| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
6. батамасзкасуд̇д̇аван̣н̣анаа
6. Paṭhamasekhasuttavaṇṇanā
16. чадтз сзкассаад̇и зд̇т̇а гзнадтзна сзко? сзгкад̇хаммабадилаабхад̇о сзко. вуд̇д̇ан̃хзд̇ам̣ –
16. Chaṭṭhe sekhassāti ettha kenaṭṭhena sekho? Sekkhadhammapaṭilābhato sekho. Vuttañhetaṃ –
‘‘гид̇д̇аавад̇аа ну ко, бханд̇з, сзко ход̇ийд̇и? ид̇ха, бхигку, сзкааяа саммаад̣̇идтияаа саманнааг̇ад̇о ход̇и…бз… сзкзна саммаасамаад̇хинаа саманнааг̇ад̇о ход̇и. зд̇д̇аавад̇аа ко, бхигку, сзко ход̇ий’’д̇и (сам̣. ни. 5.13).
‘‘Kittāvatā nu kho, bhante, sekho hotīti? Idha, bhikkhu, sekhāya sammādiṭṭhiyā samannāgato hoti…pe… sekhena sammāsamādhinā samannāgato hoti. Ettāvatā kho, bhikkhu, sekho hotī’’ti (saṃ. ni. 5.13).
абижа сигкад̇ийд̇и сзко. вуд̇д̇амби жзд̇ам̣ –
Apica sikkhatīti sekho. Vuttampi cetaṃ –
‘‘сигкад̇ийд̇и ко, бхигку, д̇асмаа сзкод̇и вужжад̇и. гин̃жа сигкад̇и? ад̇хисийламби сигкад̇и, ад̇хижид̇д̇амби сигкад̇и, ад̇хибан̃н̃амби сигкад̇и. сигкад̇ийд̇и ко, бхигку, д̇асмаа сзкод̇и вужжад̇ий’’д̇и (а. ни. 3.86).
‘‘Sikkhatīti kho, bhikkhu, tasmā sekhoti vuccati. Kiñca sikkhati? Adhisīlampi sikkhati, adhicittampi sikkhati, adhipaññampi sikkhati. Sikkhatīti kho, bhikkhu, tasmā sekhoti vuccatī’’ti (a. ni. 3.86).
яоби галяаан̣абут̇уж̇ж̇ано ануломаббадибад̣̇ааяа барибуурагаарий сийласамбанно инд̣̇риязсу г̇уд̇д̇ад̣̇вааро бхож̇анз мад̇д̇ан̃н̃уу ж̇ааг̇арияаануяог̇амануяуд̇д̇о буб̣б̣арад̇д̇аабарарад̇д̇ам̣ б̣од̇хибагкияаанам̣ д̇хаммаанам̣ бхааванаануяог̇амануяуд̇д̇о вихарад̇и – ‘‘аж̇ж̇а ваа свз ваа ан̃н̃ад̇арам̣ сааман̃н̃апалам̣ ад̇хиг̇амиссаамий’’д̇и, соби вужжад̇и сигкад̇ийд̇и сзкод̇и. имасмим̣ ад̇т̇з на бадивиж̇жханд̇ова сзко ад̇хиббзд̇о, ат̇а ко галяаан̣абут̇уж̇ж̇аноби. аббад̇д̇ам̣ маанасам̣ зд̇знаад̇и аббад̇д̇амаанасо. маанасанд̇и ‘‘анд̇алигкажаро баасо, явааяам̣ жарад̇и маанасо’’д̇и (сам̣. ни. 1.151; махаава. 33) зд̇т̇а рааг̇о маанасанд̇и вуд̇д̇о. ‘‘жид̇д̇ам̣ мано маанаса’’нд̇и (д̇ха. са. 63, 65) зд̇т̇а жид̇д̇ам̣. ‘‘аббад̇д̇амаанасо сзко, гаалам̣ гаяираа ж̇анз суд̇аа’’д̇и (сам̣. ни. 1.159) зд̇т̇а арахад̇д̇ам̣. ид̇хааби арахад̇д̇амзва ад̇хиббзд̇ам̣. д̇зна аббад̇д̇аарахад̇д̇ассаад̇и вуд̇д̇ам̣ ход̇и.
Yopi kalyāṇaputhujjano anulomappaṭipadāya paripūrakārī sīlasampanno indriyesu guttadvāro bhojane mattaññū jāgariyānuyogamanuyutto pubbarattāpararattaṃ bodhipakkhiyānaṃ dhammānaṃ bhāvanānuyogamanuyutto viharati – ‘‘ajja vā sve vā aññataraṃ sāmaññaphalaṃ adhigamissāmī’’ti, sopi vuccati sikkhatīti sekhoti. Imasmiṃ atthe na paṭivijjhantova sekho adhippeto, atha kho kalyāṇaputhujjanopi. Appattaṃ mānasaṃ etenāti appattamānaso. Mānasanti ‘‘antalikkhacaro pāso, yvāyaṃ carati mānaso’’ti (saṃ. ni. 1.151; mahāva. 33) ettha rāgo mānasanti vutto. ‘‘Cittaṃ mano mānasa’’nti (dha. sa. 63, 65) ettha cittaṃ. ‘‘Appattamānaso sekho, kālaṃ kayirā jane sutā’’ti (saṃ. ni. 1.159) ettha arahattaṃ. Idhāpi arahattameva adhippetaṃ. Tena appattaarahattassāti vuttaṃ hoti.
ануд̇д̇аранд̇и сздтам̣, асад̣̇исанд̇и ад̇т̇о. жад̇уухи яог̇зхи кзмам̣ анубад̣̇д̣̇уд̇анд̇и яог̇агкзмам̣, арахад̇д̇амзва ад̇хиббзд̇ам̣. бад̇т̇аяамаанассаад̇и д̣̇вз бад̇т̇анаа д̇ан̣хаабад̇т̇анаа, гусалажчанд̣̇абад̇т̇анаа жа. ‘‘бад̇т̇аяамаанасса хи ж̇аббид̇аани, бавзд̇хид̇ам̣ вааби багаббид̇зсуу’’д̇и (су. ни. 908; махаани. 137) зд̇т̇а д̇ан̣хаабад̇т̇анаа.
Anuttaranti seṭṭhaṃ, asadisanti attho. Catūhi yogehi khemaṃ anupaddutanti yogakkhemaṃ, arahattameva adhippetaṃ. Patthayamānassāti dve patthanā taṇhāpatthanā, kusalacchandapatthanā ca. ‘‘Patthayamānassa hi jappitāni, pavedhitaṃ vāpi pakappitesū’’ti (su. ni. 908; mahāni. 137) ettha taṇhāpatthanā.
‘‘чиннам̣ баабимад̇о сод̇ам̣, вид̣̇д̇хасд̇ам̣ винал̣ийгад̇ам̣;
‘‘Chinnaṃ pāpimato sotaṃ, viddhastaṃ vinaḷīkataṃ;
баамож̇ж̇аб̣ахулаа хот̇а, кзмам̣ бад̇т̇зт̇а бхигкаво’’д̇и. (ма. ни. 1.352);
Pāmojjabahulā hotha, khemaṃ patthetha bhikkhavo’’ti. (ma. ni. 1.352);
зд̇т̇а гад̇д̇угамяад̇аагусалажчанд̣̇абад̇т̇анаа, аяамзва ид̇хаад̇хиббзд̇аа. д̇зна бад̇т̇аяамаанассаад̇и д̇ам̣ яог̇агкзмам̣ г̇анд̇угаамасса д̇анниннасса д̇аббон̣асса д̇аббаб̣бхаарассаад̇и ад̇т̇о. вихарад̇од̇и згам̣ ирияаабат̇ад̣̇угкам̣ ан̃н̃зна ирияаабат̇зна вижчинд̣̇ид̇ваа абарибад̇анд̇ам̣ ад̇д̇абхаавам̣ харад̇о. ат̇а ваа ‘‘саб̣б̣з сан̇каараа анижжаад̇и ад̇химужжанд̇о сад̣̇д̇хааяа вихарад̇ий’’д̇иаад̣̇инаа нид̣̇д̣̇зсанаязна жзд̇т̇а ад̇т̇о д̣̇адтаб̣б̣о. аж̇жхад̇д̇иганд̇и нияагаж̇жхад̇д̇асан̇каад̇з аж̇жхад̇д̇з бхавам̣ аж̇жхад̇д̇игам̣. ан̇г̇анд̇и гааран̣ам̣. ид̇и гарид̇ваад̇и звам̣ гад̇ваа. на ан̃н̃ам̣ зган̇г̇амби саманубассаамийд̇и зд̇т̇а аяам̣ сан̇кзбад̇т̇о – бхигкавз, аж̇жхад̇д̇ам̣ ад̇д̇ано санд̇аанз самудтид̇ам̣ гааран̣анд̇и гад̇ваа ан̃н̃ам̣ згагааран̣амби на саманубассаами яам̣ звам̣ б̣ахуубагаарам̣, яат̇аяид̣̇ам̣ яонисо манасигаарод̇и убааяаманасигааро, бат̇аманасигааро, анижжаад̣̇ийсу анижжаад̣̇инаязнзва манасигааро, анижжаануломигзна ваа жид̇д̇асса аавадданаа анваавадданаа аабхог̇о саманнаахааро манасигааро. аяам̣ яонисо манасигааро.
Ettha kattukamyatākusalacchandapatthanā, ayameva idhādhippetā. Tena patthayamānassāti taṃ yogakkhemaṃ gantukāmassa tanninnassa tappoṇassa tappabbhārassāti attho. Viharatoti ekaṃ iriyāpathadukkhaṃ aññena iriyāpathena vicchinditvā aparipatantaṃ attabhāvaṃ harato. Atha vā ‘‘sabbe saṅkhārā aniccāti adhimuccanto saddhāya viharatī’’tiādinā niddesanayena cettha attho daṭṭhabbo. Ajjhattikanti niyakajjhattasaṅkhāte ajjhatte bhavaṃ ajjhattikaṃ. Aṅganti kāraṇaṃ. Iti karitvāti evaṃ katvā. Na aññaṃ ekaṅgampi samanupassāmīti ettha ayaṃ saṅkhepattho – bhikkhave, ajjhattaṃ attano santāne samuṭṭhitaṃ kāraṇanti katvā aññaṃ ekakāraṇampi na samanupassāmi yaṃ evaṃ bahūpakāraṃ, yathayidaṃ yoniso manasikāroti upāyamanasikāro, pathamanasikāro, aniccādīsu aniccādinayeneva manasikāro, aniccānulomikena vā cittassa āvaṭṭanā anvāvaṭṭanā ābhogo samannāhāro manasikāro. Ayaṃ yoniso manasikāro.
ид̣̇аани яонисо манасигаарасса аанубхаавам̣ д̣̇ассзд̇ум̣ ‘‘яонисо, бхигкавз, бхигку манаси гаронд̇о агусалам̣ баж̇ахад̇и, гусалам̣ бхаавзд̇ий’’д̇и вуд̇д̇ам̣. д̇ад̇т̇а яонисо манаси гаронд̇од̇и ‘‘ид̣̇ам̣ д̣̇угкам̣ арияасажжам̣, аяам̣ д̣̇угкасамуд̣̇аяо арияасажжам̣, аяам̣ д̣̇угканирод̇хо арияасажжам̣, аяам̣ д̣̇угканирод̇хаг̇ааминий бадибад̣̇аа арияасажжа’’нд̇и жад̇уусу арияасажжзсу яонисо манасигаарам̣ бавад̇д̇знд̇о.
Idāni yoniso manasikārassa ānubhāvaṃ dassetuṃ ‘‘yoniso, bhikkhave, bhikkhu manasi karonto akusalaṃ pajahati, kusalaṃ bhāvetī’’ti vuttaṃ. Tattha yoniso manasi karontoti ‘‘idaṃ dukkhaṃ ariyasaccaṃ, ayaṃ dukkhasamudayo ariyasaccaṃ, ayaṃ dukkhanirodho ariyasaccaṃ, ayaṃ dukkhanirodhagāminī paṭipadā ariyasacca’’nti catūsu ariyasaccesu yoniso manasikāraṃ pavattento.
д̇ад̇рааяам̣ ад̇т̇авибхааванаа – яад̣̇иби ид̣̇ам̣ суд̇д̇ам̣ ависзсзна сзгкабуг̇г̇алавасзна ааг̇ад̇ам̣, жад̇умаг̇г̇асаад̇хааран̣авасзна бана сан̇кзбзнзва гаммадтаанам̣ гат̇аяиссаама. яо жад̇усажжагаммадтааниго яог̇ааважаро ‘‘д̇ан̣хааваж̇ж̇аа д̇збхуумагаа канд̇хаа д̣̇угкам̣, д̇ан̣хаа самуд̣̇аяо, убхиннам̣ аббавад̇д̇и нирод̇хо, нирод̇хасамбаабаго маг̇г̇о’’д̇и звам̣ буб̣б̣з зва аажарияасанд̇игз уг̇г̇ахид̇ажад̇усажжагаммадтаано. со абарзна самаязна вибассанаамаг̇г̇ам̣ самаарул̣хо самаано д̇збхуумагз канд̇хз ‘‘ид̣̇ам̣ д̣̇угка’’нд̇и яонисо манаси гарод̇и, убааязна бат̇зна саманнаахарад̇и жзва вибассад̇и жа. вибассанаа хи ид̇ха манасигаарасийсзна вуд̇д̇аа. яаа банааяам̣ д̇асса д̣̇угкасса самудтаабигаа буримабхавигаа д̇ан̣хаа, аяам̣ д̣̇угкасамуд̣̇аяод̇и яонисо манаси гарод̇и. яасмаа бана ид̣̇ам̣ д̣̇угкам̣, аяан̃жа самуд̣̇аяо ид̣̇ам̣ таанам̣ бад̇ваа нируж̇жханд̇и на бавад̇д̇анд̇и, д̇асмаа яад̣̇ид̣̇ам̣ ниб̣б̣аанам̣ наама , аяам̣ д̣̇угканирод̇ход̇и яонисо манаси гарод̇и. нирод̇хасамбаабагам̣ адтан̇г̇игам̣ маг̇г̇ам̣, ‘‘аяам̣ д̣̇угканирод̇хаг̇ааминий бадибад̣̇аа’’д̇и яонисо манаси гарод̇и, убааязна бат̇зна саманнаахарад̇и жзва вибассад̇и жа.
Tatrāyaṃ atthavibhāvanā – yadipi idaṃ suttaṃ avisesena sekkhapuggalavasena āgataṃ, catumaggasādhāraṇavasena pana saṅkhepeneva kammaṭṭhānaṃ kathayissāma. Yo catusaccakammaṭṭhāniko yogāvacaro ‘‘taṇhāvajjā tebhūmakā khandhā dukkhaṃ, taṇhā samudayo, ubhinnaṃ appavatti nirodho, nirodhasampāpako maggo’’ti evaṃ pubbe eva ācariyasantike uggahitacatusaccakammaṭṭhāno. So aparena samayena vipassanāmaggaṃ samāruḷho samāno tebhūmake khandhe ‘‘idaṃ dukkha’’nti yoniso manasi karoti, upāyena pathena samannāharati ceva vipassati ca. Vipassanā hi idha manasikārasīsena vuttā. Yā panāyaṃ tassa dukkhassa samuṭṭhāpikā purimabhavikā taṇhā, ayaṃ dukkhasamudayoti yoniso manasi karoti. Yasmā pana idaṃ dukkhaṃ, ayañca samudayo idaṃ ṭhānaṃ patvā nirujjhanti na pavattanti, tasmā yadidaṃ nibbānaṃ nāma , ayaṃ dukkhanirodhoti yoniso manasi karoti. Nirodhasampāpakaṃ aṭṭhaṅgikaṃ maggaṃ, ‘‘ayaṃ dukkhanirodhagāminī paṭipadā’’ti yoniso manasi karoti, upāyena pathena samannāharati ceva vipassati ca.
д̇ад̇рааяам̣ убааяо – абхинивзсо наама канд̇хз ход̇и, на виваддз, д̇асмаа аяамад̇т̇о – ‘‘имасмим̣ гааяз бат̇авийд̇хаад̇у, аабод̇хаад̇уу’’д̇иаад̣̇инаа (д̣̇ий. ни. 2.378) наязна жад̇д̇аари махаабхууд̇аани д̇ад̣̇анусаарзна убаад̣̇ааруубаани жа бариг̇г̇ахзд̇ваа ‘‘аяам̣ руубагканд̇хо’’д̇и вавад̇т̇абзд̇и. д̇ам̣ вавад̇т̇аабаяад̇о уббаннз д̇ад̣̇аарамман̣з жид̇д̇ажзд̇асигад̇хаммз ‘‘имз жад̇д̇ааро аруубагканд̇хаа’’д̇и вавад̇т̇абзд̇и. д̇ад̇о ‘‘имз бан̃жагканд̇хаа д̣̇угка’’нд̇и вавад̇т̇абзд̇и. д̇з бана сан̇кзбад̇о нааман̃жа руубан̃жаад̇и д̣̇вз бхааг̇аа хонд̇и. ид̣̇ан̃жа наамаруубам̣ сахзд̇у саббажжаяам̣ уббаж̇ж̇ад̇и, д̇асса аяам̣ авиж̇ж̇аабхавад̇ан̣хаад̣̇иго хзд̇у, аяам̣ аахаараад̣̇иго бажжаяод̇и хзд̇уббажжаяз вавад̇т̇абзд̇и. со д̇зсам̣ бажжаяаанан̃жа бажжаяуббаннаанан̃жа яаат̇аавасарасалагкан̣ам̣ вавад̇т̇абзд̇ваа ‘‘имз д̇хаммаа ахуд̇ваа бхаванд̇и, худ̇ваа нируж̇жханд̇и, д̇асмаа анижжаа’’д̇и анижжалагкан̣ам̣ ааробзд̇и, ‘‘уд̣̇аяаб̣б̣аяабадибийл̣ид̇ад̇д̇аа д̣̇угкаа’’д̇и д̣̇угкалагкан̣ам̣ ааробзд̇и, ‘‘авасавад̇д̇анад̇о анад̇д̇аа’’д̇и анад̇д̇алагкан̣ам̣ ааробзд̇и.
Tatrāyaṃ upāyo – abhiniveso nāma khandhe hoti, na vivaṭṭe, tasmā ayamattho – ‘‘imasmiṃ kāye pathavīdhātu, āpodhātū’’tiādinā (dī. ni. 2.378) nayena cattāri mahābhūtāni tadanusārena upādārūpāni ca pariggahetvā ‘‘ayaṃ rūpakkhandho’’ti vavatthapeti. Taṃ vavatthāpayato uppanne tadārammaṇe cittacetasikadhamme ‘‘ime cattāro arūpakkhandhā’’ti vavatthapeti. Tato ‘‘ime pañcakkhandhā dukkha’’nti vavatthapeti. Te pana saṅkhepato nāmañca rūpañcāti dve bhāgā honti. Idañca nāmarūpaṃ sahetu sappaccayaṃ uppajjati, tassa ayaṃ avijjābhavataṇhādiko hetu, ayaṃ āhārādiko paccayoti hetuppaccaye vavatthapeti. So tesaṃ paccayānañca paccayuppannānañca yāthāvasarasalakkhaṇaṃ vavatthapetvā ‘‘ime dhammā ahutvā bhavanti, hutvā nirujjhanti, tasmā aniccā’’ti aniccalakkhaṇaṃ āropeti, ‘‘udayabbayapaṭipīḷitattā dukkhā’’ti dukkhalakkhaṇaṃ āropeti, ‘‘avasavattanato anattā’’ti anattalakkhaṇaṃ āropeti.
звам̣ д̇илагкан̣аани ааробзд̇ваа вибассанд̇о уд̣̇аяаб̣б̣аяан̃аан̣уббад̇д̇ияаа уббаннз обхаасаад̣̇игз вибассанубаггилзсз ‘амаг̇г̇о’д̇и уд̣̇аяаб̣б̣аяан̃аан̣амзва ‘‘арияамаг̇г̇асса убааяабхууд̇о буб̣б̣абхааг̇амаг̇г̇о’’д̇и маг̇г̇аамаг̇г̇ам̣ вавад̇т̇абзд̇ваа буна уд̣̇аяаб̣б̣аяан̃аан̣ам̣ бадибаадияаа бхан̇г̇ан̃аан̣аад̣̇ийни жа уббаад̣̇знд̇о сод̇аабад̇д̇имаг̇г̇аад̣̇аяо баабун̣аад̇и. д̇асмим̣ кан̣з жад̇д̇аари сажжаани згаббадивзд̇хзнзва бадивиж̇жхад̇и, згаабхисамаязна абхисамзд̇и. д̇ад̇т̇а д̣̇угкам̣ барин̃н̃аабадивзд̇хзна бадивиж̇жханд̇о, самуд̣̇аяам̣ бахаанаббадивзд̇хзна бадивиж̇жханд̇о саб̣б̣ам̣ агусалам̣ баж̇ахад̇и, нирод̇хам̣ сажчигирияаабадивзд̇хзна бадивиж̇жханд̇о маг̇г̇ам̣ бхааванаабадивзд̇хзна бадивиж̇жханд̇о саб̣б̣ам̣ гусалам̣ бхаавзд̇и. арияамаг̇г̇о хи ниббарияааяад̇о гужчид̇асаланаад̣̇иад̇т̇зна гусало, д̇асмин̃жа бхаавид̇з саб̣б̣зби гусалаа анаваж̇ж̇аб̣од̇хибагкияад̇хаммаа бхааванаабаарибуурим̣ г̇ажчанд̇ийд̇и. звам̣ яонисо манаси гаронд̇о агусалам̣ баж̇ахад̇и, гусалам̣ бхаавзд̇и. д̇ат̇аа хи вуд̇д̇ам̣ – ‘‘ид̣̇ам̣ д̣̇угканд̇и яонисо манаси гарод̇и, аяам̣ д̣̇угкасамуд̣̇аяод̇и яонисо манаси гарод̇ий’’д̇иаад̣̇и (ма. ни. 1.21). абарамби вуд̇д̇ам̣ ‘‘яонисо манасигаарасамбаннассзд̇ам̣, бхигкавз, бхигкуно баадиган̇кам̣ – арияам̣ адтан̇г̇игам̣ маг̇г̇ам̣ бхаавзссад̇и, арияам̣ адтан̇г̇игам̣ маг̇г̇ам̣ б̣ахулийгариссад̇ий’’д̇и (сам̣. ни. 5.55).
Evaṃ tilakkhaṇāni āropetvā vipassanto udayabbayañāṇuppattiyā uppanne obhāsādike vipassanupakkilese ‘amaggo’ti udayabbayañāṇameva ‘‘ariyamaggassa upāyabhūto pubbabhāgamaggo’’ti maggāmaggaṃ vavatthapetvā puna udayabbayañāṇaṃ paṭipāṭiyā bhaṅgañāṇādīni ca uppādento sotāpattimaggādayo pāpuṇāti. Tasmiṃ khaṇe cattāri saccāni ekappaṭivedheneva paṭivijjhati, ekābhisamayena abhisameti. Tattha dukkhaṃ pariññāpaṭivedhena paṭivijjhanto, samudayaṃ pahānappaṭivedhena paṭivijjhanto sabbaṃ akusalaṃ pajahati, nirodhaṃ sacchikiriyāpaṭivedhena paṭivijjhanto maggaṃ bhāvanāpaṭivedhena paṭivijjhanto sabbaṃ kusalaṃ bhāveti. Ariyamaggo hi nippariyāyato kucchitasalanādiatthena kusalo, tasmiñca bhāvite sabbepi kusalā anavajjabodhipakkhiyadhammā bhāvanāpāripūriṃ gacchantīti. Evaṃ yoniso manasi karonto akusalaṃ pajahati, kusalaṃ bhāveti. Tathā hi vuttaṃ – ‘‘idaṃ dukkhanti yoniso manasi karoti, ayaṃ dukkhasamudayoti yoniso manasi karotī’’tiādi (ma. ni. 1.21). Aparampi vuttaṃ ‘‘yoniso manasikārasampannassetaṃ, bhikkhave, bhikkhuno pāṭikaṅkhaṃ – ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissatī’’ti (saṃ. ni. 5.55).
яонисо манасигаарод̇и г̇аат̇ааяа аяам̣ сан̇кзбад̇т̇о – сигкад̇и, сигкаабад̣̇аани д̇асса ад̇т̇и, сигканасийлод̇и ваа сзко. сам̣саарз бхаяам̣ игкад̇ийд̇и бхигку. д̇асса сзкасса бхигкуно уд̇д̇амад̇т̇асса арахад̇д̇асса бад̇д̇ияаа ад̇хиг̇амааяа яат̇аа яонисо манасигааро, звам̣ б̣ахугааро б̣ахуубагааро ан̃н̃о гожи д̇хаммо над̇т̇и. гасмаа? яасмаа яонисо убааязна манасигаарам̣ бурагкад̇ваа бад̣̇ахам̣ жад̇уб̣б̣ид̇хасаммаббад̇хаанавасзна бад̣̇аханд̇о, каяам̣ д̣̇угкасса баабун̣з сам̣гилзсаваддад̣̇угкасса баригкаяам̣ барияосаанам̣ ниб̣б̣аанам̣ баабун̣з ад̇хиг̇ажчзяяа, д̇асмаа яонисо манасигааро б̣ахугаарод̇и.
Yonisomanasikāroti gāthāya ayaṃ saṅkhepattho – sikkhati, sikkhāpadāni tassa atthi, sikkhanasīloti vā sekho. Saṃsāre bhayaṃ ikkhatīti bhikkhu. Tassa sekhassa bhikkhuno uttamatthassa arahattassa pattiyā adhigamāya yathā yoniso manasikāro, evaṃ bahukāro bahūpakāro añño koci dhammo natthi. Kasmā? Yasmā yoniso upāyena manasikāraṃ purakkhatvā padahaṃ catubbidhasammappadhānavasena padahanto, khayaṃ dukkhassa pāpuṇe saṃkilesavaṭṭadukkhassa parikkhayaṃ pariyosānaṃ nibbānaṃ pāpuṇe adhigaccheyya, tasmā yoniso manasikāro bahukāroti.
чадтасуд̇д̇аван̣н̣анаа нидтид̇аа.
Chaṭṭhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 6. батамасзкасуд̇д̇ам̣ • 6. Paṭhamasekhasuttaṃ
