| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
6. аараамаваг̇г̇о
6. Ārāmavaggo
1. батамасигкаабад̣̇ам̣
1. Paṭhamasikkhāpadaṃ
1021. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна самб̣ахулаа бхигкуу г̇аамагааваасз згажийвараа жийварагаммам̣ гаронд̇и. бхигкунияо анаабужчаа аараамам̣ бависид̇ваа язна д̇з бхигкуу д̇знубасан̇гамим̣су. бхигкуу уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо анаабужчаа аараамам̣ бависиссанд̇ий’’д̇и…бз… сажжам̣ гира, бхигкавз, бхигкунияо анаабужчаа аараамам̣ бависанд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо анаабужчаа аараамам̣ бависиссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1021. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulā bhikkhū gāmakāvāse ekacīvarā cīvarakammaṃ karonti. Bhikkhuniyo anāpucchā ārāmaṃ pavisitvā yena te bhikkhū tenupasaṅkamiṃsu. Bhikkhū ujjhāyanti khiyyanti vipācenti – ‘‘kathañhi nāma bhikkhuniyo anāpucchā ārāmaṃ pavisissantī’’ti…pe… saccaṃ kira, bhikkhave, bhikkhuniyo anāpucchā ārāmaṃ pavisantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo anāpucchā ārāmaṃ pavisissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
‘‘яаа бана бхигкуний анаабужчаа аараамам̣ бависзяяа, баажид̇д̇ияа’’нд̇и.
‘‘Yā pana bhikkhunī anāpucchā ārāmaṃ paviseyya, pācittiya’’nti.
зван̃жид̣̇ам̣ бхаг̇авад̇аа бхигкунийнам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhunīnaṃ sikkhāpadaṃ paññattaṃ hoti.
1022. д̇зна ко бана самаязна д̇з бхигкуу д̇амхаа ааваасаа баггамим̣су. бхигкунияо – ‘‘аяяаа багганд̇аа’’д̇и, аараамам̣ нааг̇амам̣су. ат̇а ко д̇з бхигкуу бунад̣̇зва д̇ам̣ ааваасам̣ бажжааг̇ажчим̣су. бхигкунияо – ‘‘аяяаа ааг̇ад̇аа’’д̇и, аабужчаа аараамам̣ бависид̇ваа язна д̇з бхигкуу д̇знубасан̇гамим̣су; убасан̇гамид̇ваа д̇з бхигкуу абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко д̇аа бхигкунияо д̇з бхигкуу зд̇ад̣̇авожум̣ – ‘‘гисса д̇умхз, бхаг̇инияо, аараамам̣ нзва саммаж̇ж̇ид̇т̇а на баанийяам̣ барибхож̇анийяам̣ убадтаабид̇т̇аад̇и? бхаг̇авад̇аа, аяяаа, сигкаабад̣̇ам̣ бан̃н̃ад̇д̇ам̣ 1 ход̇и – ‘‘на анаабужчаа аараамо бависид̇аб̣б̣о’’д̇и. д̇зна маяам̣ на ааг̇амимхаа’’д̇и. бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, санд̇ам̣ бхигкум̣ аабужчаа аараамам̣ бависид̇ум̣. зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1022. Tena kho pana samayena te bhikkhū tamhā āvāsā pakkamiṃsu. Bhikkhuniyo – ‘‘ayyā pakkantā’’ti, ārāmaṃ nāgamaṃsu. Atha kho te bhikkhū punadeva taṃ āvāsaṃ paccāgacchiṃsu. Bhikkhuniyo – ‘‘ayyā āgatā’’ti, āpucchā ārāmaṃ pavisitvā yena te bhikkhū tenupasaṅkamiṃsu; upasaṅkamitvā te bhikkhū abhivādetvā ekamantaṃ aṭṭhaṃsu. Ekamantaṃ ṭhitā kho tā bhikkhuniyo te bhikkhū etadavocuṃ – ‘‘kissa tumhe, bhaginiyo, ārāmaṃ neva sammajjittha na pānīyaṃ paribhojanīyaṃ upaṭṭhāpitthāti? Bhagavatā, ayyā, sikkhāpadaṃ paññattaṃ 2 hoti – ‘‘na anāpucchā ārāmo pavisitabbo’’ti. Tena mayaṃ na āgamimhā’’ti. Bhagavato etamatthaṃ ārocesuṃ…pe… anujānāmi, bhikkhave, santaṃ bhikkhuṃ āpucchā ārāmaṃ pavisituṃ. Evañca pana, bhikkhave, bhikkhuniyo imaṃ sikkhāpadaṃ uddisantu –
‘‘яаа бана бхигкуний санд̇ам̣ бхигкум̣ анаабужчаа аараамам̣ бависзяяа, баажид̇д̇ияа’’нд̇и.
‘‘Yā pana bhikkhunī santaṃ bhikkhuṃ anāpucchā ārāmaṃ paviseyya, pācittiya’’nti.
зван̃жид̣̇ам̣ бхаг̇авад̇аа бхигкунийнам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhunīnaṃ sikkhāpadaṃ paññattaṃ hoti.
1023. д̇зна ко бана самаязна д̇з бхигкуу д̇амхаа ааваасаа баггамид̇ваа бунад̣̇зва д̇ам̣ ааваасам̣ бажжааг̇ажчим̣су. бхигкунияо – ‘‘аяяаа багганд̇аа’’д̇и анаабужчаа аараамам̣ бависим̣су. д̇аасам̣ гуггужжам̣ ахоси – ‘‘бхаг̇авад̇аа сигкаабад̣̇ам̣ бан̃н̃ад̇д̇ам̣ – ‘на санд̇ам̣ бхигкум̣ анаабужчаа аараамо бависид̇аб̣б̣о’д̇и. маяан̃жамхаа санд̇ам̣ бхигкум̣ анаабужчаа аараамам̣ бависимхаа. гажжи ну ко маяам̣ баажид̇д̇ияам̣ аабад̇д̇им̣ аабаннаа’’д̇и…бз… бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1023. Tena kho pana samayena te bhikkhū tamhā āvāsā pakkamitvā punadeva taṃ āvāsaṃ paccāgacchiṃsu. Bhikkhuniyo – ‘‘ayyā pakkantā’’ti anāpucchā ārāmaṃ pavisiṃsu. Tāsaṃ kukkuccaṃ ahosi – ‘‘bhagavatā sikkhāpadaṃ paññattaṃ – ‘na santaṃ bhikkhuṃ anāpucchā ārāmo pavisitabbo’ti. Mayañcamhā santaṃ bhikkhuṃ anāpucchā ārāmaṃ pavisimhā. Kacci nu kho mayaṃ pācittiyaṃ āpattiṃ āpannā’’ti…pe… bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1024. ‘‘яаа бана бхигкуний ж̇аанам̣ сабхигкугам̣ аараамам̣ анаабужчаа бависзяяа, баажид̇д̇ияа’’нд̇и.
1024.‘‘Yā pana bhikkhunī jānaṃ sabhikkhukaṃ ārāmaṃ anāpucchā paviseyya, pācittiya’’nti.
1025. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1025.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ж̇аанаад̇и наама саамам̣ ваа ж̇аанаад̇и, ан̃н̃з ваа д̇ассаа аарожзнд̇и, д̇з ваа аарожзнд̇и.
Jānāti nāma sāmaṃ vā jānāti, aññe vā tassā ārocenti, te vā ārocenti.
сабхигкуго наама аараамо яад̇т̇а бхигкуу ругкамуулзби васанд̇и.
Sabhikkhuko nāma ārāmo yattha bhikkhū rukkhamūlepi vasanti.
анаабужчаа аараамам̣ бависзяяаад̇и бхигкум̣ ваа сааман̣зрам̣ ваа аараамигам̣ ваа анаабужчаа баригкид̇д̇асса аараамасса баригкзбам̣ ад̇иггаамзнд̇ияаа аабад̇д̇и баажид̇д̇ияасса. абаригкид̇д̇асса аараамасса убажаарам̣ оггаманд̇ияаа аабад̇д̇и баажид̇д̇ияасса.
Anāpucchā ārāmaṃ paviseyyāti bhikkhuṃ vā sāmaṇeraṃ vā ārāmikaṃ vā anāpucchā parikkhittassa ārāmassa parikkhepaṃ atikkāmentiyā āpatti pācittiyassa. Aparikkhittassa ārāmassa upacāraṃ okkamantiyā āpatti pācittiyassa.
1026. сабхигкугз сабхигкугасан̃н̃аа санд̇ам̣ бхигкум̣ анаабужчаа аараамам̣ бависад̇и, аабад̇д̇и баажид̇д̇ияасса. сабхигкугз взмад̇игаа санд̇ам̣ бхигкум̣ анаабужчаа аараамам̣ бависад̇и, аабад̇д̇и д̣̇уггадасса. сабхигкугз абхигкугасан̃н̃аа санд̇ам̣ бхигкум̣ анаабужчаа аараамам̣ бависад̇и, анаабад̇д̇и.
1026. Sabhikkhuke sabhikkhukasaññā santaṃ bhikkhuṃ anāpucchā ārāmaṃ pavisati, āpatti pācittiyassa. Sabhikkhuke vematikā santaṃ bhikkhuṃ anāpucchā ārāmaṃ pavisati, āpatti dukkaṭassa. Sabhikkhuke abhikkhukasaññā santaṃ bhikkhuṃ anāpucchā ārāmaṃ pavisati, anāpatti.
абхигкугз сабхигкугасан̃н̃аа, аабад̇д̇и д̣̇уггадасса. абхигкугз взмад̇игаа, аабад̇д̇и д̣̇уггадасса. абхигкугз абхигкугасан̃н̃аа, анаабад̇д̇и.
Abhikkhuke sabhikkhukasaññā, āpatti dukkaṭassa. Abhikkhuke vematikā, āpatti dukkaṭassa. Abhikkhuke abhikkhukasaññā, anāpatti.
1027. анаабад̇д̇и санд̇ам̣ бхигкум̣ аабужчаа бависад̇и, асанд̇ам̣ бхигкум̣ анаабужчаа бависад̇и, сийсаанулогигаа г̇ажчад̇и, яад̇т̇а бхигкунияо саннибад̇ид̇аа хонд̇и д̇ад̇т̇а г̇ажчад̇и, аараамзна маг̇г̇о ход̇и, г̇илаанааяа, аабад̣̇аасу, уммад̇д̇игааяа, аад̣̇игаммигааяаад̇и.
1027. Anāpatti santaṃ bhikkhuṃ āpucchā pavisati, asantaṃ bhikkhuṃ anāpucchā pavisati, sīsānulokikā gacchati, yattha bhikkhuniyo sannipatitā honti tattha gacchati, ārāmena maggo hoti, gilānāya, āpadāsu, ummattikāya, ādikammikāyāti.
батамасигкаабад̣̇ам̣ нидтид̇ам̣.
Paṭhamasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 1. батамасигкаабад̣̇аван̣н̣анаа • 1. Paṭhamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. жид̇д̇ааг̇аараваг̇г̇аван̣н̣анаа • 5. Cittāgāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. аараамаваг̇г̇аван̣н̣анаа • 6. Ārāmavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамасигкаабад̣̇а-ад̇т̇аяож̇анаа • 1. Paṭhamasikkhāpada-atthayojanā
