| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
4. батамасзнаасанасигкаабад̣̇аван̣н̣анаа
4. Paṭhamasenāsanasikkhāpadavaṇṇanā
108. жад̇уд̇т̇асигкаабад̣̇з – хзманд̇игз гаалзд̇и хзманд̇агаалз химабаад̇асамаяз. гааяам̣ од̇аабзнд̇аад̇и ман̃жабийтаад̣̇ийсу нисиннаа б̣аалаад̇абзна гааяам̣ од̇аабзнд̇аа. гаалз аарожид̇зд̇и яааг̇убхад̇д̇аад̣̇ийсу яасса гассажи гаалз аарожид̇з. овадтам̣ ход̇ийд̇и химавассзна овадтам̣ д̇инд̇ам̣ ход̇и.
108. Catutthasikkhāpade – hemantike kāleti hemantakāle himapātasamaye. Kāyaṃ otāpentāti mañcapīṭhādīsu nisinnā bālātapena kāyaṃ otāpentā. Kāle ārociteti yāgubhattādīsu yassa kassaci kāle ārocite. Ovaṭṭhaṃ hotīti himavassena ovaṭṭhaṃ tintaṃ hoti.
110. авассигасан̇гзд̇зд̇и вассигавассаанамаасаад̇и звам̣ абан̃н̃ад̇д̇з жад̇д̇ааро хзманд̇игз жад̇д̇ааро жа г̇имхигз адта маасзд̇и ад̇т̇о. ман̣д̣абз ваад̇и саакааман̣д̣абз ваа бад̣̇араман̣д̣абз ваа. ругкамуулз ваад̇и яасса гассажи ругкасса хздтаа. яад̇т̇а гаагаа ваа гулалаа ваа на уухад̣̇анд̇ийд̇и яад̇т̇а д̇хуваниваасзна гулаавагз гад̇ваа васамаанаа зд̇з гаагагулалаа ваа ан̃н̃з ваа сагунд̇аа д̇ам̣ сзнаасанам̣ на уухад̣̇анд̇и, д̇аад̣̇исз ругкамуулз нигкибид̇ум̣ ануж̇аанаамийд̇и. д̇асмаа яад̇т̇а г̇ожараббасуд̇аа сагунд̇аа виссамид̇ваа г̇ажчанд̇и, д̇асса ругкасса муулз нигкибид̇ум̣ ваддад̇и. яасмим̣ бана д̇хуваниваасзна гулаавагз гад̇ваа васанд̇и, д̇асса ругкасса муулз на нигкибид̇аб̣б̣ам̣. ‘‘адта маасз’’д̇и важанад̇о язсу ж̇анабад̣̇зсу вассагаалз на вассад̇и, д̇зсуби жад̇д̇ааро маасз нигкибид̇ум̣ на ваддад̇иязва. ‘‘авассигасан̇гзд̇з’’д̇и важанад̇о яад̇т̇а хзманд̇з д̣̇зво вассад̇и, д̇ад̇т̇а хзманд̇зби аж̇жхогаасз нигкибид̇ум̣ на ваддад̇и. г̇имхз бана саб̣б̣ад̇т̇а виг̇ад̇авалаахагам̣ висуд̣̇д̇хам̣ набхам̣ ход̇и, зваруубз гаалз гзнажид̣̇зва гаран̣ийязна аж̇жхогаасз ман̃жабийтам̣ нигкибид̇ум̣ ваддад̇и.
110.Avassikasaṅketeti vassikavassānamāsāti evaṃ apaññatte cattāro hemantike cattāro ca gimhike aṭṭha māseti attho. Maṇḍape vāti sākhāmaṇḍape vā padaramaṇḍape vā. Rukkhamūle vāti yassa kassaci rukkhassa heṭṭhā. Yattha kākā vā kulalā vā na ūhadantīti yattha dhuvanivāsena kulāvake katvā vasamānā ete kākakulalā vā aññe vā sakuntā taṃ senāsanaṃ na ūhadanti, tādise rukkhamūle nikkhipituṃ anujānāmīti. Tasmā yattha gocarappasutā sakuntā vissamitvā gacchanti, tassa rukkhassa mūle nikkhipituṃ vaṭṭati. Yasmiṃ pana dhuvanivāsena kulāvake katvā vasanti, tassa rukkhassa mūle na nikkhipitabbaṃ. ‘‘Aṭṭha māse’’ti vacanato yesu janapadesu vassakāle na vassati, tesupi cattāro māse nikkhipituṃ na vaṭṭatiyeva. ‘‘Avassikasaṅkete’’ti vacanato yattha hemante devo vassati, tattha hemantepi ajjhokāse nikkhipituṃ na vaṭṭati. Gimhe pana sabbattha vigatavalāhakaṃ visuddhaṃ nabhaṃ hoti, evarūpe kāle kenacideva karaṇīyena ajjhokāse mañcapīṭhaṃ nikkhipituṃ vaṭṭati.
аб̣бхогаасигзнааби вад̇д̇ам̣ ж̇аанид̇аб̣б̣ам̣, д̇асса хи сажз буг̇г̇алигаман̃жаго ад̇т̇и, д̇ад̇т̇зва саяид̇аб̣б̣ам̣. сан̇гхигам̣ г̇ан̣ханд̇зна взд̇д̇зна ваа ваагзна ваа вийд̇аман̃жаго г̇ахзд̇аб̣б̣о. д̇асмим̣ асад̇и бураан̣аман̃жаго г̇ахзд̇аб̣б̣о. д̇асмимби асад̇и нававааяимо ваа онад̣̇д̇хаго ваа г̇ахзд̇аб̣б̣о. г̇ахзд̇ваа жа бана ‘‘ахам̣ уггадтаругкамуулиго уггадтааб̣бхогаасиго’’д̇и жийварагудимби агад̇ваа асамаяз аж̇жхогаасз ругкамуулз ваа бан̃н̃абзд̇ваа нибаж̇ж̇ид̇ум̣ на ваддад̇и. сажз бана жад̇уг̇г̇ун̣знаби жийварзна гад̇агуди ад̇змзнд̇ам̣ рагкид̇ум̣ на саггод̇и, сад̇д̇аахавад̣̇д̣̇алигаад̣̇ийни бхаванд̇и, бхигкуно гааяаануг̇ад̇игад̇д̇аа ваддад̇и.
Abbhokāsikenāpi vattaṃ jānitabbaṃ, tassa hi sace puggalikamañcako atthi, tattheva sayitabbaṃ. Saṅghikaṃ gaṇhantena vettena vā vākena vā vītamañcako gahetabbo. Tasmiṃ asati purāṇamañcako gahetabbo. Tasmimpi asati navavāyimo vā onaddhako vā gahetabbo. Gahetvā ca pana ‘‘ahaṃ ukkaṭṭharukkhamūliko ukkaṭṭhaabbhokāsiko’’ti cīvarakuṭimpi akatvā asamaye ajjhokāse rukkhamūle vā paññapetvā nipajjituṃ na vaṭṭati. Sace pana catugguṇenapi cīvarena katakuṭi atementaṃ rakkhituṃ na sakkoti, sattāhavaddalikādīni bhavanti, bhikkhuno kāyānugatikattā vaṭṭati.
аран̃н̃з бан̣н̣агудийсу васанд̇аанам̣ сийласамбад̣̇ааяа басаннажид̇д̇аа мануссаа навам̣ ман̃жабийтам̣ д̣̇знд̇и ‘‘сан̇гхигабарибхог̇зна барибхун̃ж̇ат̇аа’’д̇и васид̇ваа г̇ажчанд̇зхи сааманд̇авихаарз сабхааг̇абхигкуунам̣ бзсзд̇ваа г̇анд̇аб̣б̣ам̣, сабхааг̇аанам̣ абхаавз ановассагз нигкибид̇ваа г̇анд̇аб̣б̣ам̣, ановассагз асад̇и ругкз лаг̇г̇зд̇ваа г̇анд̇аб̣б̣ам̣. жзд̇ияан̇г̇ан̣з саммаж̇ж̇аним̣ г̇ахзд̇ваа бхож̇анасаалан̇г̇ан̣ам̣ ваа убосат̇ааг̇ааран̇г̇ан̣ам̣ ваа баривзн̣ад̣̇иваадтаанааг̇г̇исаалаад̣̇ийсу ваа ан̃н̃ад̇арам̣ саммаж̇ж̇ид̇ваа д̇ховид̇ваа буна саммаж̇ж̇аниймаал̣агзязва табзд̇аб̣б̣аа. убосат̇ааг̇аараад̣̇ийсу ан̃н̃ад̇арасмим̣ г̇ахзд̇ваа авасзсаани саммаж̇ж̇анд̇ассааби зсзва наяо.
Araññe paṇṇakuṭīsu vasantānaṃ sīlasampadāya pasannacittā manussā navaṃ mañcapīṭhaṃ denti ‘‘saṅghikaparibhogena paribhuñjathā’’ti vasitvā gacchantehi sāmantavihāre sabhāgabhikkhūnaṃ pesetvā gantabbaṃ, sabhāgānaṃ abhāve anovassake nikkhipitvā gantabbaṃ, anovassake asati rukkhe laggetvā gantabbaṃ. Cetiyaṅgaṇe sammajjaniṃ gahetvā bhojanasālaṅgaṇaṃ vā uposathāgāraṅgaṇaṃ vā pariveṇadivāṭṭhānaaggisālādīsu vā aññataraṃ sammajjitvā dhovitvā puna sammajjanīmāḷakeyeva ṭhapetabbā. Uposathāgārādīsu aññatarasmiṃ gahetvā avasesāni sammajjantassāpi eseva nayo.
яо бана бхигкаажаарамаг̇г̇ам̣ саммаж̇ж̇анд̇ова г̇анд̇угаамо ход̇и, д̇зна саммаж̇ж̇ид̇ваа сажз анд̇араамаг̇г̇з саалаа ад̇т̇и, д̇ад̇т̇а табзд̇аб̣б̣аа. сажз над̇т̇и, валаахагаанам̣ анудтид̇абхаавам̣ саллагкзд̇ваа ‘‘яааваахам̣ г̇аамад̇о нигкамаами, д̇аава на вассиссад̇ий’’д̇и ж̇аананд̇зна яад̇т̇а гад̇т̇ажи нигкибид̇ваа буна бажжааг̇ажчанд̇зна баагад̇игадтаанз табзд̇аб̣б̣аа. сажз вассиссад̇ийд̇и ж̇аананд̇о аж̇жхогаасз табзд̇и, д̣̇уггаданд̇и махаабажжарияам̣ вуд̇д̇ам̣. сажз бана д̇ад̇ра д̇ад̇рзва саммаж̇ж̇анад̇т̇ааяа саммаж̇ж̇аний нигкид̇д̇аа ход̇и, д̇ам̣ д̇ам̣ таанам̣ саммаж̇ж̇ид̇ваа д̇ад̇ра д̇ад̇рзва нигкибид̇ум̣ ваддад̇и. аасанасаалам̣ саммаж̇ж̇анд̇зна вад̇д̇ам̣ ж̇аанид̇аб̣б̣ам̣. д̇ад̇рид̣̇ам̣ вад̇д̇ам̣ – маж̇жхад̇о бадтааяа баад̣̇адтаанаабхимукаа ваалигаа харид̇аб̣б̣аа. гажаварам̣ хад̇т̇зхи г̇ахзд̇ваа б̣ахи чад̣д̣зд̇аб̣б̣ам̣.
Yo pana bhikkhācāramaggaṃ sammajjantova gantukāmo hoti, tena sammajjitvā sace antarāmagge sālā atthi, tattha ṭhapetabbā. Sace natthi, valāhakānaṃ anuṭṭhitabhāvaṃ sallakkhetvā ‘‘yāvāhaṃ gāmato nikkhamāmi, tāva na vassissatī’’ti jānantena yattha katthaci nikkhipitvā puna paccāgacchantena pākatikaṭṭhāne ṭhapetabbā. Sace vassissatīti jānanto ajjhokāse ṭhapeti, dukkaṭanti mahāpaccariyaṃ vuttaṃ. Sace pana tatra tatreva sammajjanatthāya sammajjanī nikkhittā hoti, taṃ taṃ ṭhānaṃ sammajjitvā tatra tatreva nikkhipituṃ vaṭṭati. Āsanasālaṃ sammajjantena vattaṃ jānitabbaṃ. Tatridaṃ vattaṃ – majjhato paṭṭhāya pādaṭṭhānābhimukhā vālikā haritabbā. Kacavaraṃ hatthehi gahetvā bahi chaḍḍetabbaṃ.
111. масаарагод̇и ман̃жабаад̣̇з виж̇жхид̇ваа д̇ад̇т̇а аданияо бавзсзд̇ваа гад̇о. б̣унд̣̇игааб̣ад̣̇д̇ход̇и аданийхи ман̃жабаад̣̇з д̣ам̣саабзд̇ваа баллан̇гасан̇кзбзна гад̇о. гул̣ийрабаад̣̇агод̇и ассамзн̣д̣агаад̣̇ийнам̣ баад̣̇асад̣̇исзхи баад̣̇зхи гад̇о. яо ваа бана гожи ван̇габаад̣̇аго, аяам̣ вужжад̇и гул̣ийрабаад̣̇аго. аахажжабаад̣̇агод̇и аяам̣ бана ‘‘аахажжабаад̣̇аго наама ман̃жо ан̇г̇з виж̇жхид̇ваа гад̇о ход̇ий’’д̇и звам̣ барад̇о баал̣ияам̣язва вуд̇д̇о, д̇асмаа аданияо виж̇жхид̇ваа д̇ад̇т̇а баад̣̇асикам̣ бавзсзд̇ваа убари аан̣им̣ д̣̇ад̇ваа гад̇аман̃жо ‘‘аахажжабаад̣̇аго’’д̇и взд̣̇ид̇аб̣б̣о. бийтзби зсзва наяо. анд̇о сам̣взтзд̇ваа б̣ад̣̇д̇хам̣ ход̇ийд̇и хздтаа жа убари жа вид̇т̇ад̇ам̣ маж̇жхз сан̇кид̇д̇ам̣ бан̣авасан̣таанам̣ гад̇ваа б̣ад̣̇д̇хам̣ ход̇и, д̇ам̣ гира маж̇жхз сийхаб̣яаг̇гхажаммабаригкид̇д̇амби гаронд̇и. агаббияажаммам̣ наамзд̇т̇а над̇т̇и. сзнаасанан̃хи сован̣н̣амаяамби ваддад̇и, д̇асмаа д̇ам̣ махаг̇гхам̣ ход̇и. анубасамбаннам̣ сант̇араабзд̇и д̇асса балиб̣од̇ход̇и язна сант̇араабид̇ам̣, д̇асса балиб̣од̇хо. лзд̣д̣убаад̇ам̣ ад̇иггаманд̇асса аабад̇д̇и баажид̇д̇ияассаад̇и т̇аамамаж̇жхимасса бурисасса лзд̣д̣убаад̇ам̣ ад̇иггаманд̇асса баажид̇д̇ияам̣.
111.Masārakoti mañcapāde vijjhitvā tattha aṭaniyo pavesetvā kato. Bundikābaddhoti aṭanīhi mañcapāde ḍaṃsāpetvā pallaṅkasaṅkhepena kato. Kuḷīrapādakoti assameṇḍakādīnaṃ pādasadisehi pādehi kato. Yo vā pana koci vaṅkapādako, ayaṃ vuccati kuḷīrapādako. Āhaccapādakoti ayaṃ pana ‘‘āhaccapādako nāma mañco aṅge vijjhitvā kato hotī’’ti evaṃ parato pāḷiyaṃyeva vutto, tasmā aṭaniyo vijjhitvā tattha pādasikhaṃ pavesetvā upari āṇiṃ datvā katamañco ‘‘āhaccapādako’’ti veditabbo. Pīṭhepi eseva nayo. Anto saṃveṭhetvā baddhaṃ hotīti heṭṭhā ca upari ca vitthataṃ majjhe saṅkhittaṃ paṇavasaṇṭhānaṃ katvā baddhaṃ hoti, taṃ kira majjhe sīhabyagghacammaparikkhittampi karonti. Akappiyacammaṃ nāmettha natthi. Senāsanañhi sovaṇṇamayampi vaṭṭati, tasmā taṃ mahagghaṃ hoti. Anupasampannaṃ santharāpeti tassa palibodhoti yena santharāpitaṃ, tassa palibodho. Leḍḍupātaṃ atikkamantassa āpatti pācittiyassāti thāmamajjhimassa purisassa leḍḍupātaṃ atikkamantassa pācittiyaṃ.
аяам̣ банзд̇т̇а винижчаяо – т̇зро бхож̇анасаалааяам̣ бхад̇д̇агижжам̣ гад̇ваа д̣̇ахарам̣ аан̣аабзд̇и ‘‘г̇ажча д̣̇иваадтаанз ман̃жабийтам̣ бан̃н̃абзхий’’д̇и. со д̇ат̇аа гад̇ваа нисинно. т̇зро яат̇ааружим̣ вижарид̇ваа д̇ад̇т̇а г̇анд̇ваа т̇авигам̣ ваа уд̇д̇араасан̇г̇ам̣ ваа табзд̇и, д̇ад̇о бадтааяа т̇зрасса балиб̣од̇хо. нисийд̣̇ид̇ваа саяам̣ г̇ажчанд̇о нзва уд̣̇д̇харад̇и, на уд̣̇д̇хараабзд̇и, лзд̣д̣убаад̇аад̇иггамз баажид̇д̇ияам̣. сажз бана т̇зро д̇ад̇т̇а т̇авигам̣ ваа уд̇д̇араасан̇г̇ам̣ ваа адтабзд̇ваа жан̇гаманд̇ова д̣̇ахарам̣ ‘‘г̇ажча д̇ва’’нд̇и бхан̣ад̇и, д̇зна ‘‘ид̣̇ам̣ бханд̇з ман̃жабийта’’нд̇и аажигкид̇аб̣б̣ам̣. сажз т̇зро вад̇д̇ам̣ ж̇аанаад̇и ‘‘д̇вам̣ г̇ажча, ахам̣ баагад̇игам̣ гариссаамий’’д̇и вад̇д̇аб̣б̣ам̣. сажз б̣аало ход̇и ануг̇г̇ахид̇авад̇д̇о ‘‘г̇ажча, маа ид̇ха д̇идта, нзва нисийд̣̇ид̇ум̣ на нибаж̇ж̇ид̇ум̣ д̣̇змий’’д̇и д̣̇ахарам̣ д̇аж̇ж̇зд̇иязва. д̣̇ахарзна ‘‘бханд̇з сукам̣ саяат̇аа’’д̇и габбам̣ лабхид̇ваа ванд̣̇ид̇ваа г̇анд̇аб̣б̣ам̣. д̇асмим̣ г̇ад̇з т̇зрассзва балиб̣од̇хо. буриманаязнзва жасса аабад̇д̇и взд̣̇ид̇аб̣б̣аа.
Ayaṃ panettha vinicchayo – thero bhojanasālāyaṃ bhattakiccaṃ katvā daharaṃ āṇāpeti ‘‘gaccha divāṭṭhāne mañcapīṭhaṃ paññapehī’’ti. So tathā katvā nisinno. Thero yathāruciṃ vicaritvā tattha gantvā thavikaṃ vā uttarāsaṅgaṃ vā ṭhapeti, tato paṭṭhāya therassa palibodho. Nisīditvā sayaṃ gacchanto neva uddharati, na uddharāpeti, leḍḍupātātikkame pācittiyaṃ. Sace pana thero tattha thavikaṃ vā uttarāsaṅgaṃ vā aṭṭhapetvā caṅkamantova daharaṃ ‘‘gaccha tva’’nti bhaṇati, tena ‘‘idaṃ bhante mañcapīṭha’’nti ācikkhitabbaṃ. Sace thero vattaṃ jānāti ‘‘tvaṃ gaccha, ahaṃ pākatikaṃ karissāmī’’ti vattabbaṃ. Sace bālo hoti anuggahitavatto ‘‘gaccha, mā idha tiṭṭha, neva nisīdituṃ na nipajjituṃ demī’’ti daharaṃ tajjetiyeva. Daharena ‘‘bhante sukhaṃ sayathā’’ti kappaṃ labhitvā vanditvā gantabbaṃ. Tasmiṃ gate therasseva palibodho. Purimanayeneva cassa āpatti veditabbā.
ат̇а бана аан̣ад̇д̇игкан̣зязва д̣̇ахаро ‘‘маяхам̣ бханд̇з бхан̣д̣агад̇хованаад̣̇и гин̃жи гаран̣ийяам̣ ад̇т̇ий’’д̇и вад̣̇ад̇и, т̇зро жа нам̣ ‘‘д̇вам̣ бан̃н̃абзд̇ваа г̇ажчаахий’’д̇и вад̇ваа бхож̇анасаалад̇о нигкамид̇ваа ан̃н̃ад̇т̇а г̇ажчад̇и, баад̣̇уд̣̇д̇хаарзна гаарзд̇аб̣б̣о. сажз д̇ад̇т̇зва г̇анд̇ваа нисийд̣̇ад̇и буриманаязнзва жасса лзд̣д̣убаад̇аад̇иггамз аабад̇д̇и. сажз бана т̇зро сааман̣зрам̣ аан̣аабзд̇и , сааман̣зрз д̇ад̇т̇а ман̃жабийтам̣ бан̃н̃абзд̇ваа нисиннзби бхож̇анасаалад̇о ан̃н̃ад̇т̇а г̇ажчанд̇о баад̣̇уд̣̇д̇хаарзна гаарзд̇аб̣б̣о. г̇анд̇ваа нисинно буна г̇аманагаалз лзд̣д̣убаад̇аад̇иггамз аабад̇д̇ияаа гаарзд̇аб̣б̣о. сажз бана аан̣аабзнд̇о ман̃жабийтам̣ бан̃н̃абзд̇ваа д̇ад̇т̇зва нисийд̣̇аад̇и аан̣аабзд̇и, яад̇рижчад̇и д̇ад̇ра г̇анд̇ваа ааг̇анд̇ум̣ лабхад̇и. саяам̣ бана баагад̇игам̣ агад̇ваа г̇ажчанд̇асса лзд̣д̣убаад̇аад̇иггамз баажид̇д̇ияам̣. анд̇арасаннибаад̇з ман̃жабийтаани бан̃н̃абзд̇ваа нисиннзхи г̇аманагаалз аараамигаанам̣ имам̣ бадисаамзт̇аад̇и вад̇д̇аб̣б̣ам̣, авад̇ваа г̇ажчанд̇аанам̣ лзд̣д̣убаад̇аад̇иггамз аабад̇д̇и.
Atha pana āṇattikkhaṇeyeva daharo ‘‘mayhaṃ bhante bhaṇḍakadhovanādi kiñci karaṇīyaṃ atthī’’ti vadati, thero ca naṃ ‘‘tvaṃ paññapetvā gacchāhī’’ti vatvā bhojanasālato nikkhamitvā aññattha gacchati, pāduddhārena kāretabbo. Sace tattheva gantvā nisīdati purimanayeneva cassa leḍḍupātātikkame āpatti. Sace pana thero sāmaṇeraṃ āṇāpeti , sāmaṇere tattha mañcapīṭhaṃ paññapetvā nisinnepi bhojanasālato aññattha gacchanto pāduddhārena kāretabbo. Gantvā nisinno puna gamanakāle leḍḍupātātikkame āpattiyā kāretabbo. Sace pana āṇāpento mañcapīṭhaṃ paññapetvā tattheva nisīdāti āṇāpeti, yatricchati tatra gantvā āgantuṃ labhati. Sayaṃ pana pākatikaṃ akatvā gacchantassa leḍḍupātātikkame pācittiyaṃ. Antarasannipāte mañcapīṭhāni paññapetvā nisinnehi gamanakāle ārāmikānaṃ imaṃ paṭisāmethāti vattabbaṃ, avatvā gacchantānaṃ leḍḍupātātikkame āpatti.
махаад̇хаммасаванам̣ наама ход̇и д̇ад̇т̇а убосат̇ааг̇аарад̇оби бхож̇анасаалад̇оби аахарид̇ваа ман̃жабийтаани бан̃н̃абзнд̇и. ааваасигаанам̣язва балиб̣од̇хо. сажз ааг̇анд̇угаа ‘‘ид̣̇ам̣ амхаагам̣ убаж̇жхааяасса ид̣̇ам̣ аажарияассаа’’д̇и г̇ан̣ханд̇и, д̇ад̇о бадтааяа д̇зсам̣язва балиб̣од̇хо. г̇аманагаалз баагад̇игам̣ агад̇ваа лзд̣д̣убаад̇ам̣ ад̇иггаманд̇аанам̣ аабад̇д̇и. махаабажжарияам̣ буна вуд̇д̇ам̣ – ‘‘яаава ан̃н̃з на нисийд̣̇анд̇и, д̇аава язхи бан̃н̃ад̇д̇ам̣, д̇зсам̣ бхааро. ан̃н̃зсу ааг̇анд̇ваа нисиннзсу нисиннагаанам̣ бхааро. сажз д̇з ануд̣̇д̇харид̇ваа ваа ануд̣̇д̇хараабзд̇ваа ваа г̇ажчанд̇и, д̣̇уггадам̣. гасмаа? анаан̣ад̇д̇ияаа бан̃н̃абид̇ад̇д̇аа’’д̇и. д̇хаммаасанз бан̃н̃ад̇д̇з яаава уссаараго ваа д̇хаммагат̇иго ваа нааг̇ажчад̇и, д̇аава бан̃н̃аабагаанам̣ балиб̣од̇хо, д̇асмим̣ ааг̇анд̇ваа нисиннз д̇асса балиб̣од̇хо. сагалам̣ ахорад̇д̇ам̣ д̇хаммасаванам̣ ход̇и, ан̃н̃о уссаараго ваа д̇хаммагат̇иго ваа удтахад̇и, ан̃н̃о нисийд̣̇ад̇и, яо яо ааг̇анд̇ваа нисийд̣̇ад̇и, д̇асса д̇асса бхааро. удтаханд̇зна бана ‘‘ид̣̇амаасанам̣ д̇умхаагам̣ бхааро’’д̇и вад̇ваа г̇анд̇аб̣б̣ам̣. сажзби ид̇арасмим̣ анааг̇ад̇зязва батамам̣ нисинно удтааяа г̇ажчад̇и, д̇асмин̃жа анд̇оубажаарадтзязва ид̇аро ааг̇анд̇ваа нисийд̣̇ад̇и, удтааяа г̇ад̇о аабад̇д̇ияаа на гаарзд̇аб̣б̣о. сажз бана ид̇арасмим̣ анааг̇ад̇зязва батамам̣ нисинно удтааяаасанаа лзд̣д̣убаад̇ам̣ ад̇иггамад̇и, аабад̇д̇ияаа гаарзд̇аб̣б̣о. саб̣б̣ад̇т̇а жа ‘‘лзд̣д̣убаад̇аад̇иггамз батамабаад̣̇з д̣̇уггадам̣, д̣̇уд̇ияз баажид̇д̇ияа’’нд̇и аяам̣ наяо махаабажжарияам̣ вуд̇д̇о.
Mahādhammasavanaṃ nāma hoti tattha uposathāgāratopi bhojanasālatopi āharitvā mañcapīṭhāni paññapenti. Āvāsikānaṃyeva palibodho. Sace āgantukā ‘‘idaṃ amhākaṃ upajjhāyassa idaṃ ācariyassā’’ti gaṇhanti, tato paṭṭhāya tesaṃyeva palibodho. Gamanakāle pākatikaṃ akatvā leḍḍupātaṃ atikkamantānaṃ āpatti. Mahāpaccariyaṃ puna vuttaṃ – ‘‘yāva aññe na nisīdanti, tāva yehi paññattaṃ, tesaṃ bhāro. Aññesu āgantvā nisinnesu nisinnakānaṃ bhāro. Sace te anuddharitvā vā anuddharāpetvā vā gacchanti, dukkaṭaṃ. Kasmā? Anāṇattiyā paññapitattā’’ti. Dhammāsane paññatte yāva ussārako vā dhammakathiko vā nāgacchati, tāva paññāpakānaṃ palibodho, tasmiṃ āgantvā nisinne tassa palibodho. Sakalaṃ ahorattaṃ dhammasavanaṃ hoti, añño ussārako vā dhammakathiko vā uṭṭhahati, añño nisīdati, yo yo āgantvā nisīdati, tassa tassa bhāro. Uṭṭhahantena pana ‘‘idamāsanaṃ tumhākaṃ bhāro’’ti vatvā gantabbaṃ. Sacepi itarasmiṃ anāgateyeva paṭhamaṃ nisinno uṭṭhāya gacchati, tasmiñca antoupacāraṭṭheyeva itaro āgantvā nisīdati, uṭṭhāya gato āpattiyā na kāretabbo. Sace pana itarasmiṃ anāgateyeva paṭhamaṃ nisinno uṭṭhāyāsanā leḍḍupātaṃ atikkamati, āpattiyā kāretabbo. Sabbattha ca ‘‘leḍḍupātātikkame paṭhamapāde dukkaṭaṃ, dutiye pācittiya’’nti ayaṃ nayo mahāpaccariyaṃ vutto.
112. жимилигам̣ ваад̇иаад̣̇ийсу жимилигаа наама суд̇хаад̣̇ибаригаммагад̇ааяа бхуумияаа ван̣н̣аанурагкан̣ад̇т̇ам̣ гад̇аа ход̇и , д̇ам̣ хздтаа бад̇т̇арид̇ваа убари гадасаарагам̣ бад̇т̇аранд̇и. уд̇д̇арад̇т̇аран̣ам̣ наама ман̃жабийтаанам̣ убари ад̇т̇арид̇аб̣б̣агам̣ бажжад̇т̇аран̣ам̣. бхуумад̇т̇аран̣ам̣ наама бхуумияам̣ ад̇т̇арид̇аб̣б̣аа гадасаарагаад̣̇ивигад̇и. д̇аддигам̣ наама д̇аалабан̣н̣зхи ваа ваагзхи ваа гад̇ад̇аддигаа. жаммакан̣д̣о наама сийхаб̣яаг̇гхад̣̇ийбид̇аражчажаммаад̣̇ийсуби яам̣гин̃жи жаммам̣. адтагат̇аасу хи сзнаасанабарибхог̇з бадигкид̇д̇ажаммам̣ наама на д̣̇иссад̇и, д̇асмаа сийхажаммаад̣̇ийнам̣ барихаран̣зязва бадигкзбо взд̣̇ид̇аб̣б̣о. баад̣̇абун̃чаний наама раж̇ж̇угзхи ваа билод̇игаахи ваа баад̣̇абун̃чанад̇т̇ам̣ гад̇аа. палагабийтам̣ наама палагамаяам̣ бийтам̣. ат̇а ваа палаган̃жзва д̣̇аарумаяабийтан̃жа; зд̇зна саб̣б̣амби д̣̇аарубхан̣д̣аад̣̇и сан̇г̇ахид̇ам̣. махаабажжарияам̣ бана вид̇т̇аарзнзва вуд̇д̇ам̣ – ‘‘аад̇хаарагам̣ бад̇д̇абид̇хаанам̣ баад̣̇агат̇алигам̣ д̇аалаван̣дам̣ б̣ийж̇анийбад̇д̇агам̣ яам̣гин̃жи д̣̇аарубхан̣д̣ам̣ анд̇амасо баанийяаул̣ун̇гам̣ баанийяасан̇кам̣ аж̇жхогаасз нигкибид̇ваа г̇ажчанд̇асса д̣̇уггада’’нд̇и. махааадтагат̇ааяам̣ бана зса наяо д̣̇уд̇ияасигкаабад̣̇з д̣̇ассид̇о. аж̇жхогаасз раж̇анам̣ бажид̇ваа раж̇анабхааж̇анам̣ раж̇анаул̣ун̇го раж̇анад̣̇он̣игаад̇и саб̣б̣ам̣ аг̇г̇исаалааяа бадисаамзд̇аб̣б̣ам̣. сажз аг̇г̇исаалаа над̇т̇и, ановассагз баб̣бхаарз нигкибид̇аб̣б̣ам̣. д̇асмимби асад̇и яад̇т̇а ологзнд̇аа бхигкуу бассанд̇и, д̇аад̣̇исз таанз табзд̇вааби г̇анд̇ум̣ ваддад̇и.
112.Cimilikaṃ vātiādīsu cimilikā nāma sudhādiparikammakatāya bhūmiyā vaṇṇānurakkhaṇatthaṃ katā hoti , taṃ heṭṭhā pattharitvā upari kaṭasārakaṃ pattharanti. Uttarattharaṇaṃ nāma mañcapīṭhānaṃ upari attharitabbakaṃ paccattharaṇaṃ. Bhūmattharaṇaṃ nāma bhūmiyaṃ attharitabbā kaṭasārakādivikati. Taṭṭikaṃ nāma tālapaṇṇehi vā vākehi vā katataṭṭikā. Cammakhaṇḍo nāma sīhabyagghadīpitaracchacammādīsupi yaṃkiñci cammaṃ. Aṭṭhakathāsu hi senāsanaparibhoge paṭikkhittacammaṃ nāma na dissati, tasmā sīhacammādīnaṃ pariharaṇeyeva paṭikkhepo veditabbo. Pādapuñchanī nāma rajjukehi vā pilotikāhi vā pādapuñchanatthaṃ katā. Phalakapīṭhaṃ nāma phalakamayaṃ pīṭhaṃ. Atha vā phalakañceva dārumayapīṭhañca; etena sabbampi dārubhaṇḍādi saṅgahitaṃ. Mahāpaccariyaṃ pana vitthāreneva vuttaṃ – ‘‘ādhārakaṃ pattapidhānaṃ pādakathalikaṃ tālavaṇṭaṃ bījanīpattakaṃ yaṃkiñci dārubhaṇḍaṃ antamaso pānīyauḷuṅkaṃ pānīyasaṅkhaṃ ajjhokāse nikkhipitvā gacchantassa dukkaṭa’’nti. Mahāaṭṭhakathāyaṃ pana esa nayo dutiyasikkhāpade dassito. Ajjhokāse rajanaṃ pacitvā rajanabhājanaṃ rajanauḷuṅko rajanadoṇikāti sabbaṃ aggisālāya paṭisāmetabbaṃ. Sace aggisālā natthi, anovassake pabbhāre nikkhipitabbaṃ. Tasmimpi asati yattha olokentā bhikkhū passanti, tādise ṭhāne ṭhapetvāpi gantuṃ vaṭṭati.
ан̃н̃асса буг̇г̇алигзд̇и яасмим̣ виссаасаг̇г̇аахо на рухад̇и, д̇асса санд̇агз д̣̇уггадам̣. яасмим̣ бана виссаасо рухад̇и, д̇асса санд̇агам̣ ад̇д̇ано буг̇г̇алигамива ход̇ийд̇и махаабажжарияаад̣̇ийсу вуд̇д̇ам̣.
Aññassapuggaliketi yasmiṃ vissāsaggāho na ruhati, tassa santake dukkaṭaṃ. Yasmiṃ pana vissāso ruhati, tassa santakaṃ attano puggalikamiva hotīti mahāpaccariyādīsu vuttaṃ.
113. аабужчам̣ г̇ажчад̇ийд̇и яо бхигку ваа сааман̣зро ваа аараамиго ваа лаж̇ж̇ий ход̇и, ад̇д̇ано балиб̣од̇хам̣ вияа ман̃н̃ад̇и, яо д̇ат̇ааруубам̣ аабужчид̇ваа г̇ажчад̇и, д̇асса анаабад̇д̇и. од̇аабзнд̇о г̇ажчад̇ийд̇и аад̇абз од̇аабзнд̇о ааг̇анд̇ваа уд̣̇д̇хариссаамийд̇и г̇ажчад̇и; звам̣ г̇ажчад̇о анаабад̇д̇и. гзнажи балиб̣уд̣̇д̇хам̣ ход̇ийд̇и сзнаасанам̣ гзнажи убад̣̇д̣̇уд̇ам̣ ход̇ийд̇и ад̇т̇о. сажзби хи вуд̣дхад̇аро бхигку удтаабзд̇ваа г̇ан̣хаад̇и, сажзби яагко ваа бзд̇о ваа ааг̇анд̇ваа нисийд̣̇ад̇и, гожи ваа иссаро ааг̇анд̇ваа г̇ан̣хаад̇и, сзнаасанам̣ балиб̣уд̣̇д̇хам̣ ход̇и, сийхаб̣яаг̇гхаад̣̇ийсу ваа бана д̇ам̣ бад̣̇зсам̣ ааг̇анд̇ваа тид̇зсуби сзнаасанам̣ балиб̣уд̣̇д̇хам̣ ход̇иязва. звам̣ гзнажи балиб̣уд̣̇д̇хз ануд̣̇д̇харид̇вааби г̇ажчад̇о анаабад̇д̇и. аабад̣̇аасууд̇и ж̇ийвид̇аб̣рахмажарияанд̇арааязсу. сзсам̣ уд̇д̇аанамзваад̇и.
113.Āpucchaṃ gacchatīti yo bhikkhu vā sāmaṇero vā ārāmiko vā lajjī hoti, attano palibodhaṃ viya maññati, yo tathārūpaṃ āpucchitvā gacchati, tassa anāpatti. Otāpento gacchatīti ātape otāpento āgantvā uddharissāmīti gacchati; evaṃ gacchato anāpatti. Kenaci palibuddhaṃ hotīti senāsanaṃ kenaci upaddutaṃ hotīti attho. Sacepi hi vuḍḍhataro bhikkhu uṭṭhāpetvā gaṇhāti, sacepi yakkho vā peto vā āgantvā nisīdati, koci vā issaro āgantvā gaṇhāti, senāsanaṃ palibuddhaṃ hoti, sīhabyagghādīsu vā pana taṃ padesaṃ āgantvā ṭhitesupi senāsanaṃ palibuddhaṃ hotiyeva. Evaṃ kenaci palibuddhe anuddharitvāpi gacchato anāpatti. Āpadāsūti jīvitabrahmacariyantarāyesu. Sesaṃ uttānamevāti.
гат̇инасамудтаанам̣ – гааяаваажад̇о гааяаваажаажид̇д̇ад̇о жа самудтаад̇и, гирияаагирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Kathinasamuṭṭhānaṃ – kāyavācato kāyavācācittato ca samuṭṭhāti, kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
батамасзнаасанасигкаабад̣̇ам̣ жад̇уд̇т̇ам̣.
Paṭhamasenāsanasikkhāpadaṃ catutthaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. батамасзнаасанасигкаабад̣̇ам̣ • 4. Paṭhamasenāsanasikkhāpadaṃ
