| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੫. ਪਠਮਪવਾਰਣਸਿਕ੍ਖਾਪਦવਣ੍ਣਨਾ
5. Paṭhamapavāraṇasikkhāpadavaṇṇanā
੨੩੬. ਯਾવਦਤ੍ਥਪવਾਰਣਾਯ ਪવਾਰਿਤਾ ਕਿਞ੍ਚਾਪਿ ‘‘ਪવਾਰਿਤਾ’’ਇਚ੍ਚੇવ ਅਧਿਪ੍ਪੇਤਾ ਅਟ੍ਠੁਪ੍ਪਤ੍ਤਿਯਾવ, ਅਥ ਖੋ ਪਚ੍ਛਿਮਾવ ਇਧਾਧਿਪ੍ਪੇਤਾ।
236.Yāvadatthapavāraṇāyapavāritā kiñcāpi ‘‘pavāritā’’icceva adhippetā aṭṭhuppattiyāva, atha kho pacchimāva idhādhippetā.
੨੩੭. ‘‘ਅਲਮੇਤਂ ਸਬ੍ਬ’’ਨ੍ਤਿ વੁਤ੍ਤਤ੍ਤਾ ਅਤਿਰਿਤ੍ਤਂ ਨਾਮ ਹੋਤਿ। ਭਿਕ੍ਖੁਸ੍ਸ ਇਦਮ੍ਪਿ ਤੇ ਅਧਿਕਂ, ਇਤੋ ਅਞ੍ਞਂ ਨ ਲਚ੍ਛਤੀਤਿ ਕਿਰ ਅਤ੍ਥੋ।
237.‘‘Alametaṃ sabba’’nti vuttattā atirittaṃ nāma hoti. Bhikkhussa idampi te adhikaṃ, ito aññaṃ na lacchatīti kira attho.
੨੩੮-੯. ‘‘ਅਸਨਂ ਪਞ੍ਞਾਯਤੀ’’ਤਿ ਏਤੇਨੇવ ‘‘ਭੁਤ੍ਤਾવੀ’’ਤਿ ਏਤਸ੍ਸ ਸਿਦ੍ਧਤ੍ਤਾ વਿਸੁਂ ਅਤ੍ਥਸਿਦ੍ਧਿ ਨਤ੍ਥਿ। ਯਦਿ ਅਤ੍ਥਿ, ਅਙ੍ਗਾਨਂ ਛਕ੍ਕਤ੍ਤਦਸ੍ਸਨਨ੍ਤਿ। વੁਤ੍ਤਮ੍ਪਿ ਚੇਤਨ੍ਤਿਆਦਿ ਪવਾਰਣਙ੍ਗਾਨਂ ਪਞ੍ਚਕਤ੍ਤਦਸ੍ਸਨਂ। વਰਕੋਤਿ ਯੋ ਕੋਚਿ વਰਕੋ। ‘‘ਪવਾਰਣਂ ਪਨ ਜਨੇਤਿਯੇવਾਤਿ વਿਸੁਂ ਸਿਤ੍ਥਂ વੋਦਕਂ ਕਰੋਨ੍ਤਿ, ਪવਾਰਣਂ ਨ ਜਨੇਤਿ। ਯਾਗੁਂ વਾ ਪਿવਨ੍ਤੋ ਪਠਮਂ ਉਦਕਂ ਪਿવਤਿ, વਟ੍ਟਤਿ। ਅવਸਿਟ੍ਠਂ ਹੇਟ੍ਠਾਸਿਤ੍ਥਂ ਪવਾਰਣਂ ਨ ਜਨੇਤੀ’’ਤਿ ਲਿਖਿਤਂ। ਉਪਤਿਸ੍ਸਤ੍ਥੇਰੋ ‘‘ਜਨੇਤਿਯੇવਾ’’ਤਿ વਦਤਿ, ਤਂ ਨ ਇਚ੍ਛਨ੍ਤਿ ਆਚਰਿਯਾ। ਭਜ੍ਜਿਤਪਿਟ੍ਠਨ੍ਤਿ ਤਣ੍ਡੁਲਚੁਣ੍ਣਮੇવ। ਭਜ੍ਜਿਤਸਤ੍ਤੁਯੋ ਪਿਣ੍ਡੇਤ੍વਾ ਕਤਮੋਦਕੋ ਸਤ੍ਤੁਮੋਦਕੋ।
238-9. ‘‘Asanaṃ paññāyatī’’ti eteneva ‘‘bhuttāvī’’ti etassa siddhattā visuṃ atthasiddhi natthi. Yadi atthi, aṅgānaṃ chakkattadassananti. Vuttampi cetantiādi pavāraṇaṅgānaṃ pañcakattadassanaṃ. Varakoti yo koci varako. ‘‘Pavāraṇaṃ pana janetiyevāti visuṃ sitthaṃ vodakaṃ karonti, pavāraṇaṃ na janeti. Yāguṃ vā pivanto paṭhamaṃ udakaṃ pivati, vaṭṭati. Avasiṭṭhaṃ heṭṭhāsitthaṃ pavāraṇaṃ na janetī’’ti likhitaṃ. Upatissatthero ‘‘janetiyevā’’ti vadati, taṃ na icchanti ācariyā. Bhajjitapiṭṭhanti taṇḍulacuṇṇameva. Bhajjitasattuyo piṇḍetvā katamodako sattumodako.
‘‘ਯਾਗੁਸਿਤ੍ਥਮਤ੍ਤਾਨੇવ ਦ੍વੇ…ਪੇ॰… ਪਟਿਕ੍ਖਿਪਤਿ, ਨ ਪવਾਰੇਤੀ’’ਤਿ વੁਤ੍ਤਤ੍ਤਾ ਪਰਚਙ੍ਕਮਚ੍ਛਾਦਯੋ ਪਕ੍ਖਿਪਿਤ੍વਾ ਪਕ੍ਕਯਾਗੁਂ ਪਿવਨ੍ਤੋ ਸਚੇ ਅਞ੍ਞਂ ਤਾਦਿਸਂਯੇવ ਪਟਿਕ੍ਖਿਪਤਿ, ਪવਾਰਣਾ ਨ ਹੋਤੀਤਿ ਕਿਰ ਧਮ੍ਮਸਿਰਿਤ੍ਥੇਰੋ। ਸਚੇ ਅਞ੍ਞਂ ਪਟਿਕ੍ਖਿਪਤਿ, ਨ ਪવਾਰੇਤਿ। ਕਸ੍ਮਾ? ਅਸਨਸਙ੍ਖਾਤਸ੍ਸ વਿਪ੍ਪਕਤਭੋਜਨਸ੍ਸਾਭਾવਤੋ। ਭੋਜਨਸਾਲਾਯਂ ਭੁਞ੍ਜਨ੍ਤੋ ਚੇ, ਅਤ੍ਤਨੋ ਅਪਾਪੁਣਨਕੋਟ੍ਠਾਸਂ ਅਭਿਹਟਂ ਪਟਿਕ੍ਖਿਪਤਿ, ਨ ਪવਾਰੇਤਿ। ਕਾਮਂ ਪਟਿਕ੍ਖਿਪਤਿ, ਪਤ੍ਤੇ ਪਨ ਆਰਾਮਿਕੋ ਆਕਿਰਤਿ, ਤਤੋ ਭੁਞ੍ਜਿਤੁਂ ਨ વਟ੍ਟਤਿ। ਇਦਞ੍ਹਿ ਬੁਦ੍ਧਪ੍ਪਟਿਕੁਟ੍ਠਅਨੇਸਨਾਯ ਉਪ੍ਪਨ੍ਨੇਯੇવ ਸਙ੍ਗਹਂ ਗਚ੍ਛਤਿ। ਯਥਾ ਹਿ ਸਙ੍ਘਤੋ ਉਦ੍ਧਟਪਿਣ੍ਡਂ ਦੁਸ੍ਸੀਲੋ ਦੇਤਿ, ਤਂ ਪਟਿਕ੍ਖਿਪਤਿ, ਨ ਪવਾਰੇਤਿ, ਏવਂਸਮ੍ਪਦਮਿਦਂ। ‘‘વਿਸਭਾਗੋ ਲਜ੍ਜੀ ਚੇ ਦੇਤਿ, ਤਂ ਤੇਨ ਸਮ੍ਭੋਗਂ ਅਕਤ੍ਤੁਕਾਮਤਾਯ ਪਟਿਕ੍ਖਿਪਤਿ, ਪવਾਰੇਤੀਤਿ ਅਪਰੇ’’ਤਿ વੁਤ੍ਤਂ। ਪਰਿવੇਸਨਾਯਾਤਿ ਭਤ੍ਤਗ੍ਗੇ। ‘‘ਮਂਸੇਨ ਰਸਂ, ਮਂਸਞ੍ਚ ਰਸਞ੍ਚ ਮਂਸਰਸਨ੍ਤਿ ਆਪਜ੍ਜਨਤੋ ‘ਮਂਸਰਸ’ਨ੍ਤਿ વੁਤ੍ਤੇ ਪਟਿਕ੍ਖੇਪਤੋ ਹੋਤਿ, ਮਂਸਸ੍ਸ ਰਸਂ ਮਂਸਰਸਨ੍ਤਿ વਿਗ੍ਗਹੋ ਨਾਧਿਪ੍ਪੇਤੋ’’ਤਿ વੁਤ੍ਤਂ। ਮਂਸਕਰਮ੍ਬਕੋ ਨਾਮ…ਪੇ॰… વਟ੍ਟਤੀਤਿ ਸੁਦ੍ਧਯਾਗੁ ਏવ ਹੋਤਿ। ਅਪ੍ਪવਾਰਣਮਿਸ੍ਸਕਕਰਮ੍ਬਕੋਯੇવ ਹੋਤਿ, ਤਸ੍ਮਾ ਨ ਪવਾਰੇਤਿ, ਤੇਨ વੁਤ੍ਤਂ ਪਰਤੋ ‘‘ਇਦਞ੍ਚ ਕਰਮ੍ਬਕੇਨ ਨ ਸਮਾਨੇਤਬ੍ਬ’’ਨ੍ਤਿਆਦਿ, ਤਸ੍ਮਾ ‘‘ਤਂ ਅਭਿਹਰਿਤ੍વਾ ਕਞ੍ਜਿਯਂ ਗਣ੍ਹਥਾ’ਤਿ વਦਨ੍ਤਂ ਪਟਿਕ੍ਖਿਪਤਿ, ਪવਾਰਣਾ ਨ ਹੋਤੀ’’ਤਿ ਚ ‘‘ਮਿਸ੍ਸਕਯਾਗੁਂ ਗਣ੍ਹਥਾ’ਤਿ ਅવੁਤ੍ਤਤ੍ਤਾ ‘ਸਮ੍ਮਿਸ੍ਸਿਤਂ વਿਸੁਂ ਕਤ੍વਾ ਦੇਤੀ’ਤਿ વੁਤ੍ਤਤ੍ਤਾ’’ਤਿ ਚ વੁਤ੍ਤਂ, ਯਸ੍ਮਾ ਯਾਗੁਮਿਸ੍ਸਕਨ੍ਤਿ ਏਤ੍ਥ ਪਦਦ੍વਯੇ ਪવਾਰਣਾਰਹਸ੍ਸ ਨਾਮਗ੍ਗਹਣਂ ਨਤ੍ਥਿ, ਤਸ੍ਮਾ ਤਤ੍ਰ ਚੇ ਯਾਗੁ ਬਹੁਤਰਾ વਾ ਹੋਤਿ ਸਮਸਮਾ વਾ, ਨ ਪવਾਰੇਤਿ। ਕਸ੍ਮਾ? ਤਤ੍ਥ ਅਭਿਹਾਰਕਪਟਿਕ੍ਖੇਪਕਾਨਂ ਯਾਗੁਸਞ੍ਞਤ੍ਤਾ। ਯਾਗੁ ਚੇ ਮਨ੍ਦਾ, ਭਤ੍ਤਂ ਬਹੁਤਰਂ, ਪવਾਰੇਤਿ। ਕਸ੍ਮਾ? ਤੇਸਂ ਉਭਿਨ੍ਨਮ੍ਪਿ ਤਤ੍ਥ ਭਿਨ੍ਨਸਞ੍ਞਤ੍ਤਾਤਿ ਤਕ੍ਕੋ ਆਚਰਿਯਸ੍ਸ। ਭਤ੍ਤਮਿਸ੍ਸਕੇ ਪવਾਰਣਾਰਹਸ੍ਸ ਨਾਮਸ੍ਸ ਸਬ੍ਭਾવਤੋ ਸਬ੍ਬਦਾ ਪવਾਰੇਤਿ ਏવ। ਮਿਸ੍ਸਕੇ ਪਨ વੁਤ੍ਤਨਯੇਨ ਕਾਰਣਂ વਤ੍ਤਬ੍ਬਂ। વਿਸੁਂ ਕਤ੍વਾ ਦੇਤੀਤਿ ਯਥਾ ਭਤ੍ਤਸਿਟ੍ਠਂ ਨ ਪਤਤਿ, ਤਥਾ ਗਾਲ਼੍ਹਂ ਹਤ੍ਥੇਨ ਪੀਲ਼ੇਤ੍વਾ ਪਰਿਸ੍ਸਾવੇਤ੍વਾ ਦੇਤਿ।
‘‘Yāgusitthamattāneva dve…pe… paṭikkhipati, na pavāretī’’ti vuttattā paracaṅkamacchādayo pakkhipitvā pakkayāguṃ pivanto sace aññaṃ tādisaṃyeva paṭikkhipati, pavāraṇā na hotīti kira dhammasiritthero. Sace aññaṃ paṭikkhipati, na pavāreti. Kasmā? Asanasaṅkhātassa vippakatabhojanassābhāvato. Bhojanasālāyaṃ bhuñjanto ce, attano apāpuṇanakoṭṭhāsaṃ abhihaṭaṃ paṭikkhipati, na pavāreti. Kāmaṃ paṭikkhipati, patte pana ārāmiko ākirati, tato bhuñjituṃ na vaṭṭati. Idañhi buddhappaṭikuṭṭhaanesanāya uppanneyeva saṅgahaṃ gacchati. Yathā hi saṅghato uddhaṭapiṇḍaṃ dussīlo deti, taṃ paṭikkhipati, na pavāreti, evaṃsampadamidaṃ. ‘‘Visabhāgo lajjī ce deti, taṃ tena sambhogaṃ akattukāmatāya paṭikkhipati, pavāretīti apare’’ti vuttaṃ. Parivesanāyāti bhattagge. ‘‘Maṃsena rasaṃ, maṃsañca rasañca maṃsarasanti āpajjanato ‘maṃsarasa’nti vutte paṭikkhepato hoti, maṃsassa rasaṃ maṃsarasanti viggaho nādhippeto’’ti vuttaṃ. Maṃsakarambako nāma…pe… vaṭṭatīti suddhayāgu eva hoti. Appavāraṇamissakakarambakoyeva hoti, tasmā na pavāreti, tena vuttaṃ parato ‘‘idañca karambakena na samānetabba’’ntiādi, tasmā ‘‘taṃ abhiharitvā kañjiyaṃ gaṇhathā’ti vadantaṃ paṭikkhipati, pavāraṇā na hotī’’ti ca ‘‘missakayāguṃ gaṇhathā’ti avuttattā ‘sammissitaṃ visuṃ katvā detī’ti vuttattā’’ti ca vuttaṃ, yasmā yāgumissakanti ettha padadvaye pavāraṇārahassa nāmaggahaṇaṃ natthi, tasmā tatra ce yāgu bahutarā vā hoti samasamā vā, na pavāreti. Kasmā? Tattha abhihārakapaṭikkhepakānaṃ yāgusaññattā. Yāgu ce mandā, bhattaṃ bahutaraṃ, pavāreti. Kasmā? Tesaṃ ubhinnampi tattha bhinnasaññattāti takko ācariyassa. Bhattamissake pavāraṇārahassa nāmassa sabbhāvato sabbadā pavāreti eva. Missake pana vuttanayena kāraṇaṃ vattabbaṃ. Visuṃ katvā detīti yathā bhattasiṭṭhaṃ na patati, tathā gāḷhaṃ hatthena pīḷetvā parissāvetvā deti.
ਅਕਪ੍ਪਿਯਕਤਨ੍ਤਿ ਏਤ੍ਥ ‘‘ਕਪ੍ਪਿਯਂ ਅਕਾਰਾਪਿਤੇਹਿ ਕਦਲਿਪ੍ਫਲਾਦੀਹਿ ਸਦ੍ਧਿਂ ਅਤਿਰਿਤ੍ਤਂ ਕਪ੍ਪਿਯਂ ਕਾਰਾਪੇਤ੍વਾਪਿ ਤਂ ਕਦਲਿਪ੍ਫਲਾਦਿਂ ਠਪੇਤ੍વਾ ਅવਸੇਸਂ ਭੁਞ੍ਜਿਤੁਂ વਟ੍ਟਤਿ। ਅਮਿਸ੍ਸਕਰਸਤ੍ਤਾ ਪੁਨ ਤਾਨਿ ਕਪ੍ਪਿਯਂ ਕਾਰਾਪੇਤ੍વਾ ਅਞ੍ਞਸ੍ਮਿਂ ਭਾਜਨੇ ਠਪੇਤ੍વਾ ਅਤਿਰਿਤ੍ਤਂ ਕਾਰੇਤ੍વਾ ਭੁਞ੍ਜਿਤੁਂ વਟ੍ਟਤਿ। ਕਸ੍ਮਾ? ਪੁਬ੍ਬੇ ਤੇਸੁ વਿਨਯਕਮ੍ਮਸ੍ਸ ਅਨਾਰੁਲ਼੍ਹਤ੍ਤਾ’’ਤਿ વਦਨ੍ਤਿ। ‘‘ਭੁਤ੍ਤਾવਿਨਾ ਚ ਪવਾਰਿਤੇਨ ਆਸਨਾ વੁਟ੍ਠਿਤੇਨ ਕਤ’’ਨ੍ਤਿ વਚਨਤੋ ਭੁਤ੍ਤਾવਿਨਾ ਅਪ੍ਪવਾਰਿਤੇਨ ਆਸਨਾ વੁਟ੍ਠਿਤੇਨ ਕਤ੍ਤਬ੍ਬਨ੍ਤਿ ਸਿਦ੍ਧਂ, ਤਸ੍ਮਾ ‘‘ਪਾਤੋવ ਅਦ੍ਧਾਨਂ ਗਚ੍ਛਨ੍ਤੇਸੁ ਦ੍વੀਸੁ ਏਕੋ ਪવਾਰਿਤੋ ਅવੁਟ੍ਠਿਤੋ ਤਤ੍ਥ ਨਿਸੀਦਤਿ, ਸੋ ਇਤਰੇਨ ਪਿਣ੍ਡਾਯ ਚਰਿਤ੍વਾ ਲਦ੍ਧਂ ਭਿਕ੍ਖਂ ਅਤ੍ਤਨਾ ਅਭੁਤ੍વਾਪਿ ‘ਅਲਮੇਤਂ ਸਬ੍ਬ’ਨ੍ਤਿ ਕਾਤੁਂ ਲਭਤਿ ਏવਾ’’ਤਿ વੁਤ੍ਤਂ, ਤਂ ਸੁਕ੍ਕਪਕ੍ਖੇ ‘‘ਭੁਤ੍ਤਾવਿਨਾ ਕਤਂ ਹੋਤੀ’’ਤਿ ਇਮਿਨਾવ ਸਿਦ੍ਧਂ, ਤਸ੍ਮਿਂ ਪਕ੍ਖੇ ਅਤ੍ਤਨੋ ਸਤ੍ਤਙ੍ਗਾਨਿ ਨ ਪੂਰੇਨ੍ਤਿ, ਕਣ੍ਹਪਕ੍ਖੇ ਪਟਿਭਾਗੇਨ ਸਤ੍ਤ વੁਤ੍ਤਾਨੀਤਿ વੇਦਿਤਬ੍ਬਂ। ਭੁਤ੍ਤਾવਿਨਾ ਅਪ੍ਪવਾਰਿਤੇਨ ਆਸਨਾ વੁਟ੍ਠਿਤੇਨ, ਅવੁਟ੍ਠਿਤੇਨ વਾ ਕਤਂ ਹੋਤਿ, વਟ੍ਟਤਿ। ‘‘ਪવਾਰਿਤੇਨ ਆਸਨਾ ਅવੁਟ੍ਠਿਤੇਨੇવਾ’’ਤਿ ਇਮਂ ਪਨ ਅਤ੍ਥવਿਕਪ੍ਪਂ ਦੀਪੇਤੁਂ ‘‘ਸਤ੍ਤਙ੍ਗਾਨਿ વੁਤ੍ਤਾਨੀ’’ਤਿਪਿ વਤ੍ਤੁਂ વਟ੍ਟਤਿ। ਸੋ ਪੁਨ ਕਾਤੁਂ ਨ ਲਭਤਿ ਪਠਮਂ ਕਤਸ੍ਸ ਪੁਨ ਤੇਨੇવ ਕਤ੍ਤਬ੍ਬਪ੍ਪਸਙ੍ਗਤੋ। ਯਞ੍ਚ ਅਕਤਂ, ਤਂ ਕਤ੍ਤਬ੍ਬਨ੍ਤਿ ਹਿ વੁਤ੍ਤਂ। ਅਥ ਸੋવ ਪਠਮੋ ਪੁਨ ਕਤ੍ਤੁਕਾਮੋ ਹੋਤਿ, ਅਞ੍ਞਸ੍ਮਿਂ ਭਾਜਨੇ ਪੁਬ੍ਬੇ ਅਕਤਂ ਕਾਤੁਂ ਲਭਤਿ। ਦੁਤਿਯੋ ਪਠਮਭਾਜਨੇਪਿ ਕਾਤੁਂ ਲਭਤਿ। ‘‘ਯੇਨ ਅਕਤਂ, ਤੇਨ ਕਾਤਬ੍ਬ’’ਨ੍ਤਿ ਹਿ વੁਤ੍ਤਂ। ਇਮਮੇવਤ੍ਥਂ ਸਨ੍ਧਾਯ ‘‘ਯੇਨ ਯਂ ਪਠਮਂ ਕਪ੍ਪਿਯਂ ਕਤਂ, ਤਮੇવ ਸੋ ਪੁਨ ਕਾਤੁਂ ਨ ਲਭਤਿ, ਅਞ੍ਞੇਨ ਕਾਤਬ੍ਬ’’ਨ੍ਤਿ ਲਿਖਿਤਂ। ਤਤ੍ਥ ਤਨ੍ਤਿ ਤਂ ਪਠਮਂ ਕਤਨ੍ਤਿ ਅਤ੍ਥੋ। ਪੇਸੇਤ੍વਾ ਕਾਰੇਤਬ੍ਬਨ੍ਤਿ ਏਤ੍ਥ ਅਨੁਪਸਮ੍ਪਨ੍ਨੋ ਚੇ ਗਤੋ, ਤਤ੍ਰਟ੍ਠੇਨ ਏਕੇਨ ਭਿਕ੍ਖੁਨਾ ਪਟਿਗ੍ਗਾਹੇਤ੍વਾ ਅਪਰੇਨ ਕਾਰੇਤਬ੍ਬਨ੍ਤਿ ਤਤ੍ਥ ਏਕੋવ ਏવਮੇવ ਕਾਤੁਂ ਨ ਲਭਤੀਤਿ। ‘‘ਯਂ ਕਿਞ੍ਚਿ ਗਿਲਾਨਂ ਉਦ੍ਦਿਸ੍ਸਾ’ਤਿਆਦਿવਚਨਤੋ વਿਹਾਰਾਦੀਸੁ ਗਿਲਾਨਸ੍ਸ ਪਾਪੁਣਨਕੋਟ੍ਠਾਸਮ੍ਪਿ ਗਿਲਾਨਾਤਿਰਿਤ੍ਤਂ ਨਾਮ, ਤਸ੍ਮਾ વਟ੍ਟਤੀ’’ਤਿ વਦਨ੍ਤਿ। ਆਹਾਰਤ੍ਥਾਯਾਤਿ વਿਕਾਲੇ ਏવਾਤਿ ਏਕੇ।
Akappiyakatanti ettha ‘‘kappiyaṃ akārāpitehi kadalipphalādīhi saddhiṃ atirittaṃ kappiyaṃ kārāpetvāpi taṃ kadalipphalādiṃ ṭhapetvā avasesaṃ bhuñjituṃ vaṭṭati. Amissakarasattā puna tāni kappiyaṃ kārāpetvā aññasmiṃ bhājane ṭhapetvā atirittaṃ kāretvā bhuñjituṃ vaṭṭati. Kasmā? Pubbe tesu vinayakammassa anāruḷhattā’’ti vadanti. ‘‘Bhuttāvinā ca pavāritena āsanā vuṭṭhitena kata’’nti vacanato bhuttāvinā appavāritena āsanā vuṭṭhitena kattabbanti siddhaṃ, tasmā ‘‘pātova addhānaṃ gacchantesu dvīsu eko pavārito avuṭṭhito tattha nisīdati, so itarena piṇḍāya caritvā laddhaṃ bhikkhaṃ attanā abhutvāpi ‘alametaṃ sabba’nti kātuṃ labhati evā’’ti vuttaṃ, taṃ sukkapakkhe ‘‘bhuttāvinā kataṃ hotī’’ti imināva siddhaṃ, tasmiṃ pakkhe attano sattaṅgāni na pūrenti, kaṇhapakkhe paṭibhāgena satta vuttānīti veditabbaṃ. Bhuttāvinā appavāritena āsanā vuṭṭhitena, avuṭṭhitena vā kataṃ hoti, vaṭṭati. ‘‘Pavāritena āsanā avuṭṭhitenevā’’ti imaṃ pana atthavikappaṃ dīpetuṃ ‘‘sattaṅgāni vuttānī’’tipi vattuṃ vaṭṭati. So puna kātuṃ na labhati paṭhamaṃ katassa puna teneva kattabbappasaṅgato. Yañca akataṃ, taṃ kattabbanti hi vuttaṃ. Atha sova paṭhamo puna kattukāmo hoti, aññasmiṃ bhājane pubbe akataṃ kātuṃ labhati. Dutiyo paṭhamabhājanepi kātuṃ labhati. ‘‘Yena akataṃ, tena kātabba’’nti hi vuttaṃ. Imamevatthaṃ sandhāya ‘‘yena yaṃ paṭhamaṃ kappiyaṃ kataṃ, tameva so puna kātuṃ na labhati, aññena kātabba’’nti likhitaṃ. Tattha tanti taṃ paṭhamaṃ katanti attho. Pesetvā kāretabbanti ettha anupasampanno ce gato, tatraṭṭhena ekena bhikkhunā paṭiggāhetvā aparena kāretabbanti tattha ekova evameva kātuṃ na labhatīti. ‘‘Yaṃ kiñci gilānaṃ uddissā’tiādivacanato vihārādīsu gilānassa pāpuṇanakoṭṭhāsampi gilānātirittaṃ nāma, tasmā vaṭṭatī’’ti vadanti. Āhāratthāyāti vikāle evāti eke.
੨੪੧. ਕਾਯਕਮ੍ਮਂ ਅਜ੍ਝੋਹਰਣਤੋ। વਚੀਕਮ੍ਮਂ વਾਚਾਯ ‘‘ਅਤਿਰਿਤ੍ਤਂ ਕਰੋਥ ਭਨ੍ਤੇ’’ਤਿ ਅਕਾਰਾਪਨੇਨਾਤਿ વੇਦਿਤਬ੍ਬਂ।
241. Kāyakammaṃ ajjhoharaṇato. Vacīkammaṃ vācāya ‘‘atirittaṃ karotha bhante’’ti akārāpanenāti veditabbaṃ.
ਪਠਮਪવਾਰਣਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paṭhamapavāraṇasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਭੋਜਨવਗ੍ਗੋ • 4. Bhojanavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੫. ਪਠਮਪવਾਰਣਸਿਕ੍ਖਾਪਦવਣ੍ਣਨਾ • 5. Paṭhamapavāraṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੫. ਪਠਮਪવਾਰਣਾਸਿਕ੍ਖਾਪਦવਣ੍ਣਨਾ • 5. Paṭhamapavāraṇāsikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੫. ਪਠਮਪવਾਰਣਾਸਿਕ੍ਖਾਪਦવਣ੍ਣਨਾ • 5. Paṭhamapavāraṇāsikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫. ਪਠਮਪવਾਰਣਸਿਕ੍ਖਾਪਦਂ • 5. Paṭhamapavāraṇasikkhāpadaṃ
