| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. саран̣ааниваг̇г̇о
3. Saraṇānivaggo
1. батамамахаанаамасуд̇д̇ам̣
1. Paṭhamamahānāmasuttaṃ
1017. звам̣ мз суд̇ам̣ – згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко махаанаамо сагго язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко махаанаамо сагго бхаг̇аванд̇ам̣ зд̇ад̣̇авожа – ‘‘ид̣̇ам̣, бханд̇з, габилавад̇т̇у ид̣̇д̇хан̃жзва пийд̇ан̃жа б̣аахуж̇ан̃н̃ам̣ аагин̣н̣амануссам̣ самб̣аад̇хаб̣яуухам̣. со кваахам̣, бханд̇з, бхаг̇аванд̇ам̣ ваа баяирубаасид̇ваа манобхааванийяз ваа бхигкуу сааяанхасамаяам̣ габилавад̇т̇ум̣ бависанд̇о; бханд̇знаби 1 хад̇т̇инаа самааг̇ажчаами ; бханд̇знаби ассзна самааг̇ажчаами; бханд̇знаби рат̇зна самааг̇ажчаами; бханд̇знаби сагадзна самааг̇ажчаами; бханд̇знаби бурисзна самааг̇ажчаами. д̇асса маяхам̣, бханд̇з, д̇асмим̣ самаяз муссад̇зва 2 бхаг̇аванд̇ам̣ аараб̣бха сад̇и, муссад̇и 3 д̇хаммам̣ аараб̣бха сад̇и, муссад̇и сан̇гхам̣ аараб̣бха сад̇и. д̇асса маяхам̣, бханд̇з, звам̣ ход̇и – ‘имамхи жаахам̣ самаяз гаалам̣ гарзяяам̣, гаа маяхам̣ г̇ад̇и, го абхисамбарааяо’’’д̇и?
1017. Evaṃ me sutaṃ – ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho mahānāmo sakko yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho mahānāmo sakko bhagavantaṃ etadavoca – ‘‘idaṃ, bhante, kapilavatthu iddhañceva phītañca bāhujaññaṃ ākiṇṇamanussaṃ sambādhabyūhaṃ. So khvāhaṃ, bhante, bhagavantaṃ vā payirupāsitvā manobhāvanīye vā bhikkhū sāyanhasamayaṃ kapilavatthuṃ pavisanto; bhantenapi 4 hatthinā samāgacchāmi ; bhantenapi assena samāgacchāmi; bhantenapi rathena samāgacchāmi; bhantenapi sakaṭena samāgacchāmi; bhantenapi purisena samāgacchāmi. Tassa mayhaṃ, bhante, tasmiṃ samaye mussateva 5 bhagavantaṃ ārabbha sati, mussati 6 dhammaṃ ārabbha sati, mussati saṅghaṃ ārabbha sati. Tassa mayhaṃ, bhante, evaṃ hoti – ‘imamhi cāhaṃ samaye kālaṃ kareyyaṃ, kā mayhaṃ gati, ko abhisamparāyo’’’ti?
‘‘маа бхааяи, махаанаама, маа бхааяи, махаанаама! абаабагам̣ д̇з маран̣ам̣ бхависсад̇и абаабигаа гаалам̣гирияаа 7. яасса гассажи, махаанаама, д̣̇ийгхарад̇д̇ам̣ сад̣̇д̇хаабарибхаавид̇ам̣ жид̇д̇ам̣ сийлабарибхаавид̇ам̣ жид̇д̇ам̣ суд̇абарибхаавид̇ам̣ жид̇д̇ам̣ жааг̇абарибхаавид̇ам̣ жид̇д̇ам̣ бан̃н̃аабарибхаавид̇ам̣ жид̇д̇ам̣, д̇асса яо хи квааяам̣ гааяо руубий жаад̇умахаабхууд̇иго 8 маад̇аабзд̇д̇игасамбхаво од̣̇анагуммаасуубажаяо анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммо. д̇ам̣ ид̇хзва гаагаа ваа каад̣̇анд̇и г̇иж̇жхаа ваа каад̣̇анд̇и гулалаа ваа каад̣̇анд̇и сунакаа ваа каад̣̇анд̇и син̇г̇аалаа 9 ваа каад̣̇анд̇и вивид̇хаа ваа баан̣агаж̇аад̇аа каад̣̇анд̇и; яан̃жа квасса жид̇д̇ам̣ д̣̇ийгхарад̇д̇ам̣ сад̣̇д̇хаабарибхаавид̇ам̣…бз… бан̃н̃аабарибхаавид̇ам̣ д̇ам̣ уд̣̇д̇хаг̇аами ход̇и висзсаг̇аами.
‘‘Mā bhāyi, mahānāma, mā bhāyi, mahānāma! Apāpakaṃ te maraṇaṃ bhavissati apāpikā kālaṃkiriyā 10. Yassa kassaci, mahānāma, dīgharattaṃ saddhāparibhāvitaṃ cittaṃ sīlaparibhāvitaṃ cittaṃ sutaparibhāvitaṃ cittaṃ cāgaparibhāvitaṃ cittaṃ paññāparibhāvitaṃ cittaṃ, tassa yo hi khvāyaṃ kāyo rūpī cātumahābhūtiko 11 mātāpettikasambhavo odanakummāsūpacayo aniccucchādanaparimaddanabhedanaviddhaṃsanadhammo. Taṃ idheva kākā vā khādanti gijjhā vā khādanti kulalā vā khādanti sunakhā vā khādanti siṅgālā 12 vā khādanti vividhā vā pāṇakajātā khādanti; yañca khvassa cittaṃ dīgharattaṃ saddhāparibhāvitaṃ…pe… paññāparibhāvitaṃ taṃ uddhagāmi hoti visesagāmi.
‘‘сзяяат̇ааби, махаанаама, бурисо саббигумбхам̣ ваа д̇злагумбхам̣ ваа г̇амбхийрам̣ уд̣̇агарахад̣̇ам̣ ог̇аахид̇ваа бхинд̣̇зяяа. д̇ад̇ра яаа асса сагкараа ваа гаталаа 13 ваа саа ад̇хог̇аамий асса, яан̃жа квасса д̇ад̇ра сабби ваа д̇злам̣ ваа д̇ам̣ уд̣̇д̇хаг̇аами асса висзсаг̇аами. звамзва ко, махаанаама, яасса гассажи д̣̇ийгхарад̇д̇ам̣ сад̣̇д̇хаабарибхаавид̇ам̣ жид̇д̇ам̣…бз… бан̃н̃аабарибхаавид̇ам̣ жид̇д̇ам̣ д̇асса яо хи квааяам̣ гааяо руубий жаад̇умахаабхууд̇иго маад̇аабзд̇д̇игасамбхаво од̣̇анагуммаасуубажаяо анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммо д̇ам̣ ид̇хзва гаагаа ваа каад̣̇анд̇и г̇иж̇жхаа ваа каад̣̇анд̇и гулалаа ваа каад̣̇анд̇и сунакаа ваа каад̣̇анд̇и син̇г̇аалаа ваа каад̣̇анд̇и вивид̇хаа ваа баан̣агаж̇аад̇аа каад̣̇анд̇и; яан̃жа квасса жид̇д̇ам̣ д̣̇ийгхарад̇д̇ам̣ сад̣̇д̇хаабарибхаавид̇ам̣…бз… бан̃н̃аабарибхаавид̇ам̣ д̇ам̣ уд̣̇д̇хаг̇аами ход̇и висзсаг̇аами. д̇уяхам̣ ко бана, махаанаама, д̣̇ийгхарад̇д̇ам̣ сад̣̇д̇хаабарибхаавид̇ам̣ жид̇д̇ам̣…бз… бан̃н̃аабарибхаавид̇ам̣ жид̇д̇ам̣ . маа бхааяи, махаанаама , маа бхааяи, махаанаама! абаабагам̣ д̇з маран̣ам̣ бхависсад̇и, абаабигаа гаалам̣гирияаа’’д̇и. батамам̣.
‘‘Seyyathāpi, mahānāma, puriso sappikumbhaṃ vā telakumbhaṃ vā gambhīraṃ udakarahadaṃ ogāhitvā bhindeyya. Tatra yā assa sakkharā vā kaṭhalā 14 vā sā adhogāmī assa, yañca khvassa tatra sappi vā telaṃ vā taṃ uddhagāmi assa visesagāmi. Evameva kho, mahānāma, yassa kassaci dīgharattaṃ saddhāparibhāvitaṃ cittaṃ…pe… paññāparibhāvitaṃ cittaṃ tassa yo hi khvāyaṃ kāyo rūpī cātumahābhūtiko mātāpettikasambhavo odanakummāsūpacayo aniccucchādanaparimaddanabhedanaviddhaṃsanadhammo taṃ idheva kākā vā khādanti gijjhā vā khādanti kulalā vā khādanti sunakhā vā khādanti siṅgālā vā khādanti vividhā vā pāṇakajātā khādanti; yañca khvassa cittaṃ dīgharattaṃ saddhāparibhāvitaṃ…pe… paññāparibhāvitaṃ taṃ uddhagāmi hoti visesagāmi. Tuyhaṃ kho pana, mahānāma, dīgharattaṃ saddhāparibhāvitaṃ cittaṃ…pe… paññāparibhāvitaṃ cittaṃ . Mā bhāyi, mahānāma , mā bhāyi, mahānāma! Apāpakaṃ te maraṇaṃ bhavissati, apāpikā kālaṃkiriyā’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-2. батамамахаанаамасуд̇д̇аад̣̇иван̣н̣анаа • 1-2. Paṭhamamahānāmasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-2. батамамахаанаамасуд̇д̇аад̣̇иван̣н̣анаа • 1-2. Paṭhamamahānāmasuttādivaṇṇanā
