| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. батамабуб̣б̣аараамасуд̇д̇ам̣
5. Paṭhamapubbārāmasuttaṃ
515. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. д̇ад̇ра ко бхаг̇аваа бхигкуу ааманд̇зси – ‘‘гад̇инам̣ ну ко, бхигкавз, инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа кийн̣аасаво бхигку ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и?
515. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Tatra kho bhagavā bhikkhū āmantesi – ‘‘katinaṃ nu kho, bhikkhave, indriyānaṃ bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti?
бхаг̇авам̣муулагаа но, бханд̇з, д̇хаммаа…бз… ‘‘згасса ко, бхигкавз, инд̣̇рияасса бхаавид̇ад̇д̇аа б̣ахулийгад̇ад̇д̇аа кийн̣аасаво бхигку ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамийд̇и. гад̇амасса згасса бан̃н̃инд̣̇рияасса бан̃н̃авад̇о , бхигкавз, арияасаавагасса д̇ад̣̇анваяаа сад̣̇д̇хаа сан̣таад̇и, д̇ад̣̇анваяам̣ вийрияам̣ сан̣таад̇и, д̇ад̣̇анваяаа сад̇и сан̣таад̇и, д̇ад̣̇анваяо самаад̇хи сан̣таад̇и. имасса ко, бхигкавз, згасса инд̣̇рияасса бхаавид̇ад̇д̇аа б̣ахулийгад̇ад̇д̇аа кийн̣аасаво бхигку ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и. бан̃жамам̣.
Bhagavaṃmūlakā no, bhante, dhammā…pe… ‘‘ekassa kho, bhikkhave, indriyassa bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmīti. Katamassa ekassa paññindriyassa paññavato , bhikkhave, ariyasāvakassa tadanvayā saddhā saṇṭhāti, tadanvayaṃ vīriyaṃ saṇṭhāti, tadanvayā sati saṇṭhāti, tadanvayo samādhi saṇṭhāti. Imassa kho, bhikkhave, ekassa indriyassa bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. батамабуб̣б̣аараамасуд̇д̇аван̣н̣анаа • 5. Paṭhamapubbārāmasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. батамабуб̣б̣аараамасуд̇д̇аван̣н̣анаа • 5. Paṭhamapubbārāmasuttavaṇṇanā
