| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
6. баадид̣̇зсанийяаган̣д̣ам̣
6. Pāṭidesanīyakaṇḍaṃ
1. батамабаадид̣̇зсанийяасигкаабад̣̇аван̣н̣анаа
1. Paṭhamapāṭidesanīyasikkhāpadavaṇṇanā
баадид̣̇зсанийяаа д̇хаммаа, куд̣̇д̣̇агаанам̣ ананд̇араа;
Pāṭidesanīyā dhammā, khuddakānaṃ anantarā;
табид̇аа яз аяам̣ д̣̇аани, д̇зсам̣ бхавад̇и ван̣н̣анаа.
Ṭhapitā ye ayaṃ dāni, tesaṃ bhavati vaṇṇanā.
552. батамабаадид̣̇зсанийяз д̇аава бадиггаманагаалзд̇и бин̣д̣ааяа жарид̇ваа бадиааг̇аманагаалз. саб̣б̣зва аг̇г̇ахзсийд̇и саб̣б̣амзва аг̇г̇ахзси. бавзд̇хзнд̇ийд̇и гамбамаанаа. абзхийд̇и абаг̇ажча.
552. Paṭhamapāṭidesanīye tāva paṭikkamanakāleti piṇḍāya caritvā paṭiāgamanakāle. Sabbeva aggahesīti sabbameva aggahesi. Pavedhentīti kampamānā. Apehīti apagaccha.
553-5. г̇аараяхам̣ аавусод̇иаад̣̇и бадид̣̇зсзд̇аб̣б̣аагаарад̣̇ассанам̣. рат̇игаад̇и ражчаа. б̣яууханд̇и аниб̣б̣иж̇жхид̇ваа тид̇аа г̇ад̇абажжааг̇ад̇аражчаа. син̇гхаадаганд̇и жад̇уггон̣ам̣ ваа д̇игон̣ам̣ ваа маг̇г̇асамод̇хаанадтаанам̣. гхаранд̇и гулагхарам̣. зд̇зсу яад̇т̇а гад̇т̇ажи тад̇ваа г̇ан̣ханд̇асса г̇ахан̣з д̣̇уггадам̣, аж̇жхохаарз аж̇жхохаараг̇ан̣анааяа баадид̣̇зсанийяам̣. хад̇т̇исаалаад̣̇ийсу г̇ан̣ханд̇ассааби зсзва наяо. бхигкуний рат̇игааяа тад̇ваа д̣̇зд̇и, бхигку сажзби анд̇араараамаад̣̇ийсу тад̇ваа г̇ан̣хаад̇и, аабад̇д̇иязва. ‘‘анд̇арагхарам̣ бавидтааяаа’’д̇и хи важанад̇о бхигкунияаа анд̇арагхарз тад̇ваа д̣̇ад̣̇амаанааяа васзнзд̇т̇а аабад̇д̇и взд̣̇ид̇аб̣б̣аа, бхигкусса тид̇адтаанам̣ бана аббамаан̣ам̣. д̇асмаа сажзби вийт̇иаад̣̇ийсу тид̇о бхигку анд̇араараамаад̣̇ийсу тад̇ваа д̣̇ад̣̇амаанааяа бхигкунияаа г̇ан̣хаад̇и, анаабад̇д̇иязва.
553-5.Gārayhaṃ āvusotiādi paṭidesetabbākāradassanaṃ. Rathikāti racchā. Byūhanti anibbijjhitvā ṭhitā gatapaccāgataracchā. Siṅghāṭakanti catukkoṇaṃ vā tikoṇaṃ vā maggasamodhānaṭṭhānaṃ. Gharanti kulagharaṃ. Etesu yattha katthaci ṭhatvā gaṇhantassa gahaṇe dukkaṭaṃ, ajjhohāre ajjhohāragaṇanāya pāṭidesanīyaṃ. Hatthisālādīsu gaṇhantassāpi eseva nayo. Bhikkhunī rathikāya ṭhatvā deti, bhikkhu sacepi antarārāmādīsu ṭhatvā gaṇhāti, āpattiyeva. ‘‘Antaragharaṃ paviṭṭhāyā’’ti hi vacanato bhikkhuniyā antaraghare ṭhatvā dadamānāya vasenettha āpatti veditabbā, bhikkhussa ṭhitaṭṭhānaṃ pana appamāṇaṃ. Tasmā sacepi vīthiādīsu ṭhito bhikkhu antarārāmādīsu ṭhatvā dadamānāya bhikkhuniyā gaṇhāti, anāpattiyeva.
яаамагаалигам̣ сад̇д̇аахагаалигам̣ яааваж̇ийвигам̣ аахаарад̇т̇ааяа бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадассаад̇и ид̣̇ам̣ аамисзна асамбхиннам̣ санд̇хааяа вуд̇д̇ам̣, самбхиннз бана згарасз баадид̣̇зсанийяамзва. згад̇о убасамбаннааяаад̇и бхигкунийнам̣ санд̇игз убасамбаннааяа. бхигкуунам̣ санд̇игз убасамбаннааяа бана яат̇аавад̇т̇угамзва.
Yāmakālikaṃ sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassāti idaṃ āmisena asambhinnaṃ sandhāya vuttaṃ, sambhinne pana ekarase pāṭidesanīyameva. Ekato upasampannāyāti bhikkhunīnaṃ santike upasampannāya. Bhikkhūnaṃ santike upasampannāya pana yathāvatthukameva.
556. д̣̇аабзд̇и на д̣̇зд̇ийд̇и ан̃н̃аад̇игаа ан̃н̃зна гзнажи д̣̇аабзд̇и д̇ам̣ г̇ан̣ханд̇асса анаабад̇д̇и. убанигкибид̇ваа д̣̇зд̇ийд̇и бхуумияам̣ табзд̇ваа ‘‘ид̣̇ам̣ аяяа д̇умхаагам̣ д̣̇аммий’’д̇и д̣̇зд̇и, звам̣ д̣̇иннам̣ ‘‘саад̇ху бхаг̇иний’’д̇и самбадижчид̇ваа д̇ааяа зва ваа бхигкунияаа ан̃н̃зна ваа гзнажи бадиг̇г̇ахаабзд̇ваа бхун̃ж̇ид̇ум̣ ваддад̇и. сигкамаанааяа сааман̣зрияаад̇и зд̇аасам̣ д̣̇ад̣̇амаанаанам̣ г̇ан̣ханд̇асса анаабад̇д̇и. сзсамзд̇т̇а уд̇д̇аанамзва.
556.Dāpeti na detīti aññātikā aññena kenaci dāpeti taṃ gaṇhantassa anāpatti. Upanikkhipitvā detīti bhūmiyaṃ ṭhapetvā ‘‘idaṃ ayya tumhākaṃ dammī’’ti deti, evaṃ dinnaṃ ‘‘sādhu bhaginī’’ti sampaṭicchitvā tāya eva vā bhikkhuniyā aññena vā kenaci paṭiggahāpetvā bhuñjituṃ vaṭṭati. Sikkhamānāya sāmaṇeriyāti etāsaṃ dadamānānaṃ gaṇhantassa anāpatti. Sesamettha uttānameva.
зл̣агаломасамудтаанам̣ – гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
батамабаадид̣̇зсанийяам̣.
Paṭhamapāṭidesanīyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаадид̣̇зсанийяасигкаабад̣̇ам̣ • 1. Paṭhamapāṭidesanīyasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баадид̣̇зсанийяасигкаабад̣̇аван̣н̣анаа • Pāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамабаадид̣̇зсанийяасигкаабад̣̇аван̣н̣анаа • 1. Paṭhamapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамабаадид̣̇зсанийяасигкаабад̣̇аван̣н̣анаа • 1. Paṭhamapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамабаадид̣̇зсанийяасигкаабад̣̇а-ад̇т̇аяож̇анаа • 1. Paṭhamapāṭidesanīyasikkhāpada-atthayojanā
