| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౫. పఠమలోకధమ్మసుత్తవణ్ణనా
5. Paṭhamalokadhammasuttavaṇṇanā
౫. పఞ్చమే లోకస్స ధమ్మాతి లోకధమ్మా. ఏతేహి ముత్తా నామ నత్థి, బుద్ధానమ్పి హోన్తి. తేనేవాహ – లోకం అనుపరివత్తన్తీతి అనుబన్ధన్తి నప్పజహన్తి , లోకతో న నివత్తన్తీతి అత్థో. లోకో చ అట్ఠ లోకధమ్మే అనుపరివత్తతీతి అయఞ్చ లోకో ఏతే అనుబన్ధతి న పజహతి, తేహి ధమ్మేహి న నివత్తతీతి అత్థో.
5. Pañcame lokassa dhammāti lokadhammā. Etehi muttā nāma natthi, buddhānampi honti. Tenevāha – lokaṃ anuparivattantīti anubandhanti nappajahanti , lokato na nivattantīti attho. Loko ca aṭṭha lokadhamme anuparivattatīti ayañca loko ete anubandhati na pajahati, tehi dhammehi na nivattatīti attho.
లాభో అలాభోతి లాభే ఆగతే అలాభో ఆగతోయేవాతి వేదితబ్బో. అయసాదీసుపి ఏసేవ నయో. అవేక్ఖతి విపరిణామధమ్మేతి ‘‘విపరిణామధమ్మా ఇమే’’తి ఏవం అవేక్ఖతి. విధూపితాతి విధమితా విద్ధంసితా. పదఞ్చ ఞత్వాతి నిబ్బానపదం జానిత్వా. సమ్మప్పజానాతి భవస్స పారగూతి భవస్స పారం గతో నిప్ఫత్తిం మత్థకం పత్తో, నిబ్బానపదం ఞత్వావ తం పారం గతభావం సమ్మప్పజానాతీతి. ఇమస్మిం సుత్తే వట్టవివట్టం కథితం.
Lābho alābhoti lābhe āgate alābho āgatoyevāti veditabbo. Ayasādīsupi eseva nayo. Avekkhati vipariṇāmadhammeti ‘‘vipariṇāmadhammā ime’’ti evaṃ avekkhati. Vidhūpitāti vidhamitā viddhaṃsitā. Padañca ñatvāti nibbānapadaṃ jānitvā. Sammappajānāti bhavassa pāragūti bhavassa pāraṃ gato nipphattiṃ matthakaṃ patto, nibbānapadaṃ ñatvāva taṃ pāraṃ gatabhāvaṃ sammappajānātīti. Imasmiṃ sutte vaṭṭavivaṭṭaṃ kathitaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౫. పఠమలోకధమ్మసుత్తం • 5. Paṭhamalokadhammasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౫. పఠమలోకధమ్మసుత్తవణ్ణనా • 5. Paṭhamalokadhammasuttavaṇṇanā
