| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. батаманал̣агабаанасуд̇д̇ам̣
7. Paṭhamanaḷakapānasuttaṃ
67. згам̣ самаяам̣ бхаг̇аваа госалзсу жааригам̣ жарамаано махад̇аа бхигкусан̇гхзна сад̣̇д̇хим̣ язна нал̣агабаанам̣ наама госалаанам̣ ниг̇амо д̇ад̣̇авасари. д̇ад̇ра суд̣̇ам̣ бхаг̇аваа нал̣агабаанз вихарад̇и балаасаванз. д̇зна ко бана самаязна бхаг̇аваа д̇ад̣̇ахубосат̇з бхигкусан̇гхабаривуд̇о нисинно ход̇и. ат̇а ко бхаг̇аваа б̣ахуд̣̇зва рад̇д̇им̣ бхигкуунам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа д̇ун̣хийбхууд̇ам̣ д̇ун̣хийбхууд̇ам̣ бхигкусан̇гхам̣ анувилогзд̇ваа ааяасманд̇ам̣ саарибуд̇д̇ам̣ ааманд̇зси –
67. Ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ yena naḷakapānaṃ nāma kosalānaṃ nigamo tadavasari. Tatra sudaṃ bhagavā naḷakapāne viharati palāsavane. Tena kho pana samayena bhagavā tadahuposathe bhikkhusaṅghaparivuto nisinno hoti. Atha kho bhagavā bahudeva rattiṃ bhikkhūnaṃ dhammiyā kathāya sandassetvā samādapetvā samuttejetvā sampahaṃsetvā tuṇhībhūtaṃ tuṇhībhūtaṃ bhikkhusaṅghaṃ anuviloketvā āyasmantaṃ sāriputtaṃ āmantesi –
‘‘виг̇ад̇ат̇инамид̣̇д̇хо 1 ко, саарибуд̇д̇а, бхигкусан̇гхо. бадибхаад̇у д̇ам̣, саарибуд̇д̇а , бхигкуунам̣ д̇хаммий гат̇аа. бидти мз ааг̇илааяад̇и; д̇амахам̣ ааяамиссаамий’’д̇и. ‘‘звам̣, бханд̇з’’д̇и ко ааяасмаа саарибуд̇д̇о бхаг̇авад̇о бажжассоси.
‘‘Vigatathinamiddho 2 kho, sāriputta, bhikkhusaṅgho. Paṭibhātu taṃ, sāriputta , bhikkhūnaṃ dhammī kathā. Piṭṭhi me āgilāyati; tamahaṃ āyamissāmī’’ti. ‘‘Evaṃ, bhante’’ti kho āyasmā sāriputto bhagavato paccassosi.
ат̇а ко бхаг̇аваа жад̇уг̇г̇ун̣ам̣ сан̇гхаадим̣ бан̃н̃аабзд̇ваа д̣̇агкин̣зна бассзна сийхасзяяам̣ габбзси баад̣̇з баад̣̇ам̣ ажжаад̇хааяа сад̇о самбаж̇аано удтаанасан̃н̃ам̣ манаси гарид̇ваа. д̇ад̇ра ко ааяасмаа саарибуд̇д̇о бхигкуу ааманд̇зси – ‘‘аавусо бхигкавз’’д̇и. ‘‘аавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
Atha kho bhagavā catugguṇaṃ saṅghāṭiṃ paññāpetvā dakkhiṇena passena sīhaseyyaṃ kappesi pāde pādaṃ accādhāya sato sampajāno uṭṭhānasaññaṃ manasi karitvā. Tatra kho āyasmā sāriputto bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘яасса гассажи, аавусо, сад̣̇д̇хаа над̇т̇и гусалзсу д̇хаммзсу, хирий 3 над̇т̇и… од̇д̇аббам̣ над̇т̇и … вийрияам̣ 4 над̇т̇и… бан̃н̃аа над̇т̇и гусалзсу д̇хаммзсу, д̇асса яаа рад̇д̇и ваа д̣̇ивасо ваа ааг̇ажчад̇и, хааниязва баадиган̇каа гусалзсу д̇хаммзсу но вуд̣̇д̇хи. сзяяат̇ааби, аавусо, гаал̣абагкз жанд̣̇асса яаа рад̇д̇и ваа д̣̇ивасо ваа ааг̇ажчад̇и, хааяад̇зва ван̣н̣зна хааяад̇и ман̣д̣алзна хааяад̇и аабхааяа хааяад̇и аарохабарин̣аахзна; звамзвам̣ ко, аавусо, яасса гассажи сад̣̇д̇хаа над̇т̇и гусалзсу д̇хаммзсу, хирий над̇т̇и… од̇д̇аббам̣ над̇т̇и… вийрияам̣ над̇т̇и… бан̃н̃аа над̇т̇и гусалзсу д̇хаммзсу, д̇асса яаа рад̇д̇и ваа д̣̇ивасо ваа ааг̇ажчад̇и, хааниязва баадиган̇каа гусалзсу д̇хаммзсу но вуд̣̇д̇хи.
‘‘Yassa kassaci, āvuso, saddhā natthi kusalesu dhammesu, hirī 5 natthi… ottappaṃ natthi … vīriyaṃ 6 natthi… paññā natthi kusalesu dhammesu, tassa yā ratti vā divaso vā āgacchati, hāniyeva pāṭikaṅkhā kusalesu dhammesu no vuddhi. Seyyathāpi, āvuso, kāḷapakkhe candassa yā ratti vā divaso vā āgacchati, hāyateva vaṇṇena hāyati maṇḍalena hāyati ābhāya hāyati ārohapariṇāhena; evamevaṃ kho, āvuso, yassa kassaci saddhā natthi kusalesu dhammesu, hirī natthi… ottappaṃ natthi… vīriyaṃ natthi… paññā natthi kusalesu dhammesu, tassa yā ratti vā divaso vā āgacchati, hāniyeva pāṭikaṅkhā kusalesu dhammesu no vuddhi.
‘‘ассад̣̇д̇хо бурисабуг̇г̇ало’д̇и, аавусо, барихаанамзд̇ам̣; ‘ахириго бурисабуг̇г̇ало’д̇и, аавусо, барихаанамзд̇ам̣; ‘анод̇д̇аббий бурисабуг̇г̇ало’д̇и, аавусо, барихаанамзд̇ам̣; ‘гусийд̇о бурисабуг̇г̇ало’д̇и, аавусо, барихаанамзд̇ам̣; ‘д̣̇уббан̃н̃о бурисабуг̇г̇ало’д̇и, аавусо, барихаанамзд̇ам̣; ‘год̇хано бурисабуг̇г̇ало’д̇и, аавусо, барихаанамзд̇ам̣; ‘убанаахий бурисабуг̇г̇ало’д̇и, аавусо, барихаанамзд̇ам̣; ‘баабижчо бурисабуг̇г̇ало’д̇и, аавусо, барихаанамзд̇ам̣; ‘баабамид̇д̇о бурисабуг̇г̇ало’д̇и, аавусо, барихаанамзд̇ам̣; ‘мижчаад̣̇идтиго бурисабуг̇г̇ало’д̇и, аавусо, барихаанамзд̇ам̣.
‘‘Assaddho purisapuggalo’ti, āvuso, parihānametaṃ; ‘ahiriko purisapuggalo’ti, āvuso, parihānametaṃ; ‘anottappī purisapuggalo’ti, āvuso, parihānametaṃ; ‘kusīto purisapuggalo’ti, āvuso, parihānametaṃ; ‘duppañño purisapuggalo’ti, āvuso, parihānametaṃ; ‘kodhano purisapuggalo’ti, āvuso, parihānametaṃ; ‘upanāhī purisapuggalo’ti, āvuso, parihānametaṃ; ‘pāpiccho purisapuggalo’ti, āvuso, parihānametaṃ; ‘pāpamitto purisapuggalo’ti, āvuso, parihānametaṃ; ‘micchādiṭṭhiko purisapuggalo’ti, āvuso, parihānametaṃ.
‘‘яасса гассажи, аавусо, сад̣̇д̇хаа ад̇т̇и гусалзсу д̇хаммзсу, хирий ад̇т̇и… од̇д̇аббам̣ ад̇т̇и… бан̃н̃аа ад̇т̇и гусалзсу д̇хаммзсу, д̇асса яаа рад̇д̇и ваа д̣̇ивасо ваа ааг̇ажчад̇и, вуд̣̇д̇хиязва баадиган̇каа гусалзсу д̇хаммзсу но барихаани. сзяяат̇ааби, аавусо, ж̇ун̣хабагкз жанд̣̇асса яаа рад̇д̇и ваа д̣̇ивасо ваа ааг̇ажчад̇и, вад̣дхад̇зва ван̣н̣зна вад̣дхад̇и ман̣д̣алзна вад̣дхад̇и аабхааяа вад̣дхад̇и аарохабарин̣аахзна; звамзвам̣ ко, аавусо, яасса гассажи сад̣̇д̇хаа ад̇т̇и гусалзсу д̇хаммзсу, хирий ад̇т̇и… од̇д̇аббам̣ ад̇т̇и… вийрияам̣ ад̇т̇и… бан̃н̃аа ад̇т̇и гусалзсу д̇хаммзсу, д̇асса яаа рад̇д̇и ваа д̣̇ивасо ваа ааг̇ажчад̇и, вуд̣̇д̇хиязва баадиган̇каа гусалзсу д̇хаммзсу но барихаани.
‘‘Yassa kassaci, āvuso, saddhā atthi kusalesu dhammesu, hirī atthi… ottappaṃ atthi… paññā atthi kusalesu dhammesu, tassa yā ratti vā divaso vā āgacchati, vuddhiyeva pāṭikaṅkhā kusalesu dhammesu no parihāni. Seyyathāpi, āvuso, juṇhapakkhe candassa yā ratti vā divaso vā āgacchati, vaḍḍhateva vaṇṇena vaḍḍhati maṇḍalena vaḍḍhati ābhāya vaḍḍhati ārohapariṇāhena; evamevaṃ kho, āvuso, yassa kassaci saddhā atthi kusalesu dhammesu, hirī atthi… ottappaṃ atthi… vīriyaṃ atthi… paññā atthi kusalesu dhammesu, tassa yā ratti vā divaso vā āgacchati, vuddhiyeva pāṭikaṅkhā kusalesu dhammesu no parihāni.
‘‘‘сад̣̇д̇хо бурисабуг̇г̇ало’д̇и, аавусо, абарихаанамзд̇ам̣; ‘хириймаа бурисабуг̇г̇ало’д̇и, аавусо, абарихаанамзд̇ам̣; ‘од̇д̇аббий бурисабуг̇г̇ало’д̇и, аавусо, абарихаанамзд̇ам̣; ‘аарад̣̇д̇хавийрияо бурисабуг̇г̇ало’д̇и, аавусо, абарихаанамзд̇ам̣; ‘бан̃н̃аваа бурисабуг̇г̇ало’д̇и, аавусо, абарихаанамзд̇ам̣; ‘аггод̇хано бурисабуг̇г̇ало’д̇и, аавусо, абарихаанамзд̇ам̣; ‘анубанаахий бурисабуг̇г̇ало’д̇и, аавусо, абарихаанамзд̇ам̣; ‘аббижчо бурисабуг̇г̇ало’д̇и, аавусо, абарихаанамзд̇ам̣; ‘галяаан̣амид̇д̇о бурисабуг̇г̇ало’д̇и, аавусо, абарихаанамзд̇ам̣; ‘саммаад̣̇идтиго бурисабуг̇г̇ало’д̇и, аавусо, абарихаанамзд̇а’’нд̇и.
‘‘‘Saddho purisapuggalo’ti, āvuso, aparihānametaṃ; ‘hirīmā purisapuggalo’ti, āvuso, aparihānametaṃ; ‘ottappī purisapuggalo’ti, āvuso, aparihānametaṃ; ‘āraddhavīriyo purisapuggalo’ti, āvuso, aparihānametaṃ; ‘paññavā purisapuggalo’ti, āvuso, aparihānametaṃ; ‘akkodhano purisapuggalo’ti, āvuso, aparihānametaṃ; ‘anupanāhī purisapuggalo’ti, āvuso, aparihānametaṃ; ‘appiccho purisapuggalo’ti, āvuso, aparihānametaṃ; ‘kalyāṇamitto purisapuggalo’ti, āvuso, aparihānametaṃ; ‘sammādiṭṭhiko purisapuggalo’ti, āvuso, aparihānameta’’nti.
ат̇а ко бхаг̇аваа бажжудтааяа ааяасманд̇ам̣ саарибуд̇д̇ам̣ ааманд̇зси – ‘‘саад̇ху саад̇ху, саарибуд̇д̇а! яасса гассажи, саарибуд̇д̇а, сад̣̇д̇хаа над̇т̇и гусалзсу д̇хаммзсу, хирий над̇т̇и… од̇д̇аббам̣ над̇т̇и… вийрияам̣ над̇т̇и… бан̃н̃аа над̇т̇и гусалзсу д̇хаммзсу, д̇асса яаа рад̇д̇и ваа д̣̇ивасо ваа ааг̇ажчад̇и, хааниязва баадиган̇каа гусалзсу д̇хаммзсу но вуд̣̇д̇хи. сзяяат̇ааби, саарибуд̇д̇а, гаал̣абагкз жанд̣̇асса яаа рад̇д̇и ваа д̣̇ивасо ваа ааг̇ажчад̇и, хааяад̇зва ван̣н̣зна хааяад̇и ман̣д̣алзна хааяад̇и аабхааяа хааяад̇и аарохабарин̣аахзна; звамзвам̣ ко, саарибуд̇д̇а, яасса гассажи сад̣̇д̇хаа над̇т̇и гусалзсу д̇хаммзсу…бз… бан̃н̃аа над̇т̇и гусалзсу д̇хаммзсу, д̇асса яаа рад̇д̇и ваа д̣̇ивасо ваа …бз… но вуд̣̇д̇хи.
Atha kho bhagavā paccuṭṭhāya āyasmantaṃ sāriputtaṃ āmantesi – ‘‘sādhu sādhu, sāriputta! Yassa kassaci, sāriputta, saddhā natthi kusalesu dhammesu, hirī natthi… ottappaṃ natthi… vīriyaṃ natthi… paññā natthi kusalesu dhammesu, tassa yā ratti vā divaso vā āgacchati, hāniyeva pāṭikaṅkhā kusalesu dhammesu no vuddhi. Seyyathāpi, sāriputta, kāḷapakkhe candassa yā ratti vā divaso vā āgacchati, hāyateva vaṇṇena hāyati maṇḍalena hāyati ābhāya hāyati ārohapariṇāhena; evamevaṃ kho, sāriputta, yassa kassaci saddhā natthi kusalesu dhammesu…pe… paññā natthi kusalesu dhammesu, tassa yā ratti vā divaso vā …pe… no vuddhi.
‘‘‘ассад̣̇д̇хо бурисабуг̇г̇ало’д̇и, саарибуд̇д̇а, барихаанамзд̇ам̣; ахириго… анод̇д̇аббий… гусийд̇о… д̣̇уббан̃н̃о… год̇хано… убанаахий… баабижчо… баабамид̇д̇о… ‘мижчаад̣̇идтиго бурисабуг̇г̇ало’д̇и, саарибуд̇д̇а, барихаанамзд̇ам̣.
‘‘‘Assaddho purisapuggalo’ti, sāriputta, parihānametaṃ; ahiriko… anottappī… kusīto… duppañño… kodhano… upanāhī… pāpiccho… pāpamitto… ‘micchādiṭṭhiko purisapuggalo’ti, sāriputta, parihānametaṃ.
‘‘яасса гассажи, саарибуд̇д̇а, сад̣̇д̇хаа ад̇т̇и гусалзсу д̇хаммзсу, хирий ад̇т̇и… од̇д̇аббам̣ ад̇т̇и… вийрияам̣ ад̇т̇и… бан̃н̃аа ад̇т̇и гусалзсу д̇хаммзсу, д̇асса яаа рад̇д̇и ваа д̣̇ивасо ваа ааг̇ажчад̇и, вуд̣̇д̇хиязва баадиган̇каа гусалзсу д̇хаммзсу но барихаани. сзяяат̇ааби, саарибуд̇д̇а, ж̇ун̣хабагкз жанд̣̇асса яаа рад̇д̇и ваа д̣̇ивасо ваа ааг̇ажчад̇и, вад̣дхад̇зва ван̣н̣зна вад̣дхад̇и ман̣д̣алзна вад̣дхад̇и аабхааяа вад̣дхад̇и аарохабарин̣аахзна; звамзвам̣ ко, саарибуд̇д̇а, яасса гассажи сад̣̇д̇хаа ад̇т̇и гусалзсу д̇хаммзсу, хирий ад̇т̇и… од̇д̇аббам̣ ад̇т̇и… вийрияам̣ ад̇т̇и… бан̃н̃аа ад̇т̇и гусалзсу д̇хаммзсу, д̇асса яаа рад̇д̇и ваа д̣̇ивасо ваа ааг̇ажчад̇и, вуд̣̇д̇хиязва баадиган̇каа гусалзсу д̇хаммзсу но барихаани.
‘‘Yassa kassaci, sāriputta, saddhā atthi kusalesu dhammesu, hirī atthi… ottappaṃ atthi… vīriyaṃ atthi… paññā atthi kusalesu dhammesu, tassa yā ratti vā divaso vā āgacchati, vuddhiyeva pāṭikaṅkhā kusalesu dhammesu no parihāni. Seyyathāpi, sāriputta, juṇhapakkhe candassa yā ratti vā divaso vā āgacchati, vaḍḍhateva vaṇṇena vaḍḍhati maṇḍalena vaḍḍhati ābhāya vaḍḍhati ārohapariṇāhena; evamevaṃ kho, sāriputta, yassa kassaci saddhā atthi kusalesu dhammesu, hirī atthi… ottappaṃ atthi… vīriyaṃ atthi… paññā atthi kusalesu dhammesu, tassa yā ratti vā divaso vā āgacchati, vuddhiyeva pāṭikaṅkhā kusalesu dhammesu no parihāni.
‘‘‘сад̣̇д̇хо бурисабуг̇г̇ало’д̇и, саарибуд̇д̇а, абарихаанамзд̇ам̣; хириймаа… од̇д̇аббий… аарад̣̇д̇хавийрияо… бан̃н̃аваа… аггод̇хано… анубанаахий… аббижчо… галяаан̣амид̇д̇о… ‘саммаад̣̇идтиго бурисабуг̇г̇ало’д̇и, саарибуд̇д̇а, абарихаанамзд̇а’’нд̇и. сад̇д̇амам̣.
‘‘‘Saddho purisapuggalo’ti, sāriputta, aparihānametaṃ; hirīmā… ottappī… āraddhavīriyo… paññavā… akkodhano… anupanāhī… appiccho… kalyāṇamitto… ‘sammādiṭṭhiko purisapuggalo’ti, sāriputta, aparihānameta’’nti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5-7. батамасукасуд̇д̇аад̣̇иван̣н̣анаа • 5-7. Paṭhamasukhasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-7. авиж̇ж̇аасуд̇д̇аад̣̇иван̣н̣анаа • 1-7. Avijjāsuttādivaṇṇanā
