| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਪਠਮਪਞ੍ਞਤ੍ਤਿਕਥਾવਣ੍ਣਨਾ
Paṭhamapaññattikathāvaṇṇanā
੧੬੭. ਯਦਿਪਿ ਅਰਿਯਾ ਨੇવ ਅਤ੍ਤਨਾવ ਅਤ੍ਤਾਨਂ ਜੀવਿਤਾ વੋਰੋਪੇਸੁਂ, ਨਾਞ੍ਞਮਞ੍ਞਮ੍ਪਿ ਜੀવਿਤਾ વੋਰੋਪੇਸੁਂ, ਨਾਪਿ ਮਿਗਲਣ੍ਡਿਕਂ ਸਮਣਕੁਤ੍ਤਕਂ ਉਪਸਙ੍ਕਮਿਤ੍વਾ ਸਮਾਦਪੇਸੁਂ, ਤਥਾਪਿ ਯਥਾવੁਤ੍ਤੇਹਿ ਤੀਹਿ ਪਕਾਰੇਹਿ ਮਤਾਨਂ ਅਨ੍ਤਰੇ ਅਰਿਯਾਨਮ੍ਪਿ ਸਬ੍ਭਾવਤੋ ‘‘ਅਰਿਯਪੁਗ੍ਗਲਮਿਸ੍ਸਕਤ੍ਤਾ’’ਤਿ વੁਤ੍ਤਂ। ਨ ਹਿ ਅਰਿਯਾ ਪਾਣਾਤਿਪਾਤਂ ਕਰਿਂਸੁ ਨ ਸਮਾਦਪੇਸੁਂ, ਨਾਪਿ ਸਮਨੁਞ੍ਞਾ ਅਹੇਸੁਂ। ਅਥ વਾ ਪੁਥੁਜ੍ਜਨਕਾਲੇ ਅਤ੍ਤਨਾવ ਅਤ੍ਤਾਨਂ ਘਾਤੇਤ੍વਾ ਮਰਣਸਮਯੇ વਿਪਸ੍ਸਨਂ વਡ੍ਢੇਤ੍વਾ ਅਰਿਯਮਗ੍ਗਂ ਪਟਿਲਭਿਤ੍વਾ ਮਤਾਨਮ੍ਪਿ ਅਰਿਯਾਨਂ ਸਬ੍ਭਾવਤੋ ਇਮਿਨਾવ ਨਯੇਨ ਅਤ੍ਤਨਾવ ਅਤ੍ਤਾਨਂ ਜੀવਿਤਾ વੋਰੋਪਨਸ੍ਸ ਅਰਿਯਾਨਮ੍ਪਿ ਸਬ੍ਭਾવਤੋ ਅਰਿਯਪੁਗ੍ਗਲਮਿਸ੍ਸਕਤ੍ਤਾ ‘‘ਮੋਘਪੁਰਿਸਾ’’ਤਿ ਨ વੁਤ੍ਤਂ। ‘‘ਤੇ ਭਿਕ੍ਖੂ’’ਤਿ વੁਤ੍ਤਨ੍ਤਿ ‘‘ਕਥਞ੍ਹਿ ਨਾਮ ਤੇ, ਭਿਕ੍ਖવੇ, ਭਿਕ੍ਖੂ ਅਤ੍ਤਨਾਪਿ ਅਤ੍ਤਾਨਂ ਜੀવਿਤਾ વੋਰੋਪੇਸ੍ਸਨ੍ਤੀ’’ਤਿ ਏਤ੍ਥ ‘‘ਮੋਘਪੁਰਿਸਾ’’ਤਿ ਅવਤ੍વਾ ‘‘ਤੇ ਭਿਕ੍ਖੂ’’ਤਿ વੁਤ੍ਤਂ।
167. Yadipi ariyā neva attanāva attānaṃ jīvitā voropesuṃ, nāññamaññampi jīvitā voropesuṃ, nāpi migalaṇḍikaṃ samaṇakuttakaṃ upasaṅkamitvā samādapesuṃ, tathāpi yathāvuttehi tīhi pakārehi matānaṃ antare ariyānampi sabbhāvato ‘‘ariyapuggalamissakattā’’ti vuttaṃ. Na hi ariyā pāṇātipātaṃ kariṃsu na samādapesuṃ, nāpi samanuññā ahesuṃ. Atha vā puthujjanakāle attanāva attānaṃ ghātetvā maraṇasamaye vipassanaṃ vaḍḍhetvā ariyamaggaṃ paṭilabhitvā matānampi ariyānaṃ sabbhāvato imināva nayena attanāva attānaṃ jīvitā voropanassa ariyānampi sabbhāvato ariyapuggalamissakattā ‘‘moghapurisā’’ti na vuttaṃ. ‘‘Te bhikkhū’’ti vuttanti ‘‘kathañhi nāma te, bhikkhave, bhikkhū attanāpi attānaṃ jīvitā voropessantī’’ti ettha ‘‘moghapurisā’’ti avatvā ‘‘te bhikkhū’’ti vuttaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਤਤਿਯਪਾਰਾਜਿਕਂ • 3. Tatiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਤਤਿਯਪਾਰਾਜਿਕਂ • 3. Tatiyapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਆਨਾਪਾਨਸ੍ਸਤਿਸਮਾਧਿਕਥਾવਣ੍ਣਨਾ • Ānāpānassatisamādhikathāvaṇṇanā
