| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. нийваран̣аваг̇г̇о
4. Nīvaraṇavaggo
1. батамагусаласуд̇д̇ам̣
1. Paṭhamakusalasuttaṃ
212. ‘‘яз гзжи, бхигкавз, д̇хаммаа гусалаа гусалабхааг̇ияаа гусалабагкигаа, саб̣б̣з д̇з аббамаад̣̇амуулагаа аббамаад̣̇асамосаран̣аа; аббамаад̣̇о д̇зсам̣ д̇хаммаанам̣ аг̇г̇амагкааяад̇и. аббамад̇д̇ассзд̇ам̣, бхигкавз, бхигкуно баадиган̇кам̣ – сад̇д̇а б̣ож̇жхан̇г̇з бхаавзссад̇и, сад̇д̇а б̣ож̇жхан̇г̇з б̣ахулийгариссад̇и.
212. ‘‘Ye keci, bhikkhave, dhammā kusalā kusalabhāgiyā kusalapakkhikā, sabbe te appamādamūlakā appamādasamosaraṇā; appamādo tesaṃ dhammānaṃ aggamakkhāyati. Appamattassetaṃ, bhikkhave, bhikkhuno pāṭikaṅkhaṃ – satta bojjhaṅge bhāvessati, satta bojjhaṅge bahulīkarissati.
‘‘гат̇ан̃жа, бхигкавз, бхигку аббамад̇д̇о сад̇д̇а б̣ож̇жхан̇г̇з бхаавзд̇и, сад̇д̇а б̣ож̇жхан̇г̇з б̣ахулийгарод̇и ? ид̇ха, бхигкавз, бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣…бз… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. звам̣ ко, бхигкавз, бхигку аббамад̇д̇о сад̇д̇а б̣ож̇жхан̇г̇з бхаавзд̇и, сад̇д̇а б̣ож̇жхан̇г̇з б̣ахулийгарод̇ий’’д̇и. батамам̣.
‘‘Kathañca, bhikkhave, bhikkhu appamatto satta bojjhaṅge bhāveti, satta bojjhaṅge bahulīkaroti ? Idha, bhikkhave, bhikkhu satisambojjhaṅgaṃ bhāveti vivekanissitaṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu appamatto satta bojjhaṅge bhāveti, satta bojjhaṅge bahulīkarotī’’ti. Paṭhamaṃ.
