| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
бхигкунийвибхан̇г̇о
Bhikkhunīvibhaṅgo
1. баарааж̇игаган̣д̣аад̇т̇аяож̇анаа
1. Pārājikakaṇḍaatthayojanā
звам̣ бхигкувибхан̇г̇асса, гад̇ваана яож̇анаанаяам̣;
Evaṃ bhikkhuvibhaṅgassa, katvāna yojanānayaṃ;
бхигкунийнам̣ вибхан̇г̇асса, гариссам̣ яож̇анаанаяам̣.
Bhikkhunīnaṃ vibhaṅgassa, karissaṃ yojanānayaṃ.
яод̇и вибхан̇г̇о. вибхан̇г̇ассаад̇и вибхан̇г̇о асса. ассаад̇и ход̇и. д̇ассаад̇и бхигкунийнам̣ вибхан̇г̇асса. яад̇од̇и яасмаа. аяам̣ банзд̇т̇а яож̇анаа – бхигкуунам̣ вибхан̇г̇асса ананд̇арам̣ бхигкунийнам̣ яо вибхан̇г̇о сан̇г̇ахид̇о асса, д̇асса бхигкунийнам̣ вибхан̇г̇асса сам̣ван̣н̣анааггамо бад̇д̇о яад̇о, д̇ад̇о д̇асса бхигкунийнам̣ вибхан̇г̇асса абуб̣б̣абад̣̇аван̣н̣анам̣ гаад̇ум̣ д̇аава баарааж̇игз аяам̣ сам̣ван̣н̣анаа ход̇ийд̇и. абуб̣б̣аанам̣ бад̣̇аанам̣ ван̣н̣анаа абуб̣б̣абад̣̇аван̣н̣анаа, д̇ам̣.
Yoti vibhaṅgo. Vibhaṅgassāti vibhaṅgo assa. Assāti hoti. Tassāti bhikkhunīnaṃ vibhaṅgassa. Yatoti yasmā. Ayaṃ panettha yojanā – bhikkhūnaṃ vibhaṅgassa anantaraṃ bhikkhunīnaṃ yo vibhaṅgo saṅgahito assa, tassa bhikkhunīnaṃ vibhaṅgassa saṃvaṇṇanākkamo patto yato, tato tassa bhikkhunīnaṃ vibhaṅgassa apubbapadavaṇṇanaṃ kātuṃ tāva pārājike ayaṃ saṃvaṇṇanā hotīti. Apubbānaṃ padānaṃ vaṇṇanā apubbapadavaṇṇanā, taṃ.
1. батамабаарааж̇игасигкаабад̣̇ам̣
1. Paṭhamapārājikasikkhāpadaṃ
656. ‘‘д̇зна…бз… саал̣хо’’д̇и зд̇т̇а ‘‘зд̇т̇аа’’д̇и баатасзсо яож̇зд̇аб̣б̣о. д̣̇аб̣б̣аг̇ун̣агирияааж̇аад̇инаамасан̇каад̇зсу бан̃жасу сад̣̇д̣̇зсу саал̣хасад̣̇д̣̇асса наамасад̣̇д̣̇абхаавам̣ д̣̇ассзд̇ум̣ вуд̇д̇ам̣ ‘‘саал̣ход̇и д̇асса наама’’нд̇и. миг̇аарамаад̇уяаад̇и висаакааяа. саа хи миг̇аарасздтинаа маад̇удтаанз табид̇ад̇д̇аа миг̇аарамаад̇аа наама. навагаммам̣ ад̇хидтаад̇ийд̇и навагаммиганд̇и д̣̇ассзнд̇о ааха ‘‘навагаммаад̇хидтааяига’’нд̇и. ‘‘бан̣д̣ижжзна саманнааг̇ад̇аа’’д̇ииминаа бан̣д̣аа вужжад̇и бан̃н̃аа, саа сан̃ж̇аад̇аа имиссаад̇и бан̣д̣ид̇аад̇и важанад̇т̇ам̣ д̣̇ассзд̇и. взяяад̇д̇игзнаад̇и висзсзна ан̃ж̇ад̇и баагадам̣ г̇ажчад̇ийд̇и вияад̇д̇о, буг̇г̇ало, д̇асса ид̣̇ам̣ взяяад̇д̇игам̣, н̃аан̣ам̣, д̇зна. ‘‘бан̣д̣аа’’д̇и вуд̇д̇абан̃н̃ааяа ‘‘мзд̇хаа’’д̇и вуд̇д̇абан̃н̃ааяа висзсабхаавам̣ д̣̇ассзд̇ум̣ вуд̇д̇ам̣ ‘‘баал̣иг̇ахан̣з’’д̇иаад̣̇и. ‘‘мзд̇хаа’’д̇и хи вуд̇д̇абан̃н̃аа ‘‘бан̣д̣аа’’д̇и вуд̇д̇абан̃н̃ааяа висзсо ход̇и сад̇исахааяад̇д̇аа. д̇ад̇рубааяааяаад̇и алуд̇д̇асамаасо ‘‘д̇ад̇рамаж̇жхад̇д̇ад̇аа’’д̇иаад̣̇ийсу (д̇ха. са. адта. язваабанагаван̣н̣анаа) вияа. ‘‘гаммзсуу’’д̇и иминаа д̇асад̣̇д̣̇асса висаяам̣ д̣̇ассзд̇и . гад̇д̇аб̣б̣агаммубабаригкааяаад̇и гад̇д̇аб̣б̣агаммзсу вижааран̣ааяа. жасад̣̇д̣̇зна ‘‘гад̇аагад̇а’’нд̇и бад̣̇асса д̣̇ванд̣̇аваагяам̣ д̣̇ассзд̇и. баривзсанадтаанзд̇и барибхун̃ж̇ид̇ум̣ висанд̇и бависанд̇и зд̇т̇аад̇и баривзсанам̣, д̇амзва таанам̣ баривзсанадтаанам̣, д̇асмим̣. нигуудзд̇и зд̇т̇а гуудасан̇каад̇асикаравирахид̇з огаасзд̇и д̣̇ассзнд̇о ааха ‘‘гон̣асад̣̇исам̣ гад̇ваа д̣̇ассид̇з г̇амбхийрз’’д̇и. вид̇яуубасаг̇г̇о вигаараваажаго, сарасад̣̇д̣̇о сад̣̇д̣̇аваажагод̇и ааха ‘‘виббагаарасад̣̇д̣̇о’’д̇и. жарад̇и анзнаад̇и жаран̣ам̣ баад̣̇о, д̇асмим̣ удтид̇о г̇илаано зд̇иссаад̇и жаран̣аг̇илаанаад̇и д̣̇ассзнд̇о ааха ‘‘баад̣̇арог̇зна саманнааг̇ад̇аа’’д̇и.
656. ‘‘Tena…pe… sāḷho’’ti ettha ‘‘etthā’’ti pāṭhaseso yojetabbo. Dabbaguṇakiriyājātināmasaṅkhātesu pañcasu saddesu sāḷhasaddassa nāmasaddabhāvaṃ dassetuṃ vuttaṃ ‘‘sāḷhoti tassa nāma’’nti. Migāramātuyāti visākhāya. Sā hi migāraseṭṭhinā mātuṭṭhāne ṭhapitattā migāramātā nāma. Navakammaṃ adhiṭṭhātīti navakammikanti dassento āha ‘‘navakammādhiṭṭhāyika’’nti. ‘‘Paṇḍiccena samannāgatā’’tiiminā paṇḍā vuccati paññā, sā sañjātā imissāti paṇḍitāti vacanatthaṃ dasseti. Veyyattikenāti visesena añjati pākaṭaṃ gacchatīti viyatto, puggalo, tassa idaṃ veyyattikaṃ, ñāṇaṃ, tena. ‘‘Paṇḍā’’ti vuttapaññāya ‘‘medhā’’ti vuttapaññāya visesabhāvaṃ dassetuṃ vuttaṃ ‘‘pāḷigahaṇe’’tiādi. ‘‘Medhā’’ti hi vuttapaññā ‘‘paṇḍā’’ti vuttapaññāya viseso hoti satisahāyattā. Tatrupāyāyāti aluttasamāso ‘‘tatramajjhattatā’’tiādīsu (dha. sa. aṭṭha. yevāpanakavaṇṇanā) viya. ‘‘Kammesū’’ti iminā tasaddassa visayaṃ dasseti . Kattabbakammupaparikkhāyāti kattabbakammesu vicāraṇāya. Casaddena ‘‘katākata’’nti padassa dvandavākyaṃ dasseti. Parivesanaṭṭhāneti paribhuñjituṃ visanti pavisanti etthāti parivesanaṃ, tameva ṭhānaṃ parivesanaṭṭhānaṃ, tasmiṃ. Nikūṭeti ettha kūṭasaṅkhātasikharavirahite okāseti dassento āha ‘‘koṇasadisaṃ katvā dassite gambhīre’’ti. Vityūpasaggo vikāravācako, sarasaddo saddavācakoti āha ‘‘vippakārasaddo’’ti. Carati anenāti caraṇaṃ pādo, tasmiṃ uṭṭhito gilāno etissāti caraṇagilānāti dassento āha ‘‘pādarogena samannāgatā’’ti.
657. ‘‘д̇инд̇аа’’д̇и иминаа авассуд̇асад̣̇д̣̇о ид̇ха гилиннад̇т̇з зва вад̇д̇ад̇и, на ан̃н̃ад̇т̇зд̇и д̣̇ассзд̇и. ассаад̇и ‘‘авассуд̇аа’’д̇ибад̣̇асса. бад̣̇абхааж̇анз вуд̇д̇анд̇и самб̣анд̇хо. д̇ад̇т̇аад̇и бад̣̇абхааж̇анз. вад̇т̇ам̣ ран̇г̇аж̇аад̇зна рад̇д̇ам̣ вияа, д̇ат̇аа гааяасам̣саг̇г̇арааг̇зна судту рад̇д̇аад̇и яож̇анаа. ‘‘абзгкааяа саманнааг̇ад̇аа’’д̇и иминаа абзгкаа зд̇иссамад̇т̇ийд̇и абзгкавад̇ийд̇и ад̇т̇ам̣ д̣̇ассзд̇и. бадиб̣ад̣̇д̇хам̣ жид̇д̇ам̣ имиссанд̇и бадиб̣ад̣̇д̇хажид̇д̇аад̇и д̣̇ассзнд̇о ааха ‘‘бадиб̣анд̇хид̇ваа табид̇ажид̇д̇аа вияаа’’д̇и. д̣̇уд̇ияабад̣̇авибхан̇г̇збийд̇и ‘‘авассуд̇о’’д̇и д̣̇уд̇ияабад̣̇абхааж̇анзби. буг̇г̇аласад̣̇д̣̇асса сад̇д̇асааман̃н̃аваажагад̇д̇аа бурисасад̣̇д̣̇зна висзсзд̇и. ад̇хоуб̣бхаид̇и нибаад̇аанам̣ чадтияаа самасид̇аб̣б̣абхаавам̣ д̣̇ассзд̇ум̣ вуд̇д̇ам̣ ‘‘агкагаанам̣ ад̇хо’’д̇иаад̣̇и. нану яат̇аа ид̇ха ‘‘агкагаанам̣ ад̇хо’’д̇и вуд̇д̇ам̣, звам̣ бад̣̇абхааж̇анзби вад̇д̇аб̣б̣ам̣, гасмаа на вуд̇д̇анд̇и ааха ‘‘бад̣̇абхааж̇анз’’д̇иаад̣̇и. бад̣̇абадибаадияаад̇и ‘‘ад̇хо’’д̇и жа ‘‘агкага’’нд̇и жа бад̣̇аанам̣ ануггамзна. зд̇т̇аад̇и ад̇хагкагауб̣бхаж̇аан̣уман̣д̣алзсу. саад̇хааран̣абаарааж̇игзхийд̇и бхигкубхигкунийнам̣ саад̇хааран̣зхи баарааж̇игзхи. наамамад̇д̇анд̇и наамамзва.
657. ‘‘Tintā’’ti iminā avassutasaddo idha kilinnatthe eva vattati, na aññattheti dasseti. Assāti ‘‘avassutā’’tipadassa. Padabhājane vuttanti sambandho. Tatthāti padabhājane. Vatthaṃ raṅgajātena rattaṃ viya, tathā kāyasaṃsaggarāgena suṭṭhu rattāti yojanā. ‘‘Apekkhāya samannāgatā’’ti iminā apekkhā etissamatthīti apekkhavatīti atthaṃ dasseti. Paṭibaddhaṃ cittaṃ imissanti paṭibaddhacittāti dassento āha ‘‘paṭibandhitvā ṭhapitacittā viyā’’ti. Dutiyapadavibhaṅgepīti ‘‘avassuto’’ti dutiyapadabhājanepi. Puggalasaddassa sattasāmaññavācakattā purisasaddena viseseti. Adhoubbhaiti nipātānaṃ chaṭṭhiyā samasitabbabhāvaṃ dassetuṃ vuttaṃ ‘‘akkhakānaṃ adho’’tiādi. Nanu yathā idha ‘‘akkhakānaṃ adho’’ti vuttaṃ, evaṃ padabhājanepi vattabbaṃ, kasmā na vuttanti āha ‘‘padabhājane’’tiādi. Padapaṭipāṭiyāti ‘‘adho’’ti ca ‘‘akkhaka’’nti ca padānaṃ anukkamena. Etthāti adhakkhakaubbhajāṇumaṇḍalesu. Sādhāraṇapārājikehīti bhikkhubhikkhunīnaṃ sādhāraṇehi pārājikehi. Nāmamattanti nāmameva.
659. званд̇и имааяа баал̣ияаа вибхаж̇ид̇ваад̇и самб̣анд̇хо. д̇ад̇т̇аад̇и ‘‘убхад̇оавассуд̇з’’д̇иаад̣̇иважанз. ‘‘убхад̇оавассуд̇з’’д̇и баато муулабаатоязва, наан̃н̃од̇и д̣̇ассзнд̇зна висзсамагад̇ваа ‘‘убхад̇оавассуд̇зд̇и убхад̇о авассуд̇з’’д̇и вуд̇д̇ам̣. убхад̇од̇и зд̇т̇а убхасаруубан̃жа д̇осад̣̇д̣̇асса чадтяад̇т̇з бавад̇д̇ин̃жа д̣̇ассзд̇ум̣ вуд̇д̇ам̣ ‘‘бхигкунияаа жзва бурисасса жаа’’д̇и. д̇ад̇т̇а бхигкунийбурисасад̣̇д̣̇зхи убхасаруубам̣ д̣̇ассзд̇и. ‘‘яаа’’д̇и жа ‘‘са’’ид̇и жа д̣̇вийхи сад̣̇д̣̇зхи д̇обажжаяасса чадтяад̇т̇ам̣, убхиннам̣ авассуд̇абхаавз сад̇ийд̇и ад̇т̇о. бхаавабажжаязна винаа бхаавад̇т̇о н̃аад̇аб̣б̣од̇и ааха ‘‘авассуд̇абхаавз’’д̇и. яат̇аабарижчиннзнаад̇и ‘‘ад̇хагкагам̣, уб̣бхаж̇аан̣уман̣д̣ала’’нд̇и язна язна барижчиннзна. ад̇д̇анод̇и бхигкунияаа. д̇асса ваад̇и бурисасса ваа. ид̇хаабийд̇и гааяабадиб̣ад̣̇д̇хзна гааяаамасанзби.
659.Evanti imāya pāḷiyā vibhajitvāti sambandho. Tatthāti ‘‘ubhatoavassute’’tiādivacane. ‘‘Ubhatoavassute’’ti pāṭho mūlapāṭhoyeva, nāññoti dassentena visesamakatvā ‘‘ubhatoavassuteti ubhato avassute’’ti vuttaṃ. Ubhatoti ettha ubhasarūpañca tosaddassa chaṭṭhyatthe pavattiñca dassetuṃ vuttaṃ ‘‘bhikkhuniyā ceva purisassa cā’’ti. Tattha bhikkhunīpurisasaddehi ubhasarūpaṃ dasseti. ‘‘Yā’’ti ca ‘‘sa’’iti ca dvīhi saddehi topaccayassa chaṭṭhyatthaṃ, ubhinnaṃ avassutabhāve satīti attho. Bhāvapaccayena vinā bhāvattho ñātabboti āha ‘‘avassutabhāve’’ti. Yathāparicchinnenāti ‘‘adhakkhakaṃ, ubbhajāṇumaṇḍala’’nti yena yena paricchinnena. Attanoti bhikkhuniyā. Tassa vāti purisassa vā. Idhāpīti kāyapaṭibaddhena kāyāmasanepi.
д̇ад̇раад̇и д̇зсу бхигкубхигкунийсу. на гаарзд̇аб̣б̣о ‘‘гааяасам̣саг̇г̇ам̣ саад̣̇иязяяаа’’д̇и авуд̇д̇ад̇д̇аад̇и ад̇хиббааяо. ажобаяамаанаабийд̇и ажаалаяамаанааби, бисад̣̇д̣̇о самбхааванад̇т̇о, д̇зна жобаяамаанаа баг̇зваад̇и д̣̇ассзд̇и. звам̣ бана сад̇ийд̇и жид̇д̇знзва ад̇хиваасаяамаанааяа сад̇и бана. гирияасамудтаанад̇аад̇и имасса сигкаабад̣̇асса гирияасамудтаанабхааво. д̇аб̣б̣ахуланаязнаад̇и ‘‘ванажараго (ма. ни. адта. 2.201; 3.133), сан̇г̇аамааважаро’’д̇иаад̣̇ийсу (ма. ни. 2.108) вияа д̇ассам̣ гирияааяам̣ б̣ахулад̇о самудтаананаязна. саад̇и гирияасамудтаанад̇аа.
Tatrāti tesu bhikkhubhikkhunīsu. Na kāretabbo ‘‘kāyasaṃsaggaṃ sādiyeyyā’’ti avuttattāti adhippāyo. Acopayamānāpīti acālayamānāpi, pisaddo sambhāvanattho, tena copayamānā pagevāti dasseti. Evaṃ pana satīti citteneva adhivāsayamānāya sati pana. Kiriyasamuṭṭhānatāti imassa sikkhāpadassa kiriyasamuṭṭhānabhāvo. Tabbahulanayenāti ‘‘vanacarako (ma. ni. aṭṭha. 2.201; 3.133), saṅgāmāvacaro’’tiādīsu (ma. ni. 2.108) viya tassaṃ kiriyāyaṃ bahulato samuṭṭhānanayena. Sāti kiriyasamuṭṭhānatā.
660. зд̇т̇аад̇и уб̣бхагкагаад̇хож̇аан̣уман̣д̣алзсу.
660.Etthāti ubbhakkhakaadhojāṇumaṇḍalesu.
662. ‘‘згад̇о авассуд̇з’’д̇и зд̇т̇ааби д̇обажжаяо чадтяад̇т̇з ход̇и. сааман̃н̃аважанассааби висзсз авадтаанад̇о, висзсад̇т̇инаа жа висзсасса анубаяож̇ид̇аб̣б̣ад̇о ааха ‘‘бхигкунияаа зваа’’д̇и. д̇ад̇раад̇и ‘‘згад̇о авассуд̇з’’д̇иаад̣̇иважанз. ‘‘д̇ат̇зваа’’д̇ииминаа гааяасам̣саг̇г̇арааг̇зна авассуд̇од̇и ад̇т̇ам̣ ад̇ид̣̇исад̇и. жад̇уусууд̇и мзт̇унарааг̇а гааяасам̣саг̇г̇арааг̇аг̇зхасид̇абзма суд̣̇д̇хажид̇д̇асан̇каад̇зсу жад̇уусу. яад̇т̇аад̇и яасмим̣ таанз.
662.‘‘Ekato avassute’’ti etthāpi topaccayo chaṭṭhyatthe hoti. Sāmaññavacanassāpi visese avaṭṭhānato, visesatthinā ca visesassa anupayojitabbato āha ‘‘bhikkhuniyā evā’’ti. Tatrāti ‘‘ekato avassute’’tiādivacane. ‘‘Tathevā’’tiiminā kāyasaṃsaggarāgena avassutoti atthaṃ atidisati. Catūsūti methunarāga kāyasaṃsaggarāgagehasitapema suddhacittasaṅkhātesu catūsu. Yatthāti yasmiṃ ṭhāne.
663. аяам̣ бурисо ид̇и ваа ид̇т̇ий ид̇и ваа аж̇аананд̇ияаа ваад̇и яож̇анаад̇и. батамам̣.
663. Ayaṃ puriso iti vā itthī iti vā ajānantiyā vāti yojanāti. Paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. уб̣бхаж̇аан̣уман̣д̣алигасигкаабад̣̇аван̣н̣анаа • 1. Ubbhajāṇumaṇḍalikasikkhāpadavaṇṇanā
