| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. батаманад̇умхаагам̣суд̇д̇ам̣
5. Paṭhamanatumhākaṃsuttaṃ
138. ‘‘яам̣, бхигкавз, на д̇умхаагам̣ д̇ам̣ баж̇ахат̇а. д̇ам̣ во бахийнам̣ хид̇ааяа сукааяа бхависсад̇и. гин̃жа, бхигкавз, на д̇умхаагам̣? жагку, бхигкавз, на д̇умхаагам̣; д̇ам̣ баж̇ахат̇а. д̇ам̣ во бахийнам̣ хид̇ааяа сукааяа бхависсад̇и…бз… ж̇ивхаа на д̇умхаагам̣ ; д̇ам̣ баж̇ахат̇а. саа во бахийнаа хид̇ааяа сукааяа бхависсад̇и…бз… мано на д̇умхаагам̣; д̇ам̣ баж̇ахат̇а. со во бахийно хид̇ааяа сукааяа бхависсад̇и. сзяяат̇ааби, бхигкавз, яам̣ имасмим̣ ж̇зд̇аванз д̇ин̣агадтасаакаабалаасам̣ д̇ам̣ ж̇ано харзяяа ваа д̣ахзяяа ваа яат̇аабажжаяам̣ ваа гарзяяа, аби ну д̇умхаагам̣ звамасса – ‘амхз ж̇ано харад̇и ваа д̣ахад̇и ваа яат̇аабажжаяам̣ ваа гарод̇ий’’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘на хи но зд̇ам̣, бханд̇з, ад̇д̇аа ваа ад̇д̇анияам̣ ваа’’д̇и. ‘‘звамзва ко, бхигкавз, жагку на д̇умхаагам̣; д̇ам̣ баж̇ахат̇а. д̇ам̣ во бахийнам̣ хид̇ааяа сукааяа бхависсад̇и…бз… ж̇ивхаа на д̇умхаагам̣; д̇ам̣ баж̇ахат̇а. саа во бахийнаа хид̇ааяа сукааяа бхависсад̇и…бз… мано на д̇умхаагам̣ ; д̇ам̣ баж̇ахат̇а. со во бахийно хид̇ааяа сукааяа бхависсад̇ий’’д̇и. бан̃жамам̣.
138. ‘‘Yaṃ, bhikkhave, na tumhākaṃ taṃ pajahatha. Taṃ vo pahīnaṃ hitāya sukhāya bhavissati. Kiñca, bhikkhave, na tumhākaṃ? Cakkhu, bhikkhave, na tumhākaṃ; taṃ pajahatha. Taṃ vo pahīnaṃ hitāya sukhāya bhavissati…pe… jivhā na tumhākaṃ ; taṃ pajahatha. Sā vo pahīnā hitāya sukhāya bhavissati…pe… mano na tumhākaṃ; taṃ pajahatha. So vo pahīno hitāya sukhāya bhavissati. Seyyathāpi, bhikkhave, yaṃ imasmiṃ jetavane tiṇakaṭṭhasākhāpalāsaṃ taṃ jano hareyya vā ḍaheyya vā yathāpaccayaṃ vā kareyya, api nu tumhākaṃ evamassa – ‘amhe jano harati vā ḍahati vā yathāpaccayaṃ vā karotī’’’ti? ‘‘No hetaṃ, bhante’’. ‘‘Taṃ kissa hetu’’? ‘‘Na hi no etaṃ, bhante, attā vā attaniyaṃ vā’’ti. ‘‘Evameva kho, bhikkhave, cakkhu na tumhākaṃ; taṃ pajahatha. Taṃ vo pahīnaṃ hitāya sukhāya bhavissati…pe… jivhā na tumhākaṃ; taṃ pajahatha. Sā vo pahīnā hitāya sukhāya bhavissati…pe… mano na tumhākaṃ ; taṃ pajahatha. So vo pahīno hitāya sukhāya bhavissatī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-12. д̣̇уд̇ияаруубаараамасуд̇д̇аад̣̇иван̣н̣анаа • 4-12. Dutiyarūpārāmasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-12. д̣̇уд̇ияаруубаараамасуд̇д̇аад̣̇иван̣н̣анаа • 4-12. Dutiyarūpārāmasuttādivaṇṇanā
