૯૪.
1094.
‘‘અલઙ્કતો મલ્યધરો સુવત્થો, સુકુણ્ડલી કપ્પિતકેસમસ્સુ;
‘‘Alaṅkato malyadharo suvattho, sukuṇḍalī kappitakesamassu;
આમુત્તહત્થાભરણો યસસ્સી, દિબ્બે વિમાનમ્હિ યથાપિ ચન્દિમા.
Āmuttahatthābharaṇo yasassī, dibbe vimānamhi yathāpi candimā.
૧૦૯૫.
1095.
‘‘દિબ્બા ચ વીણા પવદન્તિ વગ્ગું, અટ્ઠટ્ઠકા સિક્ખિતા સાધુરૂપા;
‘‘Dibbā ca vīṇā pavadanti vagguṃ, aṭṭhaṭṭhakā sikkhitā sādhurūpā;
દિબ્બા ચ કઞ્ઞા તિદસચરા ઉળારા, નચ્ચન્તિ ગાયન્તિ પમોદયન્તિ.
Dibbā ca kaññā tidasacarā uḷārā, naccanti gāyanti pamodayanti.
૧૦૯૬.
1096.
‘‘દેવિદ્ધિપત્તોસિ મહાનુભાવો, મનુસ્સભૂતો કિમકાસિ પુઞ્ઞં;
‘‘Deviddhipattosi mahānubhāvo, manussabhūto kimakāsi puññaṃ;
કેનાસિ એવં જલિતાનુભાવો, વણ્ણો ચ તે સબ્બદિસા પભાસતી’’તિ.
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
૧૦૯૭.
1097.
સો દેવપુત્તો અત્તમનો…પે॰… યસ્સ કમ્મસ્સિદં ફલં.
So devaputto attamano…pe… yassa kammassidaṃ phalaṃ.
૧૦૯૮.
1098.
‘‘અહં મનુસ્સેસુ મનુસ્સભૂતો, દિસ્વાન સમણે સીલવન્તે;
‘‘Ahaṃ manussesu manussabhūto, disvāna samaṇe sīlavante;
સમ્પન્નવિજ્જાચરણે યસસ્સી, બહુસ્સુતે તણ્હક્ખયૂપપન્ને;
Sampannavijjācaraṇe yasassī, bahussute taṇhakkhayūpapanne;
અન્નઞ્ચ પાનઞ્ચ પસન્નચિત્તો, સક્કચ્ચ દાનં વિપુલં અદાસિં.
Annañca pānañca pasannacitto, sakkacca dānaṃ vipulaṃ adāsiṃ.
૧૦૯૯.
1099.
‘‘તેન મેતાદિસો વણ્ણો…પે॰…વણ્ણો ચ મે સબ્બદિસા પભાસતી’’તિ.
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
પઠમકુણ્ડલીવિમાનં અટ્ઠમં.
Paṭhamakuṇḍalīvimānaṃ aṭṭhamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / વિમાનવત્થુ-અટ્ઠકથા • Vimānavatthu-aṭṭhakathā / ૮. પઠમકુણ્ડલીવિમાનવણ્ણના • 8. Paṭhamakuṇḍalīvimānavaṇṇanā
