1. батамабуб̣б̣зсамб̣од̇хасуд̇д̇ам̣

1. Paṭhamapubbesambodhasuttaṃ

13. саавад̇т̇инид̣̇аанам̣ . ‘‘буб̣б̣зва мз, бхигкавз, самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о зд̇ад̣̇ахоси – ‘го ну ко жагкусса ассаад̣̇о, го аад̣̇ийнаво, гим̣ ниссаран̣ам̣? го сод̇асса…бз… го гхаанасса… го ж̇ивхааяа… го гааяасса… го манасса ассаад̣̇о, го аад̣̇ийнаво, гим̣ ниссаран̣а’нд̇и? д̇асса маяхам̣, бхигкавз, зд̇ад̣̇ахоси – ‘яам̣ ко жагкум̣ бадижжа уббаж̇ж̇ад̇и сукам̣ соманассам̣, аяам̣ жагкусса ассаад̣̇о. яам̣ жагкум̣ анижжам̣ д̣̇угкам̣ вибарин̣аамад̇хаммам̣, аяам̣ жагкусса аад̣̇ийнаво. яо жагкусмим̣ чанд̣̇арааг̇авинаяо чанд̣̇арааг̇аббахаанам̣, ид̣̇ам̣ жагкусса ниссаран̣ам̣. яам̣ сод̇ам̣…бз… яам̣ гхаанам̣…бз… яам̣ ж̇ивхам̣ бадижжа уббаж̇ж̇ад̇и сукам̣ соманассам̣, аяам̣ ж̇ивхааяа ассаад̣̇о. яам̣ ¹ ж̇ивхаа анижжаа д̣̇угкаа вибарин̣аамад̇хаммаа, аяам̣ ж̇ивхааяа аад̣̇ийнаво. яо ж̇ивхааяа чанд̣̇арааг̇авинаяо чанд̣̇арааг̇аббахаанам̣, ид̣̇ам̣ ж̇ивхааяа ниссаран̣ам̣. яам̣ гааяам̣…бз… яам̣ манам̣ бадижжа уббаж̇ж̇ад̇и сукам̣ соманассам̣, аяам̣ манасса ассаад̣̇о. яам̣ ² мано анижжо д̣̇угко вибарин̣аамад̇хаммо, аяам̣ манасса аад̣̇ийнаво. яо манасмим̣ чанд̣̇арааг̇авинаяо чанд̣̇арааг̇аббахаанам̣, ид̣̇ам̣ манасса ниссаран̣а’’’нд̇и.

13. Sāvatthinidānaṃ . ‘‘Pubbeva me, bhikkhave, sambodhā anabhisambuddhassa bodhisattasseva sato etadahosi – ‘ko nu kho cakkhussa assādo, ko ādīnavo, kiṃ nissaraṇaṃ? Ko sotassa…pe… ko ghānassa… ko jivhāya… ko kāyassa… ko manassa assādo, ko ādīnavo, kiṃ nissaraṇa’nti? Tassa mayhaṃ, bhikkhave, etadahosi – ‘yaṃ kho cakkhuṃ paṭicca uppajjati sukhaṃ somanassaṃ, ayaṃ cakkhussa assādo. Yaṃ cakkhuṃ aniccaṃ dukkhaṃ vipariṇāmadhammaṃ, ayaṃ cakkhussa ādīnavo. Yo cakkhusmiṃ chandarāgavinayo chandarāgappahānaṃ, idaṃ cakkhussa nissaraṇaṃ. Yaṃ sotaṃ…pe… yaṃ ghānaṃ…pe… yaṃ jivhaṃ paṭicca uppajjati sukhaṃ somanassaṃ, ayaṃ jivhāya assādo. Yaṃ ³ jivhā aniccā dukkhā vipariṇāmadhammā, ayaṃ jivhāya ādīnavo. Yo jivhāya chandarāgavinayo chandarāgappahānaṃ, idaṃ jivhāya nissaraṇaṃ. Yaṃ kāyaṃ…pe… yaṃ manaṃ paṭicca uppajjati sukhaṃ somanassaṃ, ayaṃ manassa assādo. Yaṃ ⁴ mano anicco dukkho vipariṇāmadhammo, ayaṃ manassa ādīnavo. Yo manasmiṃ chandarāgavinayo chandarāgappahānaṃ, idaṃ manassa nissaraṇa’’’nti.

‘‘яаавагийван̃жаахам̣, бхигкавз, имзсам̣ чаннам̣ аж̇жхад̇д̇игаанам̣ ааяад̇анаанам̣ звам̣ ассаад̣̇ан̃жа ассаад̣̇ад̇о, аад̣̇ийнаван̃жа аад̣̇ийнавад̇о, ниссаран̣ан̃жа ниссаран̣ад̇о яат̇аабхууд̇ам̣ нааб̣бхан̃н̃аасим̣, нзва д̇ааваахам̣, бхигкавз, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ‘ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и ⁵ бажжан̃н̃аасим̣. яад̇о жа кваахам̣, бхигкавз, имзсам̣ чаннам̣ аж̇жхад̇д̇игаанам̣ ааяад̇анаанам̣ звам̣ ассаад̣̇ан̃жа ассаад̣̇ад̇о, аад̣̇ийнаван̃жа аад̣̇ийнавад̇о, ниссаран̣ан̃жа ниссаран̣ад̇о яат̇аабхууд̇ам̣ аб̣бхан̃н̃аасим̣, ат̇аахам̣, бхигкавз, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ‘ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и бажжан̃н̃аасим̣. н̃аан̣ан̃жа бана мз д̣̇ассанам̣ уд̣̇абаад̣̇и – ‘агуббаа мз вимуд̇д̇и ⁶, аяаманд̇имаа ж̇аад̇и, над̇т̇и д̣̇аани бунаб̣бхаво’’’д̇и. батамам̣.

‘‘Yāvakīvañcāhaṃ, bhikkhave, imesaṃ channaṃ ajjhattikānaṃ āyatanānaṃ evaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ nābbhaññāsiṃ, neva tāvāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṃ sammāsambodhiṃ abhisambuddho’ti ⁷ paccaññāsiṃ. Yato ca khvāhaṃ, bhikkhave, imesaṃ channaṃ ajjhattikānaṃ āyatanānaṃ evaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ abbhaññāsiṃ, athāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṃ sammāsambodhiṃ abhisambuddho’ti paccaññāsiṃ. Ñāṇañca pana me dassanaṃ udapādi – ‘akuppā me vimutti ⁸, ayamantimā jāti, natthi dāni punabbhavo’’’ti. Paṭhamaṃ.

Next: 2. д̣̇уд̇ияабуб̣б̣зсамб̣од̇хасуд̇д̇ам̣ • 2. Dutiyapubbesambodhasuttaṃ

Footnotes:

1. яаа (сий. сяаа. гам̣. бий.)

2. яо (сий. сяаа. гам̣. га.)

3. yā (sī. syā. kaṃ. pī.)

4. yo (sī. syā. kaṃ. ka.)

5. саб̣б̣ад̇т̇ааби звамзва ид̇исад̣̇д̣̇зна саха д̣̇иссад̇и

6. жзд̇овимуд̇д̇и (сий. бий. га.) звамубариби

7. sabbatthāpi evameva itisaddena saha dissati

8. cetovimutti (sī. pī. ka.) evamuparipi

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-4. батамабуб̣б̣зсамб̣од̇хасуд̇д̇аад̣̇иван̣н̣анаа • 1-4. Paṭhamapubbesambodhasuttādivaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-4. батамабуб̣б̣зсамб̣од̇хасуд̇д̇аад̣̇иван̣н̣анаа • 1-4. Paṭhamapubbesambodhasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact