| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭. ਪਠਮਸਮਯਸੁਤ੍ਤવਣ੍ਣਨਾ
7. Paṭhamasamayasuttavaṇṇanā
੨੭. ਸਤ੍ਤਮੇ વਡ੍ਢੇਤੀਤਿ ਮਨਸੋ વਿવਟ੍ਟਨਿਸ੍ਸਿਤਂ વਡ੍ਢਿਂ ਆવਹਤਿ। ਮਨੋਭਾવਨੀਯੋਤਿ વਾ ਮਨਸਾ ਭਾવਿਤੋ ਸਮ੍ਭਾવਿਤੋ। ਯਞ੍ਚ ਆવਜ੍ਜਤੋ ਮਨਸਿ ਕਰੋਤੋ ਚਿਤ੍ਤਂ વਿਨੀવਰਣਂ ਹੋਤਿ। ਇਮਸ੍ਮਿਂ ਪਕ੍ਖੇ ਕਮ੍ਮਸਾਧਨੋ ਸਮ੍ਭਾવਨਤ੍ਥੋ ਭਾવਨੀਯ-ਸਦ੍ਦੋ। ‘‘ਥਿਨਮਿਦ੍ਧવਿਨੋਦਨਕਮ੍ਮਟ੍ਠਾਨ’’ਨ੍ਤਿ વਤ੍વਾ ਤਦੇવ વਿਭਾવੇਨ੍ਤੋ ‘‘ਆਲੋਕਸਞ੍ਞਂ વਾ’’ਤਿਆਦਿਮਾਹ। વੀਰਿਯਾਰਮ੍ਭવਤ੍ਥੁਆਦੀਨਂ વਾਤਿ ਏਤ੍ਥ ਆਦਿ-ਸਦ੍ਦੇਨ ਇਧ ਅવੁਤ੍ਤਾਨਂ ਅਤਿਭੋਜਨੇ ਨਿਮਿਤ੍ਤਗ੍ਗਾਹਾਦੀਨਂ ਸਙ੍ਗਹੋ ਦਟ੍ਠਬ੍ਬੋ। વੁਤ੍ਤਞ੍ਹੇਤਂ ‘‘ਛ ਧਮ੍ਮਾ ਥਿਨਮਿਦ੍ਧਸ੍ਸ ਪਹਾਨਾਯ ਸਂવਤ੍ਤਨ੍ਤਿ ਅਤਿਭੋਜਨੇ ਨਿਮਿਤ੍ਤਗ੍ਗਾਹੋ, ਇਰਿਯਾਪਥਸਮ੍ਪਰਿવਤ੍ਤਨਤਾ, ਆਲੋਕਸਞ੍ਞਾਮਨਸਿਕਾਰੋ, ਅਬ੍ਭੋਕਾਸવਾਸੋ, ਕਲ੍ਯਾਣਮਿਤ੍ਤਤਾ, ਸਪ੍ਪਾਯਕਥਾ’’ਤਿ (ਇਤਿવੁ॰ ਅਟ੍ਠ॰ ੧੧੧)। ਅਨ੍ਤਰਾਯਸਦ੍ਦਪਰਿਯਾਯੋ ਇਧ ਅਨ੍ਤਰਾ-ਸਦ੍ਦੋਤਿ ਆਹ ‘‘ਅਨਨ੍ਤਰਾਯੇਨਾ’’ਤਿ।
27. Sattame vaḍḍhetīti manaso vivaṭṭanissitaṃ vaḍḍhiṃ āvahati. Manobhāvanīyoti vā manasā bhāvito sambhāvito. Yañca āvajjato manasi karoto cittaṃ vinīvaraṇaṃ hoti. Imasmiṃ pakkhe kammasādhano sambhāvanattho bhāvanīya-saddo. ‘‘Thinamiddhavinodanakammaṭṭhāna’’nti vatvā tadeva vibhāvento ‘‘ālokasaññaṃ vā’’tiādimāha. Vīriyārambhavatthuādīnaṃ vāti ettha ādi-saddena idha avuttānaṃ atibhojane nimittaggāhādīnaṃ saṅgaho daṭṭhabbo. Vuttañhetaṃ ‘‘cha dhammā thinamiddhassa pahānāya saṃvattanti atibhojane nimittaggāho, iriyāpathasamparivattanatā, ālokasaññāmanasikāro, abbhokāsavāso, kalyāṇamittatā, sappāyakathā’’ti (itivu. aṭṭha. 111). Antarāyasaddapariyāyo idha antarā-saddoti āha ‘‘anantarāyenā’’ti.
ਪਠਮਸਮਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Paṭhamasamayasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਪਠਮਸਮਯਸੁਤ੍ਤਂ • 7. Paṭhamasamayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਪਠਮਸਮਯਸੁਤ੍ਤવਣ੍ਣਨਾ • 7. Paṭhamasamayasuttavaṇṇanā
