| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૯. પઠમસેખસુત્તવણ્ણના
9. Paṭhamasekhasuttavaṇṇanā
૮૯. નવમે સેખસ્સાતિ સિક્ખકસ્સ સકરણીયસ્સ. પરિહાનાયાતિ ઉપરિગુણેહિ પરિહાનત્થાય. કમ્મારામતાતિ નવકમ્મે રમનકભાવો. ભસ્સારામતાતિ આલાપસલ્લાપે રમનકભાવો. નિદ્દારામતાતિ નિદ્દાયને રમનકભાવો. સઙ્ગણિકારામતાતિ ગણસઙ્ગણિકાય રમનકભાવો. યથાવિમુત્તં ચિત્તં ન પચ્ચવેક્ખતીતિ યથા યં ચિત્તં વિમુત્તં, યે ચ દોસા પહીના, ગુણા ચ પટિલદ્ધા, તે પચ્ચવેક્ખિત્વા ઉપરિગુણપટિલાભાય વાયામં ન કરોતીતિ અત્થો. ઇતિ ઇમસ્મિં સુત્તે સત્તન્નં સેખાનં ઉપરિગુણેહિ પરિહાનિકારણઞ્ચ વુદ્ધિકારણઞ્ચ કથિતં. યઞ્ચ નામ સેખસ્સ પરિહાનકારણં, તં પુથુજ્જનસ્સ પઠમમેવ હોતીતિ.
89. Navame sekhassāti sikkhakassa sakaraṇīyassa. Parihānāyāti upariguṇehi parihānatthāya. Kammārāmatāti navakamme ramanakabhāvo. Bhassārāmatāti ālāpasallāpe ramanakabhāvo. Niddārāmatāti niddāyane ramanakabhāvo. Saṅgaṇikārāmatāti gaṇasaṅgaṇikāya ramanakabhāvo. Yathāvimuttaṃ cittaṃ na paccavekkhatīti yathā yaṃ cittaṃ vimuttaṃ, ye ca dosā pahīnā, guṇā ca paṭiladdhā, te paccavekkhitvā upariguṇapaṭilābhāya vāyāmaṃ na karotīti attho. Iti imasmiṃ sutte sattannaṃ sekhānaṃ upariguṇehi parihānikāraṇañca vuddhikāraṇañca kathitaṃ. Yañca nāma sekhassa parihānakāraṇaṃ, taṃ puthujjanassa paṭhamameva hotīti.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૯. પઠમસેખસુત્તં • 9. Paṭhamasekhasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૯. પઠમસેખસુત્તવણ્ણના • 9. Paṭhamasekhasuttavaṇṇanā
