Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā

    1. баарааж̇игаган̣д̣ам̣

    1. Pārājikakaṇḍaṃ

    1. батамабаарааж̇игам̣

    1. Paṭhamapārājikaṃ

    суд̣̇иннабхаан̣аваараван̣н̣анаа

    Sudinnabhāṇavāravaṇṇanā

    24. ид̇о барам̣ д̇зна ко бана самаязна взсаалияаа авид̣̇уурзд̇иаад̣̇и язбхуяязна уд̇д̇аанад̇т̇ам̣. д̇асмаа анубад̣̇аван̣н̣анам̣ бахааяа яад̇т̇а яад̇т̇а вад̇д̇аб̣б̣ам̣ ад̇т̇и, д̇ам̣ д̇ад̣̇зва ван̣н̣аяиссаама. галанд̣̇аг̇аамод̇и галанд̣̇агаа вужжанд̇и гаал̣агаа, д̇зсам̣ васзна лад̣̇д̇ханаамо г̇аамо. галанд̣̇абуд̇д̇од̇и г̇аамавасзна лад̣̇д̇ханаамасса рааж̇асаммад̇асса жад̇д̇аалийсагодивибхавасса галанд̣̇асздтино буд̇д̇о. яасмаа бана д̇асмим̣ г̇аамз ан̃н̃зби галанд̣̇анаамагаа мануссаа ад̇т̇и, д̇асмаа галанд̣̇абуд̇д̇од̇и вад̇ваа буна сздтибуд̇д̇од̇и вуд̇д̇ам̣. самб̣ахулзхийд̇и б̣ахугзхи. сахааяагзхийд̇и сукад̣̇угкаани саха ааяанд̇и убаг̇ажчанд̇ийд̇и сахааяаа, сахааяаа зва сахааяагаа, д̇зхи сахааяагзхи. сад̣̇д̇хинд̇и згад̇о. гзнажид̣̇зва гаран̣ийязнаад̇и гзнажид̣̇зва бхан̣д̣аббаяож̇анауд̣̇д̇хаарасааран̣аад̣̇инаа гижжзна; гад̇д̇иганагкад̇д̇агийл̣аагижжзнаад̇иби вад̣̇анд̇и. бхаг̇аваа хи гад̇д̇игаж̇ун̣хабагкз взсаалим̣ самбаабун̣и. гад̇д̇иганагкад̇д̇агийл̣аа жзд̇т̇а ул̣аараа ход̇и. д̇ад̣̇ад̇т̇ам̣ г̇ад̇од̇и взд̣̇ид̇аб̣б̣о.

    24. Ito paraṃ tena kho pana samayena vesāliyā avidūretiādi yebhuyyena uttānatthaṃ. Tasmā anupadavaṇṇanaṃ pahāya yattha yattha vattabbaṃ atthi, taṃ tadeva vaṇṇayissāma. Kalandagāmoti kalandakā vuccanti kāḷakā, tesaṃ vasena laddhanāmo gāmo. Kalandaputtoti gāmavasena laddhanāmassa rājasammatassa cattālīsakoṭivibhavassa kalandaseṭṭhino putto. Yasmā pana tasmiṃ gāme aññepi kalandanāmakā manussā atthi, tasmā kalandaputtoti vatvā puna seṭṭhiputtoti vuttaṃ. Sambahulehīti bahukehi. Sahāyakehīti sukhadukkhāni saha āyanti upagacchantīti sahāyā, sahāyā eva sahāyakā, tehi sahāyakehi. Saddhinti ekato. Kenacideva karaṇīyenāti kenacideva bhaṇḍappayojanauddhārasāraṇādinā kiccena; kattikanakkhattakīḷākiccenātipi vadanti. Bhagavā hi kattikajuṇhapakkhe vesāliṃ sampāpuṇi. Kattikanakkhattakīḷā cettha uḷārā hoti. Tadatthaṃ gatoti veditabbo.

    ад̣̇д̣̇аса код̇и гат̇ам̣ ад̣̇д̣̇аса? со гира наг̇арад̇о бхуд̇д̇абаад̇араасам̣ суд̣̇д̇худ̇д̇араасан̇г̇ам̣ маалааг̇анд̇хавилзбанахад̇т̇ам̣ б̣уд̣̇д̇хад̣̇ассанад̇т̇ам̣ д̇хаммасаванад̇т̇ан̃жа нигкаманд̇ам̣ махааж̇анам̣ д̣̇исваа ‘‘гва г̇ажчат̇аа’’д̇и бужчи. ‘‘б̣уд̣̇д̇хад̣̇ассанад̇т̇ам̣ д̇хаммасаванад̇т̇ан̃жаа’’д̇и. д̇зна хи ‘‘ахамби г̇ажчаамий’’д̇и г̇анд̇ваа жад̇уб̣б̣ид̇хааяа барисааяа баривуд̇ам̣ б̣рахмассарзна д̇хаммам̣ д̣̇зсзнд̇ам̣ бхаг̇аванд̇ам̣ ад̣̇д̣̇аса. д̇зна вуд̇д̇ам̣ – ‘‘ад̣̇д̣̇аса ко…бз… д̣̇зсзнд̇а’’нд̇и. д̣̇исваанассаад̇и д̣̇исваана асса. зд̇ад̣̇ахосийд̇и буб̣б̣з гад̇абун̃н̃ад̇ааяа жод̣̇ияамаанасса бхаб̣б̣агулабуд̇д̇асса зд̇ам̣ ахоси. гим̣ ахоси? яам̣нуунаахамби д̇хаммам̣ сун̣зяяанд̇и . д̇ад̇т̇а яаннуунаад̇и баривид̇аггад̣̇ассанамзд̇ам̣. звам̣ гирасса баривид̇агго уббанно ‘‘яамаяам̣ барисаа згаг̇г̇ажид̇д̇аа д̇хаммам̣ сун̣аад̇и, ахо вад̇аахамби д̇ам̣ сун̣зяяа’’нд̇и.

    Addasa khoti kathaṃ addasa? So kira nagarato bhuttapātarāsaṃ suddhuttarāsaṅgaṃ mālāgandhavilepanahatthaṃ buddhadassanatthaṃ dhammasavanatthañca nikkhamantaṃ mahājanaṃ disvā ‘‘kva gacchathā’’ti pucchi. ‘‘Buddhadassanatthaṃ dhammasavanatthañcā’’ti. Tena hi ‘‘ahampi gacchāmī’’ti gantvā catubbidhāya parisāya parivutaṃ brahmassarena dhammaṃ desentaṃ bhagavantaṃ addasa. Tena vuttaṃ – ‘‘addasa kho…pe… desenta’’nti. Disvānassāti disvāna assa. Etadahosīti pubbe katapuññatāya codiyamānassa bhabbakulaputtassa etaṃ ahosi. Kiṃ ahosi? Yaṃnūnāhampi dhammaṃ suṇeyyanti . Tattha yannūnāti parivitakkadassanametaṃ. Evaṃ kirassa parivitakko uppanno ‘‘yamayaṃ parisā ekaggacittā dhammaṃ suṇāti, aho vatāhampi taṃ suṇeyya’’nti.

    ат̇а ко суд̣̇инно галанд̣̇абуд̇д̇о язна саа барисаад̇и ид̇ха гасмаа ‘‘язна бхаг̇аваа’’д̇и авад̇ваа ‘‘язна саа барисаа’’д̇и вуд̇д̇анд̇и жз. бхаг̇аванд̇ан̃хи бариваарзд̇ваа ул̣аарул̣аараж̇анаа махад̇ий барисаа нисиннаа, д̇ад̇ра на саггаа иминаа бажчаа ааг̇ад̇зна бхаг̇аванд̇ам̣ убасан̇гамид̇ваа нисийд̣̇ид̇ум̣. барисааяа бана згасмим̣ бад̣̇зсз саггаад̇и со д̇ам̣ барисам̣язва убасан̇гаманд̇о. д̇зна вуд̇д̇ам̣ – ‘‘ат̇а ко суд̣̇инно галанд̣̇абуд̇д̇о язна саа барисаа’’д̇и. згаманд̇ам̣ нисиннасса ко суд̣̇иннасса галанд̣̇абуд̇д̇асса зд̇ад̣̇ахосийд̇и на нисиннамад̇д̇ассзва ахоси, ат̇а ко бхаг̇авад̇о сид̇д̇аяуубасам̣хид̇ам̣ т̇огам̣ д̇хаммагат̇ам̣ суд̇ваа; д̇ам̣ банасса яасмаа згаманд̇ам̣ нисиннассзва ахоси. д̇зна вуд̇д̇ам̣ – ‘‘згаманд̇ам̣ нисиннасса ко суд̣̇иннасса галанд̣̇абуд̇д̇асса зд̇ад̣̇ахосий’’д̇и. гим̣ ахосийд̇и? яат̇аа яат̇аа код̇иаад̣̇и.

    Athakho sudinno kalandaputto yena sā parisāti idha kasmā ‘‘yena bhagavā’’ti avatvā ‘‘yena sā parisā’’ti vuttanti ce. Bhagavantañhi parivāretvā uḷāruḷārajanā mahatī parisā nisinnā, tatra na sakkā iminā pacchā āgatena bhagavantaṃ upasaṅkamitvā nisīdituṃ. Parisāya pana ekasmiṃ padese sakkāti so taṃ parisaṃyeva upasaṅkamanto. Tena vuttaṃ – ‘‘atha kho sudinno kalandaputto yena sā parisā’’ti. Ekamantaṃ nisinnassa kho sudinnassa kalandaputtassa etadahosīti na nisinnamattasseva ahosi, atha kho bhagavato sittayūpasaṃhitaṃ thokaṃ dhammakathaṃ sutvā; taṃ panassa yasmā ekamantaṃ nisinnasseva ahosi. Tena vuttaṃ – ‘‘ekamantaṃ nisinnassa kho sudinnassa kalandaputtassa etadahosī’’ti. Kiṃ ahosīti? Yathā yathā khotiādi.

    д̇ад̇рааяам̣ сан̇кзбагат̇аа – ахам̣ ко язна язна аагаарзна бхаг̇авад̇аа д̇хаммам̣ д̣̇зсид̇ам̣ ааж̇аанаами, д̇зна д̇зна мз убабаригкад̇о звам̣ ход̇и яад̣̇зд̇ам̣ сид̇д̇аяаб̣рахмажарияам̣ згамби д̣̇ивасам̣ акан̣д̣ам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарибун̣н̣ам̣ жарид̇аб̣б̣ам̣, згад̣̇ивасамби жа гилзсамалзна амалийнам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарисуд̣̇д̇хам̣. сан̇каликид̇ам̣ ликид̇асан̇касад̣̇исам̣ д̇ход̇асан̇касаббадибхааг̇ам̣ жарид̇аб̣б̣ам̣. ид̣̇ам̣ на сугарам̣ аг̇аарам̣ аж̇жхаавасад̇аа аг̇аарамаж̇жхз васанд̇зна зганд̇абарибун̣н̣ам̣…бз… жарид̇ум̣. яам̣нуунаахам̣ гзсз жа массун̃жа охаарзд̇ваа гасааяарасабийд̇ад̇ааяа гаасааяаани б̣рахмажарияам̣ жаранд̇аанам̣ анужчавигаани вад̇т̇аани ажчаад̣̇зд̇ваа барид̣̇ахид̇ваа аг̇аарасмаа нигкамид̇ваа анаг̇аарияам̣ баб̣б̣аж̇зяяанд̇и. зд̇т̇а жа яасмаа аг̇аарасса хид̇ам̣ гасиваан̣иж̇ж̇аад̣̇игаммам̣ аг̇аарияанд̇и вужжад̇и, д̇ан̃жа баб̣б̣аж̇ж̇ааяа над̇т̇и; д̇асмаа баб̣б̣аж̇ж̇аа ‘‘анаг̇аарияаа’’д̇и н̃аад̇аб̣б̣аа. д̇ам̣ анаг̇аарияам̣ баб̣б̣аж̇ж̇ам̣. баб̣б̣аж̇зяяанд̇и бариб̣б̣аж̇зяяам̣.

    Tatrāyaṃ saṅkhepakathā – ahaṃ kho yena yena ākārena bhagavatā dhammaṃ desitaṃ ājānāmi, tena tena me upaparikkhato evaṃ hoti yadetaṃ sittayabrahmacariyaṃ ekampi divasaṃ akhaṇḍaṃ katvā carimakacittaṃ pāpetabbatāya ekantaparipuṇṇaṃ caritabbaṃ, ekadivasampi ca kilesamalena amalīnaṃ katvā carimakacittaṃ pāpetabbatāya ekantaparisuddhaṃ. Saṅkhalikhitaṃ likhitasaṅkhasadisaṃ dhotasaṅkhasappaṭibhāgaṃ caritabbaṃ. Idaṃ na sukaraṃ agāraṃ ajjhāvasatā agāramajjhe vasantena ekantaparipuṇṇaṃ…pe… carituṃ. Yaṃnūnāhaṃ kese ca massuñca ohāretvā kasāyarasapītatāya kāsāyāni brahmacariyaṃ carantānaṃ anucchavikāni vatthāni acchādetvā paridahitvā agārasmā nikkhamitvā anagāriyaṃ pabbajeyyanti. Ettha ca yasmā agārassa hitaṃ kasivāṇijjādikammaṃ agāriyanti vuccati, tañca pabbajjāya natthi; tasmā pabbajjā ‘‘anagāriyā’’ti ñātabbā. Taṃ anagāriyaṃ pabbajjaṃ. Pabbajeyyanti paribbajeyyaṃ.

    25. ажиравудтид̇ааяа барисааяа язна бхаг̇аваа д̇знубасан̇гамийд̇и суд̣̇инно авудтид̇ааяа барисааяа на бхаг̇аванд̇ам̣ баб̣б̣аж̇ж̇ам̣ яаажи. гасмаа? д̇ад̇расса б̣ахуу н̃аад̇исаалохид̇аа мид̇д̇аамажжаа санд̇и, д̇з ‘‘‘д̇вам̣ маад̇аабид̇уунам̣ згабуд̇д̇аго, на лаб̣бхаа д̇аяаа баб̣б̣аж̇ид̇у’нд̇и б̣аахааяамби г̇ахзд̇ваа аагад̣дхзяяум̣, д̇ад̇о баб̣б̣аж̇ж̇ааяа анд̇арааяо бхависсад̇ий’’д̇и сахзва барисааяа удтахид̇ваа т̇огам̣ г̇анд̇ваа буна гзнажи сарийрагижжалзсзна нивад̇д̇ид̇ваа бхаг̇аванд̇ам̣ убасан̇гамма баб̣б̣аж̇ж̇ам̣ яаажи. д̇зна вуд̇д̇ам̣ – ‘‘ат̇а ко суд̣̇инно галанд̣̇абуд̇д̇о ажиравудтид̇ааяа барисааяа…бз… баб̣б̣ааж̇зд̇у мам̣ бхаг̇аваа’’д̇и.

    25.Aciravuṭṭhitāya parisāya yena bhagavā tenupasaṅkamīti sudinno avuṭṭhitāya parisāya na bhagavantaṃ pabbajjaṃ yāci. Kasmā? Tatrassa bahū ñātisālohitā mittāmaccā santi, te ‘‘‘tvaṃ mātāpitūnaṃ ekaputtako, na labbhā tayā pabbajitu’nti bāhāyampi gahetvā ākaḍḍheyyuṃ, tato pabbajjāya antarāyo bhavissatī’’ti saheva parisāya uṭṭhahitvā thokaṃ gantvā puna kenaci sarīrakiccalesena nivattitvā bhagavantaṃ upasaṅkamma pabbajjaṃ yāci. Tena vuttaṃ – ‘‘atha kho sudinno kalandaputto aciravuṭṭhitāya parisāya…pe… pabbājetu maṃ bhagavā’’ti.

    бхаг̇аваа бана яасмаа раахулагумаарасса баб̣б̣аж̇ид̇ад̇о бабхуд̇и маад̇аабид̇уухи ананун̃н̃аад̇ам̣ буд̇д̇ам̣ на баб̣б̣ааж̇зд̇и, д̇асмаа нам̣ бужчи – ‘‘анун̃н̃аад̇оси бана д̇вам̣ суд̣̇инна маад̇аабид̇уухи…бз… баб̣б̣аж̇ж̇ааяаа’’д̇и.

    Bhagavā pana yasmā rāhulakumārassa pabbajitato pabhuti mātāpitūhi ananuññātaṃ puttaṃ na pabbājeti, tasmā naṃ pucchi – ‘‘anuññātosi pana tvaṃ sudinna mātāpitūhi…pe… pabbajjāyā’’ti.

    26. ид̇о барам̣ баатаанусаарзнзва г̇анд̇ваа д̇ам̣ гаран̣ийяам̣ д̇ийрзд̇ваад̇и зд̇т̇а звамад̇т̇о взд̣̇ид̇аб̣б̣о – д̇хуранигкзбзнзва д̇ам̣ гаран̣ийяам̣ нидтаабзд̇ваад̇и; на хи баб̣б̣аж̇ж̇ааяа д̇иб̣б̣ажчанд̣̇асса бхан̣д̣аббаяож̇анауд̣̇д̇хаарасааран̣аад̣̇ийсу ваа нагкад̇д̇агийл̣ааяам̣ ваа жид̇д̇ам̣ намад̇и. амма д̇аад̇аад̇и зд̇т̇а бана аммаад̇и маад̇арам̣ аалабад̇и; д̇аад̇аад̇и бид̇арам̣. д̇вам̣ косийд̇и д̇вам̣ ко аси. згабуд̇д̇агод̇и згова буд̇д̇аго; ан̃н̃о д̇з ж̇здто ваа ганидто ваа над̇т̇и. зд̇т̇а жа ‘‘згабуд̇д̇о’’д̇и вад̇д̇аб̣б̣з анугамбаавасзна ‘‘згабуд̇д̇аго’’д̇и вуд̇д̇ам̣. бияод̇и бийд̇иж̇ананаго. манаабод̇и манавад̣дханаго. сукзд̇хид̇од̇и сукзна зд̇хид̇о; сукасам̣вад̣дхид̇од̇и ад̇т̇о. сукабарихад̇од̇и сукзна барихад̇о; ж̇аад̇агаалад̇о бабхуд̇и д̇хаад̇ийхи ан̇гад̇о ан̇гам̣ харид̇ваа д̇хаарияамаано ассагарат̇агаад̣̇ийхи б̣аалагийл̣анагзхи гийл̣амаано саад̣̇урасабхож̇анам̣ бхож̇ияамаано сукзна барихад̇о.

    26. Ito paraṃ pāṭhānusāreneva gantvā taṃ karaṇīyaṃ tīretvāti ettha evamattho veditabbo – dhuranikkhepeneva taṃ karaṇīyaṃ niṭṭhāpetvāti; na hi pabbajjāya tibbacchandassa bhaṇḍappayojanauddhārasāraṇādīsu vā nakkhattakīḷāyaṃ vā cittaṃ namati. Amma tātāti ettha pana ammāti mātaraṃ ālapati; tātāti pitaraṃ. Tvaṃ khosīti tvaṃ kho asi. Ekaputtakoti ekova puttako; añño te jeṭṭho vā kaniṭṭho vā natthi. Ettha ca ‘‘ekaputto’’ti vattabbe anukampāvasena ‘‘ekaputtako’’ti vuttaṃ. Piyoti pītijananako. Manāpoti manavaḍḍhanako. Sukhedhitoti sukhena edhito; sukhasaṃvaḍḍhitoti attho. Sukhaparihatoti sukhena parihato; jātakālato pabhuti dhātīhi aṅkato aṅkaṃ haritvā dhāriyamāno assakarathakādīhi bālakīḷanakehi kīḷamāno sādurasabhojanaṃ bhojiyamāno sukhena parihato.

    на д̇вам̣, д̇аад̇а суд̣̇инна, гин̃жи д̣̇угкасса ж̇аанаасийд̇и д̇вам̣ д̇аад̇а суд̣̇инна гин̃жи аббамад̇д̇агамби галабхааг̇ам̣ д̣̇угкасса на ж̇аанааси; ат̇а ваа гин̃жи д̣̇угкзна наанубхосийд̇и ад̇т̇о. гаран̣ад̇т̇з саамиважанам̣, анубхаванад̇т̇з жа ж̇аананаа; ат̇а ваа гин̃жи д̣̇угкам̣ нассарасийд̇и ад̇т̇о. убаяог̇ад̇т̇з саамиважанам̣, саран̣ад̇т̇з жа ж̇аананаа. вигаббад̣̇ваязби буримабад̣̇асса уд̇д̇арабад̣̇зна самаанавибхад̇д̇илобо д̣̇адтаб̣б̣о. д̇ам̣ саб̣б̣ам̣ сад̣̇д̣̇асад̇т̇аанусаарзна н̃аад̇аб̣б̣ам̣. маран̣знаби маяам̣ д̇з агаамагаа винаа бхависсаамаад̇и сажзби д̇ава амхзсу ж̇ийвамаанзсу маран̣ам̣ бхавзяяа, д̇зна д̇з маран̣знаби маяам̣ агаамагаа анижчагаа на ад̇д̇ано ружияаа, винаа бхависсаама; д̇аяаа вияог̇ам̣ ваа баабун̣иссаамаад̇и ад̇т̇о. гим̣ бана маяам̣ д̇анд̇и звам̣ санд̇з гим̣ бана гим̣ наама д̇ам̣ гааран̣ам̣ язна маяам̣ д̇ам̣ ж̇ийванд̇ам̣ ануж̇ааниссаама; ат̇а ваа гим̣ бана маяам̣ д̇анд̇и гзна бана гааран̣зна маяам̣ д̇ам̣ ж̇ийванд̇ам̣ ануж̇ааниссаамаад̇и звамзд̇т̇а ад̇т̇о д̣̇адтаб̣б̣о.

    Na tvaṃ, tāta sudinna, kiñci dukkhassa jānāsīti tvaṃ tāta sudinna kiñci appamattakampi kalabhāgaṃ dukkhassa na jānāsi; atha vā kiñci dukkhena nānubhosīti attho. Karaṇatthe sāmivacanaṃ, anubhavanatthe ca jānanā; atha vā kiñci dukkhaṃ nassarasīti attho. Upayogatthe sāmivacanaṃ, saraṇatthe ca jānanā. Vikappadvayepi purimapadassa uttarapadena samānavibhattilopo daṭṭhabbo. Taṃ sabbaṃ saddasatthānusārena ñātabbaṃ. Maraṇenapi mayaṃ te akāmakā vinā bhavissāmāti sacepi tava amhesu jīvamānesu maraṇaṃ bhaveyya, tena te maraṇenapi mayaṃ akāmakā anicchakā na attano ruciyā, vinā bhavissāma; tayā viyogaṃ vā pāpuṇissāmāti attho. Kiṃ pana mayaṃ tanti evaṃ sante kiṃ pana kiṃ nāma taṃ kāraṇaṃ yena mayaṃ taṃ jīvantaṃ anujānissāma; atha vā kiṃ pana mayaṃ tanti kena pana kāraṇena mayaṃ taṃ jīvantaṃ anujānissāmāti evamettha attho daṭṭhabbo.

    27. д̇ад̇т̇зваад̇и яад̇т̇а нам̣ тид̇ам̣ маад̇аабид̇аро наануж̇ааним̣су, д̇ад̇т̇зва таанз. ананд̇арахид̇ааяаад̇и гзнажи ад̇т̇аран̣зна анад̇т̇ад̇ааяа.

    27.Tatthevāti yattha naṃ ṭhitaṃ mātāpitaro nānujāniṃsu, tattheva ṭhāne. Anantarahitāyāti kenaci attharaṇena anatthatāya.

    28. барижаарзхийд̇и г̇анд̇хаб̣б̣анаданаадагаад̣̇ийни бажжубадтаабзд̇ваа д̇ад̇т̇а сахааяагзхи сад̣̇д̇хим̣ яат̇аасукам̣ инд̣̇рияаани жаарзхи сан̃жаарзхи; ид̇о жид̇о жа убанзхийд̇и вуд̇д̇ам̣ ход̇и. ат̇а ваа барижаарзхийд̇и г̇анд̇хаб̣б̣анаданаадагаад̣̇ийни бажжубадтаабзд̇ваа д̇ад̇т̇а сахааяагзхи сад̣̇д̇хим̣ лал̣а, убалал̣а, рама, гийл̣ассууд̇иби вуд̇д̇ам̣ ход̇и. гаамз барибхун̃ж̇анд̇од̇и ад̇д̇ано буд̇д̇ад̣̇аарзхи сад̣̇д̇хим̣ бхог̇з бхун̃ж̇анд̇о. бун̃н̃аани гаронд̇од̇и б̣уд̣̇д̇хан̃жа д̇хамман̃жа сан̇гхан̃жа аараб̣бха д̣̇аанаббад̣̇аанаад̣̇ийни суг̇ад̇имаг̇г̇асод̇хагаани гусалагаммаани гаронд̇о. д̇ун̣хий ахосийд̇и гат̇аануббаб̣анд̇хавижчзд̣̇анад̇т̇ам̣ нираалаабасаллаабо ахоси. ат̇асса маад̇аабид̇аро д̇игкад̇д̇ум̣ вад̇ваа бадиважанамби алабхамаанаа сахааяагз баггосаабзд̇ваа ‘‘зса во сахааяаго баб̣б̣аж̇ид̇угаамо, ниваарзт̇а на’’нд̇и аахам̣су. д̇зби д̇ам̣ убасан̇гамид̇ваа д̇игкад̇д̇ум̣ авожум̣, д̇зсамби д̇ун̣хий ахоси. д̇зна вуд̇д̇ам̣ – ‘‘ат̇а ко суд̣̇иннасса галанд̣̇абуд̇д̇асса сахааяагаа…бз… д̇ун̣хий ахосий’’д̇и.

    28.Paricārehīti gandhabbanaṭanāṭakādīni paccupaṭṭhāpetvā tattha sahāyakehi saddhiṃ yathāsukhaṃ indriyāni cārehi sañcārehi; ito cito ca upanehīti vuttaṃ hoti. Atha vā paricārehīti gandhabbanaṭanāṭakādīni paccupaṭṭhāpetvā tattha sahāyakehi saddhiṃ laḷa, upalaḷa, rama, kīḷassūtipi vuttaṃ hoti. Kāme paribhuñjantoti attano puttadārehi saddhiṃ bhoge bhuñjanto. Puññāni karontoti buddhañca dhammañca saṅghañca ārabbha dānappadānādīni sugatimaggasodhakāni kusalakammāni karonto. Tuṇhī ahosīti kathānuppabandhavicchedanatthaṃ nirālāpasallāpo ahosi. Athassa mātāpitaro tikkhattuṃ vatvā paṭivacanampi alabhamānā sahāyake pakkosāpetvā ‘‘esa vo sahāyako pabbajitukāmo, nivāretha na’’nti āhaṃsu. Tepi taṃ upasaṅkamitvā tikkhattuṃ avocuṃ, tesampi tuṇhī ahosi. Tena vuttaṃ – ‘‘atha kho sudinnassa kalandaputtassa sahāyakā…pe… tuṇhī ahosī’’ti.

    29. ат̇асса сахааяагаанам̣ зд̇ад̣̇ахоси – ‘‘сажз аяам̣ баб̣б̣аж̇ж̇ам̣ алабхамаано мариссад̇и на гожи г̇ун̣о бхависсад̇и. баб̣б̣аж̇ид̇ам̣ бана нам̣ маад̇аабид̇ароби гаалзна гаалам̣ бассиссанд̇и. маяамби бассиссаама. баб̣б̣аж̇ж̇ааби жа наамзсаа бхаарияаа, д̣̇ивасз д̣̇ивасз мад̇д̇игаабад̇д̇ам̣ г̇ахзд̇ваа бин̣д̣ааяа жарид̇аб̣б̣ам̣. згасзяяам̣ згабхад̇д̇ам̣ б̣рахмажарияам̣ ад̇ид̣̇уггарам̣. аяан̃жа сукумаало нааг̇аригаж̇аад̇ияо, со д̇ам̣ жарид̇ум̣ асаггонд̇о буна ид̇хзва ааг̇амиссад̇и. ханд̣̇асса маад̇аабид̇аро ануж̇аанаабзссаамаа’’д̇и. д̇з д̇ат̇аа агам̣су. маад̇аабид̇ароби нам̣ ануж̇ааним̣су. д̇зна вуд̇д̇ам̣ – ‘‘ат̇а ко суд̣̇иннасса галанд̣̇абуд̇д̇асса сахааяагаа язна суд̣̇иннасса галанд̣̇абуд̇д̇асса маад̇аабид̇аро…бз… анун̃н̃аад̇оси маад̇аабид̇уухи аг̇аарасмаа анаг̇аарияам̣ баб̣б̣аж̇ж̇ааяаа’’д̇и.

    29. Athassa sahāyakānaṃ etadahosi – ‘‘sace ayaṃ pabbajjaṃ alabhamāno marissati na koci guṇo bhavissati. Pabbajitaṃ pana naṃ mātāpitaropi kālena kālaṃ passissanti. Mayampi passissāma. Pabbajjāpi ca nāmesā bhāriyā, divase divase mattikāpattaṃ gahetvā piṇḍāya caritabbaṃ. Ekaseyyaṃ ekabhattaṃ brahmacariyaṃ atidukkaraṃ. Ayañca sukhumālo nāgarikajātiyo, so taṃ carituṃ asakkonto puna idheva āgamissati. Handassa mātāpitaro anujānāpessāmā’’ti. Te tathā akaṃsu. Mātāpitaropi naṃ anujāniṃsu. Tena vuttaṃ – ‘‘atha kho sudinnassa kalandaputtassa sahāyakā yena sudinnassa kalandaputtassa mātāpitaro…pe… anuññātosi mātāpitūhi agārasmā anagāriyaṃ pabbajjāyā’’ti.

    30. хадтод̇и д̇удто. уд̣̇аг̇г̇од̇и бийд̇ивасзна аб̣бхуннад̇агааяажид̇д̇о. гад̇ибааханд̇и гад̇ибаяаани д̣̇ивасаани. б̣алам̣ г̇аахзд̇ваад̇и саббааяабхож̇анаани бхун̃ж̇анд̇о, ужчаад̣̇ананхаабанаад̣̇ийхи жа гааяам̣ барихаранд̇о, гааяаб̣алам̣ ж̇анзд̇ваа маад̇аабид̇аро ванд̣̇ид̇ваа ассумукам̣ н̃аад̇ибариваддам̣ бахааяа язна бхаг̇аваа д̇знубасан̇гами…бз… баб̣б̣ааж̇зд̇у мам̣ бханд̇з бхаг̇аваад̇и. бхаг̇аваа самийбз тид̇ам̣ ан̃н̃ад̇арам̣ бин̣д̣ажааригам̣ бхигкум̣ ааманд̇зси – ‘‘д̇зна хи бхигку суд̣̇иннам̣ баб̣б̣ааж̇зхи жзва убасамбаад̣̇зхи жаа’’д̇и. ‘‘саад̇ху, бханд̇з’’д̇и ко со бхигку бхаг̇авад̇о бадиссун̣ид̇ваа суд̣̇иннам̣ галанд̣̇абуд̇д̇ам̣ ж̇инад̣̇ад̇д̇ияам̣ сад̣̇д̇хивихааригам̣ лад̣̇д̇хаа баб̣б̣ааж̇зси жзва убасамбаад̣̇зси жа. д̇зна вуд̇д̇ам̣ – ‘‘алад̇т̇а ко суд̣̇инно галанд̣̇абуд̇д̇о бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇а’’нд̇и.

    30.Haṭṭhoti tuṭṭho. Udaggoti pītivasena abbhunnatakāyacitto. Katipāhanti katipayāni divasāni. Balaṃ gāhetvāti sappāyabhojanāni bhuñjanto, ucchādananhāpanādīhi ca kāyaṃ pariharanto, kāyabalaṃ janetvā mātāpitaro vanditvā assumukhaṃ ñātiparivaṭṭaṃ pahāya yena bhagavā tenupasaṅkami…pe… pabbājetu maṃ bhante bhagavāti. Bhagavā samīpe ṭhitaṃ aññataraṃ piṇḍacārikaṃ bhikkhuṃ āmantesi – ‘‘tena hi bhikkhu sudinnaṃ pabbājehi ceva upasampādehi cā’’ti. ‘‘Sādhu, bhante’’ti kho so bhikkhu bhagavato paṭissuṇitvā sudinnaṃ kalandaputtaṃ jinadattiyaṃ saddhivihārikaṃ laddhā pabbājesi ceva upasampādesi ca. Tena vuttaṃ – ‘‘alattha khosudinno kalandaputto bhagavato santike pabbajjaṃ, alattha upasampada’’nti.

    зд̇т̇а бана тад̇ваа саб̣б̣аадтагат̇аасу баб̣б̣аж̇ж̇аа жа убасамбад̣̇аа жа гат̇ид̇аа. маяам̣ бана яат̇аатид̇абаал̣ивасзнзва канд̇хагз гат̇аяиссаама. на гзвалан̃жзд̇ам̣, ан̃н̃амби яам̣ канд̇хагз ваа бариваарз ваа гат̇зд̇аб̣б̣ам̣ адтагат̇аажариязхи вибхан̇г̇згат̇ид̇ам̣, д̇ам̣ саб̣б̣ам̣ д̇ад̇т̇а д̇ад̇т̇зва гат̇аяиссаама. зван̃хи гат̇ияамаанз баал̣иггамзнзва ван̣н̣анаа гад̇аа ход̇и. д̇ад̇о д̇зна д̇зна винижчаязна ад̇т̇игаанам̣ баал̣иггамзнзва имам̣ винаяасам̣ван̣н̣анам̣ ологзд̇ваа со со винижчаяо сувин̃н̃зяяо бхависсад̇ийд̇и.

    Ettha pana ṭhatvā sabbaaṭṭhakathāsu pabbajjā ca upasampadā ca kathitā. Mayaṃ pana yathāṭhitapāḷivaseneva khandhake kathayissāma. Na kevalañcetaṃ, aññampi yaṃ khandhake vā parivāre vā kathetabbaṃ aṭṭhakathācariyehi vibhaṅgekathitaṃ, taṃ sabbaṃ tattha tattheva kathayissāma. Evañhi kathiyamāne pāḷikkameneva vaṇṇanā katā hoti. Tato tena tena vinicchayena atthikānaṃ pāḷikkameneva imaṃ vinayasaṃvaṇṇanaṃ oloketvā so so vinicchayo suviññeyyo bhavissatīti.

    ажируубасамбаннод̇и ажирам̣ убасамбанно худ̇ваа; убасамбад̣̇ад̇о нажирагаалзязваад̇и вуд̇д̇ам̣ ход̇и. зваруубзд̇и звам̣вид̇хз звам̣ж̇аад̇игз. д̇худ̇аг̇ун̣зд̇и гилзсанид̣̇д̇хунанагз г̇ун̣з. самаад̣̇ааяа вад̇д̇ад̇ийд̇и самаад̣̇ияид̇ваа г̇ан̣хид̇ваа вад̇д̇ад̇и жарад̇и вихарад̇и. ааран̃н̃иго ход̇ийд̇и г̇ааманд̇асзнаасанам̣ бадигкибид̇ваа ааран̃н̃игад̇худ̇ан̇г̇авасзна аран̃н̃аваасиго ход̇и. бин̣д̣абаад̇игод̇и ад̇ирзгалаабхабадигкзбзна жуд̣̇д̣̇аса бхад̇д̇аани бадигкибид̇ваа бин̣д̣абаад̇игад̇худ̇ан̇г̇авасзна бин̣д̣абаад̇иго ход̇и. бам̣сугуулигод̇и г̇ахабад̇ижийварам̣ бадигкибид̇ваа бам̣сугуулигад̇худ̇ан̇г̇авасзна бам̣сугуулиго ход̇и. сабад̣̇аанажааригод̇и лолуббажаарам̣ бадигкибид̇ваа сабад̣̇аанажааригад̇худ̇ан̇г̇авасзна сабад̣̇аанажаариго ход̇и; гхарабадибаадияаа бхигкааяа бависад̇и. важ̇ж̇иг̇ааманд̇и важ̇ж̇ийнам̣ г̇аамам̣ важ̇ж̇ийсу ваа г̇аамам̣.

    Acirūpasampannoti aciraṃ upasampanno hutvā; upasampadato nacirakāleyevāti vuttaṃ hoti. Evarūpeti evaṃvidhe evaṃjātike. Dhutaguṇeti kilesaniddhunanake guṇe. Samādāya vattatīti samādiyitvā gaṇhitvā vattati carati viharati. Āraññiko hotīti gāmantasenāsanaṃ paṭikkhipitvā āraññikadhutaṅgavasena araññavāsiko hoti. Piṇḍapātikoti atirekalābhapaṭikkhepena cuddasa bhattāni paṭikkhipitvā piṇḍapātikadhutaṅgavasena piṇḍapātiko hoti. Paṃsukūlikoti gahapaticīvaraṃ paṭikkhipitvā paṃsukūlikadhutaṅgavasena paṃsukūliko hoti. Sapadānacārikoti loluppacāraṃ paṭikkhipitvā sapadānacārikadhutaṅgavasena sapadānacāriko hoti; gharapaṭipāṭiyā bhikkhāya pavisati. Vajjigāmanti vajjīnaṃ gāmaṃ vajjīsu vā gāmaṃ.

    ад̣дхаа махад̣̇д̇ханаад̇иаад̣̇ийсу убабхог̇абарибхог̇уубагаран̣амаханд̇ад̇ааяа ад̣дхаа; яз хи д̇зсам̣ убабхог̇аа яаани жа убабхог̇уубагаран̣аани, д̇аани маханд̇аани б̣ахулаани саарагаанийд̇и вуд̇д̇ам̣ ход̇и. нид̇хзд̇ваа табид̇ад̇ханамаханд̇ад̇ааяа махад̣̇д̇ханаа. махаабхог̇аад̇и д̣̇ивасабариб̣б̣аяасан̇каад̇абхог̇амаханд̇ад̇ааяа махаабхог̇аа. ан̃н̃зхи убабхог̇зхи ж̇аад̇аруубараж̇ад̇ассзва бахууд̇ад̇ааяа бахууд̇аж̇аад̇аруубараж̇ад̇аа. алан̇гаарабхууд̇асса вид̇д̇уубагаран̣асса бийд̇ибаамож̇ж̇агаран̣асса бахууд̇ад̇ааяа бахууд̇авид̇д̇уубагаран̣аа. вохааравасзна баривад̇д̇знд̇асса д̇ханад̇хан̃н̃асса бахууд̇ад̇ааяа бахууд̇ад̇ханад̇хан̃н̃аад̇и взд̣̇ид̇аб̣б̣аа.

    Aḍḍhā mahaddhanātiādīsu upabhogaparibhogūpakaraṇamahantatāya aḍḍhā; ye hi tesaṃ upabhogā yāni ca upabhogūpakaraṇāni, tāni mahantāni bahulāni sārakānīti vuttaṃ hoti. Nidhetvā ṭhapitadhanamahantatāya mahaddhanā. Mahābhogāti divasaparibbayasaṅkhātabhogamahantatāya mahābhogā. Aññehi upabhogehi jātarūparajatasseva pahūtatāya pahūtajātarūparajatā. Alaṅkārabhūtassa vittūpakaraṇassa pītipāmojjakaraṇassa pahūtatāya pahūtavittūpakaraṇā. Vohāravasena parivattentassa dhanadhaññassa pahūtatāya pahūtadhanadhaññāti veditabbā.

    сзнаасанам̣ сам̣саамзд̇ваад̇и сзнаасанам̣ бадисаамзд̇ваа; яат̇аа на винассад̇и д̇ат̇аа нам̣ судту табзд̇ваад̇и ад̇т̇о. садтимад̇д̇з т̇аалибаагзд̇и г̇ан̣анабарижчзд̣̇ад̇о садтит̇аалибаагз. згамзго жзд̇т̇а т̇аалибааго д̣̇асаннам̣ бхигкуунам̣ бхад̇д̇ам̣ г̇ан̣хаад̇и. д̇ам̣ саб̣б̣амби чаннам̣ бхигкусад̇аанам̣ бхад̇д̇ам̣ ход̇и. бхад̇д̇аабхихаарам̣ абхихарим̣сууд̇и зд̇т̇а абхихарийяад̇ийд̇и абхихааро. гим̣ абхихарийяад̇и? бхад̇д̇ам̣. бхад̇д̇амзва абхихааро бхад̇д̇аабхихааро, д̇ам̣ бхад̇д̇аабхихаарам̣. абхихарим̣сууд̇и абхимукаа харим̣су. д̇асса санд̇игам̣ г̇ахзд̇ваа ааг̇амам̣сууд̇и ад̇т̇о. зд̇асса гим̣ бамаан̣анд̇и? садти т̇аалибаагаа. д̇зна вуд̇д̇ам̣ – ‘‘садтимад̇д̇з т̇аалибаагз бхад̇д̇аабхихаарам̣ абхихарим̣суу’’д̇и. бхигкуунам̣ виссаж̇ж̇зд̇ваад̇и саяам̣ уггадтабин̣д̣абаад̇игад̇д̇аа сабад̣̇аанажаарам̣ жарид̇угаамо бхигкуунам̣ барибхог̇ад̇т̇ааяа барижжаж̇ид̇ваа д̣̇ад̇ваа. аяам̣ хи ааяасмаа ‘‘бхигкуу жа лаабхам̣ лажчанд̇и ахан̃жа бин̣д̣агзна на гиламиссаамий’’д̇и зд̇ад̣̇ад̇т̇амзва ааг̇ад̇о. д̇асмаа ад̇д̇ано ааг̇аманаануруубам̣ гаронд̇о бхигкуунам̣ виссаж̇ж̇зд̇ваа саяам̣ бин̣д̣ааяа баависи.

    Senāsanaṃsaṃsāmetvāti senāsanaṃ paṭisāmetvā; yathā na vinassati tathā naṃ suṭṭhu ṭhapetvāti attho. Saṭṭhimatte thālipāketi gaṇanaparicchedato saṭṭhithālipāke. Ekameko cettha thālipāko dasannaṃ bhikkhūnaṃ bhattaṃ gaṇhāti. Taṃ sabbampi channaṃ bhikkhusatānaṃ bhattaṃ hoti. Bhattābhihāraṃ abhihariṃsūti ettha abhiharīyatīti abhihāro. Kiṃ abhiharīyati? Bhattaṃ. Bhattameva abhihāro bhattābhihāro, taṃ bhattābhihāraṃ. Abhihariṃsūti abhimukhā hariṃsu. Tassa santikaṃ gahetvā āgamaṃsūti attho. Etassa kiṃ pamāṇanti? Saṭṭhi thālipākā. Tena vuttaṃ – ‘‘saṭṭhimatte thālipāke bhattābhihāraṃ abhihariṃsū’’ti. Bhikkhūnaṃ vissajjetvāti sayaṃ ukkaṭṭhapiṇḍapātikattā sapadānacāraṃ caritukāmo bhikkhūnaṃ paribhogatthāya pariccajitvā datvā. Ayaṃ hi āyasmā ‘‘bhikkhū ca lābhaṃ lacchanti ahañca piṇḍakena na kilamissāmī’’ti etadatthameva āgato. Tasmā attano āgamanānurūpaṃ karonto bhikkhūnaṃ vissajjetvā sayaṃ piṇḍāya pāvisi.

    31. н̃аад̇ид̣̇аасийд̇и н̃аад̇агаанам̣ д̣̇аасий. аабхид̣̇осиганд̇и баариваасигам̣ згарад̇д̇аад̇игганд̇ам̣ бууд̇ибхууд̇ам̣. д̇ад̇рааяам̣ бад̣̇ад̇т̇о – бууд̇ибхаавад̣̇осзна абхибхууд̇од̇и абхид̣̇осо, абхид̣̇осова аабхид̣̇осиго, згарад̇д̇аад̇игганд̇асса ваа наамасан̃н̃аа зсаа, яад̣̇ид̣̇ам̣ аабхид̣̇осигод̇и, д̇ам̣ аабхид̣̇осигам̣. гуммаасанд̇и яавагуммаасам̣. чад̣д̣зд̇угаамаа ход̇ийд̇и яасмаа анд̇амасо д̣̇аасагаммагараанамби г̇оруубаанамби абарибхог̇аарахо, д̇асмаа д̇ам̣ гажаварам̣ вияа б̣ахи чад̣д̣зд̇угаамаа ход̇и. сажзд̇анд̇и сажз зд̇ам̣. бхаг̇инийд̇и арияавохаарзна н̃аад̇ид̣̇аасим̣ аалабад̇и. чад̣д̣анийяад̇хамманд̇и чад̣д̣зд̇аб̣б̣асабхаавам̣. ид̣̇ам̣ вуд̇д̇ам̣ ход̇и – ‘‘бхаг̇ини, зд̇ам̣ сажз б̣ахи чад̣д̣анийяад̇хаммам̣ ниссадтабариг̇г̇ахам̣, д̇ам̣ ид̇ха мз бад̇д̇з аагираа’’д̇и.

    31.Ñātidāsīti ñātakānaṃ dāsī. Ābhidosikanti pārivāsikaṃ ekarattātikkantaṃ pūtibhūtaṃ. Tatrāyaṃ padattho – pūtibhāvadosena abhibhūtoti abhidoso, abhidosova ābhidosiko, ekarattātikkantassa vā nāmasaññā esā, yadidaṃ ābhidosikoti, taṃ ābhidosikaṃ. Kummāsanti yavakummāsaṃ. Chaḍḍetukāmā hotīti yasmā antamaso dāsakammakarānampi gorūpānampi aparibhogāraho, tasmā taṃ kacavaraṃ viya bahi chaḍḍetukāmā hoti. Sacetanti sace etaṃ. Bhaginīti ariyavohārena ñātidāsiṃ ālapati. Chaḍḍanīyadhammanti chaḍḍetabbasabhāvaṃ. Idaṃ vuttaṃ hoti – ‘‘bhagini, etaṃ sace bahi chaḍḍanīyadhammaṃ nissaṭṭhapariggahaṃ, taṃ idha me patte ākirā’’ti.

    гим̣ бана звам̣ вад̇д̇ум̣ лаб̣бхад̇и, вин̃н̃ад̇д̇и ваа баяуд̇д̇аваажаа ваа на ход̇ийд̇и? на ход̇и. гасмаа? ниссадтабариг̇г̇ахад̇д̇аа. яан̃хи чад̣д̣анийяад̇хаммам̣ ниссадтабариг̇г̇ахам̣, яад̇т̇а саамигаа анаалаяаа хонд̇и, д̇ам̣ саб̣б̣ам̣ ‘‘д̣̇зт̇а аахарат̇а ид̇ха аагират̇аа’’д̇и вад̇д̇ум̣ ваддад̇и. д̇ат̇аа хи аг̇г̇аарияавам̣сиго ааяасмаа радтабаалоби ‘‘чад̣д̣анийяад̇хаммам̣ гуммаасам̣ ид̇ха мз бад̇д̇з аагираа’’д̇и (ма. ни. 2.299) аважа. д̇асмаа яам̣ зваруубам̣ чад̣д̣анийяад̇хаммам̣ ан̃н̃ам̣ ваа абариг̇г̇ахид̇ам̣ ванамуулапалабхзсаж̇ж̇аад̣̇игам̣ д̇ам̣ саб̣б̣ам̣ яат̇аасукам̣ аахараабзд̇ваа барибхун̃ж̇ид̇аб̣б̣ам̣, на гуггужжааяид̇аб̣б̣ам̣. хад̇т̇аананд̇и бхигкааг̇г̇ахан̣ад̇т̇ам̣ бад̇д̇ам̣ убанаамаяад̇о ман̣иб̣анд̇хад̇о бабхуд̇и д̣̇виннамби хад̇т̇аанам̣. баад̣̇аананд̇и ниваасананд̇ад̇о бадтааяа д̣̇виннамби баад̣̇аанам̣. сарассаад̇и ‘‘сажзд̇ам̣ бхаг̇иний’’д̇и ваажам̣ нижчаараяад̇о сарасса жа. нимид̇д̇ам̣ аг̇г̇ахзсийд̇и г̇ихигаалз саллагкид̇абуб̣б̣ам̣ аагаарам̣ аг̇г̇ахзси сан̃ж̇аани саллагкзси. суд̣̇инно хи бхаг̇авад̇о д̣̇ваад̣̇асамз вассз баб̣б̣аж̇ид̇о вийсад̇имз вассз н̃аад̇игулам̣ бин̣д̣ааяа бавидто саяам̣ баб̣б̣аж̇ж̇ааяа адтавассиго худ̇ваа; д̇зна нам̣ саа н̃аад̇ид̣̇аасий д̣̇исваава на сан̃ж̇аани, нимид̇д̇ам̣ бана аг̇г̇ахзсийд̇и.

    Kiṃ pana evaṃ vattuṃ labbhati, viññatti vā payuttavācā vā na hotīti? Na hoti. Kasmā? Nissaṭṭhapariggahattā. Yañhi chaḍḍanīyadhammaṃ nissaṭṭhapariggahaṃ, yattha sāmikā anālayā honti, taṃ sabbaṃ ‘‘detha āharatha idha ākirathā’’ti vattuṃ vaṭṭati. Tathā hi aggaariyavaṃsiko āyasmā raṭṭhapālopi ‘‘chaḍḍanīyadhammaṃ kummāsaṃ idha me patte ākirā’’ti (ma. ni. 2.299) avaca. Tasmā yaṃ evarūpaṃ chaḍḍanīyadhammaṃ aññaṃ vā apariggahitaṃ vanamūlaphalabhesajjādikaṃ taṃ sabbaṃ yathāsukhaṃ āharāpetvā paribhuñjitabbaṃ, na kukkuccāyitabbaṃ. Hatthānanti bhikkhāggahaṇatthaṃ pattaṃ upanāmayato maṇibandhato pabhuti dvinnampi hatthānaṃ. Pādānanti nivāsanantato paṭṭhāya dvinnampi pādānaṃ. Sarassāti ‘‘sacetaṃ bhaginī’’ti vācaṃ nicchārayato sarassa ca. Nimittaṃ aggahesīti gihikāle sallakkhitapubbaṃ ākāraṃ aggahesi sañjāni sallakkhesi. Sudinno hi bhagavato dvādasame vasse pabbajito vīsatime vasse ñātikulaṃ piṇḍāya paviṭṭho sayaṃ pabbajjāya aṭṭhavassiko hutvā; tena naṃ sā ñātidāsī disvāva na sañjāni, nimittaṃ pana aggahesīti.

    суд̣̇иннасса маад̇арам̣ зд̇ад̣̇авожаад̇и ад̇иг̇арунаа баб̣б̣аж̇ж̇уубаг̇ад̇зна саамибуд̇д̇зна сад̣̇д̇хим̣ ‘‘д̇вам̣ ну ко мз, бханд̇з, аяяо суд̣̇инно’’д̇иаад̣̇иважанам̣ вад̇д̇ум̣ ависаханд̇ий взг̇зна гхарам̣ бависид̇ваа суд̣̇иннасса маад̇арам̣ зд̇ам̣ авожа. яаг̇гхзд̇и аарожанад̇т̇з нибаад̇о. сажз ж̇з сажжанд̇и зд̇т̇а ж̇зд̇и аалабанз нибаад̇о. зван̃хи д̇асмим̣ д̣̇зсз д̣̇аасиж̇анам̣ аалабанд̇и, д̇асмаа ‘‘д̇вам̣, бход̇и д̣̇ааси, сажз сажжам̣ бхан̣асий’’д̇и звамзд̇т̇а ад̇т̇о д̣̇адтаб̣б̣о.

    Sudinnassa mātaraṃ etadavocāti atigarunā pabbajjūpagatena sāmiputtena saddhiṃ ‘‘tvaṃ nu kho me, bhante, ayyo sudinno’’tiādivacanaṃ vattuṃ avisahantī vegena gharaṃ pavisitvā sudinnassa mātaraṃ etaṃ avoca. Yaggheti ārocanatthe nipāto. Sace je saccanti ettha jeti ālapane nipāto. Evañhi tasmiṃ dese dāsijanaṃ ālapanti, tasmā ‘‘tvaṃ, bhoti dāsi, sace saccaṃ bhaṇasī’’ti evamettha attho daṭṭhabbo.

    32. ан̃н̃ад̇арам̣ гуддамууланд̇и д̇асмим̣ гира д̣̇зсз д̣̇аанабад̇ийнам̣ гхарзсу саалаа хонд̇и, аасанаани жзд̇т̇а бан̃н̃ад̇д̇аани хонд̇и, убадтаабид̇ам̣ уд̣̇агаган̃ж̇ияам̣; д̇ад̇т̇а баб̣б̣аж̇ид̇аа бин̣д̣ааяа жарид̇ваа нисийд̣̇ид̇ваа бхун̃ж̇анд̇и. сажз ижчанд̇и, д̣̇аанабад̇ийнамби санд̇агам̣ г̇ан̣ханд̇и. д̇асмаа д̇амби ан̃н̃ад̇арасса гуласса ийд̣̇исааяа саалааяа ан̃н̃ад̇арам̣ гуддамууланд̇и взд̣̇ид̇аб̣б̣ам̣. на хи баб̣б̣аж̇ид̇аа габан̣амануссаа вияа асааруббз таанз нисийд̣̇ид̇ваа бхун̃ж̇анд̇ийд̇и.

    32.Aññataraṃ kuṭṭamūlanti tasmiṃ kira dese dānapatīnaṃ gharesu sālā honti, āsanāni cettha paññattāni honti, upaṭṭhāpitaṃ udakakañjiyaṃ; tattha pabbajitā piṇḍāya caritvā nisīditvā bhuñjanti. Sace icchanti, dānapatīnampi santakaṃ gaṇhanti. Tasmā tampi aññatarassa kulassa īdisāya sālāya aññataraṃ kuṭṭamūlanti veditabbaṃ. Na hi pabbajitā kapaṇamanussā viya asāruppe ṭhāne nisīditvā bhuñjantīti.

    ад̇т̇и наама д̇аад̇аад̇и зд̇т̇а ад̇т̇ийд̇и виж̇ж̇амаанад̇т̇з; наамаад̇и бужчанад̇т̇з ман̃н̃анад̇т̇з жа нибаад̇о. ид̣̇ан̃хи вуд̇д̇ам̣ ход̇и – ‘‘ад̇т̇и ну ко, д̇аад̇а суд̣̇инна, амхаагам̣ д̇ханам̣, на маяам̣ нид̣̇д̇ханаад̇и вад̇д̇аб̣б̣аа, язсам̣ но д̇вам̣ ийд̣̇исз таанз нисийд̣̇ид̇ваа аабхид̣̇осигам̣ гуммаасам̣ барибхун̃ж̇иссаси’’; д̇ат̇аа ‘‘ад̇т̇и ну ко, д̇аад̇а суд̣̇инна, амхаагам̣ ж̇ийвид̇ам̣, на маяам̣ мад̇аад̇и вад̇д̇аб̣б̣аа, язсам̣ но д̇вам̣ ийд̣̇исз таанз нисийд̣̇ид̇ваа аабхид̣̇осигам̣ гуммаасам̣ барибхун̃ж̇иссаси’’; д̇ат̇аа ‘‘ад̇т̇и ман̃н̃з, д̇аад̇а суд̣̇инна, д̇ава аб̣бханд̇арз саасанам̣ ниссааяа бадилад̣̇д̇хо саман̣аг̇ун̣о, яам̣ д̇вам̣ субхож̇анарасасам̣вад̣дхид̇оби имам̣ ж̇иг̇ужчанзяяам̣ аабхид̣̇осигам̣ гуммаасам̣ амад̇амива ниб̣б̣игааро барибхун̃ж̇иссасий’’д̇и.

    Atthi nāma tātāti ettha atthīti vijjamānatthe; nāmāti pucchanatthe maññanatthe ca nipāto. Idañhi vuttaṃ hoti – ‘‘atthi nu kho, tāta sudinna, amhākaṃ dhanaṃ, na mayaṃ niddhanāti vattabbā, yesaṃ no tvaṃ īdise ṭhāne nisīditvā ābhidosikaṃ kummāsaṃ paribhuñjissasi’’; tathā ‘‘atthi nu kho, tāta sudinna, amhākaṃ jīvitaṃ, na mayaṃ matāti vattabbā, yesaṃ no tvaṃ īdise ṭhāne nisīditvā ābhidosikaṃ kummāsaṃ paribhuñjissasi’’; tathā ‘‘atthi maññe, tāta sudinna, tava abbhantare sāsanaṃ nissāya paṭiladdho samaṇaguṇo, yaṃ tvaṃ subhojanarasasaṃvaḍḍhitopi imaṃ jigucchaneyyaṃ ābhidosikaṃ kummāsaṃ amatamiva nibbikāro paribhuñjissasī’’ti.

    со бана г̇ахабад̇и д̣̇угкаабхид̇уннад̇ааяа зд̇амад̇т̇ам̣ барибун̣н̣ам̣ гад̇ваа вад̇д̇умасаггонд̇о ‘‘ад̇т̇и наама, д̇аад̇а суд̣̇инна, аабхид̣̇осигам̣ гуммаасам̣ барибхун̃ж̇иссасий’’д̇и зд̇д̇агамзва авожа. агкаражинд̇агаа банзд̇т̇а имам̣ лагкан̣ам̣ вад̣̇анд̇и – аногаббанаамарисанад̇т̇авасзна зд̇ам̣ ад̇т̇инаамасад̣̇д̣̇з убабад̣̇з ‘‘барибхун̃ж̇иссасий’’д̇и анааг̇ад̇аважанам̣ гад̇ам̣. д̇ассааяамад̇т̇о – ад̇т̇и наама…бз… барибхун̃ж̇иссаси, ид̣̇ам̣ бажжагкамби ахам̣ на сад̣̇д̣̇ахаами на марисаяаамийд̇и. д̇ад̇ааяам̣ аабхид̣̇осигод̇и д̇ад̇о д̇ава г̇зхад̇о аяам̣ аабхид̣̇осиго гуммаасо лад̣̇д̇ход̇и ад̇т̇о. д̇ад̇ояанд̇иби баато. д̇ад̣̇ааяанд̇иби батанд̇и, д̇ам̣ на сунд̣̇арам̣. язна сагабид̇у нивзсананд̇и язна сагасса бид̇у ад̇д̇ано бид̇у нивзсананд̇и ад̇т̇о; т̇зро бид̇ари бзмзнзва суб̣б̣ажо худ̇ваа аг̇амааси. ад̇хиваасзсийд̇и т̇зро уггадтабин̣д̣абаад̇игоби самаано ‘‘сажз згабхад̇д̇амби на г̇ахзссаами, ад̇ивияа нзсам̣ д̣̇оманассам̣ бхависсад̇ий’’д̇и н̃аад̇ийнам̣ анугамбааяа ад̇хиваасзси.

    So pana gahapati dukkhābhitunnatāya etamatthaṃ paripuṇṇaṃ katvā vattumasakkonto ‘‘atthi nāma, tāta sudinna, ābhidosikaṃ kummāsaṃ paribhuñjissasī’’ti ettakameva avoca. Akkharacintakā panettha imaṃ lakkhaṇaṃ vadanti – anokappanāmarisanatthavasena etaṃ atthināmasadde upapade ‘‘paribhuñjissasī’’ti anāgatavacanaṃ kataṃ. Tassāyamattho – atthi nāma…pe… paribhuñjissasi, idaṃ paccakkhampi ahaṃ na saddahāmi na marisayāmīti. Tatāyaṃ ābhidosikoti tato tava gehato ayaṃ ābhidosiko kummāso laddhoti attho. Tatoyantipi pāṭho. Tadāyantipi paṭhanti, taṃ na sundaraṃ. Yena sakapitu nivesananti yena sakassa pitu attano pitu nivesananti attho; thero pitari pemeneva subbaco hutvā agamāsi. Adhivāsesīti thero ukkaṭṭhapiṇḍapātikopi samāno ‘‘sace ekabhattampi na gahessāmi, ativiya nesaṃ domanassaṃ bhavissatī’’ti ñātīnaṃ anukampāya adhivāsesi.

    33. обун̃ж̇аабзд̇ваад̇и убалимбаабзд̇ваа. згам̣ хиран̃н̃ассаад̇и зд̇т̇а хиран̃н̃анд̇и гахаабан̣о взд̣̇ид̇аб̣б̣о. бурисод̇и наад̇ид̣̇ийгхо наад̇ирассо маж̇жхимаббамаан̣о взд̣̇ид̇аб̣б̣о. д̇ирогаран̣ийяанд̇и гаран̣ад̇т̇з бхуммам̣; саан̣ибаагаарзна баригкибид̇ваад̇и ад̇т̇о. ат̇а ваа д̇иро гаронд̇и зд̇знаад̇и д̇ирогаран̣ийяам̣, д̇ам̣ баригкибид̇ваа; саманд̇ад̇о гад̇ваад̇и ад̇т̇о. д̇зна хийд̇и яасмаа аж̇ж̇а суд̣̇инно ааг̇амиссад̇и д̇зна гааран̣зна. хи ид̇и бад̣̇абууран̣амад̇д̇з нибаад̇о. д̇знаад̇и аяамби ваа уяяож̇анад̇т̇з нибаад̇оязва.

    33.Opuñjāpetvāti upalimpāpetvā. Ekaṃ hiraññassāti ettha hiraññanti kahāpaṇo veditabbo. Purisoti nātidīgho nātirasso majjhimappamāṇo veditabbo. Tirokaraṇīyanti karaṇatthe bhummaṃ; sāṇipākārena parikkhipitvāti attho. Atha vā tiro karonti etenāti tirokaraṇīyaṃ, taṃ parikkhipitvā; samantato katvāti attho. Tena hīti yasmā ajja sudinno āgamissati tena kāraṇena. Hi iti padapūraṇamatte nipāto. Tenāti ayampi vā uyyojanatthe nipātoyeva.

    34. буб̣б̣ан̣хасамаяанд̇и зд̇т̇а гин̃жааби баал̣ияам̣ гаалаарожанам̣ на вуд̇д̇ам̣, ат̇а ко аарожид̇зязва гаалз аг̇амаасийд̇и взд̣̇ид̇аб̣б̣о. ид̣̇ам̣ д̇з д̇аад̇аад̇и д̣̇вз бун̃ж̇з д̣̇ассзнд̇о ааха. маад̇ууд̇и ж̇анзд̇д̇ияаа. мад̇д̇иганд̇и маад̇ид̇о ааг̇ад̇ам̣; ид̣̇ам̣ д̇з маад̇аамахияаа маад̇у имам̣ г̇зхам̣ ааг̇ажчанд̇ияаа д̣̇иннад̇хананд̇и ад̇т̇о. ид̇т̇игааяа ид̇т̇ид̇хананд̇и хийл̣знд̇о ааха . ид̇т̇игааяа наама ид̇т̇ибарибхог̇аанам̣язва нхаанажун̣н̣аад̣̇ийнам̣ ад̇т̇ааяа лад̣̇д̇хам̣ д̇ханам̣ гид̇д̇агам̣ бхавзяяа. д̇ассааби д̇аава баримаан̣ам̣ басса. ат̇а ваа ид̣̇ам̣ д̇з д̇аад̇а суд̣̇инна маад̇у д̇ханам̣, д̇ан̃жа ко мад̇д̇игам̣, на маяаа д̣̇иннам̣, д̇ава маад̇уязва санд̇аганд̇и вуд̇д̇ам̣ ход̇и. д̇ам̣ банзд̇ам̣ на гасияаа на ван̣иж̇ж̇ааяа самбхууд̇ам̣, абижа ко ид̇т̇игааяа ид̇т̇ид̇ханам̣. яам̣ ид̇т̇игааяа н̃аад̇игулад̇о саамигагулам̣ г̇ажчанд̇ияаа лад̣̇д̇хаб̣б̣ам̣ нхаанажун̣н̣аад̣̇ийнам̣ ад̇т̇ааяа ид̇т̇ид̇ханам̣, д̇ам̣ д̇аава зд̇д̇аганд̇и звамзд̇т̇а ад̇т̇о д̣̇адтаб̣б̣о.

    34.Pubbaṇhasamayanti ettha kiñcāpi pāḷiyaṃ kālārocanaṃ na vuttaṃ, atha kho ārociteyeva kāle agamāsīti veditabbo. Idaṃ te tātāti dve puñje dassento āha. Mātūti janettiyā. Mattikanti mātito āgataṃ; idaṃ te mātāmahiyā mātu imaṃ gehaṃ āgacchantiyā dinnadhananti attho. Itthikāya itthidhananti hīḷento āha . Itthikāya nāma itthiparibhogānaṃyeva nhānacuṇṇādīnaṃ atthāya laddhaṃ dhanaṃ kittakaṃ bhaveyya. Tassāpi tāva parimāṇaṃ passa. Atha vā idaṃ te tāta sudinna mātu dhanaṃ, tañca kho mattikaṃ, na mayā dinnaṃ, tava mātuyeva santakanti vuttaṃ hoti. Taṃ panetaṃ na kasiyā na vaṇijjāya sambhūtaṃ, apica kho itthikāya itthidhanaṃ. Yaṃ itthikāya ñātikulato sāmikakulaṃ gacchantiyā laddhabbaṃ nhānacuṇṇādīnaṃ atthāya itthidhanaṃ, taṃ tāva ettakanti evamettha attho daṭṭhabbo.

    ан̃н̃ам̣ бзд̇д̇игам̣ ан̃н̃ам̣ бид̇аамаханд̇и яам̣ бана д̇з бид̇у жа бид̇аамахаанан̃жа санд̇агам̣, д̇ам̣ ан̃н̃ам̣язва. нихид̇ан̃жа баяуд̇д̇ан̃жа ад̇ивияа б̣аху; зд̇т̇а жа бид̇аамаханд̇и д̇ад̣̇д̇хид̇алобам̣ гад̇ваа взд̣̇ид̇аб̣б̣ам̣. бзд̇аамаханд̇и ваа баато. лаб̣бхаа д̇аад̇а суд̣̇инна хийнааяаавад̇д̇ид̇ваад̇и д̇аад̇а, суд̣̇инна, уд̇д̇амам̣ арияад̣̇д̇хаж̇ам̣ баб̣б̣аж̇ид̇алин̇г̇ам̣ бахааяа хийнааяа г̇ихибхаавааяа аавад̇д̇ид̇ваа лаб̣бхаа бхог̇аа бхун̃ж̇ид̇ум̣, наалаб̣бхаа бхун̃ж̇ид̇ум̣, на д̇вам̣ рааж̇абхийд̇о баб̣б̣аж̇ид̇о, на ин̣ааяигзхи балиб̣уд̣̇д̇хо худ̇ваад̇и. д̇аад̇а на уссахаамийд̇и зд̇т̇а бана д̇аад̇аад̇и важанам̣ г̇зхасид̇абзмзна ааха, на саман̣ад̇зж̇зна. на уссахаамийд̇и на саггоми. на висахаамийд̇и наббахоми, на самад̇т̇омхи.

    Aññaṃ pettikaṃ aññaṃ pitāmahanti yaṃ pana te pitu ca pitāmahānañca santakaṃ, taṃ aññaṃyeva. Nihitañca payuttañca ativiya bahu; ettha ca pitāmahanti taddhitalopaṃ katvā veditabbaṃ. Petāmahanti vā pāṭho. Labbhā tāta sudinna hīnāyāvattitvāti tāta, sudinna, uttamaṃ ariyaddhajaṃ pabbajitaliṅgaṃ pahāya hīnāya gihibhāvāya āvattitvā labbhā bhogā bhuñjituṃ, nālabbhā bhuñjituṃ, na tvaṃ rājabhīto pabbajito, na iṇāyikehi palibuddho hutvāti. Tāta na ussahāmīti ettha pana tātāti vacanaṃ gehasitapemena āha, na samaṇatejena. Na ussahāmīti na sakkomi. Na visahāmīti nappahomi, na samatthomhi.

    ‘‘вад̣̇зяяаама ко д̇ам̣ г̇ахабад̇ий’’д̇и ид̣̇ам̣ бана важанам̣ саман̣ад̇зж̇знааха. наад̇игад̣дхзяяаасийд̇и яам̣ д̇з маяи бзмам̣ бад̇идтид̇ам̣, д̇ам̣ год̇хавасзна на ад̇игад̣дхзяяааси; сажз на гуж̇жхзяяаасийд̇и вуд̇д̇ам̣ ход̇и. д̇ад̇о сздти ‘‘буд̇д̇о мз сан̇г̇ахам̣ ман̃н̃з гад̇д̇угаамо’’д̇и уд̣̇аг̇г̇ажид̇д̇о ааха – ‘‘вад̣̇зхи д̇аад̇а суд̣̇иннаа’’д̇и. д̇знахийд̇и уяяож̇анад̇т̇з вибхад̇д̇ибад̇ируубаго нибаад̇о. д̇ад̇онид̣̇аананд̇и д̇ам̣нид̣̇аанам̣ д̇ам̣хзд̇уганд̇и бажжад̇д̇аважанасса д̇о-аад̣̇зсо взд̣̇ид̇аб̣б̣о; самаасз жасса лобаабхааво. бхаяам̣ ваад̇и ‘‘гинд̇и мз бхог̇з нзва рааж̇аано харзяяу’’нд̇иаад̣̇инаа наязна вуд̇д̇ам̣ рааж̇аад̣̇ибхаяам̣; жид̇д̇уд̇раасод̇и ад̇т̇о. чамбхид̇ад̇д̇анд̇и рааж̇уухи ваа жорзхи ваа ‘‘д̇ханам̣ д̣̇зхий’’д̇и гаммагааран̣ам̣ гаарияамаанасса гааяин̃ж̇анам̣ гааяагамбо хад̣̇аяамам̣сажаланам̣. ломахам̣сод̇и уббаннз бхаяз ломаанам̣ хам̣санам̣ уд̣̇д̇хаг̇г̇абхааво. аарагкод̇и анд̇о жа б̣ахи жа рад̇д̇ин̃жа д̣̇иваа жа аарагкан̣ам̣.

    ‘‘Vadeyyāma kho taṃ gahapatī’’ti idaṃ pana vacanaṃ samaṇatejenāha. Nātikaḍḍheyyāsīti yaṃ te mayi pemaṃ patiṭṭhitaṃ, taṃ kodhavasena na atikaḍḍheyyāsi; sace na kujjheyyāsīti vuttaṃ hoti. Tato seṭṭhi ‘‘putto me saṅgahaṃ maññe kattukāmo’’ti udaggacitto āha – ‘‘vadehi tāta sudinnā’’ti. Tenahīti uyyojanatthe vibhattipatirūpako nipāto. Tatonidānanti taṃnidānaṃ taṃhetukanti paccattavacanassa to-ādeso veditabbo; samāse cassa lopābhāvo. Bhayaṃ vāti ‘‘kinti me bhoge neva rājāno hareyyu’’ntiādinā nayena vuttaṃ rājādibhayaṃ; cittutrāsoti attho. Chambhitattanti rājūhi vā corehi vā ‘‘dhanaṃ dehī’’ti kammakāraṇaṃ kāriyamānassa kāyiñjanaṃ kāyakampo hadayamaṃsacalanaṃ. Lomahaṃsoti uppanne bhaye lomānaṃ haṃsanaṃ uddhaggabhāvo. Ārakkhoti anto ca bahi ca rattiñca divā ca ārakkhaṇaṃ.

    35. д̇зна хи вад̇хууд̇и сздти г̇ахабад̇и д̇ханам̣ д̣̇ассзд̇ваа буд̇д̇ам̣ ад̇д̇анаа г̇ихибхаавад̇т̇ааяа балобхзд̇ум̣ асаггонд̇о ‘‘маад̇уг̇аамасад̣̇исам̣ д̣̇аани бурисаанам̣ б̣анд̇ханам̣ над̇т̇ий’’д̇и ман̃н̃ид̇ваа д̇асса бураан̣ад̣̇уд̇ияигам̣ ааманд̇зси – ‘‘д̇зна хи вад̇хуу’’д̇и. бураан̣ад̣̇уд̇ияиганд̇и бураан̣ам̣ д̣̇уд̇ияигам̣ буб̣б̣з г̇ихигаалз д̣̇уд̇ияигам̣, г̇зхасид̇асукубабхог̇асахааяигам̣ бхууд̇абуб̣б̣абхарияанд̇и ад̇т̇о. д̇зна хийд̇и язна гааран̣зна маад̇уг̇аамасад̣̇исам̣ б̣анд̇ханам̣ над̇т̇и. баад̣̇зсу г̇ахзд̇ваад̇и баад̣̇з г̇ахзд̇ваа; убаяог̇ад̇т̇з бхуммаважанам̣, баад̣̇зсу ваа д̇ам̣ г̇ахзд̇ваа. ‘‘гийд̣̇исаа наама д̇аа аяяабуд̇д̇а ажчарааяо’’д̇и гасмаа звамааха? д̇ад̣̇аа гира самб̣ахулз кад̇д̇ияагумаарзби б̣раахман̣агумаарзби сздтибуд̇д̇зби махаасамбад̇д̇ияо бахааяа баб̣б̣аж̇анд̇з д̣̇исваа баб̣б̣аж̇ж̇ааг̇ун̣ам̣ аж̇аананд̇аа гат̇ам̣ самудтаабзнд̇и – ‘‘гасмаа зд̇з баб̣б̣аж̇анд̇ий’’д̇и. ат̇ан̃н̃з вад̣̇анд̇и – ‘‘д̣̇зважчараанам̣ д̣̇званаадагаанам̣ гааран̣аа’’д̇и. саа гат̇аа вид̇т̇ааригаа ахоси. д̇ам̣ г̇ахзд̇ваа аяам̣ звамаахаад̇и. т̇зро д̇ам̣ бадигкибанд̇о на ко ахам̣ бхаг̇инийд̇и ааха. самуд̣̇аажарад̇ийд̇и вохарад̇и вад̣̇зд̇и. д̇ад̇т̇зва мужчид̇аа бабад̇аад̇и нам̣ бхаг̇иниваад̣̇зна самуд̣̇аажаранд̇ам̣ д̣̇исваа ‘‘анад̇т̇иго д̣̇аани маяаа аяам̣ яо мам̣ баж̇аабад̇им̣ самаанам̣ ад̇д̇анаа сад̣̇д̇хим̣ згамаад̇угужчияаа саяид̇ад̣̇ааригам̣ вияа ман̃н̃ад̇ий’’д̇и самуббаннаб̣алавасогаа худ̇ваа д̇асмим̣язва бад̣̇зсз мужчид̇аа бабад̇аа; бад̇ид̇аад̇и ад̇т̇о.

    35.Tena hi vadhūti seṭṭhi gahapati dhanaṃ dassetvā puttaṃ attanā gihibhāvatthāya palobhetuṃ asakkonto ‘‘mātugāmasadisaṃ dāni purisānaṃ bandhanaṃ natthī’’ti maññitvā tassa purāṇadutiyikaṃ āmantesi – ‘‘tena hi vadhū’’ti. Purāṇadutiyikanti purāṇaṃ dutiyikaṃ pubbe gihikāle dutiyikaṃ, gehasitasukhupabhogasahāyikaṃ bhūtapubbabhariyanti attho. Tena hīti yena kāraṇena mātugāmasadisaṃ bandhanaṃ natthi. Pādesu gahetvāti pāde gahetvā; upayogatthe bhummavacanaṃ, pādesu vā taṃ gahetvā. ‘‘Kīdisā nāma tā ayyaputta accharāyo’’ti kasmā evamāha? Tadā kira sambahule khattiyakumārepi brāhmaṇakumārepi seṭṭhiputtepi mahāsampattiyo pahāya pabbajante disvā pabbajjāguṇaṃ ajānantā kathaṃ samuṭṭhāpenti – ‘‘kasmā ete pabbajantī’’ti. Athaññe vadanti – ‘‘devaccharānaṃ devanāṭakānaṃ kāraṇā’’ti. Sā kathā vitthārikā ahosi. Taṃ gahetvā ayaṃ evamāhāti. Thero taṃ paṭikkhipanto na kho ahaṃ bhaginīti āha. Samudācaratīti voharati vadeti. Tattheva mucchitā papatāti naṃ bhaginivādena samudācarantaṃ disvā ‘‘anatthiko dāni mayā ayaṃ yo maṃ pajāpatiṃ samānaṃ attanā saddhiṃ ekamātukucchiyā sayitadārikaṃ viya maññatī’’ti samuppannabalavasokā hutvā tasmiṃyeva padese mucchitā papatā; patitāti attho.

    маа но вихзтаяид̇т̇аад̇и маа амхз д̇ханам̣ д̣̇ассзд̇ваа маад̇уг̇ааман̃жа уяяож̇зд̇ваа вихзтаяид̇т̇а; вихзсаа хзсаа баб̣б̣аж̇ид̇аананд̇и. д̇зна хи д̇аад̇а суд̣̇инна б̣ийж̇агамби д̣̇зхийд̇и зд̇т̇а д̇зна хийд̇и абхирад̇ияам̣ уяяож̇зд̇и. сажз д̇вам̣ абхирад̇о б̣рахмажарияам̣ жараси, жарид̇ваа аагаасз нисийд̣̇ид̇ваа бариниб̣б̣ааяид̇аа хохи, амхаагам̣ бана гулавам̣саб̣ийж̇агам̣ згам̣ буд̇д̇ам̣ д̣̇зхи. маа но абуд̇д̇агам̣ саабад̇зяяам̣ лижчаваяо ад̇ихараабзсунд̇и маяан̃хи лижчавийнам̣ г̇ан̣арааж̇уунам̣ раж̇ж̇з васаама, д̇з д̇з бид̇уно ажжаязна имам̣ саабад̇зяяам̣ звам̣ маханд̇ам̣ амхаагам̣ вибхавам̣ абуд̇д̇агам̣ гулад̇ханарагкагзна буд̇д̇зна вирахид̇ам̣ ад̇д̇ано рааж̇анд̇збурам̣ ад̇ихараабзяяунд̇и, д̇ам̣ д̇з маа ад̇ихараабзсум̣, маа ад̇ихараабзнд̇ууд̇и.

    Mā no viheṭhayitthāti mā amhe dhanaṃ dassetvā mātugāmañca uyyojetvā viheṭhayittha; vihesā hesā pabbajitānanti. Tena hi tāta sudinna bījakampi dehīti ettha tena hīti abhiratiyaṃ uyyojeti. Sace tvaṃ abhirato brahmacariyaṃ carasi, caritvā ākāse nisīditvā parinibbāyitā hohi, amhākaṃ pana kulavaṃsabījakaṃ ekaṃ puttaṃ dehi. Mā no aputtakaṃ sāpateyyaṃ licchavayo atiharāpesunti mayañhi licchavīnaṃ gaṇarājūnaṃ rajje vasāma, te te pituno accayena imaṃ sāpateyyaṃ evaṃ mahantaṃ amhākaṃ vibhavaṃ aputtakaṃ kuladhanarakkhakena puttena virahitaṃ attano rājantepuraṃ atiharāpeyyunti, taṃ te mā atiharāpesuṃ, mā atiharāpentūti.

    зд̇ам̣ ко мз, амма, саггаа гаад̇унд̇и гасмаа звамааха? со гира жинд̇зси – ‘‘зд̇зсам̣ саабад̇зяяасса ахамзва саамий, ан̃н̃о над̇т̇и. д̇з мам̣ саабад̇зяяарагкан̣ад̇т̇ааяа нижжам̣ ануб̣анд̇хиссанд̇и; д̇знаахам̣ на лажчаами аббоссугго саман̣ад̇хаммам̣ гаад̇ум̣, буд̇д̇агам̣ бана лабхид̇ваа орамиссанд̇и, д̇ад̇о ахам̣ яат̇аасукам̣ саман̣ад̇хаммам̣ гариссаамий’’д̇и имам̣ наяам̣ бассанд̇о звамаахаад̇и.

    Etaṃ kho me, amma, sakkā kātunti kasmā evamāha? So kira cintesi – ‘‘etesaṃ sāpateyyassa ahameva sāmī, añño natthi. Te maṃ sāpateyyarakkhaṇatthāya niccaṃ anubandhissanti; tenāhaṃ na lacchāmi appossukko samaṇadhammaṃ kātuṃ, puttakaṃ pana labhitvā oramissanti, tato ahaṃ yathāsukhaṃ samaṇadhammaṃ karissāmī’’ti imaṃ nayaṃ passanto evamāhāti.

    36. бубпанд̇и уд̇угаалз уббанналохид̇асса наамам̣. маад̇уг̇аамасса хи уд̇угаалз г̇аб̣бхабад̇идтаанадтаанз лохид̇аван̣н̣аа бил̣агаа сан̣тахид̇ваа сад̇д̇а д̣̇ивасаани вад̣дхид̇ваа бхиж̇ж̇анд̇и, д̇ад̇о лохид̇ам̣ баг̇гхарад̇и, д̇ассзд̇ам̣ наамам̣ ‘‘бубпа’’нд̇и. д̇ам̣ бана яаава б̣алавам̣ ход̇и б̣аху баг̇гхарад̇и, д̇аава д̣̇иннааби бадисанд̇хи на д̇идтад̇и, д̣̇осзнзва сад̣̇д̇хим̣ баг̇гхарад̇и; д̣̇осз бана баг̇гхарид̇з суд̣̇д̇хз вад̇т̇умхи д̣̇иннаа бадисанд̇хи киббам̣ бад̇идтаад̇и. бубпам̣саа уббаж̇ж̇ийд̇и бубпам̣ ассаа уббаж̇ж̇и; агааралобзна санд̇хи бураан̣ад̣̇уд̇ияигааяа б̣аахааяам̣ г̇ахзд̇ваад̇и бураан̣ад̣̇уд̇ияигааяа яаа б̣аахаа, д̇ад̇ра нам̣ г̇ахзд̇ваад̇и ад̇т̇о.

    36.Pupphanti utukāle uppannalohitassa nāmaṃ. Mātugāmassa hi utukāle gabbhapatiṭṭhānaṭṭhāne lohitavaṇṇā piḷakā saṇṭhahitvā satta divasāni vaḍḍhitvā bhijjanti, tato lohitaṃ paggharati, tassetaṃ nāmaṃ ‘‘puppha’’nti. Taṃ pana yāva balavaṃ hoti bahu paggharati, tāva dinnāpi paṭisandhi na tiṭṭhati, doseneva saddhiṃ paggharati; dose pana paggharite suddhe vatthumhi dinnā paṭisandhi khippaṃ patiṭṭhāti. Pupphaṃsā uppajjīti pupphaṃ assā uppajji; akāralopena sandhi purāṇadutiyikāya bāhāyaṃ gahetvāti purāṇadutiyikāya yā bāhā, tatra naṃ gahetvāti attho.

    абан̃н̃ад̇д̇з сигкаабад̣̇зд̇и батамабаарааж̇игасигкаабад̣̇з адтабид̇з. бхаг̇авад̇о гира батамаб̣од̇хияам̣ вийсад̇и вассаани бхигкуу жид̇д̇ам̣ аараад̇хаяим̣су, на зваруубам̣ аж̇жхаажаарамагам̣су. д̇ам̣ санд̇хааязва ид̣̇ам̣ суд̇д̇амааха – ‘‘аараад̇хаяим̣су вад̇а мз, бхигкавз, бхигкуу згам̣ самаяам̣ жид̇д̇а’’нд̇и (ма. ни. 1.225). ат̇а бхаг̇аваа аж̇жхаажаарам̣ абассанд̇о баарааж̇игам̣ ваа сан̇гхаад̣̇исзсам̣ ваа на бан̃н̃абзси. д̇асмим̣ д̇асмим̣ бана вад̇т̇усмим̣ авасзсз бан̃жа куд̣̇д̣̇агаабад̇д̇игканд̇хз зва бан̃н̃абзси. д̇зна вуд̇д̇ам̣ – ‘‘абан̃н̃ад̇д̇з сигкаабад̣̇з’’д̇и.

    Apaññatte sikkhāpadeti paṭhamapārājikasikkhāpade aṭṭhapite. Bhagavato kira paṭhamabodhiyaṃ vīsati vassāni bhikkhū cittaṃ ārādhayiṃsu, na evarūpaṃ ajjhācāramakaṃsu. Taṃ sandhāyeva idaṃ suttamāha – ‘‘ārādhayiṃsu vata me, bhikkhave, bhikkhū ekaṃ samayaṃ citta’’nti (ma. ni. 1.225). Atha bhagavā ajjhācāraṃ apassanto pārājikaṃ vā saṅghādisesaṃ vā na paññapesi. Tasmiṃ tasmiṃ pana vatthusmiṃ avasese pañca khuddakāpattikkhandhe eva paññapesi. Tena vuttaṃ – ‘‘apaññatte sikkhāpade’’ti.

    анаад̣̇ийнавад̣̇ассод̇и яам̣ бхаг̇аваа ид̣̇аани сигкаабад̣̇ам̣ бан̃н̃абзнд̇о аад̣̇ийнавам̣ д̣̇ассзссад̇и, д̇ам̣ абассанд̇о анаваж̇ж̇асан̃н̃ий худ̇ваа. сажз хи ‘‘аяам̣ ид̣̇ам̣ на гаран̣ийяанд̇и ваа муулажчзж̇ж̇ааяа ваа сам̣вад̇д̇ад̇ий’’д̇и ж̇аанзяяа, сад̣̇д̇хаабаб̣б̣аж̇ид̇о гулабуд̇д̇о д̇ад̇онид̣̇аанам̣ ж̇ийвид̇агкаяам̣ баабун̣анд̇оби на гарзяяа. зд̇т̇а бана аад̣̇ийнавам̣ абассанд̇о нид̣̇д̣̇осасан̃н̃ий ахоси. д̇зна вуд̇д̇ам̣ – ‘‘анаад̣̇ийнавад̣̇ассо’’д̇и. бураан̣ад̣̇уд̇ияигааяаад̇и бхуммаважанам̣. абхивин̃н̃аабзсийд̇и бавад̇д̇зси; бавад̇д̇анааби хи гааяавин̃н̃ад̇д̇ижобанад̇о ‘‘вин̃н̃аабанаа’’д̇и вужжад̇и. д̇игкад̇д̇ум̣ абхивин̃н̃аабанан̃жзса г̇аб̣бхасан̣таанасаннидтаанад̇т̇амагаасийд̇и взд̣̇ид̇аб̣б̣о.

    Anādīnavadassoti yaṃ bhagavā idāni sikkhāpadaṃ paññapento ādīnavaṃ dassessati, taṃ apassanto anavajjasaññī hutvā. Sace hi ‘‘ayaṃ idaṃ na karaṇīyanti vā mūlacchejjāya vā saṃvattatī’’ti jāneyya, saddhāpabbajito kulaputto tatonidānaṃ jīvitakkhayaṃ pāpuṇantopi na kareyya. Ettha pana ādīnavaṃ apassanto niddosasaññī ahosi. Tena vuttaṃ – ‘‘anādīnavadasso’’ti. Purāṇadutiyikāyāti bhummavacanaṃ. Abhiviññāpesīti pavattesi; pavattanāpi hi kāyaviññatticopanato ‘‘viññāpanā’’ti vuccati. Tikkhattuṃ abhiviññāpanañcesa gabbhasaṇṭhānasanniṭṭhānatthamakāsīti veditabbo.

    саа д̇зна г̇аб̣бхам̣ г̇ан̣хийд̇и саа жа д̇знзва аж̇жхаажаарзна г̇аб̣бхам̣ г̇ан̣хи, на ан̃н̃ат̇аа. гим̣ бана ан̃н̃ат̇ааби г̇аб̣бхаг̇г̇ахан̣ам̣ ход̇ийд̇и ? ход̇и. гат̇ам̣? гааяасам̣саг̇г̇зна , жол̣аг̇г̇ахан̣зна, асужибаанзна, наабхибараамасанзна, руубад̣̇ассанзна, сад̣̇д̣̇зна, г̇анд̇хзна. ид̇т̇ияо хи згажжаа уд̇усамаяз чанд̣̇арааг̇арад̇д̇аа бурисаанам̣ хад̇т̇аг̇г̇ааха-взн̣иг̇г̇ааха-ан̇г̇абажжан̇г̇абараамасанам̣ саад̣̇ияанд̇ияоби г̇аб̣бхам̣ г̇ан̣ханд̇и. звам̣ гааяасам̣саг̇г̇зна г̇аб̣бхаг̇г̇ахан̣ам̣ ход̇и.

    Sā tena gabbhaṃ gaṇhīti sā ca teneva ajjhācārena gabbhaṃ gaṇhi, na aññathā. Kiṃ pana aññathāpi gabbhaggahaṇaṃ hotīti ? Hoti. Kathaṃ? Kāyasaṃsaggena , coḷaggahaṇena, asucipānena, nābhiparāmasanena, rūpadassanena, saddena, gandhena. Itthiyo hi ekaccā utusamaye chandarāgarattā purisānaṃ hatthaggāha-veṇiggāha-aṅgapaccaṅgaparāmasanaṃ sādiyantiyopi gabbhaṃ gaṇhanti. Evaṃ kāyasaṃsaggena gabbhaggahaṇaṃ hoti.

    уд̣̇ааяид̇т̇зрасса бана бураан̣ад̣̇уд̇ияигаа бхигкуний д̇ам̣ асужим̣ згад̣̇зсам̣ мукзна аг̇г̇ахзси, згад̣̇зсам̣ жол̣агзнзва сад̣̇д̇хим̣ ан̇г̇аж̇аад̇з багкиби. саа д̇зна г̇аб̣бхам̣ г̇ан̣хи. звам̣ жол̣аг̇г̇ахан̣зна г̇аб̣бхаг̇г̇ахан̣ам̣ ход̇и.

    Udāyittherassa pana purāṇadutiyikā bhikkhunī taṃ asuciṃ ekadesaṃ mukhena aggahesi, ekadesaṃ coḷakeneva saddhiṃ aṅgajāte pakkhipi. Sā tena gabbhaṃ gaṇhi. Evaṃ coḷaggahaṇena gabbhaggahaṇaṃ hoti.

    миг̇асин̇г̇ад̇аабасасса маад̇аа миг̇ий уд̇усамаяз д̇аабасасса бассаавадтаанам̣ ааг̇анд̇ваа сасамбхавам̣ бассаавам̣ биви. саа д̇зна г̇аб̣бхам̣ г̇ан̣хид̇ваа миг̇асин̇г̇ам̣ виж̇ааяи. звам̣ асужибаанзна г̇аб̣бхаг̇г̇ахан̣ам̣ ход̇и.

    Migasiṅgatāpasassa mātā migī utusamaye tāpasassa passāvaṭṭhānaṃ āgantvā sasambhavaṃ passāvaṃ pivi. Sā tena gabbhaṃ gaṇhitvā migasiṅgaṃ vijāyi. Evaṃ asucipānena gabbhaggahaṇaṃ hoti.

    саамасса бана б̣од̇хисад̇д̇асса маад̇аабид̇уунам̣ жагкубарихааним̣ н̃ад̇ваа сагго буд̇д̇ам̣ д̣̇аад̇угаамо д̣̇угуулабан̣д̣ид̇ам̣ ааха – ‘‘ваддад̇и д̇умхаагам̣ мзт̇унад̇хаммо’’д̇и? ‘‘анад̇т̇игаа маяам̣ зд̇зна, исибаб̣б̣аж̇ж̇ам̣ баб̣б̣аж̇ид̇аамхаа’’д̇и. ‘‘д̇зна хи имиссаа уд̇усамаяз ан̇г̇удтзна наабхим̣ бараамасзяяаат̇аа’’д̇и. со д̇ат̇аа агааси. саа д̇зна г̇аб̣бхам̣ г̇ан̣хид̇ваа саамам̣ д̇аабасад̣̇аарагам̣ виж̇ааяи. звам̣ наабхибараамасанзна г̇аб̣бхаг̇г̇ахан̣ам̣ ход̇и. зд̇знзва наязна ман̣д̣аб̣яасса жа жан̣д̣абаж̇ж̇од̇асса жа вад̇т̇у взд̣̇ид̇аб̣б̣ам̣.

    Sāmassa pana bodhisattassa mātāpitūnaṃ cakkhuparihāniṃ ñatvā sakko puttaṃ dātukāmo dukūlapaṇḍitaṃ āha – ‘‘vaṭṭati tumhākaṃ methunadhammo’’ti? ‘‘Anatthikā mayaṃ etena, isipabbajjaṃ pabbajitāmhā’’ti. ‘‘Tena hi imissā utusamaye aṅguṭṭhena nābhiṃ parāmaseyyāthā’’ti. So tathā akāsi. Sā tena gabbhaṃ gaṇhitvā sāmaṃ tāpasadārakaṃ vijāyi. Evaṃ nābhiparāmasanena gabbhaggahaṇaṃ hoti. Eteneva nayena maṇḍabyassa ca caṇḍapajjotassa ca vatthu veditabbaṃ.

    гат̇ам̣ руубад̣̇ассанзна ход̇и? ид̇хзгажжаа ид̇т̇ий уд̇усамаяз бурисасам̣саг̇г̇ам̣ алабхамаанаа чанд̣̇арааг̇авасзна анд̇ог̇зхаг̇ад̇аава бурисам̣ убаниж̇жхааяад̇и рааж̇ород̇хаа вияа, саа д̇зна г̇аб̣бхам̣ г̇ан̣хаад̇и. звам̣ руубад̣̇ассанзна г̇аб̣бхаг̇г̇ахан̣ам̣ ход̇и.

    Kathaṃ rūpadassanena hoti? Idhekaccā itthī utusamaye purisasaṃsaggaṃ alabhamānā chandarāgavasena antogehagatāva purisaṃ upanijjhāyati rājorodhā viya, sā tena gabbhaṃ gaṇhāti. Evaṃ rūpadassanena gabbhaggahaṇaṃ hoti.

    б̣алаагаасу бана бурисо наама над̇т̇и, д̇аа уд̇усамаяз мзгхасад̣̇д̣̇ам̣ суд̇ваа г̇аб̣бхам̣ г̇ан̣ханд̇и. гуггудияоби гад̣̇аажи згасса гуггудасса сад̣̇д̣̇ам̣ суд̇ваа б̣ахугааби г̇аб̣бхам̣ г̇ан̣ханд̇и. д̇ат̇аа г̇аавий усабхасса. звам̣ сад̣̇д̣̇зна г̇аб̣бхаг̇г̇ахан̣ам̣ ход̇и.

    Balākāsu pana puriso nāma natthi, tā utusamaye meghasaddaṃ sutvā gabbhaṃ gaṇhanti. Kukkuṭiyopi kadāci ekassa kukkuṭassa saddaṃ sutvā bahukāpi gabbhaṃ gaṇhanti. Tathā gāvī usabhassa. Evaṃ saddena gabbhaggahaṇaṃ hoti.

    г̇аавий зва жа гад̣̇аажи усабхаг̇анд̇хзна г̇аб̣бхам̣ г̇ан̣ханд̇и. звам̣ г̇анд̇хзна г̇аб̣бхаг̇г̇ахан̣ам̣ ход̇и.

    Gāvī eva ca kadāci usabhagandhena gabbhaṃ gaṇhanti. Evaṃ gandhena gabbhaggahaṇaṃ hoti.

    ид̇ха банааяам̣ аж̇жхаажаарзна г̇аб̣бхам̣ г̇ан̣хи. яам̣ санд̇хааяа вуд̇д̇ам̣ – ‘‘маад̇аабид̇аро жа саннибад̇ид̇аа хонд̇и, маад̇аа жа уд̇уний ход̇и, г̇анд̇хаб̣б̣о жа бажжубадтид̇о ход̇и, звам̣ д̇ин̣н̣ам̣ саннибаад̇аа г̇аб̣бхассаавагганд̇и ход̇ий’’д̇и (ма. ни. 1.408).

    Idha panāyaṃ ajjhācārena gabbhaṃ gaṇhi. Yaṃ sandhāya vuttaṃ – ‘‘mātāpitaro ca sannipatitā honti, mātā ca utunī hoti, gandhabbo ca paccupaṭṭhito hoti, evaṃ tiṇṇaṃ sannipātā gabbhassāvakkanti hotī’’ti (ma. ni. 1.408).

    бхуммаа д̣̇зваа сад̣̇д̣̇амануссаавзсунд̇и яасмаа над̇т̇и логз рахо наама баабагаммам̣ багуб̣б̣ад̇о. саб̣б̣абатамам̣ хисса д̇ам̣ баабам̣ ад̇д̇анаа ж̇аанаад̇и, д̇ад̇о аарагкад̣̇звад̇аа, ат̇ан̃н̃ааби баражид̇д̇авид̣̇унияо д̣̇звад̇аа. д̇асмаасса баражид̇д̇авид̣̇уу сагалаванасан̣д̣аниссид̇аа бхуммаа д̣̇зваа д̇ам̣ аж̇жхаажаарам̣ д̣̇исваа сад̣̇д̣̇ам̣ ануссаавзсум̣. яат̇аа ан̃н̃зби д̣̇зваа сун̣анд̇и, д̇ат̇аа нижчаарзсум̣. гинд̇и ? нираб̣б̣уд̣̇о вад̇а, бхо…бз… аад̣̇ийнаво уббаад̣̇ид̇од̇и. д̇ассад̇т̇о взран̃ж̇аган̣д̣з вуд̇д̇анаязнзва взд̣̇ид̇аб̣б̣о.

    Bhummādevā saddamanussāvesunti yasmā natthi loke raho nāma pāpakammaṃ pakubbato. Sabbapaṭhamaṃ hissa taṃ pāpaṃ attanā jānāti, tato ārakkhadevatā, athaññāpi paracittaviduniyo devatā. Tasmāssa paracittavidū sakalavanasaṇḍanissitā bhummā devā taṃ ajjhācāraṃ disvā saddaṃ anussāvesuṃ. Yathā aññepi devā suṇanti, tathā nicchāresuṃ. Kinti ? Nirabbudo vata, bho…pe… ādīnavo uppāditoti. Tassattho verañjakaṇḍe vuttanayeneva veditabbo.

    бхуммаанам̣ д̣̇зваанам̣ сад̣̇д̣̇ам̣ суд̇ваа жаад̇умахаарааж̇игаад̇и зд̇т̇а бана бхуммаанам̣ д̣̇зваанам̣ сад̣̇д̣̇ам̣ аагаасадтад̣̇звад̇аа ассосум̣; аагаасадтаанам̣ жаад̇умахаарааж̇игаад̇и аяамануггамо взд̣̇ид̇аб̣б̣о. б̣рахмагааяигаад̇и асан̃н̃асад̇д̇з жа аруубааважарз жа табзд̇ваа саб̣б̣зби б̣рахмаано ассосум̣; суд̇ваа жа сад̣̇д̣̇амануссаавзсунд̇и взд̣̇ид̇аб̣б̣о. ид̇иха д̇зна кан̣знаад̇и звам̣ д̇зна суд̣̇иннасса аж̇жхаажаарагкан̣зна. д̇зна мухуд̇д̇знаад̇и аж̇жхаажаарамухуд̇д̇знзва. яаава б̣рахмалогаад̇и яаава аганидтаб̣рахмалогаа. аб̣бхуг̇г̇ажчийд̇и абхиуг̇г̇ажчи аб̣бхудтааси згаголаахаламахосийд̇и.

    Bhummānaṃ devānaṃ saddaṃ sutvā cātumahārājikāti ettha pana bhummānaṃ devānaṃ saddaṃ ākāsaṭṭhadevatā assosuṃ; ākāsaṭṭhānaṃ cātumahārājikāti ayamanukkamo veditabbo. Brahmakāyikāti asaññasatte ca arūpāvacare ca ṭhapetvā sabbepi brahmāno assosuṃ; sutvā ca saddamanussāvesunti veditabbo. Itiha tena khaṇenāti evaṃ tena sudinnassa ajjhācārakkhaṇena. Tena muhuttenāti ajjhācāramuhutteneva. Yāva brahmalokāti yāva akaniṭṭhabrahmalokā. Abbhuggacchīti abhiuggacchi abbhuṭṭhāsi ekakolāhalamahosīti.

    буд̇д̇ам̣ виж̇ааяийд̇и суван̣н̣аб̣имб̣асад̣̇исам̣ бажчимабхавигасад̇д̇ам̣ ж̇анзси. б̣ийж̇агод̇и наамамагам̣сууд̇и на ан̃н̃ам̣ наамам̣ гаад̇умад̣̇ам̣су, ‘‘б̣ийж̇агамби д̣̇зхий’’д̇и маад̇аамахияаа вуд̇д̇абхаавасса баагадад̇д̇аа ‘‘б̣ийж̇аго д̇взвасса наамам̣ ход̇уу’’д̇и ‘‘б̣ийж̇аго’’д̇и наамамагам̣су. буд̇д̇асса бана наамавасзнзва жа маад̇аабид̇уунамбисса наамамагам̣су. д̇з абарзна самаязнаад̇и б̣ийж̇аган̃жа б̣ийж̇агамаад̇аран̃жа санд̇хааяа вуд̇д̇ам̣. б̣ийж̇агасса гира сад̇д̇адтавассагаалз д̇асса маад̇аа бхигкунийсу со жа бхигкуусу баб̣б̣аж̇ид̇ваа галяаан̣амид̇д̇з убаниссааяа арахад̇д̇з бад̇идтахим̣су. д̇зна вуд̇д̇ам̣ – ‘‘убхо аг̇аарасмаа анаг̇аарияам̣ баб̣б̣аж̇ид̇ваа арахад̇д̇ам̣ сажчаагам̣суу’’д̇и.

    Puttaṃ vijāyīti suvaṇṇabimbasadisaṃ pacchimabhavikasattaṃ janesi. Bījakoti nāmamakaṃsūti na aññaṃ nāmaṃ kātumadaṃsu, ‘‘bījakampi dehī’’ti mātāmahiyā vuttabhāvassa pākaṭattā ‘‘bījako tvevassa nāmaṃ hotū’’ti ‘‘bījako’’ti nāmamakaṃsu. Puttassa pana nāmavaseneva ca mātāpitūnampissa nāmamakaṃsu. Te aparena samayenāti bījakañca bījakamātarañca sandhāya vuttaṃ. Bījakassa kira sattaṭṭhavassakāle tassa mātā bhikkhunīsu so ca bhikkhūsu pabbajitvā kalyāṇamitte upanissāya arahatte patiṭṭhahiṃsu. Tena vuttaṃ – ‘‘ubho agārasmā anagāriyaṃ pabbajitvā arahattaṃ sacchākaṃsū’’ti.

    37. звам̣ маад̇аабуд̇д̇аанам̣ баб̣б̣аж̇ж̇аа сапалаа ахоси. бид̇аа бана виббадисаараабхибхууд̇о вихааси. д̇зна вуд̇д̇ам̣ – ‘‘ат̇а ко ааяасмад̇о суд̣̇иннассаахуд̣̇зва гуггужжа’’нд̇иаад̣̇и. д̇ад̇т̇а ахуд̣̇зваад̇и аху зва, д̣̇агааро бад̣̇асанд̇хигаро. ахосиязваад̇и ад̇т̇о. гуггужжанд̇и аж̇жхаажаарахзд̇уго бажчаануд̇аабо. виббадисаарод̇иби д̇ассзва наамам̣. со хи вин̃н̃уухи агад̇д̇аб̣б̣ад̇ааяа гужчид̇агирияабхаавад̇о гуггужжам̣. гад̇ам̣ аж̇жхаажаарам̣ нивад̇д̇зд̇ум̣ асамад̇т̇ад̇ааяа д̇ам̣ бадижжа вируубам̣ саран̣абхаавад̇о виббадисаарод̇и вужжад̇и. алаабхаа вад̇а мзд̇и маяхам̣ вад̇а алаабхаа; яз жхаанаад̣̇ийнам̣ г̇ун̣аанам̣ алаабхаа наама, д̇з маяхам̣, на ан̃н̃ассаад̇и ад̇хиббааяо. на вад̇а мз лаабхаад̇и язби мз бадилад̣̇д̇хаа баб̣б̣аж̇ж̇асаран̣аг̇аманасигкаасамаад̣̇аанаг̇ун̣аа, д̇зби нзва маяхам̣ лаабхаа аж̇жхаажаарамалийнад̇д̇аа. д̣̇уллад̣̇д̇хам̣ вад̇а мзд̇и ид̣̇ам̣ саасанам̣ лад̣̇д̇хамби мз д̣̇уллад̣̇д̇хам̣. на вад̇а мз сулад̣̇д̇ханд̇и яат̇аа ан̃н̃зсам̣ гулабуд̇д̇аанам̣, звам̣ на вад̇а мз сулад̣̇д̇хам̣. гасмаа? яамахам̣ звам̣ сваагкаад̇зд̇хаммавинаяз…бз… б̣рахмажарияам̣ жарид̇унд̇и. б̣рахмажарияанд̇и сигкад̇д̇аяасан̇г̇ахид̇ам̣ маг̇г̇аб̣рахмажарияам̣. гисо ахосийд̇и каад̣̇ид̇ум̣ ваа бхун̃ж̇ид̇ум̣ ваа асаггонд̇о д̇ануго ахоси аббамам̣салохид̇о . уббан̣д̣уббан̣д̣угаж̇аад̇од̇и сан̃ж̇аад̇уббан̣д̣уббан̣д̣угабхааво бан̣д̣убалаасаббадибхааг̇о. д̇хаманисант̇ад̇аг̇ад̇д̇од̇и барияаад̣̇иннамам̣салохид̇ад̇д̇аа сирааж̇аалзнзва сант̇арид̇аг̇ад̇д̇о. анд̇оманод̇и анусожанавасзна аб̣бханд̇арзязва тид̇ажид̇д̇о. хад̣̇аяавад̇т̇ум̣ ниссааяа бавад̇д̇анавасзна бана саб̣б̣зби анд̇оманааязва. лийнаманод̇и уд̣̇д̣̇зсз барибужчааяа гаммадтаанз ад̇хисийлз ад̇хижид̇д̇з ад̇хибан̃н̃ааяа вад̇д̇абадибад̇д̇ибууран̣з жа нигкид̇д̇ад̇хуро авибпаариго ан̃н̃ад̣̇ад̇т̇у госаж̇ж̇авасзнзва лийно сан̇гужид̇о мано ассаад̇и лийнамано. д̣̇угкийд̇и жзд̇од̣̇угкзна д̣̇угкий. д̣̇умманод̇и д̣̇осзна д̣̇удтамано, вируубамано ваа д̣̇оманассаабхибхууд̇ад̇ааяа. баж̇жхааяийд̇и виббадисааравасзна вахажчинно вияа г̇ад̣̇рабхо д̇ам̣ д̇ам̣ жинд̇аяи.

    37. Evaṃ mātāputtānaṃ pabbajjā saphalā ahosi. Pitā pana vippaṭisārābhibhūto vihāsi. Tena vuttaṃ – ‘‘atha kho āyasmato sudinnassaahudeva kukkucca’’ntiādi. Tattha ahudevāti ahu eva, dakāro padasandhikaro. Ahosiyevāti attho. Kukkuccanti ajjhācārahetuko pacchānutāpo. Vippaṭisārotipi tasseva nāmaṃ. So hi viññūhi akattabbatāya kucchitakiriyabhāvato kukkuccaṃ. Kataṃ ajjhācāraṃ nivattetuṃ asamatthatāya taṃ paṭicca virūpaṃ saraṇabhāvato vippaṭisāroti vuccati. Alābhā vata meti mayhaṃ vata alābhā; ye jhānādīnaṃ guṇānaṃ alābhā nāma, te mayhaṃ, na aññassāti adhippāyo. Na vata me lābhāti yepi me paṭiladdhā pabbajjasaraṇagamanasikkhāsamādānaguṇā, tepi neva mayhaṃ lābhā ajjhācāramalīnattā. Dulladdhaṃ vata meti idaṃ sāsanaṃ laddhampi me dulladdhaṃ. Na vata me suladdhanti yathā aññesaṃ kulaputtānaṃ, evaṃ na vata me suladdhaṃ. Kasmā? Yamahaṃ evaṃ svākkhātedhammavinaye…pe… brahmacariyaṃ caritunti. Brahmacariyanti sikkhattayasaṅgahitaṃ maggabrahmacariyaṃ. Kiso ahosīti khādituṃ vā bhuñjituṃ vā asakkonto tanuko ahosi appamaṃsalohito . Uppaṇḍuppaṇḍukajātoti sañjātuppaṇḍuppaṇḍukabhāvo paṇḍupalāsappaṭibhāgo. Dhamanisanthatagattoti pariyādinnamaṃsalohitattā sirājāleneva santharitagatto. Antomanoti anusocanavasena abbhantareyeva ṭhitacitto. Hadayavatthuṃ nissāya pavattanavasena pana sabbepi antomanāyeva. Līnamanoti uddese paripucchāya kammaṭṭhāne adhisīle adhicitte adhipaññāya vattapaṭipattipūraṇe ca nikkhittadhuro avipphāriko aññadatthu kosajjavaseneva līno saṅkucito mano assāti līnamano. Dukkhīti cetodukkhena dukkhī. Dummanoti dosena duṭṭhamano, virūpamano vā domanassābhibhūtatāya. Pajjhāyīti vippaṭisāravasena vahacchinno viya gadrabho taṃ taṃ cintayi.

    38. сахааяагаа бхигкууд̇и д̇ам̣ звам̣бхууд̇ам̣ г̇ан̣асан̇г̇ан̣игаабабан̃жзна вийд̇инаамзнд̇ам̣ д̣̇исваа яасса виссаасигаа гат̇аапаасугаа бхигкуу д̇з нам̣ зд̇ад̣̇авожум̣. бийн̣инд̣̇рияод̇и басаад̣̇абад̇идтааногаасасса самбун̣н̣ад̇д̇аа барибун̣н̣ажагкуаад̣̇иинд̣̇рияо. со д̣̇аани д̇ванд̇и зд̇т̇а д̣̇аанийд̇и нибаад̇о, со бана д̇ванд̇и вуд̇д̇ам̣ ход̇и. гажжино д̇ванд̇и гажжи ну д̇вам̣ . анабхирад̇од̇и угган̣тид̇о; г̇ихибхаавам̣ бад̇т̇аяамаанод̇и ад̇т̇о. д̇асмаа д̇амзва анабхирад̇им̣ бадигкибанд̇о ааха – ‘‘на ко ахам̣, аавусо, анабхирад̇о’’д̇и. ад̇хигусалаанам̣ бана д̇хаммаанам̣ бхааванааяа абхирад̇ова аханд̇и . ад̇т̇и мз баабагаммам̣ гад̇анд̇и маяаа гад̇ам̣ згам̣ баабагаммам̣ ад̇т̇и убалаб̣бхад̇и сам̣виж̇ж̇ад̇и, нижжагаалам̣ абхимукам̣ вияа мз д̇идтад̇и. ат̇а нам̣ багаасзнд̇о ‘‘бураан̣ад̣̇уд̇ияигааяаа’’д̇иаад̣̇имааха.

    38.Sahāyakā bhikkhūti taṃ evaṃbhūtaṃ gaṇasaṅgaṇikāpapañcena vītināmentaṃ disvā yassa vissāsikā kathāphāsukā bhikkhū te naṃ etadavocuṃ. Pīṇindriyoti pasādapatiṭṭhānokāsassa sampuṇṇattā paripuṇṇacakkhuādiindriyo. So dāni tvanti ettha dānīti nipāto, so pana tvanti vuttaṃ hoti. Kaccino tvanti kacci nu tvaṃ . Anabhiratoti ukkaṇṭhito; gihibhāvaṃ patthayamānoti attho. Tasmā tameva anabhiratiṃ paṭikkhipanto āha – ‘‘na kho ahaṃ, āvuso, anabhirato’’ti. Adhikusalānaṃ pana dhammānaṃ bhāvanāya abhiratova ahanti . Atthi me pāpakammaṃ katanti mayā kataṃ ekaṃ pāpakammaṃ atthi upalabbhati saṃvijjati, niccakālaṃ abhimukhaṃ viya me tiṭṭhati. Atha naṃ pakāsento ‘‘purāṇadutiyikāyā’’tiādimāha.

    алан̃хи д̇з, аавусо суд̣̇инна, гуггужжааяаад̇и аавусо суд̣̇инна, д̇уяхзд̇ам̣ баабагаммам̣ алам̣ самад̇т̇ам̣ гуггужжааяа; бадиб̣алам̣ гуггужжам̣ уббаад̣̇зд̇унд̇и вуд̇д̇ам̣ ход̇и. яам̣ д̇ванд̇и аад̣̇имхи язна баабзна д̇вам̣ на сагкиссаси б̣рахмажарияам̣ жарид̇ум̣, д̇ам̣ д̇з баабам̣ алам̣ гуггужжааяаад̇и звам̣ самб̣анд̇хо взд̣̇ид̇аб̣б̣о. ат̇а нам̣ анусаасанд̇аа ‘‘нану аавусо бхаг̇авад̇аа’’д̇иаад̣̇имаахам̣су. д̇ад̇т̇а нанууд̇и анумад̇иг̇г̇ахан̣ад̇т̇з нибаад̇о. анзгабарияааязнаад̇и анзгагааран̣зна. вирааг̇ааяаад̇и вирааг̇ад̇т̇ааяа. но сарааг̇ааяаад̇и но рааг̇зна раж̇ж̇анад̇т̇ааяа. бхаг̇авад̇аа хи ‘‘имам̣ мз д̇хаммам̣ суд̇ваа сад̇д̇аа саб̣б̣абхавабхог̇зсу вираж̇ж̇иссанд̇и, но раж̇ж̇иссанд̇ий’’ зд̇ад̣̇ад̇т̇ааяа д̇хаммо д̣̇зсид̇од̇и ад̇хиббааяо. зса наяо саб̣б̣абад̣̇зсу. ид̣̇ам̣ банзд̇т̇а барияааяаважанамад̇д̇ам̣. висам̣яог̇ааяаад̇и гилзсзхи висам̣яуж̇ж̇анад̇т̇ааяа. но сам̣яог̇ааяаад̇и на сам̣яуж̇ж̇анад̇т̇ааяа. анубаад̣̇аанааяаад̇и аг̇г̇ахан̣ад̇т̇ааяа. но саубаад̣̇аанааяаад̇и на сан̇г̇ахан̣ад̇т̇ааяа.

    Alañhi te, āvuso sudinna, kukkuccāyāti āvuso sudinna, tuyhetaṃ pāpakammaṃ alaṃ samatthaṃ kukkuccāya; paṭibalaṃ kukkuccaṃ uppādetunti vuttaṃ hoti. Yaṃ tvanti ādimhi yena pāpena tvaṃ na sakkhissasi brahmacariyaṃ carituṃ, taṃ te pāpaṃ alaṃ kukkuccāyāti evaṃ sambandho veditabbo. Atha naṃ anusāsantā ‘‘nanu āvuso bhagavatā’’tiādimāhaṃsu. Tattha nanūti anumatiggahaṇatthe nipāto. Anekapariyāyenāti anekakāraṇena. Virāgāyāti virāgatthāya. No sarāgāyāti no rāgena rajjanatthāya. Bhagavatā hi ‘‘imaṃ me dhammaṃ sutvā sattā sabbabhavabhogesu virajjissanti, no rajjissantī’’ etadatthāya dhammo desitoti adhippāyo. Esa nayo sabbapadesu. Idaṃ panettha pariyāyavacanamattaṃ. Visaṃyogāyāti kilesehi visaṃyujjanatthāya. No saṃyogāyāti na saṃyujjanatthāya. Anupādānāyāti aggahaṇatthāya. Nosaupādānāyāti na saṅgahaṇatthāya.

    д̇ад̇т̇а наама д̇ванд̇и д̇асмим̣ наама д̇вам̣. сарааг̇ааяа жзд̇зссасийд̇и саха рааг̇зна вад̇д̇амаанааяа мзт̇унад̇хаммааяа жзд̇зссаси габбзссаси багаббзссаси; зд̇ад̣̇ад̇т̇ам̣ вааяамиссасийд̇и ад̇т̇о. зса наяо саб̣б̣ад̇т̇а. буна рааг̇авирааг̇аад̣̇ийни нава бад̣̇аани ниб̣б̣ад̇д̇ид̇алогуд̇д̇араниб̣б̣аанамзва санд̇хааяа вуд̇д̇аани. д̇асмаа рааг̇авирааг̇ааяаад̇и ваа мад̣̇аниммад̣̇анааяаад̇и ваа вуд̇д̇зби ‘‘ниб̣б̣аанад̇т̇ааяаа’’д̇и звамзва ад̇т̇о д̣̇адтаб̣б̣о. ниб̣б̣аанан̃хи яасмаа д̇ам̣ ааг̇амма аараб̣бха бадижжа рааг̇о вираж̇ж̇ад̇и на ход̇и, д̇асмаа рааг̇авирааг̇од̇и вужжад̇и. яасмаа бана д̇ам̣ ааг̇амма маанамад̣̇а-бурисамад̣̇аад̣̇аяо мад̣̇аа ниммад̣̇аа амад̣̇аа хонд̇и винассанд̇и, д̇асмаа мад̣̇аниммад̣̇ананд̇и вужжад̇и. яасмаа жа д̇ам̣ ааг̇амма саб̣б̣ааби гаамабибаасаа винаяам̣ аб̣бхад̇т̇ам̣ яаад̇и, д̇асмаа бибаасавинаяод̇и вужжад̇и. яасмаа бана д̇ам̣ ааг̇амма бан̃жа гаамаг̇ун̣аалаяаа самуг̇гхаад̇ам̣ г̇ажчанд̇и, д̇асмаа аалаяасамуг̇гхаад̇од̇и вужжад̇и. яасмаа жа д̇ам̣ ааг̇амма д̇збхуумагаваддам̣ убажчиж̇ж̇ад̇и, д̇асмаа ваддубажчзд̣̇од̇и вужжад̇и. яасмаа бана д̇ам̣ ааг̇амма саб̣б̣асо д̇ан̣хаа каяам̣ г̇ажчад̇и вираж̇ж̇ад̇и нируж̇жхад̇и жа, д̇асмаа д̇ан̣хагкаяо вирааг̇о нирод̇ход̇и вужжад̇и. яасмаа банзд̇ам̣ жад̇ассо яонияо, бан̃жа г̇ад̇ияо, сад̇д̇а вин̃н̃аан̣адтид̇ияо, нава жа сад̇д̇ааваасз, абараабарабхаавааяа винанад̇о ааб̣анд̇ханад̇о сам̣сиб̣б̣анад̇о ваананд̇и лад̣̇д̇хавохаарааяа д̇ан̣хааяа нигканд̇ам̣ ниссадам̣ висам̣яуд̇д̇ам̣, д̇асмаа ниб̣б̣аананд̇и вужжад̇ийд̇и.

    Tatthanāma tvanti tasmiṃ nāma tvaṃ. Sarāgāya cetessasīti saha rāgena vattamānāya methunadhammāya cetessasi kappessasi pakappessasi; etadatthaṃ vāyamissasīti attho. Esa nayo sabbattha. Puna rāgavirāgādīni nava padāni nibbattitalokuttaranibbānameva sandhāya vuttāni. Tasmā rāgavirāgāyāti vā madanimmadanāyāti vā vuttepi ‘‘nibbānatthāyā’’ti evameva attho daṭṭhabbo. Nibbānañhi yasmā taṃ āgamma ārabbha paṭicca rāgo virajjati na hoti, tasmā rāgavirāgoti vuccati. Yasmā pana taṃ āgamma mānamada-purisamadādayo madā nimmadā amadā honti vinassanti, tasmā madanimmadananti vuccati. Yasmā ca taṃ āgamma sabbāpi kāmapipāsā vinayaṃ abbhatthaṃ yāti, tasmā pipāsavinayoti vuccati. Yasmā pana taṃ āgamma pañca kāmaguṇālayā samugghātaṃ gacchanti, tasmā ālayasamugghātoti vuccati. Yasmā ca taṃ āgamma tebhūmakavaṭṭaṃ upacchijjati, tasmā vaṭṭupacchedoti vuccati. Yasmā pana taṃ āgamma sabbaso taṇhā khayaṃ gacchati virajjati nirujjhati ca, tasmā taṇhakkhayo virāgo nirodhoti vuccati. Yasmā panetaṃ catasso yoniyo, pañca gatiyo, satta viññāṇaṭṭhitiyo, nava ca sattāvāse, aparāparabhāvāya vinanato ābandhanato saṃsibbanato vānanti laddhavohārāya taṇhāya nikkhantaṃ nissaṭaṃ visaṃyuttaṃ, tasmā nibbānanti vuccatīti.

    гаамаанам̣ бахаанам̣ агкаад̇анд̇и вад̇т̇угаамаанам̣, гилзсагаамаанан̃жа бахаанам̣ вуд̇д̇ам̣. гаамасан̃н̃аанам̣ барин̃н̃аад̇и саб̣б̣аасамби гаамасан̃н̃аанам̣ н̃аад̇ад̇ийран̣абахаанавасзна д̇ивид̇хаа барин̃н̃аа агкаад̇аа. гаамабибаасаананд̇и гаамзсу баад̇аб̣яад̇аанам̣ гаамз ваа баад̇умижчаанам̣. гаамавид̇аггаананд̇и гаамубасан̃хид̇аанам̣вид̇аггаанам̣. гаамабарил̣аахаананд̇и бан̃жагаамаг̇ун̣игарааг̇авасзна уббаннабарил̣аахаанам̣ анд̇од̣̇аахаанам̣. имзсу бан̃жасу таанзсу гилзсагкаяагаро логуд̇д̇арамаг̇г̇ова гат̇ид̇о. саб̣б̣абатамзсу бана д̇ийсу таанзсу логияалогуд̇д̇арамиссаго маг̇г̇о гат̇ид̇од̇и взд̣̇ид̇аб̣б̣о.

    Kāmānaṃ pahānaṃ akkhātanti vatthukāmānaṃ, kilesakāmānañca pahānaṃ vuttaṃ. Kāmasaññānaṃ pariññāti sabbāsampi kāmasaññānaṃ ñātatīraṇapahānavasena tividhā pariññā akkhātā. Kāmapipāsānanti kāmesu pātabyatānaṃ kāme vā pātumicchānaṃ. Kāmavitakkānanti kāmupasañhitānaṃvitakkānaṃ. Kāmapariḷāhānanti pañcakāmaguṇikarāgavasena uppannapariḷāhānaṃ antodāhānaṃ. Imesu pañcasu ṭhānesu kilesakkhayakaro lokuttaramaggova kathito. Sabbapaṭhamesu pana tīsu ṭhānesu lokiyalokuttaramissako maggo kathitoti veditabbo.

    нзд̇ам̣ аавусод̇и на зд̇ам̣ аавусо, д̇ава баабагаммам̣ аббасаннаанан̃жа басаад̣̇ааяа зваруубаанам̣ басаад̣̇ад̇т̇ааяа на ход̇и. ат̇а квзд̇анд̇и ат̇а ко зд̇ам̣. ат̇а ко д̇анд̇иби баато. ан̃н̃ат̇ад̇д̇ааяаад̇и басаад̣̇ан̃н̃ат̇аабхаавааяа виббадисаарааяа ход̇и. яз маг̇г̇зна анааг̇ад̇асад̣̇д̇хаа, д̇зсам̣ виббадисаарам̣ гарод̇и – ‘‘ийд̣̇исзби наама д̇хаммавинаяз маяам̣ басаннаа, яад̇т̇звам̣ д̣̇уббадибаннаа бхигкуу’’д̇и. яз бана маг̇г̇знааг̇ад̇асад̣̇д̇хаа, д̇зсам̣ синзру вияа ваад̇зхи ажало басаад̣̇о ийд̣̇исзхи вад̇т̇уухи ид̇о ваа д̣̇аарун̣ад̇арзхи. д̇зна вуд̇д̇ам̣ – ‘‘згажжаанам̣ ан̃н̃ат̇ад̇д̇ааяаа’’д̇и.

    Netaṃ āvusoti na etaṃ āvuso, tava pāpakammaṃ appasannānañca pasādāya evarūpānaṃ pasādatthāya na hoti. Atha khvetanti atha kho etaṃ. Atha kho tantipi pāṭho. Aññathattāyāti pasādaññathābhāvāya vippaṭisārāya hoti. Ye maggena anāgatasaddhā, tesaṃ vippaṭisāraṃ karoti – ‘‘īdisepi nāma dhammavinaye mayaṃ pasannā, yatthevaṃ duppaṭipannā bhikkhū’’ti. Ye pana maggenāgatasaddhā, tesaṃ sineru viya vātehi acalo pasādo īdisehi vatthūhi ito vā dāruṇatarehi. Tena vuttaṃ – ‘‘ekaccānaṃ aññathattāyā’’ti.

    39. бхаг̇авад̇о зд̇амад̇т̇ам̣ аарожзсунд̇и бхаг̇авад̇о зд̇ам̣ ад̇т̇ам̣ аажигким̣су бадивзд̣̇аяим̣су. аарожаяамаанаа жа нзва бияагамяад̇ааяа на бхзд̣̇абурзгкаарад̇ааяа , на д̇ассааяасмад̇о аван̣н̣абагаасанад̇т̇ааяа, на галисаасанааробанад̇т̇ааяа, нааби ‘‘ид̣̇ам̣ суд̇ваа бхаг̇аваа имасса саасанз бад̇идтам̣ на д̣̇ассад̇и, ниггад̣дхаабзссад̇и на’’нд̇и ман̃н̃амаанаа аарожзсум̣. ат̇а ко ‘‘имам̣ саасанз уббаннам̣ аб̣б̣уд̣̇ам̣ н̃ад̇ваа бхаг̇аваа сигкаабад̣̇ам̣ бан̃н̃абзссад̇и, взлам̣ марияаад̣̇ам̣ аан̣ам̣ табзссад̇ий’’д̇и аарожзсум̣.

    39.Bhagavato etamatthaṃ ārocesunti bhagavato etaṃ atthaṃ ācikkhiṃsu paṭivedayiṃsu. Ārocayamānā ca neva piyakamyatāya na bhedapurekkhāratāya , na tassāyasmato avaṇṇapakāsanatthāya, na kalisāsanāropanatthāya, nāpi ‘‘idaṃ sutvā bhagavā imassa sāsane patiṭṭhaṃ na dassati, nikkaḍḍhāpessati na’’nti maññamānā ārocesuṃ. Atha kho ‘‘imaṃ sāsane uppannaṃ abbudaṃ ñatvā bhagavā sikkhāpadaṃ paññapessati, velaṃ mariyādaṃ āṇaṃ ṭhapessatī’’ti ārocesuṃ.

    зд̇асмим̣ нид̣̇аанз зд̇асмим̣ багаран̣зд̇и зд̇т̇а суд̣̇иннасса аж̇жхаажааравийд̇иггамо сигкаабад̣̇абан̃н̃ад̇д̇ияаа гааран̣ад̇д̇аа нид̣̇аанан̃жзва багаран̣ан̃жаад̇и вуд̇д̇од̇и взд̣̇ид̇аб̣б̣о. гааран̣ан̃хи яасмаа нид̣̇зд̇и ад̇д̇ано палам̣ ‘‘г̇ан̣хаат̇а на’’нд̇и д̣̇ассзнд̇ам̣ вияа аббзд̇и, багарод̇и жа нам̣ гад̇д̇ум̣ аарабхад̇и, гарод̇иязва ваа; д̇асмаа нид̣̇аанан̃жзва багаран̣ан̃жаад̇и вужжад̇и. виг̇арахи б̣уд̣̇д̇хо бхаг̇аваад̇и б̣уд̣̇д̇хо бхаг̇аваа виг̇арахи нинд̣̇и; яат̇аа д̇ам̣ ван̣н̣ааван̣н̣аарахаанам̣ ван̣н̣ан̃жа аван̣н̣ан̃жа бхан̣анд̇зсу аг̇г̇абуг̇г̇ало. на хи бхаг̇авад̇о сийлавийд̇иггамагарам̣ буг̇г̇алам̣ д̣̇исваа ‘‘аяам̣ ж̇аад̇ияаа ваа г̇од̇д̇зна ваа голабуд̇д̇иязна ваа г̇ант̇зна ваа д̇худ̇ан̇г̇зна ваа н̃аад̇о яасассий ийд̣̇исам̣ буг̇г̇алам̣ рагкид̇ум̣ ваддад̇ий’’д̇и жид̇д̇ам̣ уббаж̇ж̇ад̇и, нааби бзсалам̣ г̇ун̣аванд̇ам̣ д̣̇исваа д̇асса г̇ун̣ам̣ бадижчаад̣̇зд̇ум̣ жид̇д̇ам̣ уббаж̇ж̇ад̇и. ат̇а ко г̇арахид̇аб̣б̣ам̣ г̇арахад̇и зва, басам̣сид̇аб̣б̣ан̃жа басам̣сад̇и зва, аяан̃жа г̇арахид̇аб̣б̣о; д̇асмаа д̇ам̣ д̇аад̣̇илагкан̣з тид̇о авигамбамаанзна жид̇д̇зна виг̇арахи б̣уд̣̇д̇хо бхаг̇аваа ‘‘ананужчавига’’нд̇иаад̣̇ийхи важанзхи.

    Etasmiṃ nidāne etasmiṃ pakaraṇeti ettha sudinnassa ajjhācāravītikkamo sikkhāpadapaññattiyā kāraṇattā nidānañceva pakaraṇañcāti vuttoti veditabbo. Kāraṇañhi yasmā nideti attano phalaṃ ‘‘gaṇhātha na’’nti dassentaṃ viya appeti, pakaroti ca naṃ kattuṃ ārabhati, karotiyeva vā; tasmā nidānañceva pakaraṇañcāti vuccati. Vigarahi buddho bhagavāti buddho bhagavā vigarahi nindi; yathā taṃ vaṇṇāvaṇṇārahānaṃ vaṇṇañca avaṇṇañca bhaṇantesu aggapuggalo. Na hi bhagavato sīlavītikkamakaraṃ puggalaṃ disvā ‘‘ayaṃ jātiyā vā gottena vā kolaputtiyena vā ganthena vā dhutaṅgena vā ñāto yasassī īdisaṃ puggalaṃ rakkhituṃ vaṭṭatī’’ti cittaṃ uppajjati, nāpi pesalaṃ guṇavantaṃ disvā tassa guṇaṃ paṭicchādetuṃ cittaṃ uppajjati. Atha kho garahitabbaṃ garahati eva, pasaṃsitabbañca pasaṃsati eva, ayañca garahitabbo; tasmā taṃ tādilakkhaṇe ṭhito avikampamānena cittena vigarahi buddho bhagavā ‘‘ananucchavika’’ntiādīhi vacanehi.

    д̇ад̇т̇ааяам̣ ад̇т̇аван̣н̣анаа – яад̣̇ид̣̇ам̣ д̇аяаа, могхабуриса, д̇ужчаманусса гаммам̣ гад̇ам̣, д̇ам̣ саман̣агаран̣аанам̣ д̇хаммаанам̣ маг̇г̇апаланиб̣б̣аанасаасанаанам̣ ваа на анужчавигам̣, д̇зсам̣ чавим̣ чааяам̣ сунд̣̇арабхаавам̣ на анвзд̇и наануг̇ажчад̇и, ат̇а ко аарагаава д̇зхи д̇хаммзхи. ананужчавигад̇д̇аа зва жа анануломигам̣, д̇зсам̣ на ануломзд̇и; ат̇а ко виломам̣ бажжанийгабхаавз тид̇ам̣. анануломигад̇д̇аа зва жа аббад̇ируубам̣, бад̇ируубам̣ сад̣̇исам̣ бадибхааг̇ам̣ на ход̇и, ат̇а ко асад̣̇исам̣ аббадибхааг̇амзва. аббад̇ируубад̇д̇аа зва жа ассааман̣агам̣, саман̣аанам̣ гаммам̣ на ход̇и. ассааман̣агад̇д̇аа агаббияам̣. яан̃хи саман̣агаммам̣ на ход̇и, д̇ам̣ д̇зсам̣ на габбад̇и. агаббияад̇д̇аа агаран̣ийяам̣. на хи саман̣аа яам̣ на габбад̇и, д̇ам̣ гаронд̇и. д̇ан̃жзд̇ам̣ д̇аяаа гад̇ам̣, д̇асмаа ананужчавигам̣ д̇з, могхабуриса, гад̇ам̣…бз… агаран̣ийяанд̇и. гат̇ан̃хи наамаад̇и гзна наама гааран̣зна, гим̣ наама гааран̣ам̣ бассанд̇од̇и вуд̇д̇ам̣ ход̇и. д̇ад̇о гааран̣аабхаавам̣ д̣̇ассзнд̇о барад̇о ‘‘нану маяаа могхабурисаа’’д̇иаад̣̇имааха. д̇ам̣ саб̣б̣ам̣ вуд̇д̇ад̇т̇амзва.

    Tatthāyaṃ atthavaṇṇanā – yadidaṃ tayā, moghapurisa, tucchamanussa kammaṃ kataṃ, taṃ samaṇakaraṇānaṃ dhammānaṃ maggaphalanibbānasāsanānaṃ vā na anucchavikaṃ, tesaṃ chaviṃ chāyaṃ sundarabhāvaṃ na anveti nānugacchati, atha kho ārakāva tehi dhammehi. Ananucchavikattā eva ca ananulomikaṃ, tesaṃ na anulometi; atha kho vilomaṃ paccanīkabhāve ṭhitaṃ. Ananulomikattā eva ca appatirūpaṃ, patirūpaṃ sadisaṃ paṭibhāgaṃ na hoti, atha kho asadisaṃ appaṭibhāgameva. Appatirūpattā eva ca assāmaṇakaṃ, samaṇānaṃ kammaṃ na hoti. Assāmaṇakattā akappiyaṃ. Yañhi samaṇakammaṃ na hoti, taṃ tesaṃ na kappati. Akappiyattā akaraṇīyaṃ. Na hi samaṇā yaṃ na kappati, taṃ karonti. Tañcetaṃ tayā kataṃ, tasmā ananucchavikaṃ te, moghapurisa, kataṃ…pe… akaraṇīyanti. Kathañhi nāmāti kena nāma kāraṇena, kiṃ nāma kāraṇaṃ passantoti vuttaṃ hoti. Tato kāraṇābhāvaṃ dassento parato ‘‘nanu mayā moghapurisā’’tiādimāha. Taṃ sabbaṃ vuttatthameva.

    ид̣̇аани яасмаа яам̣ д̇зна баабагаммам̣ гад̇ам̣, д̇ам̣ вибажжамаанам̣ ад̇ивияа д̣̇угкавибаагам̣ ход̇и, д̇асмаасса д̇ам̣ вибаагам̣ д̣̇ассзд̇ум̣ гад̇аабараад̇хам̣ вияа буд̇д̇ам̣ анугамбагаа маад̇аабид̇аро д̣̇аяаалугзна жид̇д̇зна суд̣̇иннам̣ барибхаасанд̇о ‘‘варам̣ д̇з могхабурисаа’’д̇иаад̣̇имааха. д̇ад̇т̇а аасу сийгхам̣ зд̇асса висам̣ ааг̇ажчад̇ийд̇и аасийвисо. гхорам̣ жан̣д̣амасса висанд̇и гхорависо, д̇асса аасийвисасса гхорависасса. ‘‘багкид̇д̇а’’нд̇и зд̇асса ‘‘вара’’нд̇и иминаа самб̣анд̇хо . ийд̣̇исасса аасийвисасса гхорависасса мукз ан̇г̇аж̇аад̇ам̣ варам̣ багкид̇д̇ам̣; сажз багкид̇д̇ам̣ бхавзяяа, варам̣ сияаа; сунд̣̇арам̣ саад̇ху судту сияаад̇и ад̇т̇о. на д̇взваад̇и на д̇у зва варам̣ на сунд̣̇арамзва на саад̇хумзва на судтумзва. зса наяо саб̣б̣ад̇т̇а. ган̣хасаббассаад̇и гаал̣асаббасса. ан̇г̇аарагаасуяаад̇и ан̇г̇аарабун̣н̣агуубз, ан̇г̇аарараасимхи ваа. аад̣̇ид̇д̇ааяаад̇и бад̣̇ид̇д̇ааяа г̇ахид̇ааг̇г̇иван̣н̣ааяа. самбаж̇ж̇алид̇ааяаад̇и саманд̇ад̇о баж̇ж̇алид̇ааяа ажжияо мужжанд̇ияаа. саж̇од̇ибхууд̇ааяаад̇и саббабхааяа. саманд̇ад̇о удтид̇аахи ж̇аалаахи згаббабхаасамуд̣̇аяабхууд̇ааяаад̇и вуд̇д̇ам̣ ход̇и.

    Idāni yasmā yaṃ tena pāpakammaṃ kataṃ, taṃ vipaccamānaṃ ativiya dukkhavipākaṃ hoti, tasmāssa taṃ vipākaṃ dassetuṃ katāparādhaṃ viya puttaṃ anukampakā mātāpitaro dayālukena cittena sudinnaṃ paribhāsanto ‘‘varaṃ te moghapurisā’’tiādimāha. Tattha āsu sīghaṃ etassa visaṃ āgacchatīti āsīviso. Ghoraṃ caṇḍamassa visanti ghoraviso, tassa āsīvisassa ghoravisassa. ‘‘Pakkhitta’’nti etassa ‘‘vara’’nti iminā sambandho . Īdisassa āsīvisassa ghoravisassa mukhe aṅgajātaṃ varaṃ pakkhittaṃ; sace pakkhittaṃ bhaveyya, varaṃ siyā; sundaraṃ sādhu suṭṭhu siyāti attho. Na tvevāti na tu eva varaṃ na sundarameva na sādhumeva na suṭṭhumeva. Esa nayo sabbattha. Kaṇhasappassāti kāḷasappassa. Aṅgārakāsuyāti aṅgārapuṇṇakūpe, aṅgārarāsimhi vā. Ādittāyāti padittāya gahitaaggivaṇṇāya. Sampajjalitāyāti samantato pajjalitāya acciyo muccantiyā. Sajotibhūtāyāti sappabhāya. Samantato uṭṭhitāhi jālāhi ekappabhāsamudayabhūtāyāti vuttaṃ hoti.

    д̇ам̣ гисса хзд̇ууд̇и яам̣ маяаа вуд̇д̇ам̣ ‘‘вара’’нд̇и д̇ам̣ гисса хзд̇у, гад̇арзна гааран̣знаад̇и жз? маран̣ам̣ ваа ниг̇ажчзяяаад̇и яо д̇ад̇т̇а ан̇г̇аж̇аад̇ам̣ багкибзяяа, со маран̣ам̣ ваа ниг̇ажчзяяа маран̣амад̇д̇ам̣ ваа д̣̇угкам̣. ид̇онид̣̇аанан̃жа ко…бз… убабаж̇ж̇зяяаад̇и яам̣ ид̣̇ам̣ маад̇уг̇аамасса ан̇г̇аж̇аад̇з ан̇г̇аж̇аад̇абагкибанам̣, ид̇онид̣̇аанам̣ д̇асса гаараго буг̇г̇ало нираяам̣ убабаж̇ж̇зяяа; звам̣ гаммасса махаасааваж̇ж̇ад̇ам̣ бассанд̇о д̇ам̣ г̇арахи, на д̇асса д̣̇угкааг̇амам̣ ижчамаано. д̇ад̇т̇а наама д̇ванд̇и д̇асмим̣ наама зваруубз гаммз звам̣ махаасааваж̇ж̇з самаанзби д̇вам̣. яам̣ д̇ванд̇и зд̇т̇а яанд̇и хийл̣анад̇т̇з нибаад̇о. д̇ванд̇и д̇ам̣-сад̣̇д̣̇асса взважанам̣; д̣̇вийхиби яам̣ ваа д̇ам̣ ваа хийл̣ид̇амаван̃н̃аад̇анд̇и вуд̇д̇ам̣ ход̇и. асад̣̇д̇хамманд̇и асад̇ам̣ нийжаж̇анаанам̣ д̇хаммам̣; д̇зхи сзвид̇аб̣б̣анд̇и ад̇т̇о. г̇аамад̇хамманд̇и г̇аамаанам̣ д̇хаммам̣; г̇аамаваасигамануссаанам̣ д̇хамманд̇и вуд̇д̇ам̣ ход̇и. васалад̇хамманд̇и баабад̇хаммз васанд̇и баг̇гхаранд̇ийд̇и васалаа, д̇зсам̣ васалаанам̣ хийнабурисаанам̣ д̇хаммам̣, васалам̣ ваа гилзсабаг̇гхаран̣агам̣ д̇хаммам̣. д̣̇удтулланд̇и д̣̇удту жа гилзсад̣̇уусид̇ам̣ т̇уулан̃жа асукумам̣, анибун̣анд̇и вуд̇д̇ам̣ ход̇и. од̣̇аганд̇иганд̇и уд̣̇агагижжам̣ анд̇игам̣ авасаанам̣ ассаад̇и од̣̇аганд̇иго, д̇ам̣ од̣̇аганд̇игам̣. рахассанд̇и рахобхавам̣, бадижчаннз огаасз уббаж̇ж̇анагам̣. аяан̃хи д̇хаммо ж̇иг̇ужчанийяад̇д̇аа на саггаа аави ан̃н̃зсам̣ д̣̇ассанависаяз гаад̇ум̣, д̇зна вуд̇д̇ам̣ – ‘‘рахасса’’нд̇и. д̣̇ваяам̣д̣̇ваяасамаабад̇д̇инд̇и д̣̇вийхи д̣̇вийхи самаабаж̇ж̇ид̇аб̣б̣ам̣, д̣̇ваяам̣ д̣̇ваяам̣ самаабад̇д̇инд̇иби баато. д̣̇аяам̣ д̣̇аяам̣ самаабад̇д̇инд̇иби батанд̇и, д̇ам̣ на сунд̣̇арам̣. самаабаж̇ж̇иссасийд̇и зд̇ам̣ ‘‘д̇ад̇т̇а наама д̇ва’’нд̇и зд̇т̇а вуд̇д̇анаамасад̣̇д̣̇зна яож̇зд̇аб̣б̣ам̣ ‘‘самаабаж̇ж̇иссаси наамаа’’д̇и.

    Taṃ kissa hetūti yaṃ mayā vuttaṃ ‘‘vara’’nti taṃ kissa hetu, katarena kāraṇenāti ce? Maraṇaṃ vā nigaccheyyāti yo tattha aṅgajātaṃ pakkhipeyya, so maraṇaṃ vā nigaccheyya maraṇamattaṃ vā dukkhaṃ. Itonidānañca kho…pe… upapajjeyyāti yaṃ idaṃ mātugāmassa aṅgajāte aṅgajātapakkhipanaṃ, itonidānaṃ tassa kārako puggalo nirayaṃ upapajjeyya; evaṃ kammassa mahāsāvajjataṃ passanto taṃ garahi, na tassa dukkhāgamaṃ icchamāno. Tattha nāma tvanti tasmiṃ nāma evarūpe kamme evaṃ mahāsāvajje samānepi tvaṃ. Yaṃ tvanti ettha yanti hīḷanatthe nipāto. Tvanti taṃ-saddassa vevacanaṃ; dvīhipi yaṃ vā taṃ vā hīḷitamavaññātanti vuttaṃ hoti. Asaddhammanti asataṃ nīcajanānaṃ dhammaṃ; tehi sevitabbanti attho. Gāmadhammanti gāmānaṃ dhammaṃ; gāmavāsikamanussānaṃ dhammanti vuttaṃ hoti. Vasaladhammanti pāpadhamme vasanti paggharantīti vasalā, tesaṃ vasalānaṃ hīnapurisānaṃ dhammaṃ, vasalaṃ vā kilesapaggharaṇakaṃ dhammaṃ. Duṭṭhullanti duṭṭhu ca kilesadūsitaṃ thūlañca asukhumaṃ, anipuṇanti vuttaṃ hoti. Odakantikanti udakakiccaṃ antikaṃ avasānaṃ assāti odakantiko, taṃ odakantikaṃ. Rahassanti rahobhavaṃ, paṭicchanne okāse uppajjanakaṃ. Ayañhi dhammo jigucchanīyattā na sakkā āvi aññesaṃ dassanavisaye kātuṃ, tena vuttaṃ – ‘‘rahassa’’nti. Dvayaṃdvayasamāpattinti dvīhi dvīhi samāpajjitabbaṃ, dvayaṃ dvayaṃ samāpattintipi pāṭho. Dayaṃ dayaṃ samāpattintipi paṭhanti, taṃ na sundaraṃ. Samāpajjissasīti etaṃ ‘‘tattha nāma tva’’nti ettha vuttanāmasaddena yojetabbaṃ ‘‘samāpajjissasi nāmā’’ti.

    б̣ахуунам̣ ко…бз… аад̣̇игад̇д̇аа буб̣б̣ан̇г̇амод̇и саасанам̣ санд̇хааяа вад̣̇ад̇и. имасмим̣ саасанз д̇вам̣ б̣ахуунам̣ буг̇г̇алаанам̣ агусалаанам̣ д̇хаммаанам̣ аад̣̇игад̇д̇аа, саб̣б̣абатамам̣ гаран̣ад̇о; буб̣б̣ан̇г̇амо саб̣б̣абатамам̣ зд̇ам̣ маг̇г̇ам̣ бадибаннад̇д̇аа; д̣̇ваарам̣д̣̇ад̣̇о, убааяад̣̇ассагод̇и вуд̇д̇ам̣ ход̇и. иман̃хи лзсам̣ лад̣̇д̇хаа д̇ава анусигкамаанаа б̣ахуу буг̇г̇алаа наанаббагаарагз маггадияаа мзт̇унабадисзванаад̣̇игз агусалад̇хаммз гариссанд̇ийд̇и аяамзд̇т̇а ад̇хиббааяо.

    Bahūnaṃkho…pe… ādikattā pubbaṅgamoti sāsanaṃ sandhāya vadati. Imasmiṃ sāsane tvaṃ bahūnaṃ puggalānaṃ akusalānaṃ dhammānaṃ ādikattā, sabbapaṭhamaṃ karaṇato; pubbaṅgamo sabbapaṭhamaṃ etaṃ maggaṃ paṭipannattā; dvāraṃdado, upāyadassakoti vuttaṃ hoti. Imañhi lesaṃ laddhā tava anusikkhamānā bahū puggalā nānappakārake makkaṭiyā methunapaṭisevanādike akusaladhamme karissantīti ayamettha adhippāyo.

    анзгабарияааязнаад̇и имзхи ‘‘ананужчавига’’нд̇иаад̣̇инаа наязна вуд̇д̇зхи, б̣ахуухи гааран̣зхи. д̣̇уб̣бхарад̇ааяа…бз… госаж̇ж̇асса аван̣н̣ам̣ бхаасид̇ваад̇и д̣̇уб̣бхарад̇аад̣̇ийнам̣ вад̇т̇убхууд̇асса асам̣варасса аван̣н̣ам̣ нинд̣̇ам̣ г̇арахам̣ бхаасид̇ваад̇и ад̇т̇о. яасмаа хи асам̣варз тид̇асса буг̇г̇аласса ад̇д̇аа д̣̇уб̣бхарад̇ан̃жзва д̣̇уббосад̇ан̃жа аабаж̇ж̇ад̇и, д̇асмаа асам̣варо ‘‘д̣̇уб̣бхарад̇аа, д̣̇уббосад̇аа’’д̇и жа вужжад̇и. яасмаа бана асам̣варз тид̇асса ад̇д̇аа жад̇уусу бажжаязсу махижчад̇ам̣ синзруббамаан̣зби жа бажжаяз лад̣̇д̇хаа асанд̇удтид̇ам̣ аабаж̇ж̇ад̇и, д̇асмаа асам̣варо ‘‘махижчад̇аа, асанд̇удтид̇аа’’д̇и жа вужжад̇и. яасмаа жа асам̣варз тид̇асса ад̇д̇аа г̇ан̣асан̇г̇ан̣игааяа жзва гилзсасан̇г̇ан̣игааяа жа сам̣вад̇д̇ад̇и, госаж̇ж̇аануг̇ад̇о жа ход̇и адтагусийд̇авад̇т̇убаарибуурияаа сам̣вад̇д̇ад̇и, д̇асмаа асам̣варо ‘‘сан̇г̇ан̣игаа, жзва госаж̇ж̇ан̃жаа’’д̇и вужжад̇и.

    Anekapariyāyenāti imehi ‘‘ananucchavika’’ntiādinā nayena vuttehi, bahūhi kāraṇehi. Dubbharatāya…pe… kosajjassa avaṇṇaṃ bhāsitvāti dubbharatādīnaṃ vatthubhūtassa asaṃvarassa avaṇṇaṃ nindaṃ garahaṃ bhāsitvāti attho. Yasmā hi asaṃvare ṭhitassa puggalassa attā dubbharatañceva dupposatañca āpajjati, tasmā asaṃvaro ‘‘dubbharatā, dupposatā’’ti ca vuccati. Yasmā pana asaṃvare ṭhitassa attā catūsu paccayesu mahicchataṃ sineruppamāṇepi ca paccaye laddhā asantuṭṭhitaṃ āpajjati, tasmā asaṃvaro ‘‘mahicchatā, asantuṭṭhitā’’ti ca vuccati. Yasmā ca asaṃvare ṭhitassa attā gaṇasaṅgaṇikāya ceva kilesasaṅgaṇikāya ca saṃvattati, kosajjānugato ca hoti aṭṭhakusītavatthupāripūriyā saṃvattati, tasmā asaṃvaro ‘‘saṅgaṇikā, ceva kosajjañcā’’ti vuccati.

    субхарад̇ааяа…бз… вийрияаарамбхасса ван̣н̣ам̣ бхаасид̇ваад̇и субхарад̇аад̣̇ийнам̣ вад̇т̇убхууд̇асса сам̣варасса ван̣н̣ам̣ бхаасид̇ваад̇и ад̇т̇о. яасмаа хи асам̣варам̣ бахааяа сам̣варз тид̇асса ад̇д̇аа субхаро ход̇и субосо, жад̇уусу жа бажжаязсу аббижчад̇ам̣ нид̇д̇ан̣хабхаавам̣ аабаж̇ж̇ад̇и, згамзгасмин̃жа бажжаяз яат̇аалаабха-яат̇ааб̣ала-яат̇аасааруббавасзна д̇иббабхзд̣̇ааяа санд̇удтияаа сам̣вад̇д̇ад̇и, д̇асмаа сам̣варо ‘‘субхарад̇аа жзва субосад̇аа жа аббижчо жа санд̇удто жаа’’д̇и вужжад̇и.

    Subharatāya…pe… vīriyārambhassa vaṇṇaṃ bhāsitvāti subharatādīnaṃ vatthubhūtassa saṃvarassa vaṇṇaṃ bhāsitvāti attho. Yasmā hi asaṃvaraṃ pahāya saṃvare ṭhitassa attā subharo hoti suposo, catūsu ca paccayesu appicchataṃ nittaṇhabhāvaṃ āpajjati, ekamekasmiñca paccaye yathālābha-yathābala-yathāsāruppavasena tippabhedāya santuṭṭhiyā saṃvattati, tasmā saṃvaro ‘‘subharatā ceva suposatā ca appiccho ca santuṭṭho cā’’ti vuccati.

    яасмаа бана асам̣варам̣ бахааяа сам̣варз тид̇асса ад̇д̇аа гилзсасаллзканад̇ааяа жзва нид̣̇д̇хунанад̇ааяа жа сам̣вад̇д̇ад̇и, д̇асмаа сам̣варо ‘‘саллзко жа д̇худ̇о жаа’’д̇и вужжад̇и.

    Yasmā pana asaṃvaraṃ pahāya saṃvare ṭhitassa attā kilesasallekhanatāya ceva niddhunanatāya ca saṃvattati, tasmā saṃvaro ‘‘sallekho ca dhuto cā’’ti vuccati.

    яасмаа жа асам̣варам̣ бахааяа сам̣варз тид̇асса ад̇д̇аа гааяаваажаанам̣ аббаасаад̣̇игам̣ аббасаад̣̇анийяам̣ асанд̇ам̣ асааруббам̣ гааяаважийд̣̇ужжарид̇ам̣ жид̇д̇асса аббаасаад̣̇игам̣ аббасаад̣̇анийяам̣ асанд̇ам̣ асааруббам̣ агусалавид̇аггад̇д̇аяан̃жа анубаг̇амма д̇аб̣б̣ибарийд̇асса гааяаважийсужарид̇асса жзва гусалавид̇аггад̇д̇аяасса жа баасаад̣̇игасса басаад̣̇анийяасса санд̇асса сааруббасса баарибуурияаа сам̣вад̇д̇ад̇и, д̇асмаа сам̣варо ‘‘баасаад̣̇иго’’д̇и вужжад̇и.

    Yasmā ca asaṃvaraṃ pahāya saṃvare ṭhitassa attā kāyavācānaṃ appāsādikaṃ appasādanīyaṃ asantaṃ asāruppaṃ kāyavacīduccaritaṃ cittassa appāsādikaṃ appasādanīyaṃ asantaṃ asāruppaṃ akusalavitakkattayañca anupagamma tabbiparītassa kāyavacīsucaritassa ceva kusalavitakkattayassa ca pāsādikassa pasādanīyassa santassa sāruppassa pāripūriyā saṃvattati, tasmā saṃvaro ‘‘pāsādiko’’ti vuccati.

    яасмаа бана асам̣варам̣ бахааяа сам̣варз тид̇асса ад̇д̇аа саб̣б̣агилзсаабажаяабхууд̇ааяа, виваддааяа, адтавийрияаарамбхавад̇т̇убаарибуурияаа жа сам̣вад̇д̇ад̇и, д̇асмаа сам̣варо ‘‘абажаяо жзва вийрияаарамбхо жаа’’д̇и вужжад̇ийд̇и.

    Yasmā pana asaṃvaraṃ pahāya saṃvare ṭhitassa attā sabbakilesāpacayabhūtāya, vivaṭṭāya, aṭṭhavīriyārambhavatthupāripūriyā ca saṃvattati, tasmā saṃvaro ‘‘apacayo ceva vīriyārambho cā’’ti vuccatīti.

    бхигкуунам̣ д̇ад̣̇анужчавигам̣ д̇ад̣̇ануломиганд̇и д̇ад̇т̇а саннибад̇ид̇аанам̣ бхигкуунам̣ яам̣ ид̣̇аани сигкаабад̣̇ам̣ бан̃н̃абзссад̇и, д̇асса анужчавиган̃жзва ануломиган̃жа. яо ваа аяам̣ субхарад̇аад̣̇ийхи сам̣варо вуд̇д̇о, д̇асса анужчавиган̃жзва ануломиган̃жа сам̣вараббахаанабадисам̣яуд̇д̇ам̣ асуд̇д̇анд̇авиниб̣ад̣̇д̇хам̣ баал̣ивинимуд̇д̇ам̣ огганд̇игад̇хаммад̣̇зсанам̣ гад̇ваад̇и ад̇т̇о. бхаг̇аваа гира ийд̣̇исзсу таанзсу бан̃жаван̣н̣агусумамаалам̣ гаронд̇о вияа, рад̇анад̣̇аамам̣ саж̇ж̇знд̇о вияа, жа яз бадигкибанаад̇хиббааяаа асам̣вараабхирад̇аа д̇з самбарааяигзна ваддабхаязна д̇аж̇ж̇знд̇о анзгаббагаарам̣ аад̣̇ийнавам̣ д̣̇ассзнд̇о, яз сигкаагаамаа сам̣варз тид̇аа д̇з аббзгажжз арахад̇д̇з бад̇идтабзнд̇о аббзгажжз анааг̇аами-сагад̣̇ааг̇аами-сод̇аабад̇д̇ипалзсу убаниссаяавирахид̇зби саг̇г̇амаг̇г̇з бад̇идтабзнд̇о д̣̇ийгханигааяаббамаан̣амби маж̇жхиманигааяаббамаан̣амби д̇хаммад̣̇зсанам̣ гарод̇и. д̇ам̣ санд̇хааязд̇ам̣ вуд̇д̇ам̣ – ‘‘бхигкуунам̣ д̇ад̣̇анужчавигам̣ д̇ад̣̇ануломигам̣ д̇хаммим̣ гат̇ам̣ гад̇ваа’’д̇и.

    Bhikkhūnaṃ tadanucchavikaṃ tadanulomikanti tattha sannipatitānaṃ bhikkhūnaṃ yaṃ idāni sikkhāpadaṃ paññapessati, tassa anucchavikañceva anulomikañca. Yo vā ayaṃ subharatādīhi saṃvaro vutto, tassa anucchavikañceva anulomikañca saṃvarappahānapaṭisaṃyuttaṃ asuttantavinibaddhaṃ pāḷivinimuttaṃ okkantikadhammadesanaṃ katvāti attho. Bhagavā kira īdisesu ṭhānesu pañcavaṇṇakusumamālaṃ karonto viya, ratanadāmaṃ sajjento viya, ca ye paṭikkhipanādhippāyā asaṃvarābhiratā te samparāyikena vaṭṭabhayena tajjento anekappakāraṃ ādīnavaṃ dassento, ye sikkhākāmā saṃvare ṭhitā te appekacce arahatte patiṭṭhapento appekacce anāgāmi-sakadāgāmi-sotāpattiphalesu upanissayavirahitepi saggamagge patiṭṭhapento dīghanikāyappamāṇampi majjhimanikāyappamāṇampi dhammadesanaṃ karoti. Taṃ sandhāyetaṃ vuttaṃ – ‘‘bhikkhūnaṃ tadanucchavikaṃ tadanulomikaṃ dhammiṃ kathaṃ katvā’’ti.

    д̇зна хийд̇и д̇зна суд̣̇иннасса аж̇жхаажаарзна гааран̣абхууд̇зна. сигкаабад̣̇анд̇и зд̇т̇а сигкид̇аб̣б̣аад̇и сигкаа, баж̇ж̇ад̇з иминаад̇и бад̣̇ам̣, сигкааяа бад̣̇ам̣ сигкаабад̣̇ам̣; сигкааяа ад̇хиг̇амубааяод̇и ад̇т̇о. ат̇а ваа муулам̣ ниссаяо бад̇идтаад̇и вуд̇д̇ам̣ ход̇и. мзт̇унавирад̇ияаа мзт̇унасам̣варассзд̇ам̣ ад̇хиважанам̣. мзт̇унасам̣варо хи д̇ад̣̇ан̃н̃зсам̣ сигкаасан̇каад̇аанам̣ сийлавибассанаажхаанамаг̇г̇ад̇хаммаанам̣ вуд̇д̇ад̇т̇авасзна бад̣̇ад̇д̇аа ид̇ха ‘‘сигкаабад̣̇а’’нд̇и ад̇хиббзд̇о. аяан̃жа ад̇т̇о сигкаабад̣̇авибхан̇г̇з вуд̇д̇анаязнзва взд̣̇ид̇аб̣б̣о. абижа д̇ассад̇т̇асса д̣̇ийбагам̣ важанамби ‘‘сигкаабад̣̇а’’нд̇и взд̣̇ид̇аб̣б̣ам̣. вуд̇д̇амби жзд̇ам̣ – ‘‘сигкаабад̣̇анд̇и яо д̇ад̇т̇а наамагааяо бад̣̇агааяо нируд̇д̇игааяо б̣яан̃ж̇анагааяо’’д̇и. ат̇а ваа яат̇аа ‘‘анабхиж̇жхаа д̇хаммабад̣̇а’’нд̇и вуд̇д̇з анабхиж̇жхаа зго д̇хаммагодтаасод̇и ад̇т̇о ход̇и, звамид̇хааби ‘‘сигкаабад̣̇а’’нд̇и сигкаагодтаасо сигкааяа зго бад̣̇зсод̇иби ад̇т̇о взд̣̇ид̇аб̣б̣о.

    Tena hīti tena sudinnassa ajjhācārena kāraṇabhūtena. Sikkhāpadanti ettha sikkhitabbāti sikkhā, pajjate imināti padaṃ, sikkhāya padaṃ sikkhāpadaṃ; sikkhāya adhigamupāyoti attho. Atha vā mūlaṃ nissayo patiṭṭhāti vuttaṃ hoti. Methunaviratiyā methunasaṃvarassetaṃ adhivacanaṃ. Methunasaṃvaro hi tadaññesaṃ sikkhāsaṅkhātānaṃ sīlavipassanājhānamaggadhammānaṃ vuttatthavasena padattā idha ‘‘sikkhāpada’’nti adhippeto. Ayañca attho sikkhāpadavibhaṅge vuttanayeneva veditabbo. Apica tassatthassa dīpakaṃ vacanampi ‘‘sikkhāpada’’nti veditabbaṃ. Vuttampi cetaṃ – ‘‘sikkhāpadanti yo tattha nāmakāyo padakāyo niruttikāyo byañjanakāyo’’ti. Atha vā yathā ‘‘anabhijjhā dhammapada’’nti vutte anabhijjhā eko dhammakoṭṭhāsoti attho hoti, evamidhāpi ‘‘sikkhāpada’’nti sikkhākoṭṭhāso sikkhāya eko padesotipi attho veditabbo.

    д̣̇аса ад̇т̇авасз бадижжаад̇и д̣̇аса гааран̣авасз сигкаабад̣̇абан̃н̃ад̇д̇ихзд̇у ад̇хиг̇аманийяз хид̇ависзсз бадижжа ааг̇амма аараб̣бха, д̣̇асаннам̣ хид̇ависзсаанам̣ нибпад̇д̇им̣ самбассамаанод̇и вуд̇д̇ам̣ ход̇и. ид̣̇аани д̇з д̣̇аса ад̇т̇авасз д̣̇ассзнд̇о ‘‘сан̇гхасудтуд̇ааяаа’’д̇иаад̣̇имааха. д̇ад̇т̇а сан̇гхасудтуд̇аа наама сан̇гхасса судтубхааво, ‘‘судту д̣̇зваа’’д̇и ааг̇ад̇адтаанз вияа ‘‘судту, бханд̇з’’д̇и важанасамбадижчанабхааво . яо жа д̇ат̇ааг̇ад̇асса важанам̣ самбадижчад̇и , д̇асса д̇ам̣ д̣̇ийгхарад̇д̇ам̣ хид̇ааяа сукааяа ход̇и, д̇асмаа сан̇гхасса ‘‘судту, бханд̇з’’д̇и мама важанасамбадижчанад̇т̇ам̣ бан̃н̃абзссаами, асамбадижчанз аад̣̇ийнавам̣ самбадижчанз жа аанисам̣сам̣ д̣̇ассзд̇ваа, на б̣алаггаарзна абхибхавид̇ваад̇и зд̇амад̇т̇ам̣ аавигаронд̇о ааха – ‘‘сан̇гхасудтуд̇ааяаа’’д̇и. сан̇гхапаасуд̇ааяаад̇и сан̇гхасса паасубхаавааяа; сахаж̇ийвид̇ааяа сукавихаарад̇т̇ааяаад̇и ад̇т̇о.

    Dasaatthavase paṭiccāti dasa kāraṇavase sikkhāpadapaññattihetu adhigamanīye hitavisese paṭicca āgamma ārabbha, dasannaṃ hitavisesānaṃ nipphattiṃ sampassamānoti vuttaṃ hoti. Idāni te dasa atthavase dassento ‘‘saṅghasuṭṭhutāyā’’tiādimāha. Tattha saṅghasuṭṭhutā nāma saṅghassa suṭṭhubhāvo, ‘‘suṭṭhu devā’’ti āgataṭṭhāne viya ‘‘suṭṭhu, bhante’’ti vacanasampaṭicchanabhāvo . Yo ca tathāgatassa vacanaṃ sampaṭicchati , tassa taṃ dīgharattaṃ hitāya sukhāya hoti, tasmā saṅghassa ‘‘suṭṭhu, bhante’’ti mama vacanasampaṭicchanatthaṃ paññapessāmi, asampaṭicchane ādīnavaṃ sampaṭicchane ca ānisaṃsaṃ dassetvā, na balakkārena abhibhavitvāti etamatthaṃ āvikaronto āha – ‘‘saṅghasuṭṭhutāyā’’ti. Saṅghaphāsutāyāti saṅghassa phāsubhāvāya; sahajīvitāya sukhavihāratthāyāti attho.

    д̣̇умман̇гуунам̣ буг̇г̇алаанам̣ ниг̇г̇ахааяаад̇и д̣̇умман̇гуу наама д̣̇уссийлабуг̇г̇алаа; яз ман̇гуд̇ам̣ аабаад̣̇ияамаанааби д̣̇угкзна аабаж̇ж̇анд̇и, вийд̇иггамам̣ гаронд̇аа ваа гад̇ваа ваа на лаж̇ж̇анд̇и, д̇зсам̣ ниг̇г̇ахад̇т̇ааяа; д̇з хи сигкаабад̣̇з асад̇и ‘‘гим̣ д̇умхзхи д̣̇идтам̣, гим̣ суд̇ам̣ – гим̣ амхзхи гад̇ам̣; гад̇арасмим̣ вад̇т̇усмим̣ гад̇амам̣ аабад̇д̇им̣ ааробзд̇ваа амхз ниг̇г̇ан̣хат̇аа’’д̇и сан̇гхам̣ вихзтзссанд̇и, сигкаабад̣̇з бана сад̇и д̇з сан̇гхо сигкаабад̣̇ам̣ д̣̇ассзд̇ваа д̇хаммзна винаязна сад̇т̇усаасанзна ниг̇г̇ахзссад̇и. д̇зна вуд̇д̇ам̣ – ‘‘д̣̇умман̇гуунам̣ буг̇г̇алаанам̣ ниг̇г̇ахааяаа’’д̇и.

    Dummaṅkūnaṃ puggalānaṃ niggahāyāti dummaṅkū nāma dussīlapuggalā; ye maṅkutaṃ āpādiyamānāpi dukkhena āpajjanti, vītikkamaṃ karontā vā katvā vā na lajjanti, tesaṃ niggahatthāya; te hi sikkhāpade asati ‘‘kiṃ tumhehi diṭṭhaṃ, kiṃ sutaṃ – kiṃ amhehi kataṃ; katarasmiṃ vatthusmiṃ katamaṃ āpattiṃ āropetvā amhe niggaṇhathā’’ti saṅghaṃ viheṭhessanti, sikkhāpade pana sati te saṅgho sikkhāpadaṃ dassetvā dhammena vinayena satthusāsanena niggahessati. Tena vuttaṃ – ‘‘dummaṅkūnaṃ puggalānaṃ niggahāyā’’ti.

    бзсалаанам̣ бхигкуунам̣ паасувихаарааяаад̇и бзсалаанам̣ бияасийлаанам̣ бхигкуунам̣ паасувихаарад̇т̇ааяа. бияасийлаа хи бхигкуу гад̇д̇аб̣б̣аагад̇д̇аб̣б̣ам̣ сааваж̇ж̇аанаваж̇ж̇ам̣ взлам̣ марияаад̣̇ам̣ аж̇аананд̇аа сигкад̇д̇аяабаарибуурияаа гхадамаанаа гиламанд̇и, санд̣̇идтамаанаа уб̣б̣аал̣хаа хонд̇и. гад̇д̇аб̣б̣аагад̇д̇аб̣б̣ам̣ бана сааваж̇ж̇аанаваж̇ж̇ам̣ взлам̣ марияаад̣̇ам̣ н̃ад̇ваа сигкад̇д̇аяабаарибуурияаа гхадамаанаа на гиламанд̇и, санд̣̇идтамаанаа на уб̣б̣аал̣хаа хонд̇и. д̇зна нзсам̣ сигкаабад̣̇абан̃н̃аабанаа паасувихаарааяа сам̣вад̇д̇ад̇и. яо ваа д̣̇умман̇гуунам̣ буг̇г̇алаанам̣ ниг̇г̇ахо, свзва зд̇зсам̣ паасувихааро. д̣̇уссийлабуг̇г̇алз ниссааяа хи убосат̇о на д̇идтад̇и , бавааран̣аа на д̇идтад̇и, сан̇гхагаммаани наббавад̇д̇анд̇и, саамаг̇г̇ий на ход̇и, бхигкуу анзгаг̇г̇аа уд̣̇д̣̇зсабарибужчаагаммадтаанаад̣̇ийни ануяун̃ж̇ид̇ум̣ на саггонд̇и. д̣̇уссийлзсу бана ниг̇г̇ахид̇зсу саб̣б̣оби аяам̣ убад̣̇д̣̇аво на ход̇и. д̇ад̇о бзсалаа бхигкуу паасу вихаранд̇и. звам̣ ‘‘бзсалаанам̣ бхигкуунам̣ паасу вихаарааяаа’’д̇и зд̇т̇а д̣̇вид̇хаа ад̇т̇о взд̣̇ид̇аб̣б̣о.

    Pesalānaṃ bhikkhūnaṃ phāsuvihārāyāti pesalānaṃ piyasīlānaṃ bhikkhūnaṃ phāsuvihāratthāya. Piyasīlā hi bhikkhū kattabbākattabbaṃ sāvajjānavajjaṃ velaṃ mariyādaṃ ajānantā sikkhattayapāripūriyā ghaṭamānā kilamanti, sandiṭṭhamānā ubbāḷhā honti. Kattabbākattabbaṃ pana sāvajjānavajjaṃ velaṃ mariyādaṃ ñatvā sikkhattayapāripūriyā ghaṭamānā na kilamanti, sandiṭṭhamānā na ubbāḷhā honti. Tena nesaṃ sikkhāpadapaññāpanā phāsuvihārāya saṃvattati. Yo vā dummaṅkūnaṃ puggalānaṃ niggaho, sveva etesaṃ phāsuvihāro. Dussīlapuggale nissāya hi uposatho na tiṭṭhati , pavāraṇā na tiṭṭhati, saṅghakammāni nappavattanti, sāmaggī na hoti, bhikkhū anekaggā uddesaparipucchākammaṭṭhānādīni anuyuñjituṃ na sakkonti. Dussīlesu pana niggahitesu sabbopi ayaṃ upaddavo na hoti. Tato pesalā bhikkhū phāsu viharanti. Evaṃ ‘‘pesalānaṃ bhikkhūnaṃ phāsu vihārāyā’’ti ettha dvidhā attho veditabbo.

    д̣̇идтад̇хаммигаанам̣ аасаваанам̣ сам̣варааяаад̇и д̣̇идтад̇хаммигаа аасаваа наама асам̣варз тид̇зна д̇асмин̃н̃зва ад̇д̇абхаавз бад̇д̇аб̣б̣аа баан̣иббахаара-д̣̇ан̣д̣аббахаара-хад̇т̇ажчзд̣̇а-баад̣̇ажчзд̣̇а-агид̇д̇и-аяасавиббадисаараад̣̇аяо д̣̇угкависзсаа. ид̇и имзсам̣ д̣̇идтад̇хаммигаанам̣ аасаваанам̣ сам̣варааяа бид̇хаанааяа ааг̇аманамаг̇г̇ат̇аганааяаад̇и ад̇т̇о.

    Diṭṭhadhammikānaṃ āsavānaṃ saṃvarāyāti diṭṭhadhammikā āsavā nāma asaṃvare ṭhitena tasmiññeva attabhāve pattabbā pāṇippahāra-daṇḍappahāra-hatthaccheda-pādaccheda-akitti-ayasavippaṭisārādayo dukkhavisesā. Iti imesaṃ diṭṭhadhammikānaṃ āsavānaṃ saṃvarāya pidhānāya āgamanamaggathakanāyāti attho.

    самбарааяигаанам̣ аасаваанам̣ бадигхаад̇ааяаад̇и самбарааяигаа аасаваа наама асам̣варз тид̇зна гад̇абаабагаммамуулагаа самбарааяз нарагаад̣̇ийсу бад̇д̇аб̣б̣аа д̣̇угкависзсаа, д̇зсам̣ бадигхаад̇ад̇т̇ааяа бадиббассамбханад̇т̇ааяа вуубасамад̇т̇ааяаад̇и вуд̇д̇ам̣ ход̇и.

    Samparāyikānaṃ āsavānaṃ paṭighātāyāti samparāyikā āsavā nāma asaṃvare ṭhitena katapāpakammamūlakā samparāye narakādīsu pattabbā dukkhavisesā, tesaṃ paṭighātatthāya paṭippassambhanatthāya vūpasamatthāyāti vuttaṃ hoti.

    аббасаннаанам̣ басаад̣̇ааяаад̇и сигкаабад̣̇абан̃н̃ад̇д̇ияаа хи сад̇и сигкаабад̣̇абан̃н̃ад̇д̇им̣ н̃ад̇ваа ваа яат̇аабан̃н̃ад̇д̇ам̣ бадибаж̇ж̇амаанз бхигкуу д̣̇исваа ваа язби аббасаннаа бан̣д̣ид̇амануссаа, д̇з ‘‘яаани вад̇а логз махааж̇анасса раж̇ж̇ана-д̣̇уссана-муяханадтаанаани, д̇зхи имз саман̣аа сагяабуд̇д̇ияаа аарагаа вирад̇аа вихаранд̇и, д̣̇уггарам̣ вад̇а гаронд̇и, бхаарияам̣ вад̇а гаронд̇ий’’д̇и басаад̣̇ам̣ аабаж̇ж̇анд̇и, винаяабидагз бод̇т̇агам̣ д̣̇исваа мижчаад̣̇идтига-д̇ивзд̣̇ий б̣раахман̣о вияа. д̇зна вуд̇д̇ам̣ – ‘‘аббасаннаанам̣ басаад̣̇ааяаа’’д̇и.

    Appasannānaṃ pasādāyāti sikkhāpadapaññattiyā hi sati sikkhāpadapaññattiṃ ñatvā vā yathāpaññattaṃ paṭipajjamāne bhikkhū disvā vā yepi appasannā paṇḍitamanussā, te ‘‘yāni vata loke mahājanassa rajjana-dussana-muyhanaṭṭhānāni, tehi ime samaṇā sakyaputtiyā ārakā viratā viharanti, dukkaraṃ vata karonti, bhāriyaṃ vata karontī’’ti pasādaṃ āpajjanti, vinayapiṭake potthakaṃ disvā micchādiṭṭhika-tivedī brāhmaṇo viya. Tena vuttaṃ – ‘‘appasannānaṃ pasādāyā’’ti.

    басаннаанам̣ бхияяобхаавааяаад̇и язби саасанз басаннаа гулабуд̇д̇аа д̇зби сигкаабад̣̇абан̃н̃ад̇д̇им̣ н̃ад̇ваа яат̇аабан̃н̃ад̇д̇ам̣ бадибаж̇ж̇амаанз бхигкуу ваа д̣̇исваа ‘‘ахо аяяаа д̣̇уггарагаарино, яз яааваж̇ийвам̣ згабхад̇д̇ам̣ б̣рахмажарияам̣ винаяасам̣варам̣ анубаалзнд̇ий’’д̇и бхияяо бхияяо басийд̣̇анд̇и. д̇зна вуд̇д̇ам̣ – ‘‘басаннаанам̣ бхияяобхаавааяаа’’д̇и.

    Pasannānaṃ bhiyyobhāvāyāti yepi sāsane pasannā kulaputtā tepi sikkhāpadapaññattiṃ ñatvā yathāpaññattaṃ paṭipajjamāne bhikkhū vā disvā ‘‘aho ayyā dukkarakārino, ye yāvajīvaṃ ekabhattaṃ brahmacariyaṃ vinayasaṃvaraṃ anupālentī’’ti bhiyyo bhiyyo pasīdanti. Tena vuttaṃ – ‘‘pasannānaṃ bhiyyobhāvāyā’’ti.

    сад̣̇д̇хаммадтид̇ияаад̇и д̇ивид̇хо сад̣̇д̇хаммо – барияад̇д̇исад̣̇д̇хаммо, бадибад̇д̇исад̣̇д̇хаммо, ад̇хиг̇амасад̣̇д̇хаммод̇и. д̇ад̇т̇а бидагад̇д̇аяасан̇г̇ахид̇ам̣ саб̣б̣амби б̣уд̣̇д̇хаважанам̣ ‘‘барияад̇д̇исад̣̇д̇хаммо’’ наама. д̇зраса д̇худ̇аг̇ун̣аа, жуд̣̇д̣̇аса канд̇хагавад̇д̇аани, д̣̇взасийд̇и махаавад̇д̇аани, сийласамаад̇хивибассанаад̇и аяам̣ ‘‘бадибад̇д̇исад̣̇д̇хаммо’’ наама. жад̇д̇ааро арияамаг̇г̇аа жад̇д̇аари жа сааман̃н̃апалаани ниб̣б̣аанан̃жаад̇и аяам̣ ‘‘ад̇хиг̇амасад̣̇д̇хаммо’’ наама. со саб̣б̣оби яасмаа сигкаабад̣̇абан̃н̃ад̇д̇ияаа сад̇и бхигкуу сигкаабад̣̇ан̃жа д̇асса вибхан̇г̇ан̃жа д̇ад̣̇ад̇т̇аж̇од̇анад̇т̇ам̣ ан̃н̃ан̃жа б̣уд̣̇д̇хаважанам̣ барияаабун̣анд̇и, яат̇аабан̃н̃ад̇д̇ан̃жа бадибаж̇ж̇амаанаа бадибад̇д̇им̣ буурзд̇ваа бадибад̇д̇ияаа ад̇хиг̇анд̇аб̣б̣ам̣ логуд̇д̇арад̇хаммам̣ ад̇хиг̇ажчанд̇и, д̇асмаа сигкаабад̣̇абан̃н̃ад̇д̇ияаа жирадтид̇иго ход̇и. д̇зна вуд̇д̇ам̣ – ‘‘сад̣̇д̇хаммадтид̇ияаа’’д̇и.

    Saddhammaṭṭhitiyāti tividho saddhammo – pariyattisaddhammo, paṭipattisaddhammo, adhigamasaddhammoti. Tattha piṭakattayasaṅgahitaṃ sabbampi buddhavacanaṃ ‘‘pariyattisaddhammo’’ nāma. Terasa dhutaguṇā, cuddasa khandhakavattāni, dveasīti mahāvattāni, sīlasamādhivipassanāti ayaṃ ‘‘paṭipattisaddhammo’’ nāma. Cattāro ariyamaggā cattāri ca sāmaññaphalāni nibbānañcāti ayaṃ ‘‘adhigamasaddhammo’’ nāma. So sabbopi yasmā sikkhāpadapaññattiyā sati bhikkhū sikkhāpadañca tassa vibhaṅgañca tadatthajotanatthaṃ aññañca buddhavacanaṃ pariyāpuṇanti, yathāpaññattañca paṭipajjamānā paṭipattiṃ pūretvā paṭipattiyā adhigantabbaṃ lokuttaradhammaṃ adhigacchanti, tasmā sikkhāpadapaññattiyā ciraṭṭhitiko hoti. Tena vuttaṃ – ‘‘saddhammaṭṭhitiyā’’ti.

    винаяаануг̇г̇ахааяаад̇и сигкаабад̣̇абан̃н̃ад̇д̇ияаа хи сад̇и сам̣варавинаяо жа бахаанавинаяо жа самат̇авинаяо жа бан̃н̃ад̇д̇ивинаяо жаад̇и жад̇уб̣б̣ид̇хоби винаяо ануг̇г̇ахид̇о ход̇и убад̇т̇амбхид̇о суубад̇т̇амбхид̇о. д̇зна вуд̇д̇ам̣ – ‘‘винаяаануг̇г̇ахааяаа’’д̇и.

    Vinayānuggahāyāti sikkhāpadapaññattiyā hi sati saṃvaravinayo ca pahānavinayo ca samathavinayo ca paññattivinayo cāti catubbidhopi vinayo anuggahito hoti upatthambhito sūpatthambhito. Tena vuttaṃ – ‘‘vinayānuggahāyā’’ti.

    саб̣б̣аанзва жзд̇аани бад̣̇аани ‘‘сигкаабад̣̇ам̣ бан̃н̃абзссаамий’’д̇и иминаа важанзна сад̣̇д̇хим̣ яож̇зд̇аб̣б̣аани . д̇ад̇рааяам̣ батамабажчимабад̣̇аяож̇анаа – ‘‘сан̇гхасудтуд̇ааяа сигкаабад̣̇ам̣ бан̃н̃абзссаами, винаяаануг̇г̇ахааяа сигкаабад̣̇ам̣ бан̃н̃абзссаамий’’д̇и.

    Sabbāneva cetāni padāni ‘‘sikkhāpadaṃ paññapessāmī’’ti iminā vacanena saddhiṃ yojetabbāni . Tatrāyaṃ paṭhamapacchimapadayojanā – ‘‘saṅghasuṭṭhutāya sikkhāpadaṃ paññapessāmi, vinayānuggahāya sikkhāpadaṃ paññapessāmī’’ti.

    аби жзд̇т̇а яам̣ сан̇гхасудту д̇ам̣ сан̇гхапаасу, яам̣ сан̇гхапаасу д̇ам̣ д̣̇умман̇гуунам̣ буг̇г̇алаанам̣ ниг̇г̇ахааяаад̇и звам̣ сан̇калиганаяам̣; яам̣ сан̇гхасудту д̇ам̣ сан̇гхапаасу, яам̣ сан̇гхасудту д̇ам̣ д̣̇умман̇гуунам̣ буг̇г̇алаанам̣ ниг̇г̇ахааяаад̇и зван̃жа згзгабад̣̇амуулигам̣ д̣̇асагкад̇д̇ум̣ яож̇анам̣ гад̇ваа яам̣ вуд̇д̇ам̣ бариваарз (бари. 334) –

    Api cettha yaṃ saṅghasuṭṭhu taṃ saṅghaphāsu, yaṃ saṅghaphāsu taṃ dummaṅkūnaṃ puggalānaṃ niggahāyāti evaṃ saṅkhalikanayaṃ; yaṃ saṅghasuṭṭhu taṃ saṅghaphāsu, yaṃ saṅghasuṭṭhu taṃ dummaṅkūnaṃ puggalānaṃ niggahāyāti evañca ekekapadamūlikaṃ dasakkhattuṃ yojanaṃ katvā yaṃ vuttaṃ parivāre (pari. 334) –

    ‘‘ад̇т̇асад̇ам̣ д̇хаммасад̇ам̣, д̣̇вз жа нируд̇д̇исад̇аани;

    ‘‘Atthasataṃ dhammasataṃ, dve ca niruttisatāni;

    жад̇д̇аари н̃аан̣асад̇аани, ад̇т̇авасз багаран̣з’’д̇и.

    Cattāri ñāṇasatāni, atthavase pakaraṇe’’ti.

    д̇ам̣ саб̣б̣ам̣ взд̣̇ид̇аб̣б̣ам̣. д̇ам̣ банзд̇ам̣ яасмаа бариваарзязва аави бхависсад̇и, д̇асмаа ид̇ха на ван̣н̣ид̇анд̇и.

    Taṃ sabbaṃ veditabbaṃ. Taṃ panetaṃ yasmā parivāreyeva āvi bhavissati, tasmā idha na vaṇṇitanti.

    звам̣ сигкаабад̣̇абан̃н̃ад̇д̇ияаа аанисам̣сам̣ д̣̇ассзд̇ваа д̇асмим̣ сигкаабад̣̇з бхигкуухи гад̇д̇аб̣б̣агижжам̣ д̣̇ийбзнд̇о ‘‘зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇аа’’д̇и ааха. гим̣ вуд̇д̇ам̣ ход̇и? бхигкавз, имам̣ бана маяаа ид̇и санд̣̇ассид̇аанисам̣сам̣ сигкаабад̣̇ам̣ звам̣ баад̇имогкуд̣̇д̣̇зсз уд̣̇д̣̇исзяяаат̇а жа барияаабун̣зяяаат̇а жа д̇хаарзяяаат̇а жа ан̃н̃зсан̃жа ваажзяяаат̇аад̇и. ад̇ирзгаанаяанад̇т̇о хи зд̇т̇а жа сад̣̇д̣̇о, д̇знааяамад̇т̇о аанийд̇о ход̇ийд̇и.

    Evaṃ sikkhāpadapaññattiyā ānisaṃsaṃ dassetvā tasmiṃ sikkhāpade bhikkhūhi kattabbakiccaṃ dīpento ‘‘evañca pana, bhikkhave, imaṃ sikkhāpadaṃ uddiseyyāthā’’ti āha. Kiṃ vuttaṃ hoti? Bhikkhave, imaṃ pana mayā iti sandassitānisaṃsaṃ sikkhāpadaṃ evaṃ pātimokkhuddese uddiseyyātha ca pariyāpuṇeyyātha ca dhāreyyātha ca aññesañca vāceyyāthāti. Atirekānayanattho hi ettha ca saddo, tenāyamattho ānīto hotīti.

    ид̣̇аани яам̣ вуд̇д̇ам̣ ‘‘имам̣ сигкаабад̣̇а’’нд̇и д̇ам̣ д̣̇ассзнд̇о ‘‘яо бана бхигку мзт̇унам̣ д̇хаммам̣ бадисзвзяяа, баарааж̇иго ход̇и асам̣ваасо’’д̇и ааха. звам̣ муулажчзж̇ж̇авасзна д̣̇ал̣хам̣ гад̇ваа батамабаарааж̇игз бан̃н̃ад̇д̇з абарамби анубан̃н̃ад̇д̇ад̇т̇ааяа маггадийвад̇т̇у уд̣̇абаад̣̇и. д̇ассуббад̇д̇ид̣̇ийбанад̇т̇амзд̇ам̣ вуд̇д̇ам̣ – зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇ийд̇и. д̇ассад̇т̇о – бхаг̇авад̇аа бхигкуунам̣ ид̣̇ам̣ сигкаабад̣̇ам̣ звам̣ бан̃н̃ад̇д̇ам̣ ход̇и жа, ид̣̇ан̃жа ан̃н̃ам̣ вад̇т̇у уд̣̇абаад̣̇ийд̇и.

    Idāni yaṃ vuttaṃ ‘‘imaṃ sikkhāpada’’nti taṃ dassento ‘‘yo pana bhikkhu methunaṃ dhammaṃ paṭiseveyya, pārājiko hoti asaṃvāso’’ti āha. Evaṃ mūlacchejjavasena daḷhaṃ katvā paṭhamapārājike paññatte aparampi anupaññattatthāya makkaṭīvatthu udapādi. Tassuppattidīpanatthametaṃ vuttaṃ – evañcidaṃ bhagavatā bhikkhūnaṃ sikkhāpadaṃ paññattaṃ hotīti. Tassattho – bhagavatā bhikkhūnaṃ idaṃ sikkhāpadaṃ evaṃ paññattaṃ hoti ca, idañca aññaṃ vatthu udapādīti.

    батамабан̃н̃ад̇д̇игат̇аа нидтид̇аа.

    Paṭhamapaññattikathā niṭṭhitā.

    суд̣̇иннабхаан̣аваарам̣ нидтид̇ам̣.

    Sudinnabhāṇavāraṃ niṭṭhitaṃ.

    маггадийвад̇т̇угат̇аа

    Makkaṭīvatthukathā

    40. ид̣̇аани яам̣ д̇ам̣ ан̃н̃ам̣ вад̇т̇у уббаннам̣, д̇ам̣ д̣̇ассзд̇ум̣ ‘‘д̇зна ко бана самаязнаа’’д̇иаад̣̇имааха. д̇ад̇рааяам̣ ануд̇д̇аанабад̣̇аван̣н̣анаа – маггадим̣ аамисзнаад̇и махааванз бхигкуунам̣ канд̇имзд̇д̇аад̣̇иг̇ун̣аанубхаавзна нираасан̇гажид̇д̇аа б̣ахуу миг̇аморагуггудамаггадаад̣̇аяо д̇иражчаанаа бад̇хаанааг̇аарадтаанзсу вижаранд̇и. д̇ад̇ра згам̣ маггадим̣ аамисзна яааг̇убхад̇д̇акаж̇ж̇агаад̣̇инаа убалаабзд̇ваа, сан̇г̇ан̣хид̇ваад̇и вуд̇д̇ам̣ ход̇и. д̇ассаад̇и бхуммаважанам̣. бадисзвад̇ийд̇и бажурабадисзвано ход̇и; бажурад̇т̇з хи вад̇д̇амаанаважанам̣. со бхигкууд̇и со мзт̇унад̇хаммабадисзванаго бхигку. сзнаасанажааригам̣ аахин̣д̣анд̇аад̇и д̇з бхигкуу ааг̇анд̇угаа б̣уд̣̇д̇хад̣̇ассанааяа ааг̇ад̇аа баад̇ова ааг̇анд̇угабхад̇д̇аани лабхид̇ваа гад̇абхад̇д̇агижжаа бхигкуунам̣ ниваасанадтаанаани бассиссаамаад̇и вижарим̣су. д̇зна вуд̇д̇ам̣ – ‘‘сзнаасанажааригам̣ аахин̣д̣анд̇аа’’д̇и. язна д̇з бхигкуу д̇знубасан̇гамийд̇и д̇иражчаанаг̇ад̇аа наама згабхигкунаа сад̣̇д̇хим̣ виссаасам̣ гад̇ваа ан̃н̃зсуби д̇аад̣̇исан̃н̃зва жид̇д̇ам̣ уббаад̣̇знд̇и. д̇асмаа саа маггадий язна д̇з бхигкуу д̇знубасан̇гами; убасан̇гамид̇ваа жа ад̇д̇ано виссаасигабхигкуссзва д̇зсамби д̇ам̣ вигаарам̣ д̣̇ассзси.

    40. Idāni yaṃ taṃ aññaṃ vatthu uppannaṃ, taṃ dassetuṃ ‘‘tena kho pana samayenā’’tiādimāha. Tatrāyaṃ anuttānapadavaṇṇanā – makkaṭiṃ āmisenāti mahāvane bhikkhūnaṃ khantimettādiguṇānubhāvena nirāsaṅkacittā bahū migamorakukkuṭamakkaṭādayo tiracchānā padhānāgāraṭṭhānesu vicaranti. Tatra ekaṃ makkaṭiṃ āmisena yāgubhattakhajjakādinā upalāpetvā, saṅgaṇhitvāti vuttaṃ hoti. Tassāti bhummavacanaṃ. Paṭisevatīti pacurapaṭisevano hoti; pacuratthe hi vattamānavacanaṃ. So bhikkhūti so methunadhammapaṭisevanako bhikkhu. Senāsanacārikaṃ āhiṇḍantāti te bhikkhū āgantukā buddhadassanāya āgatā pātova āgantukabhattāni labhitvā katabhattakiccā bhikkhūnaṃ nivāsanaṭṭhānāni passissāmāti vicariṃsu. Tena vuttaṃ – ‘‘senāsanacārikaṃ āhiṇḍantā’’ti. Yena te bhikkhū tenupasaṅkamīti tiracchānagatā nāma ekabhikkhunā saddhiṃ vissāsaṃ katvā aññesupi tādisaññeva cittaṃ uppādenti. Tasmā sā makkaṭī yena te bhikkhū tenupasaṅkami; upasaṅkamitvā ca attano vissāsikabhikkhusseva tesampi taṃ vikāraṃ dassesi.

    чзббанд̇и нан̇г̇удтам̣. од̣д̣ийд̇и абхимукам̣ табзси. нимид̇д̇амби агаасийд̇и язна нияаамзна яааяа гирияааяа мзт̇унаад̇хиббааяам̣ д̇з ж̇аананд̇и д̇ам̣ агаасийд̇и ад̇т̇о . со бхигкууд̇и яассааяам̣ вихааро. згаманд̇ам̣ нилийяим̣сууд̇и згасмим̣ огаасз бадижчаннаа ажчим̣су.

    Cheppanti naṅguṭṭhaṃ. Oḍḍīti abhimukhaṃ ṭhapesi. Nimittampi akāsīti yena niyāmena yāya kiriyāya methunādhippāyaṃ te jānanti taṃ akāsīti attho . So bhikkhūti yassāyaṃ vihāro. Ekamantaṃ nilīyiṃsūti ekasmiṃ okāse paṭicchannā acchiṃsu.

    41. сажжам̣, аавусод̇и саход̣дхаг̇г̇ахид̇о жоро вияа бажжагкам̣ д̣̇исваа жод̣̇ид̇ад̇д̇аа ‘‘гим̣ ваа маяаа гад̇а’’нд̇иаад̣̇ийни вад̇д̇ум̣ асаггонд̇о ‘‘сажжам̣, аавусо’’д̇и ааха. нану, аавусо, д̇ат̇зва д̇ам̣ ход̇ийд̇и аавусо яат̇аа мануссид̇т̇ияаа, нану д̇иражчаанаг̇ад̇ид̇т̇ияааби д̇ам̣ сигкаабад̣̇ам̣ д̇ат̇зва ход̇и. мануссид̇т̇ияааби хи д̣̇ассанамби г̇ахан̣амби аамасанамби пусанамби гхадданамби д̣̇удтулламзва. д̇иражчаанаг̇ад̇ид̇т̇ияааби д̇ам̣ саб̣б̣ам̣ д̣̇удтулламзва. го зд̇т̇а висзсо? алзсадтаанз д̇вам̣ лзсам̣ од̣д̣зсийд̇и.

    41.Saccaṃ, āvusoti sahoḍḍhaggahito coro viya paccakkhaṃ disvā coditattā ‘‘kiṃ vā mayā kata’’ntiādīni vattuṃ asakkonto ‘‘saccaṃ, āvuso’’ti āha. Nanu, āvuso, tatheva taṃ hotīti āvuso yathā manussitthiyā, nanu tiracchānagatitthiyāpi taṃ sikkhāpadaṃ tatheva hoti. Manussitthiyāpi hi dassanampi gahaṇampi āmasanampi phusanampi ghaṭṭanampi duṭṭhullameva. Tiracchānagatitthiyāpi taṃ sabbaṃ duṭṭhullameva. Ko ettha viseso? Alesaṭṭhāne tvaṃ lesaṃ oḍḍesīti.

    42. анд̇амасо д̇иражчаанаг̇ад̇ааяаби баарааж̇иго ход̇и асам̣ваасод̇и д̇иражчаанаг̇ад̇ааяаби мзт̇унам̣ д̇хаммам̣ бадисзвид̇ваа баарааж̇иго язва ход̇ийд̇и д̣̇ал̣хад̇арам̣ сигкаабад̣̇амагааси. д̣̇увид̇хан̃хи сигкаабад̣̇ам̣ – логаваж̇ж̇ам̣, бан̣н̣ад̇д̇иваж̇ж̇ан̃жа. д̇ад̇т̇а яасса сажид̇д̇агабагкз жид̇д̇ам̣ агусаламзва ход̇и, д̇ам̣ логаваж̇ж̇ам̣ наама. сзсам̣ бан̣н̣ад̇д̇иваж̇ж̇ам̣. д̇ад̇т̇а логаваж̇ж̇з анубан̃н̃ад̇д̇и уббаж̇ж̇амаанаа рунд̇ханд̇ий д̣̇ваарам̣ бид̣̇аханд̇ий сод̇ам̣ бажчинд̣̇амаанаа г̇аал̣хад̇арам̣ гаронд̇ий уббаж̇ж̇ад̇и, ан̃н̃ад̇ра ад̇химаанаа, ан̃н̃ад̇ра субинанд̇аад̇и аяам̣ бана вийд̇иггамаабхааваа аб̣б̣охааригад̇д̇аа жа вуд̇д̇аа. бан̣н̣ад̇д̇иваж̇ж̇з агад̇з вийд̇иггамз уббаж̇ж̇амаанаа сит̇илам̣ гаронд̇ий можзнд̇ий д̣̇ваарам̣ д̣̇ад̣̇амаанаа абараабарамби анаабад̇д̇им̣ гурумаанаа уббаж̇ж̇ад̇и, г̇ан̣абхож̇анабарамбарабхож̇анаад̣̇ийсу анубан̃н̃ад̇д̇ияо вияа. ‘‘анд̇амасо д̇ан̇кан̣игааяабий’’д̇и зваруубаа бана гад̇з вийд̇иггамз уббаннад̇д̇аа бан̃н̃ад̇д̇иг̇ад̇игаава ход̇и. ид̣̇ам̣ бана батамасигкаабад̣̇ам̣ яасмаа логаваж̇ж̇ам̣, на бан̣н̣ад̇д̇иваж̇ж̇ам̣; д̇асмаа аяаманубан̃н̃ад̇д̇и рунд̇ханд̇ий д̣̇ваарам̣ бид̣̇аханд̇ий сод̇ам̣ бажчинд̣̇амаанаа г̇аал̣хад̇арам̣ гаронд̇ий уббаж̇ж̇и.

    42.Antamaso tiracchānagatāyapi pārājiko hoti asaṃvāsoti tiracchānagatāyapi methunaṃ dhammaṃ paṭisevitvā pārājiko yeva hotīti daḷhataraṃ sikkhāpadamakāsi. Duvidhañhi sikkhāpadaṃ – lokavajjaṃ, paṇṇattivajjañca. Tattha yassa sacittakapakkhe cittaṃ akusalameva hoti, taṃ lokavajjaṃ nāma. Sesaṃ paṇṇattivajjaṃ. Tattha lokavajje anupaññatti uppajjamānā rundhantī dvāraṃ pidahantī sotaṃ pacchindamānā gāḷhataraṃ karontī uppajjati, aññatra adhimānā, aññatra supinantāti ayaṃ pana vītikkamābhāvā abbohārikattā ca vuttā. Paṇṇattivajje akate vītikkame uppajjamānā sithilaṃ karontī mocentī dvāraṃ dadamānā aparāparampi anāpattiṃ kurumānā uppajjati, gaṇabhojanaparamparabhojanādīsu anupaññattiyo viya. ‘‘Antamaso taṅkhaṇikāyapī’’ti evarūpā pana kate vītikkame uppannattā paññattigatikāva hoti. Idaṃ pana paṭhamasikkhāpadaṃ yasmā lokavajjaṃ, na paṇṇattivajjaṃ; tasmā ayamanupaññatti rundhantī dvāraṃ pidahantī sotaṃ pacchindamānā gāḷhataraṃ karontī uppajji.

    звам̣ д̣̇взби вад̇т̇ууни самбин̣д̣зд̇ваа муулажчзж̇ж̇авасзна д̣̇ал̣хад̇арам̣ гад̇ваа батамабаарааж̇игз бан̃н̃ад̇д̇з абарамби анубан̃н̃ад̇д̇ад̇т̇ааяа важ̇ж̇ибуд̇д̇агавад̇т̇у уд̣̇абаад̣̇и. д̇ассуббад̇д̇ид̣̇ассанад̇т̇амзд̇ам̣ вуд̇д̇ам̣ – ‘‘зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇ий’’д̇и . д̇ассад̇т̇о – бхаг̇авад̇аа бхигкуунам̣ ид̣̇ам̣ сигкаабад̣̇ам̣ звам̣ бан̃н̃ад̇д̇ам̣ ход̇и жа ид̣̇ан̃жа ан̃н̃амби вад̇т̇у уд̣̇абаад̣̇ийд̇и.

    Evaṃ dvepi vatthūni sampiṇḍetvā mūlacchejjavasena daḷhataraṃ katvā paṭhamapārājike paññatte aparampi anupaññattatthāya vajjiputtakavatthu udapādi. Tassuppattidassanatthametaṃ vuttaṃ – ‘‘evañcidaṃ bhagavatā bhikkhūnaṃ sikkhāpadaṃ paññattaṃ hotī’’ti . Tassattho – bhagavatā bhikkhūnaṃ idaṃ sikkhāpadaṃ evaṃ paññattaṃ hoti ca idañca aññampi vatthu udapādīti.

    маггадийвад̇т̇угат̇аа нидтид̇аа.

    Makkaṭīvatthukathā niṭṭhitā.

    сант̇ад̇абхаан̣авааро

    Santhatabhāṇavāro

    важ̇ж̇ибуд̇д̇агавад̇т̇уван̣н̣анаа

    Vajjiputtakavatthuvaṇṇanā

    43-44. ид̣̇аани яам̣ д̇ам̣ ан̃н̃амби вад̇т̇у уббаннам̣, д̇ам̣ д̣̇ассзд̇ум̣ ‘‘д̇зна ко бана самаязнаа’’д̇иаад̣̇имааха. д̇ад̇рааби аяамануд̇д̇аанабад̣̇аван̣н̣анаа – взсаалигаад̇и взсааливаасино. важ̇ж̇ибуд̇д̇агаад̇и важ̇ж̇ирадтз взсаалияам̣ гулаанам̣ буд̇д̇аа. саасанз гира яо яо убад̣̇д̣̇аво аад̣̇ийнаво аб̣б̣уд̣̇амуббаж̇ж̇и, саб̣б̣ам̣ д̇ам̣ важ̇ж̇ибуд̇д̇агз ниссааяа. д̇ат̇аа хи д̣̇звад̣̇ад̇д̇оби важ̇ж̇ибуд̇д̇агз багкз лабхид̇ваа сан̇гхам̣ бхинд̣̇и. важ̇ж̇ибуд̇д̇агаа зва жа вассасад̇абариниб̣б̣уд̇з бхаг̇авад̇и уд̣̇д̇хаммам̣ уб̣б̣инаяам̣ сад̇т̇усаасанам̣ д̣̇ийбзсум̣. имзби д̇зсам̣ язва згажжз звам̣ бан̃н̃ад̇д̇зби сигкаабад̣̇з яаавад̣̇ад̇т̇ам̣ бхун̃ж̇им̣су…бз… мзт̇унам̣ д̇хаммам̣ бадисзвим̣сууд̇и.

    43-44. Idāni yaṃ taṃ aññampi vatthu uppannaṃ, taṃ dassetuṃ ‘‘tena kho pana samayenā’’tiādimāha. Tatrāpi ayamanuttānapadavaṇṇanā – vesālikāti vesālivāsino. Vajjiputtakāti vajjiraṭṭhe vesāliyaṃ kulānaṃ puttā. Sāsane kira yo yo upaddavo ādīnavo abbudamuppajji, sabbaṃ taṃ vajjiputtake nissāya. Tathā hi devadattopi vajjiputtake pakkhe labhitvā saṅghaṃ bhindi. Vajjiputtakā eva ca vassasataparinibbute bhagavati uddhammaṃ ubbinayaṃ satthusāsanaṃ dīpesuṃ. Imepi tesaṃ yeva ekacce evaṃ paññattepi sikkhāpade yāvadatthaṃ bhuñjiṃsu…pe… methunaṃ dhammaṃ paṭiseviṃsūti.

    н̃аад̇иб̣яасанзнабийд̇и зд̇т̇а асанам̣ б̣яасанам̣ вигкзбо вид̣̇д̇хам̣санам̣ винаасод̇и саб̣б̣амзд̇ам̣ згад̇т̇ам̣. н̃аад̇ийнам̣ б̣яасанам̣ н̃аад̇иб̣яасанам̣, д̇зна н̃аад̇иб̣яасанзна, рааж̇ад̣̇ан̣д̣аб̣яаад̇химаран̣авиббаваасанимид̇д̇зна н̃аад̇ивинаасзнаад̇и ад̇т̇о. зса наяо д̣̇уд̇ияабад̣̇зби. д̇ад̇ияабад̣̇з бана аарог̇яавинаасаго рог̇о зва рог̇аб̣яасанам̣. со хи аарог̇яам̣ б̣яасад̇и вигкибад̇и винаасзд̇ийд̇и б̣яасанам̣. рог̇ова б̣яасанам̣ рог̇аб̣яасанам̣, д̇зна рог̇аб̣яасанзна. пудтаад̇и ад̇хибаннаа абхибхууд̇аа саманнааг̇ад̇аад̇и ад̇т̇о.

    Ñātibyasanenapīti ettha asanaṃ byasanaṃ vikkhepo viddhaṃsanaṃ vināsoti sabbametaṃ ekatthaṃ. Ñātīnaṃ byasanaṃ ñātibyasanaṃ, tena ñātibyasanena, rājadaṇḍabyādhimaraṇavippavāsanimittena ñātivināsenāti attho. Esa nayo dutiyapadepi. Tatiyapade pana ārogyavināsako rogo eva rogabyasanaṃ. So hi ārogyaṃ byasati vikkhipati vināsetīti byasanaṃ. Rogova byasanaṃ rogabyasanaṃ, tena rogabyasanena. Phuṭṭhāti adhipannā abhibhūtā samannāgatāti attho.

    на маяам̣, бханд̇з аананд̣̇а, б̣уд̣̇д̇хаг̇арахинод̇и бханд̇з аананд̣̇а, маяам̣ на б̣уд̣̇д̇хам̣ г̇арахаама, на б̣уд̣̇д̇хасса д̣̇осам̣ д̣̇зма. на д̇хаммаг̇арахино, на сан̇гхаг̇арахино. ад̇д̇аг̇арахино маяанд̇и ад̇д̇аанамзва маяам̣ г̇арахаама, ад̇д̇ано д̣̇осам̣ д̣̇зма. алагкигаад̇и ниссиригаа. аббабун̃н̃аад̇и барид̇д̇абун̃н̃аа. вибассагаа гусалаанам̣ д̇хаммаананд̇и яз адтад̇им̣саарамман̣зсу вибхад̇д̇аа гусалаа д̇хаммаа, д̇зсам̣ вибассагаа; д̇ад̇о д̇ад̇о аарамман̣ад̇о вудтааяа д̇зва д̇хаммз вибассамаанаад̇и ад̇т̇о. буб̣б̣арад̇д̇аабарарад̇д̇анд̇и рад̇д̇ияаа буб̣б̣ам̣ буб̣б̣арад̇д̇ам̣, рад̇д̇ияаа абарам̣ абарарад̇д̇ам̣, батамаяааман̃жа бажчимаяааман̃жаад̇и вуд̇д̇ам̣ ход̇и. б̣од̇хибагкигаананд̇и б̣од̇хисса багкз бхаваанам̣, арахад̇д̇амаг̇г̇ан̃аан̣асса убагаарагаананд̇и ад̇т̇о. бхааванаануяог̇анд̇и вад̣дханаануяог̇ам̣. ануяуд̇д̇аа вихарзяяаамаад̇и г̇ихибалиб̣од̇хам̣ ааваасабалиб̣од̇хан̃жа бахааяа вивид̇д̇зсу сзнаасанзсу яуд̇д̇абаяуд̇д̇аа анан̃н̃агижжаа вихарзяяаама.

    Na mayaṃ, bhante ānanda, buddhagarahinoti bhante ānanda, mayaṃ na buddhaṃ garahāma, na buddhassa dosaṃ dema. Na dhammagarahino, na saṅghagarahino. Attagarahino mayanti attānameva mayaṃ garahāma, attano dosaṃ dema. Alakkhikāti nissirikā. Appapuññāti parittapuññā. Vipassakā kusalānaṃ dhammānanti ye aṭṭhatiṃsārammaṇesu vibhattā kusalā dhammā, tesaṃ vipassakā; tato tato ārammaṇato vuṭṭhāya teva dhamme vipassamānāti attho. Pubbarattāpararattanti rattiyā pubbaṃ pubbarattaṃ, rattiyā aparaṃ apararattaṃ, paṭhamayāmañca pacchimayāmañcāti vuttaṃ hoti. Bodhipakkhikānanti bodhissa pakkhe bhavānaṃ, arahattamaggañāṇassa upakārakānanti attho. Bhāvanānuyoganti vaḍḍhanānuyogaṃ. Anuyuttā vihareyyāmāti gihipalibodhaṃ āvāsapalibodhañca pahāya vivittesu senāsanesu yuttapayuttā anaññakiccā vihareyyāma.

    звамаавусод̇и т̇зро зд̇зсам̣ аасаяам̣ аж̇аананд̇о ид̣̇ам̣ нзсам̣ махааг̇аж̇ж̇ид̇ам̣ суд̇ваа ‘‘сажз имз ийд̣̇исаа бхависсанд̇и, саад̇хуу’’д̇и ман̃н̃амаано ‘‘звамаавусо’’д̇и самбадижчи. адтаанамзд̇ам̣ анавагаасод̇и убхаяамбзд̇ам̣ гааран̣абадигкзбаважанам̣. гааран̣ан̃хи яасмаа д̇ад̇т̇а д̇ад̣̇ааяад̇д̇авуд̇д̇ибхаавзна палам̣ д̇идтад̇и. яасмаа жасса д̇ам̣ огаасо ход̇и д̇ад̣̇ааяад̇д̇авуд̇д̇ибхаавзна, д̇асмаа ‘‘таанан̃жа авагаасо жаа’’д̇и вужжад̇и, д̇ам̣ бадигкибанд̇о ааха – ‘‘адтаанамзд̇ам̣, аананд̣̇а , анавагаасо’’д̇и. зд̇ам̣ таанам̣ ваа огаасо ваа над̇т̇и. яам̣ д̇ат̇ааг̇ад̇од̇и язна д̇ат̇ааг̇ад̇о важ̇ж̇ийнам̣ ваа…бз… самууханзяяа, д̇ам̣ гааран̣ам̣ над̇т̇ийд̇и ад̇т̇о. яад̣̇и хи бхаг̇аваа зд̇зсам̣ ‘‘лабхзяяаама убасамбад̣̇а’’нд̇и яаажанд̇аанам̣ убасамбад̣̇ам̣ д̣̇ад̣̇зяяа, звам̣ санд̇з ‘‘баарааж̇иго ход̇и асам̣ваасо’’д̇и бан̃н̃ад̇д̇ам̣ самууханзяяа. яасмаа банзд̇ам̣ на самууханад̇и, д̇асмаа ‘‘адтаанамзд̇а’’нд̇иаад̣̇имааха.

    Evamāvusoti thero etesaṃ āsayaṃ ajānanto idaṃ nesaṃ mahāgajjitaṃ sutvā ‘‘sace ime īdisā bhavissanti, sādhū’’ti maññamāno ‘‘evamāvuso’’ti sampaṭicchi. Aṭṭhānametaṃ anavakāsoti ubhayampetaṃ kāraṇapaṭikkhepavacanaṃ. Kāraṇañhi yasmā tattha tadāyattavuttibhāvena phalaṃ tiṭṭhati. Yasmā cassa taṃ okāso hoti tadāyattavuttibhāvena, tasmā ‘‘ṭhānañca avakāso cā’’ti vuccati, taṃ paṭikkhipanto āha – ‘‘aṭṭhānametaṃ, ānanda , anavakāso’’ti. Etaṃ ṭhānaṃ vā okāso vā natthi. Yaṃ tathāgatoti yena tathāgato vajjīnaṃ vā…pe… samūhaneyya, taṃ kāraṇaṃ natthīti attho. Yadi hi bhagavā etesaṃ ‘‘labheyyāma upasampada’’nti yācantānaṃ upasampadaṃ dadeyya, evaṃ sante ‘‘pārājiko hoti asaṃvāso’’ti paññattaṃ samūhaneyya. Yasmā panetaṃ na samūhanati, tasmā ‘‘aṭṭhānameta’’ntiādimāha.

    со ааг̇ад̇о на убасамбаад̣̇зд̇аб̣б̣од̇и ‘‘яад̣̇и хи звам̣ ааг̇ад̇о убасамбад̣̇ам̣ лабхзяяа, саасанз аг̇аараво бхавзяяа. сааман̣зрабхуумияам̣ бана тид̇о саг̇аараво жа бхависсад̇и, ад̇д̇ад̇т̇ан̃жа гариссад̇ий’’д̇и н̃ад̇ваа анугамбамаано бхаг̇аваа ааха – ‘‘со ааг̇ад̇о на убасамбаад̣̇зд̇аб̣б̣о’’д̇и. со ааг̇ад̇о убасамбаад̣̇зд̇аб̣б̣од̇и звам̣ ааг̇ад̇о бхигкубхаавз тад̇ваа авибаннасийлад̇ааяа саасанз саг̇аараво бхависсад̇и, со сад̇и убаниссаяз нажирассзва уд̇д̇амад̇т̇ам̣ баабун̣иссад̇ийд̇и н̃ад̇ваа убасамбаад̣̇зд̇аб̣б̣од̇и ааха.

    So āgato na upasampādetabboti ‘‘yadi hi evaṃ āgato upasampadaṃ labheyya, sāsane agāravo bhaveyya. Sāmaṇerabhūmiyaṃ pana ṭhito sagāravo ca bhavissati, attatthañca karissatī’’ti ñatvā anukampamāno bhagavā āha – ‘‘so āgato na upasampādetabbo’’ti. So āgato upasampādetabboti evaṃ āgato bhikkhubhāve ṭhatvā avipannasīlatāya sāsane sagāravo bhavissati, so sati upanissaye nacirasseva uttamatthaṃ pāpuṇissatīti ñatvā upasampādetabboti āha.

    звам̣ мзт̇унам̣ д̇хаммам̣ бадисзвид̇ваа ааг̇ад̇зсу анубасамбаад̣̇зд̇аб̣б̣ан̃жа убасамбаад̣̇зд̇аб̣б̣ан̃жа д̣̇ассзд̇ваа д̇ийн̣иби вад̇т̇ууни самод̇хаанзд̇ваа барибун̣н̣ам̣ гад̇ваа сигкаабад̣̇ам̣ бан̃н̃абзд̇угаамо ‘‘зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇аа’’д̇и вад̇ваа ‘‘яо бана бхигку…бз… асам̣ваасо’’д̇и барибун̣н̣ам̣ сигкаабад̣̇ам̣ бан̃н̃абзси.

    Evaṃ methunaṃ dhammaṃ paṭisevitvā āgatesu anupasampādetabbañca upasampādetabbañca dassetvā tīṇipi vatthūni samodhānetvā paripuṇṇaṃ katvā sikkhāpadaṃ paññapetukāmo ‘‘evañca pana, bhikkhave, imaṃ sikkhāpadaṃ uddiseyyāthā’’ti vatvā ‘‘yo pana bhikkhu…pe… asaṃvāso’’ti paripuṇṇaṃ sikkhāpadaṃ paññapesi.

    важ̇ж̇ибуд̇д̇агавад̇т̇уван̣н̣анаа нидтид̇аа.

    Vajjiputtakavatthuvaṇṇanā niṭṭhitā.

    жад̇уб̣б̣ид̇хавинаяагат̇аа

    Catubbidhavinayakathā

    45. ид̣̇аанисса ад̇т̇ам̣ вибхаж̇анд̇о ‘‘яо банаад̇и, яо яаад̣̇исо’’д̇иаад̣̇имааха. д̇асмим̣ бана сигкаабад̣̇з жа сигкаабад̣̇авибхан̇г̇з жа сагалз жа винаяавинижчаяз госаллам̣ бад̇т̇аяанд̇зна жад̇уб̣б̣ид̇хо винаяо ж̇аанид̇аб̣б̣о –

    45. Idānissa atthaṃ vibhajanto ‘‘yo panāti, yo yādiso’’tiādimāha. Tasmiṃ pana sikkhāpade ca sikkhāpadavibhaṅge ca sakale ca vinayavinicchaye kosallaṃ patthayantena catubbidho vinayo jānitabbo –

    жад̇уб̣б̣ид̇хан̃хи винаяам̣, махаат̇зраа махид̣̇д̇хигаа;

    Catubbidhañhi vinayaṃ, mahātherā mahiddhikā;

    нийхарид̇ваа багаасзсум̣, д̇хаммасан̇г̇аахагаа бураа.

    Nīharitvā pakāsesuṃ, dhammasaṅgāhakā purā.

    гад̇амам̣ жад̇уб̣б̣ид̇хам̣? суд̇д̇ам̣, суд̇д̇аануломам̣, аажарияаваад̣̇ам̣, ад̇д̇аномад̇инд̇и. яам̣ санд̇хааяа вуд̇д̇ам̣ – ‘‘аахажжабад̣̇зна расзна аажарияавам̣сзна ад̇хиббааяаа’’д̇и, зд̇т̇а хи аахажжабад̣̇анд̇и суд̇д̇ам̣ ад̇хиббзд̇ам̣, расод̇и суд̇д̇аануломам̣, аажарияавам̣сод̇и аажарияаваад̣̇о, ад̇хиббааяод̇и ад̇д̇аномад̇и.

    Katamaṃ catubbidhaṃ? Suttaṃ, suttānulomaṃ, ācariyavādaṃ, attanomatinti. Yaṃ sandhāya vuttaṃ – ‘‘āhaccapadena rasena ācariyavaṃsena adhippāyā’’ti, ettha hi āhaccapadanti suttaṃ adhippetaṃ, rasoti suttānulomaṃ, ācariyavaṃsoti ācariyavādo, adhippāyoti attanomati.

    д̇ад̇т̇а суд̇д̇ам̣наама сагалз винаяабидагз баал̣и.

    Tattha suttaṃnāma sakale vinayapiṭake pāḷi.

    суд̇д̇аануломам̣ наама жад̇д̇ааро махаабад̣̇зсаа; яз бхаг̇авад̇аа звам̣ вуд̇д̇аа – ‘‘яам̣, бхигкавз , маяаа ‘ид̣̇ам̣ на габбад̇ий’д̇и аббадигкид̇д̇ам̣, д̇ам̣ жз агаббияам̣ ануломзд̇и; габбияам̣ бадиб̣аахад̇и, д̇ам̣ во на габбад̇и. яам̣, бхигкавз, маяаа ‘ид̣̇ам̣ на габбад̇ий’д̇и аббадигкид̇д̇ам̣, д̇ам̣ жз габбияам̣ ануломзд̇и; агаббияам̣ бадиб̣аахад̇и, д̇ам̣ во габбад̇и. яам̣, бхигкавз , маяаа ‘ид̣̇ам̣ габбад̇ий’д̇и ананун̃н̃аад̇ам̣, д̇ам̣ жз агаббияам̣ ануломзд̇и, габбияам̣ бадиб̣аахад̇и; д̇ам̣ во на габбад̇и. яам̣, бхигкавз, маяаа ‘ид̣̇ам̣ габбад̇ий’д̇и ананун̃н̃аад̇ам̣, д̇ам̣ жз габбияам̣ ануломзд̇и, агаббияам̣ бадиб̣аахад̇и; д̇ам̣ во габбад̇ий’’д̇и (махаава. 305).

    Suttānulomaṃ nāma cattāro mahāpadesā; ye bhagavatā evaṃ vuttā – ‘‘yaṃ, bhikkhave , mayā ‘idaṃ na kappatī’ti appaṭikkhittaṃ, taṃ ce akappiyaṃ anulometi; kappiyaṃ paṭibāhati, taṃ vo na kappati. Yaṃ, bhikkhave, mayā ‘idaṃ na kappatī’ti appaṭikkhittaṃ, taṃ ce kappiyaṃ anulometi; akappiyaṃ paṭibāhati, taṃ vo kappati. Yaṃ, bhikkhave , mayā ‘idaṃ kappatī’ti ananuññātaṃ, taṃ ce akappiyaṃ anulometi, kappiyaṃ paṭibāhati; taṃ vo na kappati. Yaṃ, bhikkhave, mayā ‘idaṃ kappatī’ti ananuññātaṃ, taṃ ce kappiyaṃ anulometi, akappiyaṃ paṭibāhati; taṃ vo kappatī’’ti (mahāva. 305).

    аажарияаваад̣̇о наама д̇хаммасан̇г̇аахагзхи бан̃жахи араханд̇асад̇зхи табид̇аа баал̣ивинимуд̇д̇аа огганд̇авинижчаяаббавад̇д̇аа адтагат̇аад̇анд̇и.

    Ācariyavādo nāma dhammasaṅgāhakehi pañcahi arahantasatehi ṭhapitā pāḷivinimuttā okkantavinicchayappavattā aṭṭhakathātanti.

    ад̇д̇аномад̇и наама суд̇д̇а-суд̇д̇аанулома-аажарияаваад̣̇з мун̃жид̇ваа анумаанзна ад̇д̇ано ануб̣уд̣̇д̇хияаа наяаг̇г̇аахзна убадтид̇аагаарагат̇анам̣.

    Attanomati nāma sutta-suttānuloma-ācariyavāde muñcitvā anumānena attano anubuddhiyā nayaggāhena upaṭṭhitākārakathanaṃ.

    абижа суд̇д̇анд̇аабхид̇хаммавинаяадтагат̇аасу ааг̇ад̇о саб̣б̣оби т̇зраваад̣̇о ‘‘ад̇д̇аномад̇и’’ наама. д̇ам̣ бана ад̇д̇аномад̇им̣ г̇ахзд̇ваа гат̇знд̇зна на д̣̇ал̣хаг̇г̇аахам̣ г̇ахзд̇ваа вохарид̇аб̣б̣ам̣. гааран̣ам̣ саллагкзд̇ваа ад̇т̇зна баал̣им̣, баал̣ияаа жа ад̇т̇ам̣ сам̣санд̣̇ид̇ваа гат̇зд̇аб̣б̣ам̣. ад̇д̇аномад̇и аажарияаваад̣̇з од̇аарзд̇аб̣б̣аа. сажз д̇ад̇т̇а од̇арад̇и жзва самзд̇и жа, г̇ахзд̇аб̣б̣аа. сажз нзва од̇арад̇и на самзд̇и, на г̇ахзд̇аб̣б̣аа. аяан̃хи ад̇д̇аномад̇и наама саб̣б̣ад̣̇уб̣б̣алаа. ад̇д̇аномад̇ид̇о аажарияаваад̣̇о б̣алавад̇аро.

    Apica suttantābhidhammavinayaṭṭhakathāsu āgato sabbopi theravādo ‘‘attanomati’’ nāma. Taṃ pana attanomatiṃ gahetvā kathentena na daḷhaggāhaṃ gahetvā voharitabbaṃ. Kāraṇaṃ sallakkhetvā atthena pāḷiṃ, pāḷiyā ca atthaṃ saṃsanditvā kathetabbaṃ. Attanomati ācariyavāde otāretabbā. Sace tattha otarati ceva sameti ca, gahetabbā. Sace neva otarati na sameti, na gahetabbā. Ayañhi attanomati nāma sabbadubbalā. Attanomatito ācariyavādo balavataro.

    аажарияаваад̣̇оби суд̇д̇аануломз од̇аарзд̇аб̣б̣о. д̇ад̇т̇а од̇аранд̇о самзнд̇оязва г̇ахзд̇аб̣б̣о, ид̇аро на г̇ахзд̇аб̣б̣о. аажарияаваад̣̇ад̇о хи суд̇д̇аануломам̣ б̣алавад̇арам̣.

    Ācariyavādopi suttānulome otāretabbo. Tattha otaranto samentoyeva gahetabbo, itaro na gahetabbo. Ācariyavādato hi suttānulomaṃ balavataraṃ.

    суд̇д̇аануломамби суд̇д̇з од̇аарзд̇аб̣б̣ам̣. д̇ад̇т̇а од̇аранд̇ам̣ самзнд̇амзва г̇ахзд̇аб̣б̣ам̣, ид̇арам̣ на г̇ахзд̇аб̣б̣ам̣. суд̇д̇аануломад̇о хи суд̇д̇амзва б̣алавад̇арам̣. суд̇д̇ан̃хи аббадивад̇д̇ияам̣ гаарагасан̇гхасад̣̇исам̣ б̣уд̣̇д̇хаанам̣ тид̇агааласад̣̇исам̣. д̇асмаа яад̣̇аа д̣̇вз бхигкуу саагажчанд̇и, сагаваад̣̇ий суд̇д̇ам̣ г̇ахзд̇ваа гат̇зд̇и, бараваад̣̇ий суд̇д̇аануломам̣. д̇зхи ан̃н̃аман̃н̃ам̣ кзбам̣ ваа г̇арахам̣ ваа агад̇ваа суд̇д̇аануломам̣ суд̇д̇з од̇аарзд̇аб̣б̣ам̣. сажз од̇арад̇и самзд̇и, г̇ахзд̇аб̣б̣ам̣. но жз, на г̇ахзд̇аб̣б̣ам̣; суд̇д̇асмим̣язва таад̇аб̣б̣ам̣. ат̇ааяам̣ суд̇д̇ам̣ г̇ахзд̇ваа гат̇зд̇и, баро аажарияаваад̣̇ам̣. д̇зхиби ан̃н̃аман̃н̃ам̣ кзбам̣ ваа г̇арахам̣ ваа агад̇ваа аажарияаваад̣̇о суд̇д̇з од̇аарзд̇аб̣б̣о. сажз од̇арад̇и самзд̇и, г̇ахзд̇аб̣б̣о. анод̇аранд̇о асамзнд̇о жа г̇аараяхаажарияаваад̣̇о на г̇ахзд̇аб̣б̣о; суд̇д̇асмим̣язва таад̇аб̣б̣ам̣.

    Suttānulomampi sutte otāretabbaṃ. Tattha otarantaṃ samentameva gahetabbaṃ, itaraṃ na gahetabbaṃ. Suttānulomato hi suttameva balavataraṃ. Suttañhi appaṭivattiyaṃ kārakasaṅghasadisaṃ buddhānaṃ ṭhitakālasadisaṃ. Tasmā yadā dve bhikkhū sākacchanti, sakavādī suttaṃ gahetvā katheti, paravādī suttānulomaṃ. Tehi aññamaññaṃ khepaṃ vā garahaṃ vā akatvā suttānulomaṃ sutte otāretabbaṃ. Sace otarati sameti, gahetabbaṃ. No ce, na gahetabbaṃ; suttasmiṃyeva ṭhātabbaṃ. Athāyaṃ suttaṃ gahetvā katheti, paro ācariyavādaṃ. Tehipi aññamaññaṃ khepaṃ vā garahaṃ vā akatvā ācariyavādo sutte otāretabbo. Sace otarati sameti, gahetabbo. Anotaranto asamento ca gārayhācariyavādo na gahetabbo; suttasmiṃyeva ṭhātabbaṃ.

    ат̇ааяам̣ суд̇д̇ам̣ г̇ахзд̇ваа гат̇зд̇и, баро ад̇д̇аномад̇им̣. д̇зхиби ан̃н̃аман̃н̃ам̣ кзбам̣ ваа г̇арахам̣ ваа агад̇ваа ад̇д̇аномад̇и суд̇д̇з од̇аарзд̇аб̣б̣аа. сажз од̇арад̇и самзд̇и, г̇ахзд̇аб̣б̣аа. но жз, на г̇ахзд̇аб̣б̣аа. суд̇д̇асмим̣ язва таад̇аб̣б̣ам̣.

    Athāyaṃ suttaṃ gahetvā katheti, paro attanomatiṃ. Tehipi aññamaññaṃ khepaṃ vā garahaṃ vā akatvā attanomati sutte otāretabbā. Sace otarati sameti, gahetabbā. No ce, na gahetabbā. Suttasmiṃ yeva ṭhātabbaṃ.

    ат̇а банааяам̣ суд̇д̇аануломам̣ г̇ахзд̇ваа гат̇зд̇и, баро суд̇д̇ам̣. суд̇д̇ам̣ суд̇д̇аануломз од̇аарзд̇аб̣б̣ам̣. сажз од̇арад̇и самзд̇и, д̇иссо сан̇г̇ийд̇ияо ааруул̣хам̣ баал̣иааг̇ад̇ам̣ бан̃н̃ааяад̇и, г̇ахзд̇аб̣б̣ам̣. но жз д̇ат̇аа бан̃н̃ааяад̇и на од̇арад̇и на самзд̇и, б̣аахирагасуд̇д̇ам̣ ваа ход̇и силого ваа ан̃н̃ам̣ ваа г̇аараяхасуд̇д̇ам̣ г̇ул̣хавзссанд̇араг̇ул̣хавинаяавзд̣̇аллаад̣̇ийнам̣ ан̃н̃ад̇арад̇о ааг̇ад̇ам̣, на г̇ахзд̇аб̣б̣ам̣. суд̇д̇аануломасмим̣язва таад̇аб̣б̣ам̣.

    Atha panāyaṃ suttānulomaṃ gahetvā katheti, paro suttaṃ. Suttaṃ suttānulome otāretabbaṃ. Sace otarati sameti, tisso saṅgītiyo ārūḷhaṃ pāḷiāgataṃ paññāyati, gahetabbaṃ. No ce tathā paññāyati na otarati na sameti, bāhirakasuttaṃ vā hoti siloko vā aññaṃ vā gārayhasuttaṃ guḷhavessantaraguḷhavinayavedallādīnaṃ aññatarato āgataṃ, na gahetabbaṃ. Suttānulomasmiṃyeva ṭhātabbaṃ.

    ат̇ааяам̣ суд̇д̇аануломам̣ г̇ахзд̇ваа гат̇зд̇и, баро аажарияаваад̣̇ам̣. аажарияаваад̣̇о суд̇д̇аануломз од̇аарзд̇аб̣б̣о. сажз од̇арад̇и самзд̇и, г̇ахзд̇аб̣б̣о. но жз, на г̇ахзд̇аб̣б̣о. суд̇д̇аануломзязва таад̇аб̣б̣ам̣.

    Athāyaṃ suttānulomaṃ gahetvā katheti, paro ācariyavādaṃ. Ācariyavādo suttānulome otāretabbo. Sace otarati sameti, gahetabbo. No ce, na gahetabbo. Suttānulomeyeva ṭhātabbaṃ.

    ат̇ааяам̣ суд̇д̇аануломам̣ г̇ахзд̇ваа гат̇зд̇и, баро ад̇д̇аномад̇им̣. ад̇д̇аномад̇и суд̇д̇аануломз од̇аарзд̇аб̣б̣аа. сажз од̇арад̇и самзд̇и, г̇ахзд̇аб̣б̣аа. но жз, на г̇ахзд̇аб̣б̣аа. суд̇д̇аануломзязва таад̇аб̣б̣ам̣.

    Athāyaṃ suttānulomaṃ gahetvā katheti, paro attanomatiṃ. Attanomati suttānulome otāretabbā. Sace otarati sameti, gahetabbā. No ce, na gahetabbā. Suttānulomeyeva ṭhātabbaṃ.

    ат̇а банааяам̣ аажарияаваад̣̇ам̣ г̇ахзд̇ваа гат̇зд̇и, баро суд̇д̇ам̣. суд̇д̇ам̣ аажарияаваад̣̇з од̇аарзд̇аб̣б̣ам̣. сажз од̇арад̇и самзд̇и, г̇ахзд̇аб̣б̣ам̣. ид̇арам̣ г̇аараяхасуд̇д̇ам̣ на г̇ахзд̇аб̣б̣ам̣. аажарияаваад̣̇зязва таад̇аб̣б̣ам̣.

    Atha panāyaṃ ācariyavādaṃ gahetvā katheti, paro suttaṃ. Suttaṃ ācariyavāde otāretabbaṃ. Sace otarati sameti, gahetabbaṃ. Itaraṃ gārayhasuttaṃ na gahetabbaṃ. Ācariyavādeyeva ṭhātabbaṃ.

    ат̇ааяам̣ аажарияаваад̣̇ам̣ г̇ахзд̇ваа гат̇зд̇и, баро суд̇д̇аануломам̣. суд̇д̇аануломам̣ аажарияаваад̣̇з од̇аарзд̇аб̣б̣ам̣. од̇аранд̇ам̣ самзнд̇амзва г̇ахзд̇аб̣б̣ам̣, ид̇арам̣ на г̇ахзд̇аб̣б̣ам̣. аажарияаваад̣̇зязва таад̇аб̣б̣ам̣.

    Athāyaṃ ācariyavādaṃ gahetvā katheti, paro suttānulomaṃ. Suttānulomaṃ ācariyavāde otāretabbaṃ. Otarantaṃ samentameva gahetabbaṃ, itaraṃ na gahetabbaṃ. Ācariyavādeyeva ṭhātabbaṃ.

    ат̇ааяам̣ аажарияаваад̣̇ам̣ г̇ахзд̇ваа гат̇зд̇и, баро ад̇д̇аномад̇им̣. ад̇д̇аномад̇и аажарияаваад̣̇з од̇аарзд̇аб̣б̣аа. сажз од̇арад̇и самзд̇и, г̇ахзд̇аб̣б̣аа. но жз, на г̇ахзд̇аб̣б̣аа. аажарияаваад̣̇зязва таад̇аб̣б̣ам̣.

    Athāyaṃ ācariyavādaṃ gahetvā katheti, paro attanomatiṃ. Attanomati ācariyavāde otāretabbā. Sace otarati sameti, gahetabbā. No ce, na gahetabbā. Ācariyavādeyeva ṭhātabbaṃ.

    ат̇а банааяам̣ ад̇д̇аномад̇им̣ г̇ахзд̇ваа гат̇зд̇и, баро суд̇д̇ам̣. суд̇д̇ам̣ ад̇д̇аномад̇ияам̣ од̇аарзд̇аб̣б̣ам̣. сажз од̇арад̇и самзд̇и, г̇ахзд̇аб̣б̣ам̣. ид̇арам̣ г̇аараяхасуд̇д̇ам̣ на г̇ахзд̇аб̣б̣ам̣. ад̇д̇аномад̇ияамзва таад̇аб̣б̣ам̣.

    Atha panāyaṃ attanomatiṃ gahetvā katheti, paro suttaṃ. Suttaṃ attanomatiyaṃ otāretabbaṃ. Sace otarati sameti, gahetabbaṃ. Itaraṃ gārayhasuttaṃ na gahetabbaṃ. Attanomatiyameva ṭhātabbaṃ.

    ат̇ааяам̣ ад̇д̇аномад̇им̣ г̇ахзд̇ваа гат̇зд̇и, баро суд̇д̇аануломам̣. суд̇д̇аануломам̣ ад̇д̇аномад̇ияам̣ од̇аарзд̇аб̣б̣ам̣. од̇аранд̇ам̣ самзнд̇амзва г̇ахзд̇аб̣б̣ам̣, ид̇арам̣ на г̇ахзд̇аб̣б̣ам̣. ад̇д̇аномад̇ияамзва таад̇аб̣б̣ам̣.

    Athāyaṃ attanomatiṃ gahetvā katheti, paro suttānulomaṃ. Suttānulomaṃ attanomatiyaṃ otāretabbaṃ. Otarantaṃ samentameva gahetabbaṃ, itaraṃ na gahetabbaṃ. Attanomatiyameva ṭhātabbaṃ.

    ат̇ааяам̣ ад̇д̇аномад̇им̣ г̇ахзд̇ваа гат̇зд̇и, баро аажарияаваад̣̇ам̣. аажарияаваад̣̇о ад̇д̇аномад̇ияам̣ од̇аарзд̇аб̣б̣о. сажз од̇арад̇и самзд̇и, г̇ахзд̇аб̣б̣о; ид̇аро г̇аараяхаажарияаваад̣̇о на г̇ахзд̇аб̣б̣о. ад̇д̇аномад̇ияамзва таад̇аб̣б̣ам̣. ад̇д̇ано г̇ахан̣амзва б̣алияам̣ гаад̇аб̣б̣ам̣. саб̣б̣адтаанзсу жа кзбо ваа г̇арахаа ваа на гаад̇аб̣б̣аад̇и.

    Athāyaṃ attanomatiṃ gahetvā katheti, paro ācariyavādaṃ. Ācariyavādo attanomatiyaṃ otāretabbo. Sace otarati sameti, gahetabbo; itaro gārayhācariyavādo na gahetabbo. Attanomatiyameva ṭhātabbaṃ. Attano gahaṇameva baliyaṃ kātabbaṃ. Sabbaṭṭhānesu ca khepo vā garahā vā na kātabbāti.

    ат̇а банааяам̣ ‘‘габбияа’’нд̇и г̇ахзд̇ваа гат̇зд̇и, баро ‘‘агаббияа’’нд̇и. суд̇д̇з жа суд̇д̇аануломз жа од̇аарзд̇аб̣б̣ам̣. сажз габбияам̣ ход̇и, габбияз таад̇аб̣б̣ам̣. сажз агаббияам̣, агаббияз таад̇аб̣б̣ам̣.

    Atha panāyaṃ ‘‘kappiya’’nti gahetvā katheti, paro ‘‘akappiya’’nti. Sutte ca suttānulome ca otāretabbaṃ. Sace kappiyaṃ hoti, kappiye ṭhātabbaṃ. Sace akappiyaṃ, akappiye ṭhātabbaṃ.

    ат̇ааяам̣ д̇асса габбияабхаавасаад̇хагам̣ суд̇д̇ад̇о б̣ахум̣ гааран̣ан̃жа винижчаяан̃жа д̣̇ассзд̇и, баро гааран̣ам̣ на винд̣̇ад̇и. габбиязва таад̇аб̣б̣ам̣. ат̇а баро д̇асса агаббияабхаавасаад̇хагам̣ суд̇д̇ад̇о б̣ахум̣ гааран̣ан̃жа винижчаяан̃жа д̣̇ассзд̇и, анзна ад̇д̇ано г̇ахан̣анд̇и гад̇ваа д̣̇ал̣хам̣ аад̣̇ааяа на таад̇аб̣б̣ам̣. ‘‘саад̇хуу’’д̇и самбадижчид̇ваа агаббиязва таад̇аб̣б̣ам̣. ат̇а д̣̇виннамби гааран̣ажчааяаа д̣̇иссад̇и, бадигкид̇д̇абхаавоязва саад̇ху, агаббияз таад̇аб̣б̣ам̣. винаяан̃хи бад̇ваа габбияаагаббияавижааран̣амааг̇амма рунд̇хид̇аб̣б̣ам̣, г̇аал̣хам̣ гад̇д̇аб̣б̣ам̣, сод̇ам̣ бажчинд̣̇ид̇аб̣б̣ам̣, г̇аругабхаавзязва таад̇аб̣б̣ам̣.

    Athāyaṃ tassa kappiyabhāvasādhakaṃ suttato bahuṃ kāraṇañca vinicchayañca dasseti, paro kāraṇaṃ na vindati. Kappiyeva ṭhātabbaṃ. Atha paro tassa akappiyabhāvasādhakaṃ suttato bahuṃ kāraṇañca vinicchayañca dasseti, anena attano gahaṇanti katvā daḷhaṃ ādāya na ṭhātabbaṃ. ‘‘Sādhū’’ti sampaṭicchitvā akappiyeva ṭhātabbaṃ. Atha dvinnampi kāraṇacchāyā dissati, paṭikkhittabhāvoyeva sādhu, akappiye ṭhātabbaṃ. Vinayañhi patvā kappiyākappiyavicāraṇamāgamma rundhitabbaṃ, gāḷhaṃ kattabbaṃ, sotaṃ pacchinditabbaṃ, garukabhāveyeva ṭhātabbaṃ.

    ат̇а банааяам̣ ‘‘агаббияа’’нд̇и г̇ахзд̇ваа гат̇зд̇и, баро ‘‘габбияа’’нд̇и. суд̇д̇з жа суд̇д̇аануломз жа од̇аарзд̇аб̣б̣ам̣. сажз габбияам̣ ход̇и, габбияз таад̇аб̣б̣ам̣. сажз агаббияам̣, агаббияз таад̇аб̣б̣ам̣.

    Atha panāyaṃ ‘‘akappiya’’nti gahetvā katheti, paro ‘‘kappiya’’nti. Sutte ca suttānulome ca otāretabbaṃ. Sace kappiyaṃ hoti, kappiye ṭhātabbaṃ. Sace akappiyaṃ, akappiye ṭhātabbaṃ.

    ат̇ааяам̣ б̣ахуухи суд̇д̇авинижчаяагааран̣зхи агаббияабхаавам̣ д̣̇ассзд̇и, баро гааран̣ам̣ на винд̣̇ад̇и, агаббияз таад̇аб̣б̣ам̣. ат̇а баро б̣ахуухи суд̇д̇авинижчаяагааран̣зхи габбияабхаавам̣ д̣̇ассзд̇и, аяам̣ гааран̣ам̣ на винд̣̇ад̇и, габбияз таад̇аб̣б̣ам̣. ат̇а д̣̇виннамби гааран̣ажчааяаа д̣̇иссад̇и, ад̇д̇ано г̇ахан̣ам̣ на виссаж̇ж̇зд̇аб̣б̣ам̣. яат̇аа жааяам̣ габбияаагаббияз агаббияагаббияз жа винижчаяо вуд̇д̇о; звам̣ анаабад̇д̇иаабад̇д̇иваад̣̇з аабад̇д̇аанаабад̇д̇иваад̣̇з жа, лахугаг̇аругаабад̇д̇иваад̣̇з г̇аругалахугаабад̇д̇иваад̣̇з жааби винижчаяо взд̣̇ид̇аб̣б̣о. наамамад̇д̇ам̣язва хи зд̇т̇а наанам̣, яож̇анаанаяз наанам̣ над̇т̇и, д̇асмаа на вид̇т̇аарид̇ам̣.

    Athāyaṃ bahūhi suttavinicchayakāraṇehi akappiyabhāvaṃ dasseti, paro kāraṇaṃ na vindati, akappiye ṭhātabbaṃ. Atha paro bahūhi suttavinicchayakāraṇehi kappiyabhāvaṃ dasseti, ayaṃ kāraṇaṃ na vindati, kappiye ṭhātabbaṃ. Atha dvinnampi kāraṇacchāyā dissati, attano gahaṇaṃ na vissajjetabbaṃ. Yathā cāyaṃ kappiyākappiye akappiyakappiye ca vinicchayo vutto; evaṃ anāpattiāpattivāde āpattānāpattivāde ca, lahukagarukāpattivāde garukalahukāpattivāde cāpi vinicchayo veditabbo. Nāmamattaṃyeva hi ettha nānaṃ, yojanānaye nānaṃ natthi, tasmā na vitthāritaṃ.

    звам̣ габбияаагаббияаад̣̇ивинижчаяз уббаннз яо суд̇д̇а-суд̇д̇аануломааажарияаваад̣̇аад̇д̇аномад̇ийсу ад̇ирзгагааран̣ам̣ лабхад̇и, д̇асса ваад̣̇з таад̇аб̣б̣ам̣. саб̣б̣асо бана гааран̣ам̣ винижчаяам̣ алабханд̇зна суд̇д̇ам̣ на ж̇ахид̇аб̣б̣ам̣, суд̇д̇асмим̣язва таад̇аб̣б̣анд̇и. звам̣ д̇асмим̣ сигкаабад̣̇з жа сигкаабад̣̇авибхан̇г̇з жа сагалз жа винаяавинижчаяз госаллам̣ бад̇т̇аяанд̇зна аяам̣ жад̇уб̣б̣ид̇хо винаяо ж̇аанид̇аб̣б̣о.

    Evaṃ kappiyākappiyādivinicchaye uppanne yo sutta-suttānulomaācariyavādaattanomatīsu atirekakāraṇaṃ labhati, tassa vāde ṭhātabbaṃ. Sabbaso pana kāraṇaṃ vinicchayaṃ alabhantena suttaṃ na jahitabbaṃ, suttasmiṃyeva ṭhātabbanti. Evaṃ tasmiṃ sikkhāpade ca sikkhāpadavibhaṅge ca sakale ca vinayavinicchaye kosallaṃ patthayantena ayaṃ catubbidho vinayo jānitabbo.

    иман̃жа бана жад̇уб̣б̣ид̇хам̣ винаяам̣ н̃ад̇вааби винаяад̇харзна буг̇г̇алзна д̇илагкан̣асаманнааг̇ад̇зна бхавид̇аб̣б̣ам̣. д̇ийн̣и хи винаяад̇харасса лагкан̣аани ижчид̇аб̣б̣аани. гад̇амаани д̇ийн̣и? ‘‘суд̇д̇ан̃жасса свааг̇ад̇ам̣ ход̇и суббавад̇д̇и сувинижчид̇ам̣ суд̇д̇ад̇о ануб̣яан̃ж̇анад̇о’’д̇и ид̣̇амзгам̣ лагкан̣ам̣. ‘‘винаяз ко бана тид̇о ход̇и асам̣хийро’’д̇и ид̣̇ам̣ д̣̇уд̇ияам̣. ‘‘аажарияабарамбараа ко банасса суг̇г̇ахид̇аа ход̇и суманасигад̇аа суубад̇хаарид̇аа’’д̇и ид̣̇ам̣ д̇ад̇ияам̣.

    Imañca pana catubbidhaṃ vinayaṃ ñatvāpi vinayadharena puggalena tilakkhaṇasamannāgatena bhavitabbaṃ. Tīṇi hi vinayadharassa lakkhaṇāni icchitabbāni. Katamāni tīṇi? ‘‘Suttañcassa svāgataṃ hoti suppavatti suvinicchitaṃ suttato anubyañjanato’’ti idamekaṃ lakkhaṇaṃ. ‘‘Vinaye kho pana ṭhito hoti asaṃhīro’’ti idaṃ dutiyaṃ. ‘‘Ācariyaparamparā kho panassa suggahitā hoti sumanasikatā sūpadhāritā’’ti idaṃ tatiyaṃ.

    д̇ад̇т̇а суд̇д̇ам̣ наама сагалам̣ винаяабидагам̣. д̇ан̃жасса свааг̇ад̇ам̣ ход̇ийд̇и судту ааг̇ад̇ам̣. суббавад̇д̇ийд̇и судту бавад̇д̇ам̣ баг̇ун̣ам̣ ваажуг̇г̇ад̇ам̣ сувинижчид̇ам̣. суд̇д̇ад̇о ануб̣яан̃ж̇анад̇од̇и баал̣ид̇о жа барибужчад̇о жа адтагат̇аад̇о жа сувинижчид̇ам̣ ход̇и, ган̇кажчзд̣̇ам̣ гад̇ваа уг̇г̇ахид̇ам̣.

    Tattha suttaṃ nāma sakalaṃ vinayapiṭakaṃ. Tañcassa svāgataṃ hotīti suṭṭhu āgataṃ. Suppavattīti suṭṭhu pavattaṃ paguṇaṃ vācuggataṃ suvinicchitaṃ. Suttato anubyañjanatoti pāḷito ca paripucchato ca aṭṭhakathāto ca suvinicchitaṃ hoti, kaṅkhacchedaṃ katvā uggahitaṃ.

    винаяз ко бана тид̇о ход̇ийд̇и винаяз лаж̇ж̇ийбхаавзна бад̇идтид̇о ход̇и. алаж̇ж̇ий хи б̣ахуссуд̇оби самаано лаабхаг̇аруд̇ааяа д̇анд̇им̣ висам̣ваад̣̇зд̇ваа уд̣̇д̇хаммам̣ уб̣б̣инаяам̣ сад̇т̇усаасанам̣ д̣̇ийбзд̇ваа саасанз маханд̇ам̣ убад̣̇д̣̇авам̣ гарод̇и. сан̇гхабхзд̣̇амби сан̇гхарааж̇имби уббаад̣̇зд̇и. лаж̇ж̇ий бана гуггужжаго сигкаагаамо ж̇ийвид̇ахзд̇уби д̇анд̇им̣ ависам̣ваад̣̇зд̇ваа д̇хаммамзва винаяамзва жа д̣̇ийбзд̇и, сад̇т̇усаасанам̣ г̇арум̣ гад̇ваа табзд̇и. д̇ат̇аа хи буб̣б̣з махаат̇зраа д̇игкад̇д̇ум̣ ваажам̣ нижчаарзсум̣ – ‘‘анааг̇ад̇з лаж̇ж̇ий рагкиссад̇и, лаж̇ж̇ий рагкиссад̇и, лаж̇ж̇ий рагкиссад̇ий’’д̇и. звам̣ яо лаж̇ж̇ий, со винаяам̣ авиж̇аханд̇о авоггаманд̇о лаж̇ж̇ийбхаавзна винаяз тид̇о ход̇и суббад̇идтид̇од̇и. асам̣хийрод̇и сам̣хийро наама яо баал̣ияам̣ ваа адтагат̇ааяам̣ ваа хздтад̇о ваа убарид̇о ваа бад̣̇абадибаадияаа ваа бужчияамаано вид̇т̇унад̇и вибпанд̣̇ад̇и санд̇идтид̇ум̣ на саггод̇и; яам̣ яам̣ барзна вужжад̇и д̇ам̣ д̇ам̣ ануж̇аанаад̇и; сагаваад̣̇ам̣ чад̣д̣зд̇ваа бараваад̣̇ам̣ г̇ан̣хаад̇и. яо бана баал̣ияам̣ ваа адтагат̇ааяа ваа хздтубариязна ваа бад̣̇абадибаадияаа ваа бужчияамаано на вид̇т̇унад̇и на вибпанд̣̇ад̇и, згзгаломам̣ сан̣д̣аасзна г̇ан̣ханд̇о вияа ‘‘звам̣ маяам̣ вад̣̇аама; звам̣ но аажарияаа вад̣̇анд̇ий’’д̇и виссаж̇ж̇зд̇и; яамхи баал̣и жа баал̣ивинижчаяо жа суван̣н̣абхааж̇анз багкид̇д̇асийхавасаа вияа баригкаяам̣ барияаад̣̇аанам̣ аг̇ажчанд̇о д̇идтад̇и, аяам̣ вужжад̇и ‘‘асам̣хийро’’д̇и.

    Vinaye kho pana ṭhito hotīti vinaye lajjībhāvena patiṭṭhito hoti. Alajjī hi bahussutopi samāno lābhagarutāya tantiṃ visaṃvādetvā uddhammaṃ ubbinayaṃ satthusāsanaṃ dīpetvā sāsane mahantaṃ upaddavaṃ karoti. Saṅghabhedampi saṅgharājimpi uppādeti. Lajjī pana kukkuccako sikkhākāmo jīvitahetupi tantiṃ avisaṃvādetvā dhammameva vinayameva ca dīpeti, satthusāsanaṃ garuṃ katvā ṭhapeti. Tathā hi pubbe mahātherā tikkhattuṃ vācaṃ nicchāresuṃ – ‘‘anāgate lajjī rakkhissati, lajjī rakkhissati, lajjī rakkhissatī’’ti. Evaṃ yo lajjī, so vinayaṃ avijahanto avokkamanto lajjībhāvena vinaye ṭhito hoti suppatiṭṭhitoti. Asaṃhīroti saṃhīro nāma yo pāḷiyaṃ vā aṭṭhakathāyaṃ vā heṭṭhato vā uparito vā padapaṭipāṭiyā vā pucchiyamāno vitthunati vipphandati santiṭṭhituṃ na sakkoti; yaṃ yaṃ parena vuccati taṃ taṃ anujānāti; sakavādaṃ chaḍḍetvā paravādaṃ gaṇhāti. Yo pana pāḷiyaṃ vā aṭṭhakathāya vā heṭṭhupariyena vā padapaṭipāṭiyā vā pucchiyamāno na vitthunati na vipphandati, ekekalomaṃ saṇḍāsena gaṇhanto viya ‘‘evaṃ mayaṃ vadāma; evaṃ no ācariyā vadantī’’ti vissajjeti; yamhi pāḷi ca pāḷivinicchayo ca suvaṇṇabhājane pakkhittasīhavasā viya parikkhayaṃ pariyādānaṃ agacchanto tiṭṭhati, ayaṃ vuccati ‘‘asaṃhīro’’ti.

    аажарияабарамбараа ко банасса суг̇г̇ахид̇аа ход̇ийд̇и т̇зрабарамбараа вам̣сабарамбараа жасса суу г̇ахид̇аа ход̇и. суманасигад̇аад̇и судту манасигад̇аа; ааваж̇ж̇ид̇амад̇д̇з уж̇ж̇алид̇абад̣̇ийбо вияа ход̇и. суубад̇хаарид̇аад̇и судту убад̇хаарид̇аа буб̣б̣аабараанусанд̇хид̇о ад̇т̇ад̇о гааран̣ад̇о жа убад̇хаарид̇аа; ад̇д̇ано мад̇им̣ бахааяа аажарияасуд̣̇д̇хияаа вад̇д̇аа ход̇и ‘‘маяхам̣ аажарияо асугаажарияасса санд̇игз уг̇г̇ан̣хи, со асугассаа’’д̇и звам̣ саб̣б̣ам̣ аажарияабарамбарам̣ т̇зраваад̣̇ан̇г̇ам̣ аахарид̇ваа яаава убаалид̇т̇зро саммаасамб̣уд̣̇д̇хасса санд̇игз уг̇г̇ан̣хийд̇и баабзд̇ваа табзд̇и. д̇ад̇оби аахарид̇ваа убаалид̇т̇зро саммаасамб̣уд̣̇д̇хасса санд̇игз уг̇г̇ан̣хи, д̣̇аасагад̇т̇зро ад̇д̇ано убаж̇жхааяасса убаалид̇т̇зрасса, сон̣агад̇т̇зро ад̇д̇ано убаж̇жхааяасса д̣̇аасагад̇т̇зрасса, сиг̇г̇авад̇т̇зро ад̇д̇ано убаж̇жхааяасса сон̣агад̇т̇зрасса, мог̇г̇алибуд̇д̇ад̇иссад̇т̇зро ад̇д̇ано убаж̇жхааяасса сиг̇г̇авад̇т̇зрасса жан̣д̣аваж̇ж̇ид̇т̇зрасса жаад̇и. звам̣ саб̣б̣ам̣ аажарияабарамбарам̣ т̇зраваад̣̇ан̇г̇ам̣ аахарид̇ваа ад̇д̇ано аажарияам̣ баабзд̇ваа табзд̇и. звам̣ уг̇г̇ахид̇аа хи аажарияабарамбараа суг̇г̇ахид̇аа ход̇и. звам̣ асаггонд̇зна бана авассам̣ д̣̇вз д̇аяо бариваддаа уг̇г̇ахзд̇аб̣б̣аа. саб̣б̣абажчимзна хи наязна яат̇аа аажарияо жа аажарияаажарияо жа баал̣ин̃жа барибужчан̃жа вад̣̇анд̇и, д̇ат̇аа н̃аад̇ум̣ ваддад̇и.

    Ācariyaparamparā kho panassa suggahitā hotīti theraparamparā vaṃsaparamparā cassa suu gahitā hoti. Sumanasikatāti suṭṭhu manasikatā; āvajjitamatte ujjalitapadīpo viya hoti. Sūpadhāritāti suṭṭhu upadhāritā pubbāparānusandhito atthato kāraṇato ca upadhāritā; attano matiṃ pahāya ācariyasuddhiyā vattā hoti ‘‘mayhaṃ ācariyo asukācariyassa santike uggaṇhi, so asukassā’’ti evaṃ sabbaṃ ācariyaparamparaṃ theravādaṅgaṃ āharitvā yāva upālitthero sammāsambuddhassa santike uggaṇhīti pāpetvā ṭhapeti. Tatopi āharitvā upālitthero sammāsambuddhassa santike uggaṇhi, dāsakatthero attano upajjhāyassa upālittherassa, soṇakatthero attano upajjhāyassa dāsakattherassa, siggavatthero attano upajjhāyassa soṇakattherassa, moggaliputtatissatthero attano upajjhāyassa siggavattherassa caṇḍavajjittherassa cāti. Evaṃ sabbaṃ ācariyaparamparaṃ theravādaṅgaṃ āharitvā attano ācariyaṃ pāpetvā ṭhapeti. Evaṃ uggahitā hi ācariyaparamparā suggahitā hoti. Evaṃ asakkontena pana avassaṃ dve tayo parivaṭṭā uggahetabbā. Sabbapacchimena hi nayena yathā ācariyo ca ācariyācariyo ca pāḷiñca paripucchañca vadanti, tathā ñātuṃ vaṭṭati.

    имзхи жа бана д̇ийхи лагкан̣зхи саманнааг̇ад̇зна винаяад̇харзна вад̇т̇увинижчаяад̇т̇ам̣ саннибад̇ид̇з сан̇гхз од̇ин̣н̣з вад̇т̇усмим̣ жод̣̇агзна жа жуд̣̇ид̇агзна жа вуд̇д̇з вад̇д̇аб̣б̣з сахасаа авинижчинид̇ваава ча таанаани ологзд̇аб̣б̣аани. гад̇амаани ча? вад̇т̇у ологзд̇аб̣б̣ам̣, маад̇игаа ологзд̇аб̣б̣аа, бад̣̇абхааж̇анийяам̣ ологзд̇аб̣б̣ам̣, д̇игабарижчзд̣̇о ологзд̇аб̣б̣о, анд̇араабад̇д̇и ологзд̇аб̣б̣аа, анаабад̇д̇и ологзд̇аб̣б̣аад̇и.

    Imehi ca pana tīhi lakkhaṇehi samannāgatena vinayadharena vatthuvinicchayatthaṃ sannipatite saṅghe otiṇṇe vatthusmiṃ codakena ca cuditakena ca vutte vattabbe sahasā avinicchinitvāva cha ṭhānāni oloketabbāni. Katamāni cha? Vatthu oloketabbaṃ, mātikā oloketabbā, padabhājanīyaṃ oloketabbaṃ, tikaparicchedo oloketabbo, antarāpatti oloketabbā, anāpatti oloketabbāti.

    вад̇т̇ум̣ ологзнд̇оби хи ‘‘д̇ин̣зна ваа бан̣н̣зна ваа бадижчаад̣̇зд̇ваа ааг̇анд̇аб̣б̣ам̣, на д̇взва наг̇г̇зна ааг̇анд̇аб̣б̣ам̣; яо ааг̇ажчзяяа, аабад̇д̇и д̣̇уггадассаа’’д̇и (баараа. 517) звам̣ згажжам̣ аабад̇д̇им̣ бассад̇и. со д̇ам̣ суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Vatthuṃ olokentopi hi ‘‘tiṇena vā paṇṇena vā paṭicchādetvā āgantabbaṃ, na tveva naggena āgantabbaṃ; yo āgaccheyya, āpatti dukkaṭassā’’ti (pārā. 517) evaṃ ekaccaṃ āpattiṃ passati. So taṃ suttaṃ ānetvā taṃ adhikaraṇaṃ vūpasamessati.

    маад̇игам̣ ологзнд̇оби ‘‘самбаж̇аанамусааваад̣̇з баажид̇д̇ияа’’нд̇иаад̣̇инаа (баажи. 2) наязна бан̃жаннам̣ аабад̇д̇ийнам̣ ан̃н̃ад̇арам̣ аабад̇д̇им̣ бассад̇и, со д̇ам̣ суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Mātikaṃ olokentopi ‘‘sampajānamusāvāde pācittiya’’ntiādinā (pāci. 2) nayena pañcannaṃ āpattīnaṃ aññataraṃ āpattiṃ passati, so taṃ suttaṃ ānetvā taṃ adhikaraṇaṃ vūpasamessati.

    бад̣̇абхааж̇анийяам̣ ологзнд̇оби ‘‘агкаяид̇з сарийрз мзт̇унам̣ д̇хаммам̣ бадисзвад̇и, аабад̇д̇и баарааж̇игасса. язбхуяязна каяид̇з сарийрз мзт̇унам̣ д̇хаммам̣ бадисзвад̇и, аабад̇д̇и т̇уллажжаяассаа’’д̇иаад̣̇инаа (баараа. 59 аад̣̇аяо, ад̇т̇ад̇о самаанам̣) наязна сад̇д̇аннам̣ аабад̇д̇ийнам̣ ан̃н̃ад̇арам̣ аабад̇д̇им̣ бассад̇и, со бад̣̇абхааж̇анийяад̇о суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Padabhājanīyaṃ olokentopi ‘‘akkhayite sarīre methunaṃ dhammaṃ paṭisevati, āpatti pārājikassa. Yebhuyyena khayite sarīre methunaṃ dhammaṃ paṭisevati, āpatti thullaccayassā’’tiādinā (pārā. 59 ādayo, atthato samānaṃ) nayena sattannaṃ āpattīnaṃ aññataraṃ āpattiṃ passati, so padabhājanīyato suttaṃ ānetvā taṃ adhikaraṇaṃ vūpasamessati.

    д̇игабарижчзд̣̇ам̣ ологзнд̇оби д̇игасан̇гхаад̣̇исзсам̣ ваа д̇игабаажид̇д̇ияам̣ ваа д̇игад̣̇уггадам̣ ваа ан̃н̃ад̇арам̣ ваа аабад̇д̇им̣ д̇игабарижчзд̣̇з бассад̇и, со д̇ад̇о суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Tikaparicchedaṃ olokentopi tikasaṅghādisesaṃ vā tikapācittiyaṃ vā tikadukkaṭaṃ vā aññataraṃ vā āpattiṃ tikaparicchede passati, so tato suttaṃ ānetvā taṃ adhikaraṇaṃ vūpasamessati.

    анд̇араабад̇д̇им̣ ологзнд̇оби ‘‘бадилаад̇ам̣ угкибад̇и, аабад̇д̇и д̣̇уггадассаа’’д̇и (баажи. 355) звам̣ яаа сигкаабад̣̇анд̇арзсу анд̇араабад̇д̇и ход̇и д̇ам̣ бассад̇и, со д̇ам̣ суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Antarāpattiṃ olokentopi ‘‘paṭilātaṃ ukkhipati, āpatti dukkaṭassā’’ti (pāci. 355) evaṃ yā sikkhāpadantaresu antarāpatti hoti taṃ passati, so taṃ suttaṃ ānetvā taṃ adhikaraṇaṃ vūpasamessati.

    анаабад̇д̇им̣ ологзнд̇оби ‘‘анаабад̇д̇и бхигку асаад̣̇ияанд̇асса, ат̇зяяажид̇д̇асса, на маран̣аад̇хиббааяасса, ануллабанаад̇хиббааяасса, на можанаад̇хиббааяасса, асан̃жижжа, ассад̇ияаа, аж̇аананд̇ассаа’’д̇и (баараа. 72 аад̣̇аяо) звам̣ д̇асмим̣ д̇асмим̣ сигкаабад̣̇з нид̣̇д̣̇идтам̣ анаабад̇д̇им̣ бассад̇и, со д̇ам̣ суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Anāpattiṃ olokentopi ‘‘anāpatti bhikkhu asādiyantassa, atheyyacittassa, na maraṇādhippāyassa, anullapanādhippāyassa, na mocanādhippāyassa, asañcicca, assatiyā, ajānantassā’’ti (pārā. 72 ādayo) evaṃ tasmiṃ tasmiṃ sikkhāpade niddiṭṭhaṃ anāpattiṃ passati, so taṃ suttaṃ ānetvā taṃ adhikaraṇaṃ vūpasamessati.

    яо хи бхигку жад̇уб̣б̣ид̇хавинаяаговид̣̇о д̇илагкан̣асамбанно имаани ча таанаани ологзд̇ваа ад̇хигаран̣ам̣ вуубасамзссад̇и, д̇асса винижчаяо аббадивад̇д̇ияо, б̣уд̣̇д̇хзна саяам̣ нисийд̣̇ид̇ваа винижчид̇асад̣̇исо ход̇и. д̇ам̣ жзвам̣ винижчаяагусалам̣ бхигкум̣ гожи гад̇асигкаабад̣̇авийд̇иггамо бхигку убасан̇гамид̇ваа ад̇д̇ано гуггужжам̣ бужчзяяа; д̇зна саад̇хугам̣ саллагкзд̇ваа сажз анаабад̇д̇и ход̇и, ‘‘анаабад̇д̇ий’’д̇и вад̇д̇аб̣б̣ам̣. сажз бана аабад̇д̇и ход̇и, ‘‘аабад̇д̇ий’’д̇и вад̇д̇аб̣б̣ам̣. саа д̣̇зсанааг̇ааминий жз, ‘‘д̣̇зсанааг̇ааминий’’д̇и вад̇д̇аб̣б̣ам̣. вудтаанаг̇ааминий жз, ‘‘вудтаанаг̇ааминий’’д̇и вад̇д̇аб̣б̣ам̣. ат̇асса баарааж̇игажчааяаа д̣̇иссад̇и, ‘‘баарааж̇игаабад̇д̇ий’’д̇и на д̇аава вад̇д̇аб̣б̣ам̣. гасмаа? мзт̇унад̇хаммавийд̇иггамо хи уд̇д̇аримануссад̇хаммавийд̇иггамо жа ол̣аариго. ад̣̇иннаад̣̇аанамануссавиг̇г̇ахавийд̇иггамаа бана сукумаа жид̇д̇алахугаа. д̇з сукумзнзва аабаж̇ж̇ад̇и , сукумзна рагкад̇и, д̇асмаа висзсзна д̇ам̣вад̇т̇угам̣ гуггужжам̣ бужчияамаано ‘‘аабад̇д̇ий’’д̇и авад̇ваа сажасса аажарияо д̇харад̇и, д̇ад̇о д̇зна со бхигку ‘‘амхаагам̣ аажарияам̣ бужчаа’’д̇и бзсзд̇аб̣б̣о. сажз со буна ааг̇анд̇ваа ‘‘д̇умхаагам̣ аажарияо суд̇д̇ад̇о наяад̇о ологзд̇ваа ‘сад̇згижчо’д̇и мам̣ аахаа’’д̇и вад̣̇ад̇и, д̇ад̇о анзна со ‘‘саад̇ху судту яам̣ аажарияо бхан̣ад̇и д̇ам̣ гарохий’’д̇и вад̇д̇аб̣б̣о. ат̇а банасса аажарияо над̇т̇и, сад̣̇д̇хим̣ уг̇г̇ахид̇ад̇т̇зро бана ад̇т̇и, д̇асса санд̇игам̣ бзсзд̇аб̣б̣о – ‘‘амхзхи саха уг̇г̇ахид̇ад̇т̇зро г̇ан̣абаамогко, д̇ам̣ г̇анд̇ваа бужчаа’’д̇и. д̇знааби ‘‘сад̇згижчо’’д̇и винижчид̇з ‘‘саад̇ху судту д̇асса важанам̣ гарохий’’д̇и вад̇д̇аб̣б̣о. ат̇а сад̣̇д̇хим̣ уг̇г̇ахид̇ад̇т̇зроби над̇т̇и, анд̇зваасиго бан̣д̣ид̇о ад̇т̇и, д̇асса санд̇игам̣ бзсзд̇аб̣б̣о – ‘‘асугад̣̇ахарам̣ г̇анд̇ваа бужчаа’’д̇и. д̇знааби ‘‘сад̇згижчо’’д̇и винижчид̇з ‘‘саад̇ху судту д̇асса важанам̣ гарохий’’д̇и вад̇д̇аб̣б̣о. ат̇а д̣̇ахарассааби баарааж̇игажчааяаава убадтаад̇и, д̇знааби ‘‘баарааж̇игосий’’д̇и на вад̇д̇аб̣б̣о. д̣̇уллабхо хи б̣уд̣̇д̇хуббаад̣̇о, д̇ад̇о д̣̇уллабхад̇араа баб̣б̣аж̇ж̇аа жа убасамбад̣̇аа жа. звам̣ бана вад̇д̇аб̣б̣о – ‘‘вивид̇д̇ам̣ огаасам̣ саммаж̇ж̇ид̇ваа д̣̇иваавихаарам̣ нисийд̣̇ид̇ваа сийлаани сод̇хзд̇ваа д̣̇вад̇д̇им̣саагаарам̣ д̇аава манаси гарохий’’д̇и. сажз д̇асса арог̇ам̣ сийлам̣ гаммадтаанам̣ гхадаяад̇и, сан̇каараа баагадаа худ̇ваа убадтаханд̇и, убажаараббанааббад̇д̇ам̣ вияа жид̇д̇амби згаг̇г̇ам̣ ход̇и, д̣̇ивасам̣ ад̇игганд̇амби на ж̇аанаад̇и. со д̣̇ивасаад̇иггамз убадтаанам̣ ааг̇ад̇о звам̣ вад̇д̇аб̣б̣о – ‘‘гийд̣̇исаа д̇з жид̇д̇аббавад̇д̇ий’’д̇и. аарожид̇ааяа жид̇д̇аббавад̇д̇ияаа вад̇д̇аб̣б̣о – ‘‘баб̣б̣аж̇ж̇аа наама жид̇д̇ависуд̣̇д̇хад̇т̇ааяа, аббамад̇д̇о саман̣ад̇хаммам̣ гарохий’’д̇и.

    Yo hi bhikkhu catubbidhavinayakovido tilakkhaṇasampanno imāni cha ṭhānāni oloketvā adhikaraṇaṃ vūpasamessati, tassa vinicchayo appaṭivattiyo, buddhena sayaṃ nisīditvā vinicchitasadiso hoti. Taṃ cevaṃ vinicchayakusalaṃ bhikkhuṃ koci katasikkhāpadavītikkamo bhikkhu upasaṅkamitvā attano kukkuccaṃ puccheyya; tena sādhukaṃ sallakkhetvā sace anāpatti hoti, ‘‘anāpattī’’ti vattabbaṃ. Sace pana āpatti hoti, ‘‘āpattī’’ti vattabbaṃ. Sā desanāgāminī ce, ‘‘desanāgāminī’’ti vattabbaṃ. Vuṭṭhānagāminī ce, ‘‘vuṭṭhānagāminī’’ti vattabbaṃ. Athassa pārājikacchāyā dissati, ‘‘pārājikāpattī’’ti na tāva vattabbaṃ. Kasmā? Methunadhammavītikkamo hi uttarimanussadhammavītikkamo ca oḷāriko. Adinnādānamanussaviggahavītikkamā pana sukhumā cittalahukā. Te sukhumeneva āpajjati , sukhumena rakkhati, tasmā visesena taṃvatthukaṃ kukkuccaṃ pucchiyamāno ‘‘āpattī’’ti avatvā sacassa ācariyo dharati, tato tena so bhikkhu ‘‘amhākaṃ ācariyaṃ pucchā’’ti pesetabbo. Sace so puna āgantvā ‘‘tumhākaṃ ācariyo suttato nayato oloketvā ‘satekiccho’ti maṃ āhā’’ti vadati, tato anena so ‘‘sādhu suṭṭhu yaṃ ācariyo bhaṇati taṃ karohī’’ti vattabbo. Atha panassa ācariyo natthi, saddhiṃ uggahitatthero pana atthi, tassa santikaṃ pesetabbo – ‘‘amhehi saha uggahitatthero gaṇapāmokkho, taṃ gantvā pucchā’’ti. Tenāpi ‘‘satekiccho’’ti vinicchite ‘‘sādhu suṭṭhu tassa vacanaṃ karohī’’ti vattabbo. Atha saddhiṃ uggahitattheropi natthi, antevāsiko paṇḍito atthi, tassa santikaṃ pesetabbo – ‘‘asukadaharaṃ gantvā pucchā’’ti. Tenāpi ‘‘satekiccho’’ti vinicchite ‘‘sādhu suṭṭhu tassa vacanaṃ karohī’’ti vattabbo. Atha daharassāpi pārājikacchāyāva upaṭṭhāti, tenāpi ‘‘pārājikosī’’ti na vattabbo. Dullabho hi buddhuppādo, tato dullabhatarā pabbajjā ca upasampadā ca. Evaṃ pana vattabbo – ‘‘vivittaṃ okāsaṃ sammajjitvā divāvihāraṃ nisīditvā sīlāni sodhetvā dvattiṃsākāraṃ tāva manasi karohī’’ti. Sace tassa arogaṃ sīlaṃ kammaṭṭhānaṃ ghaṭayati, saṅkhārā pākaṭā hutvā upaṭṭhahanti, upacārappanāppattaṃ viya cittampi ekaggaṃ hoti, divasaṃ atikkantampi na jānāti. So divasātikkame upaṭṭhānaṃ āgato evaṃ vattabbo – ‘‘kīdisā te cittappavattī’’ti. Ārocitāya cittappavattiyā vattabbo – ‘‘pabbajjā nāma cittavisuddhatthāya, appamatto samaṇadhammaṃ karohī’’ti.

    яасса бана сийлам̣ бхиннам̣ ход̇и, д̇асса гаммадтаанам̣ на гхадаяад̇и, бад̇од̣̇аабхид̇уннам̣ вияа жид̇д̇ам̣ вигамбад̇и, виббадисаараг̇г̇инаа д̣аяхад̇и, д̇ад̇д̇абаасаан̣з нисинно вияа д̇ан̇кан̣ан̃н̃зва вудтаад̇и. со ааг̇ад̇о ‘‘гаа д̇з жид̇д̇аббавад̇д̇ий’’д̇и бужчид̇аб̣б̣о. аарожид̇ааяа жид̇д̇аббавад̇д̇ияаа ‘‘над̇т̇и логз рахо наама баабагаммам̣ багуб̣б̣ад̇о. саб̣б̣абатаман̃хи баабам̣ гаронд̇о ад̇д̇анаа ж̇аанаад̇и, ат̇асса аарагкад̣̇звад̇аа баражид̇д̇авид̣̇уу саман̣аб̣раахман̣аа ан̃н̃аа жа д̣̇звад̇аа ж̇аананд̇и, д̇вам̣язва д̣̇аани д̇ава сод̇т̇им̣ бариязсаахий’’д̇и вад̇д̇аб̣б̣о.

    Yassa pana sīlaṃ bhinnaṃ hoti, tassa kammaṭṭhānaṃ na ghaṭayati, patodābhitunnaṃ viya cittaṃ vikampati, vippaṭisāragginā ḍayhati, tattapāsāṇe nisinno viya taṅkhaṇaññeva vuṭṭhāti. So āgato ‘‘kā te cittappavattī’’ti pucchitabbo. Ārocitāya cittappavattiyā ‘‘natthi loke raho nāma pāpakammaṃ pakubbato. Sabbapaṭhamañhi pāpaṃ karonto attanā jānāti, athassa ārakkhadevatā paracittavidū samaṇabrāhmaṇā aññā ca devatā jānanti, tvaṃyeva dāni tava sotthiṃ pariyesāhī’’ti vattabbo.

    нидтид̇аа жад̇уб̣б̣ид̇хавинаяагат̇аа

    Niṭṭhitā catubbidhavinayakathā

    винаяад̇харасса жа лагкан̣аад̣̇игат̇аа.

    Vinayadharassa ca lakkhaṇādikathā.

    бхигкубад̣̇абхааж̇анийяаван̣н̣анаа

    Bhikkhupadabhājanīyavaṇṇanā

    ид̣̇аани сигкаабад̣̇авибхан̇г̇асса ад̇т̇ам̣ ван̣н̣аяиссаама. яам̣ вуд̇д̇ам̣ яо банаад̇и яо яаад̣̇исод̇иаад̣̇и. зд̇т̇а яо банаад̇и вибхаж̇ид̇аб̣б̣абад̣̇ам̣; яо яаад̣̇исод̇иаад̣̇ийни д̇асса вибхаж̇анабад̣̇аани. зд̇т̇а жа яасмаа банаад̇и нибаад̇амад̇д̇ам̣; яод̇и ад̇т̇абад̣̇ам̣; д̇ан̃жа анияамзна буг̇г̇алам̣ д̣̇ийбзд̇и, д̇асмаа д̇асса ад̇т̇ам̣ д̣̇ассзнд̇о анияамзна буг̇г̇алад̣̇ийбагам̣ яо сад̣̇д̣̇амзва ааха. д̇асмаа зд̇т̇а звамад̇т̇о взд̣̇ид̇аб̣б̣о – яо банаад̇и яо яогожийд̇и вуд̇д̇ам̣ ход̇и. яасмаа бана яо яогожи наама, со авассам̣ лин̇г̇а-яуд̇д̇а-ж̇аад̇и-наама-г̇од̇д̇а-сийла-вихаара-г̇ожараваязсу згзнаагаарзна бан̃н̃ааяад̇и, д̇асмаа д̇ам̣ д̇ат̇аа н̃аабзд̇ум̣ д̇ам̣ бабхзд̣̇ам̣ багаасзнд̇о ‘‘яаад̣̇исо’’д̇иаад̣̇имааха. д̇ад̇т̇а яаад̣̇исод̇и лин̇г̇авасзна яаад̣̇исо ваа д̇аад̣̇исо ваа ход̇у; д̣̇ийгхо ваа рассо ваа гаал̣о ваа од̣̇аад̇о ваа ман̇г̇уражчави ваа гисо ваа т̇ууло ваад̇и ад̇т̇о. яат̇ааяуд̇д̇од̇и яог̇авасзна язна ваа д̇зна ваа яуд̇д̇о ход̇у; навагаммаяуд̇д̇о ваа уд̣̇д̣̇зсаяуд̇д̇о ваа ваасад̇хураяуд̇д̇о ваад̇и ад̇т̇о. яат̇ааж̇ажжод̇и ж̇аад̇ивасзна яам̣ж̇ажжо ваа д̇ам̣ж̇ажжо ваа ход̇у; кад̇д̇ияо ваа б̣раахман̣о ваа взссо ваа суд̣̇д̣̇о ваад̇и ад̇т̇о. яат̇аанаамод̇и наамавасзна яат̇аанаамо ваа д̇ат̇аанаамо ваа ход̇у; б̣уд̣̇д̇харагкид̇о ваа д̇хаммарагкид̇о ваа сан̇гхарагкид̇о ваад̇и ад̇т̇о. яат̇ааг̇од̇д̇од̇и г̇од̇д̇авасзна яат̇ааг̇од̇д̇о ваа д̇ат̇ааг̇од̇д̇о ваа язна ваа д̇зна ваа г̇од̇д̇зна ход̇у; гажжааяано ваа ваасидто ваа госияо ваад̇и ад̇т̇о. яат̇аасийлод̇и сийлзсу яат̇аасийло ваа д̇ат̇аасийло ваа ход̇у; навагаммасийло ваа уд̣̇д̣̇зсасийло ваа ваасад̇хурасийло ваад̇и ад̇т̇о. яат̇аавихаарийд̇и вихаарзсуби яат̇аавихаарий ваа д̇ат̇аавихаарий ваа ход̇у; навагаммавихаарий ваа уд̣̇д̣̇зсавихаарий ваа ваасад̇хуравихаарий ваад̇и ад̇т̇о. яат̇ааг̇ожарод̇и г̇ожарзсуби яат̇ааг̇ожаро ваа д̇ат̇ааг̇ожаро ваа ход̇у; навагаммаг̇ожаро ваа уд̣̇д̣̇зсаг̇ожаро ваа ваасад̇хураг̇ожаро ваад̇и ад̇т̇о. т̇зро ваад̇и аад̣̇ийсу ваяовуд̣дхаад̣̇ийсу яо ваа со ваа ход̇у; барибун̣н̣ад̣̇асавассад̇ааяа т̇зро ваа уунабан̃жавассад̇ааяа наво ваа ад̇ирзгабан̃жавассад̇ааяа маж̇жхимо ваад̇и ад̇т̇о. ат̇а ко саб̣б̣ова имасмим̣ ад̇т̇з зсо вужжад̇и ‘‘яо банаа’’д̇и.

    Idāni sikkhāpadavibhaṅgassa atthaṃ vaṇṇayissāma. Yaṃ vuttaṃ yo panāti yo yādisotiādi. Ettha yo panāti vibhajitabbapadaṃ; yo yādisotiādīni tassa vibhajanapadāni. Ettha ca yasmā panāti nipātamattaṃ; yoti atthapadaṃ; tañca aniyamena puggalaṃ dīpeti, tasmā tassa atthaṃ dassento aniyamena puggaladīpakaṃ yo saddameva āha. Tasmā ettha evamattho veditabbo – yo panāti yo yokocīti vuttaṃ hoti. Yasmā pana yo yokoci nāma, so avassaṃ liṅga-yutta-jāti-nāma-gotta-sīla-vihāra-gocaravayesu ekenākārena paññāyati, tasmā taṃ tathā ñāpetuṃ taṃ pabhedaṃ pakāsento ‘‘yādiso’’tiādimāha. Tattha yādisoti liṅgavasena yādiso vā tādiso vā hotu; dīgho vā rasso vā kāḷo vā odāto vā maṅguracchavi vā kiso vā thūlo vāti attho. Yathāyuttoti yogavasena yena vā tena vā yutto hotu; navakammayutto vā uddesayutto vā vāsadhurayutto vāti attho. Yathājaccoti jātivasena yaṃjacco vā taṃjacco vā hotu; khattiyo vā brāhmaṇo vā vesso vā suddo vāti attho. Yathānāmoti nāmavasena yathānāmo vā tathānāmo vā hotu; buddharakkhito vā dhammarakkhito vā saṅgharakkhito vāti attho. Yathāgottoti gottavasena yathāgotto vā tathāgotto vā yena vā tena vā gottena hotu; kaccāyano vā vāsiṭṭho vā kosiyo vāti attho. Yathāsīloti sīlesu yathāsīlo vā tathāsīlo vā hotu; navakammasīlo vā uddesasīlo vā vāsadhurasīlo vāti attho. Yathāvihārīti vihāresupi yathāvihārī vā tathāvihārī vā hotu; navakammavihārī vā uddesavihārī vā vāsadhuravihārī vāti attho. Yathāgocaroti gocaresupi yathāgocaro vā tathāgocaro vā hotu; navakammagocaro vā uddesagocaro vā vāsadhuragocaro vāti attho. Thero vāti ādīsu vayovuḍḍhādīsu yo vā so vā hotu; paripuṇṇadasavassatāya thero vā ūnapañcavassatāya navo vā atirekapañcavassatāya majjhimo vāti attho. Atha kho sabbova imasmiṃ atthe eso vuccati ‘‘yo panā’’ti.

    бхигкунид̣̇д̣̇зсз бхигкад̇ийд̇и бхигкаго; лабханд̇о ваа алабханд̇о ваа арияааяа яаажанааяа яаажад̇ийд̇и ад̇т̇о. б̣уд̣̇д̇хаад̣̇ийхи аж̇жхубаг̇ад̇ам̣ бхигкаажарияам̣ аж̇жхубаг̇ад̇ад̇д̇аа бхигкаажарияам̣ аж̇жхубаг̇ад̇о наама. яо хи гожи аббам̣ ваа маханд̇ам̣ ваа бхог̇агканд̇хам̣ бахааяа аг̇аарасмаа анаг̇аарияам̣ баб̣б̣аж̇ид̇о, со гасиг̇орагкаад̣̇ийхи ж̇ийвигагаббанам̣ хид̇ваа лин̇г̇асамбадижчанзнзва бхигкаажарияам̣ аж̇жхубаг̇ад̇од̇и бхигку. барабадиб̣ад̣̇д̇хаж̇ийвигад̇д̇аа ваа вихаарамаж̇жхз гааж̇абхад̇д̇ам̣ бхун̃ж̇амааноби бхигкаажарияам̣ аж̇жхубаг̇ад̇од̇и бхигку; бин̣д̣ияаалобабхож̇анам̣ ниссааяа баб̣б̣аж̇ж̇ааяа уссаахаж̇аад̇ад̇д̇аа ваа бхигкаажарияам̣ аж̇жхубаг̇ад̇од̇и бхигку. аг̇гхапассаван̣н̣абхзд̣̇зна бхиннам̣ бадам̣ д̇хаарзд̇ийд̇и бхиннабадад̇харо. д̇ад̇т̇а сад̇т̇агажчзд̣̇анзна аг̇гхабхзд̣̇о взд̣̇ид̇аб̣б̣о. сахассаг̇гханагоби хи бадо сад̇т̇агзна кан̣д̣аакан̣д̣игам̣ чинно бхиннаг̇гхо ход̇и. буримаг̇гхад̇о убад̣дхамби на аг̇гхад̇и. суд̇д̇асам̣сиб̣б̣анзна пассабхзд̣̇о взд̣̇ид̇аб̣б̣о. сукасампассоби хи бадо суд̇д̇зхи сам̣сиб̣б̣ид̇о бхиннапассо ход̇и. карасампассад̇ам̣ баабун̣аад̇и. суужималаад̣̇ийхи ван̣н̣абхзд̣̇о взд̣̇ид̇аб̣б̣о. субарисуд̣̇д̇хоби хи бадо суужигаммад̇о бадтааяа суужималзна, хад̇т̇асзд̣̇амалаж̇аллигаахи, авасаанз раж̇анагаббагаран̣зхи жа бхиннаван̣н̣о ход̇и; багад̇иван̣н̣ам̣ виж̇ахад̇и. звам̣ д̇ийхаагаарзхи бхиннабадад̇хааран̣ад̇о бхиннабадад̇харод̇и бхигку. г̇ихивад̇т̇ависабхааг̇аанам̣ ваа гаасааваанам̣ д̇хааран̣амад̇д̇знзва бхиннабадад̇харод̇и бхигку.

    Bhikkhuniddese bhikkhatīti bhikkhako; labhanto vā alabhanto vā ariyāya yācanāya yācatīti attho. Buddhādīhi ajjhupagataṃ bhikkhācariyaṃ ajjhupagatattā bhikkhācariyaṃ ajjhupagato nāma. Yo hi koci appaṃ vā mahantaṃ vā bhogakkhandhaṃ pahāya agārasmā anagāriyaṃ pabbajito, so kasigorakkhādīhi jīvikakappanaṃ hitvā liṅgasampaṭicchaneneva bhikkhācariyaṃ ajjhupagatoti bhikkhu. Parapaṭibaddhajīvikattā vā vihāramajjhe kājabhattaṃ bhuñjamānopi bhikkhācariyaṃ ajjhupagatoti bhikkhu; piṇḍiyālopabhojanaṃ nissāya pabbajjāya ussāhajātattā vā bhikkhācariyaṃ ajjhupagatoti bhikkhu. Agghaphassavaṇṇabhedena bhinnaṃ paṭaṃ dhāretīti bhinnapaṭadharo. Tattha satthakacchedanena agghabhedo veditabbo. Sahassagghanakopi hi paṭo satthakena khaṇḍākhaṇḍikaṃ chinno bhinnaggho hoti. Purimagghato upaḍḍhampi na agghati. Suttasaṃsibbanena phassabhedo veditabbo. Sukhasamphassopi hi paṭo suttehi saṃsibbito bhinnaphasso hoti. Kharasamphassataṃ pāpuṇāti. Sūcimalādīhi vaṇṇabhedo veditabbo. Suparisuddhopi hi paṭo sūcikammato paṭṭhāya sūcimalena, hatthasedamalajallikāhi, avasāne rajanakappakaraṇehi ca bhinnavaṇṇo hoti; pakativaṇṇaṃ vijahati. Evaṃ tīhākārehi bhinnapaṭadhāraṇato bhinnapaṭadharoti bhikkhu. Gihivatthavisabhāgānaṃ vā kāsāvānaṃ dhāraṇamatteneva bhinnapaṭadharoti bhikkhu.

    саман̃н̃ааяаад̇и бан̃н̃ад̇д̇ияаа вохаарзнаад̇и ад̇т̇о. саман̃н̃ааяа зва хи згажжо ‘‘бхигкуу’’д̇и бан̃н̃ааяад̇и. д̇ат̇аа хи ниманд̇анаад̣̇имхи бхигкуусу г̇ан̣ияамаанзсу сааман̣зрзби г̇ахзд̇ваа ‘‘сад̇ам̣ бхигкуу сахассам̣ бхигкуу’’д̇и вад̣̇анд̇и. бадин̃н̃ааяаад̇и ад̇д̇ано бадиж̇аананзна бадин̃н̃ааяаби хи згажжо ‘‘бхигкуу’’д̇и бан̃н̃ааяад̇и. д̇асса ‘‘го зд̇т̇аад̇и? ахам̣, аавусо, бхигкуу’’д̇и (а. ни. 10.96) звамаад̣̇ийсу самбхаво д̣̇адтаб̣б̣о . аяам̣ бана аананд̣̇ад̇т̇зрзна вуд̇д̇аа д̇хаммигаа бадин̃н̃аа. рад̇д̇ибхааг̇з бана д̣̇уссийлааби бадибат̇ам̣ ааг̇ажчанд̇аа ‘‘го зд̇т̇аа’’д̇и вуд̇д̇з ад̇хаммигааяа бадин̃н̃ааяа абхууд̇ааяа ‘‘маяам̣ бхигкуу’’д̇и вад̣̇анд̇и.

    Samaññāyāti paññattiyā vohārenāti attho. Samaññāya eva hi ekacco ‘‘bhikkhū’’ti paññāyati. Tathā hi nimantanādimhi bhikkhūsu gaṇiyamānesu sāmaṇerepi gahetvā ‘‘sataṃ bhikkhū sahassaṃ bhikkhū’’ti vadanti. Paṭiññāyāti attano paṭijānanena paṭiññāyapi hi ekacco ‘‘bhikkhū’’ti paññāyati. Tassa ‘‘ko etthāti? Ahaṃ, āvuso, bhikkhū’’ti (a. ni. 10.96) evamādīsu sambhavo daṭṭhabbo . Ayaṃ pana ānandattherena vuttā dhammikā paṭiññā. Rattibhāge pana dussīlāpi paṭipathaṃ āgacchantā ‘‘ko etthā’’ti vutte adhammikāya paṭiññāya abhūtāya ‘‘mayaṃ bhikkhū’’ti vadanti.

    зхи бхигкууд̇и зхи бхигку наама бхаг̇авад̇о ‘‘зхи бхигкуу’’д̇и важанамад̇д̇зна бхигкубхаавам̣ зхибхигкуубасамбад̣̇ам̣ бад̇д̇о. бхаг̇аваа хи зхибхигкубхаавааяа убаниссаяасамбаннам̣ буг̇г̇алам̣ д̣̇исваа рад̇д̇абам̣сугууланд̇арад̇о суван̣н̣аван̣н̣ам̣ д̣̇агкин̣ахад̇т̇ам̣ нийхарид̇ваа б̣рахмагхосам̣ нижчаарзнд̇о ‘‘зхи, бхигку, жара б̣рахмажарияам̣ саммаа д̣̇угкасса анд̇агирияааяаа’’д̇и вад̣̇ад̇и. д̇асса сахзва бхаг̇авад̇о важанзна г̇ихилин̇г̇ам̣ анд̇арад̇хааяад̇и, баб̣б̣аж̇ж̇аа жа убасамбад̣̇аа жа рухад̇и. бхан̣д̣у гаасааяавасано ход̇и. згам̣ ниваасзд̇ваа згам̣ баарубид̇ваа згам̣ ам̣сз табзд̇ваа ваамам̣сагуудз аасад̇д̇анийлуббалаван̣н̣амад̇д̇игаабад̇д̇о –

    Ehi bhikkhūti ehi bhikkhu nāma bhagavato ‘‘ehi bhikkhū’’ti vacanamattena bhikkhubhāvaṃ ehibhikkhūpasampadaṃ patto. Bhagavā hi ehibhikkhubhāvāya upanissayasampannaṃ puggalaṃ disvā rattapaṃsukūlantarato suvaṇṇavaṇṇaṃ dakkhiṇahatthaṃ nīharitvā brahmaghosaṃ nicchārento ‘‘ehi, bhikkhu, cara brahmacariyaṃ sammā dukkhassa antakiriyāyā’’ti vadati. Tassa saheva bhagavato vacanena gihiliṅgaṃ antaradhāyati, pabbajjā ca upasampadā ca ruhati. Bhaṇḍu kāsāyavasano hoti. Ekaṃ nivāsetvā ekaṃ pārupitvā ekaṃ aṃse ṭhapetvā vāmaṃsakūṭe āsattanīluppalavaṇṇamattikāpatto –

    ‘‘д̇ижийваран̃жа бад̇д̇о жа, вааси суужи жа б̣анд̇ханам̣;

    ‘‘Ticīvarañca patto ca, vāsi sūci ca bandhanaṃ;

    бариссааванзна адтзд̇з, яуд̇д̇аяог̇асса бхигкуно’’д̇и.

    Parissāvanena aṭṭhete, yuttayogassa bhikkhuno’’ti.

    звам̣ вуд̇д̇зхи адтахи баригкаарзхи сарийрз бадимуггзхиязва садтивассигад̇т̇зро вияа ирияаабат̇асамбанно б̣уд̣̇д̇хаажарияаго б̣уд̣̇д̇хубаж̇жхааяаго саммаасамб̣уд̣̇д̇хам̣ ванд̣̇амааноязва д̇идтад̇и. бхаг̇аваа хи батамаб̣од̇хияам̣ згасмим̣ гаалз зхибхигкуубасамбад̣̇ааяа зва убасамбаад̣̇зд̇и. звам̣ убасамбаннаани жа сахассубари згажад̇д̇аалийсуд̇д̇араани д̇ийн̣и бхигкусад̇аани ахзсум̣; сзяяат̇ид̣̇ам̣ – бан̃жа бан̃жаваг̇г̇ияад̇т̇зраа, яасо гулабуд̇д̇о, д̇асса бариваараа жад̇убан̣н̣ааса сахааяагаа, д̇им̣са бхад̣̇д̣̇аваг̇г̇ияаа, сахассабураан̣аж̇адилаа, сад̣̇д̇хим̣ д̣̇вийхи аг̇г̇асаавагзхи ад̣дхад̇зяяасад̇аа бариб̣б̣ааж̇агаа, зго ан̇г̇улимаалад̇т̇зрод̇и. вуд̇д̇ан̃хзд̇ам̣ адтагат̇ааяам̣ –

    Evaṃ vuttehi aṭṭhahi parikkhārehi sarīre paṭimukkehiyeva saṭṭhivassikatthero viya iriyāpathasampanno buddhācariyako buddhupajjhāyako sammāsambuddhaṃ vandamānoyeva tiṭṭhati. Bhagavā hi paṭhamabodhiyaṃ ekasmiṃ kāle ehibhikkhūpasampadāya eva upasampādeti. Evaṃ upasampannāni ca sahassupari ekacattālīsuttarāni tīṇi bhikkhusatāni ahesuṃ; seyyathidaṃ – pañca pañcavaggiyattherā, yaso kulaputto, tassa parivārā catupaṇṇāsa sahāyakā, tiṃsa bhaddavaggiyā, sahassapurāṇajaṭilā, saddhiṃ dvīhi aggasāvakehi aḍḍhateyyasatā paribbājakā, eko aṅgulimālattheroti. Vuttañhetaṃ aṭṭhakathāyaṃ –

    ‘‘д̇ийн̣и сад̇ам̣ сахассан̃жа, жад̇д̇аалийсам̣ бунаабарз;

    ‘‘Tīṇi sataṃ sahassañca, cattālīsaṃ punāpare;

    зго жа т̇зро саббан̃н̃о, саб̣б̣з д̇з зхибхигкугаа’’д̇и.

    Eko ca thero sappañño, sabbe te ehibhikkhukā’’ti.

    на гзвалан̃жа зд̇з зва, ан̃н̃зби б̣ахуу санд̇и. сзяяат̇ид̣̇ам̣ – д̇исад̇абаривааро сзло б̣раахман̣о, сахассабаривааро махаагаббино, д̣̇асасахассаа габилавад̇т̇уваасино гулабуд̇д̇аа, сол̣асасахассаа баарааяанигаб̣раахман̣аад̇и звамаад̣̇аяо. д̇з бана винаяабидагз баал̣ияам̣ на нид̣̇д̣̇идтад̇д̇аа на вуд̇д̇аа. имз д̇ад̇т̇а нид̣̇д̣̇идтад̇д̇аа вуд̇д̇аад̇и.

    Na kevalañca ete eva, aññepi bahū santi. Seyyathidaṃ – tisataparivāro selo brāhmaṇo, sahassaparivāro mahākappino, dasasahassā kapilavatthuvāsino kulaputtā, soḷasasahassā pārāyanikabrāhmaṇāti evamādayo. Te pana vinayapiṭake pāḷiyaṃ na niddiṭṭhattā na vuttā. Ime tattha niddiṭṭhattā vuttāti.

    ‘‘сад̇д̇авийса сахассаани, д̇ийн̣иязва сад̇аани жа;

    ‘‘Sattavīsa sahassāni, tīṇiyeva satāni ca;

    зд̇зби саб̣б̣з сан̇каад̇аа, саб̣б̣з д̇з зхибхигкугаа’’д̇и.

    Etepi sabbe saṅkhātā, sabbe te ehibhikkhukā’’ti.

    д̇ийхи саран̣аг̇аманзхи убасамбаннод̇и ‘‘б̣уд̣̇д̇хам̣ саран̣ам̣ г̇ажчаамий’’д̇иаад̣̇инаа наязна д̇игкад̇д̇ум̣ ваажам̣ бхинд̣̇ид̇ваа вуд̇д̇зхи д̇ийхи саран̣аг̇аманзхи убасамбанно. аяан̃хи убасамбад̣̇аа наама адтавид̇хаа – зхибхигкуубасамбад̣̇аа, саран̣аг̇амануубасамбад̣̇аа, оваад̣̇абадиг̇г̇ахан̣уубасамбад̣̇аа, бан̃хаб̣яаагаран̣уубасамбад̣̇аа, г̇аруд̇хаммабадиг̇г̇ахан̣уубасамбад̣̇аа, д̣̇ууд̇знуубасамбад̣̇аа, адтаваажигуубасамбад̣̇аа, н̃ад̇д̇ижад̇уд̇т̇агаммуубасамбад̣̇аад̇и. д̇ад̇т̇а зхибхигкуубасамбад̣̇аа, саран̣аг̇амануубасамбад̣̇аа жа вуд̇д̇аа зва.

    Tīhi saraṇagamanehi upasampannoti ‘‘buddhaṃ saraṇaṃ gacchāmī’’tiādinā nayena tikkhattuṃ vācaṃ bhinditvā vuttehi tīhi saraṇagamanehi upasampanno. Ayañhi upasampadā nāma aṭṭhavidhā – ehibhikkhūpasampadā, saraṇagamanūpasampadā, ovādapaṭiggahaṇūpasampadā, pañhabyākaraṇūpasampadā, garudhammapaṭiggahaṇūpasampadā, dūtenūpasampadā, aṭṭhavācikūpasampadā, ñatticatutthakammūpasampadāti. Tattha ehibhikkhūpasampadā, saraṇagamanūpasampadā ca vuttā eva.

    оваад̣̇абадиг̇г̇ахан̣уубасамбад̣̇аа наама ‘‘д̇асмаад̇иха д̇з, гассаба, звам̣ сигкид̇аб̣б̣ам̣ – ‘д̇иб̣б̣ам̣ мз хирод̇д̇аббам̣ бажжубадтид̇ам̣ бхависсад̇и т̇зрзсу навзсу маж̇жхимзсу жаа’д̇и. зван̃хи д̇з, гассаба, сигкид̇аб̣б̣ам̣. д̇асмаад̇иха д̇з, гассаба, звам̣ сигкид̇аб̣б̣ам̣ – ‘яам̣ гин̃жи д̇хаммам̣ соссаами гусалуубасам̣хид̇ам̣, саб̣б̣ам̣ д̇ам̣ адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇о д̇хаммам̣ соссаамий’д̇и. звам̣ хи д̇з, гассаба, сигкид̇аб̣б̣ам̣. д̇асмаад̇иха д̇з, гассаба, звам̣ сигкид̇аб̣б̣ам̣ – ‘саад̇асахаг̇ад̇аа жа мз гааяаг̇ад̇аасад̇и на виж̇ахиссад̇ий’д̇и. зван̃хи д̇з, гассаба, сигкид̇аб̣б̣а’’нд̇и (сам̣. ни. 2.154) иминаа оваад̣̇абадиг̇г̇ахан̣зна махаагассабад̇т̇зрасса анун̃н̃аад̇аубасамбад̣̇аа.

    Ovādapaṭiggahaṇūpasampadā nāma ‘‘tasmātiha te, kassapa, evaṃ sikkhitabbaṃ – ‘tibbaṃ me hirottappaṃ paccupaṭṭhitaṃ bhavissati theresu navesu majjhimesu cā’ti. Evañhi te, kassapa, sikkhitabbaṃ. Tasmātiha te, kassapa, evaṃ sikkhitabbaṃ – ‘yaṃ kiñci dhammaṃ sossāmi kusalūpasaṃhitaṃ, sabbaṃ taṃ aṭṭhiṃ katvā manasi katvā sabbacetasā samannāharitvā ohitasoto dhammaṃ sossāmī’ti. Evaṃ hi te, kassapa, sikkhitabbaṃ. Tasmātiha te, kassapa, evaṃ sikkhitabbaṃ – ‘sātasahagatā ca me kāyagatāsati na vijahissatī’ti. Evañhi te, kassapa, sikkhitabba’’nti (saṃ. ni. 2.154) iminā ovādapaṭiggahaṇena mahākassapattherassa anuññātaupasampadā.

    бан̃хаб̣яаагаран̣уубасамбад̣̇аа наама собаагасса анун̃н̃аад̇аубасамбад̣̇аа. бхаг̇аваа гира буб̣б̣аараамз анужан̇гаманд̇ам̣ собаагасааман̣зрам̣ ‘‘‘уд̣̇д̇хумаад̇агасан̃н̃аа’д̇и ваа, собаага, ‘руубасан̃н̃аа’д̇и ваа имз д̇хаммаа наанад̇т̇аа наанааб̣яан̃ж̇анаа , уд̣̇ааху згад̇т̇аа, б̣яан̃ж̇анамзва наана’’нд̇и д̣̇аса асубханиссид̇з бан̃хз бужчи. со д̇з б̣яаагааси. бхаг̇аваа д̇асса саад̇хугаарам̣ д̣̇ад̇ваа ‘‘гад̇ивассоси д̇вам̣, собаагаа’’д̇и бужчи. ‘‘сад̇д̇авассохам̣, бхаг̇аваа’’д̇и. ‘‘собаага, д̇вам̣ мама саб̣б̣ан̃н̃уд̇ан̃н̃аан̣зна сад̣̇д̇хим̣ сам̣санд̣̇ид̇ваа бан̃хз б̣яаагаасий’’д̇и аарад̣̇д̇хажид̇д̇о убасамбад̣̇ам̣ ануж̇аани. аяам̣ бан̃хаб̣яаагаран̣уубасамбад̣̇аа.

    Pañhabyākaraṇūpasampadā nāma sopākassa anuññātaupasampadā. Bhagavā kira pubbārāme anucaṅkamantaṃ sopākasāmaṇeraṃ ‘‘‘uddhumātakasaññā’ti vā, sopāka, ‘rūpasaññā’ti vā ime dhammā nānatthā nānābyañjanā , udāhu ekatthā, byañjanameva nāna’’nti dasa asubhanissite pañhe pucchi. So te byākāsi. Bhagavā tassa sādhukāraṃ datvā ‘‘kativassosi tvaṃ, sopākā’’ti pucchi. ‘‘Sattavassohaṃ, bhagavā’’ti. ‘‘Sopāka, tvaṃ mama sabbaññutaññāṇena saddhiṃ saṃsanditvā pañhe byākāsī’’ti āraddhacitto upasampadaṃ anujāni. Ayaṃ pañhabyākaraṇūpasampadā.

    г̇аруд̇хаммабадиг̇г̇ахан̣уубасамбад̣̇аа наама махаабаж̇аабад̇ияаа адтаг̇аруд̇хаммасса бадиг̇г̇ахан̣зна анун̃н̃аад̇аубасамбад̣̇аа.

    Garudhammapaṭiggahaṇūpasampadā nāma mahāpajāpatiyā aṭṭhagarudhammassa paṭiggahaṇena anuññātaupasampadā.

    д̣̇ууд̇знуубасамбад̣̇аа наама ад̣дхагаасияаа г̇ан̣игааяа анун̃н̃аад̇аубасамбад̣̇аа.

    Dūtenūpasampadā nāma aḍḍhakāsiyā gaṇikāya anuññātaupasampadā.

    адтаваажигуубасамбад̣̇аа наама бхигкунияаа бхигкунисан̇гхад̇о н̃ад̇д̇ижад̇уд̇т̇зна бхигкусан̇гхад̇о н̃ад̇д̇ижад̇уд̇т̇знаад̇и имзхи д̣̇вийхи гаммзхи убасамбад̣̇аа.

    Aṭṭhavācikūpasampadā nāma bhikkhuniyā bhikkhunisaṅghato ñatticatutthena bhikkhusaṅghato ñatticatutthenāti imehi dvīhi kammehi upasampadā.

    н̃ад̇д̇ижад̇уд̇т̇агаммуубасамбад̣̇аа наама бхигкуунам̣ зд̇арахи убасамбад̣̇аа. имаасу адтасу убасамбад̣̇аасу ‘‘яаа саа, бхигкавз, маяаа д̇ийхи саран̣аг̇аманзхи убасамбад̣̇аа анун̃н̃аад̇аа, д̇ам̣ аж̇ж̇ад̇аг̇г̇з бадигкибаами. ануж̇аанаами, бхигкавз, н̃ад̇д̇ижад̇уд̇т̇зна гаммзна убасамбаад̣̇зд̇у’’нд̇и (махаава. 69) звам̣ анун̃н̃аад̇ааяа имааяа убасамбад̣̇ааяа убасамбаннод̇и вуд̇д̇ам̣ ход̇и.

    Ñatticatutthakammūpasampadā nāma bhikkhūnaṃ etarahi upasampadā. Imāsu aṭṭhasu upasampadāsu ‘‘yā sā, bhikkhave, mayā tīhi saraṇagamanehi upasampadā anuññātā, taṃ ajjatagge paṭikkhipāmi. Anujānāmi, bhikkhave, ñatticatutthena kammena upasampādetu’’nti (mahāva. 69) evaṃ anuññātāya imāya upasampadāya upasampannoti vuttaṃ hoti.

    бхад̣̇род̇и абаабаго. галяаан̣абут̇уж̇ж̇анаад̣̇аяо хи яаава арахаа, д̇аава бхад̣̇рзна сийлзна самаад̇хинаа бан̃н̃ааяа вимуд̇д̇ияаа вимуд̇д̇ин̃аан̣ад̣̇ассанзна жа саманнааг̇ад̇ад̇д̇аа ‘‘бхад̣̇ро бхигкуу’’д̇и сан̇кяам̣ г̇ажчанд̇и. саарод̇и д̇зхиязва сийласаараад̣̇ийхи саманнааг̇ад̇ад̇д̇аа нийласаманнааг̇амзна нийло бадо вияа ‘‘сааро бхигкуу’’д̇и взд̣̇ид̇аб̣б̣о. виг̇ад̇агилзсапзг̇г̇убхаавад̇о ваа кийн̣аасавова ‘‘сааро’’д̇и взд̣̇ид̇аб̣б̣о. сзкод̇и бут̇уж̇ж̇анагаляаан̣агзна сад̣̇д̇хим̣ сад̇д̇а арияаа д̇иссо сигкаа сигканд̇ийд̇и сзкаа. д̇зсу яо гожи ‘‘сзко бхигкуу’’д̇и взд̣̇ид̇аб̣б̣о. на сигкад̇ийд̇и асзко. сзгкад̇хаммз ад̇иггамма аг̇г̇апалз тид̇о, д̇ад̇о уд̇д̇ари сигкид̇аб̣б̣аабхаавад̇о кийн̣аасаво ‘‘асзко’’д̇и вужжад̇и. самаг̇г̇зна сан̇гхзнаад̇и саб̣б̣анд̇имзна барияааязна бан̃жаваг̇г̇агаран̣ийяз гаммз яаавад̇игаа бхигкуу гаммаббад̇д̇аа, д̇зсам̣ ааг̇ад̇ад̇д̇аа чанд̣̇аарахаанам̣ чанд̣̇асса аахадад̇д̇аа, саммукийбхууд̇аанан̃жа аббадиггосанад̇о згасмим̣ гаммз самаг̇г̇абхаавам̣ убаг̇ад̇зна. н̃ад̇д̇ижад̇уд̇т̇знаад̇и д̇ийхи ануссааванаахи згааяа жа н̃ад̇д̇ияаа гаад̇аб̣б̣зна. гаммзнаад̇и д̇хаммигзна винаяагаммзна. агуббзнаад̇и вад̇т̇у-н̃ад̇д̇и-ануссаавана-сиймаа-барисасамбад̇д̇исамбаннад̇д̇аа агобзд̇аб̣б̣ад̇ам̣ аббадиггосид̇аб̣б̣ад̇ан̃жа убаг̇ад̇зна. таанаарахзнаад̇и гааран̣аарахзна сад̇т̇усаасанаарахзна. убасамбанно наама убарибхаавам̣ самаабанно, бад̇д̇од̇и ад̇т̇о. бхигкубхааво хи убарибхааво, д̇ан̃жзса яат̇аавуд̇д̇зна гаммзна самаабаннад̇д̇аа ‘‘убасамбанно’’д̇и вужжад̇и. зд̇т̇а жа н̃ад̇д̇ижад̇уд̇т̇агаммам̣ згамзва ааг̇ад̇ам̣. имасмим̣ бана таанз тад̇ваа жад̇д̇аари сан̇гхагаммаани нийхарид̇ваа вид̇т̇аарад̇о гат̇зд̇аб̣б̣аанийд̇и саб̣б̣аадтагат̇аасу вуд̇д̇ам̣. д̇аани жа ‘‘абалоганагаммам̣ н̃ад̇д̇игаммам̣ н̃ад̇д̇ид̣̇уд̇ияагаммам̣ н̃ад̇д̇ижад̇уд̇т̇агамма’’нд̇и бадибаадияаа табзд̇ваа вид̇т̇аарзна канд̇хагад̇о бариваараавасаанз гаммавибхан̇г̇ад̇о жа баал̣им̣ аахарид̇ваа гат̇ид̇аани. д̇аани маяам̣ бариваараавасаанз гаммавибхан̇г̇зязва ван̣н̣аяиссаама. зван̃хи сад̇и батамабаарааж̇игаван̣н̣анаа жа на бхаарияаа бхависсад̇и; яат̇аатид̇ааяа жа баал̣ияаа ван̣н̣анаа сувин̃н̃зяяаа бхависсад̇и. д̇аани жа таанаани асун̃н̃аани бхависсанд̇и; д̇асмаа анубад̣̇аван̣н̣анамзва гарома.

    Bhadroti apāpako. Kalyāṇaputhujjanādayo hi yāva arahā, tāva bhadrena sīlena samādhinā paññāya vimuttiyā vimuttiñāṇadassanena ca samannāgatattā ‘‘bhadro bhikkhū’’ti saṅkhyaṃ gacchanti. Sāroti tehiyeva sīlasārādīhi samannāgatattā nīlasamannāgamena nīlo paṭo viya ‘‘sāro bhikkhū’’ti veditabbo. Vigatakilesapheggubhāvato vā khīṇāsavova ‘‘sāro’’ti veditabbo. Sekhoti puthujjanakalyāṇakena saddhiṃ satta ariyā tisso sikkhā sikkhantīti sekhā. Tesu yo koci ‘‘sekho bhikkhū’’ti veditabbo. Na sikkhatīti asekho. Sekkhadhamme atikkamma aggaphale ṭhito, tato uttari sikkhitabbābhāvato khīṇāsavo ‘‘asekho’’ti vuccati. Samaggena saṅghenāti sabbantimena pariyāyena pañcavaggakaraṇīye kamme yāvatikā bhikkhū kammappattā, tesaṃ āgatattā chandārahānaṃ chandassa āhaṭattā, sammukhībhūtānañca appaṭikkosanato ekasmiṃ kamme samaggabhāvaṃ upagatena. Ñatticatutthenāti tīhi anussāvanāhi ekāya ca ñattiyā kātabbena. Kammenāti dhammikena vinayakammena. Akuppenāti vatthu-ñatti-anussāvana-sīmā-parisasampattisampannattā akopetabbataṃ appaṭikkositabbatañca upagatena. Ṭhānārahenāti kāraṇārahena satthusāsanārahena. Upasampanno nāma uparibhāvaṃ samāpanno, pattoti attho. Bhikkhubhāvo hi uparibhāvo, tañcesa yathāvuttena kammena samāpannattā ‘‘upasampanno’’ti vuccati. Ettha ca ñatticatutthakammaṃ ekameva āgataṃ. Imasmiṃ pana ṭhāne ṭhatvā cattāri saṅghakammāni nīharitvā vitthārato kathetabbānīti sabbaaṭṭhakathāsu vuttaṃ. Tāni ca ‘‘apalokanakammaṃ ñattikammaṃ ñattidutiyakammaṃ ñatticatutthakamma’’nti paṭipāṭiyā ṭhapetvā vitthārena khandhakato parivārāvasāne kammavibhaṅgato ca pāḷiṃ āharitvā kathitāni. Tāni mayaṃ parivārāvasāne kammavibhaṅgeyeva vaṇṇayissāma. Evañhi sati paṭhamapārājikavaṇṇanā ca na bhāriyā bhavissati; yathāṭhitāya ca pāḷiyā vaṇṇanā suviññeyyā bhavissati. Tāni ca ṭhānāni asuññāni bhavissanti; tasmā anupadavaṇṇanameva karoma.

    д̇ад̇раад̇и д̇зсу ‘‘бхигкаго’’д̇иаад̣̇инаа наязна вуд̇д̇зсу бхигкуусу. явааяам̣ бхигкууд̇и яо аяам̣ бхигку. самаг̇г̇зна сан̇гхзна…бз… убасамбаннод̇и адтасу убасамбад̣̇аасу н̃ад̇д̇ижад̇уд̇т̇знзва гаммзна убасамбанно. аяам̣ имасмим̣ ад̇т̇з ад̇хиббзд̇о бхигкууд̇и аяам̣ имасмим̣ ‘‘мзт̇унам̣ д̇хаммам̣ бадисзвид̇ваа баарааж̇иго ход̇ий’’д̇и ад̇т̇з ‘‘бхигкуу’’д̇и ад̇хиббзд̇о. ид̇арз бана ‘‘бхигкаго’’д̇и аад̣̇аяо ад̇т̇уд̣̇д̇хааравасзна вуд̇д̇аа. д̇зсу жа ‘‘бхигкаго’’д̇и аад̣̇аяо нируд̇д̇ивасзна вуд̇д̇аа, ‘‘саман̃н̃ааяа бхигку, бадин̃н̃ааяа бхигкуу’’д̇и имз д̣̇вз абхилаабавасзна вуд̇д̇аа, ‘‘зхи бхигкуу’’д̇и б̣уд̣̇д̇хзна убаж̇жхааязна бадилад̣̇д̇хаубасамбад̣̇аавасзна вуд̇д̇о. саран̣аг̇аманабхигку ануббаннааяа гаммаваажааяа убасамбад̣̇аавасзна вуд̇д̇о, ‘‘бхад̣̇ро’’д̇иаад̣̇аяо г̇ун̣авасзна вуд̇д̇аад̇и взд̣̇ид̇аб̣б̣аа.

    Tatrāti tesu ‘‘bhikkhako’’tiādinā nayena vuttesu bhikkhūsu. Yvāyaṃ bhikkhūti yo ayaṃ bhikkhu. Samaggena saṅghena…pe… upasampannoti aṭṭhasu upasampadāsu ñatticatuttheneva kammena upasampanno. Ayaṃ imasmiṃ atthe adhippeto bhikkhūti ayaṃ imasmiṃ ‘‘methunaṃ dhammaṃ paṭisevitvā pārājiko hotī’’ti atthe ‘‘bhikkhū’’ti adhippeto. Itare pana ‘‘bhikkhako’’ti ādayo atthuddhāravasena vuttā. Tesu ca ‘‘bhikkhako’’ti ādayo niruttivasena vuttā, ‘‘samaññāya bhikkhu, paṭiññāya bhikkhū’’ti ime dve abhilāpavasena vuttā, ‘‘ehi bhikkhū’’ti buddhena upajjhāyena paṭiladdhaupasampadāvasena vutto. Saraṇagamanabhikkhu anuppannāya kammavācāya upasampadāvasena vutto, ‘‘bhadro’’tiādayo guṇavasena vuttāti veditabbā.

    бхигкубад̣̇абхааж̇анийяам̣ нидтид̇ам̣.

    Bhikkhupadabhājanīyaṃ niṭṭhitaṃ.

    сигкаасааж̇ийвабад̣̇абхааж̇анийяаван̣н̣анаа

    Sikkhāsājīvapadabhājanīyavaṇṇanā

    ид̣̇аани ‘‘бхигкууна’’нд̇и ид̣̇ам̣ бад̣̇ам̣ висзсад̇т̇аабхаавад̇о авибхаж̇ид̇ваава яам̣ сигкан̃жа сааж̇ийван̃жа самаабаннад̇д̇аа бхигкуунам̣ сигкаасааж̇ийвасамаабанно ход̇и, д̇ам̣ д̣̇ассзнд̇о сигкаад̇иаад̣̇имааха. д̇ад̇т̇а сигкид̇аб̣б̣аад̇и сигкаа. д̇иссод̇и г̇ан̣анабарижчзд̣̇о . ад̇хисийласигкаад̇и ад̇хигам̣ уд̇д̇амам̣ сийланд̇и ад̇хисийлам̣; ад̇хисийлан̃жа д̇ам̣ сигкид̇аб̣б̣ад̇о сигкаа жаад̇и ад̇хисийласигкаа. зса наяо ад̇хижид̇д̇а-ад̇хибан̃н̃аасигкаасу.

    Idāni ‘‘bhikkhūna’’nti idaṃ padaṃ visesatthābhāvato avibhajitvāva yaṃ sikkhañca sājīvañca samāpannattā bhikkhūnaṃ sikkhāsājīvasamāpanno hoti, taṃ dassento sikkhātiādimāha. Tattha sikkhitabbāti sikkhā. Tissoti gaṇanaparicchedo . Adhisīlasikkhāti adhikaṃ uttamaṃ sīlanti adhisīlaṃ; adhisīlañca taṃ sikkhitabbato sikkhā cāti adhisīlasikkhā. Esa nayo adhicitta-adhipaññāsikkhāsu.

    гад̇амам̣ банзд̇т̇а сийлам̣, гад̇амам̣ ад̇хисийлам̣, гад̇амам̣ жид̇д̇ам̣, гад̇амам̣ ад̇хижид̇д̇ам̣, гад̇амаа бан̃н̃аа, гад̇амаа ад̇хибан̃н̃аад̇и? вужжад̇з – бан̃жан̇г̇ад̣̇асан̇г̇асийлам̣ д̇аава сийламзва. д̇ан̃хи б̣уд̣̇д̇хз уббаннзби ануббаннзби логз бавад̇д̇ад̇и. уббаннз б̣уд̣̇д̇хз д̇асмим̣ сийлз б̣уд̣̇д̇хааби саавагааби махааж̇анам̣ самаад̣̇абзнд̇и. ануббаннз б̣уд̣̇д̇хз бажжзгаб̣уд̣̇д̇хаа жа гаммаваад̣̇ино жа д̇хаммигаа саман̣аб̣раахман̣аа жаггавад̇д̇ий жа махаарааж̇аано махааб̣од̇хисад̇д̇аа жа самаад̣̇абзнд̇и. саамамби бан̣д̣ид̇аа саман̣аб̣раахман̣аа самаад̣̇ияанд̇и. д̇з д̇ам̣ гусалам̣ д̇хаммам̣ барибуурзд̇ваа д̣̇звзсу жа мануссзсу жа самбад̇д̇им̣ анубхонд̇и. баад̇имогкасам̣варасийлам̣ бана ‘‘ад̇хисийла’’нд̇и вужжад̇и, д̇ан̃хи суурияо вияа баж̇ж̇од̇аанам̣ синзру вияа баб̣б̣ад̇аанам̣ саб̣б̣алогияасийлаанам̣ ад̇хиган̃жзва уд̇д̇аман̃жа, б̣уд̣̇д̇хуббаад̣̇зязва жа бавад̇д̇ад̇и, на винаа б̣уд̣̇д̇хуббаад̣̇аа. на хи д̇ам̣ бан̃н̃ад̇д̇им̣ уд̣̇д̇харид̇ваа ан̃н̃о сад̇д̇о табзд̇ум̣ саггод̇и, б̣уд̣̇д̇хааязва бана саб̣б̣асо гааяаважийд̣̇ваарааж̇жхаажаарасод̇ам̣ чинд̣̇ид̇ваа д̇асса д̇асса вийд̇иггамасса анужчавигам̣ д̇ам̣ сийласам̣варам̣ бан̃н̃абзнд̇и. баад̇имогкасам̣варад̇оби жа маг̇г̇апаласамбаяуд̇д̇амзва сийлам̣ ад̇хисийлам̣, д̇ам̣ бана ид̇ха анад̇хиббзд̇ам̣. на хи д̇ам̣ самаабанно бхигку мзт̇унам̣ д̇хаммам̣ бадисзвад̇и.

    Katamaṃ panettha sīlaṃ, katamaṃ adhisīlaṃ, katamaṃ cittaṃ, katamaṃ adhicittaṃ, katamā paññā, katamā adhipaññāti? Vuccate – pañcaṅgadasaṅgasīlaṃ tāva sīlameva. Tañhi buddhe uppannepi anuppannepi loke pavattati. Uppanne buddhe tasmiṃ sīle buddhāpi sāvakāpi mahājanaṃ samādapenti. Anuppanne buddhe paccekabuddhā ca kammavādino ca dhammikā samaṇabrāhmaṇā cakkavattī ca mahārājāno mahābodhisattā ca samādapenti. Sāmampi paṇḍitā samaṇabrāhmaṇā samādiyanti. Te taṃ kusalaṃ dhammaṃ paripūretvā devesu ca manussesu ca sampattiṃ anubhonti. Pātimokkhasaṃvarasīlaṃ pana ‘‘adhisīla’’nti vuccati, tañhi sūriyo viya pajjotānaṃ sineru viya pabbatānaṃ sabbalokiyasīlānaṃ adhikañceva uttamañca, buddhuppādeyeva ca pavattati, na vinā buddhuppādā. Na hi taṃ paññattiṃ uddharitvā añño satto ṭhapetuṃ sakkoti, buddhāyeva pana sabbaso kāyavacīdvāraajjhācārasotaṃ chinditvā tassa tassa vītikkamassa anucchavikaṃ taṃ sīlasaṃvaraṃ paññapenti. Pātimokkhasaṃvaratopi ca maggaphalasampayuttameva sīlaṃ adhisīlaṃ, taṃ pana idha anadhippetaṃ. Na hi taṃ samāpanno bhikkhu methunaṃ dhammaṃ paṭisevati.

    гаамааважараани бана адта гусалажид̇д̇аани, логияаадтасамаабад̇д̇ижид̇д̇аани жа згаж̇жхам̣ гад̇ваа жид̇д̇амзваад̇и взд̣̇ид̇аб̣б̣аани. б̣уд̣̇д̇хуббаад̣̇аануббаад̣̇з жасса бавад̇д̇и, самаад̣̇абанам̣ самаад̣̇аанан̃жа сийлз вуд̇д̇анаязнзва взд̣̇ид̇аб̣б̣ам̣. вибассанаабаад̣̇агам̣ адтасамаабад̇д̇ижид̇д̇ам̣ бана ‘‘ад̇хижид̇д̇а’’нд̇и вужжад̇и. д̇ан̃хи ад̇хисийлам̣ вияа сийлаанам̣ саб̣б̣алогияажид̇д̇аанам̣ ад̇хиган̃жзва уд̇д̇аман̃жа, б̣уд̣̇д̇хуббаад̣̇зязва жа ход̇и, на винаа б̣уд̣̇д̇хуббаад̣̇аа. д̇ад̇оби жа маг̇г̇апалажид̇д̇амзва ад̇хижид̇д̇ам̣, д̇ам̣ бана ид̇ха анад̇хиббзд̇ам̣. на хи д̇ам̣ самаабанно бхигку мзт̇унам̣ д̇хаммам̣ бадисзвад̇и.

    Kāmāvacarāni pana aṭṭha kusalacittāni, lokiyaaṭṭhasamāpatticittāni ca ekajjhaṃ katvā cittamevāti veditabbāni. Buddhuppādānuppāde cassa pavatti, samādapanaṃ samādānañca sīle vuttanayeneva veditabbaṃ. Vipassanāpādakaṃ aṭṭhasamāpatticittaṃ pana ‘‘adhicitta’’nti vuccati. Tañhi adhisīlaṃ viya sīlānaṃ sabbalokiyacittānaṃ adhikañceva uttamañca, buddhuppādeyeva ca hoti, na vinā buddhuppādā. Tatopi ca maggaphalacittameva adhicittaṃ, taṃ pana idha anadhippetaṃ. Na hi taṃ samāpanno bhikkhu methunaṃ dhammaṃ paṭisevati.

    ‘‘ад̇т̇и д̣̇иннам̣, ад̇т̇и яидта’’нд̇и (д̇ха. са. 1371; вибха. 793; ма. ни. 3.92) -аад̣̇инаяаббавад̇д̇ам̣ бана гаммассагад̇ан̃аан̣ам̣ бан̃н̃аа, саа хи б̣уд̣̇д̇хз уббаннзби ануббаннзби логз бавад̇д̇ад̇и. уббаннз б̣уд̣̇д̇хз д̇ассаа бан̃н̃ааяа б̣уд̣̇д̇хааби б̣уд̣̇д̇хасаавагааби махааж̇анам̣ самаад̣̇абзнд̇и. ануббаннз б̣уд̣̇д̇хз бажжзгаб̣уд̣̇д̇хаа жа гаммаваад̣̇ино жа д̇хаммигаа саман̣аб̣раахман̣аа жаггавад̇д̇ий жа махаарааж̇аано махааб̣од̇хисад̇д̇аа жа самаад̣̇абзнд̇и. саамамби бан̣д̣ид̇аа сад̇д̇аа самаад̣̇ияанд̇и. д̇ат̇аа хи ан̇гуро д̣̇асавассасахассаани махаад̣̇аанам̣ ад̣̇ааси. взлаамо, взссанд̇аро, ан̃н̃з жа б̣ахуу бан̣д̣ид̇амануссаа махаад̣̇аанаани ад̣̇ам̣су. д̇з д̇ам̣ гусалам̣ д̇хаммам̣ барибуурзд̇ваа д̣̇звзсу жа мануссзсу жа самбад̇д̇им̣ анубхавим̣су. д̇илагкан̣аагаарабарижчзд̣̇агам̣ бана вибассанаан̃аан̣ам̣ ‘‘ад̇хибан̃н̃аа’’д̇и вужжад̇и. саа хи ад̇хисийла-ад̇хижид̇д̇аани вияа сийлажид̇д̇аанам̣ саб̣б̣алогияабан̃н̃аанам̣ ад̇хигаа жзва уд̇д̇амаа жа, на жа винаа б̣уд̣̇д̇хуббаад̣̇аа логз бавад̇д̇ад̇и. д̇ад̇оби жа маг̇г̇апалабан̃н̃аава ад̇хибан̃н̃аа, саа бана ид̇ха анад̇хиббзд̇аа. на хи д̇ам̣ самаабанно бхигку мзт̇унам̣ д̇хаммам̣ бадисзвад̇ийд̇и.

    ‘‘Atthi dinnaṃ, atthi yiṭṭha’’nti (dha. sa. 1371; vibha. 793; ma. ni. 3.92) -ādinayappavattaṃ pana kammassakatañāṇaṃ paññā, sā hi buddhe uppannepi anuppannepi loke pavattati. Uppanne buddhe tassā paññāya buddhāpi buddhasāvakāpi mahājanaṃ samādapenti. Anuppanne buddhe paccekabuddhā ca kammavādino ca dhammikā samaṇabrāhmaṇā cakkavattī ca mahārājāno mahābodhisattā ca samādapenti. Sāmampi paṇḍitā sattā samādiyanti. Tathā hi aṅkuro dasavassasahassāni mahādānaṃ adāsi. Velāmo, vessantaro, aññe ca bahū paṇḍitamanussā mahādānāni adaṃsu. Te taṃ kusalaṃ dhammaṃ paripūretvā devesu ca manussesu ca sampattiṃ anubhaviṃsu. Tilakkhaṇākāraparicchedakaṃ pana vipassanāñāṇaṃ ‘‘adhipaññā’’ti vuccati. Sā hi adhisīla-adhicittāni viya sīlacittānaṃ sabbalokiyapaññānaṃ adhikā ceva uttamā ca, na ca vinā buddhuppādā loke pavattati. Tatopi ca maggaphalapaññāva adhipaññā, sā pana idha anadhippetā. Na hi taṃ samāpanno bhikkhu methunaṃ dhammaṃ paṭisevatīti.

    д̇ад̇раад̇и д̇аасу д̇ийсу сигкаасу. яааяам̣ ад̇хисийласигкаад̇и яаа аяам̣ баад̇имогкасийласан̇каад̇аа ад̇хисийласигкаа. зд̇ам̣ сааж̇ийвам̣ наамаад̇и зд̇ам̣ саб̣б̣амби бхаг̇авад̇аа винаяз табид̇ам̣ сигкаабад̣̇ам̣, яасмаа зд̇т̇а наанаад̣̇зсаж̇аад̇иг̇од̇д̇аад̣̇ибхзд̣̇абхиннаа бхигкуу саха ж̇ийванд̇и згаж̇ийвигаа сабхааг̇аж̇ийвигаа сабхааг̇авуд̇д̇ино хонд̇и, д̇асмаа ‘‘сааж̇ийва’’нд̇и вужжад̇и. д̇асмим̣ сигкад̇ийд̇и д̇ам̣ сигкаабад̣̇ам̣ жид̇д̇асса ад̇хигаран̣ам̣ гад̇ваа ‘‘яат̇аасигкаабад̣̇ам̣ ну ко сигкаами на сигкаамий’’д̇и жид̇д̇зна ологзнд̇о сигкад̇и. на гзвалан̃жааяамзд̇асмим̣ сааж̇ийвасан̇каад̇з сигкаабад̣̇зязва сигкад̇и, сигкааяаби сигкад̇и, ‘‘зд̇ам̣ сааж̇ийвам̣ наамаа’’д̇и имасса бана ананд̇арасса бад̣̇асса васзна ‘‘д̇асмим̣ сигкад̇ий’’д̇и вуд̇д̇ам̣. гин̃жааби д̇ам̣ звам̣ вуд̇д̇ам̣, ат̇а ко аяамзд̇т̇а ад̇т̇о д̣̇адтаб̣б̣о – д̇ассаа жа сигкааяа сигкам̣ барибуурзнд̇о сигкад̇и, д̇асмин̃жа сигкаабад̣̇з авийд̇иггаманд̇о сигкад̇ийд̇и. д̇зна вужжад̇и сааж̇ийвасамаабаннод̇и ид̣̇амби ананд̇арасса сааж̇ийвабад̣̇ассзва васзна вуд̇д̇ам̣. яасмаа бана со сигкамби самаабанно, д̇асмаа сигкаасамаабаннод̇иби ад̇т̇ад̇о взд̣̇ид̇аб̣б̣о. зван̃хи сад̇и ‘‘сигкаасааж̇ийвасамаабанно’’д̇и зд̇асса бад̣̇асса бад̣̇абхааж̇анамби барибун̣н̣ам̣ ход̇и.

    Tatrāti tāsu tīsu sikkhāsu. Yāyaṃ adhisīlasikkhāti yā ayaṃ pātimokkhasīlasaṅkhātā adhisīlasikkhā. Etaṃ sājīvaṃ nāmāti etaṃ sabbampi bhagavatā vinaye ṭhapitaṃ sikkhāpadaṃ, yasmā ettha nānādesajātigottādibhedabhinnā bhikkhū saha jīvanti ekajīvikā sabhāgajīvikā sabhāgavuttino honti, tasmā ‘‘sājīva’’nti vuccati. Tasmiṃ sikkhatīti taṃ sikkhāpadaṃ cittassa adhikaraṇaṃ katvā ‘‘yathāsikkhāpadaṃ nu kho sikkhāmi na sikkhāmī’’ti cittena olokento sikkhati. Na kevalañcāyametasmiṃ sājīvasaṅkhāte sikkhāpadeyeva sikkhati, sikkhāyapi sikkhati, ‘‘etaṃ sājīvaṃ nāmā’’ti imassa pana anantarassa padassa vasena ‘‘tasmiṃ sikkhatī’’ti vuttaṃ. Kiñcāpi taṃ evaṃ vuttaṃ, atha kho ayamettha attho daṭṭhabbo – tassā ca sikkhāya sikkhaṃ paripūrento sikkhati, tasmiñca sikkhāpade avītikkamanto sikkhatīti. Tena vuccati sājīvasamāpannoti idampi anantarassa sājīvapadasseva vasena vuttaṃ. Yasmā pana so sikkhampi samāpanno, tasmā sikkhāsamāpannotipi atthato veditabbo. Evañhi sati ‘‘sikkhāsājīvasamāpanno’’ti etassa padassa padabhājanampi paripuṇṇaṃ hoti.

    сигкаасааж̇ийвабад̣̇абхааж̇анийяам̣ нидтид̇ам̣.

    Sikkhāsājīvapadabhājanīyaṃ niṭṭhitaṃ.

    сигкаабажжагкаанавибхан̇г̇аван̣н̣анаа

    Sikkhāpaccakkhānavibhaṅgavaṇṇanā

    сигкам̣ аббажжагкааяа д̣̇уб̣б̣аляам̣ анаавигад̇ваад̇и сигкан̃жа аббадигкибид̇ваа д̣̇уб̣б̣алабхааван̃жа аббагаасзд̇ваа. яасмаа жа д̣̇уб̣б̣аляз аавигад̇зби сигкаа аббажжагкаад̇аава ход̇и, сигкааяа бана бажжагкаад̇ааяа д̣̇уб̣б̣аляам̣ аавигад̇амзва ход̇и. д̇асмаа ‘‘д̣̇уб̣б̣аляам̣ анаавигад̇ваа’’д̇и иминаа бад̣̇зна на гожи висзсад̇т̇о лаб̣бхад̇и. яат̇аа бана ‘‘д̣̇ирад̇д̇ад̇ирад̇д̇ам̣ сахасзяяам̣ габбзяяаа’’д̇и вуд̇д̇з д̣̇ирад̇д̇аважанзна на гожи висзсад̇т̇о лаб̣бхад̇и, гзвалам̣ логавохааравасзна б̣яан̃ж̇анасилидтад̇ааяа мукааруул̣хад̇ааяа зд̇ам̣ вуд̇д̇ам̣. звамид̣̇амби вохааравасзна б̣яан̃ж̇анасилидтад̇ааяа мукааруул̣хад̇ааяа вуд̇д̇анд̇и взд̣̇ид̇аб̣б̣ам̣.

    Sikkhaṃappaccakkhāya dubbalyaṃ anāvikatvāti sikkhañca appaṭikkhipitvā dubbalabhāvañca appakāsetvā. Yasmā ca dubbalye āvikatepi sikkhā appaccakkhātāva hoti, sikkhāya pana paccakkhātāya dubbalyaṃ āvikatameva hoti. Tasmā ‘‘dubbalyaṃ anāvikatvā’’ti iminā padena na koci visesattho labbhati. Yathā pana ‘‘dirattatirattaṃ sahaseyyaṃ kappeyyā’’ti vutte dirattavacanena na koci visesattho labbhati, kevalaṃ lokavohāravasena byañjanasiliṭṭhatāya mukhārūḷhatāya etaṃ vuttaṃ. Evamidampi vohāravasena byañjanasiliṭṭhatāya mukhārūḷhatāya vuttanti veditabbaṃ.

    яасмаа ваа бхаг̇аваа саад̇т̇ам̣ саб̣яан̃ж̇анам̣ д̇хаммам̣ д̣̇зсзд̇и, д̇асмаа ‘‘сигкам̣ аббажжагкааяаа’’д̇и иминаа ад̇т̇ам̣ самбаад̣̇зд̇ваа ‘‘д̣̇уб̣б̣аляам̣ анаавигад̇ваа’’д̇и иминаа б̣яан̃ж̇анам̣ самбаад̣̇зд̇и. бариваарагабад̣̇авирахид̇ан̃хи згамзва ад̇т̇абад̣̇ам̣ вужжамаанам̣ баривааравирахид̇о рааж̇аа вияа, вад̇т̇аалан̇гааравирахид̇о вияа жа бурисо на собхад̇и; бариваарагзна бана ад̇т̇аануломзна сахааяабад̣̇зна сад̣̇д̇хим̣ д̇ам̣ собхад̇ийд̇и.

    Yasmā vā bhagavā sātthaṃ sabyañjanaṃ dhammaṃ deseti, tasmā ‘‘sikkhaṃ appaccakkhāyā’’ti iminā atthaṃ sampādetvā ‘‘dubbalyaṃ anāvikatvā’’ti iminā byañjanaṃ sampādeti. Parivārakapadavirahitañhi ekameva atthapadaṃ vuccamānaṃ parivāravirahito rājā viya, vatthālaṅkāravirahito viya ca puriso na sobhati; parivārakena pana atthānulomena sahāyapadena saddhiṃ taṃ sobhatīti.

    яасмаа ваа сигкаабажжагкаанасса згажжам̣ д̣̇уб̣б̣аляаавигаммам̣ ад̇т̇о ход̇и, д̇асмаа д̇ам̣ санд̇хааяа ‘‘сигкам̣ аббажжагкааяаа’’д̇ибад̣̇асса ад̇т̇ам̣ виваранд̇о ‘‘д̣̇уб̣б̣аляам̣ анаавигад̇ваа’’д̇и ааха.

    Yasmā vā sikkhāpaccakkhānassa ekaccaṃ dubbalyāvikammaṃ attho hoti, tasmā taṃ sandhāya ‘‘sikkhaṃ appaccakkhāyā’’tipadassa atthaṃ vivaranto ‘‘dubbalyaṃ anāvikatvā’’ti āha.

    д̇ад̇т̇а сияаа яасмаа на саб̣б̣ам̣ д̣̇уб̣б̣аляаавигаммам̣ сигкаабажжагкаанам̣, д̇асмаа ‘‘д̣̇уб̣б̣аляам̣ анаавигад̇ваа’’д̇и батамам̣ вад̇ваа д̇асса ад̇т̇анияаманад̇т̇ам̣ ‘‘сигкам̣ аббажжагкааяаа’’д̇и вад̇д̇аб̣б̣анд̇и, д̇ан̃жа на; гасмаа? ад̇т̇аануггамаабхаавад̇о. ‘‘сигкаасааж̇ийвасамаабанно’’д̇и хи вуд̇д̇ад̇д̇аа яам̣ сигкам̣ самаабанно, д̇ам̣ аббажжагкааяаад̇и вужжамаано ануггамзнзва ад̇т̇о вуд̇д̇о ход̇и, на ан̃н̃ат̇аа. д̇асмаа ид̣̇амзва батамам̣ вуд̇д̇анд̇и.

    Tattha siyā yasmā na sabbaṃ dubbalyāvikammaṃ sikkhāpaccakkhānaṃ, tasmā ‘‘dubbalyaṃ anāvikatvā’’ti paṭhamaṃ vatvā tassa atthaniyamanatthaṃ ‘‘sikkhaṃ appaccakkhāyā’’ti vattabbanti, tañca na; kasmā? Atthānukkamābhāvato. ‘‘Sikkhāsājīvasamāpanno’’ti hi vuttattā yaṃ sikkhaṃ samāpanno, taṃ appaccakkhāyāti vuccamāno anukkameneva attho vutto hoti, na aññathā. Tasmā idameva paṭhamaṃ vuttanti.

    абижа анубадибаадияааби зд̇т̇а ад̇т̇о взд̣̇ид̇аб̣б̣о. гат̇ам̣? ‘‘сигкаасааж̇ийвасамаабанно’’д̇и зд̇т̇а яам̣ сигкам̣ самаабанно д̇ам̣ аббажжагкааяа яан̃жа сааж̇ийвам̣ самаабанно д̇ад̇т̇а д̣̇уб̣б̣аляам̣ анаавигад̇ваад̇и.

    Apica anupaṭipāṭiyāpi ettha attho veditabbo. Kathaṃ? ‘‘Sikkhāsājīvasamāpanno’’ti ettha yaṃ sikkhaṃ samāpanno taṃ appaccakkhāya yañca sājīvaṃ samāpanno tattha dubbalyaṃ anāvikatvāti.

    ид̣̇аани сигкаабажжагкаанад̣̇уб̣б̣аляаавигаммаанам̣ висзсаависзсам̣ сигкаабажжагкааналагкан̣ан̃жа д̣̇ассзнд̇о ‘‘ад̇т̇и бхигкавз’’д̇иаад̣̇имааха. д̇ад̇т̇а ад̇т̇и бхигкавзд̇иаад̣̇ийни д̣̇вз маад̇игаабад̣̇аани; д̇аани вибхаж̇анд̇о ‘‘гат̇ан̃жа бхигкавз’’д̇иаад̣̇имааха. д̇ад̇рааяам̣ ануд̇д̇аанабад̣̇аван̣н̣анаа – гат̇анд̇и гзна аагаарзна. д̣̇уб̣б̣аляаавигамман̃жаад̇и д̣̇уб̣б̣аляасса аавигамман̃жа. ид̇хаад̇и имасмим̣ саасанз. угган̣тид̇од̇и анабхирад̇ияаа имасмим̣ саасанз гижчаж̇ийвигаббад̇д̇о. ат̇а ваа аж̇ж̇а яаами, свз яаами, ид̇о яаами, зд̇т̇а яаамийд̇и уд̣̇д̇хам̣ ган̣там̣ гад̇ваа вихарамаано, вигкид̇д̇о анзгаг̇г̇од̇и вуд̇д̇ам̣ ход̇и. анабхирад̇од̇и саасанз абхирад̇ивирахид̇о.

    Idāni sikkhāpaccakkhānadubbalyāvikammānaṃ visesāvisesaṃ sikkhāpaccakkhānalakkhaṇañca dassento ‘‘atthi bhikkhave’’tiādimāha. Tattha atthi bhikkhavetiādīni dve mātikāpadāni; tāni vibhajanto ‘‘kathañca bhikkhave’’tiādimāha. Tatrāyaṃ anuttānapadavaṇṇanā – kathanti kena ākārena. Dubbalyāvikammañcāti dubbalyassa āvikammañca. Idhāti imasmiṃ sāsane. Ukkaṇṭhitoti anabhiratiyā imasmiṃ sāsane kicchajīvikappatto. Atha vā ajja yāmi, sve yāmi, ito yāmi, ettha yāmīti uddhaṃ kaṇṭhaṃ katvā viharamāno, vikkhitto anekaggoti vuttaṃ hoti. Anabhiratoti sāsane abhirativirahito.

    сааман̃н̃аа жавид̇угаамод̇и саман̣абхаавад̇о абаг̇анд̇угаамо. бхигкубхааванд̇и бхигкубхаавзна. гаран̣ад̇т̇з убаяог̇аважанам̣. ‘‘ган̣тз аасад̇д̇зна аддийязяяаа’’д̇иаад̣̇ийсу (баараа. 162) бана яат̇аалагкан̣ам̣ гаран̣аважанзнзва вуд̇д̇ам̣. аддийяамаанод̇и аддам̣ бийл̣ид̇ам̣ д̣̇угкид̇ам̣ вияа ад̇д̇аанам̣ аажарамаано; д̇зна ваа бхигкубхаавзна аддо гарияамаано бийл̣ияамаанод̇и ад̇т̇о. харааяамаанод̇и лаж̇ж̇амаано. ж̇иг̇ужчамаанод̇и асужим̣ вияа д̇ам̣ ж̇иг̇ужчанд̇о. г̇ихибхаавам̣ бад̇т̇аяамаанод̇иаад̣̇ийни уд̇д̇аанад̇т̇ааниязва. яам̣нуунаахам̣ б̣уд̣̇д̇хам̣ бажжагкзяяанд̇и зд̇т̇а яам̣нуунаад̇и баривид̇аггад̣̇ассанз нибаад̇о. ид̣̇ам̣ вуд̇д̇ам̣ ход̇и – ‘‘сажаахам̣ б̣уд̣̇д̇хам̣ бажжагкзяяам̣, саад̇ху вад̇а мз сияаа’’д̇и. вад̣̇ад̇и вин̃н̃аабзд̇ийд̇и имамад̇т̇ам̣ зд̇зхи ваа ан̃н̃зхи ваа б̣яан̃ж̇анзхи важийбхзд̣̇ам̣ гад̇ваа вад̣̇ад̇и жзва, яасса жа вад̣̇ад̇и, д̇ам̣ вин̃н̃аабзд̇и ж̇аанаабзд̇и. звамбийд̇и убаримад̇т̇асамбин̣д̣анад̇д̇о бигааро. звамби д̣̇уб̣б̣аляаавигамман̃жзва ход̇и сигкаа жа аббажжагкаад̇аа, ан̃н̃ат̇ааби.

    Sāmaññā cavitukāmoti samaṇabhāvato apagantukāmo. Bhikkhubhāvanti bhikkhubhāvena. Karaṇatthe upayogavacanaṃ. ‘‘Kaṇṭhe āsattena aṭṭīyeyyā’’tiādīsu (pārā. 162) pana yathālakkhaṇaṃ karaṇavacaneneva vuttaṃ. Aṭṭīyamānoti aṭṭaṃ pīḷitaṃ dukkhitaṃ viya attānaṃ ācaramāno; tena vā bhikkhubhāvena aṭṭo kariyamāno pīḷiyamānoti attho. Harāyamānoti lajjamāno. Jigucchamānoti asuciṃ viya taṃ jigucchanto. Gihibhāvaṃ patthayamānotiādīni uttānatthāniyeva. Yaṃnūnāhaṃ buddhaṃ paccakkheyyanti ettha yaṃnūnāti parivitakkadassane nipāto. Idaṃ vuttaṃ hoti – ‘‘sacāhaṃ buddhaṃ paccakkheyyaṃ, sādhu vata me siyā’’ti. Vadati viññāpetīti imamatthaṃ etehi vā aññehi vā byañjanehi vacībhedaṃ katvā vadati ceva, yassa ca vadati, taṃ viññāpeti jānāpeti. Evampīti uparimatthasampiṇḍanatto pikāro. Evampi dubbalyāvikammañceva hoti sikkhā ca appaccakkhātā, aññathāpi.

    ид̣̇аани д̇ам̣ ан̃н̃ат̇ааби д̣̇уб̣б̣аляаавигаммам̣ сигкааяа жа аббажжагкаанам̣ д̣̇ассзнд̇о ‘‘ат̇а ваа банаа’’д̇иаад̣̇имааха. д̇ам̣ саб̣б̣ам̣ ад̇т̇ад̇о уд̇д̇аанамзва. бад̣̇ад̇о банзд̇т̇а аад̣̇ид̇о бадтааяа ‘‘б̣уд̣̇д̇хам̣ бажжагкзяяам̣, д̇хаммам̣, сан̇гхам̣, сигкам̣, винаяам̣, баад̇имогкам̣, уд̣̇д̣̇зсам̣, убаж̇жхааяам̣, аажарияам̣, сад̣̇д̇хивихааригам̣, анд̇зваасигам̣, самаанубаж̇жхааяагам̣, самаанаажарияагам̣, саб̣рахмажаарим̣ бажжагкзяяа’’нд̇и имаани жуд̣̇д̣̇аса бад̣̇аани бажжагкаанаагаарзна вуд̇д̇аани.

    Idāni taṃ aññathāpi dubbalyāvikammaṃ sikkhāya ca appaccakkhānaṃ dassento ‘‘atha vā panā’’tiādimāha. Taṃ sabbaṃ atthato uttānameva. Padato panettha ādito paṭṭhāya ‘‘buddhaṃ paccakkheyyaṃ, dhammaṃ, saṅghaṃ, sikkhaṃ, vinayaṃ, pātimokkhaṃ, uddesaṃ, upajjhāyaṃ, ācariyaṃ, saddhivihārikaṃ, antevāsikaṃ, samānupajjhāyakaṃ, samānācariyakaṃ, sabrahmacāriṃ paccakkheyya’’nti imāni cuddasa padāni paccakkhānākārena vuttāni.

    г̇ихий ассанд̇иаад̣̇ийни ‘‘г̇ихий, убаасаго, аараамиго, сааман̣зро, д̇ид̇т̇ияо, д̇ид̇т̇ияасааваго, ассаман̣о, асагяабуд̇д̇ияо асса’’нд̇и имаани адта бад̣̇аани ‘‘асса’’нд̇и иминаа бхаававигаббаагаарзна вуд̇д̇аани. звам̣ ‘‘яам̣нуунааха’’нд̇и иминаа бадисам̣яуд̇д̇аани д̣̇ваавийсад̇и бад̣̇аани.

    Gihī assantiādīni ‘‘gihī, upāsako, ārāmiko, sāmaṇero, titthiyo, titthiyasāvako, assamaṇo, asakyaputtiyo assa’’nti imāni aṭṭha padāni ‘‘assa’’nti iminā bhāvavikappākārena vuttāni. Evaṃ ‘‘yaṃnūnāha’’nti iminā paṭisaṃyuttāni dvāvīsati padāni.

    46. яат̇аа жа зд̇аани, звам̣ ‘‘яад̣̇и банаахам̣, абаахам̣, ханд̣̇аахам̣, ход̇и мз’’д̇и имзсу згамзгзна бадисам̣яуд̇д̇аани д̣̇ваавийсад̇ийд̇и саб̣б̣аанзва сад̇ан̃жа д̣̇аса жа бад̣̇аани хонд̇и.

    46. Yathā ca etāni, evaṃ ‘‘yadi panāhaṃ, apāhaṃ, handāhaṃ, hoti me’’ti imesu ekamekena paṭisaṃyuttāni dvāvīsatīti sabbāneva satañca dasa ca padāni honti.

    47. д̇ад̇о барам̣ сарид̇аб̣б̣авад̇т̇уд̣̇ассананаязна бавад̇д̇аани ‘‘маад̇арам̣ сараамий’’д̇иаад̣̇ийни сад̇д̇араса бад̣̇аани. д̇ад̇т̇а кзд̇д̇анд̇и сааликзд̇д̇аад̣̇им̣. вад̇т̇унд̇и д̇ин̣абан̣н̣асаагапалаапаласамудтаанадтаанам̣. сиббанд̇и гумбхагаарабзсагаарасиббаад̣̇игам̣.

    47. Tato paraṃ saritabbavatthudassananayena pavattāni ‘‘mātaraṃ sarāmī’’tiādīni sattarasa padāni. Tattha khettanti sālikhettādiṃ. Vatthunti tiṇapaṇṇasākaphalāphalasamuṭṭhānaṭṭhānaṃ. Sippanti kumbhakārapesakārasippādikaṃ.

    48. д̇ад̇о барам̣ сагин̃жанасабалиб̣од̇хабхаавад̣̇ассанавасзна бавад̇д̇аани ‘‘маад̇аа мз ад̇т̇и, саа маяаа босзд̇аб̣б̣аа’’д̇иаад̣̇ийни нава бад̣̇аани.

    48. Tato paraṃ sakiñcanasapalibodhabhāvadassanavasena pavattāni ‘‘mātā me atthi, sā mayā posetabbā’’tiādīni nava padāni.

    49. д̇ад̇о барам̣ саниссаяасаббад̇идтабхаавад̣̇ассанавасзна бавад̇д̇аани ‘‘маад̇аа мз ад̇т̇и, саа мам̣ босзссад̇ий’’д̇иаад̣̇ийни сол̣аса бад̣̇аани.

    49. Tato paraṃ sanissayasappatiṭṭhabhāvadassanavasena pavattāni ‘‘mātā me atthi, sā maṃ posessatī’’tiādīni soḷasa padāni.

    50. д̇ад̇о барам̣ згабхад̇д̇азгасзяяаб̣рахмажарияаанам̣ д̣̇уггарабхаавад̣̇ассанавасзна бавад̇д̇аани ‘‘д̣̇уггара’’нд̇иаад̣̇ийни адта бад̣̇аани.

    50. Tato paraṃ ekabhattaekaseyyabrahmacariyānaṃ dukkarabhāvadassanavasena pavattāni ‘‘dukkara’’ntiādīni aṭṭha padāni.

    д̇ад̇т̇а д̣̇уггаранд̇и згабхад̇д̇аад̣̇ийнам̣ гаран̣з д̣̇уггарад̇ам̣ д̣̇ассзд̇и. на сугаранд̇и сугарабхаавам̣ бадигкибад̇и. звам̣ д̣̇ужжарам̣ на сужаранд̇и зд̇т̇а. на уссахаамийд̇и д̇ад̇т̇а уссаахаабхаавам̣ асаггун̣зяяад̇ам̣ д̣̇ассзд̇и. на висахаамийд̇и асаяхад̇ам̣ д̣̇ассзд̇и. на рамаамийд̇и рад̇ияаа абхаавам̣ д̣̇ассзд̇и. наабхирамаамийд̇и абхирад̇ияаа абхаавам̣ д̣̇ассзд̇и. звам̣ имаани жа бан̃н̃ааса, буримаани жа д̣̇асуд̇д̇арасад̇анд̇и садтисад̇ам̣ бад̣̇аани д̣̇уб̣б̣аляаавигаммаваарз вуд̇д̇аанийд̇и взд̣̇ид̇аб̣б̣аани.

    Tattha dukkaranti ekabhattādīnaṃ karaṇe dukkarataṃ dasseti. Na sukaranti sukarabhāvaṃ paṭikkhipati. Evaṃ duccaraṃ na sucaranti ettha. Na ussahāmīti tattha ussāhābhāvaṃ asakkuṇeyyataṃ dasseti. Na visahāmīti asayhataṃ dasseti. Na ramāmīti ratiyā abhāvaṃ dasseti. Nābhiramāmīti abhiratiyā abhāvaṃ dasseti. Evaṃ imāni ca paññāsa, purimāni ca dasuttarasatanti saṭṭhisataṃ padāni dubbalyāvikammavāre vuttānīti veditabbāni.

    51. сигкаабажжагкаанаваарзби ‘‘гат̇ан̃жа бхигкавз’’д̇и аад̣̇и саб̣б̣ам̣ ад̇т̇ад̇о уд̇д̇аанамзва. бад̣̇ад̇о банзд̇т̇ааби ‘‘б̣уд̣̇д̇хам̣ бажжагкаами, д̇хаммам̣, сан̇гхам̣, сигкам̣, винаяам̣, баад̇имогкам̣, уд̣̇д̣̇зсам̣, убаж̇жхааяам̣, аажарияам̣, сад̣̇д̇хивихааригам̣, анд̇зваасигам̣, самаанубаж̇жхааяагам̣, самаанаажарияагам̣, саб̣рахмажаарим̣ бажжагкаамий’’д̇и имаани жуд̣̇д̣̇аса бад̣̇аани сигкаабажжагкаанаважанасамб̣анд̇хзна бавад̇д̇аани. саб̣б̣абад̣̇зсу жа ‘‘вад̣̇ад̇и вин̃н̃аабзд̇ий’’д̇и важанасса аяамад̇т̇о – важийбхзд̣̇ам̣ гад̇ваа вад̣̇ад̇и, яасса жа вад̣̇ад̇и д̇ам̣ д̇знзва важийбхзд̣̇зна ‘‘аяам̣ саасанам̣ ж̇ахид̇угаамо саасанад̇о мужжид̇угаамо бхигкубхаавам̣ жаж̇ид̇угаамо имам̣ ваагяабхзд̣̇ам̣ гарод̇ий’’д̇и вин̃н̃аабзд̇и саавзд̇и ж̇аанаабзд̇и.

    51. Sikkhāpaccakkhānavārepi ‘‘kathañca bhikkhave’’ti ādi sabbaṃ atthato uttānameva. Padato panetthāpi ‘‘buddhaṃ paccakkhāmi, dhammaṃ, saṅghaṃ, sikkhaṃ, vinayaṃ, pātimokkhaṃ, uddesaṃ, upajjhāyaṃ, ācariyaṃ, saddhivihārikaṃ, antevāsikaṃ, samānupajjhāyakaṃ, samānācariyakaṃ, sabrahmacāriṃ paccakkhāmī’’ti imāni cuddasa padāni sikkhāpaccakkhānavacanasambandhena pavattāni. Sabbapadesu ca ‘‘vadati viññāpetī’’ti vacanassa ayamattho – vacībhedaṃ katvā vadati, yassa ca vadati taṃ teneva vacībhedena ‘‘ayaṃ sāsanaṃ jahitukāmo sāsanato muccitukāmo bhikkhubhāvaṃ cajitukāmo imaṃ vākyabhedaṃ karotī’’ti viññāpeti sāveti jānāpeti.

    сажз банааяам̣ ‘‘б̣уд̣̇д̇хам̣ бажжагкаамий’’д̇и вад̇д̇угаамо бад̣̇абажжаабхадтам̣ гад̇ваа ‘‘бажжагкаами б̣уд̣̇д̇ха’’нд̇и ваа вад̣̇зяяа. милагкабхаасаасу ваа ан̃н̃ад̇арабхаасааяа д̇амад̇т̇ам̣ вад̣̇зяяа. ‘‘б̣уд̣̇д̇хам̣ бажжагкаамий’’д̇и вад̇д̇угаамо уббадибаадияаа ‘‘д̇хаммам̣ бажжагкаамий’’д̇и ваа ‘‘саб̣рахмажаарим̣ бажжагкаамий’’д̇и ваа вад̣̇зяяа, сзяяат̇ааби уд̇д̇аримануссад̇хаммавибхан̇г̇з ‘‘батамам̣ жхаанам̣ самаабаж̇ж̇аамий’’д̇и вад̇д̇угаамо ‘‘д̣̇уд̇ияам̣ жхаана’’нд̇и вад̣̇ад̇и, сажз яасса вад̣̇ад̇и со ‘‘аяам̣ бхигкубхаавам̣ жаж̇ид̇угаамо зд̇амад̇т̇ам̣ вад̣̇ад̇ий’’д̇и зд̇д̇агамад̇д̇амби ж̇аанаад̇и, вирад̣̇д̇хам̣ наама над̇т̇и; кзд̇д̇амзва од̇ин̣н̣ам̣, бажжагкаад̇аава ход̇и сигкаа. саггад̇д̇аа ваа б̣рахмад̇д̇аа ваа жуд̇асад̇д̇о вияа жуд̇ова ход̇и саасанаа.

    Sace panāyaṃ ‘‘buddhaṃ paccakkhāmī’’ti vattukāmo padapaccābhaṭṭhaṃ katvā ‘‘paccakkhāmi buddha’’nti vā vadeyya. Milakkhabhāsāsu vā aññatarabhāsāya tamatthaṃ vadeyya. ‘‘Buddhaṃ paccakkhāmī’’ti vattukāmo uppaṭipāṭiyā ‘‘dhammaṃ paccakkhāmī’’ti vā ‘‘sabrahmacāriṃ paccakkhāmī’’ti vā vadeyya, seyyathāpi uttarimanussadhammavibhaṅge ‘‘paṭhamaṃ jhānaṃ samāpajjāmī’’ti vattukāmo ‘‘dutiyaṃ jhāna’’nti vadati, sace yassa vadati so ‘‘ayaṃ bhikkhubhāvaṃ cajitukāmo etamatthaṃ vadatī’’ti ettakamattampi jānāti, viraddhaṃ nāma natthi; khettameva otiṇṇaṃ, paccakkhātāva hoti sikkhā. Sakkattā vā brahmattā vā cutasatto viya cutova hoti sāsanā.

    сажз бана ‘‘б̣уд̣̇д̇хам̣ бажжагки’’нд̇и ваа, ‘‘б̣уд̣̇д̇хам̣ бажжагкиссаамий’’д̇и ваа, ‘‘б̣уд̣̇д̇хам̣ бажжагкзяяа’’нд̇и ваад̇и ад̇ийд̇аанааг̇ад̇абаригаббаважанзхи вад̣̇ад̇и, д̣̇ууд̇ам̣ ваа бахин̣аад̇и, саасанам̣ ваа бзсзд̇и, агкарам̣ ваа чинд̣̇ад̇и, хад̇т̇амуд̣̇д̣̇ааяа ваа д̇амад̇т̇ам̣ аарожзд̇и, аббажжагкаад̇аа ход̇и сигкаа. уд̇д̇аримануссад̇хаммаарожанам̣ бана хад̇т̇амуд̣̇д̣̇ааяаби сийсам̣ зд̇и. сигкаабажжагкаанам̣ мануссаж̇аад̇игасад̇д̇асса санд̇игз жид̇д̇асамбаяуд̇д̇ам̣ важийбхзд̣̇ам̣ гаронд̇ассзва сийсам̣ зд̇и. важийбхзд̣̇ам̣ гад̇ваа вин̃н̃аабзнд̇оби жа яад̣̇и ‘‘аяамзва ж̇аанаад̇уу’’д̇и згам̣ нияамзд̇ваа аарожзд̇и, д̇ан̃жа соязва ж̇аанаад̇и, бажжагкаад̇аа ход̇и сигкаа. ат̇а со на ж̇аанаад̇и, ан̃н̃о самийбз тид̇о ж̇аанаад̇и, аббажжагкаад̇аа ход̇и сигкаа. ат̇а д̣̇виннам̣ тид̇адтаанз д̣̇виннамби нияамзд̇ваа ‘‘зд̇зсам̣ аарожзмий’’д̇и вад̣̇ад̇и, д̇зсу згасмим̣ ж̇аананд̇зби д̣̇вийсу ж̇аананд̇зсуби бажжагкаад̇аава ход̇и сигкаа. звам̣ самб̣ахулзсуби взд̣̇ид̇аб̣б̣ам̣.

    Sace pana ‘‘buddhaṃ paccakkhi’’nti vā, ‘‘buddhaṃ paccakkhissāmī’’ti vā, ‘‘buddhaṃ paccakkheyya’’nti vāti atītānāgataparikappavacanehi vadati, dūtaṃ vā pahiṇāti, sāsanaṃ vā peseti, akkharaṃ vā chindati, hatthamuddāya vā tamatthaṃ āroceti, appaccakkhātā hoti sikkhā. Uttarimanussadhammārocanaṃ pana hatthamuddāyapi sīsaṃ eti. Sikkhāpaccakkhānaṃ manussajātikasattassa santike cittasampayuttaṃ vacībhedaṃ karontasseva sīsaṃ eti. Vacībhedaṃ katvā viññāpentopi ca yadi ‘‘ayameva jānātū’’ti ekaṃ niyametvā āroceti, tañca soyeva jānāti, paccakkhātā hoti sikkhā. Atha so na jānāti, añño samīpe ṭhito jānāti, appaccakkhātā hoti sikkhā. Atha dvinnaṃ ṭhitaṭṭhāne dvinnampi niyametvā ‘‘etesaṃ ārocemī’’ti vadati, tesu ekasmiṃ jānantepi dvīsu jānantesupi paccakkhātāva hoti sikkhā. Evaṃ sambahulesupi veditabbaṃ.

    сажз бана анабхирад̇ияаа бийл̣ид̇о сабхааг̇з бхигкуу барисан̇гамаано ‘‘яо гожи ж̇аанаад̇уу’’д̇и ужжасад̣̇д̣̇ам̣ гаронд̇о ‘‘б̣уд̣̇д̇хам̣ бажжагкаамий’’д̇и вад̣̇ад̇и, д̇ан̃жа авид̣̇уурз тид̇о навагаммиго ваа ан̃н̃о ваа самаяан̃н̃уу бурисо суд̇ваа ‘‘угган̣тид̇о аяам̣ саман̣о г̇ихибхаавам̣ бад̇т̇зд̇и, саасанад̇о жуд̇о’’д̇и ж̇аанаад̇и, бажжагкаад̇аава ход̇и сигкаа. д̇ан̇кан̣ан̃н̃зва бана абуб̣б̣ам̣ ажаримам̣ д̣̇уж̇ж̇аанам̣, сажз ааваж̇ж̇анасамаяз ж̇аанаад̇и; яат̇аа багад̇ияаа логз мануссаа важанам̣ суд̇ваа ж̇аананд̇и, бажжагкаад̇аа ход̇и сигкаа. ат̇а абарабхааг̇з ‘‘гим̣ иминаа вуд̇д̇а’’нд̇и ган̇канд̇о жирзна ж̇аанаад̇и, аббажжагкаад̇аа ход̇и сигкаа. ид̣̇ан̃хи сигкаабажжагкаанан̃жа убари абхууд̇аарожанад̣̇удтуллаваажаа-ад̇д̇агаамад̣̇удтад̣̇осабхууд̇аа-рожанасигкаабад̣̇аани жа згабарижчзд̣̇аани. ааваж̇ж̇анасамаяз н̃аад̇з зва сийсам̣ знд̇и, ‘‘гим̣ аяам̣ бхан̣ад̇ий’’д̇и ган̇кад̇аа жирзна н̃аад̇з сийсам̣ на знд̇и. яат̇аа жааяам̣ ‘‘б̣уд̣̇д̇хам̣ бажжагкаамий’’д̇и бад̣̇з винижчаяз вуд̇д̇о; звам̣ саб̣б̣абад̣̇зсу взд̣̇ид̇аб̣б̣о.

    Sace pana anabhiratiyā pīḷito sabhāge bhikkhū parisaṅkamāno ‘‘yo koci jānātū’’ti uccasaddaṃ karonto ‘‘buddhaṃ paccakkhāmī’’ti vadati, tañca avidūre ṭhito navakammiko vā añño vā samayaññū puriso sutvā ‘‘ukkaṇṭhito ayaṃ samaṇo gihibhāvaṃ pattheti, sāsanato cuto’’ti jānāti, paccakkhātāva hoti sikkhā. Taṅkhaṇaññeva pana apubbaṃ acarimaṃ dujjānaṃ, sace āvajjanasamaye jānāti; yathā pakatiyā loke manussā vacanaṃ sutvā jānanti, paccakkhātā hoti sikkhā. Atha aparabhāge ‘‘kiṃ iminā vutta’’nti kaṅkhanto cirena jānāti, appaccakkhātā hoti sikkhā. Idañhi sikkhāpaccakkhānañca upari abhūtārocanaduṭṭhullavācā-attakāmaduṭṭhadosabhūtā-rocanasikkhāpadāni ca ekaparicchedāni. Āvajjanasamaye ñāte eva sīsaṃ enti, ‘‘kiṃ ayaṃ bhaṇatī’’ti kaṅkhatā cirena ñāte sīsaṃ na enti. Yathā cāyaṃ ‘‘buddhaṃ paccakkhāmī’’ti pade vinicchaye vutto; evaṃ sabbapadesu veditabbo.

    яасмаа жа яад̣̇аа сигкаа бажжагкаад̇аа ход̇и, д̇ад̣̇аа ‘‘яам̣нуунаахам̣ б̣уд̣̇д̇хам̣ бажжагкзяяа’’нд̇иаад̣̇ийни авад̣̇ад̇ааби д̣̇уб̣б̣аляам̣ аавигад̇амзва ход̇и; д̇асмаа саб̣б̣зсам̣ бад̣̇аанам̣ авасаанз вуд̇д̇ам̣ – ‘‘звамби, бхигкавз, д̣̇уб̣б̣аляаавигамман̃жзва ход̇и сигкаа жа бажжагкаад̇аа’’д̇и.

    Yasmā ca yadā sikkhā paccakkhātā hoti, tadā ‘‘yaṃnūnāhaṃ buddhaṃ paccakkheyya’’ntiādīni avadatāpi dubbalyaṃ āvikatameva hoti; tasmā sabbesaṃ padānaṃ avasāne vuttaṃ – ‘‘evampi, bhikkhave, dubbalyāvikammañceva hoti sikkhā ca paccakkhātā’’ti.

    д̇ад̇о барам̣ г̇ихийд̇и мам̣ д̇хаарзхийд̇и зд̇т̇а сажзби ‘‘г̇ихий бхависсаамий’’д̇и ваа ‘‘г̇ихий хомий’’д̇и ваа ‘‘г̇ихий ж̇аад̇омхий’’д̇и ваа ‘‘г̇ихимхий’’д̇и ваа вад̣̇ад̇и, аббажжагкаад̇аа ход̇и сигкаа. сажз бана ‘‘аж̇ж̇а бадтааяа г̇ихийд̇и мам̣ д̇хаарзхий’’д̇и ваа ‘‘ж̇аанаахий’’д̇и ваа ‘‘сан̃ж̇аанаахий’’д̇и ваа ‘‘манаси гарохий’’д̇и ваа вад̣̇ад̇и, арияагзна ваа вад̣̇ад̇и милагкагзна ваа; звамзд̇асмим̣ ад̇т̇з вуд̇д̇з яасса вад̣̇ад̇и, сажз со ж̇аанаад̇и, бажжагкаад̇аа ход̇и сигкаа. зса наяо сзсзсуби ‘‘убаасаго’’д̇иаад̣̇ийсу сад̇д̇асу бад̣̇зсу. звам̣ имаани жа адта, буримаани жа жуд̣̇д̣̇асаад̇и д̣̇ваавийсад̇и бад̣̇аани хонд̇и.

    Tato paraṃ gihīti maṃ dhārehīti ettha sacepi ‘‘gihī bhavissāmī’’ti vā ‘‘gihī homī’’ti vā ‘‘gihī jātomhī’’ti vā ‘‘gihimhī’’ti vā vadati, appaccakkhātā hoti sikkhā. Sace pana ‘‘ajja paṭṭhāya gihīti maṃ dhārehī’’ti vā ‘‘jānāhī’’ti vā ‘‘sañjānāhī’’ti vā ‘‘manasi karohī’’ti vā vadati, ariyakena vā vadati milakkhakena vā; evametasmiṃ atthe vutte yassa vadati, sace so jānāti, paccakkhātā hoti sikkhā. Esa nayo sesesupi ‘‘upāsako’’tiādīsu sattasu padesu. Evaṃ imāni ca aṭṭha, purimāni ca cuddasāti dvāvīsati padāni honti.

    52. ид̇о барам̣ буримаанзва жуд̣̇д̣̇аса бад̣̇аани ‘‘алам̣ мз, гинну мз, на мамад̇т̇о, сумуд̇д̇ааха’’нд̇и имзхи жад̇уухи яож̇зд̇ваа вуд̇д̇аани чаббан̃н̃ааса хонд̇и. д̇ад̇т̇а аланд̇и ход̇у, барияад̇д̇анд̇и ад̇т̇о. гим̣ну мзд̇и гим̣ маяхам̣ гижжам̣, гим̣ гаран̣ийяам̣, гим̣ саад̇хзд̇аб̣б̣анд̇и ад̇т̇о. на мамад̇т̇од̇и над̇т̇и мама ад̇т̇о. сумуд̇д̇ааханд̇и сумуд̇д̇о ахам̣. сзсамзд̇т̇а вуд̇д̇анаяамзва. звам̣ имаани жа чаббан̃н̃ааса буримаани жа д̣̇ваавийсад̇ийд̇и адтасад̇д̇ад̇и бад̣̇аани саруубзнзва вуд̇д̇аани.

    52. Ito paraṃ purimāneva cuddasa padāni ‘‘alaṃ me, kinnu me, na mamattho, sumuttāha’’nti imehi catūhi yojetvā vuttāni chappaññāsa honti. Tattha alanti hotu, pariyattanti attho. Kiṃnu meti kiṃ mayhaṃ kiccaṃ, kiṃ karaṇīyaṃ, kiṃ sādhetabbanti attho. Na mamatthoti natthi mama attho. Sumuttāhanti sumutto ahaṃ. Sesamettha vuttanayameva. Evaṃ imāni ca chappaññāsa purimāni ca dvāvīsatīti aṭṭhasattati padāni sarūpeneva vuttāni.

    53. яасмаа бана д̇зсам̣ взважанзхиби сигкаабажжагкаанам̣ ход̇и, д̇асмаа ‘‘яаани ваа банан̃н̃аанибий’’д̇иаад̣̇имааха. д̇ад̇т̇а яаани ваа банан̃н̃аанибийд̇и баал̣ияам̣ ‘‘б̣уд̣̇д̇ха’’нд̇иаад̣̇ийни ааг̇ад̇абад̣̇аани табзд̇ваа яаани ан̃н̃аани ад̇т̇и. б̣уд̣̇д̇хавзважанаани ваад̇и б̣уд̣̇д̇хасса ваа барияааяанаамаани…бз… асагяабуд̇д̇ияасса ваа. д̇ад̇т̇а ван̣н̣абадтаанз ааг̇ад̇ам̣ наамасахассам̣ убаалиг̇аат̇аасу (ма. ни. 2.76) наамасад̇ам̣ ан̃н̃аани жа г̇ун̣ад̇о лаб̣бхамаанаани наамаани ‘‘б̣уд̣̇д̇хавзважанааний’’д̇и взд̣̇ид̇аб̣б̣аани. саб̣б̣ааниби д̇хаммасса наамаани д̇хаммавзважанаанийд̇и взд̣̇ид̇аб̣б̣аани. зса наяо саб̣б̣ад̇т̇а.

    53. Yasmā pana tesaṃ vevacanehipi sikkhāpaccakkhānaṃ hoti, tasmā ‘‘yāni vā panaññānipī’’tiādimāha. Tattha yāni vā panaññānipīti pāḷiyaṃ ‘‘buddha’’ntiādīni āgatapadāni ṭhapetvā yāni aññāni atthi. Buddhavevacanāni vāti buddhassa vā pariyāyanāmāni…pe… asakyaputtiyassa vā. Tattha vaṇṇapaṭṭhāne āgataṃ nāmasahassaṃ upāligāthāsu (ma. ni. 2.76) nāmasataṃ aññāni ca guṇato labbhamānāni nāmāni ‘‘buddhavevacanānī’’ti veditabbāni. Sabbānipi dhammassa nāmāni dhammavevacanānīti veditabbāni. Esa nayo sabbattha.

    аяам̣ банзд̇т̇а яож̇анаа – б̣уд̣̇д̇хам̣ бажжагкаамийд̇и на взваважанзна бажжагкаанам̣ яат̇ааруд̇амзва. ‘‘саммаасамб̣уд̣̇д̇хам̣ бажжагкаами, ананд̇аб̣уд̣̇д̇хим̣, аномаб̣уд̣̇д̇хим̣, б̣од̇хибан̃н̃аан̣ам̣, д̇хийрам̣, виг̇ад̇амохам̣, бабхиннакийлам̣, виж̇ид̇авиж̇аяам̣ бажжагкаамий’’д̇и звамаад̣̇иб̣уд̣̇д̇хавзважанзна сигкаабажжагкаанам̣.

    Ayaṃ panettha yojanā – buddhaṃ paccakkhāmīti na vevavacanena paccakkhānaṃ yathārutameva. ‘‘Sammāsambuddhaṃ paccakkhāmi, anantabuddhiṃ, anomabuddhiṃ, bodhipaññāṇaṃ, dhīraṃ, vigatamohaṃ, pabhinnakhīlaṃ, vijitavijayaṃ paccakkhāmī’’ti evamādibuddhavevacanena sikkhāpaccakkhānaṃ.

    д̇хаммам̣ бажжагкаамийд̇и на взважанзна бажжагкаанам̣, яат̇ааруд̇амзва. ‘‘сваагкаад̇ам̣ д̇хаммам̣ бажжагкаами, санд̣̇идтигам̣, агаалигам̣, зхибассигам̣, обанзяяигам̣, бажжад̇д̇ам̣ взд̣̇ид̇аб̣б̣ам̣ вин̃н̃уухи д̇хаммам̣ бажжагкаами. асан̇кад̇ам̣ д̇хаммам̣ бажжагкаами; вирааг̇ам̣, нирод̇хам̣, амад̇ам̣ д̇хаммам̣ бажжагкаами, д̣̇ийгханигааяам̣ бажжагкаами, б̣рахмаж̇аалам̣ маж̇жхиманигааяам̣, муулабарияааяам̣, сам̣яуд̇д̇анигааяам̣, огхад̇аран̣ам̣, ан̇г̇уд̇д̇аранигааяам̣, жид̇д̇абарияаад̣̇аанам̣, куд̣̇д̣̇аганигааяам̣, ж̇аад̇агам̣, абхид̇хаммам̣, гусалам̣ д̇хаммам̣, агусалам̣ д̇хаммам̣, аб̣яаагад̇ам̣ д̇хаммам̣, сад̇ибадтаанам̣, саммаббад̇хаанам̣, ид̣̇д̇хибаад̣̇ам̣, инд̣̇рияам̣, б̣алам̣, б̣ож̇жхан̇г̇ам̣, маг̇г̇ам̣, палам̣, ниб̣б̣аанам̣ бажжагкаамий’’д̇и жад̇ураасийд̇ид̇хаммагканд̇хасахассзсу згад̇хаммагканд̇хассаби наамам̣ д̇хаммавзважанамзва. звам̣ д̇хаммавзважанзна сигкаабажжагкаанам̣ ход̇и.

    Dhammaṃ paccakkhāmīti na vevacanena paccakkhānaṃ, yathārutameva. ‘‘Svākkhātaṃ dhammaṃ paccakkhāmi, sandiṭṭhikaṃ, akālikaṃ, ehipassikaṃ, opaneyyikaṃ, paccattaṃ veditabbaṃ viññūhi dhammaṃ paccakkhāmi. Asaṅkhataṃ dhammaṃ paccakkhāmi; virāgaṃ, nirodhaṃ, amataṃ dhammaṃ paccakkhāmi, dīghanikāyaṃ paccakkhāmi, brahmajālaṃ majjhimanikāyaṃ, mūlapariyāyaṃ, saṃyuttanikāyaṃ, oghataraṇaṃ, aṅguttaranikāyaṃ, cittapariyādānaṃ, khuddakanikāyaṃ, jātakaṃ, abhidhammaṃ, kusalaṃ dhammaṃ, akusalaṃ dhammaṃ, abyākataṃ dhammaṃ, satipaṭṭhānaṃ, sammappadhānaṃ, iddhipādaṃ, indriyaṃ, balaṃ, bojjhaṅgaṃ, maggaṃ, phalaṃ, nibbānaṃ paccakkhāmī’’ti caturāsītidhammakkhandhasahassesu ekadhammakkhandhassapi nāmaṃ dhammavevacanameva. Evaṃ dhammavevacanena sikkhāpaccakkhānaṃ hoti.

    сан̇гхам̣ бажжагкаамийд̇и на взважанзна бажжагкаанам̣. ‘‘суббадибаннам̣ сан̇гхам̣ бажжагкаами, уж̇уббадибаннам̣, н̃ааяаббадибаннам̣, саамийжиббадибаннам̣ сан̇гхам̣, жад̇убурисаяуг̇ам̣ сан̇гхам̣, адтабурисабуг̇г̇алам̣ сан̇гхам̣, аахунзяяам̣ сан̇гхам̣, баахунзяяам̣, д̣̇агкин̣зяяам̣, ан̃ж̇алигаран̣ийяам̣, ануд̇д̇арам̣ бун̃н̃агкзд̇д̇ам̣ сан̇гхам̣ бажжагкаамий’’д̇и звам̣ сан̇гхавзважанзна сигкаабажжагкаанам̣ ход̇и.

    Saṅghaṃ paccakkhāmīti na vevacanena paccakkhānaṃ. ‘‘Suppaṭipannaṃ saṅghaṃ paccakkhāmi, ujuppaṭipannaṃ, ñāyappaṭipannaṃ, sāmīcippaṭipannaṃ saṅghaṃ, catupurisayugaṃ saṅghaṃ, aṭṭhapurisapuggalaṃ saṅghaṃ, āhuneyyaṃ saṅghaṃ, pāhuneyyaṃ, dakkhiṇeyyaṃ, añjalikaraṇīyaṃ, anuttaraṃ puññakkhettaṃ saṅghaṃ paccakkhāmī’’ti evaṃ saṅghavevacanena sikkhāpaccakkhānaṃ hoti.

    сигкам̣ бажжагкаамийд̇и на взважанзна бажжагкаанам̣. ‘‘бхигкусигкам̣ бажжагкаами, бхигкунийсигкам̣, ад̇хисийласигкам̣, ад̇хижид̇д̇асигкам̣, ад̇хибан̃н̃аасигкам̣ бажжагкаамий’’д̇и звам̣ сигкаавзважанзна сигкаабажжагкаанам̣ ход̇и.

    Sikkhaṃ paccakkhāmīti na vevacanena paccakkhānaṃ. ‘‘Bhikkhusikkhaṃ paccakkhāmi, bhikkhunīsikkhaṃ, adhisīlasikkhaṃ, adhicittasikkhaṃ, adhipaññāsikkhaṃ paccakkhāmī’’ti evaṃ sikkhāvevacanena sikkhāpaccakkhānaṃ hoti.

    винаяам̣ бажжагкаамийд̇и на взважанзна бажжагкаанам̣. ‘‘бхигкувинаяам̣ бажжагкаами, бхигкунийвинаяам̣, батамам̣ баарааж̇игам̣, д̣̇уд̇ияам̣ д̇ад̇ияам̣ жад̇уд̇т̇ам̣ баарааж̇игам̣, сан̇гхаад̣̇исзсам̣, т̇уллажжаяам̣, баажид̇д̇ияам̣, баадид̣̇зсанийяам̣, д̣̇уггадам̣, д̣̇уб̣бхаасид̇ам̣ бажжагкаамий’’д̇и звамаад̣̇ивинаяавзважанзна сигкаабажжагкаанам̣ ход̇и.

    Vinayaṃ paccakkhāmīti na vevacanena paccakkhānaṃ. ‘‘Bhikkhuvinayaṃ paccakkhāmi, bhikkhunīvinayaṃ, paṭhamaṃ pārājikaṃ, dutiyaṃ tatiyaṃ catutthaṃ pārājikaṃ, saṅghādisesaṃ, thullaccayaṃ, pācittiyaṃ, pāṭidesanīyaṃ, dukkaṭaṃ, dubbhāsitaṃ paccakkhāmī’’ti evamādivinayavevacanena sikkhāpaccakkhānaṃ hoti.

    баад̇имогкам̣ бажжагкаамийд̇и на взважанзна бажжагкаанам̣. ‘‘бхигкубаад̇имогкам̣ бхигкунийбаад̇имогкам̣ бажжагкаамий’’д̇и звам̣ баад̇имогкавзважанзна сигкаабажжагкаанам̣ ход̇и.

    Pātimokkhaṃ paccakkhāmīti na vevacanena paccakkhānaṃ. ‘‘Bhikkhupātimokkhaṃ bhikkhunīpātimokkhaṃ paccakkhāmī’’ti evaṃ pātimokkhavevacanena sikkhāpaccakkhānaṃ hoti.

    уд̣̇д̣̇зсам̣ бажжагкаамийд̇и на взважанзна бажжагкаанам̣. ‘‘бхигкубаад̇имогкуд̣̇д̣̇зсам̣, бхигкунийбаад̇имогкуд̣̇д̣̇зсам̣ , батамам̣ баад̇имогкуд̣̇д̣̇зсам̣, д̣̇уд̇ияам̣ д̇ад̇ияам̣ жад̇уд̇т̇ам̣ бан̃жамам̣ баад̇имогкуд̣̇д̣̇зсам̣, саммаасамб̣уд̣̇д̇худ̣̇д̣̇зсам̣, ананд̇аб̣уд̣̇д̇хиуд̣̇д̣̇зсам̣, аномаб̣уд̣̇д̇хиуд̣̇д̣̇зсам̣, б̣од̇хибан̃н̃аан̣уд̣̇д̣̇зсам̣, д̇хийруд̣̇д̣̇зсам̣, виг̇ад̇амохуд̣̇д̣̇зсам̣, бабхиннакийлуд̣̇д̣̇зсам̣, виж̇ид̇авиж̇аяуд̣̇д̣̇зсам̣ бажжагкаамий’’д̇и звамаад̣̇иуд̣̇д̣̇зсавзважанзна сигкаабажжагкаанам̣ ход̇и.

    Uddesaṃ paccakkhāmīti na vevacanena paccakkhānaṃ. ‘‘Bhikkhupātimokkhuddesaṃ, bhikkhunīpātimokkhuddesaṃ , paṭhamaṃ pātimokkhuddesaṃ, dutiyaṃ tatiyaṃ catutthaṃ pañcamaṃ pātimokkhuddesaṃ, sammāsambuddhuddesaṃ, anantabuddhiuddesaṃ, anomabuddhiuddesaṃ, bodhipaññāṇuddesaṃ, dhīruddesaṃ, vigatamohuddesaṃ, pabhinnakhīluddesaṃ, vijitavijayuddesaṃ paccakkhāmī’’ti evamādiuddesavevacanena sikkhāpaccakkhānaṃ hoti.

    убаж̇жхааяам̣ бажжагкаамийд̇и на взважанзна бажжагкаанам̣. ‘‘яо мам̣ баб̣б̣ааж̇зси, яо мам̣ убасамбаад̣̇зси, яасса муулзнаахам̣ баб̣б̣аж̇ид̇о, яасса муулзнаахам̣ убасамбанно, яассамуулигаа маяхам̣ баб̣б̣аж̇ж̇аа, яассамуулигаа маяхам̣ убасамбад̣̇аа д̇аахам̣ бажжагкаамий’’д̇и звам̣ убаж̇жхааяавзважанзна сигкаабажжагкаанам̣ ход̇и.

    Upajjhāyaṃ paccakkhāmīti na vevacanena paccakkhānaṃ. ‘‘Yo maṃ pabbājesi, yo maṃ upasampādesi, yassa mūlenāhaṃ pabbajito, yassa mūlenāhaṃ upasampanno, yassamūlikā mayhaṃ pabbajjā, yassamūlikā mayhaṃ upasampadā tāhaṃ paccakkhāmī’’ti evaṃ upajjhāyavevacanena sikkhāpaccakkhānaṃ hoti.

    аажарияам̣ бажжагкаамийд̇и на взважанзна бажжагкаанам̣. ‘‘яо мам̣ баб̣б̣ааж̇зси, яо мам̣ ануссаавзси, яаахам̣ ниссааяа васаами, яаахам̣ уд̣̇д̣̇исаабзми, яаахам̣ барибужчаами, яо мам̣ уд̣̇д̣̇исад̇и, яо мам̣ барибужчаабзд̇и д̇аахам̣ бажжагкаамий’’д̇и звам̣ аажарияавзважанзна сигкаабажжагкаанам̣ ход̇и.

    Ācariyaṃ paccakkhāmīti na vevacanena paccakkhānaṃ. ‘‘Yo maṃ pabbājesi, yo maṃ anussāvesi, yāhaṃ nissāya vasāmi, yāhaṃ uddisāpemi, yāhaṃ paripucchāmi, yo maṃ uddisati, yo maṃ paripucchāpeti tāhaṃ paccakkhāmī’’ti evaṃ ācariyavevacanena sikkhāpaccakkhānaṃ hoti.

    сад̣̇д̇хивихааригам̣ бажжагкаамийд̇и на взважанзна бажжагкаанам̣. ‘‘яаахам̣ баб̣б̣ааж̇зсим̣, яаахам̣ убасамбаад̣̇зсим̣, маяхам̣ муулзна яо баб̣б̣аж̇ид̇о, маяхам̣ муулзна яо убасамбанно, маяхам̣муулигаа яасса баб̣б̣аж̇ж̇аа, маяхам̣ муулигаа яасса убасамбад̣̇аа д̇аахам̣ бажжагкаамий’’д̇и звам̣ сад̣̇д̇хивихааригавзважанзна сигкаабажжагкаанам̣ ход̇и.

    Saddhivihārikaṃ paccakkhāmīti na vevacanena paccakkhānaṃ. ‘‘Yāhaṃ pabbājesiṃ, yāhaṃ upasampādesiṃ, mayhaṃ mūlena yo pabbajito, mayhaṃ mūlena yo upasampanno, mayhaṃmūlikā yassa pabbajjā, mayhaṃ mūlikā yassa upasampadā tāhaṃ paccakkhāmī’’ti evaṃ saddhivihārikavevacanena sikkhāpaccakkhānaṃ hoti.

    анд̇зваасигам̣ бажжагкаамийд̇и на взважанзна бажжагкаанам̣. ‘‘яаахам̣ баб̣б̣ааж̇зсим̣, яаахам̣ ануссаавзсим̣, яо мам̣ ниссааяа васад̇и, яо мам̣ уд̣̇д̣̇исаабзд̇и, яо мам̣ барибужчад̇и, яассаахам̣ уд̣̇д̣̇исаами, яаахам̣ барибужчаабзми д̇ам̣ бажжагкаамий’’д̇и звам̣ анд̇зваасигавзважанзна сигкаабажжагкаанам̣ ход̇и.

    Antevāsikaṃpaccakkhāmīti na vevacanena paccakkhānaṃ. ‘‘Yāhaṃ pabbājesiṃ, yāhaṃ anussāvesiṃ, yo maṃ nissāya vasati, yo maṃ uddisāpeti, yo maṃ paripucchati, yassāhaṃ uddisāmi, yāhaṃ paripucchāpemi taṃ paccakkhāmī’’ti evaṃ antevāsikavevacanena sikkhāpaccakkhānaṃ hoti.

    самаанубаж̇жхааяагам̣ бажжагкаамийд̇и на взважанзна бажжагкаанам̣. ‘‘маяхам̣ убаж̇жхааяо яам̣ баб̣б̣ааж̇зси, яам̣ убасамбаад̣̇зси, яо д̇асса муулзна баб̣б̣аж̇ид̇о, яо д̇асса муулзна убасамбанно, яасса д̇аммуулигаа баб̣б̣аж̇ж̇аа, яасса д̇аммуулигаа убасамбад̣̇аа д̇ам̣ бажжагкаамий’’д̇и звам̣ самаанубаж̇жхааяагавзважанзна сигкаабажжагкаанам̣ ход̇и.

    Samānupajjhāyakaṃ paccakkhāmīti na vevacanena paccakkhānaṃ. ‘‘Mayhaṃ upajjhāyo yaṃ pabbājesi, yaṃ upasampādesi, yo tassa mūlena pabbajito, yo tassa mūlena upasampanno, yassa tammūlikā pabbajjā, yassa tammūlikā upasampadā taṃ paccakkhāmī’’ti evaṃ samānupajjhāyakavevacanena sikkhāpaccakkhānaṃ hoti.

    самаанаажарияагам̣ бажжагкаамийд̇и на взважанзна бажжагкаанам̣. ‘‘маяхам̣ аажарияо яам̣ баб̣б̣ааж̇зси, яам̣ ануссаавзси, яо д̇ам̣ ниссааяа васад̇и, яо д̇ам̣ уд̣̇д̣̇исаабзд̇и барибужчад̇и, яасса мз аажарияо уд̣̇д̣̇исад̇и, яам̣ барибужчаабзд̇и д̇ам̣ бажжагкаамий’’д̇и звам̣ самаанаажарияагавзважанзна сигкаабажжагкаанам̣ ход̇и.

    Samānācariyakaṃpaccakkhāmīti na vevacanena paccakkhānaṃ. ‘‘Mayhaṃ ācariyo yaṃ pabbājesi, yaṃ anussāvesi, yo taṃ nissāya vasati, yo taṃ uddisāpeti paripucchati, yassa me ācariyo uddisati, yaṃ paripucchāpeti taṃ paccakkhāmī’’ti evaṃ samānācariyakavevacanena sikkhāpaccakkhānaṃ hoti.

    саб̣рахмажаарим̣ бажжагкаамийд̇и на взважанзна бажжагкаанам̣. ‘‘язнаахам̣ сад̣̇д̇хим̣ ад̇хисийлам̣ сигкаами, ад̇хижид̇д̇ам̣ ад̇хибан̃н̃ам̣ сигкаами д̇ам̣ бажжагкаамий’’д̇и звам̣ саб̣рахмажааривзважанзна сигкаабажжагкаанам̣ ход̇и.

    Sabrahmacāriṃ paccakkhāmīti na vevacanena paccakkhānaṃ. ‘‘Yenāhaṃ saddhiṃ adhisīlaṃ sikkhāmi, adhicittaṃ adhipaññaṃ sikkhāmi taṃ paccakkhāmī’’ti evaṃ sabrahmacārivevacanena sikkhāpaccakkhānaṃ hoti.

    г̇ихийд̇и мам̣ д̇хаарзхийд̇и на взважанзна бажжагкаанам̣. ‘‘ааг̇ааригод̇и мам̣ д̇хаарзхи, гассаго, ваан̣иж̇о, г̇орагко, огаллаго, мол̣иб̣ад̣̇д̇хо, гаамаг̇ун̣игод̇и мам̣ д̇хаарзхий’’д̇и звам̣ г̇ихивзважанзна сигкаабажжагкаанам̣ ход̇и.

    Gihīti maṃ dhārehīti na vevacanena paccakkhānaṃ. ‘‘Āgārikoti maṃ dhārehi, kassako, vāṇijo, gorakkho, okallako, moḷibaddho, kāmaguṇikoti maṃ dhārehī’’ti evaṃ gihivevacanena sikkhāpaccakkhānaṃ hoti.

    убаасагод̇и мам̣ д̇хаарзхийд̇и на взважанзна бажжагкаанам̣. ‘‘д̣̇взваажиго убаасагод̇и мам̣ д̇хаарзхи, д̇зваажиго убаасаго, б̣уд̣̇д̇хам̣ саран̣аг̇аманиго, д̇хаммам̣ сан̇гхам̣ саран̣аг̇аманиго, бан̃жасигкаабад̣̇иго д̣̇асасигкаабад̣̇иго убаасагод̇и мам̣ д̇хаарзхий’’д̇и звам̣ убаасагавзважанзна сигкаабажжагкаанам̣ ход̇и.

    Upāsakoti maṃ dhārehīti na vevacanena paccakkhānaṃ. ‘‘Dvevāciko upāsakoti maṃ dhārehi, tevāciko upāsako, buddhaṃ saraṇagamaniko, dhammaṃ saṅghaṃ saraṇagamaniko, pañcasikkhāpadiko dasasikkhāpadiko upāsakoti maṃ dhārehī’’ti evaṃ upāsakavevacanena sikkhāpaccakkhānaṃ hoti.

    аараамигод̇и мам̣ д̇хаарзхийд̇и на взважанзна бажжагкаанам̣. ‘‘габбияагаарагод̇и мам̣ д̇хаарзхи, взяяааважжагаро, аббахарид̇агаараго, яааг̇убхааж̇аго, палабхааж̇аго, каж̇ж̇агабхааж̇агод̇и мам̣ д̇хаарзхий’’д̇и звам̣ аараамигавзважанзна сигкаабажжагкаанам̣ ход̇и.

    Ārāmikoti maṃ dhārehīti na vevacanena paccakkhānaṃ. ‘‘Kappiyakārakoti maṃ dhārehi, veyyāvaccakaro, appaharitakārako, yāgubhājako, phalabhājako, khajjakabhājakoti maṃ dhārehī’’ti evaṃ ārāmikavevacanena sikkhāpaccakkhānaṃ hoti.

    сааман̣зрод̇и мам̣ д̇хаарзхийд̇и на взважанзна бажжагкаанам̣. ‘‘гумаарагод̇и мам̣ д̇хаарзхи, жзллаго, жздаго, мол̣иг̇алло, саман̣уд̣̇д̣̇зсо’д̇и мам̣ д̇хаарзхий’’д̇и звам̣ сааман̣зравзжанзна сигкаабажжагкаанам̣ ход̇и.

    Sāmaṇeroti maṃ dhārehīti na vevacanena paccakkhānaṃ. ‘‘Kumārakoti maṃ dhārehi, cellako, ceṭako, moḷigallo, samaṇuddeso’ti maṃ dhārehī’’ti evaṃ sāmaṇeravecanena sikkhāpaccakkhānaṃ hoti.

    д̇ид̇т̇ияод̇и мам̣ д̇хаарзхийд̇и на взважанзна бажжагкаанам̣. ‘‘ниг̇ан̣тод̇и мам̣ д̇хаарзхи, ааж̇ийваго, д̇аабасо, бариб̣б̣ааж̇аго, бан̣д̣аран̇г̇од̇и мам̣ д̇хаарзхий’’д̇и звам̣ д̇ид̇т̇ияавзважанзна сигкаабажжагкаанам̣ ход̇и.

    Titthiyoti maṃ dhārehīti na vevacanena paccakkhānaṃ. ‘‘Nigaṇṭhoti maṃ dhārehi, ājīvako, tāpaso, paribbājako, paṇḍaraṅgoti maṃ dhārehī’’ti evaṃ titthiyavevacanena sikkhāpaccakkhānaṃ hoti.

    д̇ид̇т̇ияасаавагод̇и мам̣ д̇хаарзхийд̇и на взважанзна бажжагкаанам̣. ‘‘ниг̇ан̣тасаавагод̇и мам̣ д̇хаарзхи’’ ааж̇ийвага д̇аабаса бариб̣б̣ааж̇ага бан̣д̣аран̇г̇асаавагод̇и мам̣ д̇хаарзхийд̇и звам̣ д̇ид̇т̇ияасаавагавзважанзна сигкаабажжагкаанам̣ ход̇и.

    Titthiyasāvakotimaṃ dhārehīti na vevacanena paccakkhānaṃ. ‘‘Nigaṇṭhasāvakoti maṃ dhārehi’’ ājīvaka tāpasa paribbājaka paṇḍaraṅgasāvakoti maṃ dhārehīti evaṃ titthiyasāvakavevacanena sikkhāpaccakkhānaṃ hoti.

    ассаман̣од̇и мам̣ д̇хаарзхийд̇и на взважанзна бажжагкаанам̣. ‘‘д̣̇уссийлод̇и мам̣ д̇хаарзхи, баабад̇хаммо, асужисан̇гассарасамаажааро, бадижчаннагамманд̇о, ассаман̣о саман̣абадин̃н̃о, аб̣рахмажаарий б̣рахмажаарибадин̃н̃о, анд̇обууд̇и, авассуд̇о, гасамб̣уж̇аад̇о, гон̣то’д̇и мам̣ д̇хаарзхий’’д̇и звам̣ ассаман̣авзважанзна сигкаабажжагкаанам̣ ход̇и.

    Assamaṇoti maṃ dhārehīti na vevacanena paccakkhānaṃ. ‘‘Dussīloti maṃ dhārehi, pāpadhammo, asucisaṅkassarasamācāro, paṭicchannakammanto, assamaṇo samaṇapaṭiñño, abrahmacārī brahmacāripaṭiñño, antopūti, avassuto, kasambujāto, koṇṭho’ti maṃ dhārehī’’ti evaṃ assamaṇavevacanena sikkhāpaccakkhānaṃ hoti.

    асагяабуд̇д̇ияод̇и мам̣ д̇хаарзхийд̇и на взважанзна бажжагкаанам̣. ‘‘на саммаасамб̣уд̣̇д̇хабуд̇д̇од̇и мам̣ д̇хаарзхи, на ананд̇аб̣уд̣̇д̇хибуд̇д̇о, на аномаб̣уд̣̇д̇хибуд̇д̇о, на б̣од̇хибан̃н̃аан̣абуд̇д̇о, на д̇хийрабуд̇д̇о, на виг̇ад̇амохабуд̇д̇о, на бабхиннакийлабуд̇д̇о , на виж̇ид̇авиж̇аяабуд̇д̇од̇и мам̣ д̇хаарзхий’’д̇и звамаад̣̇иасагяабуд̇д̇ияавзважанзна сигкаабажжагкаанам̣ ход̇и.

    Asakyaputtiyoti maṃ dhārehīti na vevacanena paccakkhānaṃ. ‘‘Na sammāsambuddhaputtoti maṃ dhārehi, na anantabuddhiputto, na anomabuddhiputto, na bodhipaññāṇaputto, na dhīraputto, na vigatamohaputto, na pabhinnakhīlaputto , na vijitavijayaputtoti maṃ dhārehī’’ti evamādiasakyaputtiyavevacanena sikkhāpaccakkhānaṃ hoti.

    д̇зхи аагаарзхи д̇зхи лин̇г̇зхи д̇зхи нимид̇д̇зхийд̇и д̇зхи ‘‘б̣уд̣̇д̇хавзважанаани ваа’’д̇иаад̣̇инаа наязна вуд̇д̇зхи б̣уд̣̇д̇хаад̣̇ийнам̣ взважанзхи. взважанаани хи сигкаабажжагкаанасса гааран̣ад̇д̇аа аагаараани, б̣уд̣̇д̇хаад̣̇ийнам̣ сан̣таанад̣̇ийбанад̇д̇аа сигкаабажжагкаанасан̣таанад̇д̇аа зва ваа лин̇г̇аани, сигкаабажжагкаанасса сан̃ж̇аананахзд̇уд̇о мануссаанам̣ д̇илагаад̣̇ийни вияа нимид̇д̇аанийд̇и вужжанд̇и. звам̣ ко бхигкавзд̇и ид̇о барам̣ ан̃н̃асса сигкаабажжагкаанагааран̣асса абхаавад̇о нияамзнд̇о ааха. аяан̃хзд̇т̇а ад̇т̇о, звамзва д̣̇уб̣б̣аляаавигамман̃жзва ход̇и сигкаабажжагкаанан̃жа, на ид̇о барам̣ гааран̣амад̇т̇ийд̇и.

    Tehi ākārehi tehi liṅgehi tehi nimittehīti tehi ‘‘buddhavevacanāni vā’’tiādinā nayena vuttehi buddhādīnaṃ vevacanehi. Vevacanāni hi sikkhāpaccakkhānassa kāraṇattā ākārāni, buddhādīnaṃ saṇṭhānadīpanattā sikkhāpaccakkhānasaṇṭhānattā eva vā liṅgāni, sikkhāpaccakkhānassa sañjānanahetuto manussānaṃ tilakādīni viya nimittānīti vuccanti. Evaṃ kho bhikkhaveti ito paraṃ aññassa sikkhāpaccakkhānakāraṇassa abhāvato niyamento āha. Ayañhettha attho, evameva dubbalyāvikammañceva hoti sikkhāpaccakkhānañca, na ito paraṃ kāraṇamatthīti.

    54. звам̣ сигкаабажжагкааналагкан̣ам̣ д̣̇ассзд̇ваа аббажжагкаанз асаммохад̇т̇ам̣ д̇ассзва жа сигкаабажжагкааналагкан̣асса буг̇г̇алаад̣̇ивасзна вибад̇д̇ид̣̇ассанад̇т̇ам̣ ‘‘гат̇ан̃жа, бхигкавз, аббажжагкаад̇аа’’д̇иаад̣̇имааха. д̇ад̇т̇а язхи аагаарзхийд̇иаад̣̇и вуд̇д̇анаяамзва. уммад̇д̇агод̇и яагкуммад̇д̇аго ваа бид̇д̇уммад̇д̇аго ваа яо гожи вибарийд̇асан̃н̃о, со сажз бажжагкаад̇и, аббажжагкаад̇аа ход̇и сигкаа. уммад̇д̇агассаад̇и д̇аад̣̇исассзва уммад̇д̇агасса; д̇аад̣̇исасса хи санд̇игз сажз багад̇ад̇д̇о сигкам̣ бажжагкаад̇и, уммад̇д̇аго на ж̇аанаад̇и, аббажжагкаад̇аава ход̇и сигкаа. кид̇д̇ажид̇д̇од̇и яагкуммад̇д̇аго вужжад̇и. буримабад̣̇з бана уммад̇д̇агасааман̃н̃зна вуд̇д̇ам̣ ‘‘яагкуммад̇д̇аго ваа бид̇д̇уммад̇д̇аго ваа’’д̇и. убхиннамби висзсо анаабад̇д̇иваарз аави бхависсад̇и . звам̣ кид̇д̇ажид̇д̇о сигкам̣ бажжагкаад̇и, аббажжагкаад̇аава ход̇и. д̇асса санд̇игз бажжагкаад̇ааби д̇амхи аж̇аананд̇з аббажжагкаад̇аава ход̇и.

    54. Evaṃ sikkhāpaccakkhānalakkhaṇaṃ dassetvā appaccakkhāne asammohatthaṃ tasseva ca sikkhāpaccakkhānalakkhaṇassa puggalādivasena vipattidassanatthaṃ ‘‘kathañca, bhikkhave, appaccakkhātā’’tiādimāha. Tattha yehi ākārehītiādi vuttanayameva. Ummattakoti yakkhummattako vā pittummattako vā yo koci viparītasañño, so sace paccakkhāti, appaccakkhātā hoti sikkhā. Ummattakassāti tādisasseva ummattakassa; tādisassa hi santike sace pakatatto sikkhaṃ paccakkhāti, ummattako na jānāti, appaccakkhātāva hoti sikkhā. Khittacittoti yakkhummattako vuccati. Purimapade pana ummattakasāmaññena vuttaṃ ‘‘yakkhummattako vā pittummattako vā’’ti. Ubhinnampi viseso anāpattivāre āvi bhavissati . Evaṃ khittacitto sikkhaṃ paccakkhāti, appaccakkhātāva hoti. Tassa santike paccakkhātāpi tamhi ajānante appaccakkhātāva hoti.

    взд̣̇анааддод̇и б̣алавад̇ияаа д̣̇угкавзд̣̇анааяа пудто мужчаабарзд̇о; д̇зна вилабанд̇зна бажжагкаад̇ааби аббажжагкаад̇аава ход̇и. д̇асса санд̇игз бажжагкаад̇ааби д̇амхи аж̇аананд̇з аббажжагкаад̇аа ход̇и.

    Vedanāṭṭoti balavatiyā dukkhavedanāya phuṭṭho mucchāpareto; tena vilapantena paccakkhātāpi appaccakkhātāva hoti. Tassa santike paccakkhātāpi tamhi ajānante appaccakkhātā hoti.

    д̣̇звад̇ааяа санд̇игзд̇и бхуммад̣̇звад̇ам̣ аад̣̇им̣ гад̇ваа яаава аганидтад̣̇звад̇ааяа санд̇игз бажжагкаад̇ааби аббажжагкаад̇аава ход̇и. д̇иражчаанаг̇ад̇ассаад̇и нааг̇амаан̣авагасса ваа субан̣н̣амаан̣авагасса ваа гиннара-хад̇т̇и-маггадаад̣̇ийнам̣ ваа яасса гассажи санд̇игз бажжагкаад̇ааби аббажжагкаад̇аава ход̇и . д̇ад̇ра уммад̇д̇агаад̣̇ийнам̣ санд̇игз аж̇аананабхаавзна аббажжагкаад̇аад̇и ааха. д̣̇звад̇ааяа санд̇игз ад̇икиббам̣ ж̇аананабхаавзна. д̣̇звад̇аа наама махаабан̃н̃аа д̇ихзд̇угабадисанд̇хигаа ад̇икиббам̣ ж̇аананд̇и, жид̇д̇ан̃жа наамзд̇ам̣ лахубаривад̇д̇ам̣. д̇асмаа жид̇д̇алахугасса буг̇г̇аласса жид̇д̇авасзнзва ‘‘маа ад̇икиббам̣ винаасо ахосий’’д̇и д̣̇звад̇ааяа санд̇игз сигкаабажжагкаанам̣ бадигкиби.

    Devatāya santiketi bhummadevataṃ ādiṃ katvā yāva akaniṭṭhadevatāya santike paccakkhātāpi appaccakkhātāva hoti. Tiracchānagatassāti nāgamāṇavakassa vā supaṇṇamāṇavakassa vā kinnara-hatthi-makkaṭādīnaṃ vā yassa kassaci santike paccakkhātāpi appaccakkhātāva hoti . Tatra ummattakādīnaṃ santike ajānanabhāvena appaccakkhātāti āha. Devatāya santike atikhippaṃ jānanabhāvena. Devatā nāma mahāpaññā tihetukapaṭisandhikā atikhippaṃ jānanti, cittañca nāmetaṃ lahuparivattaṃ. Tasmā cittalahukassa puggalassa cittavaseneva ‘‘mā atikhippaṃ vināso ahosī’’ti devatāya santike sikkhāpaccakkhānaṃ paṭikkhipi.

    мануссзсу бана нияамо над̇т̇и. яасса гассажи сабхааг̇асса ваа висабхааг̇асса ваа г̇ахадтасса ваа баб̣б̣аж̇ид̇асса ваа вин̃н̃усса санд̇игз бажжагкаад̇аа бажжагкаад̇аава ход̇и. сажз бана со на ж̇аанаад̇и, аббажжагкаад̇аава ход̇ийд̇и зд̇амад̇т̇ам̣ д̣̇ассзнд̇о ‘‘арияагзнаа’’д̇иаад̣̇имааха. д̇ад̇т̇а арияагам̣ наама арияавохааро, мааг̇ад̇хабхаасаа. милагкагам̣ наама яо гожи анарияаго анд̇хад̣̇амил̣аад̣̇и. со жа на бадивиж̇аанаад̇ийд̇и бхаасанд̇арз ваа анабхин̃н̃ад̇ааяа, б̣уд̣̇д̇хасамаяз ваа аговид̣̇ад̇ааяа ‘‘ид̣̇ам̣ наама ад̇т̇ам̣ зса бхан̣ад̇ий’’д̇и наббадивиж̇аанаад̇и. д̣̇авааяаад̇и сахасаа ан̃н̃ам̣ бхан̣ид̇угаамо сахасаа ‘‘б̣уд̣̇д̇хам̣ бажжагкаамий’’д̇и бхан̣ад̇и. равааяаад̇и раваабхан̃н̃зна, ‘‘ан̃н̃ам̣ бхан̣иссаамий’’д̇и ан̃н̃ам̣ бхан̣анд̇о. буримзна го висзсод̇и жз? буримам̣ бан̣д̣ид̇ассааби сахасаавасзна ан̃н̃абхан̣анам̣. ид̣̇ам̣ бана манд̣̇ад̇д̇аа момуухад̇д̇аа абагад̇ан̃н̃уд̇д̇аа багкаланд̇асса ‘‘ан̃н̃ам̣ бхан̣иссаамий’’д̇и ан̃н̃абхан̣анам̣.

    Manussesu pana niyamo natthi. Yassa kassaci sabhāgassa vā visabhāgassa vā gahaṭṭhassa vā pabbajitassa vā viññussa santike paccakkhātā paccakkhātāva hoti. Sace pana so na jānāti, appaccakkhātāva hotīti etamatthaṃ dassento ‘‘ariyakenā’’tiādimāha. Tattha ariyakaṃ nāma ariyavohāro, māgadhabhāsā. Milakkhakaṃ nāma yo koci anariyako andhadamiḷādi. So ca na paṭivijānātīti bhāsantare vā anabhiññatāya, buddhasamaye vā akovidatāya ‘‘idaṃ nāma atthaṃ esa bhaṇatī’’ti nappaṭivijānāti. Davāyāti sahasā aññaṃ bhaṇitukāmo sahasā ‘‘buddhaṃ paccakkhāmī’’ti bhaṇati. Ravāyāti ravābhaññena, ‘‘aññaṃ bhaṇissāmī’’ti aññaṃ bhaṇanto. Purimena ko visesoti ce? Purimaṃ paṇḍitassāpi sahasāvasena aññabhaṇanaṃ. Idaṃ pana mandattā momūhattā apakataññuttā pakkhalantassa ‘‘aññaṃ bhaṇissāmī’’ti aññabhaṇanaṃ.

    асаавзд̇угаамо саавзд̇ийд̇и имасса сигкаабад̣̇асса баал̣им̣ ваажзд̇и барибужчад̇и уг̇г̇ан̣хаад̇и саж̇жхааяам̣ гарод̇и ван̣н̣зд̇и, аяам̣ вужжад̇и ‘‘асаавзд̇угаамо саавзд̇ий’’д̇и. саавзд̇угаамо на саавзд̇ийд̇и д̣̇уб̣б̣алабхаавам̣ аавигад̇ваа сигкам̣ бажжагканд̇о важийбхзд̣̇ам̣ на гарод̇и, аяам̣ вужжад̇и ‘‘саавзд̇угаамо на саавзд̇ий’’д̇и. авин̃н̃усса саавзд̇ийд̇и махаллагасса ваа бод̇т̇агаруубасад̣̇исасса, г̇арумзд̇хасса ваа самаяз аговид̣̇асса, г̇аамад̣̇аарагаанам̣ ваа авин̃н̃уд̇ам̣ бад̇д̇аанам̣ саавзд̇и. вин̃н̃усса на саавзд̇ийд̇и бан̣д̣ид̇асса н̃аад̇ум̣ самад̇т̇асса на саавзд̇и. саб̣б̣асо ваа банаад̇и ‘‘б̣уд̣̇д̇хам̣ бажжагкаамий’’д̇иаад̣̇ийсу язна язна барияааязна сигкаа бажжагкаад̇аа ход̇и, д̇ад̇о згамби важийбхзд̣̇ам̣ гад̇ваа на саавзд̇и. звам̣ код̇и аббажжагкааналагкан̣ам̣ нияамзд̇и. аяам̣ хзд̇т̇а ад̇т̇о – ‘‘звамзва сигкаа аббажжагкаад̇аа ход̇и, на ан̃н̃зна гааран̣знаа’’д̇и.

    Asāvetukāmo sāvetīti imassa sikkhāpadassa pāḷiṃ vāceti paripucchati uggaṇhāti sajjhāyaṃ karoti vaṇṇeti, ayaṃ vuccati ‘‘asāvetukāmo sāvetī’’ti. Sāvetukāmo na sāvetīti dubbalabhāvaṃ āvikatvā sikkhaṃ paccakkhanto vacībhedaṃ na karoti, ayaṃ vuccati ‘‘sāvetukāmo na sāvetī’’ti. Aviññussa sāvetīti mahallakassa vā potthakarūpasadisassa, garumedhassa vā samaye akovidassa, gāmadārakānaṃ vā aviññutaṃ pattānaṃ sāveti. Viññussa na sāvetīti paṇḍitassa ñātuṃ samatthassa na sāveti. Sabbaso vā panāti ‘‘buddhaṃ paccakkhāmī’’tiādīsu yena yena pariyāyena sikkhā paccakkhātā hoti, tato ekampi vacībhedaṃ katvā na sāveti. Evaṃ khoti appaccakkhānalakkhaṇaṃ niyameti. Ayaṃ hettha attho – ‘‘evameva sikkhā appaccakkhātā hoti, na aññena kāraṇenā’’ti.

    сигкаабажжагкаанавибхан̇г̇ам̣ нидтид̇ам̣.

    Sikkhāpaccakkhānavibhaṅgaṃ niṭṭhitaṃ.

    муулабан̃н̃ад̇д̇иван̣н̣анаа

    Mūlapaññattivaṇṇanā

    55. ид̣̇аани ‘‘мзт̇унам̣ д̇хаммам̣ бадисзвзяяаа’’д̇иаад̣̇ийнам̣ ад̇т̇ад̣̇ассанад̇т̇ам̣ ‘‘мзт̇унад̇хаммо наамаа’’д̇иаад̣̇имааха. д̇ад̇т̇а мзт̇унад̇хаммо наамаад̇и ид̣̇ам̣ нид̣̇д̣̇исид̇аб̣б̣асса мзт̇унад̇хаммасса уд̣̇д̣̇зсабад̣̇ам̣. асад̣̇д̇хаммод̇и асад̇ам̣ нийжаж̇анаанам̣ д̇хаммо. г̇аамад̇хаммод̇и г̇аамаваасийнам̣ сзванад̇хаммо. васалад̇хаммод̇и васалаанам̣ д̇хаммо; гилзсавассанад̇о ваа саяамзва васало д̇хаммод̇и васалад̇хаммо. д̣̇удтулланд̇и д̣̇удтун̃жа гилзсзхи д̣̇удтад̇д̇аа, т̇уулан̃жа анибун̣абхаавад̇од̇и д̣̇удтуллам̣. ид̇о бадтааяа жа д̇ийсу бад̣̇зсу ‘‘яо со’’д̇и ид̣̇ам̣ баривад̇д̇зд̇ваа ‘‘яам̣ д̇а’’нд̇и гад̇ваа яож̇зд̇аб̣б̣ам̣ – ‘‘яам̣ д̇ам̣ д̣̇удтуллам̣, яам̣ д̇ам̣ од̣̇аганд̇игам̣, яам̣ д̇ам̣ рахасса’’нд̇и. зд̇т̇а жа яасмаа д̇асса гаммасса бариваарабхууд̇ам̣ д̣̇ассанамби г̇ахан̣амби аамасанамби пусанамби гхадданамби д̣̇удтуллам̣, д̇асмааби д̇ам̣ гаммам̣ д̣̇удтуллам̣. яам̣ д̇ам̣ д̣̇удтуллам̣ со мзт̇унад̇хаммо. уд̣̇агам̣ асса анд̇з суд̣̇д̇хад̇т̇ам̣ аад̣̇ийяад̇ийд̇и уд̣̇аганд̇ам̣, уд̣̇аганд̇амзва од̣̇аганд̇игам̣; яам̣ д̇ам̣ од̣̇аганд̇игам̣ , со мзт̇унад̇хаммо. рахо бадижчаннз огаасз гад̇д̇аб̣б̣ад̇ааяа рахассам̣. яам̣ д̇ам̣ рахассам̣, со мзт̇унад̇хаммод̇и звам̣ яож̇анаа взд̣̇ид̇аб̣б̣аа.

    55. Idāni ‘‘methunaṃ dhammaṃ paṭiseveyyā’’tiādīnaṃ atthadassanatthaṃ ‘‘methunadhammo nāmā’’tiādimāha. Tattha methunadhammo nāmāti idaṃ niddisitabbassa methunadhammassa uddesapadaṃ. Asaddhammoti asataṃ nīcajanānaṃ dhammo. Gāmadhammoti gāmavāsīnaṃ sevanadhammo. Vasaladhammoti vasalānaṃ dhammo; kilesavassanato vā sayameva vasalo dhammoti vasaladhammo. Duṭṭhullanti duṭṭhuñca kilesehi duṭṭhattā, thūlañca anipuṇabhāvatoti duṭṭhullaṃ. Ito paṭṭhāya ca tīsu padesu ‘‘yo so’’ti idaṃ parivattetvā ‘‘yaṃ ta’’nti katvā yojetabbaṃ – ‘‘yaṃ taṃ duṭṭhullaṃ, yaṃ taṃ odakantikaṃ, yaṃ taṃ rahassa’’nti. Ettha ca yasmā tassa kammassa parivārabhūtaṃ dassanampi gahaṇampi āmasanampi phusanampi ghaṭṭanampi duṭṭhullaṃ, tasmāpi taṃ kammaṃ duṭṭhullaṃ. Yaṃ taṃ duṭṭhullaṃ so methunadhammo. Udakaṃ assa ante suddhatthaṃ ādīyatīti udakantaṃ, udakantameva odakantikaṃ; yaṃ taṃ odakantikaṃ , so methunadhammo. Raho paṭicchanne okāse kattabbatāya rahassaṃ. Yaṃ taṃ rahassaṃ, so methunadhammoti evaṃ yojanā veditabbā.

    д̣̇ваязна д̣̇ваязна самаабаж̇ж̇ид̇аб̣б̣ад̇о д̣̇ваяам̣д̣̇ваяасамаабад̇д̇и. д̇ад̇т̇а яож̇анаа – ‘‘яаа саа д̣̇ваяам̣д̣̇ваяасамаабад̇д̇и со мзт̇унад̇хаммо наамаа’’д̇и. ид̇ха бана д̇ам̣ саб̣б̣ам̣ згаж̇жхам̣ ниг̇амзнд̇о ааха ‘‘зсо мзт̇унад̇хаммо наамаа’’д̇и. гим̣ гааран̣аа вужжад̇и мзт̇унад̇хаммод̇и? убхиннам̣ рад̇д̇аанам̣ саарад̇д̇аанам̣ авассуд̇аанам̣ барияудтид̇аанам̣ убхиннам̣ сад̣̇исаанам̣ д̇хаммод̇и, д̇ам̣ гааран̣аа вужжад̇и мзт̇унад̇хаммод̇и.

    Dvayena dvayena samāpajjitabbato dvayaṃdvayasamāpatti. Tattha yojanā – ‘‘yā sā dvayaṃdvayasamāpatti so methunadhammo nāmā’’ti. Idha pana taṃ sabbaṃ ekajjhaṃ nigamento āha ‘‘eso methunadhammo nāmā’’ti. Kiṃ kāraṇā vuccati methunadhammoti? Ubhinnaṃ rattānaṃ sārattānaṃ avassutānaṃ pariyuṭṭhitānaṃ ubhinnaṃ sadisānaṃ dhammoti, taṃ kāraṇā vuccati methunadhammoti.

    бадисзвад̇и наамаад̇и ид̣̇ам̣ ‘‘бадисзвзяяаа’’д̇и зд̇т̇а язнаагаарзна бадисзвзяяаад̇и вужжад̇и, д̇ассаагаарасса д̣̇ассанад̇т̇ам̣ маад̇игаабад̣̇ам̣. яо нид̇д̇зна нимид̇д̇анд̇иаад̣̇ийсу яо бхигку ид̇т̇ияаа нимид̇д̇зна ад̇д̇ано нимид̇д̇ам̣, ид̇т̇ияаа ан̇г̇аж̇аад̇зна ад̇д̇ано ан̇г̇аж̇аад̇ам̣ саб̣б̣анд̇имзна бамаан̣зна згад̇илаб̣ийж̇амад̇д̇амби ваад̇зна асампудтз аллогаасз бавзсзд̇и, зсо бадисзвад̇и наама; зд̇д̇агзна сийлабхзд̣̇ам̣ баабун̣аад̇и, баарааж̇иго ход̇и.

    Paṭisevati nāmāti idaṃ ‘‘paṭiseveyyā’’ti ettha yenākārena paṭiseveyyāti vuccati, tassākārassa dassanatthaṃ mātikāpadaṃ. Yo nittena nimittantiādīsu yo bhikkhu itthiyā nimittena attano nimittaṃ, itthiyā aṅgajātena attano aṅgajātaṃ sabbantimena pamāṇena ekatilabījamattampi vātena asamphuṭṭhe allokāse paveseti, eso paṭisevati nāma; ettakena sīlabhedaṃ pāpuṇāti, pārājiko hoti.

    зд̇т̇а жа ид̇т̇инимид̇д̇з жад̇д̇аари бассаани, взмаж̇жхан̃жаад̇и бан̃жа таанаани лаб̣бханд̇и. бурисанимид̇д̇з жад̇д̇аари бассаани, маж̇жхам̣, убарижаад̇и ча. д̇асмаа ид̇т̇инимид̇д̇з хздтаа бавзсзнд̇оби баарааж̇иго ход̇и. убарид̇о бавзсзнд̇оби, убхохи бассзхи бавзсзнд̇оби жад̇д̇аари таанаани мун̃жид̇ваа маж̇жхзна бавзсзнд̇оби баарааж̇иго ход̇и. бурисанимид̇д̇ам̣ бана хздтаабхааг̇зна чубанд̇ам̣ бавзсзнд̇оби баарааж̇иго ход̇и. убарибхааг̇зна чубанд̇ам̣ бавзсзнд̇оби, убхохи бассзхи чубанд̇ам̣ бавзсзнд̇оби, маж̇жхзнзва чубанд̇ам̣ бавзсзнд̇оби саман̃чид̇ан̇г̇улим̣ вияа маж̇жхимабаб̣б̣абидтияаа сан̇гожзд̇ваа убарибхааг̇зна чубанд̇ам̣ бавзсзнд̇оби баарааж̇иго ход̇и. д̇ад̇т̇а д̇улаад̣̇ан̣д̣асад̣̇исам̣ бавзсзнд̇ассааби жад̇д̇аари бассаани, маж̇жхан̃жаад̇и бан̃жа таанаани; сан̇гожзд̇ваа бавзсзнд̇ассааби жад̇д̇аари бассаани, убарибхааг̇амаж̇жхан̃жаад̇и бан̃жа таанаани – звам̣ саб̣б̣ааниби бурисанимид̇д̇з д̣̇аса таанаани хонд̇и.

    Ettha ca itthinimitte cattāri passāni, vemajjhañcāti pañca ṭhānāni labbhanti. Purisanimitte cattāri passāni, majjhaṃ, uparicāti cha. Tasmā itthinimitte heṭṭhā pavesentopi pārājiko hoti. Uparito pavesentopi, ubhohi passehi pavesentopi cattāri ṭhānāni muñcitvā majjhena pavesentopi pārājiko hoti. Purisanimittaṃ pana heṭṭhābhāgena chupantaṃ pavesentopi pārājiko hoti. Uparibhāgena chupantaṃ pavesentopi, ubhohi passehi chupantaṃ pavesentopi, majjheneva chupantaṃ pavesentopi samañchitaṅguliṃ viya majjhimapabbapiṭṭhiyā saṅkocetvā uparibhāgena chupantaṃ pavesentopi pārājiko hoti. Tattha tulādaṇḍasadisaṃ pavesentassāpi cattāri passāni, majjhañcāti pañca ṭhānāni; saṅkocetvā pavesentassāpi cattāri passāni, uparibhāgamajjhañcāti pañca ṭhānāni – evaṃ sabbānipi purisanimitte dasa ṭhānāni honti.

    нимид̇д̇з ж̇аад̇ам̣ анадтагааяаббасаад̣̇ам̣ жаммакийлам̣ ваа бил̣агам̣ ваа бавзсзд̇и, аабад̇д̇и баарааж̇игасса. надтагааяаббасаад̣̇ам̣ мад̇ажаммам̣ ваа сугкабил̣агам̣ ваа бавзсзд̇и, аабад̇д̇и д̣̇уггадасса. мзт̇унассаад̣̇зна ломам̣ ваа ан̇г̇ули-ан̇г̇удтаб̣ийж̇аад̣̇ийни ваа бавзсзнд̇ассааби д̣̇уггадамзва. аяан̃жа мзт̇унагат̇аа наама яасмаа д̣̇удтуллаа гат̇аа асаб̣бхигат̇аа, д̇асмаа зд̇ам̣ ваа ан̃н̃ам̣ ваа винаяз ийд̣̇исам̣ таанам̣ гат̇знд̇зна бадиггууламанасигааран̃жа саман̣асан̃н̃ан̃жа хирод̇д̇аббан̃жа бажжубадтабзд̇ваа саммаасамб̣уд̣̇д̇хз г̇ааравам̣ уббаад̣̇зд̇ваа асамагаарун̣игасса логанаат̇асса гарун̣ааг̇ун̣ам̣ ааваж̇ж̇зд̇ваа гат̇зд̇аб̣б̣ам̣. со хи наама бхаг̇аваа саб̣б̣асо гаамзхи винивад̇д̇амаанасоби сад̇д̇аануд̣̇д̣̇аяааяа логаанугамбааяа сад̇д̇зсу гаарун̃н̃ад̇ам̣ бадижжа сигкаабад̣̇абан̃н̃аабанад̇т̇ааяа ийд̣̇исам̣ гат̇ам̣ гат̇зси. ‘‘ахо сад̇т̇у гарун̣ааг̇ун̣о’’д̇и звам̣ логанаат̇асса гарун̣ааг̇ун̣ам̣ ааваж̇ж̇зд̇ваа гат̇зд̇аб̣б̣ам̣.

    Nimitte jātaṃ anaṭṭhakāyappasādaṃ cammakhīlaṃ vā piḷakaṃ vā paveseti, āpatti pārājikassa. Naṭṭhakāyappasādaṃ matacammaṃ vā sukkhapiḷakaṃ vā paveseti, āpatti dukkaṭassa. Methunassādena lomaṃ vā aṅguli-aṅguṭṭhabījādīni vā pavesentassāpi dukkaṭameva. Ayañca methunakathā nāma yasmā duṭṭhullā kathā asabbhikathā, tasmā etaṃ vā aññaṃ vā vinaye īdisaṃ ṭhānaṃ kathentena paṭikkūlamanasikārañca samaṇasaññañca hirottappañca paccupaṭṭhapetvā sammāsambuddhe gāravaṃ uppādetvā asamakāruṇikassa lokanāthassa karuṇāguṇaṃ āvajjetvā kathetabbaṃ. So hi nāma bhagavā sabbaso kāmehi vinivattamānasopi sattānuddayāya lokānukampāya sattesu kāruññataṃ paṭicca sikkhāpadapaññāpanatthāya īdisaṃ kathaṃ kathesi. ‘‘Aho satthu karuṇāguṇo’’ti evaṃ lokanāthassa karuṇāguṇaṃ āvajjetvā kathetabbaṃ.

    абижа яад̣̇и бхаг̇аваа саб̣б̣аагаарзна ийд̣̇исам̣ гат̇ам̣ на гат̇зяяа, го ж̇аанзяяа ‘‘зд̇д̇агзсу

    Apica yadi bhagavā sabbākārena īdisaṃ kathaṃ na katheyya, ko jāneyya ‘‘ettakesu

    таанзсу баарааж̇игам̣, зд̇д̇агзсу т̇уллажжаяам̣, зд̇д̇агзсу д̣̇уггада’’нд̇и. д̇асмаа сун̣анд̇знаби гат̇знд̇знаби б̣ийж̇агзна мукам̣ абид̇хааяа д̣̇анд̇авид̣̇ам̣сагам̣ хасамаанзна на нисийд̣̇ид̇аб̣б̣ам̣. ‘‘саммаасамб̣уд̣̇д̇хзнааби ийд̣̇исам̣ гат̇ид̇а’’нд̇и бажжавзгкид̇ваа г̇аб̣бхид̇зна хирод̇д̇аббасамбаннзна сад̇т̇убадибхааг̇зна худ̇ваа гат̇зд̇аб̣б̣анд̇и.

    Ṭhānesu pārājikaṃ, ettakesu thullaccayaṃ, ettakesu dukkaṭa’’nti. Tasmā suṇantenapi kathentenapi bījakena mukhaṃ apidhāya dantavidaṃsakaṃ hasamānena na nisīditabbaṃ. ‘‘Sammāsambuddhenāpi īdisaṃ kathita’’nti paccavekkhitvā gabbhitena hirottappasampannena satthupaṭibhāgena hutvā kathetabbanti.

    муулабан̃н̃ад̇д̇ам̣ нидтид̇ам̣.

    Mūlapaññattaṃ niṭṭhitaṃ.

    анубан̃н̃ад̇д̇иваарз – анд̇амасод̇и саб̣б̣анд̇имзна барижчзд̣̇зна. д̇иражчаанаг̇ад̇ааяабийд̇и бадисанд̇хивасзна д̇иражчаанзсу г̇ад̇ааяаби. баг̇зва мануссид̇т̇ияаад̇и батамад̇арам̣ мануссаж̇аад̇игааяа ид̇т̇ияаа. баарааж̇игавад̇т̇убхууд̇аа зва жзд̇т̇а д̇иражчаанаг̇ад̇ид̇т̇ий д̇иражчаанаг̇ад̇аад̇и г̇ахзд̇аб̣б̣аа, на саб̣б̣аа. д̇ад̇рааяам̣ барижчзд̣̇о –

    Anupaññattivāre – antamasoti sabbantimena paricchedena. Tiracchānagatāyapīti paṭisandhivasena tiracchānesu gatāyapi. Pageva manussitthiyāti paṭhamataraṃ manussajātikāya itthiyā. Pārājikavatthubhūtā eva cettha tiracchānagatitthī tiracchānagatāti gahetabbā, na sabbā. Tatrāyaṃ paricchedo –

    абад̣̇аанам̣ ахи мажчаа, д̣̇вибад̣̇аанан̃жа гуггудий;

    Apadānaṃ ahi macchā, dvipadānañca kukkuṭī;

    жад̇уббад̣̇аанам̣ маж̇ж̇аарий, вад̇т̇у баарааж̇игассимаад̇и.

    Catuppadānaṃ majjārī, vatthu pārājikassimāti.

    д̇ад̇т̇а ахиг̇г̇ахан̣зна саб̣б̣ааби аж̇аг̇араг̇онасаад̣̇ибхзд̣̇аа д̣̇ийгхаж̇аад̇и сан̇г̇ахид̇аа. д̇асмаа д̣̇ийгхаж̇аад̇ийсу яад̇т̇а д̇ин̣н̣ам̣ маг̇г̇аанам̣ ан̃н̃ад̇арасмим̣ саггаа д̇илапаламад̇д̇амби бавзсзд̇ум̣, саа баарааж̇игавад̇т̇у. авасзсаа д̣̇уггадавад̇т̇ууд̇и взд̣̇ид̇аб̣б̣аа. мажчаг̇г̇ахан̣зна саб̣б̣ааби мажчагажчабаман̣д̣уугаад̣̇ибхзд̣̇аа од̣̇агаж̇аад̇и сан̇г̇ахид̇аа. д̇ад̇рааби д̣̇ийгхаж̇аад̇ияам̣ вуд̇д̇анаязнзва баарааж̇игавад̇т̇у жа д̣̇уггадавад̇т̇у жа взд̣̇ид̇аб̣б̣ам̣. аяам̣ бана висзсо – бад̇ан̇г̇амукаман̣д̣уугаа наама хонд̇и д̇зсам̣ мукасан̣таанам̣ маханд̇ам̣, чид̣̇д̣̇ам̣ аббагам̣, д̇ад̇т̇а бавзсанам̣ наббаход̇и; мукасан̣таанам̣ бана ван̣асан̇кзбам̣ г̇ажчад̇и, д̇асмаа д̇ам̣ т̇уллажжаяавад̇т̇ууд̇и взд̣̇ид̇аб̣б̣ам̣. гуггудиг̇г̇ахан̣зна саб̣б̣ааби гаагагабод̇аад̣̇ибхзд̣̇аа багкиж̇аад̇и сан̇г̇ахид̇аа. д̇ад̇рааби вуд̇д̇анаязнзва баарааж̇игавад̇т̇у жа д̣̇уггадавад̇т̇у жа взд̣̇ид̇аб̣б̣ам̣. маж̇ж̇аариг̇г̇ахан̣зна саб̣б̣ааби ругкасунака-мун̇г̇уса-г̇од̇хаад̣̇ибхзд̣̇аа жад̇уббад̣̇аж̇аад̇и сан̇г̇ахид̇аа. д̇ад̇рааби вуд̇д̇анаязнзва баарааж̇игавад̇т̇у жа д̣̇уггадавад̇т̇у жа взд̣̇ид̇аб̣б̣ам̣.

    Tattha ahiggahaṇena sabbāpi ajagaragonasādibhedā dīghajāti saṅgahitā. Tasmā dīghajātīsu yattha tiṇṇaṃ maggānaṃ aññatarasmiṃ sakkā tilaphalamattampi pavesetuṃ, sā pārājikavatthu. Avasesā dukkaṭavatthūti veditabbā. Macchaggahaṇena sabbāpi macchakacchapamaṇḍūkādibhedā odakajāti saṅgahitā. Tatrāpi dīghajātiyaṃ vuttanayeneva pārājikavatthu ca dukkaṭavatthu ca veditabbaṃ. Ayaṃ pana viseso – pataṅgamukhamaṇḍūkā nāma honti tesaṃ mukhasaṇṭhānaṃ mahantaṃ, chiddaṃ appakaṃ, tattha pavesanaṃ nappahoti; mukhasaṇṭhānaṃ pana vaṇasaṅkhepaṃ gacchati, tasmā taṃ thullaccayavatthūti veditabbaṃ. Kukkuṭiggahaṇena sabbāpi kākakapotādibhedā pakkhijāti saṅgahitā. Tatrāpi vuttanayeneva pārājikavatthu ca dukkaṭavatthu ca veditabbaṃ. Majjāriggahaṇena sabbāpi rukkhasunakha-muṅgusa-godhādibhedā catuppadajāti saṅgahitā. Tatrāpi vuttanayeneva pārājikavatthu ca dukkaṭavatthu ca veditabbaṃ.

    баарааж̇игод̇и барааж̇ид̇о, барааж̇аяам̣ аабанно. аяан̃хи баарааж̇игасад̣̇д̣̇о сигкаабад̣̇аабад̇д̇ибуг̇г̇алзсу вад̇д̇ад̇и. д̇ад̇т̇а ‘‘адтаанамзд̇ам̣, аананд̣̇а, анавагаасо яам̣ д̇ат̇ааг̇ад̇о важ̇ж̇ийнам̣ ваа важ̇ж̇ибуд̇д̇агаанам̣ ваа гааран̣аа саавагаанам̣ баарааж̇игам̣ сигкаабад̣̇ам̣ бан̃н̃ад̇д̇ам̣ самууханзяяаа’’д̇и (баараа. 43) звам̣ сигкаабад̣̇з вад̇д̇амаано взд̣̇ид̇аб̣б̣о. ‘‘аабад̇д̇им̣ д̇вам̣, бхигку, аабанно баарааж̇ига’’нд̇и (баараа. 67) звам̣ аабад̇д̇ияам̣. ‘‘на маяам̣ баарааж̇игаа, яо авахадо со баарааж̇иго’’д̇и (баараа. 155) звам̣ буг̇г̇алз вад̇д̇амаано взд̣̇ид̇аб̣б̣о. ‘‘баарааж̇игзна д̇хаммзна ануд̣̇д̇хам̣сзяяаа’’д̇иаад̣̇ийсу (баараа. 384) бана д̇хаммз вад̇д̇ад̇ийд̇и вад̣̇анд̇и. яасмаа бана д̇ад̇т̇а д̇хаммод̇и гад̇т̇ажи аабад̇д̇и , гад̇т̇ажи сигкаабад̣̇амзва ад̇хиббзд̇ам̣, д̇асмаа со висум̣ на вад̇д̇аб̣б̣о. д̇ад̇т̇а сигкаабад̣̇ам̣ яо д̇ам̣ ад̇иггамад̇и, д̇ам̣ барааж̇зд̇и, д̇асмаа ‘‘баарааж̇ига’’нд̇и вужжад̇и. аабад̇д̇и бана яо нам̣ аж̇жхаабаж̇ж̇ад̇и, д̇ам̣ барааж̇зд̇и, д̇асмаа ‘‘баарааж̇игаа’’д̇и вужжад̇и. буг̇г̇ало яасмаа барааж̇ид̇о барааж̇аяамаабанно, д̇асмаа ‘‘баарааж̇иго’’д̇и вужжад̇и. зд̇амзва хи ад̇т̇ам̣ санд̇хааяа бариваарзби –

    Pārājikoti parājito, parājayaṃ āpanno. Ayañhi pārājikasaddo sikkhāpadāpattipuggalesu vattati. Tattha ‘‘aṭṭhānametaṃ, ānanda, anavakāso yaṃ tathāgato vajjīnaṃ vā vajjiputtakānaṃ vā kāraṇā sāvakānaṃ pārājikaṃ sikkhāpadaṃ paññattaṃ samūhaneyyā’’ti (pārā. 43) evaṃ sikkhāpade vattamāno veditabbo. ‘‘Āpattiṃ tvaṃ, bhikkhu, āpanno pārājika’’nti (pārā. 67) evaṃ āpattiyaṃ. ‘‘Na mayaṃ pārājikā, yo avahaṭo so pārājiko’’ti (pārā. 155) evaṃ puggale vattamāno veditabbo. ‘‘Pārājikena dhammena anuddhaṃseyyā’’tiādīsu (pārā. 384) pana dhamme vattatīti vadanti. Yasmā pana tattha dhammoti katthaci āpatti , katthaci sikkhāpadameva adhippetaṃ, tasmā so visuṃ na vattabbo. Tattha sikkhāpadaṃ yo taṃ atikkamati, taṃ parājeti, tasmā ‘‘pārājika’’nti vuccati. Āpatti pana yo naṃ ajjhāpajjati, taṃ parājeti, tasmā ‘‘pārājikā’’ti vuccati. Puggalo yasmā parājito parājayamāpanno, tasmā ‘‘pārājiko’’ti vuccati. Etameva hi atthaṃ sandhāya parivārepi –

    ‘‘баарааж̇иганд̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;

    ‘‘Pārājikanti yaṃ vuttaṃ, taṃ suṇohi yathātathaṃ;

    жуд̇о барад̣̇д̇хо бхадто жа, сад̣̇д̇хаммаа хи ниран̇гад̇о;

    Cuto paraddho bhaṭṭho ca, saddhammā hi niraṅkato;

    сам̣ваасоби д̇ахим̣ над̇т̇и, д̇знзд̇ам̣ ид̇и вужжад̇ий’’д̇и вуд̇д̇ам̣. (бари. 339);

    Saṃvāsopi tahiṃ natthi, tenetaṃ iti vuccatī’’ti vuttaṃ. (pari. 339);

    аяан̃хзд̇т̇а ад̇т̇о – ‘‘д̇ам̣ сигкаабад̣̇ам̣ вийд̇иггаманд̇о аабад̇д̇ин̃жа аабанно буг̇г̇ало жуд̇о ход̇ийд̇и саб̣б̣ам̣ яож̇зд̇аб̣б̣ам̣. д̇зна вужжад̇ийд̇и язна гааран̣зна ассаман̣о ход̇и асагяабуд̇д̇ияо барибхадто чинно барааж̇ид̇о саасанад̇о, д̇зна вужжад̇и. гинд̇и? ‘‘баарааж̇иго ход̇ий’’д̇и.

    Ayañhettha attho – ‘‘taṃ sikkhāpadaṃ vītikkamanto āpattiñca āpanno puggalo cuto hotīti sabbaṃ yojetabbaṃ. Tena vuccatīti yena kāraṇena assamaṇo hoti asakyaputtiyo paribhaṭṭho chinno parājito sāsanato, tena vuccati. Kinti? ‘‘Pārājiko hotī’’ti.

    саха васанд̇и зд̇т̇аад̇и сам̣ваасо, д̇ам̣ д̣̇ассзд̇ум̣ ‘‘сам̣ваасо наамаа’’д̇и вад̇ваа ‘‘згагамма’’нд̇иаад̣̇имааха. д̇ад̇рааяам̣ сад̣̇д̇хим̣ яож̇анааяа ван̣н̣анаа – жад̇уб̣б̣ид̇хамби сан̇гхагаммам̣ сиймаабарижчиннзхи багад̇ад̇д̇зхи бхигкуухи згад̇о гад̇д̇аб̣б̣ад̇д̇аа згагаммам̣ наама. д̇ат̇аа бан̃жавид̇хоби баад̇имогкуд̣̇д̣̇зсо згад̇о уд̣̇д̣̇исид̇аб̣б̣ад̇д̇аа згуд̣̇д̣̇зсо наама. бан̃н̃ад̇д̇ам̣ бана сигкаабад̣̇ам̣ саб̣б̣зхиби лаж̇ж̇ийбуг̇г̇алзхи самам̣ сигкид̇аб̣б̣абхаавад̇о самасигкад̇аа наама. зд̇т̇а яасмаа саб̣б̣зби лаж̇ж̇ино зд̇зсу гаммаад̣̇ийсу саха васанд̇и, на згоби д̇ад̇о б̣ахид̣̇д̇хаа санд̣̇иссад̇и, д̇асмаа д̇аани саб̣б̣ааниби г̇ахзд̇ваа ‘‘зсо сам̣ваасо наамаа’’д̇и ааха. со жа вуд̇д̇аббагааро сам̣ваасо д̇зна буг̇г̇алзна сад̣̇д̇хим̣ над̇т̇и, д̇зна гааран̣зна со баарааж̇иго буг̇г̇ало асам̣ваасод̇и вужжад̇ийд̇и.

    Saha vasanti etthāti saṃvāso, taṃ dassetuṃ ‘‘saṃvāso nāmā’’ti vatvā ‘‘ekakamma’’ntiādimāha. Tatrāyaṃ saddhiṃ yojanāya vaṇṇanā – catubbidhampi saṅghakammaṃ sīmāparicchinnehi pakatattehi bhikkhūhi ekato kattabbattā ekakammaṃ nāma. Tathā pañcavidhopi pātimokkhuddeso ekato uddisitabbattā ekuddeso nāma. Paññattaṃ pana sikkhāpadaṃ sabbehipi lajjīpuggalehi samaṃ sikkhitabbabhāvato samasikkhatā nāma. Ettha yasmā sabbepi lajjino etesu kammādīsu saha vasanti, na ekopi tato bahiddhā sandissati, tasmā tāni sabbānipi gahetvā ‘‘eso saṃvāso nāmā’’ti āha. So ca vuttappakāro saṃvāso tena puggalena saddhiṃ natthi, tena kāraṇena so pārājiko puggalo asaṃvāsoti vuccatīti.

    56. звам̣ уд̣̇д̣̇идтасигкаабад̣̇ам̣ бад̣̇аануггамзна вибхаж̇ид̇ваа ид̣̇аани яам̣ д̇ам̣ ‘‘бадисзвзяяаа’’д̇и зд̇т̇а язнаагаарзна бадисзвзяяаад̇и вужжад̇и, д̇ассаагаарасса д̣̇ассанад̇т̇ам̣ ‘‘бадисзвад̇и наамаа’’д̇и ид̣̇ам̣ маад̇игаабад̣̇ам̣ табзд̇ваа ‘‘нимид̇д̇зна нимид̇д̇ам̣ ан̇г̇аж̇аад̇зна ан̇г̇аж̇аад̇а’’нд̇и вуд̇д̇ам̣. д̇ад̇т̇а яасмаа на гзвалам̣ ид̇т̇ияаа зва нимид̇д̇ам̣ баарааж̇игавад̇т̇у, на жа мануссид̇т̇ияаа зва, суван̣н̣араж̇ад̇аад̣̇имаяаанан̃жа ид̇т̇ийнамби нимид̇д̇ам̣ вад̇т̇умзва на ход̇и; д̇асмаа яам̣ яам̣ вад̇т̇у ход̇и, д̇ам̣ д̇ам̣ д̣̇ассзд̇ум̣ ‘‘д̇иссо ид̇т̇ияо’’д̇иаад̣̇инаа наязна язсам̣ нимид̇д̇аани вад̇т̇ууни хонд̇и, д̇з сад̇д̇з вад̇ваа ‘‘мануссид̇т̇ияаа д̇аяо маг̇г̇з’’д̇иаад̣̇инаа наязна д̇аани вад̇т̇ууни ааха.

    56. Evaṃ uddiṭṭhasikkhāpadaṃ padānukkamena vibhajitvā idāni yaṃ taṃ ‘‘paṭiseveyyā’’ti ettha yenākārena paṭiseveyyāti vuccati, tassākārassa dassanatthaṃ ‘‘paṭisevati nāmā’’ti idaṃ mātikāpadaṃ ṭhapetvā ‘‘nimittena nimittaṃ aṅgajātena aṅgajāta’’nti vuttaṃ. Tattha yasmā na kevalaṃ itthiyā eva nimittaṃ pārājikavatthu, na ca manussitthiyā eva, suvaṇṇarajatādimayānañca itthīnampi nimittaṃ vatthumeva na hoti; tasmā yaṃ yaṃ vatthu hoti, taṃ taṃ dassetuṃ ‘‘tisso itthiyo’’tiādinā nayena yesaṃ nimittāni vatthūni honti, te satte vatvā ‘‘manussitthiyā tayo magge’’tiādinā nayena tāni vatthūni āha.

    д̇ад̇т̇а д̇иссо ид̇т̇ияо, д̇аяо убхад̇об̣яан̃ж̇анагаа, д̇аяо бан̣д̣агаа, д̇аяо бурисаад̇и баарааж̇игавад̇т̇уунам̣ нимид̇д̇аанам̣ ниссаяаа д̣̇ваад̣̇аса сад̇д̇аа хонд̇и. д̇зсу ид̇т̇ибурисаа баагадаа зва . бан̣д̣агаубхад̇об̣яан̃ж̇анагабхзд̣̇о баб̣б̣аж̇ж̇ааканд̇хагаван̣н̣анааяам̣ баагадо бхависсад̇и.

    Tattha tisso itthiyo, tayo ubhatobyañjanakā, tayo paṇḍakā, tayo purisāti pārājikavatthūnaṃ nimittānaṃ nissayā dvādasa sattā honti. Tesu itthipurisā pākaṭā eva . Paṇḍakaubhatobyañjanakabhedo pabbajjākhandhakavaṇṇanāyaṃ pākaṭo bhavissati.

    мануссид̇т̇ияаа д̇аяо маг̇г̇з мзт̇унам̣ д̇хаммам̣ бадисзванд̇ассаад̇и зд̇т̇а жа мануссид̇т̇ияаа д̇ийсу маг̇г̇зсууд̇и ад̇т̇о взд̣̇ид̇аб̣б̣о. звам̣ саб̣б̣ад̇т̇а. саб̣б̣з зва жзд̇з мануссид̇т̇ияаа д̇аяо маг̇г̇аа, амануссид̇т̇ияаа д̇аяо, д̇иражчаанаг̇ад̇ид̇т̇ияаа д̇аяод̇и нава; мануссаубхад̇об̣яан̃ж̇анагаад̣̇ийнам̣ нава; мануссабан̣д̣агаад̣̇ийнам̣ д̣̇вз д̣̇вз гад̇ваа ча; д̇ат̇аа мануссабурисаад̣̇ийнанд̇и самад̇им̣са маг̇г̇аа хонд̇и. зд̇зсу нимид̇д̇асан̇каад̇зсу яад̇т̇а гад̇т̇ажи ад̇д̇ано ан̇г̇аж̇аад̇ам̣ д̇илапаламад̇д̇амби бавзсзд̇ваа мзт̇унам̣ д̇хаммам̣ бадисзванд̇о баарааж̇игам̣ аабаж̇ж̇ад̇и.

    Manussitthiyā tayo magge methunaṃ dhammaṃ paṭisevantassāti ettha ca manussitthiyā tīsu maggesūti attho veditabbo. Evaṃ sabbattha. Sabbe eva cete manussitthiyā tayo maggā, amanussitthiyā tayo, tiracchānagatitthiyā tayoti nava; manussaubhatobyañjanakādīnaṃ nava; manussapaṇḍakādīnaṃ dve dve katvā cha; tathā manussapurisādīnanti samatiṃsa maggā honti. Etesu nimittasaṅkhātesu yattha katthaci attano aṅgajātaṃ tilaphalamattampi pavesetvā methunaṃ dhammaṃ paṭisevanto pārājikaṃ āpajjati.

    батамажад̇уггагат̇ааван̣н̣анаа

    Paṭhamacatukkakathāvaṇṇanā

    57. аабаж̇ж̇анд̇о бана яасмаа сзванажид̇д̇знзва аабаж̇ж̇ад̇и, на винаа д̇зна; д̇асмаа д̇ам̣ лагкан̣ам̣ д̣̇ассзнд̇о бхаг̇аваа ‘‘бхигкусса сзванажид̇д̇ам̣ убадтид̇з’’д̇иаад̣̇имааха. д̇ад̇т̇а бхигкуссаад̇и мзт̇унасзванагасса бхигкусса. сзванажид̇д̇ам̣ убадтид̇зд̇и бхуммад̇т̇з бажжад̇д̇аважанам̣, сзванажид̇д̇з бажжубадтид̇зд̇и ад̇т̇о. важжамаг̇г̇ам̣ ан̇г̇аж̇аад̇ам̣ бавзсзнд̇ассаад̇и язна маг̇г̇зна важжам̣ нигкамад̇и д̇ам̣ маг̇г̇ам̣ ад̇д̇ано ан̇г̇аж̇аад̇ам̣ бурисанимид̇д̇ам̣ д̇илапаламад̇д̇амби бавзсзнд̇асса. аабад̇д̇и баарааж̇игассаад̇и аабад̇д̇и баарааж̇игаа асса ход̇ийд̇и ад̇т̇о. ат̇а ваа аабад̇д̇ийд̇и аабаж̇ж̇анам̣ ход̇и. баарааж̇игассаад̇и баарааж̇игад̇хаммасса. зса наяо саб̣б̣ад̇т̇а.

    57. Āpajjanto pana yasmā sevanacitteneva āpajjati, na vinā tena; tasmā taṃ lakkhaṇaṃ dassento bhagavā ‘‘bhikkhussa sevanacittaṃ upaṭṭhite’’tiādimāha. Tattha bhikkhussāti methunasevanakassa bhikkhussa. Sevanacittaṃ upaṭṭhiteti bhummatthe paccattavacanaṃ, sevanacitte paccupaṭṭhiteti attho. Vaccamaggaṃ aṅgajātaṃ pavesentassāti yena maggena vaccaṃ nikkhamati taṃ maggaṃ attano aṅgajātaṃ purisanimittaṃ tilaphalamattampi pavesentassa. Āpatti pārājikassāti āpatti pārājikā assa hotīti attho. Atha vā āpattīti āpajjanaṃ hoti. Pārājikassāti pārājikadhammassa. Esa nayo sabbattha.

    58. звам̣ сзванажид̇д̇знзва бавзсзнд̇асса аабад̇д̇им̣ д̣̇ассзд̇ваа ид̣̇аани яасмаа д̇ам̣ бавзсанам̣ наама на гзвалам̣ ад̇д̇уубаггамзнзва, баруубаггамзнааби ход̇и . д̇ад̇рааби жа саад̣̇ияанд̇ассзва аабад̇д̇и бадисзванажид̇д̇асаман̇г̇исса, на ид̇арасса. д̇асмаа яз сад̣̇д̇хаабаб̣б̣аж̇ид̇аа гулабуд̇д̇аа саммаабадибаннагаа баруубаггамзна бавзсанзби сад̇и на саад̣̇ияанд̇и, д̇зсам̣ рагкан̣ад̇т̇ам̣ ‘‘бхигкубажжад̇т̇игаа мануссид̇т̇и’’нд̇иаад̣̇имааха.

    58. Evaṃ sevanacitteneva pavesentassa āpattiṃ dassetvā idāni yasmā taṃ pavesanaṃ nāma na kevalaṃ attūpakkameneva, parūpakkamenāpi hoti . Tatrāpi ca sādiyantasseva āpatti paṭisevanacittasamaṅgissa, na itarassa. Tasmā ye saddhāpabbajitā kulaputtā sammāpaṭipannakā parūpakkamena pavesanepi sati na sādiyanti, tesaṃ rakkhaṇatthaṃ ‘‘bhikkhupaccatthikā manussitthi’’ntiādimāha.

    д̇ад̇т̇а бадибагкам̣ ад̇т̇аяанд̇и ижчанд̇ийд̇и бажжад̇т̇игаа, бхигкуу зва бажжад̇т̇игаа бхигкубажжад̇т̇игаа; висабхааг̇аанам̣ взрибхигкуунамзд̇ам̣ ад̇хиважанам̣. мануссид̇т̇им̣ бхигкусса санд̇игз аанзд̇ваад̇и иссаабагад̇аа д̇ам̣ бхигкум̣ наасзд̇угаамаа аамисзна ваа убалаабзд̇ваа мид̇д̇асант̇ававасзна ваа ‘‘ид̣̇ам̣ амхаагам̣ гижжам̣ гарохий’’д̇и вад̇ваа ган̃жи мануссид̇т̇им̣ рад̇д̇ибхааг̇з д̇асса бхигкусса васаногаасам̣ аанзд̇ваа. важжамаг̇г̇зна ан̇г̇аж̇аад̇ам̣ абхинисийд̣̇знд̇ийд̇и д̇ам̣ бхигкум̣ хад̇т̇абаад̣̇асийсаад̣̇ийсу суг̇г̇ахид̇ам̣ ниббарибпанд̣̇ам̣ г̇ахзд̇ваа ид̇т̇ияаа важжамаг̇г̇зна д̇асса бхигкуно ан̇г̇аж̇аад̇ам̣ абхинисийд̣̇знд̇и; самбаяож̇знд̇ийд̇и ад̇т̇о.

    Tattha paṭipakkhaṃ atthayanti icchantīti paccatthikā, bhikkhū eva paccatthikā bhikkhupaccatthikā; visabhāgānaṃ veribhikkhūnametaṃ adhivacanaṃ. Manussitthiṃ bhikkhussa santike ānetvāti issāpakatā taṃ bhikkhuṃ nāsetukāmā āmisena vā upalāpetvā mittasanthavavasena vā ‘‘idaṃ amhākaṃ kiccaṃ karohī’’ti vatvā kañci manussitthiṃ rattibhāge tassa bhikkhussa vasanokāsaṃ ānetvā. Vaccamaggena aṅgajātaṃ abhinisīdentīti taṃ bhikkhuṃ hatthapādasīsādīsu suggahitaṃ nipparipphandaṃ gahetvā itthiyā vaccamaggena tassa bhikkhuno aṅgajātaṃ abhinisīdenti; sampayojentīti attho.

    со жзд̇иаад̣̇ийсу со жз бхигку важжамаг̇г̇аб̣бханд̇арам̣ ад̇д̇ано ан̇г̇аж̇аад̇асса бавзсанам̣ саад̣̇ияад̇и ад̇хиваасзд̇и д̇асмим̣ кан̣з сзванажид̇д̇ам̣ убадтаабзд̇и. бавидтам̣ саад̣̇ияад̇и ад̇хиваасзд̇и, бавидтагаалз сзванажид̇д̇ам̣ убадтаабзд̇и. тид̇ам̣ саад̣̇ияад̇и ад̇хиваасзд̇и, таанаббад̇д̇агаалз суггависсадтисамаяз сзванажид̇д̇ам̣ убадтаабзд̇и. уд̣̇д̇харан̣ам̣ саад̣̇ияад̇и ад̇хиваасзд̇и, нийхаран̣агаалз бадисзванажид̇д̇ам̣ убадтаабзд̇и. звам̣ жад̇уусу таанзсу саад̣̇ияанд̇о ‘‘мама взрисаман̣зхи ид̣̇ам̣ гад̇а’’нд̇и вад̇д̇ум̣ на лабхад̇и, баарааж̇игаабад̇д̇имзва аабаж̇ж̇ад̇и. яат̇аа жа имаани жад̇д̇аари саад̣̇ияанд̇о аабаж̇ж̇ад̇и; звам̣ буримам̣ згам̣ асаад̣̇ияид̇ваа д̇ийн̣и саад̣̇ияанд̇оби, д̣̇вз асаад̣̇ияид̇ваа д̣̇вз саад̣̇ияанд̇оби, д̇ийн̣и асаад̣̇ияид̇ваа згам̣ саад̣̇ияанд̇оби аабаж̇ж̇ад̇иязва. саб̣б̣асо бана асаад̣̇ияанд̇о аасийвисамукам̣ вияа ан̇г̇аарагаасум̣ вияа жа бавидтам̣ ан̇г̇аж̇аад̇ам̣ ман̃н̃амаано наабаж̇ж̇ад̇и. д̇зна вуд̇д̇ам̣ – ‘‘бавзсанам̣ на саад̣̇ияад̇и…бз… уд̣̇д̇харан̣ам̣ на саад̣̇ияад̇и, анаабад̇д̇ий’’д̇и. иман̃хи зваруубам̣ аарад̣̇д̇хавибассагам̣ гааяз жа ж̇ийвид̇з жа анабзгкам̣ згаад̣̇асахи аг̇г̇ийхи самбаж̇ж̇алид̇аани жа саб̣б̣ааяад̇анаани угкид̇д̇аасигз вияа жа вад̇хагз бан̃жа гаамаг̇ун̣з бассанд̇ам̣ буг̇г̇алам̣ рагканд̇о бхаг̇аваа бажжад̇т̇игаанан̃жасса манорат̇авигхаад̇ам̣ гаронд̇о имам̣ ‘‘бавзсанам̣ на саад̣̇ияад̇ий’’д̇иаад̣̇игам̣ жад̇уггам̣ нийхарид̇ваа табзсийд̇и.

    So cetiādīsu so ce bhikkhu vaccamaggabbhantaraṃ attano aṅgajātassa pavesanaṃ sādiyati adhivāseti tasmiṃ khaṇe sevanacittaṃ upaṭṭhāpeti. Paviṭṭhaṃ sādiyati adhivāseti, paviṭṭhakāle sevanacittaṃ upaṭṭhāpeti. Ṭhitaṃ sādiyati adhivāseti, ṭhānappattakāle sukkavissaṭṭhisamaye sevanacittaṃ upaṭṭhāpeti. Uddharaṇaṃ sādiyati adhivāseti, nīharaṇakāle paṭisevanacittaṃ upaṭṭhāpeti. Evaṃ catūsu ṭhānesu sādiyanto ‘‘mama verisamaṇehi idaṃ kata’’nti vattuṃ na labhati, pārājikāpattimeva āpajjati. Yathā ca imāni cattāri sādiyanto āpajjati; evaṃ purimaṃ ekaṃ asādiyitvā tīṇi sādiyantopi, dve asādiyitvā dve sādiyantopi, tīṇi asādiyitvā ekaṃ sādiyantopi āpajjatiyeva. Sabbaso pana asādiyanto āsīvisamukhaṃ viya aṅgārakāsuṃ viya ca paviṭṭhaṃ aṅgajātaṃ maññamāno nāpajjati. Tena vuttaṃ – ‘‘pavesanaṃ na sādiyati…pe… uddharaṇaṃ na sādiyati, anāpattī’’ti. Imañhi evarūpaṃ āraddhavipassakaṃ kāye ca jīvite ca anapekkhaṃ ekādasahi aggīhi sampajjalitāni ca sabbāyatanāni ukkhittāsike viya ca vadhake pañca kāmaguṇe passantaṃ puggalaṃ rakkhanto bhagavā paccatthikānañcassa manorathavighātaṃ karonto imaṃ ‘‘pavesanaṃ na sādiyatī’’tiādikaṃ catukkaṃ nīharitvā ṭhapesīti.

    батамажад̇уггагат̇аа нидтид̇аа.

    Paṭhamacatukkakathā niṭṭhitā.

    згуунасад̇д̇ад̇ид̣̇висад̇ажад̇уггагат̇аа

    Ekūnasattatidvisatacatukkakathā

    59-60. звам̣ батамажад̇уггам̣ д̣̇ассзд̇ваа ид̣̇аани яасмаа бхигкубажжад̇т̇игаа ид̇т̇им̣ аанзд̇ваа на гзвалам̣ важжамаг̇г̇знзва абхинисийд̣̇знд̇и, ат̇а ко бассаавамаг̇г̇знаби мукзнаби. ид̇т̇им̣ аанзд̇вааби жа гзжи ж̇ааг̇аранд̇им̣ аанзнд̇и, гзжи суд̇д̇ам̣, гзжи мад̇д̇ам̣, гзжи уммад̇д̇ам̣, гзжи бамад̇д̇ам̣ ан̃н̃авихид̇ам̣ вигкид̇д̇ажид̇д̇анд̇и ад̇т̇о. гзжи мад̇ам̣ агкааяид̇ам̣, сон̣асин̇г̇аалаад̣̇ийхи агкааяид̇анимид̇д̇анд̇и ад̇т̇о. гзжи мад̇ам̣ язбхуяязна агкааяид̇ам̣, язбхуяязна агкааяид̇аа наама яассаа нимид̇д̇з важжамаг̇г̇з бассаавамаг̇г̇з мукз ваа б̣ахуд̇аро огаасо агкааяид̇о ход̇и. гзжи мад̇ам̣ язбхуяязна кааяид̇ам̣, язбхуяязна кааяид̇аа наама яассаа важжамаг̇г̇аад̣̇игз нимид̇д̇з б̣ахум̣ кааяид̇ам̣ ход̇и, аббам̣ агкааяид̇ам̣. на гзвалан̃жа мануссид̇т̇имзва аанзнд̇и, ат̇а ко амануссид̇т̇имби д̇иражчаанаг̇ад̇ид̇т̇имби. на гзвалан̃жа вуд̇д̇аббагаарам̣ ид̇т̇имзва, убхад̇об̣яан̃ж̇анагамби бан̣д̣агамби бурисамби аанзнд̇и. д̇асмаа д̇зсам̣ васзна ан̃н̃ааниби жад̇уггаани д̣̇ассзнд̇о ‘‘бхигкубажжад̇т̇игаа мануссид̇т̇им̣ ж̇ааг̇аранд̇и’’нд̇иаад̣̇имааха.

    59-60. Evaṃ paṭhamacatukkaṃ dassetvā idāni yasmā bhikkhupaccatthikā itthiṃ ānetvā na kevalaṃ vaccamaggeneva abhinisīdenti, atha kho passāvamaggenapi mukhenapi. Itthiṃ ānetvāpi ca keci jāgarantiṃ ānenti, keci suttaṃ, keci mattaṃ, keci ummattaṃ, keci pamattaṃ aññavihitaṃ vikkhittacittanti attho. Keci mataṃ akkhāyitaṃ, soṇasiṅgālādīhi akkhāyitanimittanti attho. Keci mataṃ yebhuyyena akkhāyitaṃ, yebhuyyena akkhāyitā nāma yassā nimitte vaccamagge passāvamagge mukhe vā bahutaro okāso akkhāyito hoti. Keci mataṃ yebhuyyena khāyitaṃ, yebhuyyena khāyitā nāma yassā vaccamaggādike nimitte bahuṃ khāyitaṃ hoti, appaṃ akkhāyitaṃ. Na kevalañca manussitthimeva ānenti, atha kho amanussitthimpi tiracchānagatitthimpi. Na kevalañca vuttappakāraṃ itthimeva, ubhatobyañjanakampi paṇḍakampi purisampi ānenti. Tasmā tesaṃ vasena aññānipi catukkāni dassento ‘‘bhikkhupaccatthikā manussitthiṃ jāgaranti’’ntiādimāha.

    д̇ад̇т̇а баал̣ияаа асаммохад̇т̇ам̣ вуд̇д̇ажад̇уггаани звам̣ сан̇кяаад̇о взд̣̇ид̇аб̣б̣аани – мануссид̇т̇ияаа д̇ин̣н̣ам̣ маг̇г̇аанам̣ васзна д̇ийн̣и суд̣̇д̇хигажад̇уггаани, д̇ийн̣и ж̇ааг̇аранд̇ийжад̇уггаани, д̇ийн̣и суд̇д̇ажад̇уггаани, д̇ийн̣и мад̇д̇ажад̇уггаани, д̇ийн̣и уммад̇д̇ажад̇уггаани, д̇ийн̣и бамад̇д̇ажад̇уггаани, д̇ийн̣и мад̇аагкааяид̇ажад̇уггаани, д̇ийн̣и язбхуяязна агкааяид̇ажад̇уггаани, д̇ийн̣и язбхуяязна кааяид̇ажад̇уггаанийд̇и сад̇д̇авийсад̇и жад̇уггаани. д̇ат̇аа амануссид̇т̇ияаа; д̇ат̇аа д̇иражчаанаг̇ад̇ид̇т̇ияаад̇и ид̇т̇иваарз згаасийд̇и жад̇уггаани. яат̇аа жа ид̇т̇иваарз звам̣ убхад̇об̣яан̃ж̇анагаваарз. бан̣д̣агабурисаваарзсу бана д̣̇виннам̣ маг̇г̇аанам̣ васзна жад̇убан̣н̣ааса жад̇убан̣н̣ааса хонд̇и. звам̣ саб̣б̣ааниби д̣̇взсад̇аани, сад̇д̇ад̇и жа жад̇уггаани хонд̇и, д̇аани уд̇д̇аанад̇т̇ааниязва.

    Tattha pāḷiyā asammohatthaṃ vuttacatukkāni evaṃ saṅkhyāto veditabbāni – manussitthiyā tiṇṇaṃ maggānaṃ vasena tīṇi suddhikacatukkāni, tīṇi jāgarantīcatukkāni, tīṇi suttacatukkāni, tīṇi mattacatukkāni, tīṇi ummattacatukkāni, tīṇi pamattacatukkāni, tīṇi mataakkhāyitacatukkāni, tīṇi yebhuyyena akkhāyitacatukkāni, tīṇi yebhuyyena khāyitacatukkānīti sattavīsati catukkāni. Tathā amanussitthiyā; tathā tiracchānagatitthiyāti itthivāre ekāsīti catukkāni. Yathā ca itthivāre evaṃ ubhatobyañjanakavāre. Paṇḍakapurisavāresu pana dvinnaṃ maggānaṃ vasena catupaṇṇāsa catupaṇṇāsa honti. Evaṃ sabbānipi dvesatāni, sattati ca catukkāni honti, tāni uttānatthāniyeva.

    саб̣б̣аваарзсу банзд̇т̇а ‘‘мад̇ам̣ язбхуяязна агкааяид̇ам̣ кааяид̇а’’нд̇и зд̇асмим̣ таанз аяам̣ винижчаяо – д̇амб̣абан̣н̣ид̣̇ийбз гира д̣̇вз винаяад̇хараа самаанаажарияагаа т̇зраа ахзсум̣ – убад̇иссад̇т̇зро жа, пуссад̣̇звад̇т̇зро жа. д̇з махаабхаяз уббаннз винаяабидагам̣ барихаранд̇аа рагким̣су. д̇зсу убад̇иссад̇т̇зро б̣яад̇д̇ад̇аро. д̇ассааби д̣̇вз анд̇зваасигаа ахзсум̣ – махаабад̣̇умад̇т̇зро жа махаасумад̇т̇зро жа. д̇зсу махаасумад̇т̇зро нагкад̇д̇ум̣ винаяабидагам̣ ассоси, махаабад̣̇умад̇т̇зро д̇зна сад̣̇д̇хим̣ навагкад̇д̇ум̣, висун̃жа згагова навагкад̇д̇унд̇и адтаарасагкад̇д̇ум̣ ассоси; аяамзва д̇зсу б̣яад̇д̇ад̇аро . д̇зсу махаасумад̇т̇зро навагкад̇д̇ум̣ винаяабидагам̣ суд̇ваа аажарияам̣ мун̃жид̇ваа абараг̇ан̇г̇ам̣ аг̇амааси. д̇ад̇о махаабад̣̇умад̇т̇зро ааха – ‘‘сууро вад̇а, рз, зса винаяад̇харо яо д̇харамаанагам̣язва аажарияам̣ мун̃жид̇ваа ан̃н̃ад̇т̇а васид̇аб̣б̣ам̣ ман̃н̃ад̇и. нану аажарияз д̇харамаанз винаяабидаган̃жа адтагат̇аа жа анзгагкад̇д̇ум̣ г̇ахзд̇вааби на виссаж̇ж̇зд̇аб̣б̣ам̣, нижжагаалам̣ сод̇аб̣б̣ам̣, анусам̣важчарам̣ саж̇жхааяид̇аб̣б̣а’’нд̇и.

    Sabbavāresu panettha ‘‘mataṃ yebhuyyena akkhāyitaṃ khāyita’’nti etasmiṃ ṭhāne ayaṃ vinicchayo – tambapaṇṇidīpe kira dve vinayadharā samānācariyakā therā ahesuṃ – upatissatthero ca, phussadevatthero ca. Te mahābhaye uppanne vinayapiṭakaṃ pariharantā rakkhiṃsu. Tesu upatissatthero byattataro. Tassāpi dve antevāsikā ahesuṃ – mahāpadumatthero ca mahāsumatthero ca. Tesu mahāsumatthero nakkhattuṃ vinayapiṭakaṃ assosi, mahāpadumatthero tena saddhiṃ navakkhattuṃ, visuñca ekakova navakkhattunti aṭṭhārasakkhattuṃ assosi; ayameva tesu byattataro . Tesu mahāsumatthero navakkhattuṃ vinayapiṭakaṃ sutvā ācariyaṃ muñcitvā aparagaṅgaṃ agamāsi. Tato mahāpadumatthero āha – ‘‘sūro vata, re, esa vinayadharo yo dharamānakaṃyeva ācariyaṃ muñcitvā aññattha vasitabbaṃ maññati. Nanu ācariye dharamāne vinayapiṭakañca aṭṭhakathā ca anekakkhattuṃ gahetvāpi na vissajjetabbaṃ, niccakālaṃ sotabbaṃ, anusaṃvaccharaṃ sajjhāyitabba’’nti.

    звам̣ винаяаг̇аругаанам̣ бхигкуунам̣ гаалз згад̣̇ивасам̣ убад̇иссад̇т̇зро махаабад̣̇умад̇т̇зраббамукаанам̣ бан̃жаннам̣ анд̇зваасигасад̇аанам̣ батамабаарааж̇игасигкаабад̣̇з имам̣ бад̣̇зсам̣ ван̣н̣знд̇о нисинно ход̇и. д̇ам̣ анд̇зваасигаа бужчим̣су – ‘‘бханд̇з, язбхуяязна агкааяид̇з баарааж̇игам̣, язбхуяязна кааяид̇з т̇уллажжаяам̣, убад̣дхагкааяид̇з гзна бхавид̇аб̣б̣а’’нд̇и? т̇зро ааха – ‘‘аавусо, б̣уд̣̇д̇хаа наама баарааж̇игам̣ бан̃н̃абзнд̇аа на саавасзсам̣ гад̇ваа бан̃н̃абзнд̇и, анавасзсам̣язва гад̇ваа саб̣б̣ам̣ барияаад̣̇ияид̇ваа сод̇ам̣ чинд̣̇ид̇ваа баарааж̇игавад̇т̇усмим̣ баарааж̇игамзва бан̃н̃абзнд̇и. ид̣̇ан̃хи сигкаабад̣̇ам̣ логаваж̇ж̇ам̣, на бан̣н̣ад̇д̇иваж̇ж̇ам̣. д̇асмаа яад̣̇и убад̣дхагкааяид̇з баарааж̇игам̣ бхавзяяа, бан̃н̃абзяяа саммаасамб̣уд̣̇д̇хо. баарааж̇игажчааяаа банзд̇т̇а на д̣̇иссад̇и, т̇уллажжаяамзва д̣̇иссад̇ий’’д̇и.

    Evaṃ vinayagarukānaṃ bhikkhūnaṃ kāle ekadivasaṃ upatissatthero mahāpadumattherappamukhānaṃ pañcannaṃ antevāsikasatānaṃ paṭhamapārājikasikkhāpade imaṃ padesaṃ vaṇṇento nisinno hoti. Taṃ antevāsikā pucchiṃsu – ‘‘bhante, yebhuyyena akkhāyite pārājikaṃ, yebhuyyena khāyite thullaccayaṃ, upaḍḍhakkhāyite kena bhavitabba’’nti? Thero āha – ‘‘āvuso, buddhā nāma pārājikaṃ paññapentā na sāvasesaṃ katvā paññapenti, anavasesaṃyeva katvā sabbaṃ pariyādiyitvā sotaṃ chinditvā pārājikavatthusmiṃ pārājikameva paññapenti. Idañhi sikkhāpadaṃ lokavajjaṃ, na paṇṇattivajjaṃ. Tasmā yadi upaḍḍhakkhāyite pārājikaṃ bhaveyya, paññapeyya sammāsambuddho. Pārājikacchāyā panettha na dissati, thullaccayameva dissatī’’ti.

    абижа мад̇асарийрз баарааж̇игам̣ бан̃н̃абзнд̇о бхаг̇аваа язбхуяязна агкааяид̇з табзси ‘‘д̇ад̇о барам̣ баарааж̇игам̣ над̇т̇ий’’д̇и д̣̇ассзд̇ум̣. т̇уллажжаяам̣ бан̃н̃абзнд̇о язбхуяязна кааяид̇з табзси ‘‘д̇ад̇о барам̣ т̇уллажжаяам̣ над̇т̇ий’’д̇и д̣̇ассзд̇унд̇иби взд̣̇ид̇аб̣б̣ам̣. кааяид̇аакааяид̇ан̃жа наамзд̇ам̣ мад̇асарийрасмим̣язва взд̣̇ид̇аб̣б̣ам̣, на ж̇ийвамаанз. ж̇ийвамаанз хи накабидтиббамаан̣зби чавимам̣сз ваа нхаарумхи ваа сад̇и баарааж̇игамзва ход̇и. яад̣̇иби нимид̇д̇ам̣ саб̣б̣асо кааяид̇ам̣ чавижаммам̣ над̇т̇и, нимид̇д̇асан̣таанам̣ бан̃н̃ааяад̇и, бавзсанам̣ ж̇ааяад̇и, баарааж̇игамзва. нимид̇д̇асан̣таанам̣ бана анавасзсзд̇ваа саб̣б̣асмим̣ нимид̇д̇з чинд̣̇ид̇ваа саманд̇ад̇о д̇ажчзд̇ваа уббаадид̇з ван̣асан̇кзбавасзна т̇уллажжаяам̣. нимид̇д̇ад̇о бад̇ид̇ааяа мам̣сабзсияаа убаггаманд̇асса д̣̇уггадам̣. мад̇асарийрз бана яад̣̇иби саб̣б̣ам̣ сарийрам̣ кааяид̇ам̣ ход̇и, яад̣̇иби агкааяид̇ам̣, д̇аяо бана маг̇г̇аа агкааяид̇аа, д̇зсу убаггаманд̇асса баарааж̇игам̣. язбхуяязна агкааяид̇з баарааж̇игамзва. убад̣дхагкааяид̇з жа язбхуяязна кааяид̇з жа т̇уллажжаяам̣.

    Apica matasarīre pārājikaṃ paññapento bhagavā yebhuyyena akkhāyite ṭhapesi ‘‘tato paraṃ pārājikaṃ natthī’’ti dassetuṃ. Thullaccayaṃ paññapento yebhuyyena khāyite ṭhapesi ‘‘tato paraṃ thullaccayaṃ natthī’’ti dassetuntipi veditabbaṃ. Khāyitākhāyitañca nāmetaṃ matasarīrasmiṃyeva veditabbaṃ, na jīvamāne. Jīvamāne hi nakhapiṭṭhippamāṇepi chavimaṃse vā nhārumhi vā sati pārājikameva hoti. Yadipi nimittaṃ sabbaso khāyitaṃ chavicammaṃ natthi, nimittasaṇṭhānaṃ paññāyati, pavesanaṃ jāyati, pārājikameva. Nimittasaṇṭhānaṃ pana anavasesetvā sabbasmiṃ nimitte chinditvā samantato tacchetvā uppāṭite vaṇasaṅkhepavasena thullaccayaṃ. Nimittato patitāya maṃsapesiyā upakkamantassa dukkaṭaṃ. Matasarīre pana yadipi sabbaṃ sarīraṃ khāyitaṃ hoti, yadipi akkhāyitaṃ, tayo pana maggā akkhāyitā, tesu upakkamantassa pārājikaṃ. Yebhuyyena akkhāyite pārājikameva. Upaḍḍhakkhāyite ca yebhuyyena khāyite ca thullaccayaṃ.

    мануссаанам̣ ж̇ийвамаанагасарийрз агкинаасаган̣н̣ажчид̣̇д̣̇авад̇т̇игосзсу сад̇т̇агаад̣̇ийхи гад̇аван̣з ваа мзт̇унарааг̇зна д̇илапаламад̇д̇амби ан̇г̇аж̇аад̇ам̣ бавзсзнд̇асса т̇уллажжаяамзва. авасзсасарийрз убагажчагаад̣̇ийсу д̣̇уггадам̣. мад̇з алласарийрз баарааж̇игагкзд̇д̇з баарааж̇игам̣, т̇уллажжаяагкзд̇д̇з т̇уллажжаяам̣, д̣̇уггадагкзд̇д̇з д̣̇уггадам̣. яад̣̇аа бана сарийрам̣ уд̣̇д̇хумаад̇агам̣ ход̇и гут̇ид̇ам̣ нийламагкигасамаагин̣н̣ам̣ гимигуласамаагулам̣ навахи ван̣амукзхи баг̇г̇ал̣ид̇абуб̣б̣агун̣абабхаавзна убаг̇анд̇умби асаггун̣зяяам̣, д̇ад̣̇аа баарааж̇игавад̇т̇ун̃жа т̇уллажжаяавад̇т̇ун̃жа виж̇ахад̇и; д̇аад̣̇исз сарийрз яад̇т̇а гад̇т̇ажи убаггамад̇о д̣̇уггадамзва. д̇иражчаанаг̇ад̇аанам̣ хад̇т̇и-асса-г̇он̣а-г̇ад̣̇рабха-одтамахим̣саад̣̇ийнам̣ наасааяа т̇уллажжаяам̣. вад̇т̇игосз т̇уллажжаяамзва. саб̣б̣зсамби д̇иражчаанаг̇ад̇аанам̣ агкиган̣н̣аван̣зсу д̣̇уггадам̣, авасзсасарийрзби д̣̇уггадамзва. мад̇аанам̣ алласарийрз баарааж̇игагкзд̇д̇з баарааж̇игам̣, т̇уллажжаяагкзд̇д̇з т̇уллажжаяам̣, д̣̇уггадагкзд̇д̇з д̣̇уггадам̣.

    Manussānaṃ jīvamānakasarīre akkhināsakaṇṇacchiddavatthikosesu satthakādīhi katavaṇe vā methunarāgena tilaphalamattampi aṅgajātaṃ pavesentassa thullaccayameva. Avasesasarīre upakacchakādīsu dukkaṭaṃ. Mate allasarīre pārājikakkhette pārājikaṃ, thullaccayakkhette thullaccayaṃ, dukkaṭakkhette dukkaṭaṃ. Yadā pana sarīraṃ uddhumātakaṃ hoti kuthitaṃ nīlamakkhikasamākiṇṇaṃ kimikulasamākulaṃ navahi vaṇamukhehi paggaḷitapubbakuṇapabhāvena upagantumpi asakkuṇeyyaṃ, tadā pārājikavatthuñca thullaccayavatthuñca vijahati; tādise sarīre yattha katthaci upakkamato dukkaṭameva. Tiracchānagatānaṃ hatthi-assa-goṇa-gadrabha-oṭṭhamahiṃsādīnaṃ nāsāya thullaccayaṃ. Vatthikose thullaccayameva. Sabbesampi tiracchānagatānaṃ akkhikaṇṇavaṇesu dukkaṭaṃ, avasesasarīrepi dukkaṭameva. Matānaṃ allasarīre pārājikakkhette pārājikaṃ, thullaccayakkhette thullaccayaṃ, dukkaṭakkhette dukkaṭaṃ.

    гут̇ид̇агун̣абз бана буб̣б̣з вуд̇д̇анаязнзва саб̣б̣ад̇т̇а д̣̇уггадам̣. гааяасам̣саг̇г̇арааг̇зна ваа мзт̇унарааг̇зна ваа ж̇ийвамаанагабурисасса вад̇т̇игосам̣ аббавзсзнд̇о нимид̇д̇зна нимид̇д̇ам̣ чубад̇и, д̣̇уггадам̣. мзт̇унарааг̇зна ид̇т̇ияаа аббавзсзнд̇о нимид̇д̇зна нимид̇д̇ам̣ чубад̇и, т̇уллажжаяам̣. махааадтагат̇ааяам̣ бана ‘‘ид̇т̇инимид̇д̇ам̣ мзт̇унарааг̇зна мукзна чубад̇и т̇уллажжаяа’’нд̇и вуд̇д̇ам̣. жаммагканд̇хагз ‘‘чаб̣б̣аг̇г̇ияаа бхигкуу ажиравад̇ияаа над̣̇ияаа г̇аавийнам̣ д̇аранд̇ийнам̣ висаан̣зсуби г̇ан̣ханд̇и, ган̣н̣зсуби г̇ан̣ханд̇и, г̇ийвааяаби г̇ан̣ханд̇и, чзббааяаби г̇ан̣ханд̇и, бидтимби абхируханд̇и, рад̇д̇ажид̇д̇ааби ан̇г̇аж̇аад̇ам̣ чубанд̇ий’’д̇и (махаава. 252) имиссаа адтуббад̇д̇ияаа ависзсзна вуд̇д̇ам̣ – ‘‘на жа, бхигкавз, рад̇д̇ажид̇д̇зна ан̇г̇аж̇аад̇ам̣ чубид̇аб̣б̣ам̣, яо чубзяяа, аабад̇д̇и т̇уллажжаяассаа’’д̇и (махаава. 252). д̇ам̣ саб̣б̣амби сам̣санд̣̇ид̇ваа яат̇аа на вируж̇жхад̇и д̇ат̇аа г̇ахзд̇аб̣б̣ам̣. гат̇ан̃жа на вируж̇жхад̇и? яам̣ д̇аава махааадтагат̇ааяам̣ вуд̇д̇ам̣ ‘‘мзт̇унарааг̇зна мукзна чубад̇ий’’д̇и. д̇ад̇ра гира нимид̇д̇амукам̣ муканд̇и ад̇хиббзд̇ам̣. ‘‘мзт̇унарааг̇знаа’’д̇и жа вуд̇д̇ад̇д̇ааби аяамзва д̇ад̇т̇а ад̇хиббааяод̇и взд̣̇ид̇аб̣б̣о. на хи ид̇т̇инимид̇д̇з багад̇имукзна мзт̇унубаггамо ход̇и. канд̇хагзби яз бидтим̣ абхируханд̇аа мзт̇унарааг̇зна ан̇г̇аж̇аад̇зна ан̇г̇аж̇аад̇ам̣ чубим̣су, д̇з санд̇хааяа т̇уллажжаяам̣ вуд̇д̇анд̇и взд̣̇ид̇аб̣б̣ам̣. ид̇арат̇аа хи д̣̇уггадам̣ сияаа. гзжи банааху ‘‘канд̇хагзби мукзнзва чубанам̣ санд̇хааяа ол̣ааригад̇д̇аа гаммасса т̇уллажжаяам̣ вуд̇д̇ам̣. адтагат̇ааяамби д̇ам̣ санд̇хааяабхаасид̇ам̣ г̇ахзд̇ваава мзт̇унарааг̇зна мукзна чубад̇и т̇уллажжаяанд̇и вуд̇д̇а’’нд̇и. д̇асмаа судту саллагкзд̇ваа убхосу винижчаязсу яо яуд̇д̇ад̇аро со г̇ахзд̇аб̣б̣о. винаяан̃н̃уу бана буримам̣ басам̣санд̇и. гааяасам̣саг̇г̇арааг̇зна бана багад̇имукзна ваа нимид̇д̇амукзна ваа ид̇т̇инимид̇д̇ам̣ чубанд̇асса сан̇гхаад̣̇исзсо. д̇иражчаанаг̇ад̇ид̇т̇ияаа бассаавамаг̇г̇ам̣ нимид̇д̇амукзна чубанд̇асса вуд̇д̇анаязнзва т̇уллажжаяам̣. гааяасам̣саг̇г̇арааг̇зна д̣̇уггаданд̇и.

    Kuthitakuṇape pana pubbe vuttanayeneva sabbattha dukkaṭaṃ. Kāyasaṃsaggarāgena vā methunarāgena vā jīvamānakapurisassa vatthikosaṃ appavesento nimittena nimittaṃ chupati, dukkaṭaṃ. Methunarāgena itthiyā appavesento nimittena nimittaṃ chupati, thullaccayaṃ. Mahāaṭṭhakathāyaṃ pana ‘‘itthinimittaṃ methunarāgena mukhena chupati thullaccaya’’nti vuttaṃ. Cammakkhandhake ‘‘chabbaggiyā bhikkhū aciravatiyā nadiyā gāvīnaṃ tarantīnaṃ visāṇesupi gaṇhanti, kaṇṇesupi gaṇhanti, gīvāyapi gaṇhanti, cheppāyapi gaṇhanti, piṭṭhimpi abhiruhanti, rattacittāpi aṅgajātaṃ chupantī’’ti (mahāva. 252) imissā aṭṭhuppattiyā avisesena vuttaṃ – ‘‘na ca, bhikkhave, rattacittena aṅgajātaṃ chupitabbaṃ, yo chupeyya, āpatti thullaccayassā’’ti (mahāva. 252). Taṃ sabbampi saṃsanditvā yathā na virujjhati tathā gahetabbaṃ. Kathañca na virujjhati? Yaṃ tāva mahāaṭṭhakathāyaṃ vuttaṃ ‘‘methunarāgena mukhena chupatī’’ti. Tatra kira nimittamukhaṃ mukhanti adhippetaṃ. ‘‘Methunarāgenā’’ti ca vuttattāpi ayameva tattha adhippāyoti veditabbo. Na hi itthinimitte pakatimukhena methunupakkamo hoti. Khandhakepi ye piṭṭhiṃ abhiruhantā methunarāgena aṅgajātena aṅgajātaṃ chupiṃsu, te sandhāya thullaccayaṃ vuttanti veditabbaṃ. Itarathā hi dukkaṭaṃ siyā. Keci panāhu ‘‘khandhakepi mukheneva chupanaṃ sandhāya oḷārikattā kammassa thullaccayaṃ vuttaṃ. Aṭṭhakathāyampi taṃ sandhāyabhāsitaṃ gahetvāva methunarāgena mukhena chupati thullaccayanti vutta’’nti. Tasmā suṭṭhu sallakkhetvā ubhosu vinicchayesu yo yuttataro so gahetabbo. Vinayaññū pana purimaṃ pasaṃsanti. Kāyasaṃsaggarāgena pana pakatimukhena vā nimittamukhena vā itthinimittaṃ chupantassa saṅghādiseso. Tiracchānagatitthiyā passāvamaggaṃ nimittamukhena chupantassa vuttanayeneva thullaccayaṃ. Kāyasaṃsaggarāgena dukkaṭanti.

    згуунасад̇д̇ад̇ид̣̇висад̇ажад̇уггагат̇аа нидтид̇аа.

    Ekūnasattatidvisatacatukkakathā niṭṭhitā.

    сант̇ад̇ажад̇уггабхзд̣̇агат̇аа

    Santhatacatukkabhedakathā

    61-62. звам̣ бхаг̇аваа бадибаннагасса бхигкуно рагкан̣ад̇т̇ам̣ сад̇д̇ад̇ид̣̇висад̇ажад̇уггаани нийхарид̇ваа ‘‘ид̣̇аани яз анааг̇ад̇з баабабхигкуу ‘сант̇ад̇ам̣ имам̣ на гин̃жи убаад̣̇иннагам̣ убаад̣̇иннагзна пусад̇и, го зд̇т̇а д̣̇осо’д̇и сан̃жижжа лзсам̣ од̣д̣зссанд̇и, д̇зсам̣ саасанз бад̇идтаа зва на бхависсад̇ий’’д̇и д̣̇исваа д̇зсу сад̇д̇ад̇ид̣̇висад̇ажад̇уггзсу згамзгам̣ жад̇уггам̣ жад̇уухи сант̇ад̇аад̣̇ибхзд̣̇зхи бхинд̣̇ид̇ваа д̣̇ассзнд̇о бхигкубажжад̇т̇игаа мануссид̇т̇им̣ бхигкусса санд̇игз аанзд̇ваа важжамаг̇г̇зна бассаавамаг̇г̇зна мукзна ан̇г̇аж̇аад̇ам̣ абхинисийд̣̇знд̇и сант̇ад̇ааяа асант̇ад̇ассаад̇иаад̣̇имааха.

    61-62. Evaṃ bhagavā paṭipannakassa bhikkhuno rakkhaṇatthaṃ sattatidvisatacatukkāni nīharitvā ‘‘idāni ye anāgate pāpabhikkhū ‘santhataṃ imaṃ na kiñci upādinnakaṃ upādinnakena phusati, ko ettha doso’ti sañcicca lesaṃ oḍḍessanti, tesaṃ sāsane patiṭṭhā eva na bhavissatī’’ti disvā tesu sattatidvisatacatukkesu ekamekaṃ catukkaṃ catūhi santhatādibhedehi bhinditvā dassento bhikkhupaccatthikā manussitthiṃ bhikkhussa santike ānetvā vaccamaggena passāvamaggena mukhena aṅgajātaṃ abhinisīdenti santhatāya asanthatassātiādimāha.

    д̇ад̇т̇а сант̇ад̇ааяа асант̇ад̇ассаад̇иаад̣̇ийсу сант̇ад̇ааяа ид̇т̇ияаа важжамаг̇г̇зна бассаавамаг̇г̇зна мукзна асант̇ад̇асса бхигкусса ан̇г̇аж̇аад̇ам̣ абхинисийд̣̇знд̇ийд̇и иминаа наязна яож̇анаа взд̣̇ид̇аб̣б̣аа. д̇ад̇т̇а сант̇ад̇аа наама яассаа д̇ийсу маг̇г̇зсу яо гожи маг̇г̇о баливзтзд̇ваа ваа анд̇о ваа бавзсзд̇ваа язна гзнажи вад̇т̇зна ваа бан̣н̣зна ваа ваагабаддзна ваа жаммзна ваа д̇ибусийсаад̣̇ийнам̣ баддзна ваа бадижчанно. сант̇ад̇о наама яасса ан̇г̇аж̇аад̇ам̣ д̇зсам̣язва вад̇т̇аад̣̇ийнам̣ язна гзнажи бадижчаннам̣. д̇ад̇т̇а убаад̣̇иннагзна ваа анубаад̣̇иннагам̣ гхаддияад̇у, анубаад̣̇иннагзна ваа убаад̣̇иннагам̣, анубаад̣̇иннагзна ваа анубаад̣̇иннагам̣, убаад̣̇иннагзна ваа убаад̣̇иннагам̣, сажз яад̇д̇агз бавидтз баарааж̇игам̣ ход̇ийд̇и вуд̇д̇ам̣, д̇ад̇д̇агам̣ бависад̇и, саб̣б̣ад̇т̇а саад̣̇ияанд̇асса баарааж̇игагкзд̇д̇з баарааж̇игам̣; т̇уллажжаяагкзд̇д̇з т̇уллажжаяам̣, д̣̇уггадагкзд̇д̇з д̣̇уггадамзва ход̇и. сажз ид̇т̇инимид̇д̇ам̣ каан̣ум̣ гад̇ваа сант̇ад̇ам̣, каан̣ум̣ гхаддзнд̇асса д̣̇уггадам̣. сажз бурисанимид̇д̇ам̣ каан̣ум̣ гад̇ваа сант̇ад̇ам̣, каан̣ум̣ бавзсзнд̇асса д̣̇уггадам̣. сажз убхаяам̣ каан̣ум̣ гад̇ваа сант̇ад̇ам̣, каан̣унаа каан̣ум̣ гхаддзнд̇асса д̣̇уггадам̣. сажз ид̇т̇инимид̇д̇з взл̣унал̣абаб̣б̣аад̣̇ийнам̣ гин̃жи багкид̇д̇ам̣, д̇асса хздтаабхааг̇ам̣ жзби пусанд̇о д̇илапаламад̇д̇ам̣ бавзсзд̇и, баарааж̇игам̣. убарибхааг̇ам̣ жзби убхосу бассзсу згабассам̣ жзби пусанд̇о бавзсзд̇и, баарааж̇игам̣. жад̇д̇аариби бассаани апусанд̇о бавзсзд̇ваа д̇асса д̇алам̣ жзби пусад̇и, баарааж̇игам̣. яад̣̇и бана бассзсу ваа д̇алз ваа апусанд̇о аагаасаг̇ад̇амзва гад̇ваа бавзсзд̇ваа нийхарад̇и, д̣̇уггадам̣. б̣ахид̣̇д̇хаа каан̣угз пусад̇и д̣̇уггадамзва. яат̇аа жа ид̇т̇инимид̇д̇з вуд̇д̇ам̣, звам̣ саб̣б̣ад̇т̇а лагкан̣ам̣ взд̣̇ид̇аб̣б̣анд̇и.

    Tattha santhatāya asanthatassātiādīsu santhatāya itthiyā vaccamaggena passāvamaggena mukhena asanthatassa bhikkhussa aṅgajātaṃ abhinisīdentīti iminā nayena yojanā veditabbā. Tattha santhatā nāma yassā tīsu maggesu yo koci maggo paliveṭhetvā vā anto vā pavesetvā yena kenaci vatthena vā paṇṇena vā vākapaṭṭena vā cammena vā tipusīsādīnaṃ paṭṭena vā paṭicchanno. Santhato nāma yassa aṅgajātaṃ tesaṃyeva vatthādīnaṃ yena kenaci paṭicchannaṃ. Tattha upādinnakena vā anupādinnakaṃ ghaṭṭiyatu, anupādinnakena vā upādinnakaṃ, anupādinnakena vā anupādinnakaṃ, upādinnakena vā upādinnakaṃ, sace yattake paviṭṭhe pārājikaṃ hotīti vuttaṃ, tattakaṃ pavisati, sabbattha sādiyantassa pārājikakkhette pārājikaṃ; thullaccayakkhette thullaccayaṃ, dukkaṭakkhette dukkaṭameva hoti. Sace itthinimittaṃ khāṇuṃ katvā santhataṃ, khāṇuṃ ghaṭṭentassa dukkaṭaṃ. Sace purisanimittaṃ khāṇuṃ katvā santhataṃ, khāṇuṃ pavesentassa dukkaṭaṃ. Sace ubhayaṃ khāṇuṃ katvā santhataṃ, khāṇunā khāṇuṃ ghaṭṭentassa dukkaṭaṃ. Sace itthinimitte veḷunaḷapabbādīnaṃ kiñci pakkhittaṃ, tassa heṭṭhābhāgaṃ cepi phusanto tilaphalamattaṃ paveseti, pārājikaṃ. Uparibhāgaṃ cepi ubhosu passesu ekapassaṃ cepi phusanto paveseti, pārājikaṃ. Cattāripi passāni aphusanto pavesetvā tassa talaṃ cepi phusati, pārājikaṃ. Yadi pana passesu vā tale vā aphusanto ākāsagatameva katvā pavesetvā nīharati, dukkaṭaṃ. Bahiddhā khāṇuke phusati dukkaṭameva. Yathā ca itthinimitte vuttaṃ, evaṃ sabbattha lakkhaṇaṃ veditabbanti.

    сант̇ад̇ажад̇уггабхзд̣̇агат̇аа нидтид̇аа.

    Santhatacatukkabhedakathā niṭṭhitā.

    бхигкубажжад̇т̇игажад̇уггабхзд̣̇аван̣н̣анаа

    Bhikkhupaccatthikacatukkabhedavaṇṇanā

    63-64. звам̣ сант̇ад̇ажад̇уггабхзд̣̇ам̣ вад̇ваа ид̣̇аани яасмаа на гзвалам̣ мануссид̇т̇иаад̣̇игз бхигкусса зва санд̇игз аанзнд̇и. ат̇а ко бхигкумби д̇аасам̣ санд̇игз аанзнд̇и, д̇асмаа д̇аббабхзд̣̇ам̣ д̣̇ассзнд̇о ‘‘бхигкубажжад̇т̇игаа бхигкум̣ мануссид̇т̇ияаа санд̇игз’’д̇и аад̣̇инаа наязна саб̣б̣аани д̇аани жад̇уггаани бунаби нийхарид̇ваа д̣̇ассзси. д̇зсу винижчаяо вуд̇д̇анаязнзва взд̣̇ид̇аб̣б̣од̇и.

    63-64. Evaṃ santhatacatukkabhedaṃ vatvā idāni yasmā na kevalaṃ manussitthiādike bhikkhussa eva santike ānenti. Atha kho bhikkhumpi tāsaṃ santike ānenti, tasmā tappabhedaṃ dassento ‘‘bhikkhupaccatthikā bhikkhuṃ manussitthiyā santike’’ti ādinā nayena sabbāni tāni catukkāni punapi nīharitvā dassesi. Tesu vinicchayo vuttanayeneva veditabboti.

    бхигкубажжад̇т̇игавасзна жад̇уггабхзд̣̇аван̣н̣анаа нидтид̇аа.

    Bhikkhupaccatthikavasena catukkabhedavaṇṇanā niṭṭhitā.

    рааж̇абажжад̇т̇игаад̣̇ижад̇уггабхзд̣̇агат̇аа

    Rājapaccatthikādicatukkabhedakathā

    65. яасмаа бана на бхигкубажжад̇т̇игаа зва звам̣ гаронд̇и, рааж̇абажжад̇т̇игаад̣̇аяоби гаронд̇и. д̇асмаа д̇амби бабхзд̣̇ам̣ д̣̇ассзнд̇о ‘‘рааж̇абажжад̇т̇игаа’’д̇иаад̣̇имааха. д̇ад̇т̇а рааж̇аано зва бажжад̇т̇игаа рааж̇абажжад̇т̇игаа. д̇з жа саяам̣ аанзнд̇ааби ан̃н̃зхи аан̣аабзнд̇ааби аанзнд̇иязваад̇и взд̣̇ид̇аб̣б̣аа. жораа зва бажжад̇т̇игаа жорабажжад̇т̇игаа. д̇худ̇д̇аад̇и мзт̇унубасам̣хид̇акид̣д̣аабасуд̇аа нааг̇аригагзраадияабурисаа, ид̇т̇ид̇худ̇д̇асураад̇худ̇д̇аад̣̇аяо ваа; д̇худ̇д̇аа зва бажжад̇т̇игаа д̇худ̇д̇абажжад̇т̇игаа. г̇анд̇ханд̇и хад̣̇аяам̣ вужжад̇и, д̇ам̣ уббаадзнд̇ийд̇и уббалаг̇анд̇хаа, уббалаг̇анд̇хаа зва бажжад̇т̇игаа уббалаг̇анд̇хабажжад̇т̇игаа. зд̇з гира на гасиван̣иж̇ж̇аад̣̇ийхи ж̇ийванд̇и, бант̇агхаад̇аг̇аамагхаад̇аад̣̇ийни гад̇ваа буд̇д̇ад̣̇аарам̣ босзнд̇и. д̇з гаммасид̣̇д̇хим̣ бад̇т̇аяамаанаа д̣̇звад̇аанам̣ ааяаажзд̇ваа д̇аасам̣ б̣алигаммад̇т̇ам̣ мануссаанам̣ хад̣̇аяам̣ уббаадзнд̇и. саб̣б̣агаалз жа мануссаа д̣̇уллабхаа. бхигкуу бана аран̃н̃з вихаранд̇аа сулабхаа хонд̇и. д̇з сийлаванд̇ам̣ бхигкум̣ г̇ахзд̇ваа ‘‘сийлавад̇о вад̇хо наама бхаарияо ход̇ий’’д̇и ман̃н̃амаанаа д̇асса сийлавинаасанад̇т̇ам̣ мануссид̇т̇иаад̣̇игз ваа аанзнд̇и; д̇ам̣ ваа д̇ад̇т̇а нзнд̇и. аяамзд̇т̇а висзсо. сзсам̣ вуд̇д̇анаязнзва взд̣̇ид̇аб̣б̣ам̣. бхигкубажжад̇т̇игаваарз вуд̇д̇анаязнзва жа имзсу жад̇уусуби ваарзсу жад̇уггаани взд̣̇ид̇аб̣б̣аани. баал̣ияам̣ бана сам̣кид̇д̇зна вуд̇д̇аани.

    65. Yasmā pana na bhikkhupaccatthikā eva evaṃ karonti, rājapaccatthikādayopi karonti. Tasmā tampi pabhedaṃ dassento ‘‘rājapaccatthikā’’tiādimāha. Tattha rājāno eva paccatthikā rājapaccatthikā. Te ca sayaṃ ānentāpi aññehi āṇāpentāpi ānentiyevāti veditabbā. Corā eva paccatthikā corapaccatthikā. Dhuttāti methunupasaṃhitakhiḍḍāpasutā nāgarikakerāṭiyapurisā, itthidhuttasurādhuttādayo vā; dhuttā eva paccatthikā dhuttapaccatthikā. Gandhanti hadayaṃ vuccati, taṃ uppāṭentīti uppalagandhā, uppalagandhā eva paccatthikā uppalagandhapaccatthikā. Ete kira na kasivaṇijjādīhi jīvanti, panthaghātagāmaghātādīni katvā puttadāraṃ posenti. Te kammasiddhiṃ patthayamānā devatānaṃ āyācetvā tāsaṃ balikammatthaṃ manussānaṃ hadayaṃ uppāṭenti. Sabbakāle ca manussā dullabhā. Bhikkhū pana araññe viharantā sulabhā honti. Te sīlavantaṃ bhikkhuṃ gahetvā ‘‘sīlavato vadho nāma bhāriyo hotī’’ti maññamānā tassa sīlavināsanatthaṃ manussitthiādike vā ānenti; taṃ vā tattha nenti. Ayamettha viseso. Sesaṃ vuttanayeneva veditabbaṃ. Bhikkhupaccatthikavāre vuttanayeneva ca imesu catūsupi vāresu catukkāni veditabbāni. Pāḷiyaṃ pana saṃkhittena vuttāni.

    саб̣б̣аагаарзна жад̇уггабхзд̣̇агат̇аа нидтид̇аа.

    Sabbākārena catukkabhedakathā niṭṭhitā.

    аабад̇д̇аанаабад̇д̇иваараван̣н̣анаа

    Āpattānāpattivāravaṇṇanā

    66. ид̣̇аани яам̣ вуд̇д̇ам̣ ‘‘мануссид̇т̇ияаа д̇аяо маг̇г̇з мзт̇унам̣ д̇хаммам̣ бадисзванд̇ассаа’’д̇иаад̣̇и, зд̇т̇а асаммохад̇т̇ам̣ ‘‘маг̇г̇зна маг̇г̇а’’нд̇иаад̣̇имааха. д̇ад̇т̇а маг̇г̇зна маг̇г̇анд̇и ид̇т̇ияаа д̇ийсу маг̇г̇зсу ан̃н̃ад̇арзна маг̇г̇зна ад̇д̇ано ан̇г̇аж̇аад̇ам̣ бавзсзд̇и ат̇а ваа самбхиннзсу д̣̇вийсу маг̇г̇зсу бассаавамаг̇г̇зна важжамаг̇г̇ам̣ важжамаг̇г̇зна ваа бассаавамаг̇г̇ам̣ бавзсзд̇и. маг̇г̇зна амаг̇г̇анд̇и бассааваад̣̇имаг̇г̇зна бавзсзд̇ваа д̇асса сааманд̇аа ван̣зна нийхарад̇и. амаг̇г̇зна маг̇г̇анд̇и маг̇г̇асааманд̇зна ван̣зна бавзсзд̇ваа маг̇г̇зна нийхарад̇и. амаг̇г̇зна амаг̇г̇анд̇и д̣̇вийсу самбхиннаван̣зсу згзна ван̣зна бавзсзд̇ваа д̣̇уд̇иязна нийхарад̇и. имасса суд̇д̇асса ануломавасзна саб̣б̣ад̇т̇а ван̣асан̇кзбз т̇уллажжаяам̣ взд̣̇ид̇аб̣б̣ам̣.

    66. Idāni yaṃ vuttaṃ ‘‘manussitthiyā tayo magge methunaṃ dhammaṃ paṭisevantassā’’tiādi, ettha asammohatthaṃ ‘‘maggena magga’’ntiādimāha. Tattha maggena magganti itthiyā tīsu maggesu aññatarena maggena attano aṅgajātaṃ paveseti atha vā sambhinnesu dvīsu maggesu passāvamaggena vaccamaggaṃ vaccamaggena vā passāvamaggaṃ paveseti. Maggena amagganti passāvādimaggena pavesetvā tassa sāmantā vaṇena nīharati. Amaggena magganti maggasāmantena vaṇena pavesetvā maggena nīharati. Amaggena amagganti dvīsu sambhinnavaṇesu ekena vaṇena pavesetvā dutiyena nīharati. Imassa suttassa anulomavasena sabbattha vaṇasaṅkhepe thullaccayaṃ veditabbaṃ.

    ид̣̇аани яам̣ барад̇о вагкад̇и ‘‘анаабад̇д̇и аж̇аананд̇асса асаад̣̇ияанд̇ассаа’’д̇и, д̇ад̇т̇а асаммохад̇т̇ам̣ ‘‘бхигку суд̇д̇абхигкумхий’’д̇иаад̣̇имааха. д̇ад̇рааяам̣ ад̇хиббааяо – яо бадиб̣уд̣̇д̇хо саад̣̇ияад̇и со ‘‘суд̇д̇амхи маяи зсо виббадибаж̇ж̇и, наахам̣ ж̇аанаамий’’д̇и на мужжад̇и. убхо наасзд̇аб̣б̣аад̇и жзд̇т̇а д̣̇взби лин̇г̇анаасанзна наасзд̇аб̣б̣аа. д̇ад̇ра д̣̇уусагасса бадин̃н̃аагаран̣ам̣ над̇т̇и, д̣̇уусид̇о бужчид̇ваа бадин̃н̃ааяа наасзд̇аб̣б̣о. сажз на саад̣̇ияад̇и, на наасзд̇аб̣б̣о. зса наяо сааман̣зраваарзби.

    Idāni yaṃ parato vakkhati ‘‘anāpatti ajānantassa asādiyantassā’’ti, tattha asammohatthaṃ ‘‘bhikkhu suttabhikkhumhī’’tiādimāha. Tatrāyaṃ adhippāyo – yo paṭibuddho sādiyati so ‘‘suttamhi mayi eso vippaṭipajji, nāhaṃ jānāmī’’ti na muccati. Ubho nāsetabbāti cettha dvepi liṅganāsanena nāsetabbā. Tatra dūsakassa paṭiññākaraṇaṃ natthi, dūsito pucchitvā paṭiññāya nāsetabbo. Sace na sādiyati, na nāsetabbo. Esa nayo sāmaṇeravārepi.

    звам̣ д̇ад̇т̇а д̇ад̇т̇а д̇ам̣ д̇ам̣ аабад̇д̇ин̃жа анаабад̇д̇ин̃жа д̣̇ассзд̇ваа ид̣̇аани анаабад̇д̇имзва д̣̇ассзнд̇о ‘‘анаабад̇д̇и аж̇аананд̇ассаа’’д̇иаад̣̇имааха. д̇ад̇т̇а аж̇аананд̇о наама яо махаанид̣̇д̣̇ам̣ огганд̇о барзна гад̇ам̣ убаггамамби на ж̇аанаад̇и взсаалияам̣ махааванз д̣̇иваавихаараг̇ад̇о бхигку вияа. зваруубасса анаабад̇д̇и. вуд̇д̇амби жзд̇ам̣ – ‘‘‘наахам̣ бхаг̇аваа ж̇аанаамий’д̇и; ‘анаабад̇д̇и, бхигку, аж̇аананд̇ассаа’’’д̇и (баараа. 75). асаад̣̇ияанд̇о наама яо ж̇аанид̇вааби на саад̣̇ияад̇и, д̇ад̇т̇зва сахасаа вудтид̇абхигку вияа. вуд̇д̇амби жзд̇ам̣ – ‘‘‘наахам̣ бхаг̇аваа саад̣̇ияи’нд̇и. ‘анаабад̇д̇и, бхигку, асаад̣̇ияанд̇ассаа’’д̇и.

    Evaṃ tattha tattha taṃ taṃ āpattiñca anāpattiñca dassetvā idāni anāpattimeva dassento ‘‘anāpatti ajānantassā’’tiādimāha. Tattha ajānanto nāma yo mahāniddaṃ okkanto parena kataṃ upakkamampi na jānāti vesāliyaṃ mahāvane divāvihāragato bhikkhu viya. Evarūpassa anāpatti. Vuttampi cetaṃ – ‘‘‘nāhaṃ bhagavā jānāmī’ti; ‘anāpatti, bhikkhu, ajānantassā’’’ti (pārā. 75). Asādiyanto nāma yo jānitvāpi na sādiyati, tattheva sahasā vuṭṭhitabhikkhu viya. Vuttampi cetaṃ – ‘‘‘nāhaṃ bhagavā sādiyi’nti. ‘Anāpatti, bhikkhu, asādiyantassā’’ti.

    уммад̇д̇аго наама бид̇д̇уммад̇д̇аго. д̣̇увид̇хан̃хи бид̇д̇ам̣ – б̣ад̣̇д̇хабид̇д̇ам̣, аб̣ад̣̇д̇хабид̇д̇ан̃жаад̇и. д̇ад̇т̇а аб̣ад̣̇д̇хабид̇д̇ам̣ лохид̇ам̣ вияа саб̣б̣ан̇г̇аг̇ад̇ам̣, д̇амхи губид̇з сад̇д̇аанам̣ ган̣д̣угажчусарийрагамбаад̣̇ийни хонд̇и. д̇аани бхзсаж̇ж̇агирияааяа вуубасаманд̇и. б̣ад̣̇д̇хабид̇д̇ам̣ бана бид̇д̇агосагз тид̇ам̣. д̇амхи губид̇з сад̇д̇аа уммад̇д̇агаа хонд̇и вибаллад̇т̇асан̃н̃аа хирод̇д̇аббам̣ чад̣д̣зд̇ваа асааруббаажаарам̣ жаранд̇и. лахугаг̇аругаани сигкаабад̣̇аани мад̣̇д̣̇анд̇ааби на ж̇аананд̇и. бхзсаж̇ж̇агирияааяаби ад̇згижчаа хонд̇и. зваруубасса уммад̇д̇агасса анаабад̇д̇и.

    Ummattako nāma pittummattako. Duvidhañhi pittaṃ – baddhapittaṃ, abaddhapittañcāti. Tattha abaddhapittaṃ lohitaṃ viya sabbaṅgagataṃ, tamhi kupite sattānaṃ kaṇḍukacchusarīrakampādīni honti. Tāni bhesajjakiriyāya vūpasamanti. Baddhapittaṃ pana pittakosake ṭhitaṃ. Tamhi kupite sattā ummattakā honti vipallatthasaññā hirottappaṃ chaḍḍetvā asāruppācāraṃ caranti. Lahukagarukāni sikkhāpadāni maddantāpi na jānanti. Bhesajjakiriyāyapi atekicchā honti. Evarūpassa ummattakassa anāpatti.

    кид̇д̇ажид̇д̇о наама виссадтажид̇д̇о яагкуммад̇д̇аго вужжад̇и. яагкаа гира бхзраваани ваа аарамман̣аани д̣̇ассзд̇ваа мукзна хад̇т̇ам̣ бавзсзд̇ваа хад̣̇аяаруубам̣ ваа мад̣̇д̣̇анд̇аа сад̇д̇з вигкид̇д̇ажид̇д̇з вибаллад̇т̇асан̃н̃з гаронд̇и. зваруубасса кид̇д̇ажид̇д̇асса анаабад̇д̇и. д̇зсам̣ бана убхиннам̣ аяам̣ висзсо – бид̇д̇уммад̇д̇аго нижжамзва уммад̇д̇аго ход̇и, багад̇исан̃н̃ам̣ на лабхад̇и. яагкуммад̇д̇аго анд̇аранд̇араа багад̇исан̃н̃ам̣ бадилабхад̇ийд̇и. ид̇ха бана бид̇д̇уммад̇д̇аго ваа ход̇у яагкуммад̇д̇аго ваа, яо саб̣б̣асо мудтассад̇и гин̃жи на ж̇аанаад̇и, аг̇г̇имби суван̣н̣амби г̇уут̇амби жанд̣̇анамби згасад̣̇исам̣ мад̣̇д̣̇анд̇ова вижарад̇и, зваруубасса анаабад̇д̇и. анд̇аранд̇араа сан̃н̃ам̣ бадилабхид̇ваа н̃ад̇ваа гаронд̇асса бана аабад̇д̇иязва.

    Khittacitto nāma vissaṭṭhacitto yakkhummattako vuccati. Yakkhā kira bheravāni vā ārammaṇāni dassetvā mukhena hatthaṃ pavesetvā hadayarūpaṃ vā maddantā satte vikkhittacitte vipallatthasaññe karonti. Evarūpassa khittacittassa anāpatti. Tesaṃ pana ubhinnaṃ ayaṃ viseso – pittummattako niccameva ummattako hoti, pakatisaññaṃ na labhati. Yakkhummattako antarantarā pakatisaññaṃ paṭilabhatīti. Idha pana pittummattako vā hotu yakkhummattako vā, yo sabbaso muṭṭhassati kiñci na jānāti, aggimpi suvaṇṇampi gūthampi candanampi ekasadisaṃ maddantova vicarati, evarūpassa anāpatti. Antarantarā saññaṃ paṭilabhitvā ñatvā karontassa pana āpattiyeva.

    взд̣̇анааддо наама яо ад̇химад̇д̇ааяа д̣̇угкавзд̣̇анааяа аад̇уро гин̃жи на ж̇аанаад̇и, зваруубасса анаабад̇д̇и.

    Vedanāṭṭo nāma yo adhimattāya dukkhavedanāya āturo kiñci na jānāti, evarūpassa anāpatti.

    аад̣̇игаммиго наама яо д̇асмим̣ д̇асмим̣ гаммз аад̣̇ибхууд̇о. ид̇ха бана суд̣̇иннад̇т̇зро аад̣̇игаммиго, д̇асса анаабад̇д̇и. авасзсаанам̣ маггадийсаман̣аваж̇ж̇ибуд̇д̇агаад̣̇ийнам̣ аабад̇д̇иязваад̇и.

    Ādikammiko nāma yo tasmiṃ tasmiṃ kamme ādibhūto. Idha pana sudinnatthero ādikammiko, tassa anāpatti. Avasesānaṃ makkaṭīsamaṇavajjiputtakādīnaṃ āpattiyevāti.

    бад̣̇абхааж̇анийяаван̣н̣анаа нидтид̇аа.

    Padabhājanīyavaṇṇanā niṭṭhitā.

    багин̣н̣агагат̇аа

    Pakiṇṇakakathā

    имасмим̣ бана сигкаабад̣̇з госаллад̇т̇ам̣ ид̣̇ам̣ багин̣н̣агам̣взд̣̇ид̇аб̣б̣ам̣ –

    Imasmiṃ pana sikkhāpade kosallatthaṃ idaṃ pakiṇṇakaṃveditabbaṃ –

    ‘‘самудтаанан̃жа гирияаа, ат̇о сан̃н̃аа сажид̇д̇агам̣;

    ‘‘Samuṭṭhānañca kiriyā, atho saññā sacittakaṃ;

    логаваж̇ж̇ан̃жа гамман̃жа, гусалам̣ взд̣̇анааяа жаа’’д̇и.

    Lokavajjañca kammañca, kusalaṃ vedanāya cā’’ti.

    д̇ад̇т̇а ‘‘самудтаана’’нд̇и саб̣б̣асан̇г̇аахагавасзна ча сигкаабад̣̇асамудтаанаани. д̇аани бариваарз аави бхависсанд̇и. самаасад̇о бана сигкаабад̣̇ам̣ наама – ад̇т̇и часамудтаанам̣, ад̇т̇и жад̇усамудтаанам̣, ад̇т̇и д̇исамудтаанам̣, ад̇т̇и гат̇инасамудтаанам̣, ад̇т̇и зл̣агаломасамудтаанам̣, ад̇т̇и д̇хуранигкзбаад̣̇исамудтаананд̇и.

    Tattha ‘‘samuṭṭhāna’’nti sabbasaṅgāhakavasena cha sikkhāpadasamuṭṭhānāni. Tāni parivāre āvi bhavissanti. Samāsato pana sikkhāpadaṃ nāma – atthi chasamuṭṭhānaṃ, atthi catusamuṭṭhānaṃ, atthi tisamuṭṭhānaṃ, atthi kathinasamuṭṭhānaṃ, atthi eḷakalomasamuṭṭhānaṃ, atthi dhuranikkhepādisamuṭṭhānanti.

    д̇ад̇рааби гин̃жи гирияад̇о самудтаад̇и, гин̃жи агирияад̇о самудтаад̇и, гин̃жи гирияаагирияад̇о самудтаад̇и, гин̃жи сияаа гирияад̇о, сияаа агирияад̇о самудтаад̇и, гин̃жи сияаа гирияад̇о сияаа гирияаагирияад̇о самудтаад̇и.

    Tatrāpi kiñci kiriyato samuṭṭhāti, kiñci akiriyato samuṭṭhāti, kiñci kiriyākiriyato samuṭṭhāti, kiñci siyā kiriyato, siyā akiriyato samuṭṭhāti, kiñci siyā kiriyato siyā kiriyākiriyato samuṭṭhāti.

    д̇ад̇рааби ад̇т̇и сан̃н̃аавимогкам̣, ад̇т̇и носан̃н̃аавимогкам̣. д̇ад̇т̇а яам̣ жид̇д̇ан̇г̇ам̣ лабхад̇иязва, д̇ам̣ сан̃н̃аавимогкам̣; ид̇арам̣ носан̃н̃аавимогкам̣.

    Tatrāpi atthi saññāvimokkhaṃ, atthi nosaññāvimokkhaṃ. Tattha yaṃ cittaṅgaṃ labhatiyeva, taṃ saññāvimokkhaṃ; itaraṃ nosaññāvimokkhaṃ.

    буна ад̇т̇и сажид̇д̇агам̣, ад̇т̇и ажид̇д̇агам̣. яам̣ сахзва жид̇д̇зна аабаж̇ж̇ад̇и, д̇ам̣ сажид̇д̇агам̣; яам̣ винааби жид̇д̇зна аабаж̇ж̇ад̇и, д̇ам̣ ажид̇д̇агам̣ . д̇ам̣ саб̣б̣амби логаваж̇ж̇ам̣ бан̣н̣ад̇д̇иваж̇ж̇анд̇и д̣̇увид̇хам̣. д̇зсам̣ лагкан̣ам̣ вуд̇д̇амзва.

    Puna atthi sacittakaṃ, atthi acittakaṃ. Yaṃ saheva cittena āpajjati, taṃ sacittakaṃ; yaṃ vināpi cittena āpajjati, taṃ acittakaṃ . Taṃ sabbampi lokavajjaṃ paṇṇattivajjanti duvidhaṃ. Tesaṃ lakkhaṇaṃ vuttameva.

    гаммагусалавзд̣̇анаавасзнааби жзд̇т̇а ад̇т̇и сигкаабад̣̇ам̣ гааяагаммам̣, ад̇т̇и важийгаммам̣. д̇ад̇т̇а яам̣ гааяад̣̇вааригам̣, д̇ам̣ гааяагаммам̣; яам̣ важийд̣̇вааригам̣, д̇ам̣ важийгамманд̇и взд̣̇ид̇аб̣б̣ам̣. ад̇т̇и бана сигкаабад̣̇ам̣ гусалам̣, ад̇т̇и агусалам̣, ад̇т̇и аб̣яаагад̇ам̣. д̣̇вад̇д̇им̣сзва хи аабад̇д̇исамаудтаабагажид̇д̇аани – адта гаамааважарагусалаани, д̣̇ваад̣̇аса агусалаани, д̣̇аса гаамааважарагирияажид̇д̇аани, гусалад̇о жа гирияад̇о жа д̣̇вз абхин̃н̃аажид̇д̇аанийд̇и. д̇зсу яам̣ гусалажид̇д̇зна аабаж̇ж̇ад̇и, д̇ам̣ гусалам̣; ид̇арзхи ид̇арам̣. ад̇т̇и жа сигкаабад̣̇ам̣ д̇ивзд̣̇анам̣, ад̇т̇и д̣̇вивзд̣̇анам̣, ад̇т̇и згавзд̣̇анам̣. д̇ад̇т̇а яам̣ аабаж̇ж̇анд̇о д̇ийсу взд̣̇анаасу ан̃н̃ад̇аравзд̣̇анаасаман̇г̇ий худ̇ваа аабаж̇ж̇ад̇и, д̇ам̣ д̇ивзд̣̇анам̣; яам̣ аабаж̇ж̇анд̇о сукасаман̇г̇ий ваа убзгкаасаман̇г̇ий ваа аабаж̇ж̇ад̇и, д̇ам̣ д̣̇вивзд̣̇анам̣; яам̣ аабаж̇ж̇анд̇о д̣̇угкавзд̣̇анаасаман̇г̇ийязва аабаж̇ж̇ад̇и, д̇ам̣ згавзд̣̇ананд̇и взд̣̇ид̇аб̣б̣ам̣. звам̣ –

    Kammakusalavedanāvasenāpi cettha atthi sikkhāpadaṃ kāyakammaṃ, atthi vacīkammaṃ. Tattha yaṃ kāyadvārikaṃ, taṃ kāyakammaṃ; yaṃ vacīdvārikaṃ, taṃ vacīkammanti veditabbaṃ. Atthi pana sikkhāpadaṃ kusalaṃ, atthi akusalaṃ, atthi abyākataṃ. Dvattiṃseva hi āpattisamauṭṭhāpakacittāni – aṭṭha kāmāvacarakusalāni, dvādasa akusalāni, dasa kāmāvacarakiriyacittāni, kusalato ca kiriyato ca dve abhiññācittānīti. Tesu yaṃ kusalacittena āpajjati, taṃ kusalaṃ; itarehi itaraṃ. Atthi ca sikkhāpadaṃ tivedanaṃ, atthi dvivedanaṃ, atthi ekavedanaṃ. Tattha yaṃ āpajjanto tīsu vedanāsu aññataravedanāsamaṅgī hutvā āpajjati, taṃ tivedanaṃ; yaṃ āpajjanto sukhasamaṅgī vā upekkhāsamaṅgī vā āpajjati, taṃ dvivedanaṃ; yaṃ āpajjanto dukkhavedanāsamaṅgīyeva āpajjati, taṃ ekavedananti veditabbaṃ. Evaṃ –

    ‘‘самудтаанан̃жа гирияаа, ат̇о сан̃н̃аа сажид̇д̇агам̣;

    ‘‘Samuṭṭhānañca kiriyā, atho saññā sacittakaṃ;

    логаваж̇ж̇ан̃жа гамман̃жа, гусалам̣ взд̣̇анааяа жаа’’д̇и.

    Lokavajjañca kammañca, kusalaṃ vedanāya cā’’ti.

    имам̣ багин̣н̣агам̣ вид̣̇ид̇ваа д̇зсу самудтаанаад̣̇ийсу ид̣̇ам̣ сигкаабад̣̇ам̣ самудтаанад̇о згасамудтаанам̣. ан̇г̇авасзна д̣̇угасамудтаанам̣, гааяажид̇д̇ад̇о самудтаад̇и. гирияасамудтаанан̃жа гаронд̇оязва хи зд̇ам̣ аабаж̇ж̇ад̇и. мзт̇унабадисам̣яуд̇д̇ааяа гаамасан̃н̃ааяа абхаавзна мужжанад̇о сан̃н̃аавимогкам̣. ‘‘анаабад̇д̇и аж̇аананд̇асса асаад̣̇ияанд̇ассаа’’д̇и хи вуд̇д̇ам̣. мзт̇унажид̇д̇знзва нам̣ аабаж̇ж̇ад̇и, на винаа жид̇д̇знаад̇и сажид̇д̇агам̣. рааг̇авасзнзва аабаж̇ж̇ид̇аб̣б̣ад̇о логаваж̇ж̇ам̣. гааяад̣̇ваарзнзва самудтаанад̇о гааяагаммам̣. жид̇д̇ам̣ банзд̇т̇а ан̇г̇амад̇д̇ам̣ ход̇и, на д̇асса васзна гаммабхааво лаб̣бхад̇и. лобхажид̇д̇зна аабаж̇ж̇ид̇аб̣б̣ад̇о агусалажид̇д̇ам̣. сукасаман̇г̇ий ваа убзгкаасаман̇г̇ий ваа д̇ам̣ аабаж̇ж̇ад̇ийд̇и д̣̇вивзд̣̇ананд̇и взд̣̇ид̇аб̣б̣ам̣. саб̣б̣ан̃жзд̇ам̣ аабад̇д̇ияам̣ яуж̇ж̇ад̇и. сигкаабад̣̇асийсзна бана саб̣б̣аадтагат̇аасуд̣̇зсанаа ааруул̣хаа, д̇асмаа звам̣ вуд̇д̇ам̣.

    Imaṃ pakiṇṇakaṃ viditvā tesu samuṭṭhānādīsu idaṃ sikkhāpadaṃ samuṭṭhānato ekasamuṭṭhānaṃ. Aṅgavasena dukasamuṭṭhānaṃ, kāyacittato samuṭṭhāti. Kiriyasamuṭṭhānañca karontoyeva hi etaṃ āpajjati. Methunapaṭisaṃyuttāya kāmasaññāya abhāvena muccanato saññāvimokkhaṃ. ‘‘Anāpatti ajānantassa asādiyantassā’’ti hi vuttaṃ. Methunacitteneva naṃ āpajjati, na vinā cittenāti sacittakaṃ. Rāgavaseneva āpajjitabbato lokavajjaṃ. Kāyadvāreneva samuṭṭhānato kāyakammaṃ. Cittaṃ panettha aṅgamattaṃ hoti, na tassa vasena kammabhāvo labbhati. Lobhacittena āpajjitabbato akusalacittaṃ. Sukhasamaṅgī vā upekkhāsamaṅgī vā taṃ āpajjatīti dvivedananti veditabbaṃ. Sabbañcetaṃ āpattiyaṃ yujjati. Sikkhāpadasīsena pana sabbaaṭṭhakathāsudesanā ārūḷhā, tasmā evaṃ vuttaṃ.

    багин̣н̣агагат̇аа нидтид̇аа.

    Pakiṇṇakakathā niṭṭhitā.

    винийд̇авад̇т̇уван̣н̣анаа

    Vinītavatthuvaṇṇanā

    маггадий важ̇ж̇ибуд̇д̇аа жа…бз… вуд̣дхабаб̣б̣аж̇ид̇о миг̇од̇и ид̣̇ам̣ гим̣? имаа винийд̇авад̇т̇уунам̣ бхаг̇авад̇аа саяам̣ винижчид̇аанам̣ д̇зсам̣ д̇зсам̣ вад̇т̇уунам̣ уд̣̇д̣̇аанаг̇аат̇аа наама. д̇аани вад̇т̇ууни ‘‘сукам̣ винаяад̇хараа уг̇г̇ан̣хиссанд̇ий’’д̇и д̇хаммасан̇г̇аахагад̇т̇зрзхи табид̇аани. вад̇т̇уг̇аат̇аа бана д̇харамаанзязва бхаг̇авад̇и убаалид̇т̇зрзна табид̇аа ‘‘иминаа лагкан̣зна ааяад̇им̣ винаяад̇хараа винаяам̣ винижчиниссанд̇ий’’д̇и. д̇асмаа зд̇т̇а вуд̇д̇алагкан̣ам̣ саад̇хугам̣ саллагкзд̇ваа батамасигкаабад̣̇ам̣ винижчинид̇аб̣б̣ам̣. д̣̇уд̇ияаад̣̇ийнан̃жа винийд̇авад̇т̇уусу вуд̇д̇алагкан̣зна д̣̇уд̇ияаад̣̇ийни. винийд̇авад̇т̇ууни хи сиббигаанам̣ бадижчаннагаруубаани вияа винаяад̇хараанам̣ бадижчаннагавад̇т̇ууни хонд̇ийд̇и.

    Makkaṭīvajjiputtā ca…pe… vuḍḍhapabbajito migoti idaṃ kiṃ? Imā vinītavatthūnaṃ bhagavatā sayaṃ vinicchitānaṃ tesaṃ tesaṃ vatthūnaṃ uddānagāthā nāma. Tāni vatthūni ‘‘sukhaṃ vinayadharā uggaṇhissantī’’ti dhammasaṅgāhakattherehi ṭhapitāni. Vatthugāthā pana dharamāneyeva bhagavati upālittherena ṭhapitā ‘‘iminā lakkhaṇena āyatiṃ vinayadharā vinayaṃ vinicchinissantī’’ti. Tasmā ettha vuttalakkhaṇaṃ sādhukaṃ sallakkhetvā paṭhamasikkhāpadaṃ vinicchinitabbaṃ. Dutiyādīnañca vinītavatthūsu vuttalakkhaṇena dutiyādīni. Vinītavatthūni hi sippikānaṃ paṭicchannakarūpāni viya vinayadharānaṃ paṭicchannakavatthūni hontīti.

    67. д̇ад̇т̇а буримаани д̣̇вз вад̇т̇ууни анубан̃н̃ад̇д̇ияам̣язва вуд̇д̇ад̇т̇аани. д̇ад̇ияз вад̇т̇умхи г̇ихилин̇г̇знаад̇и г̇ихивзсзна од̣̇аад̇авад̇т̇о худ̇ваа. жад̇уд̇т̇з над̇т̇и гин̃жи вад̇д̇аб̣б̣ам̣. д̇ад̇о барзсу сад̇д̇асу вад̇т̇уусу гусажийранд̇и гусз г̇ант̇зд̇ваа гад̇ажийрам̣. ваагажийрам̣ наама д̇аабасаанам̣ ваггалам̣. палагажийрам̣ наама палагасан̣таанаани палагаани сиб̣б̣ид̇ваа гад̇ажийрам̣. гзсагамб̣алод̇и гзсзхи д̇анд̇з вааяид̇ваа гад̇агамб̣ало. ваалагамб̣алод̇и жамараваалзхи вааяид̇ваа гад̇агамб̣ало. улуугабагкиганд̇и улуугасагун̣асса багкзхи гад̇аниваасанам̣. аж̇инагкибанд̇и саломам̣ сакурам̣ аж̇инамиг̇ажаммам̣. д̣̇ваад̣̇асамз вад̇т̇умхи саарад̇д̇од̇и гааяасам̣саг̇г̇арааг̇зна саарад̇д̇о; д̇ам̣ рааг̇ам̣ н̃ад̇ваа бхаг̇аваа ‘‘аабад̇д̇и сан̇гхаад̣̇исзсассаа’’д̇и ааха.

    67. Tattha purimāni dve vatthūni anupaññattiyaṃyeva vuttatthāni. Tatiye vatthumhi gihiliṅgenāti gihivesena odātavattho hutvā. Catutthe natthi kiñci vattabbaṃ. Tato paresu sattasu vatthūsu kusacīranti kuse ganthetvā katacīraṃ. Vākacīraṃ nāma tāpasānaṃ vakkalaṃ. Phalakacīraṃ nāma phalakasaṇṭhānāni phalakāni sibbitvā katacīraṃ. Kesakambaloti kesehi tante vāyitvā katakambalo. Vālakambaloti camaravālehi vāyitvā katakambalo. Ulūkapakkhikanti ulūkasakuṇassa pakkhehi katanivāsanaṃ. Ajinakkhipanti salomaṃ sakhuraṃ ajinamigacammaṃ. Dvādasame vatthumhi sārattoti kāyasaṃsaggarāgena sāratto; taṃ rāgaṃ ñatvā bhagavā ‘‘āpatti saṅghādisesassā’’ti āha.

    68. д̇зрасамз вад̇т̇умхи уббалаван̣н̣аад̇и саа т̇зрий саавад̇т̇ияам̣ сздтид̇хийд̇аа сад̇асахассагаббз абхинийхаарасамбаннаа. д̇ассаа багад̇ияааби ад̇ид̣̇ассанийяаа нийлуббалаван̣н̣аа гааяажчави, аб̣бханд̇арз бана гилзсасанд̇аабасса абхаавзна ад̇ивияа вирожад̇и. саа д̇ааязва ван̣н̣абогкарад̇ааяа ‘‘уббалаван̣н̣аа’’д̇и наамам̣ лабхи. бадиб̣ад̣̇д̇хажид̇д̇од̇и г̇ихигаалад̇о бадтааяа рад̇д̇ажид̇д̇о; со гира д̇ассаа н̃аад̇ид̣̇аараго ход̇и. ат̇а код̇и ананд̇арад̇т̇з нибаад̇о; ман̃жагз нисиннаананд̇арамзваад̇и вуд̇д̇ам̣ ход̇и. д̣̇иваа б̣аахирад̇о ааг̇анд̇ваа д̣̇ваарам̣ бид̇хааяа нисиннаанан̃хи батамам̣ анд̇хагаарам̣ ход̇и. со яаавассаа д̇ам̣ анд̇хагаарам̣ на нассад̇и, д̇аавад̣̇зва звамагаасийд̇и ад̇т̇о. д̣̇уусзсийд̇и бад̇хам̣сзси. т̇зрий бана анаваж̇ж̇аа ад̇д̇ано саман̣асан̃н̃ам̣ бажжубадтабзд̇ваа асаад̣̇ияанд̇ий нисийд̣̇и асад̣̇д̇хаммаад̇хиббааязна бараамадтаа аг̇г̇игканд̇ха-силаат̇амбха-кад̣̇ирасааракаан̣угаа вияа. соби ад̇д̇ано манорат̇ам̣ буурзд̇ваа г̇ад̇о. д̇ассаа т̇зрияаа д̣̇ассанабат̇ам̣ виж̇аханд̇ассзва аяам̣ махаабат̇авий синзрубаб̣б̣ад̇ам̣ д̇хаарзд̇ум̣ самад̇т̇ааби д̇ам̣ баабабурисам̣ б̣яаамамад̇д̇агал̣зварам̣ д̇хаарзд̇ум̣ асаггонд̇ий вияа бхиж̇ж̇ид̇ваа виварамад̣̇ааси. со д̇ан̇кан̣ан̃н̃зва авийжиж̇аалаанам̣ инд̇ханабхаавам̣ аг̇амааси. бхаг̇аваа д̇ам̣ суд̇ваа ‘‘анаабад̇д̇и, бхигкавз, асаад̣̇ияанд̇ияаа’’д̇и вад̇ваа т̇зрим̣ санд̇хааяа д̇хаммабад̣̇з имам̣ г̇аат̇ам̣ абхааси –

    68. Terasame vatthumhi uppalavaṇṇāti sā therī sāvatthiyaṃ seṭṭhidhītā satasahassakappe abhinīhārasampannā. Tassā pakatiyāpi atidassanīyā nīluppalavaṇṇā kāyacchavi, abbhantare pana kilesasantāpassa abhāvena ativiya virocati. Sā tāyeva vaṇṇapokkharatāya ‘‘uppalavaṇṇā’’ti nāmaṃ labhi. Paṭibaddhacittoti gihikālato paṭṭhāya rattacitto; so kira tassā ñātidārako hoti. Atha khoti anantaratthe nipāto; mañcake nisinnānantaramevāti vuttaṃ hoti. Divā bāhirato āgantvā dvāraṃ pidhāya nisinnānañhi paṭhamaṃ andhakāraṃ hoti. So yāvassā taṃ andhakāraṃ na nassati, tāvadeva evamakāsīti attho. Dūsesīti padhaṃsesi. Therī pana anavajjā attano samaṇasaññaṃ paccupaṭṭhapetvā asādiyantī nisīdi asaddhammādhippāyena parāmaṭṭhā aggikkhandha-silāthambha-khadirasārakhāṇukā viya. Sopi attano manorathaṃ pūretvā gato. Tassā theriyā dassanapathaṃ vijahantasseva ayaṃ mahāpathavī sinerupabbataṃ dhāretuṃ samatthāpi taṃ pāpapurisaṃ byāmamattakaḷevaraṃ dhāretuṃ asakkontī viya bhijjitvā vivaramadāsi. So taṅkhaṇaññeva avīcijālānaṃ indhanabhāvaṃ agamāsi. Bhagavā taṃ sutvā ‘‘anāpatti, bhikkhave, asādiyantiyā’’ti vatvā theriṃ sandhāya dhammapade imaṃ gāthaṃ abhāsi –

    ‘‘ваари богкарабад̇д̇зва, аараг̇г̇зрива саасабо;

    ‘‘Vāri pokkharapatteva, āraggeriva sāsapo;

    яо на лимбад̇и гаамзсу, д̇амахам̣ б̣рууми б̣раахман̣а’’нд̇и. (д̇ха. ба. 401);

    Yo na limpati kāmesu, tamahaṃ brūmi brāhmaṇa’’nti. (dha. pa. 401);

    69. жуд̣̇д̣̇асамз вад̇т̇умхи ид̇т̇илин̇г̇ам̣ баад̇убхууд̇анд̇и рад̇д̇ибхааг̇з нид̣̇д̣̇ам̣ огганд̇асса бурисасан̣таанам̣ массуд̣̇аатигаад̣̇и саб̣б̣ам̣ анд̇арахид̇ам̣ ид̇т̇исан̣таанам̣ уббаннам̣. д̇амзва убаж̇жхам̣ д̇амзва убасамбад̣̇анд̇и буб̣б̣з г̇ахид̇аубаж̇жхааяамзва буб̣б̣з гад̇аубасамбад̣̇амзва ануж̇аанаами. буна убаж̇жхаа на г̇ахзд̇аб̣б̣аа; убасамбад̣̇аа на гаад̇аб̣б̣аад̇и ад̇т̇о. д̇ааниязва вассаанийд̇и бхигкуубасамбад̣̇ад̇о бабхуд̇и яаава вассаг̇ан̣анаа, д̇ам̣язва вассаг̇ан̣анам̣ ануж̇аанаами. на ид̇о бадтааяа вассаг̇ан̣анаа гаад̇аб̣б̣аад̇и ад̇т̇о. бхигкунийхи сан̇г̇амид̇унд̇и бхигкунийхи сад̣̇д̇хим̣ сан̇г̇амид̇ум̣ сан̇г̇анд̇ум̣ саман̇г̇ий бхавид̇ум̣ ануж̇аанаамийд̇и ад̇т̇о. ид̣̇ам̣ вуд̇д̇ам̣ ход̇и – аббад̇ируубам̣ д̣̇ааниссаа бхигкуунам̣ маж̇жхз васид̇ум̣, бхигкунубассаяам̣ г̇анд̇ваа бхигкунийхи сад̣̇д̇хим̣ васад̇ууд̇и. яаа аабад̇д̇ияо бхигкуунам̣ бхигкунийхи саад̇хааран̣аад̇и яаа д̣̇зсанааг̇ааминияо ваа вудтаанаг̇ааминияо ваа аабад̇д̇ияо бхигкуунам̣ бхигкунийхи сад̣̇д̇хим̣ саад̇хааран̣аа. д̇аа аабад̇д̇ияо бхигкунийнам̣ санд̇игз вудтаад̇унд̇и д̇аа саб̣б̣ааби бхигкунийхи гаад̇аб̣б̣ам̣ винаяагаммам̣ гад̇ваа бхигкунийнам̣ санд̇игз вудтаад̇ум̣ ануж̇аанаамийд̇и ад̇т̇о. д̇аахи аабад̇д̇ийхи анаабад̇д̇ийд̇и яаа бана бхигкуунам̣ бхигкунийхи асаад̇хааран̣аа суггависсадти-аад̣̇игаа аабад̇д̇ияо, д̇аахи анаабад̇д̇и. лин̇г̇абаривад̇д̇анзна д̇аа аабад̇д̇ияо вудтид̇аава хонд̇и. буна багад̇илин̇г̇з уббаннзби д̇аахи аабад̇д̇ийхи д̇асса анаабад̇д̇иязваад̇и аяам̣ д̇аавзд̇т̇а баал̣ивинижчаяо.

    69. Cuddasame vatthumhi itthiliṅgaṃ pātubhūtanti rattibhāge niddaṃ okkantassa purisasaṇṭhānaṃ massudāṭhikādi sabbaṃ antarahitaṃ itthisaṇṭhānaṃ uppannaṃ. Tameva upajjhaṃ tameva upasampadanti pubbe gahitaupajjhāyameva pubbe kataupasampadameva anujānāmi. Puna upajjhā na gahetabbā; upasampadā na kātabbāti attho. Tāniyevavassānīti bhikkhuupasampadato pabhuti yāva vassagaṇanā, taṃyeva vassagaṇanaṃ anujānāmi. Na ito paṭṭhāya vassagaṇanā kātabbāti attho. Bhikkhunīhi saṅgamitunti bhikkhunīhi saddhiṃ saṅgamituṃ saṅgantuṃ samaṅgī bhavituṃ anujānāmīti attho. Idaṃ vuttaṃ hoti – appatirūpaṃ dānissā bhikkhūnaṃ majjhe vasituṃ, bhikkhunupassayaṃ gantvā bhikkhunīhi saddhiṃ vasatūti. Yā āpattiyo bhikkhūnaṃ bhikkhunīhi sādhāraṇāti yā desanāgāminiyo vā vuṭṭhānagāminiyo vā āpattiyo bhikkhūnaṃ bhikkhunīhi saddhiṃ sādhāraṇā. Tā āpattiyo bhikkhunīnaṃ santike vuṭṭhātunti tā sabbāpi bhikkhunīhi kātabbaṃ vinayakammaṃ katvā bhikkhunīnaṃ santike vuṭṭhātuṃ anujānāmīti attho. Tāhi āpattīhi anāpattīti yā pana bhikkhūnaṃ bhikkhunīhi asādhāraṇā sukkavissaṭṭhi-ādikā āpattiyo, tāhi anāpatti. Liṅgaparivattanena tā āpattiyo vuṭṭhitāva honti. Puna pakatiliṅge uppannepi tāhi āpattīhi tassa anāpattiyevāti ayaṃ tāvettha pāḷivinicchayo.

    аяам̣ бана баал̣имуд̇д̇о огганд̇игавинижчаяо – имзсу д̇аава д̣̇вийсу лин̇г̇зсу бурисалин̇г̇ам̣ уд̇д̇амам̣, ид̇т̇илин̇г̇ам̣ хийнам̣; д̇асмаа бурисалин̇г̇ам̣ б̣алаваагусалзна анд̇арад̇хааяад̇и. ид̇т̇илин̇г̇ам̣ д̣̇уб̣б̣алагусалзна бад̇идтаад̇и. ид̇т̇илин̇г̇ам̣ бана анд̇арад̇хааяанд̇ам̣ д̣̇уб̣б̣алаагусалзна анд̇арад̇хааяад̇и. бурисалин̇г̇ам̣ б̣алавагусалзна бад̇идтаад̇и. звам̣ убхаяамби агусалзна анд̇арад̇хааяад̇и, гусалзна бадилаб̣бхад̇и.

    Ayaṃ pana pāḷimutto okkantikavinicchayo – imesu tāva dvīsu liṅgesu purisaliṅgaṃ uttamaṃ, itthiliṅgaṃ hīnaṃ; tasmā purisaliṅgaṃ balavaakusalena antaradhāyati. Itthiliṅgaṃ dubbalakusalena patiṭṭhāti. Itthiliṅgaṃ pana antaradhāyantaṃ dubbalaakusalena antaradhāyati. Purisaliṅgaṃ balavakusalena patiṭṭhāti. Evaṃ ubhayampi akusalena antaradhāyati, kusalena paṭilabbhati.

    д̇ад̇т̇а сажз д̣̇виннам̣ бхигкуунам̣ згад̇о саж̇жхааяам̣ ваа д̇хаммасаагажчам̣ ваа гад̇ваа згааг̇аарз нибаж̇ж̇ид̇ваа нид̣̇д̣̇ам̣ огганд̇аанам̣ згасса ид̇т̇илин̇г̇ам̣ баад̇убхавад̇и, убхиннамби сахасзяяаабад̇д̇и ход̇и. со жз бадиб̣уж̇жхид̇ваа ад̇д̇ано д̇ам̣ виббагаарам̣ д̣̇исваа д̣̇угкий д̣̇уммано рад̇д̇ибхааг̇зязва ид̇арасса аарожзяяа, д̇зна самассаасзд̇аб̣б̣о – ‘‘ход̇у, маа жинд̇аяид̇т̇а. ваддассзвзсо д̣̇осо. саммаасамб̣уд̣̇д̇хзна д̣̇ваарам̣ д̣̇иннам̣, бхигку ваа ход̇у бхигкуний ваа, анаавадо д̇хаммо аваарид̇о саг̇г̇амаг̇г̇о’’д̇и. самассаасзд̇ваа жа звам̣ вад̇д̇аб̣б̣ам̣ – ‘‘д̇умхзхи бхигкунубассаяам̣ г̇анд̇ум̣ ваддад̇и. ад̇т̇и во гаажи санд̣̇идтаа бхигкунияо’’д̇и. сажассаа хонд̇и д̇аад̣̇исаа бхигкунияо ад̇т̇ийд̇и, но жз хонд̇и над̇т̇ийд̇и вад̇ваа со бхигку вад̇д̇аб̣б̣о – ‘‘мама сан̇г̇ахам̣ гарот̇а; ид̣̇аани мам̣ батамам̣ бхигкунубассаяам̣ нзт̇аа’’д̇и. д̇зна бхигкунаа д̇ам̣ г̇ахзд̇ваа д̇ассаа ваа санд̣̇идтаанам̣ ад̇д̇ано ваа санд̣̇идтаанам̣ бхигкунийнам̣ санд̇игам̣ г̇анд̇аб̣б̣ам̣. г̇ажчанд̇зна жа на згагзна г̇анд̇аб̣б̣ам̣. жад̇уухи бан̃жахи бхигкуухи сад̣̇д̇хим̣ ж̇од̇иган̃жа гад̇д̇арад̣̇ан̣д̣ан̃жа г̇ахзд̇ваа сам̣вид̣̇аханам̣ бариможзд̇ваа ‘‘маяам̣ асугам̣ наама таанам̣ г̇ажчаамаа’’д̇и г̇анд̇аб̣б̣ам̣. сажз б̣ахиг̇аамз д̣̇уурз вихааро ход̇и, анд̇араамаг̇г̇з г̇ааманд̇ара-над̣̇ийбаара-рад̇д̇ивиббавааса-г̇ан̣аохийяанаабад̇д̇ийхи анаабад̇д̇и. бхигкунубассаяам̣ г̇анд̇ваа д̇аа бхигкунияо вад̇д̇аб̣б̣аа – ‘‘асугам̣ наама бхигкум̣ ж̇аанаат̇аа’’д̇и? ‘‘аама, аяяаа’’д̇и. ‘‘д̇асса ид̇т̇илин̇г̇ам̣ баад̇убхууд̇ам̣, сан̇г̇ахам̣ д̣̇аанисса гарот̇аа’’д̇и. д̇аа жз ‘‘саад̇ху, аяяаа, ид̣̇аани маяамби саж̇жхааяиссаама, д̇хаммам̣ соссаама, г̇ажчат̇а д̇умхз’’д̇и вад̇ваа сан̇г̇ахам̣ гаронд̇и, аараад̇хигаа жа хонд̇и сан̇г̇аахигаа лаж̇ж̇инияо, д̇аа гобзд̇ваа ан̃н̃ад̇т̇а на г̇анд̇аб̣б̣ам̣. г̇ажчад̇и жз, г̇ааманд̇ара-над̣̇ийбаара-рад̇д̇ивиббавааса-г̇ан̣аохийяанаабад̇д̇ийхи на мужжад̇и. сажз бана лаж̇ж̇инияо хонд̇и, на сан̇г̇аахигааяо; ан̃н̃ад̇т̇а г̇анд̇ум̣ лаб̣бхад̇и. сажзби алаж̇ж̇инияо хонд̇и, сан̇г̇ахам̣ бана гаронд̇и; д̇ааби барижжаж̇ид̇ваа ан̃н̃ад̇т̇а г̇анд̇ум̣ лаб̣бхад̇и. сажз лаж̇ж̇инияо жа сан̇г̇аахигаа жа, н̃аад̇игаа на хонд̇и, аасаннаг̇аамз бана ан̃н̃аа н̃аад̇игааяо хонд̇и бадиж̇аг̇г̇анигаа, д̇аасамби санд̇игам̣ г̇анд̇ум̣ ваддад̇ийд̇и вад̣̇анд̇и. г̇анд̇ваа сажз бхигкубхаавзби ниссаяабадибанно, бад̇ируубааяа бхигкунияаа санд̇игз ниссаяо г̇ахзд̇аб̣б̣о. маад̇игаа ваа винаяо ваа уг̇г̇ахид̇о суг̇г̇ахид̇о, буна уг̇г̇ан̣ханагааран̣ам̣ над̇т̇и. сажз бхигкубхаавз барисааважаро, д̇асса санд̇игзязва убасамбаннаа суубасамбаннаа. ан̃н̃асса санд̇игз ниссаяо г̇ахзд̇аб̣б̣о. буб̣б̣з д̇ам̣ ниссааяа васанд̇зхиби ан̃н̃асса санд̇игзязва ниссаяо г̇ахзд̇аб̣б̣о. барибун̣н̣авассасааман̣зрзнааби ан̃н̃асса санд̇игзязва убаж̇жхаа г̇ахзд̇аб̣б̣аа.

    Tattha sace dvinnaṃ bhikkhūnaṃ ekato sajjhāyaṃ vā dhammasākacchaṃ vā katvā ekāgāre nipajjitvā niddaṃ okkantānaṃ ekassa itthiliṅgaṃ pātubhavati, ubhinnampi sahaseyyāpatti hoti. So ce paṭibujjhitvā attano taṃ vippakāraṃ disvā dukkhī dummano rattibhāgeyeva itarassa āroceyya, tena samassāsetabbo – ‘‘hotu, mā cintayittha. Vaṭṭasseveso doso. Sammāsambuddhena dvāraṃ dinnaṃ, bhikkhu vā hotu bhikkhunī vā, anāvaṭo dhammo avārito saggamaggo’’ti. Samassāsetvā ca evaṃ vattabbaṃ – ‘‘tumhehi bhikkhunupassayaṃ gantuṃ vaṭṭati. Atthi vo kāci sandiṭṭhā bhikkhuniyo’’ti. Sacassā honti tādisā bhikkhuniyo atthīti, no ce honti natthīti vatvā so bhikkhu vattabbo – ‘‘mama saṅgahaṃ karotha; idāni maṃ paṭhamaṃ bhikkhunupassayaṃ nethā’’ti. Tena bhikkhunā taṃ gahetvā tassā vā sandiṭṭhānaṃ attano vā sandiṭṭhānaṃ bhikkhunīnaṃ santikaṃ gantabbaṃ. Gacchantena ca na ekakena gantabbaṃ. Catūhi pañcahi bhikkhūhi saddhiṃ jotikañca kattaradaṇḍañca gahetvā saṃvidahanaṃ parimocetvā ‘‘mayaṃ asukaṃ nāma ṭhānaṃ gacchāmā’’ti gantabbaṃ. Sace bahigāme dūre vihāro hoti, antarāmagge gāmantara-nadīpāra-rattivippavāsa-gaṇaohīyanāpattīhi anāpatti. Bhikkhunupassayaṃ gantvā tā bhikkhuniyo vattabbā – ‘‘asukaṃ nāma bhikkhuṃ jānāthā’’ti? ‘‘Āma, ayyā’’ti. ‘‘Tassa itthiliṅgaṃ pātubhūtaṃ, saṅgahaṃ dānissa karothā’’ti. Tā ce ‘‘sādhu, ayyā, idāni mayampi sajjhāyissāma, dhammaṃ sossāma, gacchatha tumhe’’ti vatvā saṅgahaṃ karonti, ārādhikā ca honti saṅgāhikā lajjiniyo, tā kopetvā aññattha na gantabbaṃ. Gacchati ce, gāmantara-nadīpāra-rattivippavāsa-gaṇaohīyanāpattīhi na muccati. Sace pana lajjiniyo honti, na saṅgāhikāyo; aññattha gantuṃ labbhati. Sacepi alajjiniyo honti, saṅgahaṃ pana karonti; tāpi pariccajitvā aññattha gantuṃ labbhati. Sace lajjiniyo ca saṅgāhikā ca, ñātikā na honti, āsannagāme pana aññā ñātikāyo honti paṭijagganikā, tāsampi santikaṃ gantuṃ vaṭṭatīti vadanti. Gantvā sace bhikkhubhāvepi nissayapaṭipanno, patirūpāya bhikkhuniyā santike nissayo gahetabbo. Mātikā vā vinayo vā uggahito suggahito, puna uggaṇhanakāraṇaṃ natthi. Sace bhikkhubhāve parisāvacaro, tassa santikeyeva upasampannā sūpasampannā. Aññassa santike nissayo gahetabbo. Pubbe taṃ nissāya vasantehipi aññassa santikeyeva nissayo gahetabbo. Paripuṇṇavassasāmaṇerenāpi aññassa santikeyeva upajjhā gahetabbā.

    яам̣ банасса бхигкубхаавз ад̇хидтид̇ам̣ д̇ижийваран̃жа бад̇д̇о жа, д̇ам̣ ад̇хидтаанам̣ виж̇ахад̇и, буна ад̇хидтаад̇аб̣б̣ам̣. сан̇гажжигаа жа уд̣̇агасаадигаа жа г̇ахзд̇аб̣б̣аа. яам̣ ад̇ирзгажийварам̣ ваа ад̇ирзгабад̇д̇о ваа винаяагаммам̣ гад̇ваа табид̇о ход̇и, д̇ам̣ саб̣б̣амби винаяагаммам̣ виж̇ахад̇и, буна гаад̇аб̣б̣ам̣. бадиг̇г̇ахид̇ад̇зламад̇хупаан̣ид̇аад̣̇ийниби бадиг̇г̇ахан̣ам̣ виж̇аханд̇и. сажз бадиг̇г̇ахан̣ад̇о сад̇д̇амз д̣̇ивасз лин̇г̇ам̣ баривад̇д̇ад̇и, буна бадиг̇г̇ахзд̇ваа сад̇д̇аахам̣ ваддад̇и. яам̣ бана бхигкугаалз ан̃н̃асса бхигкуно санд̇агам̣ бадиг̇г̇ахид̇ам̣, д̇ам̣ бадиг̇г̇ахан̣ам̣ на виж̇ахад̇и. яам̣ убхиннам̣ саад̇хааран̣ам̣ авибхаж̇ид̇ваа табид̇ам̣, д̇ам̣ багад̇ад̇д̇о рагкад̇и. яам̣ бана вибхад̇д̇ам̣ зд̇ассзва санд̇агам̣, д̇ам̣ бадиг̇г̇ахан̣ам̣ виж̇ахад̇и. вуд̇д̇амби жзд̇ам̣ бариваарз –

    Yaṃ panassa bhikkhubhāve adhiṭṭhitaṃ ticīvarañca patto ca, taṃ adhiṭṭhānaṃ vijahati, puna adhiṭṭhātabbaṃ. Saṅkaccikā ca udakasāṭikā ca gahetabbā. Yaṃ atirekacīvaraṃ vā atirekapatto vā vinayakammaṃ katvā ṭhapito hoti, taṃ sabbampi vinayakammaṃ vijahati, puna kātabbaṃ. Paṭiggahitatelamadhuphāṇitādīnipi paṭiggahaṇaṃ vijahanti. Sace paṭiggahaṇato sattame divase liṅgaṃ parivattati, puna paṭiggahetvā sattāhaṃ vaṭṭati. Yaṃ pana bhikkhukāle aññassa bhikkhuno santakaṃ paṭiggahitaṃ, taṃ paṭiggahaṇaṃ na vijahati. Yaṃ ubhinnaṃ sādhāraṇaṃ avibhajitvā ṭhapitaṃ, taṃ pakatatto rakkhati. Yaṃ pana vibhattaṃ etasseva santakaṃ, taṃ paṭiggahaṇaṃ vijahati. Vuttampi cetaṃ parivāre –

    ‘‘д̇злам̣ мад̇хум̣ паан̣ид̇ан̃жааби саббим̣;

    ‘‘Telaṃ madhuṃ phāṇitañcāpi sappiṃ;

    саамам̣ г̇ахзд̇ваана нигкибзяяа;

    Sāmaṃ gahetvāna nikkhipeyya;

    авийд̇ивад̇д̇з сад̇д̇аахз;

    Avītivatte sattāhe;

    сад̇и бажжаяз барибхун̃ж̇анд̇асса аабад̇д̇и;

    Sati paccaye paribhuñjantassa āpatti;

    бан̃хаа мзсаа гусалзхи жинд̇ид̇аа’’д̇и. (бари. 480);

    Pañhā mesā kusalehi cintitā’’ti. (pari. 480);

    ид̣̇ан̃хи лин̇г̇абаривад̇д̇анам̣ санд̇хааяа вуд̇д̇ам̣. бадиг̇г̇ахан̣ам̣ наама лин̇г̇абаривад̇д̇анзна, гаалам̣гирияааяа, сигкаабажжагкаанзна, хийнааяаавад̇д̇анзна, анубасамбаннасса д̣̇аанзна, анабзгкависсаж̇ж̇анзна, ажчинд̣̇ид̇ваа г̇ахан̣зна жа виж̇ахад̇и. д̇асмаа сажзби харийд̇агакан̣д̣амби бадиг̇г̇ахзд̇ваа табид̇амад̇т̇и, саб̣б̣амасса бадиг̇г̇ахан̣ам̣ виж̇ахад̇и. бхигкувихаарз бана яам̣гин̃жиссаа санд̇агам̣ бадиг̇г̇ахзд̇ваа ваа аббадиг̇г̇ахзд̇ваа ваа табид̇ам̣, саб̣б̣асса саава иссараа, аахараабзд̇ваа г̇ахзд̇аб̣б̣ам̣. яам̣ банзд̇т̇а т̇ааварам̣ д̇ассаа санд̇агам̣ сзнаасанам̣ ваа убаробагаа ваа, д̇з яассижчад̇и д̇асса д̣̇аад̇аб̣б̣аа. д̇зрасасу саммуд̇ийсу яаа бхигкугаалз лад̣̇д̇хаа саммуд̇и, саб̣б̣аа саа бадиббассамбхад̇и. буримигааяа сзнаасанаг̇г̇аахо бадиббассамбхад̇и. сажз бажчимигааяа сзнаасанз г̇ахид̇з лин̇г̇ам̣ баривад̇д̇ад̇и, бхигкунисан̇гхо жассаа уббаннам̣ лаабхам̣ д̣̇аад̇угаамо ход̇и, абалогзд̇ваа д̣̇аад̇аб̣б̣о. сажз бхигкунийхи саад̇хааран̣ааяа бадижчаннааяа аабад̇д̇ияаа баривасанд̇асса лин̇г̇ам̣ баривад̇д̇ад̇и, багкамаанад̇д̇амзва д̣̇аад̇аб̣б̣ам̣. сажз маанад̇д̇ам̣ жаранд̇асса баривад̇д̇ад̇и, буна багкамаанад̇д̇амзва д̣̇аад̇аб̣б̣ам̣. сажз жин̣н̣амаанад̇д̇асса баривад̇д̇ад̇и, бхигкунийхи аб̣бхаанагаммам̣ гаад̇аб̣б̣ам̣. сажз агусалавибаагз баригкийн̣з багкамаанад̇д̇агаалз бунад̣̇зва лин̇г̇ам̣ баривад̇д̇ад̇и, чаарад̇д̇ам̣ маанад̇д̇амзва д̣̇аад̇аб̣б̣ам̣. сажз жин̣н̣з багкамаанад̇д̇з баривад̇д̇ад̇и, бхигкуухи аб̣бхаанагаммам̣ гаад̇аб̣б̣анд̇и.

    Idañhi liṅgaparivattanaṃ sandhāya vuttaṃ. Paṭiggahaṇaṃ nāma liṅgaparivattanena, kālaṃkiriyāya, sikkhāpaccakkhānena, hīnāyāvattanena, anupasampannassa dānena, anapekkhavissajjanena, acchinditvā gahaṇena ca vijahati. Tasmā sacepi harītakakhaṇḍampi paṭiggahetvā ṭhapitamatthi, sabbamassa paṭiggahaṇaṃ vijahati. Bhikkhuvihāre pana yaṃkiñcissā santakaṃ paṭiggahetvā vā appaṭiggahetvā vā ṭhapitaṃ, sabbassa sāva issarā, āharāpetvā gahetabbaṃ. Yaṃ panettha thāvaraṃ tassā santakaṃ senāsanaṃ vā uparopakā vā, te yassicchati tassa dātabbā. Terasasu sammutīsu yā bhikkhukāle laddhā sammuti, sabbā sā paṭippassambhati. Purimikāya senāsanaggāho paṭippassambhati. Sace pacchimikāya senāsane gahite liṅgaṃ parivattati, bhikkhunisaṅgho cassā uppannaṃ lābhaṃ dātukāmo hoti, apaloketvā dātabbo. Sace bhikkhunīhi sādhāraṇāya paṭicchannāya āpattiyā parivasantassa liṅgaṃ parivattati, pakkhamānattameva dātabbaṃ. Sace mānattaṃ carantassa parivattati, puna pakkhamānattameva dātabbaṃ. Sace ciṇṇamānattassa parivattati, bhikkhunīhi abbhānakammaṃ kātabbaṃ. Sace akusalavipāke parikkhīṇe pakkhamānattakāle punadeva liṅgaṃ parivattati, chārattaṃ mānattameva dātabbaṃ. Sace ciṇṇe pakkhamānatte parivattati, bhikkhūhi abbhānakammaṃ kātabbanti.

    ананд̇арз бхигкунияаа лин̇г̇абаривад̇д̇анавад̇т̇умхи ид̇ха вуд̇д̇анаязнзва саб̣б̣о винижчаяо взд̣̇ид̇аб̣б̣о. аяам̣ бана висзсо – сажзби бхигкунигаалз аабаннаа сан̃жарид̇д̇аабад̇д̇и бадижчаннаа ход̇и, бариваасад̣̇аанам̣ над̇т̇и, чаарад̇д̇ам̣ маанад̇д̇амзва д̣̇аад̇аб̣б̣ам̣. сажз багкамаанад̇д̇ам̣ жаранд̇ияаа лин̇г̇ам̣ баривад̇д̇ад̇и, на д̇знад̇т̇о, чаарад̇д̇ам̣ маанад̇д̇амзва д̣̇аад̇аб̣б̣ам̣. сажз жин̣н̣амаанад̇д̇ааяа баривад̇д̇ад̇и, буна маанад̇д̇ам̣ ад̣̇ад̇ваа бхигкуухи аб̣бхзд̇аб̣б̣о. ат̇а бхигкуухи маанад̇д̇з ад̣̇иннз буна лин̇г̇ам̣ баривад̇д̇ад̇и, бхигкунийхи багкамаанад̇д̇амзва д̣̇аад̇аб̣б̣ам̣. ат̇а чаарад̇д̇ам̣ маанад̇д̇ам̣ жаранд̇асса буна баривад̇д̇ад̇и, багкамаанад̇д̇амзва д̣̇аад̇аб̣б̣ам̣. жин̣н̣амаанад̇д̇асса бана лин̇г̇абаривад̇д̇з ж̇аад̇з бхигкунийхи аб̣бхаанагаммам̣ гаад̇аб̣б̣ам̣ . буна баривад̇д̇з жа лин̇г̇з бхигкунибхаавз тид̇ааяаби яаа аабад̇д̇ияо буб̣б̣з бадиббассад̣̇д̇хаа, д̇аа суббадиббассад̣̇д̇хаа зваад̇и.

    Anantare bhikkhuniyā liṅgaparivattanavatthumhi idha vuttanayeneva sabbo vinicchayo veditabbo. Ayaṃ pana viseso – sacepi bhikkhunikāle āpannā sañcarittāpatti paṭicchannā hoti, parivāsadānaṃ natthi, chārattaṃ mānattameva dātabbaṃ. Sace pakkhamānattaṃ carantiyā liṅgaṃ parivattati, na tenattho, chārattaṃ mānattameva dātabbaṃ. Sace ciṇṇamānattāya parivattati, puna mānattaṃ adatvā bhikkhūhi abbhetabbo. Atha bhikkhūhi mānatte adinne puna liṅgaṃ parivattati, bhikkhunīhi pakkhamānattameva dātabbaṃ. Atha chārattaṃ mānattaṃ carantassa puna parivattati, pakkhamānattameva dātabbaṃ. Ciṇṇamānattassa pana liṅgaparivatte jāte bhikkhunīhi abbhānakammaṃ kātabbaṃ . Puna parivatte ca liṅge bhikkhunibhāve ṭhitāyapi yā āpattiyo pubbe paṭippassaddhā, tā suppaṭippassaddhā evāti.

    70. ид̇о бараани ‘‘маад̇уяаа мзт̇унам̣ д̇хамма’’нд̇иаад̣̇ийни жад̇д̇аари вад̇т̇ууни уд̇д̇аанад̇т̇ааниязва.

    70. Ito parāni ‘‘mātuyā methunaṃ dhamma’’ntiādīni cattāri vatthūni uttānatthāniyeva.

    71. муд̣̇убидтигавад̇т̇умхи со гира бхигку надабуб̣б̣аго. д̇асса сиббагосаллад̇т̇ам̣ баригаммагад̇аа бидти муд̣̇угаа ахоси. д̇асмаа звам̣ гаад̇ум̣ асагки.

    71. Mudupiṭṭhikavatthumhi so kira bhikkhu naṭapubbako. Tassa sippakosallatthaṃ parikammakatā piṭṭhi mudukā ahosi. Tasmā evaṃ kātuṃ asakkhi.

    ламб̣ийвад̇т̇умхи д̇асса бхигкусса ан̇г̇аж̇аад̇ам̣ д̣̇ийгхам̣ ход̇и ламб̣ад̇и, д̇асмаа ламб̣ийд̇и вуд̇д̇о.

    Lambīvatthumhi tassa bhikkhussa aṅgajātaṃ dīghaṃ hoti lambati, tasmā lambīti vutto.

    ид̇о бараани д̣̇вз ван̣авад̇т̇ууни уд̇д̇аанаанзва. лзбажид̇д̇авад̇т̇умхи лзбажид̇д̇ам̣ наама жид̇д̇агаммаруубам̣.

    Ito parāni dve vaṇavatthūni uttānāneva. Lepacittavatthumhi lepacittaṃ nāma cittakammarūpaṃ.

    д̣̇ааруд̇хийд̇алигавад̇т̇умхи д̣̇ааруд̇хийд̇алигаа наама гадтаруубам̣. яат̇аа жа имзсу д̣̇вийсу звам̣ ан̃н̃зсуби д̣̇анд̇арууба-бод̇т̇агарууба-лохаруубаад̣̇ийсу анубаад̣̇иннагзсу ид̇т̇ируубзсу нимид̇д̇з мзт̇унарааг̇зна убаггаманд̇асса асужи мужжад̇у ваа маа ваа, д̣̇уггадамзва. гааяасам̣саг̇г̇арааг̇зна убаггаманд̇ассааби д̇ат̇зва д̣̇уггадам̣. можанарааг̇зна бана убаггаманд̇асса муд̇д̇з сан̇гхаад̣̇исзсо, амуд̇д̇з т̇уллажжаяанд̇и.

    Dārudhītalikavatthumhi dārudhītalikā nāma kaṭṭharūpaṃ. Yathā ca imesu dvīsu evaṃ aññesupi dantarūpa-potthakarūpa-loharūpādīsu anupādinnakesu itthirūpesu nimitte methunarāgena upakkamantassa asuci muccatu vā mā vā, dukkaṭameva. Kāyasaṃsaggarāgena upakkamantassāpi tatheva dukkaṭaṃ. Mocanarāgena pana upakkamantassa mutte saṅghādiseso, amutte thullaccayanti.

    72. сунд̣̇аравад̇т̇умхи аяам̣ сунд̣̇аро наама рааж̇аг̇ахз гулад̣̇аараго сад̣̇д̇хааяа баб̣б̣аж̇ид̇о; ад̇д̇абхаавасса абхируубад̇ааяа ‘‘сунд̣̇аро’’д̇и наамам̣ лабхи. д̇ам̣ рат̇игааяа г̇ажчанд̇ам̣ д̣̇исваа самуббанначанд̣̇арааг̇аа саа ид̇т̇ий имам̣ виббагаарам̣ агааси. т̇зро бана анааг̇аамий. д̇асмаа со на саад̣̇ияи. ан̃н̃зсам̣ бана ависаяо зсо.

    72. Sundaravatthumhi ayaṃ sundaro nāma rājagahe kuladārako saddhāya pabbajito; attabhāvassa abhirūpatāya ‘‘sundaro’’ti nāmaṃ labhi. Taṃ rathikāya gacchantaṃ disvā samuppannachandarāgā sā itthī imaṃ vippakāraṃ akāsi. Thero pana anāgāmī. Tasmā so na sādiyi. Aññesaṃ pana avisayo eso.

    ид̇о барзсу жад̇уусу вад̇т̇уусу д̇з бхигкуу ж̇ал̣аа д̣̇уммзд̇хаа маад̇уг̇аамасса важанам̣ г̇ахзд̇ваа д̇ат̇аа гад̇ваа бажчаа гуггужжааяим̣су.

    Ito paresu catūsu vatthūsu te bhikkhū jaḷā dummedhā mātugāmassa vacanaṃ gahetvā tathā katvā pacchā kukkuccāyiṃsu.

    73. агкааяид̇аад̣̇ийни д̇ийн̣и вад̇т̇ууни уд̇д̇аанад̇т̇аанзва. д̣̇вийсу чиннасийсавад̇т̇уусу аяам̣ винижчаяо – ваддагад̇з мукз вивадз ан̇г̇аж̇аад̇ам̣ бавзсзнд̇о сажз хздтаа ваа убари ваа убхаяабассзхи ваа чубанд̇ам̣ бавзсзд̇и, баарааж̇игам̣. жад̇уухиби бассзхи ачубанд̇ам̣ бавзсзд̇ваа аб̣бханд̇арз д̇аалугам̣ чубад̇и, баарааж̇игамзва. жад̇д̇аари бассаани д̇аалуган̃жа ачубанд̇о аагаасаг̇ад̇амзва гад̇ваа бавзсзд̇и жа нийхарад̇и жа, д̣̇уггадам̣. яад̣̇и бана д̣̇анд̇аа супусид̇аа, анд̇омукз огаасо над̇т̇и, д̣̇анд̇аа жа б̣ахи одтамам̣сзна бадижчаннаа, д̇ад̇т̇а ваад̇зна асампудтам̣ аллогаасам̣ д̇илапаламад̇д̇амби бавзсзнд̇асса баарааж̇игамзва. уббаадид̇з бана одтамам̣сз д̣̇анд̇зсуязва убаггаманд̇асса т̇уллажжаяам̣. яоби д̣̇анд̇о б̣ахи нигкамид̇ваа д̇идтад̇и , на саггаа одтзхи бид̣̇ахид̇ум̣. д̇ад̇т̇а убаггаманд̇зби б̣ахи нигканд̇аж̇ивхааяа убаггаманд̇зби т̇уллажжаяамзва. ж̇ийвамаанагасарийрзби б̣ахи нигканд̇аж̇ивхааяа т̇уллажжаяамзва. яад̣̇и бана б̣ахиж̇ивхааяа баливзтзд̇ваа анд̇омукам̣ бавзсзд̇и, баарааж̇игамзва. убариг̇ийвааяа чиннасийсассаби ад̇хобхааг̇зна ан̇г̇аж̇аад̇ам̣ бавзсзд̇ваа д̇аалугам̣ чубанд̇асса баарааж̇игамзва.

    73. Akkhāyitādīni tīṇi vatthūni uttānatthāneva. Dvīsu chinnasīsavatthūsu ayaṃ vinicchayo – vaṭṭakate mukhe vivaṭe aṅgajātaṃ pavesento sace heṭṭhā vā upari vā ubhayapassehi vā chupantaṃ paveseti, pārājikaṃ. Catūhipi passehi achupantaṃ pavesetvā abbhantare tālukaṃ chupati, pārājikameva. Cattāri passāni tālukañca achupanto ākāsagatameva katvā paveseti ca nīharati ca, dukkaṭaṃ. Yadi pana dantā suphusitā, antomukhe okāso natthi, dantā ca bahi oṭṭhamaṃsena paṭicchannā, tattha vātena asamphuṭṭhaṃ allokāsaṃ tilaphalamattampi pavesentassa pārājikameva. Uppāṭite pana oṭṭhamaṃse dantesuyeva upakkamantassa thullaccayaṃ. Yopi danto bahi nikkhamitvā tiṭṭhati , na sakkā oṭṭhehi pidahituṃ. Tattha upakkamantepi bahi nikkhantajivhāya upakkamantepi thullaccayameva. Jīvamānakasarīrepi bahi nikkhantajivhāya thullaccayameva. Yadi pana bahijivhāya paliveṭhetvā antomukhaṃ paveseti, pārājikameva. Uparigīvāya chinnasīsassapi adhobhāgena aṅgajātaṃ pavesetvā tālukaṃ chupantassa pārājikameva.

    адтигавад̇т̇умхи сусаанам̣ г̇ажчанд̇ассааби д̣̇уггадам̣. адтигаани сан̇гад̣дханд̇ассааби, нимид̇д̇з мзт̇унарааг̇зна убаггаманд̇ассааби, гааяасам̣саг̇г̇арааг̇зна убаггаманд̇ассааби, мужжад̇у ваа маа ваа, д̣̇уггадамзва. можанарааг̇зна бана убаггаманд̇асса мужжанд̇з сан̇гхаад̣̇исзсо, амужжанд̇з т̇уллажжаяамзва.

    Aṭṭhikavatthumhi susānaṃ gacchantassāpi dukkaṭaṃ. Aṭṭhikāni saṅkaḍḍhantassāpi, nimitte methunarāgena upakkamantassāpi, kāyasaṃsaggarāgena upakkamantassāpi, muccatu vā mā vā, dukkaṭameva. Mocanarāgena pana upakkamantassa muccante saṅghādiseso, amuccante thullaccayameva.

    нааг̇ийвад̇т̇умхи нааг̇амаан̣авигаа ваа ход̇у гиннарийаад̣̇ийнам̣ ваа ан̃н̃ад̇араа, саб̣б̣ад̇т̇а баарааж̇игам̣.

    Nāgīvatthumhi nāgamāṇavikā vā hotu kinnarīādīnaṃ vā aññatarā, sabbattha pārājikaṃ.

    яагкийвад̇т̇умхи саб̣б̣ааби д̣̇звад̇аа яагкийязва.

    Yakkhīvatthumhi sabbāpi devatā yakkhīyeva.

    бзд̇ийвад̇т̇умхи ниж̇жхаамад̇ан̣хигаад̣̇ибзд̇ияо аллийяид̇умби на саггаа. вимаанабзд̇ияо бана ад̇т̇и; яаасам̣ гаал̣абагкз агусалам̣ вибажжад̇и, ж̇ун̣хабагкз д̣̇звад̇аа вияа самбад̇д̇им̣ анубхонд̇и. зваруубааяа бзд̇ияаа ваа яагкияаа ваа сажз д̣̇ассана-г̇ахан̣а-аамасана-пусана-гхадданаани бан̃н̃ааяанд̇и, баарааж̇игам̣. ат̇ааби д̣̇ассанам̣ над̇т̇и, ид̇араани бан̃н̃ааяанд̇и, баарааж̇игамзва. ат̇а д̣̇ассанаг̇ахан̣аани на бан̃н̃ааяанд̇и, аамасанапусанагхадданзхи бан̃н̃ааяамаанзхи д̇ам̣ буг̇г̇алам̣ висан̃н̃ам̣ гад̇ваа ад̇д̇ано манорат̇ам̣ буурзд̇ваа г̇ажчад̇и, аяам̣ ависаяо наама. д̇асмаа зд̇т̇а ависаяад̇д̇аа анаабад̇д̇и. бан̣д̣агавад̇т̇у баагадамзва.

    Petīvatthumhi nijjhāmataṇhikādipetiyo allīyitumpi na sakkā. Vimānapetiyo pana atthi; yāsaṃ kāḷapakkhe akusalaṃ vipaccati, juṇhapakkhe devatā viya sampattiṃ anubhonti. Evarūpāya petiyā vā yakkhiyā vā sace dassana-gahaṇa-āmasana-phusana-ghaṭṭanāni paññāyanti, pārājikaṃ. Athāpi dassanaṃ natthi, itarāni paññāyanti, pārājikameva. Atha dassanagahaṇāni na paññāyanti, āmasanaphusanaghaṭṭanehi paññāyamānehi taṃ puggalaṃ visaññaṃ katvā attano manorathaṃ pūretvā gacchati, ayaṃ avisayo nāma. Tasmā ettha avisayattā anāpatti. Paṇḍakavatthu pākaṭameva.

    убахад̇инд̣̇рияавад̇т̇умхи убахад̇инд̣̇рияод̇и убахад̇агааяаббасаад̣̇о каан̣уган̣дагамива сукам̣ ваа д̣̇угкам̣ ваа на взд̣̇аяад̇и. авзд̣̇аяанд̇ассааби сзванажид̇д̇авасзна аабад̇д̇и.

    Upahatindriyavatthumhi upahatindriyoti upahatakāyappasādo khāṇukaṇṭakamiva sukhaṃ vā dukkhaṃ vā na vedayati. Avedayantassāpi sevanacittavasena āpatti.

    чубид̇амад̇д̇авад̇т̇усмим̣ яо ‘‘мзт̇унам̣ д̇хаммам̣ бадисзвиссаамий’’д̇и маад̇уг̇аамам̣ г̇ан̣хид̇ваа мзт̇унз вираж̇ж̇ид̇ваа виббадисаарий ход̇и, д̣̇уггадамзвасса ход̇и. мзт̇унад̇хаммасса хи буб̣б̣абаяог̇аа хад̇т̇аг̇г̇аахаад̣̇аяо яаава сийсам̣ на баабун̣аад̇и, д̇аава д̣̇уггадз д̇идтанд̇и. сийсз бад̇д̇з баарааж̇игам̣ ход̇и. батамабаарааж̇игасса хи д̣̇уггадамзва сааманд̇ам̣. ид̇арзсам̣ д̇ин̣н̣ам̣ т̇уллажжаяам̣. аяам̣ бана бхигку мзт̇унад̇хаммз вираж̇ж̇ид̇ваа гааяасам̣саг̇г̇ам̣ саад̣̇ияийд̇и взд̣̇ид̇аб̣б̣о. д̇знааха бхаг̇аваа – ‘‘аабад̇д̇и сан̇гхаад̣̇исзсассаа’’д̇и.

    Chupitamattavatthusmiṃ yo ‘‘methunaṃ dhammaṃ paṭisevissāmī’’ti mātugāmaṃ gaṇhitvā methune virajjitvā vippaṭisārī hoti, dukkaṭamevassa hoti. Methunadhammassa hi pubbapayogā hatthaggāhādayo yāva sīsaṃ na pāpuṇāti, tāva dukkaṭe tiṭṭhanti. Sīse patte pārājikaṃ hoti. Paṭhamapārājikassa hi dukkaṭameva sāmantaṃ. Itaresaṃ tiṇṇaṃ thullaccayaṃ. Ayaṃ pana bhikkhu methunadhamme virajjitvā kāyasaṃsaggaṃ sādiyīti veditabbo. Tenāha bhagavā – ‘‘āpatti saṅghādisesassā’’ti.

    74. бхад̣̇д̣̇ияавад̇т̇усмим̣ бхад̣̇д̣̇ияам̣ наама д̇ам̣ наг̇арам̣. ж̇аад̇ияааванам̣ наама ж̇аад̇ибубпаг̇умб̣аанам̣ уссаннад̇ааяа звам̣ лад̣̇д̇ханаамам̣; д̇ам̣ д̇асса наг̇арасса убажаарз ванам̣ ход̇и. со д̇ад̇т̇а нибанно д̇зна ваад̇убад̇т̇амбхзна махаанид̣̇д̣̇ам̣ оггами. згарасам̣ бхаван̇г̇амзва вад̇д̇ад̇и. гилиннам̣ бассид̇ваад̇и асужигилидтам̣ бассид̇ваа.

    74. Bhaddiyavatthusmiṃ bhaddiyaṃ nāma taṃ nagaraṃ. Jātiyāvanaṃ nāma jātipupphagumbānaṃ ussannatāya evaṃ laddhanāmaṃ; taṃ tassa nagarassa upacāre vanaṃ hoti. So tattha nipanno tena vātupatthambhena mahāniddaṃ okkami. Ekarasaṃ bhavaṅgameva vattati. Kilinnaṃ passitvāti asucikiliṭṭhaṃ passitvā.

    75. ид̇о бараани саад̣̇ияанабадисам̣яуд̇д̇аани жад̇д̇аари вад̇т̇ууни, аж̇аананавад̇т̇у жаад̇и бан̃жа уд̇д̇аанад̇т̇аанзва.

    75. Ito parāni sādiyanapaṭisaṃyuttāni cattāri vatthūni, ajānanavatthu cāti pañca uttānatthāneva.

    76. д̣̇вийсу асаад̣̇ияанавад̇т̇уусу сахасаа вудтаасийд̇и аасийвисзна д̣̇адто вияа аг̇г̇инаа д̣̇ад̣дхо вияа жа д̇урид̇ам̣ вудтааси. аггамид̇ваа бавад̇д̇зсийд̇и аббамад̇д̇о бхигку аарад̣̇д̇хавибассаго убадтид̇ассад̇и киббам̣ вудтаханд̇ова аггамид̇ваа бхуумияам̣ ваддзнд̇о бариваддзнд̇о вихзтзнд̇о баад̇зси. бут̇уж̇ж̇анагаляаан̣агзна хи зваруубзсу таанзсу жид̇д̇ам̣ рагкид̇аб̣б̣ам̣. аяан̃жа д̇зсам̣ ан̃н̃ад̇аро сан̇г̇аамасийсаяод̇хо бхигку.

    76. Dvīsu asādiyanavatthūsu sahasā vuṭṭhāsīti āsīvisena daṭṭho viya agginā daḍḍho viya ca turitaṃ vuṭṭhāsi. Akkamitvā pavattesīti appamatto bhikkhu āraddhavipassako upaṭṭhitassati khippaṃ vuṭṭhahantova akkamitvā bhūmiyaṃ vaṭṭento parivaṭṭento viheṭhento pātesi. Puthujjanakalyāṇakena hi evarūpesu ṭhānesu cittaṃ rakkhitabbaṃ. Ayañca tesaṃ aññataro saṅgāmasīsayodho bhikkhu.

    77. д̣̇ваарам̣ виварид̇ваа нибаннавад̇т̇умхи д̣̇иваа бадисаллийяанд̇знаад̇и д̣̇иваа нибаж̇ж̇анд̇зна. д̣̇ваарам̣ сам̣варид̇ваа бадисаллийяид̇унд̇и д̣̇ваарам̣ бид̣̇ахид̇ваа нибаж̇ж̇ид̇ум̣. зд̇т̇а жа гин̃жааби баал̣ияам̣ ‘‘аяам̣ наама аабад̇д̇ий’’д̇и на вуд̇д̇аа. виварид̇ваа нибаннад̣̇осзна бана уббаннз вад̇т̇усмим̣ ‘‘ануж̇аанаами, бхигкавз, д̣̇иваа бадисаллийяанд̇зна д̣̇ваарам̣ сам̣варид̇ваа бадисаллийяид̇у’’нд̇и вуд̇д̇ад̇д̇аа асам̣варид̇ваа бадисаллийяанд̇асса д̣̇уггадам̣ вуд̇д̇ам̣. бхаг̇авад̇о хи ад̇хиббааяам̣ н̃ад̇ваа убаалид̇т̇зраад̣̇ийхи адтагат̇аа табид̇аа. ‘‘ад̇т̇аабад̇д̇и д̣̇иваа аабаж̇ж̇ад̇и но рад̇д̇и’’нд̇и (бари. 323) иминааби жзд̇ам̣ сид̣̇д̇хам̣.

    77. Dvāraṃ vivaritvā nipannavatthumhi divā paṭisallīyantenāti divā nipajjantena. Dvāraṃ saṃvaritvā paṭisallīyitunti dvāraṃ pidahitvā nipajjituṃ. Ettha ca kiñcāpi pāḷiyaṃ ‘‘ayaṃ nāma āpattī’’ti na vuttā. Vivaritvā nipannadosena pana uppanne vatthusmiṃ ‘‘anujānāmi, bhikkhave, divā paṭisallīyantena dvāraṃ saṃvaritvā paṭisallīyitu’’nti vuttattā asaṃvaritvā paṭisallīyantassa dukkaṭaṃ vuttaṃ. Bhagavato hi adhippāyaṃ ñatvā upālittherādīhi aṭṭhakathā ṭhapitā. ‘‘Atthāpatti divā āpajjati no ratti’’nti (pari. 323) imināpi cetaṃ siddhaṃ.

    гийд̣̇исам̣ бана д̣̇ваарам̣ сам̣варид̇аб̣б̣ам̣, гийд̣̇исам̣ на сам̣варид̇аб̣б̣ам̣? ругкабад̣̇аравзл̣убад̣̇арагилан̃ж̇абан̣н̣аад̣̇ийнам̣ язна гзнажи гаваадам̣ гад̇ваа хздтаа уд̣̇угкалз убари уд̇д̇арабаасагз жа бавзсзд̇ваа гад̇ам̣ баривад̇д̇агад̣̇ваарамзва сам̣варид̇аб̣б̣ам̣. ан̃н̃ам̣ г̇оруубаанам̣ важ̇зсу вияа ругкасуужиган̣дагад̣̇ваарам̣, г̇аамат̇аганагам̣ жаггалагаяуд̇д̇ад̣̇ваарам̣, палагзсу ваа гидигаасу ваа д̣̇вз д̇ийн̣и жаггалагаани яож̇зд̇ваа гад̇ам̣ сам̣саран̣агидигад̣̇ваарам̣, аабан̣зсу вияа гад̇ам̣ уг̇гхааданагидигад̣̇ваарам̣, д̣̇вийсу д̇ийсу таанзсу взн̣усалаагаа г̇обпзд̇ваа бан̣н̣агудийсу гад̇ам̣ салаагахад̇т̇агад̣̇ваарам̣, д̣̇уссасаан̣ид̣̇вааранд̇и зваруубам̣ д̣̇ваарам̣ на сам̣варид̇аб̣б̣ам̣. бад̇д̇ахад̇т̇асса гаваадаббан̣ааманз бана згам̣ д̣̇уссасаан̣ид̣̇ваарамзва анаабад̇д̇игарам̣, авасзсаани бан̣аамзнд̇асса аабад̇д̇и. д̣̇иваа бадисаллийяанд̇асса бана баривад̇д̇агад̣̇ваарамзва аабад̇д̇игарам̣, сзсаани сам̣варид̇ваа ваа асам̣варид̇ваа ваа нибаннасса аабад̇д̇и над̇т̇и. сам̣варид̇ваа бана нибаж̇ж̇ид̇аб̣б̣ам̣, зд̇ам̣ вад̇д̇ам̣.

    Kīdisaṃ pana dvāraṃ saṃvaritabbaṃ, kīdisaṃ na saṃvaritabbaṃ? Rukkhapadaraveḷupadarakilañjapaṇṇādīnaṃ yena kenaci kavāṭaṃ katvā heṭṭhā udukkhale upari uttarapāsake ca pavesetvā kataṃ parivattakadvārameva saṃvaritabbaṃ. Aññaṃ gorūpānaṃ vajesu viya rukkhasūcikaṇṭakadvāraṃ, gāmathakanakaṃ cakkalakayuttadvāraṃ, phalakesu vā kiṭikāsu vā dve tīṇi cakkalakāni yojetvā kataṃ saṃsaraṇakiṭikadvāraṃ, āpaṇesu viya kataṃ ugghāṭanakiṭikadvāraṃ, dvīsu tīsu ṭhānesu veṇusalākā gopphetvā paṇṇakuṭīsu kataṃ salākahatthakadvāraṃ, dussasāṇidvāranti evarūpaṃ dvāraṃ na saṃvaritabbaṃ. Pattahatthassa kavāṭappaṇāmane pana ekaṃ dussasāṇidvārameva anāpattikaraṃ, avasesāni paṇāmentassa āpatti. Divā paṭisallīyantassa pana parivattakadvārameva āpattikaraṃ, sesāni saṃvaritvā vā asaṃvaritvā vā nipannassa āpatti natthi. Saṃvaritvā pana nipajjitabbaṃ, etaṃ vattaṃ.

    баривад̇д̇агад̣̇ваарам̣ бана гид̇д̇агзна сам̣вуд̇ам̣ ход̇и? суужигхадигаад̣̇ийсу д̣̇иннаасу сам̣вуд̇амзва ход̇и. абижа ко суужимад̇д̇зби д̣̇иннз ваддад̇и. гхадигамад̇д̇зби д̣̇иннз ваддад̇и. д̣̇ваараб̣аахам̣ пусид̇ваа бихид̇амад̇д̇зби ваддад̇и. ийсагам̣ апусид̇зби ваддад̇и. саб̣б̣анд̇имзна вид̇хинаа яаавад̇аа сийсам̣ наббависад̇и д̇аавад̇аа апусид̇зби ваддад̇ийд̇и. сажз б̣ахуунам̣ вал̣ан̃ж̇анадтаанам̣ ход̇и, бхигкум̣ ваа сааман̣зрам̣ ваа ‘‘д̣̇ваарам̣, аавусо, ж̇аг̇г̇аахий’’д̇и вад̇вааби нибаж̇ж̇ид̇ум̣ ваддад̇и. ат̇а бхигкуу жийварагаммам̣ ваа ан̃н̃ам̣ ваа гин̃жи гаронд̇аа нисиннаа хонд̇и, ‘‘зд̇з д̣̇ваарам̣ ж̇аг̇г̇иссанд̇ий’’д̇и аабхог̇ам̣ гад̇вааби нибаж̇ж̇ид̇ум̣ ваддад̇и. гурунд̣̇адтагат̇ааяам̣ бана ‘‘убаасагамби аабужчид̇ваа ваа, ‘зса ж̇аг̇г̇иссад̇ий’д̇и аабхог̇ам̣ гад̇ваа ваа нибаж̇ж̇ид̇ум̣ ваддад̇и. гзвалам̣ бхигкуним̣ ваа маад̇уг̇аамам̣ ваа аабужчид̇ум̣ на ваддад̇ий’’д̇и вуд̇д̇ам̣. ат̇а д̣̇ваарасса уд̣̇угкалам̣ ваа уд̇д̇арабаасаго ваа бхинно ваа ход̇и адтабид̇о ваа, сам̣варид̇ум̣ на саггод̇и, навагаммад̇т̇ам̣ ваа бана идтагабун̃ж̇о ваа мад̇д̇игаад̣̇ийнам̣ ваа рааси анд̇од̣̇ваарз гад̇о ход̇и, аддам̣ ваа б̣анд̇ханд̇и, яат̇аа сам̣варид̇ум̣ на саггод̇и; зваруубз анд̇арааяз сад̇и асам̣варид̇вааби нибаж̇ж̇ид̇ум̣ ваддад̇и. яад̣̇и бана гаваадам̣ над̇т̇и, лад̣̇д̇хагаббамзва. убари саяанд̇зна ниссзн̣им̣ ааробзд̇ваа нибаж̇ж̇ид̇аб̣б̣ам̣. сажз ниссзн̣имад̇т̇агз т̇аганагам̣ ход̇и, т̇агзд̇вааби нибаж̇ж̇ид̇аб̣б̣ам̣. г̇аб̣бхз нибаж̇ж̇анд̇зна г̇аб̣бхад̣̇ваарам̣ ваа бамукад̣̇ваарам̣ ваа яам̣гин̃жи сам̣варид̇ваа нибаж̇ж̇ид̇ум̣ ваддад̇и. сажз згагуддагз г̇зхз д̣̇вийсу бассзсу д̣̇ваараани гад̇ваа вал̣ан̃ж̇анд̇и, д̣̇взби д̣̇ваараани ж̇аг̇г̇ид̇аб̣б̣аани.

    Parivattakadvāraṃ pana kittakena saṃvutaṃ hoti? Sūcighaṭikādīsu dinnāsu saṃvutameva hoti. Apica kho sūcimattepi dinne vaṭṭati. Ghaṭikamattepi dinne vaṭṭati. Dvārabāhaṃ phusitvā pihitamattepi vaṭṭati. Īsakaṃ aphusitepi vaṭṭati. Sabbantimena vidhinā yāvatā sīsaṃ nappavisati tāvatā aphusitepi vaṭṭatīti. Sace bahūnaṃ vaḷañjanaṭṭhānaṃ hoti, bhikkhuṃ vā sāmaṇeraṃ vā ‘‘dvāraṃ, āvuso, jaggāhī’’ti vatvāpi nipajjituṃ vaṭṭati. Atha bhikkhū cīvarakammaṃ vā aññaṃ vā kiñci karontā nisinnā honti, ‘‘ete dvāraṃ jaggissantī’’ti ābhogaṃ katvāpi nipajjituṃ vaṭṭati. Kurundaṭṭhakathāyaṃ pana ‘‘upāsakampi āpucchitvā vā, ‘esa jaggissatī’ti ābhogaṃ katvā vā nipajjituṃ vaṭṭati. Kevalaṃ bhikkhuniṃ vā mātugāmaṃ vā āpucchituṃ na vaṭṭatī’’ti vuttaṃ. Atha dvārassa udukkhalaṃ vā uttarapāsako vā bhinno vā hoti aṭṭhapito vā, saṃvarituṃ na sakkoti, navakammatthaṃ vā pana iṭṭhakapuñjo vā mattikādīnaṃ vā rāsi antodvāre kato hoti, aṭṭaṃ vā bandhanti, yathā saṃvarituṃ na sakkoti; evarūpe antarāye sati asaṃvaritvāpi nipajjituṃ vaṭṭati. Yadi pana kavāṭaṃ natthi, laddhakappameva. Upari sayantena nisseṇiṃ āropetvā nipajjitabbaṃ. Sace nisseṇimatthake thakanakaṃ hoti, thaketvāpi nipajjitabbaṃ. Gabbhe nipajjantena gabbhadvāraṃ vā pamukhadvāraṃ vā yaṃkiñci saṃvaritvā nipajjituṃ vaṭṭati. Sace ekakuṭṭake gehe dvīsu passesu dvārāni katvā vaḷañjanti, dvepi dvārāni jaggitabbāni.

    д̇ибхуумагзби баасаад̣̇з д̣̇ваарам̣ ж̇аг̇г̇ид̇аб̣б̣амзва. сажз бхигкаажаараа бадиггамма лохабаасаад̣̇асад̣̇исам̣ баасаад̣̇ам̣ б̣ахуу бхигкуу д̣̇иваавихаарад̇т̇ам̣ бависанд̇и, сан̇гхад̇т̇зрзна д̣̇ваарабааласса ‘‘д̣̇ваарам̣ ж̇аг̇г̇аахий’’д̇и вад̇ваа ваа ‘‘д̣̇ваараж̇аг̇г̇анам̣ зд̇асса бхааро’’д̇и аабхог̇ам̣ гад̇ваа ваа бависид̇ваа нибаж̇ж̇ид̇аб̣б̣ам̣ . яаава сан̇гханавагзна звамзва гад̇д̇аб̣б̣ам̣. бурз бависанд̇аанам̣ ‘‘д̣̇ваараж̇аг̇г̇анам̣ наама бажчимаанам̣ бхааро’’д̇и звам̣ аабхог̇ам̣ гаад̇умби ваддад̇и. анаабужчаа ваа аабхог̇ам̣ ваа агад̇ваа анд̇ог̇аб̣бхз ваа асам̣вуд̇ад̣̇ваарз б̣ахи ваа нибаж̇ж̇анд̇аанам̣ аабад̇д̇и. г̇аб̣бхз ваа б̣ахи ваа нибаж̇ж̇анагаалзби ‘‘д̣̇ваараж̇аг̇г̇анам̣ наама махаад̣̇ваарз д̣̇ваарабааласса бхааро’’д̇и аабхог̇ам̣ гад̇ваа нибаж̇ж̇ид̇ум̣ ваддад̇иязва. лохабаасаад̣̇аад̣̇ийсу аагаасад̇алз нибаж̇ж̇анд̇знааби д̣̇ваарам̣ сам̣варид̇аб̣б̣амзва.

    Tibhūmakepi pāsāde dvāraṃ jaggitabbameva. Sace bhikkhācārā paṭikkamma lohapāsādasadisaṃ pāsādaṃ bahū bhikkhū divāvihāratthaṃ pavisanti, saṅghattherena dvārapālassa ‘‘dvāraṃ jaggāhī’’ti vatvā vā ‘‘dvārajagganaṃ etassa bhāro’’ti ābhogaṃ katvā vā pavisitvā nipajjitabbaṃ . Yāva saṅghanavakena evameva kattabbaṃ. Pure pavisantānaṃ ‘‘dvārajagganaṃ nāma pacchimānaṃ bhāro’’ti evaṃ ābhogaṃ kātumpi vaṭṭati. Anāpucchā vā ābhogaṃ vā akatvā antogabbhe vā asaṃvutadvāre bahi vā nipajjantānaṃ āpatti. Gabbhe vā bahi vā nipajjanakālepi ‘‘dvārajagganaṃ nāma mahādvāre dvārapālassa bhāro’’ti ābhogaṃ katvā nipajjituṃ vaṭṭatiyeva. Lohapāsādādīsu ākāsatale nipajjantenāpi dvāraṃ saṃvaritabbameva.

    аяан̃хзд̇т̇а сан̇кзбо – ид̣̇ам̣ д̣̇иваабадисаллийяанам̣ язна гзнажи баригкид̇д̇з сад̣̇ваараб̣анд̇хз таанз гат̇ид̇ам̣. д̇асмаа аб̣бхогаасз ваа ругкамуулз ваа ман̣д̣абз ваа яад̇т̇а гад̇т̇ажи сад̣̇ваараб̣анд̇хз нибаж̇ж̇анд̇зна д̣̇ваарам̣ сам̣варид̇ваава нибаж̇ж̇ид̇аб̣б̣ам̣. сажз махаабаривзн̣ам̣ ход̇и, махааб̣од̇хияан̇г̇ан̣алохабаасаад̣̇ан̇г̇ан̣асад̣̇исам̣ б̣ахуунам̣ осаран̣адтаанам̣, яад̇т̇а д̣̇ваарам̣ сам̣вуд̇амби сам̣вуд̇адтаанз на д̇идтад̇и, д̣̇ваарам̣ алабханд̇аа баагаарам̣ аарухид̇вааби вижаранд̇и, д̇ад̇т̇а сам̣варан̣агижжам̣ над̇т̇и. рад̇д̇им̣ д̣̇ваарам̣ виварид̇ваа нибанно арун̣з уг̇г̇ад̇з удтахад̇и, анаабад̇д̇и. сажз баб̣уж̇жхид̇ваа буна субад̇и, аабад̇д̇и. яо бана ‘‘арун̣з уг̇г̇ад̇з вудтахиссаамий’’д̇и барижчинд̣̇ид̇ваава д̣̇ваарам̣ асам̣варид̇ваа рад̇д̇им̣ нибаж̇ж̇ад̇и, яат̇аабарижчзд̣̇амзва жа на вудтаад̇и, д̇асса аабад̇д̇иязва. махаабажжарияам̣ бана ‘‘звам̣ нибаж̇ж̇анд̇о анаад̣̇арияад̣̇уггадааби на мужжад̇ий’’д̇и вуд̇д̇ам̣.

    Ayañhettha saṅkhepo – idaṃ divāpaṭisallīyanaṃ yena kenaci parikkhitte sadvārabandhe ṭhāne kathitaṃ. Tasmā abbhokāse vā rukkhamūle vā maṇḍape vā yattha katthaci sadvārabandhe nipajjantena dvāraṃ saṃvaritvāva nipajjitabbaṃ. Sace mahāpariveṇaṃ hoti, mahābodhiyaṅgaṇalohapāsādaṅgaṇasadisaṃ bahūnaṃ osaraṇaṭṭhānaṃ, yattha dvāraṃ saṃvutampi saṃvutaṭṭhāne na tiṭṭhati, dvāraṃ alabhantā pākāraṃ āruhitvāpi vicaranti, tattha saṃvaraṇakiccaṃ natthi. Rattiṃ dvāraṃ vivaritvā nipanno aruṇe uggate uṭṭhahati, anāpatti. Sace pabujjhitvā puna supati, āpatti. Yo pana ‘‘aruṇe uggate vuṭṭhahissāmī’’ti paricchinditvāva dvāraṃ asaṃvaritvā rattiṃ nipajjati, yathāparicchedameva ca na vuṭṭhāti, tassa āpattiyeva. Mahāpaccariyaṃ pana ‘‘evaṃ nipajjanto anādariyadukkaṭāpi na muccatī’’ti vuttaṃ.

    яо бана б̣ахуд̣̇зва рад̇д̇им̣ ж̇аг̇г̇ид̇ваа ад̣̇д̇хаанам̣ ваа г̇анд̇ваа д̣̇иваа гиланд̇аруубо ман̃жз нисинно баад̣̇з бхуумид̇о аможзд̇ваава нид̣̇д̣̇аавасзна нибаж̇ж̇ад̇и, д̇асса анаабад̇д̇и. сажз огганд̇анид̣̇д̣̇о аж̇аананд̇оби баад̣̇з ман̃жагам̣ ааробзд̇и, аабад̇д̇иязва. нисийд̣̇ид̇ваа абассааяа субанд̇асса анаабад̇д̇и. яоби жа ‘‘нид̣̇д̣̇ам̣ винод̣̇зссаамий’’д̇и жан̇гаманд̇о бад̇ид̇ваа сахасаава вудтаад̇и, д̇ассааби анаабад̇д̇и. яо бана бад̇ид̇ваа д̇ад̇т̇зва саяад̇и, на вудтаад̇и, д̇асса аабад̇д̇и.

    Yo pana bahudeva rattiṃ jaggitvā addhānaṃ vā gantvā divā kilantarūpo mañce nisinno pāde bhūmito amocetvāva niddāvasena nipajjati, tassa anāpatti. Sace okkantaniddo ajānantopi pāde mañcakaṃ āropeti, āpattiyeva. Nisīditvā apassāya supantassa anāpatti. Yopi ca ‘‘niddaṃ vinodessāmī’’ti caṅkamanto patitvā sahasāva vuṭṭhāti, tassāpi anāpatti. Yo pana patitvā tattheva sayati, na vuṭṭhāti, tassa āpatti.

    го мужжад̇и, го на мужжад̇ийд̇и? махаабажжарияам̣ д̇аава ‘‘згабхан̇г̇зна нибаннагоязва мужжад̇и. баад̣̇з бана бхуумид̇о можзд̇ваа нибанно яагкаг̇ахид̇агоби висан̃н̃ийбхууд̇оби на мужжад̇ий’’д̇и вуд̇д̇ам̣. гурунд̣̇адтагат̇ааяам̣ бана ‘‘б̣анд̇хид̇ваа нибаж̇ж̇аабид̇ова мужжад̇ий’’д̇и вуд̇д̇ам̣. махааадтагат̇ааяам̣ бана ‘‘яо жан̇гаманд̇о мужжид̇ваа бад̇ид̇о д̇ад̇т̇зва субад̇и, д̇ассааби ависаяад̇д̇аа аабад̇д̇и на д̣̇иссад̇и. аажарияаа бана звам̣ на гат̇аяанд̇и. д̇асмаа аабад̇д̇иязваад̇и махаабад̣̇умад̇т̇зрзна вуд̇д̇ам̣. д̣̇вз бана ж̇анаа аабад̇д̇ид̇о мужжанд̇иязва, яо жа яагкаг̇ахид̇аго, яо жа б̣анд̇хид̇ваа нибаж̇ж̇аабид̇о’’д̇и.

    Ko muccati, ko na muccatīti? Mahāpaccariyaṃ tāva ‘‘ekabhaṅgena nipannakoyeva muccati. Pāde pana bhūmito mocetvā nipanno yakkhagahitakopi visaññībhūtopi na muccatī’’ti vuttaṃ. Kurundaṭṭhakathāyaṃ pana ‘‘bandhitvā nipajjāpitova muccatī’’ti vuttaṃ. Mahāaṭṭhakathāyaṃ pana ‘‘yo caṅkamanto muccitvā patito tattheva supati, tassāpi avisayattā āpatti na dissati. Ācariyā pana evaṃ na kathayanti. Tasmā āpattiyevāti mahāpadumattherena vuttaṃ. Dve pana janā āpattito muccantiyeva, yo ca yakkhagahitako, yo ca bandhitvā nipajjāpito’’ti.

    78. бхааругажчагавад̇т̇умхи анаабад̇д̇и субинанд̇знаад̇и яасмаа субинанд̇з ависаяад̇д̇аа звам̣ ход̇и, д̇асмаа убаалид̇т̇зро бхаг̇авад̇аа авинижчид̇абуб̣б̣амби имам̣ вад̇т̇ум̣ наяаг̇г̇аахзна винижчини. бхаг̇авааби жа суд̇ваа ‘‘сугат̇ид̇ам̣, бхигкавз, убаалинаа; абад̣̇з бад̣̇ам̣ гаронд̇о вияа, аагаасз бад̣̇ам̣ д̣̇ассзнд̇о вияа убаали имам̣ бан̃хам̣ гат̇зсий’’д̇и вад̇ваа т̇зрам̣ зд̇ад̣̇аг̇г̇з табзси – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ винаяад̇хараанам̣ яад̣̇ид̣̇ам̣ убаалий’’д̇и (а. ни. 1.219, 228). ид̇о бараани субаб̣б̣аад̣̇ийни вад̇т̇ууни уд̇д̇аанад̇т̇аанзва.

    78. Bhārukacchakavatthumhi anāpatti supinantenāti yasmā supinante avisayattā evaṃ hoti, tasmā upālitthero bhagavatā avinicchitapubbampi imaṃ vatthuṃ nayaggāhena vinicchini. Bhagavāpi ca sutvā ‘‘sukathitaṃ, bhikkhave, upālinā; apade padaṃ karonto viya, ākāse padaṃ dassento viya upāli imaṃ pañhaṃ kathesī’’ti vatvā theraṃ etadagge ṭhapesi – ‘‘etadaggaṃ, bhikkhave, mama sāvakānaṃ bhikkhūnaṃ vinayadharānaṃ yadidaṃ upālī’’ti (a. ni. 1.219, 228). Ito parāni supabbādīni vatthūni uttānatthāneva.

    80. бхигкунийсамбаяож̇анаад̣̇ийсу д̇з лижчавигумаарагаа кид̣д̣аабасуд̇аа ад̇д̇ано анаажаарзна звам̣ агам̣су. д̇ад̇о бадтааяа жа лижчавийнам̣ винаасо зва уд̣̇абаад̣̇и.

    80. Bhikkhunīsampayojanādīsu te licchavikumārakā khiḍḍāpasutā attano anācārena evaṃ akaṃsu. Tato paṭṭhāya ca licchavīnaṃ vināso eva udapādi.

    82. вуд̣дхабаб̣б̣аж̇ид̇авад̇т̇умхи д̣̇ассанам̣ аг̇амаасийд̇и анугамбааяа ‘‘д̇ам̣ д̣̇агкиссаамий’’д̇и г̇зхам̣ аг̇амааси. ат̇асса саа ад̇д̇ано жа д̣̇аарагаанан̃жа наанаббагаарзхи анаат̇абхаавам̣ сам̣ван̣н̣зси. анабзгкан̃жа нам̣ н̃ад̇ваа губид̇аа ‘‘зхи виб̣бхамаахий’’д̇и б̣алаггаарзна аг̇г̇ахзси. со ад̇д̇аанам̣ можзд̇ум̣ бадиггаманд̇о ж̇араад̣̇уб̣б̣алад̇ааяа уд̇д̇аано барибад̇и. д̇ад̇о саа ад̇д̇ано манам̣ агааси. со бана бхигку анааг̇аамий самужчиннагаамарааг̇о д̇асмаа на саад̣̇ияийд̇и.

    82. Vuḍḍhapabbajitavatthumhi dassanaṃ agamāsīti anukampāya ‘‘taṃ dakkhissāmī’’ti gehaṃ agamāsi. Athassa sā attano ca dārakānañca nānappakārehi anāthabhāvaṃ saṃvaṇṇesi. Anapekkhañca naṃ ñatvā kupitā ‘‘ehi vibbhamāhī’’ti balakkārena aggahesi. So attānaṃ mocetuṃ paṭikkamanto jarādubbalatāya uttāno paripati. Tato sā attano manaṃ akāsi. So pana bhikkhu anāgāmī samucchinnakāmarāgo tasmā na sādiyīti.

    83. миг̇абод̇агавад̇т̇у уд̇д̇аанад̇т̇амзваад̇и.

    83. Migapotakavatthu uttānatthamevāti.

    винийд̇авад̇т̇у нидтид̇ам̣.

    Vinītavatthu niṭṭhitaṃ.

    саманд̇абаасаад̣̇игааяа винаяасам̣ван̣н̣анааяа

    Samantapāsādikāya vinayasaṃvaṇṇanāya

    батамабаарааж̇игаван̣н̣анаа нидтид̇аа.

    Paṭhamapārājikavaṇṇanā niṭṭhitā.

    д̇ад̇рид̣̇ам̣ саманд̇абаасаад̣̇игааяа саманд̇абаасаад̣̇игад̇д̇асмим̣ –

    Tatridaṃ samantapāsādikāya samantapāsādikattasmiṃ –

    аажарияабарамбарад̇о, нид̣̇аанавад̇т̇уббабхзд̣̇ад̣̇ийбанад̇о;

    Ācariyaparamparato, nidānavatthuppabhedadīpanato;

    барасамаяавиваж̇ж̇анад̇о, сагасамаяависуд̣̇д̇хид̇о жзва.

    Parasamayavivajjanato, sakasamayavisuddhito ceva.

    б̣яан̃ж̇анабарисод̇ханад̇о, бад̣̇ад̇т̇ад̇о баал̣ияож̇анаггамад̇о;

    Byañjanaparisodhanato, padatthato pāḷiyojanakkamato;

    сигкаабад̣̇анижчаяад̇о, вибхан̇г̇анаяабхзд̣̇ад̣̇ассанад̇о.

    Sikkhāpadanicchayato, vibhaṅganayabhedadassanato.

    самбассад̇ам̣ на д̣̇иссад̇и, гин̃жи абаасаад̣̇игам̣ яад̇о зд̇т̇а;

    Sampassataṃ na dissati, kiñci apāsādikaṃ yato ettha;

    вин̃н̃уунамаяам̣ д̇асмаа, саманд̇абаасаад̣̇игаад̇взва.

    Viññūnamayaṃ tasmā, samantapāsādikātveva.

    сам̣ван̣н̣анаа бавад̇д̇аа, винаяасса винзяяад̣̇аманагусалзна;

    Saṃvaṇṇanā pavattā, vinayassa vineyyadamanakusalena;

    вуд̇д̇асса логанаат̇зна, логаманугамбамаанзнаад̇и.

    Vuttassa lokanāthena, lokamanukampamānenāti.

    батамабаарааж̇игаван̣н̣анаа нидтид̇аа.

    Paṭhamapārājikavaṇṇanā niṭṭhitā.




    Next: 2. д̣̇уд̇ияабаарааж̇игам̣ • 2. Dutiyapārājikaṃ




    Related texts:



    д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ

    дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
    суд̣̇иннабхаан̣аваараван̣н̣анаа • Sudinnabhāṇavāravaṇṇanā
    маггадивад̇т̇угат̇ааван̣н̣анаа • Makkaṭivatthukathāvaṇṇanā
    важ̇ж̇ибуд̇д̇агавад̇т̇уван̣н̣анаа • Vajjiputtakavatthuvaṇṇanā
    жад̇уб̣б̣ид̇хавинаяагат̇ааван̣н̣анаа • Catubbidhavinayakathāvaṇṇanā
    сигкаабажжагкаанавибхан̇г̇аван̣н̣анаа • Sikkhāpaccakkhānavibhaṅgavaṇṇanā
    муулабан̃н̃ад̇д̇иван̣н̣анаа • Mūlapaññattivaṇṇanā
    анубан̃н̃ад̇д̇иван̣н̣анаа • Anupaññattivaṇṇanā
    батамажад̇уггагат̇ааван̣н̣анаа • Paṭhamacatukkakathāvaṇṇanā
    згуунасад̇д̇ад̇ид̣̇висад̇ажад̇уггагат̇ааван̣н̣анаа • Ekūnasattatidvisatacatukkakathāvaṇṇanā
    сант̇ад̇ажад̇уггабхзд̣̇агат̇ааван̣н̣анаа • Santhatacatukkabhedakathāvaṇṇanā
    рааж̇абажжад̇т̇игаад̣̇ижад̇уггабхзд̣̇агат̇ааван̣н̣анаа • Rājapaccatthikādicatukkabhedakathāvaṇṇanā
    аабад̇д̇аанаабад̇д̇иваараван̣н̣анаа • Āpattānāpattivāravaṇṇanā
    винийд̇авад̇т̇уван̣н̣анаа • Vinītavatthuvaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
    суд̣̇иннабхаан̣аваараван̣н̣анаа • Sudinnabhāṇavāravaṇṇanā
    маггадийвад̇т̇угат̇ааван̣н̣анаа • Makkaṭīvatthukathāvaṇṇanā
    важ̇ж̇ибуд̇д̇агавад̇т̇уван̣н̣анаа • Vajjiputtakavatthuvaṇṇanā
    жад̇уб̣б̣ид̇хавинаяагат̇ааван̣н̣анаа • Catubbidhavinayakathāvaṇṇanā
    сигкаабажжагкаанагат̇ааван̣н̣анаа • Sikkhāpaccakkhānakathāvaṇṇanā
    муулабан̃н̃ад̇д̇игат̇ааван̣н̣анаа • Mūlapaññattikathāvaṇṇanā
    батамажад̇уггагат̇ааван̣н̣анаа • Paṭhamacatukkakathāvaṇṇanā
    згуунасад̇д̇ад̇ид̣̇висад̇ажад̇уггагат̇ааван̣н̣анаа • Ekūnasattatidvisatacatukkakathāvaṇṇanā
    сант̇ад̇ажад̇уггабхзд̣̇агагат̇ааван̣н̣анаа • Santhatacatukkabhedakakathāvaṇṇanā
    винийд̇авад̇т̇уван̣н̣анаа • Vinītavatthuvaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
    суд̣̇иннабхаан̣аваараван̣н̣анаа • Sudinnabhāṇavāravaṇṇanā
    маггадийвад̇т̇угат̇ааван̣н̣анаа • Makkaṭīvatthukathāvaṇṇanā
    важ̇ж̇ибуд̇д̇агавад̇т̇угат̇ааван̣н̣анаа • Vajjiputtakavatthukathāvaṇṇanā
    жад̇уб̣б̣ид̇хавинаяаад̣̇игат̇ааван̣н̣анаа • Catubbidhavinayādikathāvaṇṇanā
    бажжагкаанавибхан̇г̇аван̣н̣анаа • Paccakkhānavibhaṅgavaṇṇanā
    муулабан̃н̃ад̇д̇иван̣н̣анаа • Mūlapaññattivaṇṇanā
    анубан̃н̃ад̇д̇иван̣н̣анаа • Anupaññattivaṇṇanā
    батамажад̇уггаван̣н̣анаа • Paṭhamacatukkavaṇṇanā
    згуунасад̇д̇ад̇ид̣̇висад̇ажад̇уггагат̇ааван̣н̣анаа • Ekūnasattatidvisatacatukkakathāvaṇṇanā
    сант̇ад̇ажад̇уггабхзд̣̇агат̇ааван̣н̣анаа • Santhatacatukkabhedakathāvaṇṇanā
    рааж̇абажжад̇т̇игаад̣̇ижад̇уггабхзд̣̇агат̇ааван̣н̣анаа • Rājapaccatthikādicatukkabhedakathāvaṇṇanā
    аабад̇д̇аанаабад̇д̇иваараван̣н̣анаа • Āpattānāpattivāravaṇṇanā
    винийд̇авад̇т̇уван̣н̣анаа • Vinītavatthuvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact