| Library / Tipiṭaka / તિપિટક • Tipiṭaka / ભિક્ખુનીવિભઙ્ગ-અટ્ઠકથા • Bhikkhunīvibhaṅga-aṭṭhakathā |
૬. આરામવગ્ગો
6. Ārāmavaggo
૧. પઠમસિક્ખાપદવણ્ણના
1. Paṭhamasikkhāpadavaṇṇanā
૧૦૨૫. આરામવગ્ગસ્સ પઠમસિક્ખાપદે – પરિક્ખેપં અતિક્કામેન્તિયા, ઉપચારં ઓક્કમન્તિયાતિ એત્થ પઠમપાદે દુક્કટં, દુતિયપાદે પાચિત્તિયં.
1025. Ārāmavaggassa paṭhamasikkhāpade – parikkhepaṃ atikkāmentiyā, upacāraṃ okkamantiyāti ettha paṭhamapāde dukkaṭaṃ, dutiyapāde pācittiyaṃ.
૧૦૨૭. સીસાનુલોકિકાતિ પઠમં પવિસન્તીનં ભિક્ખુનીનં સીસં અનુલોકેન્તી પવિસતિ, અનાપત્તિ. યત્થ ભિક્ખુનિયોતિ યત્થ ભિક્ખુનિયો પઠમતરં પવિસિત્વા સજ્ઝાયચેતિયવન્દનાદીનિ કરોન્તિ, તત્થ તાસં સન્તિકં ગચ્છામીતિ ગન્તું વટ્ટતિ. આપદાસૂતિ કેનચિ ઉપદ્દુતા હોતિ, એવરૂપાસુ આપદાસુ પવિસિતું વટ્ટતિ. સેસં ઉત્તાનમેવ.
1027.Sīsānulokikāti paṭhamaṃ pavisantīnaṃ bhikkhunīnaṃ sīsaṃ anulokentī pavisati, anāpatti. Yattha bhikkhuniyoti yattha bhikkhuniyo paṭhamataraṃ pavisitvā sajjhāyacetiyavandanādīni karonti, tattha tāsaṃ santikaṃ gacchāmīti gantuṃ vaṭṭati. Āpadāsūti kenaci upaddutā hoti, evarūpāsu āpadāsu pavisituṃ vaṭṭati. Sesaṃ uttānameva.
ધુરનિક્ખેપસમુટ્ઠાનં – કિરિયાકિરિયં, સઞ્ઞાવિમોક્ખં, સચિત્તકં, પણ્ણત્તિવજ્જં, કાયકમ્મં, વચીકમ્મં, તિચિત્તં, તિવેદનન્તિ.
Dhuranikkhepasamuṭṭhānaṃ – kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
પઠમસિક્ખાપદં.
Paṭhamasikkhāpadaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ભિક્ખુનીવિભઙ્ગ • Bhikkhunīvibhaṅga / ૧. પઠમસિક્ખાપદં • 1. Paṭhamasikkhāpadaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૧. પઠમાદિસિક્ખાપદવણ્ણના • 1. Paṭhamādisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧. પઠમસિક્ખાપદ-અત્થયોજના • 1. Paṭhamasikkhāpada-atthayojanā
