| Library / Tipiṭaka / திபிடக • Tipiṭaka / த⁴ம்மஸங்க³ணீ-அனுடீகா • Dhammasaṅgaṇī-anuṭīkā |
பட²மமக்³க³வீஸதிமஹானயவண்ணனா
Paṭhamamaggavīsatimahānayavaṇṇanā
357. ஜா²னமக்³கா³தி³பரியாயேஹி கதி²தே பொ³ஜ்ஜ²னகாதி அதி⁴ப்பேதா, விஸேஸதோ புப்³ப³பா⁴கே³ ‘‘ஜா²னங் பா⁴வேமி மக்³க³ங் பா⁴வேமீ’’தி பவத்தஜ்ஜா²ஸயா ஹொந்தீதி அதி⁴ப்பாயேன ‘‘யஸ்ஸ புப்³ப³பா⁴கே³’’திஆதி³மாஹ.
357. Jhānamaggādipariyāyehi kathite bojjhanakāti adhippetā, visesato pubbabhāge ‘‘jhānaṃ bhāvemi maggaṃ bhāvemī’’ti pavattajjhāsayā hontīti adhippāyena ‘‘yassa pubbabhāge’’tiādimāha.
358. உபனிஸ்ஸயவஸேனாதி ததா² சித்தப்பவத்திஸங்கா²தேன புப்³ப³பா⁴கா³பி⁴ஸங்கா²ரேன. தேனேவாஹ ‘‘யஸ்ஸ ஹீ’’திஆதி³. தத³னுரூபப³லாதி அதி⁴பதிபச்சயலாபே⁴ன ஸத்திவிஸேஸயோக³மாஹ. யதி³ புப்³ப³பா⁴கா³பி⁴ஸங்கா²ரவஸேன ச²ந்தா³தீ³னங் அதி⁴பதிபா⁴வோ, கிமத்த²மேதேயேவ ஏவங் வுத்தா, நனு ஸத்³தா⁴தீ³னம்பி புப்³ப³பா⁴கா³பி⁴ஸங்கா²ரோ லப்³ப⁴தீதி ஆஹ ‘‘ஸேஸத⁴ம்மான’’ந்திஆதி³. அதங்ஸபா⁴வத்தாதி ஸம்பயுத்தேஹி ஸாதிஸயமனுவத்திதப்³ப³பா⁴வரஹிதத்தா. கிஞ்சாபி ஹி ஸத்³தா⁴த³யோபி இந்த்³ரியபச்சயதாய ஸம்பயுத்தேஹி அனுவத்தயந்தி, ஏகஸ்மிங் பன சித்துப்பாதே³ ஸமது⁴ரேன அஞ்ஞேன வினா ஸம்பயுத்தேஹி அனுவத்தனீயபா⁴வோ ந தேஸங் யதா² ச²ந்தா³தீ³னந்தி தேயேவ அதி⁴பதிபா⁴வேன வுத்தா. ஏவஞ்ச கத்வா இந்த்³ரியஸஹஜாதாதி⁴பதிபச்சயானங் விஸேஸோ பரிப்³யத்தோ ஹோதி.
358. Upanissayavasenāti tathā cittappavattisaṅkhātena pubbabhāgābhisaṅkhārena. Tenevāha ‘‘yassa hī’’tiādi. Tadanurūpabalāti adhipatipaccayalābhena sattivisesayogamāha. Yadi pubbabhāgābhisaṅkhāravasena chandādīnaṃ adhipatibhāvo, kimatthameteyeva evaṃ vuttā, nanu saddhādīnampi pubbabhāgābhisaṅkhāro labbhatīti āha ‘‘sesadhammāna’’ntiādi. Ataṃsabhāvattāti sampayuttehi sātisayamanuvattitabbabhāvarahitattā. Kiñcāpi hi saddhādayopi indriyapaccayatāya sampayuttehi anuvattayanti, ekasmiṃ pana cittuppāde samadhurena aññena vinā sampayuttehi anuvattanīyabhāvo na tesaṃ yathā chandādīnanti teyeva adhipatibhāvena vuttā. Evañca katvā indriyasahajātādhipatipaccayānaṃ viseso paribyatto hoti.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / லோகுத்தரகுஸலங் • Lokuttarakusalaṃ
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / பட²மமக்³க³வீஸதிமஹானயோ • Paṭhamamaggavīsatimahānayo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / பட²மமக்³க³வீஸதிமஹானயவண்ணனா • Paṭhamamaggavīsatimahānayavaṇṇanā
