| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā |
4. பாசித்தியகண்ட³ங் (பி⁴க்கு²னீவிப⁴ங்க³வண்ணனா)
4. Pācittiyakaṇḍaṃ (bhikkhunīvibhaṅgavaṇṇanā)
1. லஸுணவக்³கோ³
1. Lasuṇavaggo
1. பட²மலஸுணஸிக்கா²பத³வண்ணனா
1. Paṭhamalasuṇasikkhāpadavaṇṇanā
திங்ஸகானந்தரங் த⁴ம்மா, ச²ஸட்டி²ஸதஸங்க³ஹா;
Tiṃsakānantaraṃ dhammā, chasaṭṭhisatasaṅgahā;
ஸங்கீ³தா யே அயங் தா³னி, ஹோதி தேஸம்பி வண்ணனா.
Saṅgītā ye ayaṃ dāni, hoti tesampi vaṇṇanā.
793. தத்த² லஸுணவக்³க³ஸ்ஸ தாவ பட²மஸிக்கா²பதே³ – த்³வே தயோ ப⁴ண்டி³கேதி த்³வே வா தயோ வா பொட்டலிகே; ஸம்புண்ணமிஞ்ஜானமேதங் அதி⁴வசனங். ந மத்தங் ஜானித்வாதி பமாணங் அஜானித்வா கெ²த்தபாலஸ்ஸ வாரெந்தஸ்ஸ ப³ஹுங் லஸுணங் ஹராபேஸி.
793. Tattha lasuṇavaggassa tāva paṭhamasikkhāpade – dve tayo bhaṇḍiketi dve vā tayo vā poṭṭalike; sampuṇṇamiñjānametaṃ adhivacanaṃ. Na mattaṃ jānitvāti pamāṇaṃ ajānitvā khettapālassa vārentassa bahuṃ lasuṇaṃ harāpesi.
அஞ்ஞதரங் ஹங்ஸயோனிந்தி ஸுவண்ணஹங்ஸயோனிங். ஸோ தாஸங் ஏகேகந்தி ஸோ ஹங்ஸோ ஜாதிஸ்ஸரோ அஹோஸி, அத² புப்³ப³ஸினேஹேன ஆக³ந்த்வா தாஸங் ஏகேகங் பத்தங் தே³தி, தங் தாபனதாலனச்சே²த³னக்க²மங் ஸுவண்ணமேவ ஹோதி.
Aññataraṃ haṃsayoninti suvaṇṇahaṃsayoniṃ. So tāsaṃ ekekanti so haṃso jātissaro ahosi, atha pubbasinehena āgantvā tāsaṃ ekekaṃ pattaṃ deti, taṃ tāpanatālanacchedanakkhamaṃ suvaṇṇameva hoti.
795. மாக³த⁴கந்தி மக³தே⁴ஸு ஜாதங். மக³த⁴ரட்டே² ஜாதலஸுணமேவ ஹி இத⁴ லஸுணந்தி அதி⁴ப்பேதங், தம்பி ப⁴ண்டி³கலஸுணமேவ, ந ஏகத்³விதிமிஞ்ஜகங். குருந்தி³யங் பன ஜாததே³ஸங் அவத்வா ‘‘மாக³த⁴கங் நாம ப⁴ண்டி³கலஸுண’’ந்தி வுத்தங். அஜ்ஜோ²ஹாரே அஜ்ஜோ²ஹாரேதி எத்த² ஸசே த்³வே தயோ ப⁴ண்டி³கே ஏகதோயேவ ஸங்கா²தி³த்வா அஜ்ஜோ²ஹரதி, ஏகங் பாசித்தியங். பி⁴ந்தி³த்வா ஏகேகங் மிஞ்ஜங் கா²த³ந்தியா பன பயோக³க³ணனாய பாசித்தியானீதி.
795.Māgadhakanti magadhesu jātaṃ. Magadharaṭṭhe jātalasuṇameva hi idha lasuṇanti adhippetaṃ, tampi bhaṇḍikalasuṇameva, na ekadvitimiñjakaṃ. Kurundiyaṃ pana jātadesaṃ avatvā ‘‘māgadhakaṃ nāma bhaṇḍikalasuṇa’’nti vuttaṃ. Ajjhohāre ajjhohāreti ettha sace dve tayo bhaṇḍike ekatoyeva saṅkhāditvā ajjhoharati, ekaṃ pācittiyaṃ. Bhinditvā ekekaṃ miñjaṃ khādantiyā pana payogagaṇanāya pācittiyānīti.
797. பலண்டு³காதீ³னங் வண்ணேன வா மிஞ்ஜாய வா நானத்தங் வேதி³தப்³ப³ங் – வண்ணேன தாவ பலண்டு³கோ பண்டு³வண்ணோ ஹோதி. ப⁴ஞ்ஜனகோ லோஹிதவண்ணோ. ஹரிதகோ ஹரிதபண்ணவண்ணோ. மிஞ்ஜாய பன பலண்டு³கஸ்ஸ ஏகா மிஞ்ஜா ஹோதி, ப⁴ஞ்ஜனகஸ்ஸ த்³வே, ஹரிதகஸ்ஸ திஸ்ஸோ. சாபலஸுணோ அமிஞ்ஜகோ, அங்குரமத்தமேவ ஹி தஸ்ஸ ஹோதி. மஹாபச்சரியாதீ³ஸு பன ‘‘பலண்டு³கஸ்ஸ தீணி மிஞ்ஜானி, ப⁴ஞ்ஜனகஸ்ஸ த்³வே, ஹரிதகஸ்ஸ ஏக’’ந்தி வுத்தங் . ஏதே பலண்டு³காத³யோ ஸபா⁴வேனேவ வட்டந்தி. ஸூபஸம்பாகாதீ³ஸு பன மாக³த⁴கம்பி வட்டதி. தஞ்ஹி பச்சமானேஸு முக்³க³ஸூபாதீ³ஸு வா மச்ச²மங்ஸவிகதியா வா தேலாதீ³ஸு வா ப³த³ரஸாளவாதீ³ஸு வா அம்பி³லஸாகாதீ³ஸு வா உத்தரிப⁴ங்கே³ஸு வா யத்த² கத்த²சி அந்தமஸோ யாகு³ப⁴த்தேபி பக்கி²பிதுங் வட்டதி. ஸேஸமெத்த² உத்தானமேவ.
797.Palaṇḍukādīnaṃ vaṇṇena vā miñjāya vā nānattaṃ veditabbaṃ – vaṇṇena tāva palaṇḍuko paṇḍuvaṇṇo hoti. Bhañjanako lohitavaṇṇo. Haritako haritapaṇṇavaṇṇo. Miñjāya pana palaṇḍukassa ekā miñjā hoti, bhañjanakassa dve, haritakassa tisso. Cāpalasuṇo amiñjako, aṅkuramattameva hi tassa hoti. Mahāpaccariyādīsu pana ‘‘palaṇḍukassa tīṇi miñjāni, bhañjanakassa dve, haritakassa eka’’nti vuttaṃ . Ete palaṇḍukādayo sabhāveneva vaṭṭanti. Sūpasampākādīsu pana māgadhakampi vaṭṭati. Tañhi paccamānesu muggasūpādīsu vā macchamaṃsavikatiyā vā telādīsu vā badarasāḷavādīsu vā ambilasākādīsu vā uttaribhaṅgesu vā yattha katthaci antamaso yāgubhattepi pakkhipituṃ vaṭṭati. Sesamettha uttānameva.
ஏளகலோமஸமுட்டா²னங் – கிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், திசித்தங், திவேத³னந்தி.
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
லஸுணஸிக்கா²பத³ங் பட²மங்.
Lasuṇasikkhāpadaṃ paṭhamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 1. பட²மஸிக்கா²பத³ங் • 1. Paṭhamasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. லஸுணவக்³க³வண்ணனா • 1. Lasuṇavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 1. பட²மலஸுணஸிக்கா²பத³வண்ணனா • 1. Paṭhamalasuṇasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மலஸுணாதி³ஸிக்கா²பத³வண்ணனா • 1. Paṭhamalasuṇādisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 1. பட²மஸிக்கா²பத³-அத்த²யோஜனா • 1. Paṭhamasikkhāpada-atthayojanā
